1	GEN 1:1	À káaku Luda musu kↄ̃n tↄↄtɛo kɛ̀.
5	GEN 1:5	À tↄ́ kpà gupuraanɛ fãantɛ̃, gusiaa sↄ̃ gwãavĩ. Guu sì guu dↄ̀, à gurↄ káakun gwe.
11	GEN 1:11	Ben Luda bè: Lánↄ bↄɛ tↄↄtɛ kↄ̃n sɛ̃̀ wɛ́ɛdeenↄ kↄ̃n lí nɛ́deenↄ, baade kↄ̃n a boriio. Ben à kɛ̀ lɛ,
12	GEN 1:12	lánↄ bↄ̀ɛ tↄↄtɛ kↄ̃n sɛ̃̀ wɛ́ɛdeenↄ kↄ̃n lí nɛ́deenↄ, baade kↄ̃n a boriio. Ben Ludaa è à kɛ̀ maa.
28	GEN 1:28	À aubarika dàńgu à bèńnɛ: Àgↄ̃ nɛ́ ii àgↄ̃ kↄ̃ↄ à anduna pa àgↄ̃ gbãaa bleea. Àgↄ̃ kí blee kpↄ̀nↄa kↄ̃n bãanↄ kↄ̃n pↄ́ wɛ̃̀ndidee kɛ̀ aↄ̃è táa o tↄↄtɛanↄ píngi.
30	GEN 1:30	Ma sɛ̃̀nↄ kↄ̃n lánↄ kpà pↄ́ wɛ̃̀ndideenↄa píngi ń pↄ́blee ũ, nↄ̀bↄnↄ kↄ̃n bãanↄ kↄ̃n pↄ́taa'onkusɛanↄ píngi. Ben à kɛ̀ lɛ.
31	GEN 1:31	Luda pↄ́ kɛ̀ à kɛ̀nↄ è píngi, à kɛ̀ maa wásawasa. Guu sì guu dↄ̀, à gurↄ swɛɛdodeen gwe.
33	GEN 2:2	Ai à gurↄ swɛɛplaadee zĩ gↄ̃ ká, à zĩi kɛ̀ èe kɛɛ pì yã̀a. À gurↄ swɛɛplaadee pìn à kámma bò kↄ̃n zĩi kɛ̀ à kɛ̀nↄ píngi.
34	GEN 2:3	Ben à aubarika dà gurↄ swɛɛplaadee pìn à dìɛ a pↄ́ ũ, kɛ̀ zĩ beeen à kámma bò kↄ̃n zĩi kɛ̀ à kɛ̀nↄ píngi yãnzi.
37	GEN 2:6	Sukaa bé è kpá andunala, ben è mↄdↄ pisi tↄↄtɛa píngi.
42	GEN 2:11	À káaku tↄ́n Pisↄ̃, àmbe à liga Avila bùsuzi píngi. Vura kú bùsu pì guu,
50	GEN 2:19	Ben Dii Luda bùsu kↄ̀ à nↄ̀bↄnↄ kɛ̀o píngi kↄ̃n bãanↄ píngi, ben à mↄ̀ńyo gↄ̃gbɛ̃ pì kiia lɛ à e dian eé tↄ́ kpáńnɛ nà. Tↄ́ kɛ̀ gↄ̃gbɛ̃ pì kpà pↄ́ wɛ̃̀ndidee pìnↄnɛ píngi gↄ̃̀ ń tↄ́ ũ.
54	GEN 2:23	Ben gↄ̃gbɛ̃ pì bè: Kɛ̀ki wá bↄ̀ ma wá guumɛ, à mɛ̀ sↄ̃ bↄ̀ ma mɛ̀ guumɛ. Weé à sísi nↄgbɛ̃, kɛ̀ Luda à bↄ̀ gↄ̃gbɛ̃ guu yãnzi.
61	GEN 3:5	Zaakɛ Ludaa dↄ̃ kɛ̀ tó á blè, a wɛ́ɛ é kɛ̃ é gↄ̃ lán a bà, égↄ̃ à maaa dↄ̃ kↄ̃n à zaaao.
63	GEN 3:7	Aↄ̃ plaa ń píngi wɛ́ɛ kɛ̃̀, ben aↄ̃ↄ dↄ̃̀ sa kɛ̀ aↄ̃ↄ kú bũu. Ben aↄ̃ gooda lá nàbi wà nàńzi.
64	GEN 3:8	Kɛ̀ gↄ̃gbɛ̃ kↄ̃n a naↄ̃o Dii Luda kĩi mà èe táa oo dàko pì guu uusiɛ, ben aↄ̃ ùtɛnɛ dàko pì lán.
65	GEN 3:9	Ben Dii Luda lɛ́ zù gↄ̃gbɛ̃zi à bè: Ń kú mámɛ?
66	GEN 3:10	À wèàla à bè: Kɛ̀ ma n kĩi mà, ben vĩa ma kũ kɛ̀ má kú bũu yãnzi, ben ma utɛ.
68	GEN 3:12	À wèàla à bè: Nↄgbɛ̃ kɛ̀ ń kpàma àgↄ̃ kúmao bé à lí pì bɛɛ kpàma má blè.
69	GEN 3:13	Ben Dii Luda nↄgbɛ̃ là à bè: Bↄ́yãnzi ń kɛ̀ lɛzi? À wèàla à bè: Mlɛ̃̀ bé à ma kɛkɛ, ben má blè.
70	GEN 3:14	Ben Dii Luda bè mlɛ̃̀nɛ: Kɛ̀ ń kɛ̀ lɛ, nɛ́gↄ̃ dɛ láari pↄ́ ũ pↄ́kãdeenↄ kↄ̃n nↄ̀bↄsɛ̃tɛnↄ tɛ́ píngi, n gbɛɛɛn nɛ́gↄ̃ gáɛɛ, bùsutin nɛ́gↄ̃ blee ai n wɛ̃̀ndi lɛ́n.
71	GEN 3:15	Mɛ́ íbɛtɛ da mpi kↄ̃n nↄgbɛ̃o dagura, n bori kↄ̃n à boriio dagura. À borii é n mì wí, nɛ́ à gbátoge kɛ̃nna.
73	GEN 3:17	Ben à bè gↄ̃gbɛ̃nɛ: Lán n n naↄ̃ yã mà nà, lí kɛ̀ ma ginnɛ ǹ à bɛɛ blee ń blè, tↄↄtɛ gↄ̃̀ láari pↄ́ ũ n yãnzi, ↄsi kↄ̃n ↄsiion nɛ́gↄ̃ pↄ́blee en ai n wɛ̃̀ndi lɛ́n.
74	GEN 3:18	Eé lɛ̀nↄ kↄ̃n lá ũkãdeenↄ bↄɛnnɛ, gbasa ǹ bura pↄ́nↄ ble.
77	GEN 3:21	Dii Luda báa uta kɛ̀ Adamunɛ kↄ̃n à naↄ̃o, ben à dàńnɛ.
78	GEN 3:22	Ben à bè: Gbɛ̃ntee à maa kↄ̃n à zaaao dↄ̃̀ sa, à gↄ̃̀ lán wa bà. Wé gínɛ à lí wɛ̃̀ndide bɛɛ wo à ble, lɛ àtongↄ̃ kuu gurↄ píngiro yãnzi.
84	GEN 4:4	Abila sↄ̃ mↄ̀ kↄ̃n a sãnɛ káaku mɛ̀kpanao. Abila yã kà Diinɛ, ben à à gbaa sì.
85	GEN 4:5	Kaini sↄ̃ yã e ká Diinɛro, ben èe à gba síro. Ben Kaini pↄ fɛ̃̀ maamaa à uu yàkↄ̃tɛ.
88	GEN 4:8	Ben Kaini bè a dãaro Abilanɛ: Wà gá sɛ̃̀n. Kɛ̀ aↄ̃ kà gwe, ben à fɛ̀ɛ a dãarozi à à dɛ̀.
89	GEN 4:9	Dii Kaini là à bè: Mán n dãaro Abila kún? À wèàla à bè: Má dↄ̃ro. Ma dãaro dãkparin ma ũↄ́?
91	GEN 4:11	Tia sa nɛ́gↄ̃ láari pↄ́ ũmɛ, nɛ́gↄ̃ zã̀ kↄ̃n tↄↄtɛ kɛ̀ n dãaro aru mì n ↄzĩo.
92	GEN 4:12	Tó n bú bà, tↄↄtɛ é àre kɛnnɛro. Nɛ́gↄ̃ sↄ̃ki kpákpaa ǹgↄ̃ likↄ̃aa zↄ̃ↄ anduna guu.
94	GEN 4:14	Nɛ́ɛ pɛɛma tↄↄtɛ kɛ̀a gbã̀amɛ sa. Mɛ́ kɛ̃kↄ̃anyo sa. Mɛ́gↄ̃ sↄ̃ki kpákpaa màgↄ̃ likↄ̃aa zↄ̃ↄ anduna guu, gbɛ̃ kɛ̀ kpàkũmao é ma dɛ.
100	GEN 4:20	Ada Yabala ì. Àmbe pↄ́dãri kɛ̀ aↄ̃ègↄ̃ kú bisakutaa guunↄ dezi káaku ũ.
101	GEN 4:21	À dãaro tↄ́n Yubala. Àmbe mↄrↄlɛrinↄ kↄ̃n kurepɛrinↄ dezi káaku ũ.
103	GEN 4:23	Ben Lamɛki bè a naↄ̃ↄnↄnɛ: Ada kↄ̃n Zilao, à ma yã ma, ma naↄ̃nↄ, à swã kpá ma yãzi. Gbɛ̃ke ma kɛ̃nna, ben ma à dɛ̀, gↄ̃kparɛ pì ma lɛmɛ, ben ma à kàatɛ.
107	GEN 5:1	Adamu boriinↄ yãn yɛ̀. Gurↄↄ kɛ̀ Luda gbɛ̃nteenↄ kɛ̀, à ń kɛ́ lán a bàmɛ.
128	GEN 5:22	À gbɛra à táa ò kↄ̃n Ludao ai wɛ̃̀ wàa do kpɛ́ basↄↄro à nɛ́ pãndenↄ ì dↄ gↄ̃gbɛ̃nↄ kↄ̃n nↄgbɛ̃nↄo.
130	GEN 5:24	À táa ò kↄ̃n Ludao, ben wà kòrazi, kɛ̀ Luda à sɛ̀ bↄna anduna guu yãnzi.
135	GEN 5:29	À tↄ́ kpànɛ Nuu à bè: Gbɛ̃ beee bé eé wa làakari kpáɛwe zĩ gbãaa kɛ̀ wée kɛ yãnzi. Wée zĩ gbãaa pì kɛɛ Dii láarikɛna tↄↄtɛnɛ yãnzimɛ.
142	GEN 6:4	Gbɛ̃ gbã̀anↄↄ kú anduna guu gurↄ beeea kↄ̃n gurↄ beee gbɛraao dↄ, gurↄↄ kɛ̀ Luda nɛ́ pìnↄ gbɛ̃ntee nɛ́nↄgbɛ̃nↄ dↄ̃̀ nↄgbɛ̃nↄ ũ, ben aↄ̃ nɛ́nↄ ìńyo. Aↄ̃ nɛ́ pìnↄn gↄ̃sagbãaa kɛ̀ aↄ̃ tↄ́ bↄ̀ zaa káakunↄ ũ.
145	GEN 6:7	ben à bè: Mɛ́ gbɛ̃ntee kɛ̀ má kɛ̀ tↄↄtɛa waa, gbɛ̃nteenↄ kↄ̃n nↄ̀bↄnↄ kↄ̃n pↄ́taa'onkusɛanↄ kↄ̃n bãanↄo, zaakɛ ma nↄ̀sɛ yàka ń kɛna yã musu.
147	GEN 6:9	Nuu boriinↄ yãn yɛ̀. Nuu nɛ́ gbɛ̃ maaamɛ. Kɛ̀ à kuu, à mɛ̀n doo bé à taari vĩro, à táa ò kↄ̃n Ludao.
153	GEN 6:15	Nɛ́ góro pì kɛ lán kɛ̀ bà. À gbã̀aa gã̀sãsuu wàa do kpɛ́ basↄↄro, à yàasa gã̀sãsuu baplaa akuri, à lezĩ sↄ̃ gã̀sãsuu baaakuri.
154	GEN 6:16	Ǹ góro pì musu pápa, gbasa ǹ guforoo tótó à dagura gwe gã̀sãsuu doodo zaa à musu kpa. Ǹ gbà da góro pì kpado ǹ góro pì kɛ didikↄ̃ana lɛo aagↄ̃.
164	GEN 7:4	Zaakɛ gurↄ swɛɛplaaa gbɛra mɛ́ tó lou ma tↄↄtɛa ai gurↄ baplaa fãantɛ̃ kↄ̃n gwãavĩo, lɛ mà pↄ́ wɛ̃̀ndidee kɛ̀ má kɛ̀nↄ waa tↄↄtɛa píngi.
169	GEN 7:9	mↄ̀ Nuu kiia góro guu mɛ̀n plaplaa da kↄ̃n à kyào lán Ludaa ònɛ nà.
176	GEN 7:16	Pↄ́ wɛ̃̀ndideenↄ bori píngi gɛ̃̀ da kↄ̃n à kyào lán Ludaa dìɛnɛ nà. Ben Dii gbà tàtańlɛ.
179	GEN 7:19	Í kàara à dà tↄↄtɛla láe à dà kpii lezĩ kɛ̀ kú anduna guunↄla míↄmiↄ.
181	GEN 7:21	Pↄ́ wɛ̃̀ndidee kɛ̀ aↄ̃è táa o tↄↄtɛanↄ gàga píngi, bãanↄ kↄ̃n pↄ́kãdeenↄ kↄ̃n nↄ̀bↄsɛ̃tɛnↄ kↄ̃n pↄ́taa'onkusɛanↄ kↄ̃n gbɛ̃nteenↄ ń píngi.
189	GEN 8:5	Í pì e lagoo ai mↄ kuridee guu. Mↄ kuridee pì gurↄ káaku zĩ kpiiinↄ mìsↄ̃ntɛ̃nↄ bↄ̀bↄ.
194	GEN 8:10	À kámma bò ai gurↄ swɛɛplaa, ben à ɛ̀ara à pↄ̃tɛ̃ɛ gbàrɛ dↄ.
195	GEN 8:11	Pↄ̃tɛ̃ɛ pì lìara à sù à kiia uusiɛ à kù lá kàso à kpá a lɛ́zĩ. Ben Nuu dↄ̃ kɛ í làgo tↄↄtɛa.
196	GEN 8:12	À kámma bò gurↄ swɛɛplaa dↄ, ben à ɛ̀ara à pↄ̃tɛ̃ɛ pì gbàrɛ, èe liara à sù à kiia dↄro.
197	GEN 8:13	Nuu wɛ̃̀ wàa aagↄ̃ awɛɛdodee guu à mↄ káaku gurↄ káaku zĩ, í bàba tↄↄtɛa, ben à góro pì musu gò. Kɛ̀ à guu gwà, à è í yã̀a tↄↄtɛa.
203	GEN 8:19	Nↄ̀bↄnↄ píngi kↄ̃n pↄ́taa'onkusɛanↄ píngi kↄ̃n bãanↄ píngi kↄ̃n pↄ́ kɛ̀ aↄ̃è táa o tↄↄtɛanↄ píngi bↄ̀ɛ góro guu bori kↄ̃n boriio.
204	GEN 8:20	Ben Nuu Dii gbãgbãkii bò. À nↄ̀bↄ kↄ̃n bãa kɛ̀ wè saa oonↄ kũ̀, ben à sa'opↄ kɛ̀ wè ká tɛ́n à tɛ́ kũ òa.
205	GEN 8:21	Kɛ̀ Dii à gũu mà, à kɛ̀nɛ nna, ben à laasuu lɛ̀ à bè: Mɛ́ ɛara mà láari zĩ tↄↄtɛa gbɛ̃ntee yãnzi dↄro, zaakɛ gbɛ̃ntee laasuu ègↄ̃ zaa zaa à ↄ̀wazikɛgurↄmɛ. Mɛ́ ɛara mà pↄ́ wɛ̃̀ndideenↄ kaatɛ lán má kɛ̀ nà dↄro.
206	GEN 8:22	Ai anduna gá àgↄ̃ kuuo pↄ́tↄ̃na kↄ̃n pↄ́kɛkɛnao, ĩa kↄ̃n guwãaao, buusiɛ kↄ̃n kwɛɛo, fãantɛ̃ kↄ̃n gwãavĩo, aↄ̃ ke é yãaro.
208	GEN 9:2	Nↄ̀bↄnↄ kↄ̃n bãanↄ kↄ̃n pↄ́taa'onkusɛanↄ kↄ̃n kpↄ̀nↄ égↄ̃ a vĩa vĩ píngi. Ma ń náare a ↄzĩ.
209	GEN 9:3	Pↄ́ kɛ̀ aↄ̃è táa oonↄ píngi égↄ̃ dɛ a pↄ́blee ũ. Ma ń kpáawa píngi lán ma blɛɛ kɛ̀ è bↄɛ tↄↄtɛanↄ kpàawa nà yã.
210	GEN 9:4	Mↄde àton nↄ̀bↄ kɛ̀ wèe à kòto kpáro sóro, zaakɛ à arun à wɛ̃̀ndi ũ.
220	GEN 9:14	Tó má tò lou sìsi ludambɛfɛ̃ɛdaa bↄ̀a,
221	GEN 9:15	lán ma bà kúao nà kↄ̃n pↄ́ wɛ̃̀ndide bori píngio, à yã é dↄmagumɛ. Mɛ́ tó í da andunala à pↄ́ wɛ̃̀ndidee kaatɛ píngi dↄro.
229	GEN 9:23	Ben Sɛmu kↄ̃n Yafɛtio utadaa sɛ̀ aↄ̃ kà ń gã̀n ń plaa aↄ̃ táa ò kↄ̃n kpɛɛo. Ń aɛ dↄna gu pãndea lɛ aↄ̃ton ń de bũukɛɛ ero yãnzi, aↄ̃ gàa wà kù ń de bũukɛɛla.
230	GEN 9:24	Kɛ̀ wɛ̃ɛ kɛ̃̀ Nuua à fɛ̀ɛ, à mà lán a nɛ́ zãa kɛ̀are nà,
231	GEN 9:25	ben à bè: Kanaa égↄ̃ láari pↄ́ ũmɛ, àmbe égↄ̃ a gbɛ̃nↄ zↄ̀ zãa ũ.
243	GEN 10:8	Nimlↄdu nɛ́ Etiopia boriimɛ dↄ. Àmbe anduna gbãabitade tↄ́de káaku ũ.
244	GEN 10:9	Tofe sàmɛ Dii aɛzĩ. À yã bé à tò wè be: Lán Nimlↄdu dɛ tofe sà ũ Dii aɛzĩ nà.
245	GEN 10:10	Babilↄnia bùsu kɛ̀ à kí blèa káaku wɛ́tɛdaan Babɛli kↄ̃n Ɛrɛkio kↄ̃n Akadao kↄ̃n Kalanɛo ũ.
256	GEN 10:21	Yafɛti dãaro Sɛmu borii kɛ̀ dↄ. Àmbe Eberunↄ dezi káaku ũ.
269	GEN 11:2	Lán gbɛ̃nↄↄ e sↄ̃ki kpákpaa ↄfãntɛ̃bↄɛ kpa nà, kɛ̀ aↄ̃ kà Babilↄnia bùsu gusararaan, ben aↄ̃ vɛ̃̀ɛ gwe.
270	GEN 11:3	Aↄ̃ bèkↄ̃nɛ: Wà gá wà kúnku bↄ wà kpáta maamaa. Kúnkun ń gbɛ̀ ũ, kↄntaan ń siminti ũ.
271	GEN 11:4	Ben aↄ̃ bè: Wà wɛ́tɛdaa káɛ wà kpɛ́didikↄ̃ana bo à mìsↄ̃ntɛ̃ zↄ̃ ludambɛɛa. Wà wa zĩnda tↄ́ bↄ lɛ wàtongↄ̃ fãakↄ̃ana doodo anduna guuro yãnzi.
273	GEN 11:6	Ben à bè: Aↄ̃ píngi ń borii dↄ̃nkↄ̃mɛ, yã dↄ̃nkↄ̃n aↄ̃è o, ben yã kɛ̀ aↄ̃ↄe bↄↄon yɛ̀ↄ́? Yã kɛ̀ aↄ̃ à laasuu lɛ̀ tia sa aↄ̃é kɛmɛ, pↄ́ke é kpáńnɛ à kɛna guu dↄro.
274	GEN 11:7	Wà pita wà gá gwe wà ń yã yãkↄ̃tɛńnɛ lɛ aↄ̃ton kↄ̃ yã ma dↄro.
295	GEN 11:28	Arana gà a de Tera wáa zaa Urumɛ Kaladia bùsun, guu kɛ̀ wà à ìn.
300	GEN 12:1	Dii bè Abramunɛ: Ǹ bↄ n bùsun n danɛnↄ tɛ́ n de bɛ, ǹ tá bùsu kɛ̀ mɛ́ ↄdↄannɛɛn.
302	GEN 12:3	Mɛ́ aubarika da gbɛ̃ kɛ̀ aↄ̃é sa maaa onnɛɛnↄn, mɛ́ gbɛ̃ kɛ̀ aↄ̃é sa zaaa onnɛɛnↄ ká. Anduna bori píngi é aubarika e n gãzĩ.
303	GEN 12:4	Ben Abramu dà zɛ́n lán Dii ònɛ nà. Lutu gàao. À wɛ̃̀ basiigↄ̃ sↄↄrosaidee guun à bↄ̀ Arana
306	GEN 12:7	Ben Dii bↄ̀ à mↄ̀ Abramuzi à bè: Mɛ́ bùsu kɛ̀kii kpá n boriinↄamɛ. Ben à Dii gbãgbãkii bò gwe.
310	GEN 12:11	Kɛ̀ à kà kĩi kↄ̃n Igipitio, à bè a naↄ̃nɛ: Má dↄ̃ nↄ maan n ũ.
312	GEN 12:13	Ǹ beńnɛ ma dãremɛ n ũ lɛ wà ma sí ↄplaplaa n yãnzi. Lán nɛ́ ma mì sí nàn gwe.
318	GEN 12:19	À kɛ̀ dia n bè n dãremɛ, ben ma à sɛ̀ nↄↄ ũu? N naↄ̃n yɛ̀! Ǹ n pↄ́ sɛ́ ǹ táo.
322	GEN 13:3	Bↄna Nɛgɛvi à sↄ̃ki kpàkpa ai à gàa à kào Bɛtɛli, guu kɛ̀ à bùra kàɛn káaku Bɛtɛli dagura kↄ̃n Aio,
328	GEN 13:9	Ǹ bùsu gwa da n aɛ píngi. Wà kɛ̃kↄ̃a. Tó n gaa ↄzɛzi, mɛ́ gá ↄplazi. Tó n gaa ↄplazimɛ sↄ̃, mɛ́ gá ↄzɛzi.