5	GEN 1:5	À tↄ́ kpà gupuraanɛ fãantɛ̃, gusiaa sↄ̃ gwãavĩ. Guu sì guu dↄ̀, à gurↄ káakun gwe.
14	GEN 1:14	Ben Luda bè: Pↄ́ gupurinↄ gↄ̃ kú musu aↄ̃gↄ̃ fãantɛ̃ kɛ̃ɛkↄ̃a kↄ̃n gwãavĩo, aↄ̃gↄ̃ wɛ̃̀ sèedanↄ kↄ̃n gurↄↄnↄ kↄ̃n wɛ̃̀nↄ ↄdↄańnɛ.
16	GEN 1:16	À pↄ́ gupuri ìsinↄ kɛ̀ mɛ̀n plaa, à kɛ̀ gbãaa ègↄ̃ kí blee fãantɛ̃, à kɛ̀ busɛ ègↄ̃ kí blee gwãavĩ. À sↄsↄnɛnↄ kɛ̀ dↄ.
18	GEN 1:18	aↄ̃gↄ̃ kí blee fãantɛ̃ kↄ̃n gwãavĩo, aↄ̃gↄ̃ gupura kɛ̃ɛkↄ̃a kↄ̃n gusiaao. Ben à è à kɛ̀ maa.
39	GEN 2:8	Dii Luda swadako dìɛ ↄfãntɛ̃bↄɛ kpa kɛ̀ wè be Ɛdɛni, ben à gↄ̃gbɛ̃ kɛ̀ à kɛ̀ pì dà gwe.
45	GEN 2:14	À ↄnɛ aagↄ̃de tↄ́n Tigiri, à dↄ̀rↄ tà Asiria bùsu ↄfãntɛ̃bↄɛ kpa. Swaa pì ↄnɛ siigↄ̃de tↄ́n Yuflati.
47	GEN 2:16	Ben à yã dìɛnɛ à bè: Nɛ́ fↄ̃ ǹ dàko pì lí píngi bɛɛ ble,
57	GEN 3:1	Mlɛ̃̀ bé à mↄnafiki vĩ dɛ pↄ́ kɛ̀ Dii Ludaa kɛ̀nↄla píngi, ben à nↄgbɛ̃ là à bè: Luda bè àton dàko pì lí ke bɛɛ blenloo?
58	GEN 3:2	Ben nↄgbɛ̃ wè mlɛ̃̀ pìla à bè: Wé fↄ̃ wà dàko pì líbɛɛ ble,
80	GEN 3:24	Kɛ̀ Dii Luda pɛ̀a, ben à kɛrubunↄ kàɛ Ɛdɛni dàko ↄfãntɛ̃bↄɛ kpa, lɛ aↄ̃gↄ̃ lí wɛ̃̀ndide zɛ́ dãkpaa kↄ̃n fɛ̃ɛdaa kɛ̀ èe tɛ́ kɛɛ èe liɛliɛɛo.
85	GEN 4:5	Kaini sↄ̃ yã e ká Diinɛro, ben èe à gba síro. Ben Kaini pↄ fɛ̃̀ maamaa à uu yàkↄ̃tɛ.
86	GEN 4:6	Ben Dii bè Kaininɛ: Bↄ́yãnzi n pↄ fɛ̃̀zi? À kɛ̀ dia n uu yàkↄ̃tɛɛ?
88	GEN 4:8	Ben Kaini bè a dãaro Abilanɛ: Wà gá sɛ̃̀n. Kɛ̀ aↄ̃ kà gwe, ben à fɛ̀ɛ a dãarozi à à dɛ̀.
93	GEN 4:13	Ben Kaini bè Diinɛ: Ĩadamma beee gbãa dɛmala, mɛ́ fↄ̃ro.
96	GEN 4:16	Ben Kaini dà zɛ́n à kɛ̃̀ Diia. À gàa à vɛ̃̀ɛ Nↄdu bùsun Ɛdɛni ↄfãntɛ̃bↄɛ kpa.
138	GEN 5:32	Kɛ̀ Nuu kà wɛ̃̀ wàa plaa kpɛ́ basↄↄro, à Sɛmu kↄ̃n Hamuo kↄ̃n Yafɛtio ì.
148	GEN 6:10	Nuu nɛ́gↄ̃gbɛ̃nↄ ì gↄ̃ↄn aagↄ̃, Sɛmu kↄ̃n Hamuo kↄ̃n Yafɛtio.
154	GEN 6:16	Ǹ góro pì musu pápa, gbasa ǹ guforoo tótó à dagura gwe gã̀sãsuu doodo zaa à musu kpa. Ǹ gbà da góro pì kpado ǹ góro pì kɛ didikↄ̃ana lɛo aagↄ̃.
164	GEN 7:4	Zaakɛ gurↄ swɛɛplaaa gbɛra mɛ́ tó lou ma tↄↄtɛa ai gurↄ baplaa fãantɛ̃ kↄ̃n gwãavĩo, lɛ mà pↄ́ wɛ̃̀ndidee kɛ̀ má kɛ̀nↄ waa tↄↄtɛa píngi.
171	GEN 7:11	Nuu wɛ̃̀ wàa aagↄ̃dee guu à mↄ plaade gurↄ gɛ̃ro awɛɛplaadee zĩ, ben í kɛ̀ kú tↄↄtɛ gĩzĩnↄ pũ̀tã píngi, ben ludambɛ fòonↄ fↄ̃̀.
172	GEN 7:12	Lou mà ai gurↄ baplaa fãantɛ̃ kↄ̃n gwãavĩo.
173	GEN 7:13	Zĩ beeean Nuu gɛ̃̀ góro guu kↄ̃n a nɛ́nↄ Sɛmu kↄ̃n Hamuo kↄ̃n Yafɛtio kↄ̃n api naↄ̃o kↄ̃n a nɛ́nↄ naↄ̃ↄnↄ gↄ̃ↄn aagↄ̃,
178	GEN 7:18	Í fɛ̀ɛ à kàara maamaa à dà tↄↄtɛla, ben góro pì fù íla.
180	GEN 7:20	Í fɛ̀ɛ à dà kpiii pìnↄla ai gã̀sãsuu gɛ̃ro.
186	GEN 8:2	Í kɛ̀ kú tↄↄtɛ gĩzĩnↄ kↄ̃n ludambɛ fòonↄ tàta, ben lou kɛ̃̀.
201	GEN 8:17	Ǹ pↄ́ wɛ̃̀ndidee kɛ̀ aↄ̃ↄ kúnyonↄ bↄɛ píngi, bãanↄ kↄ̃n nↄ̀bↄnↄ kↄ̃n pↄ́taa'onkusɛanↄ píngi, lɛ aↄ̃ fãakↄ̃a tↄↄtɛa aↄ̃gↄ̃ nɛ́ ii aↄ̃gↄ̃ kaara anduna guu.
206	GEN 8:22	Ai anduna gá àgↄ̃ kuuo pↄ́tↄ̃na kↄ̃n pↄ́kɛkɛnao, ĩa kↄ̃n guwãaao, buusiɛ kↄ̃n kwɛɛo, fãantɛ̃ kↄ̃n gwãavĩo, aↄ̃ ke é yãaro.
219	GEN 9:13	Mɛ́ ludambɛfɛ̃ɛdaa bↄ loua ma bà kuuna kↄ̃n andunao sèeda ũ.
220	GEN 9:14	Tó má tò lou sìsi ludambɛfɛ̃ɛdaa bↄ̀a,
222	GEN 9:16	Tó ma ludambɛfɛ̃ɛdaa è loua, ma bà kuuna kↄ̃n pↄ́ wɛ̃̀ndide bori píngio ai gurↄ píngi yã é dↄmagumɛ.
224	GEN 9:18	Nuu nɛ́ kɛ̀ aↄ̃ bↄ̀ɛ góro guunↄ tↄ́n yɛ̀: Sɛmu, Hamu, Yafɛti. Hamun Kanaa de ũ.
228	GEN 9:22	Kɛ̀ Kanaa de Hamu a de bũukɛɛ è, à bↄ̀ à gàa à ò Sɛmunɛ kↄ̃n Yafɛtio.
229	GEN 9:23	Ben Sɛmu kↄ̃n Yafɛtio utadaa sɛ̀ aↄ̃ kà ń gã̀n ń plaa aↄ̃ táa ò kↄ̃n kpɛɛo. Ń aɛ dↄna gu pãndea lɛ aↄ̃ton ń de bũukɛɛ ero yãnzi, aↄ̃ gàa wà kù ń de bũukɛɛla.
230	GEN 9:24	Kɛ̀ wɛ̃ɛ kɛ̃̀ Nuua à fɛ̀ɛ, à mà lán a nɛ́ zãa kɛ̀are nà,
233	GEN 9:27	Luda kaarana kɛ Yafɛtinɛ, Yafɛtinↄ ń baka e Sɛmunↄ aubarika guu, Kanaanↄ égↄ̃ dɛ Yafɛtinↄ zↄ̀nↄ ũ.
236	GEN 10:1	Nuu nɛ́gↄ̃gbɛ̃nↄ Sɛmu kↄ̃n Hamuo kↄ̃n Yafɛtio kↄ̃n ń nɛ́gↄ̃gbɛ̃ kɛ̀ aↄ̃ ì í dana andunalaa gbɛraanↄ yãn yɛ̀.
237	GEN 10:2	Yafɛti nɛ́gↄ̃gbɛ̃nↄ tↄ́n yɛ̀: Goma, Magↄgu, Midia, Girisi, Tubala, Mɛsɛki kↄ̃n Tirasao.
238	GEN 10:3	Goma nɛ́gↄ̃gbɛ̃nↄ tↄ́n yɛ̀: Asakɛnaza, Rifa, Tↄgama.
244	GEN 10:9	Tofe sàmɛ Dii aɛzĩ. À yã bé à tò wè be: Lán Nimlↄdu dɛ tofe sà ũ Dii aɛzĩ nà.
248	GEN 10:13	Igipiti boriinↄn yɛ̀: Ludunↄ, Anamunↄ, Lɛabanↄ, Nafatunↄ,
256	GEN 10:21	Yafɛti dãaro Sɛmu borii kɛ̀ dↄ. Àmbe Eberunↄ dezi káaku ũ.
261	GEN 10:26	Yↄkↄtã nɛ́gↄ̃gbɛ̃nↄ tↄ́n yɛ̀: Alamↄdada, Sɛlɛfi, Azamavɛ, Yera,
264	GEN 10:29	Ofi, Avila kↄ̃n Yobabuo. Yↄkↄtã nɛ́gↄ̃gbɛ̃nↄn gwe píngi.
265	GEN 10:30	Bↄna Mɛsa gana Sefa kↄ̃n kpiii kɛ̀ kú ↄfãntɛ̃bↄɛ kpaanↄ, àmbe ń bùsu ũ.
269	GEN 11:2	Lán gbɛ̃nↄↄ e sↄ̃ki kpákpaa ↄfãntɛ̃bↄɛ kpa nà, kɛ̀ aↄ̃ kà Babilↄnia bùsu gusararaan, ben aↄ̃ vɛ̃̀ɛ gwe.
271	GEN 11:4	Ben aↄ̃ bè: Wà wɛ́tɛdaa káɛ wà kpɛ́didikↄ̃ana bo à mìsↄ̃ntɛ̃ zↄ̃ ludambɛɛa. Wà wa zĩnda tↄ́ bↄ lɛ wàtongↄ̃ fãakↄ̃ana doodo anduna guuro yãnzi.
275	GEN 11:8	Ben Dii ń fãakↄ̃a gwe doodo anduna guu píngi, ben aↄ̃ ń wɛ́tɛda kaɛna tò.
276	GEN 11:9	Beee yãnzin wà tↄ́ kpà wɛ́tɛ pìnɛ Babɛli, zaakɛ gwen Dii tò anduna bori píngi yã bↄ̀n. Zaa gwemɛ à ń fãakↄ̃a anduna guu píngi.
307	GEN 12:8	Kɛ̀ à fɛ̀ɛ gwe, à mì pɛ̀ kpiii kɛ̀ kú Bɛtɛli ↄfãntɛ̃bↄɛ kpaanↄa, ben à bùra kàɛ gwe, Bɛtɛli kú ↄfãntɛ̃gɛ̃kpɛn kpa, Ai kú ↄfãntɛ̃bↄɛ kpa. À Dii gbãgbãkii bò gwe dↄ, ben à à sìsi.
325	GEN 13:6	Aↄ̃ pↄ́kãdeenↄↄ pari, guu pì sɛ̃̀ e mↄ́ḿma ń píngiro. Beee yãnzin aↄ̃é fↄ̃ wàgↄ̃ kú gu dↄ̃nkↄ̃a lɛdo dↄro.
330	GEN 13:11	Ben Lutu Yoda guzurɛ sɛ̀ píngi. Aↄ̃ kɛ̃̀kↄ̃a, ben Lutu dà zɛ́n à tà ↄfãntɛ̃bↄɛ kpa.
333	GEN 13:14	Lutu tana gbɛra Dii bè Abramunɛ: Guu kɛ̀ ń zɛ́n ǹ wɛ́ɛ sɛ́ ǹ gu'igbãro kↄ̃n sↄↄmɛtɛo kↄ̃n ↄfãntɛ̃bↄɛo kↄ̃n ↄfãntɛ̃gɛ̃kpɛn-o gwa.
335	GEN 13:16	Mɛ́ tó n boriinↄ kɛ pari lán bùsu'ãatɛ̃ bà. Tó gbɛ̃ke é fↄ̃ à bùsu'ãatɛ̃ naro, ɛ̃ndɛ̃ eé fↄ̃ à n boriinↄ naro.
336	GEN 13:17	Ǹ fɛɛ ǹ liga bùsu pìzi ǹ à gbã̀a kↄ̃n à yàasao gwa, zaakɛ má kpàmmamɛ.
337	GEN 13:18	Abramu fɛ̀ɛ à gàa à vɛ̃̀ɛ Mamare gbíi lí kɛ̀ kú Ɛblↄnunↄ saɛ, ben à Dii gbãgbãkii bò gwe.
338	GEN 14:1	Zĩkea Babilↄnia bùsu kí Amarafɛli kↄ̃n Ɛlasa bùsu kí Ariↄkio kↄ̃n Elamu bùsu kí Kɛdↄlaomao kↄ̃n Goyimu bùsu kí Tidalao
342	GEN 14:5	À wɛ̃̀ gɛ̃ro dosaidee guun Kɛdↄlaoma kↄ̃n kína kɛ̀ aↄ̃ↄ kúonↄ mↄ̀ wà zĩ̀ blè Rɛfaimunↄa zaa Asɛtɛro Kanaimu, aↄ̃ zĩ̀ blè Zuzinↄa zaa Hamu, aↄ̃ zĩ̀ blè Ɛminↄa zaa Save Kiriataimu,
345	GEN 14:8	Ben Sↄdↄmu kína kↄ̃n Gↄmↄra kínao kↄ̃n Adama kínao kↄ̃n Zeboimu kínao kↄ̃n Bɛla kɛ̀ wè be tia Zoa kínao fɛ̀ɛ wà gàa wà zĩ̀ káńyo Sidimu guzurɛn.
366	GEN 15:5	Ben à bↄ̀o bàazi à bè: Ǹ musu gwa ǹ sↄsↄnɛnↄ naro, tó nɛ́ fↄ̃. Lɛmɛ n boriinↄ égↄ̃ dɛ lɛ.
373	GEN 15:12	Kɛ̀ ↄfãntɛ̃ e gɛ̃ɛ kpɛ́n, i bíta Abramu kũ̀, ben gusia bíta vĩadee dààla.
376	GEN 15:15	Mmↄn sↄ̃, nɛ́gↄ̃ aafiamɛ ai ǹ gá zi kũo gbasa ǹ ká n dezinↄla wà n vĩi.
378	GEN 15:17	Kɛ̀ ↄfãntɛ̃ gɛ̃̀ kpɛ́n, guu sì, ben Abramu è kĩi kɛ̀ èe tɛ́sukpɛ bↄↄ kↄ̃n sɛ̃̀tɛo e gɛ̃ɛ nↄ̀bↄ kɛ̀ à pàrapara pìnↄ dagura.
379	GEN 15:18	Zĩ beeean Dii bè a bà égↄ̃ kú kↄ̃n Abramuo à bè: Mɛ́ bùsu kɛ̀kii kpá n boriinↄa zaa Igipiti gulɛzɛki swaa ai swadaa kɛ̀ wè be Yuflati,
381	GEN 15:20	kↄ̃n Itinↄ kↄ̃n Pɛrizinↄ kↄ̃n Rɛfaimunↄ
392	GEN 16:10	Mɛ́ n borii kaara aↄ̃gↄ̃ pari, weé fↄ̃ wà ń lɛ́ dↄ̃ro.
412	GEN 17:14	Weé gɛfↄↄdee bↄ a gbɛ̃nↄ tɛ́, zaakɛ gbɛ̃ kɛ̀ èe bã̀ngu kɛro yã kɛ̀ má dìɛare kũnaro.
426	GEN 18:1	Dii bↄ̀ à mↄ̀ Ibraĩzi Mamare gbíi línↄ saɛ. Ibraĩ vɛ̃ɛna a bisakuta kpɛɛlɛ fãantɛ̃.
427	GEN 18:2	Kɛ̀ à wɛ́ɛ sɛ̀ musu, à gↄ̃ↄn aagↄ̃ↄ è zɛna. Kɛ̀ à ń é lɛ, ben à fɛ̀ɛ kpɛɛlɛa kↄ̃n bào à gàa à dàńlɛ à dàɛńnɛ a puua
430	GEN 18:5	Lán a bↄɛ ma bɛɛ kpa nà, mɛ́ mↄ́are pↄ́bleeo féte lɛ à gbãaa e, gbasa à da zɛ́n. Ben aↄ̃ bè: Tↄ̀, ǹ kɛ lán ń ò nà.
431	GEN 18:6	Ben à gàa Sara kiia kutaan à bè: Ǹ flawa kↄ zaka lɛ́ aagↄ̃ ǹ burɛdi kɛ kpakpaa.
433	GEN 18:8	Ben Ibraĩ zwifãani kↄ̃n zwi'ipuo kↄ̃n zù kɛ̀ wà kɛ̀kɛ pìo sɛ̀ à gàa à dìɛńnɛ. Gurↄↄ kɛ̀ aↄ̃ↄe pↄ́ blee, àpi zɛ ń saɛ lí gbáru gwe.
438	GEN 18:13	Ben Dii Ibraĩ là à bè: À kɛ̀ dia Sara yáa dↄ̀? À bè amↄ kɛ̀ a zi kũ̀ é fↄ̃ à nɛ́ i dↄↄ́?
441	GEN 18:16	Kɛ̀ gbɛ̃ pìnↄ fɛ̀ɛ, Ibraĩ gàa à zɛńnɛ, ben aↄ̃ Sↄdↄmu kpaa gwà.
452	GEN 18:27	Ben Ibraĩ ɛ̀ara à bè dↄ: Mamↄma kɛ̀ má dɛ bùsuti kↄ̃n túbuo ũ, ǹ gaafaa kɛmɛ mà yã onnɛ, Dii.
455	GEN 18:30	Ben à bè: Dii, n yã nna! Ǹton pↄ fɛ̃ro, má yezi mà yã o dↄ. Tó gbɛ̃ maaanↄ kà baaakuri sↄ̃ nɛ́? À wèàla à bè: Tó ma gbɛ̃ maaanↄ è aↄ̃ kà gↄ̃ↄn baaakuri, mɛ́ yãke kɛro.
456	GEN 18:31	Ben à bè: Ǹ gaafaa kɛmɛ dↄ Dii, mà yã onnɛ. Tó gbɛ̃ maaanↄ kà gↄ̃ↄn baroo sↄ̃ nɛ́? À wèàla à bè: Mɛ́ wɛ́tɛ pì kaatɛro gↄ̃ↄn baroo pìnↄ yãnzi.
457	GEN 18:32	Ben à bè: Dii, ǹton pↄ fɛ̃ro, yã kɛ̀kii baasi mɛ́ yã o dↄro. Tó gbɛ̃ maaanↄ kà gↄ̃ↄn kuri sↄ̃ nɛ́? À wèàla à bè: Mɛ́ wɛ́tɛ pì kaatɛro gↄ̃ↄn kuri pìnↄ yãnzi.
459	GEN 19:1	Kɛ̀ malaika gↄ̃ↄn plaaa pìnↄ kà Sↄdↄmu uusiɛ, Lutu vɛ̃ɛna Sↄdↄmu bĩi kpɛɛlɛ. Kɛ̀ à ń é, à fɛ̀ɛ à gàa à dàńlɛ à kùɛńnɛ à dàɛ a puua
469	GEN 19:11	Aↄ̃ↄ tò vĩ̀a gbɛ̃ kɛ̀ aↄ̃ↄ kú kpɛɛlɛnↄ kũ̀ ń píngi nɛ́ féte gbɛ̃nsi, ben aↄ̃ↄe kpɛ́ gbà wɛtɛɛ ai aↄ̃ kpàsa.
472	GEN 19:14	Lutu bↄ̀ à gàa à ò a nɛ́nↄ anzurenↄnɛ à bè: À fɛɛ wà bↄɛ, zaakɛ Dii é wɛ́tɛ kɛ̀ pì kaatɛ tiamɛ. Ben aↄ̃ↄe daa èe fàadi boomɛ.
473	GEN 19:15	Kɛ̀ guu dↄ̀ malaika pìnↄ nàkↄ̃rɛ Lutua wà bè: Ǹ fɛɛ ǹ n naↄ̃ kↄ̃n n nɛ́nↄgbɛ̃ gↄ̃ↄn plaaa kɛ̀nↄ sɛ́ɛ ǹ bↄɛńyo kɛ̀, lɛ ǹton ga wɛ́tɛ pì kaatɛna guuro yãnzi.
477	GEN 19:19	Mamↄma n zↄ̀bleri ma n pↄnnaa è, n gbɛ̃kɛɛ kɛ̀mɛ maamaa, n ma mì sì. Mↄde mɛ́ fↄ̃ mà bàa lɛ́ mà kpiii pìnↄ kii lero. Ai màgↄ̃ gá ká gwe, kaatɛna pì é ma le mà ga.
478	GEN 19:20	Ǹ lakutu ke gwa kãaa. Lán à kĩi nà, mɛ́ fↄ̃ mà bàa lɛ́ mà gá gwe. Lakutu nɛ́ngomɛ sↄ̃. Ǹ tó mà bàa sí mà tá gwe, mɛ́gↄ̃ aafia. Asa à nɛ́ngoroo?
481	GEN 19:23	Kɛ̀ Lutu Zoa lè, ↄfãntɛ̃ e fɛɛɛ,
482	GEN 19:24	ben Dii tò tɛ́ kↄ̃n ↄfãntɛ̃gbↄ̃o bↄ̀ musu à kà Sↄdↄmu kↄ̃n Gↄmↄraola.
485	GEN 19:27	Kɛ̀ guu dↄ̀, Ibraĩ fɛ̀ɛ kↄngↄ idɛ'idɛ, à gàa guu kɛ̀ à kún yã kↄ̃n Diio pìn.
486	GEN 19:28	Kɛ̀ à Sↄdↄmu kↄ̃n Gↄmↄrao kpaa gwà kↄ̃n guzurɛ pìo píngi, à è tɛ́sukpɛ e fɛɛɛ tↄↄtɛ lán mↄ̀datɛ tɛ́sukpɛ bà.