2	GEN 1:2	Guu da pãmɛ à kɛkɛnaro, gusiaa bé à da ísiaala, ben Luda Ninii e yàa paa í pìla.
4	GEN 1:4	À è gupuraa pì maa, ben à gupuraa kɛ̃̀kↄ̃a kↄ̃n gusiaao.
5	GEN 1:5	À tↄ́ kpà gupuraanɛ fãantɛ̃, gusiaa sↄ̃ gwãavĩ. Guu sì guu dↄ̀, à gurↄ káakun gwe.
6	GEN 1:6	Ben Luda bè: Bàtuma gↄ̃ kú ínↄ dagura lɛ à í pìnↄ kɛ̃kↄ̃a.
8	GEN 1:8	Ben à tↄ́ kpà bàtuma pìnɛ ludambɛ. Guu sì guu dↄ̀, à gurↄ plaadeen gwe.
10	GEN 1:10	À tↄ́ kpà gukori pìnɛ tↄↄtɛ, ben à tↄ́ kpà í kɛ̀ kàkↄ̃aanɛ ísiaa. Ben à è à kɛ̀ maa.
13	GEN 1:13	Guu sì guu dↄ̀, à gurↄ aagↄ̃deen gwe.
16	GEN 1:16	À pↄ́ gupuri ìsinↄ kɛ̀ mɛ̀n plaa, à kɛ̀ gbãaa ègↄ̃ kí blee fãantɛ̃, à kɛ̀ busɛ ègↄ̃ kí blee gwãavĩ. À sↄsↄnɛnↄ kɛ̀ dↄ.
19	GEN 1:19	Guu sì guu dↄ̀, à gurↄ siigↄ̃deen gwe.
23	GEN 1:23	Guu sì guu dↄ̀, à gurↄ sↄↄrodeen gwe.
31	GEN 1:31	Luda pↄ́ kɛ̀ à kɛ̀nↄ è píngi, à kɛ̀ maa wásawasa. Guu sì guu dↄ̀, à gurↄ swɛɛdodeen gwe.
33	GEN 2:2	Ai à gurↄ swɛɛplaadee zĩ gↄ̃ ká, à zĩi kɛ̀ èe kɛɛ pì yã̀a. À gurↄ swɛɛplaadee pìn à kámma bò kↄ̃n zĩi kɛ̀ à kɛ̀nↄ píngi.
34	GEN 2:3	Ben à aubarika dà gurↄ swɛɛplaadee pìn à dìɛ a pↄ́ ũ, kɛ̀ zĩ beeen à kámma bò kↄ̃n zĩi kɛ̀ à kɛ̀nↄ píngi yãnzi.
38	GEN 2:7	Dii Luda gↄ̃gbɛ̃ í kàsa kↄ̃n bùsutio, ben à ĩa wɛ̃̀ndidee vù à yĩn, ben gↄ̃gbɛ̃ pì gↄ̃̀ gbɛ̃ bɛ̃ɛ ũ.
39	GEN 2:8	Dii Luda swadako dìɛ ↄfãntɛ̃bↄɛ kpa kɛ̀ wè be Ɛdɛni, ben à gↄ̃gbɛ̃ kɛ̀ à kɛ̀ pì dà gwe.
40	GEN 2:9	Dii Luda tò lí bori píngi bↄ̀ɛ tↄↄtɛa. Lí pìnↄↄ maa, bensↄ̃ ń bɛ blena nna. Lí wɛ̃̀ndide kú dàko pì gura. Lí kɛ̀ è dↄ̃na maa kↄ̃n à zaaao ińnɛ kú gwe dↄ.
41	GEN 2:10	Swaa kú Ɛdɛni ègↄ̃ mↄdↄ pisi dàko pìa. Bↄna gwe à ↄnɛ kɛ̀ siigↄ̃.
42	GEN 2:11	À káaku tↄ́n Pisↄ̃, àmbe à liga Avila bùsuzi píngi. Vura kú bùsu pì guu,
43	GEN 2:12	vura pì maa. Gbɛ̀ bɛ̀ɛdeenↄↄ kú gwe dↄ.
44	GEN 2:13	Swaa pì ↄnɛ plaade tↄ́n Giↄ̃, à liga Kusu bùsuzi píngi.
45	GEN 2:14	À ↄnɛ aagↄ̃de tↄ́n Tigiri, à dↄ̀rↄ tà Asiria bùsu ↄfãntɛ̃bↄɛ kpa. Swaa pì ↄnɛ siigↄ̃de tↄ́n Yuflati.
46	GEN 2:15	Dii Luda gↄ̃gbɛ̃ pì dìɛ Ɛdɛni dàko pì guu lɛ àgↄ̃ à zĩi kɛ àgↄ̃ gwaa.
47	GEN 2:16	Ben à yã dìɛnɛ à bè: Nɛ́ fↄ̃ ǹ dàko pì lí píngi bɛɛ ble,
50	GEN 2:19	Ben Dii Luda bùsu kↄ̀ à nↄ̀bↄnↄ kɛ̀o píngi kↄ̃n bãanↄ píngi, ben à mↄ̀ńyo gↄ̃gbɛ̃ pì kiia lɛ à e dian eé tↄ́ kpáńnɛ nà. Tↄ́ kɛ̀ gↄ̃gbɛ̃ pì kpà pↄ́ wɛ̃̀ndidee pìnↄnɛ píngi gↄ̃̀ ń tↄ́ ũ.
51	GEN 2:20	Gↄ̃gbɛ̃ pì tↄ́ kpà pↄ́kãdeenↄnɛ píngi kↄ̃n bãanↄ kↄ̃n nↄ̀bↄsɛ̃tɛnↄ píngi, mↄde èe dↄnlɛri e ń tɛ́ a gbɛ̃ndoo ũro.
52	GEN 2:21	Ben Dii Luda i ìsi dà gↄ̃gbɛ̃ pìla. Kɛ̀ èe ii oo, ben à à gbã̀ntɛ̃wa mɛ̀n doo bↄ̀, ben à à mɛ̀baasi tàta a gbɛ̀n.
53	GEN 2:22	Ben à gↄ̃gbɛ̃ gbã̀ntɛ̃wa kɛ̀ à bↄ̀ pì lìɛ nↄgbɛ̃ ũ, ben à gàao à kiia.
54	GEN 2:23	Ben gↄ̃gbɛ̃ pì bè: Kɛ̀ki wá bↄ̀ ma wá guumɛ, à mɛ̀ sↄ̃ bↄ̀ ma mɛ̀ guumɛ. Weé à sísi nↄgbɛ̃, kɛ̀ Luda à bↄ̀ gↄ̃gbɛ̃ guu yãnzi.
57	GEN 3:1	Mlɛ̃̀ bé à mↄnafiki vĩ dɛ pↄ́ kɛ̀ Dii Ludaa kɛ̀nↄla píngi, ben à nↄgbɛ̃ là à bè: Luda bè àton dàko pì lí ke bɛɛ blenloo?
58	GEN 3:2	Ben nↄgbɛ̃ wè mlɛ̃̀ pìla à bè: Wé fↄ̃ wà dàko pì líbɛɛ ble,
59	GEN 3:3	mↄde lí kɛ̀ kú dàko pì gura súusu, Luda bè wàton à bɛɛ blero wàton ↄ kɛa sero, lɛ wàton garo yãnzi.
62	GEN 3:6	Kɛ̀ nↄgbɛ̃ è lí pì bɛɛ maa, bensↄ̃ à blena égↄ̃ nna eé tó gbɛ̃ wɛ́ɛ kɛ̃, ben à à bɛɛ wò à blè. À kpà a zãa sↄ̃, ben à blè.
64	GEN 3:8	Kɛ̀ gↄ̃gbɛ̃ kↄ̃n a naↄ̃o Dii Luda kĩi mà èe táa oo dàko pì guu uusiɛ, ben aↄ̃ ùtɛnɛ dàko pì lán.
68	GEN 3:12	À wèàla à bè: Nↄgbɛ̃ kɛ̀ ń kpàma àgↄ̃ kúmao bé à lí pì bɛɛ kpàma má blè.
71	GEN 3:15	Mɛ́ íbɛtɛ da mpi kↄ̃n nↄgbɛ̃o dagura, n bori kↄ̃n à boriio dagura. À borii é n mì wí, nɛ́ à gbátoge kɛ̃nna.
75	GEN 3:19	Ísimmagaakpana guun nɛ́ pↄ́blee en ai ǹ liara ǹ gɛ̃ bùsu guu, zaakɛ gwen ma n bↄn. Bùsutin n ũ, nɛ́ liara ǹ gↄ̃ bùsuti pì ũmɛ.
79	GEN 3:23	Ben Dii Luda pɛ̀a à à bↄ̀ Ɛdɛni dàko pì guu. Ben Adamu gàa à tↄↄtɛ kɛ̀ Luda à bↄ̀n zĩi kɛ.
81	GEN 4:1	Adamu a naↄ̃ Awau dↄ̃̀ nↄgbɛ̃ ũ, ben à nↄ̀ sì à Kaini ì. Ben à bè: Ma gↄ̃gbɛ̃ ì kↄ̃n Dii gbãaao.
82	GEN 4:2	Ben à à dãaro Abila ì dↄ. Abila kɛ̀ sãdãri ũ, Kaini sↄ̃ kɛ̀ búbari ũ.
84	GEN 4:4	Abila sↄ̃ mↄ̀ kↄ̃n a sãnɛ káaku mɛ̀kpanao. Abila yã kà Diinɛ, ben à à gbaa sì.
91	GEN 4:11	Tia sa nɛ́gↄ̃ láari pↄ́ ũmɛ, nɛ́gↄ̃ zã̀ kↄ̃n tↄↄtɛ kɛ̀ n dãaro aru mì n ↄzĩo.
97	GEN 4:17	Kaini dàɛ kↄ̃n a naↄ̃o, ben à nↄ̀ sì à Ɛnↄku ì. À gbɛra Kaini wɛ́tɛ kàɛ, ben à a nɛ́ pì tↄ́ kpà wɛ́tɛ pìnɛ.
98	GEN 4:18	Ɛnↄku Irada ì, Irada Mɛuyaɛli ì, Mɛuyaɛli Mɛtusaɛli ì, Mɛtusaɛli Lamɛki ì.
100	GEN 4:20	Ada Yabala ì. Àmbe pↄ́dãri kɛ̀ aↄ̃ègↄ̃ kú bisakutaa guunↄ dezi káaku ũ.
102	GEN 4:22	Zila sↄ̃ bé à Tubala Kaini ì. Sian à ũ. È pↄ́ píngi pi kↄ̃n mↄ̀sio kↄ̃n mↄ̀gotɛ̃o. À dãre tↄ́n Naama.
103	GEN 4:23	Ben Lamɛki bè a naↄ̃ↄnↄnɛ: Ada kↄ̃n Zilao, à ma yã ma, ma naↄ̃nↄ, à swã kpá ma yãzi. Gbɛ̃ke ma kɛ̃nna, ben ma à dɛ̀, gↄ̃kparɛ pì ma lɛmɛ, ben ma à kàatɛ.
105	GEN 4:25	Adamu dàɛ kↄ̃n a naↄ̃o dↄ, ben à nɛ́gↄ̃gbɛ̃ ì. À tↄ́ kpànɛ Sɛti à bè, Luda a gba nɛ́ pãnde Abila kɛ̀ Kaini dɛ̀ gɛ̃ɛ ũmɛ.
106	GEN 4:26	Sɛti sↄ̃ nɛ́gↄ̃gbɛ̃ ì, ben à tↄ́ kpànɛ Ɛnↄsu. Zaa zĩ beeean wà nà Dii sísinaa.
109	GEN 5:3	Adamu wɛ̃̀ baswɛɛdo akuridee guun à nɛ́ ì a taka ũ à bↄ̀kↄ̃bao, ben à tↄ́ kpànɛ Sɛti.
110	GEN 5:4	Sɛti ina gbɛra à kɛ̀ wɛ̃̀ wàa siigↄ̃ à nɛ́ pãndenↄ ì dↄ gↄ̃gbɛ̃nↄ kↄ̃n nↄgbɛ̃nↄo.
112	GEN 5:6	Sɛti wɛ̃̀ basↄↄro asↄↄrodee guun à Ɛnↄsu ì.
113	GEN 5:7	À gbɛra à kɛ̀ wɛ̃̀ wàa siigↄ̃ awɛɛswɛɛplaa à nɛ́ pãndenↄ ì dↄ gↄ̃gbɛ̃nↄ kↄ̃n nↄgbɛ̃nↄo.
115	GEN 5:9	Ɛnↄsu wɛ̃̀ basiigↄ̃ akuridee guun à Kenana ì.
116	GEN 5:10	À gbɛra à kɛ̀ wɛ̃̀ wàa siigↄ̃ kↄ̃n gɛ̃roo à nɛ́ pãndenↄ ì dↄ gↄ̃gbɛ̃nↄ kↄ̃n nↄgbɛ̃nↄo.
118	GEN 5:12	Kenana wɛ̃̀ baaagↄ̃ akuridee guun à Malalɛli ì.
119	GEN 5:13	À gbɛra à kɛ̀ wɛ̃̀ wàa siigↄ̃ kpɛ́ baplaa à nɛ́ pãndenↄ ì dↄ gↄ̃gbɛ̃nↄ kↄ̃n nↄgbɛ̃nↄo.
121	GEN 5:15	Malalɛli wɛ̃̀ baaagↄ̃ asↄↄrodee guun à Yarɛdi ì.
122	GEN 5:16	À gbɛra à kɛ̀ wɛ̃̀ wàa siigↄ̃ kↄ̃n baaakurio à nɛ́ pãndenↄ ì dↄ gↄ̃gbɛ̃nↄ kↄ̃n nↄgbɛ̃nↄo.
124	GEN 5:18	Yarɛdi wɛ̃̀ basↄraagↄ̃ awɛɛplaadee guun à Ɛnↄku ì.
125	GEN 5:19	À gbɛra à kɛ̀ wɛ̃̀ wàa siigↄ̃ à nɛ́ pãndenↄ ì dↄ gↄ̃gbɛ̃nↄ kↄ̃n nↄgbɛ̃nↄo.
127	GEN 5:21	Ɛnↄku wɛ̃̀ baaagↄ̃ asↄↄrodee guun à Mɛtusela ì.
128	GEN 5:22	À gbɛra à táa ò kↄ̃n Ludao ai wɛ̃̀ wàa do kpɛ́ basↄↄro à nɛ́ pãndenↄ ì dↄ gↄ̃gbɛ̃nↄ kↄ̃n nↄgbɛ̃nↄo.
131	GEN 5:25	Mɛtusela wɛ̃̀ bakɛ̃ndo awɛɛswɛɛplaadee guun à Lamɛki ì.
132	GEN 5:26	À gbɛra à kɛ̀ wɛ̃̀ wàa aagↄ̃ kpɛ́ bakɛ̃ndo awɛɛplaa à nɛ́ pãndenↄ ì dↄ gↄ̃gbɛ̃nↄ kↄ̃n nↄgbɛ̃nↄo.
134	GEN 5:28	Lamɛki kɛ̀ wɛ̃̀ bakɛ̃ndo awɛɛplaa, ben à nɛ́gↄ̃gbɛ̃ ì.
135	GEN 5:29	À tↄ́ kpànɛ Nuu à bè: Gbɛ̃ beee bé eé wa làakari kpáɛwe zĩ gbãaa kɛ̀ wée kɛ yãnzi. Wée zĩ gbãaa pì kɛɛ Dii láarikɛna tↄↄtɛnɛ yãnzimɛ.
136	GEN 5:30	Nuu ina gbɛra Lamɛki kɛ̀ wɛ̃̀ wàa aagↄ̃ sↄↄrosai à nɛ́ pãndenↄ ì dↄ gↄ̃gbɛ̃nↄ kↄ̃n nↄgbɛ̃nↄo.
138	GEN 5:32	Kɛ̀ Nuu kà wɛ̃̀ wàa plaa kpɛ́ basↄↄro, à Sɛmu kↄ̃n Hamuo kↄ̃n Yafɛtio ì.
140	GEN 6:2	ben Luda nɛ́nↄↄ è gbɛ̃ntee nɛ́nↄgbɛ̃ pìnↄↄ maa, ben aↄ̃ↄe ń sɛɛ ń pↄyezia.
142	GEN 6:4	Gbɛ̃ gbã̀anↄↄ kú anduna guu gurↄ beeea kↄ̃n gurↄ beee gbɛraao dↄ, gurↄↄ kɛ̀ Luda nɛ́ pìnↄ gbɛ̃ntee nɛ́nↄgbɛ̃nↄ dↄ̃̀ nↄgbɛ̃nↄ ũ, ben aↄ̃ nɛ́nↄ ìńyo. Aↄ̃ nɛ́ pìnↄn gↄ̃sagbãaa kɛ̀ aↄ̃ tↄ́ bↄ̀ zaa káakunↄ ũ.
148	GEN 6:10	Nuu nɛ́gↄ̃gbɛ̃nↄ ì gↄ̃ↄn aagↄ̃, Sɛmu kↄ̃n Hamuo kↄ̃n Yafɛtio.
153	GEN 6:15	Nɛ́ góro pì kɛ lán kɛ̀ bà. À gbã̀aa gã̀sãsuu wàa do kpɛ́ basↄↄro, à yàasa gã̀sãsuu baplaa akuri, à lezĩ sↄ̃ gã̀sãsuu baaakuri.
154	GEN 6:16	Ǹ góro pì musu pápa, gbasa ǹ guforoo tótó à dagura gwe gã̀sãsuu doodo zaa à musu kpa. Ǹ gbà da góro pì kpado ǹ góro pì kɛ didikↄ̃ana lɛo aagↄ̃.
156	GEN 6:18	Mↄde ma bà égↄ̃ kúnyo. Nɛ́ gɛ̃ góro pì guu kↄ̃n n nɛ́gↄ̃gbɛ̃nↄ kↄ̃n n naↄ̃o kↄ̃n n nɛ́nↄ naↄ̃ↄnↄo.
159	GEN 6:21	Ǹ pↄ́blee kɛ̀ wè ble píngi sɛ́ɛ ǹ kakↄ̃a a kũsãɛ ũ, apinↄ kↄ̃n pↄ́ pìnↄ.
167	GEN 7:7	À gɛ̃̀ góro'itɛ guu kↄ̃n a nɛ́nↄ kↄ̃n a naↄ̃o kↄ̃n a nɛ́nↄ naↄ̃ↄnↄo lɛ aↄ̃ bↄ í pì yãn.
170	GEN 7:10	Gurↄ swɛɛplaaa gbɛra í daa pì dà andunala.
176	GEN 7:16	Pↄ́ wɛ̃̀ndideenↄ bori píngi gɛ̃̀ da kↄ̃n à kyào lán Ludaa dìɛnɛ nà. Ben Dii gbà tàtańlɛ.
177	GEN 7:17	Lou mà ai gurↄ baplaa. Kɛ̀ í e kaara, ben à góro pì sɛ̀ tↄↄtɛla.
178	GEN 7:18	Í fɛ̀ɛ à kàara maamaa à dà tↄↄtɛla, ben góro pì fù íla.
180	GEN 7:20	Í fɛ̀ɛ à dà kpiii pìnↄla ai gã̀sãsuu gɛ̃ro.
187	GEN 8:3	Í pì e babaa busɛbusɛ èe lagoo ai gurↄ baswɛɛplaa akuri.
188	GEN 8:4	À mↄ swɛɛplaade gurↄ gɛ̃ro awɛɛplaadee zĩ góro pì dì kpiii kɛ̀ wè be Ararataa.