3	GEN 1:3	Ben Luda bè: Guu pu! Ben guu pù.
38	GEN 2:7	Dii Luda gↄ̃gbɛ̃ í kàsa kↄ̃n bùsutio, ben à ĩa wɛ̃̀ndidee vù à yĩn, ben gↄ̃gbɛ̃ pì gↄ̃̀ gbɛ̃ bɛ̃ɛ ũ.
42	GEN 2:11	À káaku tↄ́n Pisↄ̃, àmbe à liga Avila bùsuzi píngi. Vura kú bùsu pì guu,
44	GEN 2:13	Swaa pì ↄnɛ plaade tↄ́n Giↄ̃, à liga Kusu bùsuzi píngi.
45	GEN 2:14	À ↄnɛ aagↄ̃de tↄ́n Tigiri, à dↄ̀rↄ tà Asiria bùsu ↄfãntɛ̃bↄɛ kpa. Swaa pì ↄnɛ siigↄ̃de tↄ́n Yuflati.
50	GEN 2:19	Ben Dii Luda bùsu kↄ̀ à nↄ̀bↄnↄ kɛ̀o píngi kↄ̃n bãanↄ píngi, ben à mↄ̀ńyo gↄ̃gbɛ̃ pì kiia lɛ à e dian eé tↄ́ kpáńnɛ nà. Tↄ́ kɛ̀ gↄ̃gbɛ̃ pì kpà pↄ́ wɛ̃̀ndidee pìnↄnɛ píngi gↄ̃̀ ń tↄ́ ũ.
64	GEN 3:8	Kɛ̀ gↄ̃gbɛ̃ kↄ̃n a naↄ̃o Dii Luda kĩi mà èe táa oo dàko pì guu uusiɛ, ben aↄ̃ ùtɛnɛ dàko pì lán.
65	GEN 3:9	Ben Dii Luda lɛ́ zù gↄ̃gbɛ̃zi à bè: Ń kú mámɛ?
70	GEN 3:14	Ben Dii Luda bè mlɛ̃̀nɛ: Kɛ̀ ń kɛ̀ lɛ, nɛ́gↄ̃ dɛ láari pↄ́ ũ pↄ́kãdeenↄ kↄ̃n nↄ̀bↄsɛ̃tɛnↄ tɛ́ píngi, n gbɛɛɛn nɛ́gↄ̃ gáɛɛ, bùsutin nɛ́gↄ̃ blee ai n wɛ̃̀ndi lɛ́n.
75	GEN 3:19	Ísimmagaakpana guun nɛ́ pↄ́blee en ai ǹ liara ǹ gɛ̃ bùsu guu, zaakɛ gwen ma n bↄn. Bùsutin n ũ, nɛ́ liara ǹ gↄ̃ bùsuti pì ũmɛ.
96	GEN 4:16	Ben Kaini dà zɛ́n à kɛ̃̀ Diia. À gàa à vɛ̃̀ɛ Nↄdu bùsun Ɛdɛni ↄfãntɛ̃bↄɛ kpa.
178	GEN 7:18	Í fɛ̀ɛ à kàara maamaa à dà tↄↄtɛla, ben góro pì fù íla.
193	GEN 8:9	Kɛ̀ pↄ̃tɛ̃ɛ e zↄ̃kii ero, ben a lìara à sù Nuu kiia góro guu, zaakɛ í da andunala píngimɛ. Nuu ↄↄ bↄ̀ à kũ̀ à gɛ̃̀o góro guu.
195	GEN 8:11	Pↄ̃tɛ̃ɛ pì lìara à sù à kiia uusiɛ à kù lá kàso à kpá a lɛ́zĩ. Ben Nuu dↄ̃ kɛ í làgo tↄↄtɛa.
196	GEN 8:12	À kámma bò gurↄ swɛɛplaa dↄ, ben à ɛ̀ara à pↄ̃tɛ̃ɛ pì gbàrɛ, èe liara à sù à kiia dↄro.
229	GEN 9:23	Ben Sɛmu kↄ̃n Yafɛtio utadaa sɛ̀ aↄ̃ kà ń gã̀n ń plaa aↄ̃ táa ò kↄ̃n kpɛɛo. Ń aɛ dↄna gu pãndea lɛ aↄ̃ton ń de bũukɛɛ ero yãnzi, aↄ̃ gàa wà kù ń de bũukɛɛla.
240	GEN 10:5	Borii pìnↄ bé wà dàgula ísia gɛɛzi, aↄ̃ kↄ̃ kpàatɛtɛ bùsu kↄ̃n bùsuo bori kↄ̃n boriio danɛdanɛ, baade kↄ̃n a boriyão.
245	GEN 10:10	Babilↄnia bùsu kɛ̀ à kí blèa káaku wɛ́tɛdaan Babɛli kↄ̃n Ɛrɛkio kↄ̃n Akadao kↄ̃n Kalanɛo ũ.
246	GEN 10:11	Bↄna gwe à gàa Asiria bùsun, ben à Ninɛva kàɛ kↄ̃n Reobo'io kↄ̃n Kalao
254	GEN 10:19	Aↄ̃ bùsu lɛ́zɛkiin yɛ̀. Bↄna zaa Sidↄ̃ gana Gera kɛ̀ kú Gaza saɛ ai Sↄdↄmu kↄ̃n Gↄmↄrao kↄ̃n Adamao kↄ̃n Zeboimu kɛ̀ kú Lasa saɛo.
255	GEN 10:20	Hamu nɛ́gↄ̃gbɛ̃nↄn gwe bori kↄ̃n boriio bùsu kↄ̃n bùsuo danɛdanɛ, baade kↄ̃n a boriyão.
265	GEN 10:30	Bↄna Mɛsa gana Sefa kↄ̃n kpiii kɛ̀ kú ↄfãntɛ̃bↄɛ kpaanↄ, àmbe ń bùsu ũ.
266	GEN 10:31	Sɛmu nɛ́gↄ̃gbɛ̃nↄn gwe píngi bori kↄ̃n boriio bùsu kↄ̃n bùsuo danɛdanɛ, baade kↄ̃n a boriyão.
267	GEN 10:32	Nuu nɛ́gↄ̃gbɛ̃nↄ boriinↄn gwe danɛdanɛ bùsu kↄ̃n bùsuo. Aↄ̃ kiian anduna bori píngi bↄ̀n aↄ̃ dàgula í dana andunalaa gbɛra.
269	GEN 11:2	Lán gbɛ̃nↄↄ e sↄ̃ki kpákpaa ↄfãntɛ̃bↄɛ kpa nà, kɛ̀ aↄ̃ kà Babilↄnia bùsu gusararaan, ben aↄ̃ vɛ̃̀ɛ gwe.
295	GEN 11:28	Arana gà a de Tera wáa zaa Urumɛ Kaladia bùsun, guu kɛ̀ wà à ìn.
298	GEN 11:31	Ben Tera a nɛ́ Abramu kↄ̃n a dio Lutuo kↄ̃n Abramu naↄ̃ Saraio sɛ̀ bↄna Uru, Kaladia bùsun, aↄ̃ↄe gaa Kanaa bùsun. Kɛ̀ aↄ̃ kà Arana, aↄ̃ vɛ̃̀ɛ gwe.
300	GEN 12:1	Dii bè Abramunɛ: Ǹ bↄ n bùsun n danɛnↄ tɛ́ n de bɛ, ǹ tá bùsu kɛ̀ mɛ́ ↄdↄannɛɛn.
305	GEN 12:6	ben aↄ̃ bↄ̀ɛ bùsu pìn ai aↄ̃ kà Mↄre gbíi lí kiia Sɛkɛmu. Kanaanↄↄ kú bùsu pìn gurↄ beeea.
306	GEN 12:7	Ben Dii bↄ̀ à mↄ̀ Abramuzi à bè: Mɛ́ bùsu kɛ̀kii kpá n boriinↄamɛ. Ben à Dii gbãgbãkii bò gwe.
307	GEN 12:8	Kɛ̀ à fɛ̀ɛ gwe, à mì pɛ̀ kpiii kɛ̀ kú Bɛtɛli ↄfãntɛ̃bↄɛ kpaanↄa, ben à bùra kàɛ gwe, Bɛtɛli kú ↄfãntɛ̃gɛ̃kpɛn kpa, Ai kú ↄfãntɛ̃bↄɛ kpa. À Dii gbãgbãkii bò gwe dↄ, ben à à sìsi.
309	GEN 12:10	Kɛ̀ dekaa kà bùsu pìn, ben Abramu gàa gurↄ plaaa kɛ Igipiti, zaakɛ dekaa pì gɛ̃̀ ↄla.
315	GEN 12:16	Ben à Abramu gwà maamaa à yãnzi, à sãanↄ kpàa kↄ̃n zùnↄ kↄ̃n zaakinↄ kↄ̃n gↄ̃gbɛ̃ zĩkɛrinↄ kↄ̃n nↄgbɛ̃ zĩkɛrinↄ kↄ̃n lakuminↄo.
320	GEN 13:1	Ben Abramu bↄ̀ Igipiti à sù Nɛgɛvi kↄ̃n a naↄ̃o kↄ̃n a auzikinↄ píngi kↄ̃n Lutuo.
322	GEN 13:3	Bↄna Nɛgɛvi à sↄ̃ki kpàkpa ai à gàa à kào Bɛtɛli, guu kɛ̀ à bùra kàɛn káaku Bɛtɛli dagura kↄ̃n Aio,
324	GEN 13:5	Lutu ègↄ̃ tɛ́ kↄ̃n Abramuo lɛdo. À sãanↄ kↄ̃n zùnↄ kↄ̃n bisakutaanↄ vĩ se.
326	GEN 13:7	Ben lɛokpakↄ̃a gɛ̃̀ Abramu pↄ́dãrinↄ kↄ̃n Lutu pↄ́dãrinↄ dagura. Zĩ beeea sↄ̃ Kanaanↄ kↄ̃n Pɛrizinↄↄ kú bùsu pìn.
328	GEN 13:9	Ǹ bùsu gwa da n aɛ píngi. Wà kɛ̃kↄ̃a. Tó n gaa ↄzɛzi, mɛ́ gá ↄplazi. Tó n gaa ↄplazimɛ sↄ̃, mɛ́ gá ↄzɛzi.
329	GEN 13:10	Kɛ Lutu guu gwà, à è Yoda guzurɛ píngi mↄdↄ vĩ maamaa. Ai Dii gↄ̃ gá Sↄdↄmu kↄ̃n Gↄmↄrao kaatɛ, guzurɛ pì dɛ lán Dii swadako bà, lán Igipiti bùsu bà, ai à gàa pɛ́ Zoaa.
331	GEN 13:12	Abramu gↄ̃̀ Kanaa bùsun, Lutu sↄ̃ↄ kú Yoda guzurɛ wɛ́tɛnↄ dagura. À bùra kàɛ Sↄdↄmu saɛ.
335	GEN 13:16	Mɛ́ tó n boriinↄ kɛ pari lán bùsu'ãatɛ̃ bà. Tó gbɛ̃ke é fↄ̃ à bùsu'ãatɛ̃ naro, ɛ̃ndɛ̃ eé fↄ̃ à n boriinↄ naro.
336	GEN 13:17	Ǹ fɛɛ ǹ liga bùsu pìzi ǹ à gbã̀a kↄ̃n à yàasao gwa, zaakɛ má kpàmmamɛ.
338	GEN 14:1	Zĩkea Babilↄnia bùsu kí Amarafɛli kↄ̃n Ɛlasa bùsu kí Ariↄkio kↄ̃n Elamu bùsu kí Kɛdↄlaomao kↄ̃n Goyimu bùsu kí Tidalao
344	GEN 14:7	Ben aↄ̃ lìara wà sù Ɛmisipa. Àmbe wè be tia Kadɛsi. Aↄ̃ zĩ̀ blè Amalɛki bùsua píngi kↄ̃n Amↄri borii kɛ̀ aↄ̃ↄ kú Azazↄ̃tamanↄa dↄ.
346	GEN 14:9	Aↄ̃ↄe zĩ̀ kaa kↄ̃n Elamu bùsu kínao kↄ̃n Goyimu bùsu kínao kↄ̃n Babilↄnia bùsu kínao kↄ̃n Ɛlasa bùsu kínao. Kí gↄ̃ↄn siigↄ̃ↄ pìnↄↄ e zĩ̀ kaa kↄ̃n kí gↄ̃ↄn sↄↄroonↄ.
353	GEN 14:16	À lìara à sù kↄ̃n auziki pìnↄ píngi kↄ̃n a vĩ̀i nɛ́ Lutuo kↄ̃n à auzikinↄ. À sù kↄ̃n nↄgbɛ̃nↄo kↄ̃n gbɛ̃ pãndenↄ dↄ.
368	GEN 15:7	À bènɛ dↄ: Diin ma ũ, mámbe ma n bↄ Uru, Kaladia bùsun, lɛ mà bùsu kɛ̀kii kpámma yãnzi.
370	GEN 15:9	À wèàla à bè: Ǹ zùnunu wɛ̃̀ aagↄ̃ↄ sɛ́ kↄ̃n blè wɛ̃̀ aagↄ̃ↄo kↄ̃n sãkaro wɛ̃̀ aagↄ̃ↄo kↄ̃n pↄ̃tɛ̃ɛtɛ̃ngoo kↄ̃n lukulukuo.
374	GEN 15:13	Ben Dii bènɛ: Ǹgↄ̃ dↄ̃ kɛ̀ n boriinↄ égↄ̃ nibↄ blee bùsu kɛ̀ dɛ ń pↄ́ ũroo guu, aↄ̃égↄ̃ zↄ̀ blee gwe, weégↄ̃ wɛ́ɛ tãaḿma ai wɛ̃̀ wàa plaa.
379	GEN 15:18	Zĩ beeean Dii bè a bà égↄ̃ kú kↄ̃n Abramuo à bè: Mɛ́ bùsu kɛ̀kii kpá n boriinↄa zaa Igipiti gulɛzɛki swaa ai swadaa kɛ̀ wè be Yuflati,
380	GEN 15:19	bùsu kɛ̀ Keninↄↄ kún kↄ̃n Kenizinↄ kↄ̃n Kadamↄnunↄ
385	GEN 16:3	Abramu wɛ̃̀ kuri kɛna Kanaa bùsun gbɛran Sarai a zↄ̀ Agyara kpàa nↄↄ ũ.
406	GEN 17:8	Mɛ́ Kanaa bùsu kɛ̀ ń kú à guu nibↄ ũ kpámma píngi kↄ̃n n boriinↄ n gbɛra, lɛ aↄ̃gↄ̃ vĩ gurↄ píngi, mɛ́gↄ̃ dɛ ń Luda ũ.
411	GEN 17:13	Wà à ì n bɛn yoo kesↄ̃ wà lù zↄ̀ ũn yoo, sé à bã̀ngu kɛ. Beee égↄ̃ dɛ ma bà kuunaao gurↄ píngi sèeda ũ a mɛ̀a.
414	GEN 17:16	Mɛ́ aubarika dan mà tó à nɛ́ i gↄ̃gbɛ̃ ũ, eé gↄ̃ boriinↄ dazi ũ, bùsu kínanↄ é bↄ à kiia.
416	GEN 17:18	Ben à ɛ̀ara à bè Ludanɛ: Ǹ sùu kɛ ǹ Sumaila gwa.
432	GEN 18:7	Ben à bàa lɛ̀ à gɛ̃̀ a zùnↄ tɛ́ à zùnɛ bↄ̀rↄ maaa kũ̀ à kpà a zĩkɛria, ben zĩkɛri pì gàa à kɛ̀kɛ kpakpaa.
433	GEN 18:8	Ben Ibraĩ zwifãani kↄ̃n zwi'ipuo kↄ̃n zù kɛ̀ wà kɛ̀kɛ pìo sɛ̀ à gàa à dìɛńnɛ. Gurↄↄ kɛ̀ aↄ̃ↄe pↄ́ blee, àpi zɛ ń saɛ lí gbáru gwe.
449	GEN 18:24	Tó gbɛ̃ maaanↄↄ kú wɛ́tɛ pì guu aↄ̃ kà gↄ̃ↄn baplaa akuri, nɛ́ ń waran yↄ́? Nɛ́ sùu kɛ wɛ́tɛ pìo gbɛ̃ maa gↄ̃ↄn baplaa akuri pìnↄ yãnziroo?
450	GEN 18:25	Ǹ sùu kɛ! Ǹton kɛ lɛro. Ǹton gbɛ̃ maaanↄ dɛdɛ lɛdo kↄ̃n gbɛ̃ zaaanↄro, zaakɛ aↄ̃ↄ dↄ̃nkↄ̃ro. Ǹ sùu kɛ! Ǹton kɛ lɛro. Mmↄn kɛ̀ ń dɛ anduna píngi yãkpaɛkɛri ũ, nɛ́ yã kɛ a zɛ́aroo?
451	GEN 18:26	Ben Dii bè: Tó ma gbɛ̃ maaanↄ è Sↄdↄmu gↄ̃ↄn baplaa akuri, mɛ́ sùu kɛ wɛ́tɛ pìo ń yãnzi.
452	GEN 18:27	Ben Ibraĩ ɛ̀ara à bè dↄ: Mamↄma kɛ̀ má dɛ bùsuti kↄ̃n túbuo ũ, ǹ gaafaa kɛmɛ mà yã onnɛ, Dii.
459	GEN 19:1	Kɛ̀ malaika gↄ̃ↄn plaaa pìnↄ kà Sↄdↄmu uusiɛ, Lutu vɛ̃ɛna Sↄdↄmu bĩi kpɛɛlɛ. Kɛ̀ à ń é, à fɛ̀ɛ à gàa à dàńlɛ à kùɛńnɛ à dàɛ a puua
463	GEN 19:5	Aↄ̃ lɛ́ zù Lutuzi wà bè: Gↄ̃gbɛ̃ kɛ̀ aↄ̃ pìta n bɛ uusiɛanↄↄ kú máa? Ǹ bↄɛńyowe, wà pãpãa kɛńyo.
467	GEN 19:9	Aↄ̃ bènɛ: Ǹ guwe gwe! Ben aↄ̃ bè dↄ: Gbɛ̃ kɛ̀ nɛ́ gbɛ̃ zĩ̀tↄmɛ, ben à yezi à kɛ wa yãkpaɛkɛri ũ. Wé yã zaaa kɛnnɛ dɛ ń pↄ́la. Ben aↄ̃ kùsia gbãaao, aↄ̃ↄe mↄↄ kpɛ́ gbà gboro.
489	GEN 19:31	Ben Yↄ̃ↄ bè Bãanɛ: Wa de zi kũ̀, ben gↄ̃gbɛ̃ kee kú bùsun à daɛwao lán wè kɛ nàro.
497	GEN 20:1	Ben Ibraĩ fɛ̀ɛ gwe à gàa Nɛgɛvi bùsun Kadɛsi kↄ̃n Suruo dagura. Kɛ̀ à gàa à vɛ̃̀ɛ Gera,
498	GEN 20:2	à bè a naↄ̃ Sara nɛ́ a dãremɛ, ben Gera kí Abimɛlɛki gbɛ̃ zĩ̀ à à sɛ̀ à sùo.
505	GEN 20:9	Ben Abimɛlɛki Ibraĩ sìsi à bènɛ: Bↄ́yãnzi ń kɛ̀we lɛzi? Bↄ́ taarin má kɛ̀nnɛ gbasa ń tò ma gↄ̃ durundee ũ kↄ̃n ma bùsuo? N yã kɛ̀ dɛ wà kɛroo kɛ̀mɛ.
507	GEN 20:11	Ibraĩ wèàla à bè: Mɛ́ɛ daa yã gbɛ̃kee Luda vĩa vĩ bùsu kɛ̀kii guuro, weé ma dɛ ma naↄ̃ yãnzimɛ.
510	GEN 20:14	Ben Abimɛlɛki mↄ̀ kↄ̃n sãanↄ kↄ̃n zùnↄ kↄ̃n gↄ̃gbɛ̃ zĩkɛrinↄ kↄ̃n nↄgbɛ̃ zĩkɛrinↄ à kpà Ibraĩa, ben à à naↄ̃ sↄ̀kpanɛ.
511	GEN 20:15	Ben Abimɛlɛki bè: Ma bùsun yɛ̀, ǹ vɛ̃ɛ guu kɛ̀ ń yezin.
528	GEN 21:14	Ben Ibraĩ fɛ̀ɛ kↄngↄ idɛ'idɛ, à pↄ́blee sɛ̀ kↄ̃n í tùuo à kpà Agyaraa. À dìnɛ, ben à à nɛ́ kpàa dↄ. À à gbàrɛ, ben à gàa èe likↄ̃aa zↄ̃ↄ Bɛsɛba gbáan.
531	GEN 21:17	Luda gↄ̃kparɛ pì ↄ́ↄ dↄↄ mà, ben Luda Malaika lɛ́ zù Agyarazi zaa musu à bè: Bↄ́ bé à n lee Agyara? Ǹton vĩa kɛro, zaakɛ Luda nɛ́ pì ↄ́ↄ dↄↄ mà guu kɛ̀ à kún.
533	GEN 21:19	Luda nↄgbɛ̃ pì wɛ́ɛ kɛ̃̀nɛ, ben à lↄ̀gↄ è. À gàa à í tↄ̀ a tùu pa, ben à mↄ̀ à kpà a nɛ́ pìa à mì.
535	GEN 21:21	Gurↄↄ kɛ̀ à kú Parani gbáa pì guun à da Igipiti bùsu nↄↄ sɛ̀nɛ.
537	GEN 21:23	Ǹ la damɛ kɛ̀ gↄ̃ↄ ǹ sí kↄ̃n Ludao kɛ̀ nɛ́ bↄ ma kpɛɛro ke ma nɛ́nↄ ke ma boriinↄ. Lán ma gbɛ̃kɛɛ kɛ̀nnɛ nà, ǹ kɛmɛ lɛ kↄ̃n bùsu kɛ̀ ń kú à guu gbɛ̃ zĩ̀tↄ ũuo.
541	GEN 21:27	Ben Ibraĩ sãanↄ kↄ̃n zùnↄ kũ̀ à kpà Abimɛlɛkia, ben aↄ̃ lɛdolɛ kɛ̀ kↄ̃o.
546	GEN 21:32	Lɛn aↄ̃ lɛdolɛ kɛ̀ Bɛsɛba lɛ, ben Abimɛlɛki kↄ̃n a zĩ̀kpɛɛnↄ gbɛ̃nsi Fikↄluo lìara wà tà Filisitininↄ bùsun.
548	GEN 21:34	Ben à gurↄplaa kɛ̀ Filisitininↄ bùsu pì guu.
550	GEN 22:2	Ben Luda bènɛ: Ǹ n nɛ́ mɛ̀n doo kɛ̀ ń yezi Isaaku sɛ́ ǹ gáo Mↄria bùsun, ǹ sa'opↄ kɛ̀ wè ká tɛ́n à tɛ́ kũ oo kpiii kɛ̀ mɛ́ onnɛɛa.
559	GEN 22:11	ben Dii Malaika lɛ́ zùzi zaa musu à bè: Ibraĩ! Ibraĩ! À wèàla à bè: Maɛ kɛ̀!
563	GEN 22:15	Dii Malaika ɛ̀ara à lɛ́ zù Ibraĩzi zaa musu dↄ
565	GEN 22:17	mɛ́ aubarika dangu mà n borii kaarannɛ lán sↄsↄnɛnↄ bà, aↄ̃égↄ̃ pari lán ísialɛ bùsu'ãatɛ̃ bà. N boriinↄ égↄ̃ gbãa vĩ n ibɛɛnↄa.
567	GEN 22:19	Kɛ̀ Ibraĩ lìara à sù a zĩkɛrinↄ kiia, aↄ̃ fɛ̀ɛ wà tà Bɛsɛba, ben à gurↄplaa kɛ̀ gwe.
574	GEN 23:2	gbasa à gà zaa Kiriataba kɛ̀ wè be tia Ɛblↄnu, Kanaa bùsun. Ben Ibraĩ à sósobi kɛ̀ à ↄ́ↄ dↄ̀ à gana yã musu.