36	GEN 2:5	bura pↄ́kee e bↄɛ tↄↄtɛa kↄ̀ro, baa sɛ̃̀, zaakɛ Dii Ludaa e tó lou màro, bensↄ̃ gbɛ̃kee kuu à tↄↄtɛ zĩi kɛro.
48	GEN 2:17	mↄde ǹton lí kɛ̀ è dↄ̃na maa kↄ̃n à zaaao ińnɛ bɛɛ blero. Tó ń blè, n gamɛ.
55	GEN 2:24	Beee yãnzin gↄ̃gbɛ̃ è a de kↄ̃n a dao tó, aↄ̃è nakↄ̃a kↄ̃n a naↄ̃o wà gↄ̃ mɛ̀ doo ũ.
61	GEN 3:5	Zaakɛ Ludaa dↄ̃ kɛ̀ tó á blè, a wɛ́ɛ é kɛ̃ é gↄ̃ lán a bà, égↄ̃ à maaa dↄ̃ kↄ̃n à zaaao.
62	GEN 3:6	Kɛ̀ nↄgbɛ̃ è lí pì bɛɛ maa, bensↄ̃ à blena égↄ̃ nna eé tó gbɛ̃ wɛ́ɛ kɛ̃, ben à à bɛɛ wò à blè. À kpà a zãa sↄ̃, ben à blè.
87	GEN 4:7	Tó n yã maaa kɛ̀, mɛ́ n síroo? Tó nɛ́ɛ yã maaa kɛ sↄ̃ro, durun naɛnnɛ n kpɛɛlɛ. N nii e à dɛɛ, séde ǹ zĩ̀ blea.
92	GEN 4:12	Tó n bú bà, tↄↄtɛ é àre kɛnnɛro. Nɛ́gↄ̃ sↄ̃ki kpákpaa ǹgↄ̃ likↄ̃aa zↄ̃ↄ anduna guu.
95	GEN 4:15	Ben Dii bènɛ: Lɛnlo! Tó gbɛ̃ n dɛ, weé gɛ̃ɛ bonnɛ gɛ̃̀n swɛɛplaamɛ. Ben Dii wɛ̃zã ke kɛ̀ Kainia, lɛ gbɛ̃ kɛ̀ kpàkũo tón à dɛro yãnzi.
104	GEN 4:24	Tó weé Kaini gɛ̃ɛ bonɛ gɛ̃̀n swɛɛplaa, mamↄma Lamɛki ma pↄ́ sↄ̃, gɛ̃̀n baaagↄ̃ akuri awɛɛswɛɛplaamɛ.
152	GEN 6:14	Ǹ góro'itɛ kɛkɛ kↄ̃n lí lɛ̀ɛtɛgɛo ǹ kpɛ́nɛnↄ kɛ à guu ǹ kↄntaa kɛa à guu kↄ̃n à kpɛɛo.
153	GEN 6:15	Nɛ́ góro pì kɛ lán kɛ̀ bà. À gbã̀aa gã̀sãsuu wàa do kpɛ́ basↄↄro, à yàasa gã̀sãsuu baplaa akuri, à lezĩ sↄ̃ gã̀sãsuu baaakuri.
154	GEN 6:16	Ǹ góro pì musu pápa, gbasa ǹ guforoo tótó à dagura gwe gã̀sãsuu doodo zaa à musu kpa. Ǹ gbà da góro pì kpado ǹ góro pì kɛ didikↄ̃ana lɛo aagↄ̃.
155	GEN 6:17	Mapi sↄ̃ mɛ́ tó í da andunala lɛ mà pↄ́ wɛ̃̀ndidee kɛ̀ aↄ̃è wesa bonↄ kaatɛ ń píngi. Pↄ́ kɛ̀ aↄ̃ↄ kú anduna guunↄ é gaga píngi.
156	GEN 6:18	Mↄde ma bà égↄ̃ kúnyo. Nɛ́ gɛ̃ góro pì guu kↄ̃n n nɛ́gↄ̃gbɛ̃nↄ kↄ̃n n naↄ̃o kↄ̃n n nɛ́nↄ naↄ̃ↄnↄo.
161	GEN 7:1	Ben Dii bè Nuunɛ: Ǹ gɛ̃ góro guu kↄ̃n n bɛdeenↄ, zaakɛ ḿbe ma n e yãnnadee ũ tↄ̃ↄrigbɛ̃nↄ tɛ́.
164	GEN 7:4	Zaakɛ gurↄ swɛɛplaaa gbɛra mɛ́ tó lou ma tↄↄtɛa ai gurↄ baplaa fãantɛ̃ kↄ̃n gwãavĩo, lɛ mà pↄ́ wɛ̃̀ndidee kɛ̀ má kɛ̀nↄ waa tↄↄtɛa píngi.
167	GEN 7:7	À gɛ̃̀ góro'itɛ guu kↄ̃n a nɛ́nↄ kↄ̃n a naↄ̃o kↄ̃n a nɛ́nↄ naↄ̃ↄnↄo lɛ aↄ̃ bↄ í pì yãn.
169	GEN 7:9	mↄ̀ Nuu kiia góro guu mɛ̀n plaplaa da kↄ̃n à kyào lán Ludaa ònɛ nà.
173	GEN 7:13	Zĩ beeean Nuu gɛ̃̀ góro guu kↄ̃n a nɛ́nↄ Sɛmu kↄ̃n Hamuo kↄ̃n Yafɛtio kↄ̃n api naↄ̃o kↄ̃n a nɛ́nↄ naↄ̃ↄnↄ gↄ̃ↄn aagↄ̃,
175	GEN 7:15	Pↄ́ kɛ̀ aↄ̃è wesaa bonↄ mↄ̀ Nuu kiia góro guu bori kↄ̃n boriio mɛ̀n plaplaa.
177	GEN 7:17	Lou mà ai gurↄ baplaa. Kɛ̀ í e kaara, ben à góro pì sɛ̀ tↄↄtɛla.
178	GEN 7:18	Í fɛ̀ɛ à kàara maamaa à dà tↄↄtɛla, ben góro pì fù íla.
183	GEN 7:23	Luda pↄ́ wɛ̃̀ndidee kɛ̀ aↄ̃ↄ kú sĩ̀sĩaanↄ kàatɛ píngi. À gbɛ̃nteenↄ kↄ̃n nↄ̀bↄnↄ kↄ̃n pↄ́taa'onkusɛanↄ kↄ̃n bãanↄ kàatɛ anduna guu. Nuu bé à bↄ̀ ado kↄ̃n pↄ́ kɛ̀ aↄ̃ↄ kúo góro guunↄ.
185	GEN 8:1	Nuu kↄ̃n nↄ̀bↄsɛ̃tɛnↄ kↄ̃n pↄ́kãdee kɛ̀ aↄ̃ↄ kúo góro guunↄ píngi yã dↄ̀ Ludan. Kɛ̀ à ĩa gbàrɛ tↄↄtɛa, ben í nà babanaa.
188	GEN 8:4	À mↄ swɛɛplaade gurↄ gɛ̃ro awɛɛplaadee zĩ góro pì dì kpiii kɛ̀ wè be Ararataa.
190	GEN 8:6	Gurↄ baplaa gbɛra Nuu góro windo kɛ̀ à bↄ̀ yãa wɛ̃̀,
192	GEN 8:8	À pↄ̃tɛ̃ɛ gbàrɛ dↄ lɛ à e à dↄ̃ tó í làgo tↄↄtɛa.
193	GEN 8:9	Kɛ̀ pↄ̃tɛ̃ɛ e zↄ̃kii ero, ben a lìara à sù Nuu kiia góro guu, zaakɛ í da andunala píngimɛ. Nuu ↄↄ bↄ̀ à kũ̀ à gɛ̃̀o góro guu.
197	GEN 8:13	Nuu wɛ̃̀ wàa aagↄ̃ awɛɛdodee guu à mↄ káaku gurↄ káaku zĩ, í bàba tↄↄtɛa, ben à góro pì musu gò. Kɛ̀ à guu gwà, à è í yã̀a tↄↄtɛa.
200	GEN 8:16	Ǹ bↄ góro guu kↄ̃n n naↄ̃o kↄ̃n n nɛ́gↄ̃gbɛ̃nↄ kↄ̃n ń naↄ̃ↄnↄo.
203	GEN 8:19	Nↄ̀bↄnↄ píngi kↄ̃n pↄ́taa'onkusɛanↄ píngi kↄ̃n bãanↄ píngi kↄ̃n pↄ́ kɛ̀ aↄ̃è táa o tↄↄtɛanↄ píngi bↄ̀ɛ góro guu bori kↄ̃n boriio.
210	GEN 9:4	Mↄde àton nↄ̀bↄ kɛ̀ wèe à kòto kpáro sóro, zaakɛ à arun à wɛ̃̀ndi ũ.
211	GEN 9:5	Mɛ́ a aru kɛ̀ dɛ a wɛ̃̀ndi ũu gɛ̃ɛ boare. Tó nↄ̀bↄ gbɛ̃ dɛ̀ ke tó gbɛ̃ a gbɛ̃daaa dɛ̀, mɛ́ à aru gɛ̃ɛ bonɛ. Mɛ́ gɛ̃ɛ bo gbɛ̃ kɛ̀ à a gbɛ̃daaa dɛ̀a.
212	GEN 9:6	Tó gbɛ̃ a gbɛ̃daaa dɛ̀, weé à dɛ, zaakɛ ma gbɛ̃ntee kɛ̀ ma taka ũmɛ.
216	GEN 9:10	kↄ̃n pↄ́ wɛ̃̀ndidee kɛ̀ aↄ̃ↄ kúao kɛ̀ aↄ̃ bↄ̀ góro guunↄ píngi, bãanↄ kↄ̃n pↄ́kãdeenↄ kↄ̃n nↄ̀bↄsɛ̃tɛnↄ kↄ̃n pↄ́ kɛ̀ aↄ̃ↄ kú tↄↄtɛanↄ píngi.
220	GEN 9:14	Tó má tò lou sìsi ludambɛfɛ̃ɛdaa bↄ̀a,
221	GEN 9:15	lán ma bà kúao nà kↄ̃n pↄ́ wɛ̃̀ndide bori píngio, à yã é dↄmagumɛ. Mɛ́ tó í da andunala à pↄ́ wɛ̃̀ndidee kaatɛ píngi dↄro.
222	GEN 9:16	Tó ma ludambɛfɛ̃ɛdaa è loua, ma bà kuuna kↄ̃n pↄ́ wɛ̃̀ndide bori píngio ai gurↄ píngi yã é dↄmagumɛ.
224	GEN 9:18	Nuu nɛ́ kɛ̀ aↄ̃ bↄ̀ɛ góro guunↄ tↄ́n yɛ̀: Sɛmu, Hamu, Yafɛti. Hamun Kanaa de ũ.
301	GEN 12:2	Mɛ́ tó n borii kɛ pari, mɛ́ aubarika dangu mà n tↄ́ bↄ, n kiian weégae aubarika en.
311	GEN 12:12	Tó Igipitinↄ n e, aↄ̃é be ma naↄ̃n n ũ, aↄ̃é ma dɛ aↄ̃é n tó.
328	GEN 13:9	Ǹ bùsu gwa da n aɛ píngi. Wà kɛ̃kↄ̃a. Tó n gaa ↄzɛzi, mɛ́ gá ↄplazi. Tó n gaa ↄplazimɛ sↄ̃, mɛ́ gá ↄzɛzi.
335	GEN 13:16	Mɛ́ tó n boriinↄ kɛ pari lán bùsu'ãatɛ̃ bà. Tó gbɛ̃ke é fↄ̃ à bùsu'ãatɛ̃ naro, ɛ̃ndɛ̃ eé fↄ̃ à n boriinↄ naro.
361	GEN 14:24	Mɛ́ pↄ́ke sɛ́ro, sé pↄ́blee kɛ̀ ma gbɛ̃nↄↄ blè baasiro. Mↄde Anɛ kↄ̃n Ɛsɛkↄluo kↄ̃n Mamare kɛ̀ aↄ̃ gàamaonↄ, ǹ tó aↄ̃ ń baka sɛ́.
366	GEN 15:5	Ben à bↄ̀o bàazi à bè: Ǹ musu gwa ǹ sↄsↄnɛnↄ naro, tó nɛ́ fↄ̃. Lɛmɛ n boriinↄ égↄ̃ dɛ lɛ.
404	GEN 17:6	Mɛ́ tó n bori kɛ pari, boriinↄ kↄ̃n kínanↄ é bↄ n kiia.
414	GEN 17:16	Mɛ́ aubarika dan mà tó à nɛ́ i gↄ̃gbɛ̃ ũ, eé gↄ̃ boriinↄ dazi ũ, bùsu kínanↄ é bↄ à kiia.
428	GEN 18:3	à bè: Dii, tó ma n pↄnnaa è, ǹton gɛ̃ mamↄma n zↄ̀blerilaro.
439	GEN 18:14	Yãke ègↄ̃ zĩ'ũmɛro. Zii mↄndaa'i tó à gurↄↄ kà, mɛ́ mↄ́ n kiia, gbasa Sara nɛ́ i gↄ̃gbɛ̃ ũ.
446	GEN 18:21	Mɛ́ gá gwe sa mà gwa, tó yã kɛ̀ aↄ̃ↄe kɛɛ zaa lán má mà nà. Tó aↄ̃ↄ dɛ lɛ sↄ̃ro, mɛ́ dↄ̃.
449	GEN 18:24	Tó gbɛ̃ maaanↄↄ kú wɛ́tɛ pì guu aↄ̃ kà gↄ̃ↄn baplaa akuri, nɛ́ ń waran yↄ́? Nɛ́ sùu kɛ wɛ́tɛ pìo gbɛ̃ maa gↄ̃ↄn baplaa akuri pìnↄ yãnziroo?
451	GEN 18:26	Ben Dii bè: Tó ma gbɛ̃ maaanↄ è Sↄdↄmu gↄ̃ↄn baplaa akuri, mɛ́ sùu kɛ wɛ́tɛ pìo ń yãnzi.
453	GEN 18:28	Tó gↄ̃ↄn sↄↄroo kɛ̃̀sã gↄ̃ↄn baplaa akuri pì guu, gↄ̃ↄn sↄↄroo pìnↄ yãnzi nɛ́ wɛ́tɛ pì kaatɛↄ́? Ben Dii bè: Tó ma gbɛ̃ maaanↄ è gↄ̃ↄn baplaa asↄↄro, mɛ́ wɛ́tɛ pì kaatɛro.
454	GEN 18:29	Ben Ibraĩ kpɛ́ èe yã oonɛ à bè: Tó gbɛ̃ maaanↄ kà baplaa sↄ̃ nɛ́? Ben Dii bè: Mɛ́ yãke kɛro gↄ̃ↄn baplaaa pìnↄ yãnzi.
455	GEN 18:30	Ben à bè: Dii, n yã nna! Ǹton pↄ fɛ̃ro, má yezi mà yã o dↄ. Tó gbɛ̃ maaanↄ kà baaakuri sↄ̃ nɛ́? À wèàla à bè: Tó ma gbɛ̃ maaanↄ è aↄ̃ kà gↄ̃ↄn baaakuri, mɛ́ yãke kɛro.
456	GEN 18:31	Ben à bè: Ǹ gaafaa kɛmɛ dↄ Dii, mà yã onnɛ. Tó gbɛ̃ maaanↄ kà gↄ̃ↄn baroo sↄ̃ nɛ́? À wèàla à bè: Mɛ́ wɛ́tɛ pì kaatɛro gↄ̃ↄn baroo pìnↄ yãnzi.
457	GEN 18:32	Ben à bè: Dii, ǹton pↄ fɛ̃ro, yã kɛ̀kii baasi mɛ́ yã o dↄro. Tó gbɛ̃ maaanↄ kà gↄ̃ↄn kuri sↄ̃ nɛ́? À wèàla à bè: Mɛ́ wɛ́tɛ pì kaatɛro gↄ̃ↄn kuri pìnↄ yãnzi.
478	GEN 19:20	Ǹ lakutu ke gwa kãaa. Lán à kĩi nà, mɛ́ fↄ̃ mà bàa lɛ́ mà gá gwe. Lakutu nɛ́ngomɛ sↄ̃. Ǹ tó mà bàa sí mà tá gwe, mɛ́gↄ̃ aafia. Asa à nɛ́ngoroo?
503	GEN 20:7	Tia sa, à gↄ̃gbɛ̃ pì nↄↄ kpáa, zaakɛ annabimɛ. Eé adua kɛnnɛ lɛ ǹ gↄ̃ aafia. Tó nɛ́ɛ à nↄↄ pì kpáa sↄ̃ro, ǹgↄ̃ dↄ̃ kɛ̀ n gamɛ, mpi kↄ̃n n gbɛ̃nↄ a píngi.
526	GEN 21:12	ben Luda bènɛ: Ǹton tó n nↄ̀sɛ yaka n nɛ́ kↄ̃n n nↄgbɛ̃ zĩkɛri pìo yã musuro. Yã kɛ̀ Sara e oonnɛ píngi ǹ ma, zaakɛ Isaaku boriinↄn weégae beńnɛ n boriinↄ ũ.
527	GEN 21:13	Mɛ́ tó zↄ̀ nɛ́ pì borii kɛ se, zaakɛ n nɛ́mɛ.
532	GEN 21:18	Ǹ fɛɛ ǹ n nɛ́ pì sɛ́ ǹ à kũ a ↄↄa, zaakɛ mɛ́ tó à gↄ̃ bori ìsi ũ.
574	GEN 23:2	gbasa à gà zaa Kiriataba kɛ̀ wè be tia Ɛblↄnu, Kanaa bùsun. Ben Ibraĩ à sósobi kɛ̀ à ↄ́ↄ dↄ̀ à gana yã musu.
580	GEN 23:8	à bèńnɛ: À ma yã ma, tó a we mà a gɛ̀ vĩi kɛ̀. À wɛ́ɛ kɛmɛ Zoa nɛ́ Ɛflↄnua
595	GEN 24:3	mɛ́ tó ǹ sí kↄ̃n Dii musu kↄ̃n tↄↄtɛo Luda tↄ́o kɛ̀ nɛ́ Kanaa kɛ̀ má kú ń tɛ́nↄ nↄↄ sɛ́ ma nɛ́nɛro.
597	GEN 24:5	Ben à zↄ̀bleri pì à là à bè: Tó nↄgbɛ̃ pì e we à tɛ̀mazi à sùmao bùsu kɛ̀kiin sↄ̃ro nɛ́? Mɛ́ gá kↄ̃n n nɛ́o bùsu kɛ̀ n bↄnn yↄ́?
600	GEN 24:8	Tó nↄgbɛ̃ pì e we à tɛ̀nziro, n bↄ ladana kɛ̀ ń la dàmɛɛ kɛ̀ guu. Ǹton gá gwe kↄ̃n ma nɛ́oro fá!
604	GEN 24:12	ben à adua kɛ̀ à bè: Dii, ma dii Ibraĩ Luda, ǹ gbɛ̃kɛɛ kɛ ma diinɛ ǹ tó ma tá kɛ nna uusiɛa.
605	GEN 24:13	Ǹ gwa, má zɛna lↄ̀gↄ saɛ. Tó wɛ́tɛ nↄkparɛnↄ bↄ̀ɛ í tↄ́,
606	GEN 24:14	nↄkparɛ kɛ̀ má ònɛ à a loo pita à í tↄ́mɛ mà mi, tó à bèmɛ mà mi, ben à kpà ma lakuminↄa dↄ, ɛ̃ndɛ̃ mɛ́ dↄ̃ kɛ̀ n gbɛ̃kɛɛ kɛ̀ ma diinɛ, nↄgbɛ̃ kɛ̀ ń dìɛ n zↄ̀bleri Isaaku pↄ́ ũun gwe.
613	GEN 24:21	Gↄ̃gbɛ̃ pì zɛna èe à gwaa tíii, lɛ à e à dↄ̃ tó Dii é tó a tá kɛ nna, ke eé kɛ nnaro.
631	GEN 24:39	Ben ma a dii là ma bè, tó nↄgbɛ̃ pì e we à tɛ́mazi sↄ̃ro nɛ́?
633	GEN 24:41	À bè tó ma gaa a borii kiia, tó wèe wero, mɛ́ bↄ ladana kɛ̀ má la dàaree guu.
634	GEN 24:42	Kɛ̀ ma ka lↄ̀gↄ kiia gbã̀a ma bè: Dii, ma dii Ibraĩ Luda, tó n we, ǹ tó ma tá kɛ nna.
636	GEN 24:44	tó à bè mà mi, ben à tↄ̀ ma lakuminↄnɛ dↄ, mɛ́ dↄ̃ kɛ̀ nↄkparɛ kɛ̀ ń dìɛ à kɛ ma dii nɛ́ pↄ́ ũun gwe.
641	GEN 24:49	Tia sa tó é we à gbɛ̃kɛ kↄ̃n náanɛo yã kɛ ma diinɛ, à omɛ. Tó ée we sↄ̃ro, à omɛ, mɛ́ gá gu pãndea.
647	GEN 24:55	Nↄↄ vĩ̀i kↄ̃n à dao bè: Ǹ tó nɛ́ pì gↄ̃wao baa gurↄ kuri, é gbasa à tá.
667	GEN 25:8	ben à gà. À zi kũ̀ kótokoto, gbasa à kà a gbɛ̃nↄla gɛ̀wãa.
684	GEN 25:25	Kɛ̀ gbɛ̃ káaku e bↄↄ, à bↄ̀ tɛ̃ɛ zónzon. À mɛ̀kã vĩ lán uta kãdee bà, ben wà tↄ́ kpànɛ Isau.
687	GEN 25:28	Isaaku ye Isauzi kɛ̀ à nↄ̀bↄ lóu vĩ yãnzi. Rɛbɛka sↄ̃ↄ ye Yakubuzi.
689	GEN 25:30	Ben à bè Yakubunɛ: N yã nna! Ǹ tó mà dò tɛ̃a beee ble, zaakɛ nↄaa e ma dɛɛmɛ. Beee yãnzi wà tↄ́ kpà Isaunɛ Ɛdↄmu.
700	GEN 26:7	Kɛ̀ wɛ́tɛ pì deenↄↄ e à laa à naↄ̃ yã musu, à bè a dãremɛ. Èe vĩa kɛɛ, zaakɛ èe daa tó à bè a naↄ̃mɛ, weé a dɛ nↄↄ pì yãnzi, zaakɛ nↄↄ pì nɛ́ nↄ maaamɛ.
740	GEN 27:12	Tó ma de ↄ kɛ̀ma, tó à ma dↄ̃, eé be mɛ́ɛ a kɛɛ pãpãmɛ, eé lɛ́ kɛmɛ sa'olɛ gɛ̃ɛ ũ.
741	GEN 27:13	Ben à da bènɛ: Luda tó lɛ́kɛnannɛɛ pì gↄ̃mɛ. Ǹ ma yã ma dé! Ǹ gá ǹ dɛ ǹ suomɛ.
749	GEN 27:21	Ben Isaaku bènɛ: Ǹ sↄ̃mazi mà ↄ kɛmma lɛ mà dↄ̃ tó ma nɛ́ Isaumɛ yãpura.
768	GEN 27:40	Nɛ́gↄ̃ fɛ̃ɛda kũna, nɛ́ zↄ̀ ble n dãaronɛ. Lɛmɛ dↄ n làakari é gↄ̃ kpaɛnaro, nɛ́ à gbóngo gonla.
773	GEN 27:45	Tó à nↄ̀sɛ kpàɛ, tó yã kɛ̀ ń kɛ̀nɛ sã̀n, mɛ́ gbɛ̃ zĩ wà n gbɛ̀ sɛ́. Má yezi mà kora a gↄ̃ↄn plaaanↄzi píngi gurↄ doro.
774	GEN 27:46	Ben Rɛbɛka bè Isaakunɛ: Iti nↄgbɛ̃nↄ nii bↄ̀magu. Tó Yakubu Iti nↄↄ sɛ̀ bùsu kɛ̀kiin lán Isau nↄgbɛ̃ beeenↄ bà, ma kuuna égↄ̃ nnamɛ dↄro.
777	GEN 28:3	Luda Gbãapingide aubarika dangu à tó ǹ nɛ́ i maamaa, aↄ̃gↄ̃ kaara lɛ ǹ gↄ̃ boriinↄ dezi ũ.
789	GEN 28:15	Mɛ́gↄ̃ kúnyo, mɛ́gↄ̃ n dãkpaa guu kɛ̀ nɛ́ɛ gaan píngi, mɛ́ ɛara mà sunyo bùsu kɛ̀kiin, zaakɛ mɛ́ n tónlo mɛ́ yã kɛ̀ má ònnɛɛ kɛ.
794	GEN 28:20	Yakubu lù sɛ̀ Diinɛ à bè: Tó ń kúmao, tó nɛ́ ma dãkpa ma wɛ́tɛ kɛ̀kii gana guu, tó nɛ́ ma gba pↄ́blee kↄ̃n pↄ́kãsãanↄ