6	GEN 1:6	Ben Luda bè: Bàtuma gↄ̃ kú ínↄ dagura lɛ à í pìnↄ kɛ̃kↄ̃a.
7	GEN 1:7	Ben à bàtuma kɛ̀ lɛ, à í kɛ̀ kú bàtuma gĩzĩ kɛ̃̀kↄ̃a kↄ̃n í kɛ̀ kú à musuo.
9	GEN 1:9	Ben Luda bè: Í kɛ̀ kú gĩzĩ kakↄ̃a gu dↄ̃nkↄ̃n, gukori bↄ. Ben à kɛ̀ lɛ.
14	GEN 1:14	Ben Luda bè: Pↄ́ gupurinↄ gↄ̃ kú musu aↄ̃gↄ̃ fãantɛ̃ kɛ̃ɛkↄ̃a kↄ̃n gwãavĩo, aↄ̃gↄ̃ wɛ̃̀ sèedanↄ kↄ̃n gurↄↄnↄ kↄ̃n wɛ̃̀nↄ ↄdↄańnɛ.
29	GEN 1:29	Ben Luda bè: Ma pↄ́ wɛ́ɛdee kɛ̀ kú tↄↄtɛanↄ kpàawa a pↄ́blee ũ píngi kↄ̃n lí nɛ́deenↄ píngi.
40	GEN 2:9	Dii Luda tò lí bori píngi bↄ̀ɛ tↄↄtɛa. Lí pìnↄↄ maa, bensↄ̃ ń bɛ blena nna. Lí wɛ̃̀ndide kú dàko pì gura. Lí kɛ̀ è dↄ̃na maa kↄ̃n à zaaao ińnɛ kú gwe dↄ.
41	GEN 2:10	Swaa kú Ɛdɛni ègↄ̃ mↄdↄ pisi dàko pìa. Bↄna gwe à ↄnɛ kɛ̀ siigↄ̃.
42	GEN 2:11	À káaku tↄ́n Pisↄ̃, àmbe à liga Avila bùsuzi píngi. Vura kú bùsu pì guu,
43	GEN 2:12	vura pì maa. Gbɛ̀ bɛ̀ɛdeenↄↄ kú gwe dↄ.
56	GEN 2:25	Gↄ̃gbɛ̃ kↄ̃n a naↄ̃o kú bũu ń plaa ń píngi, wí sↄ̃ è ń kũro.
59	GEN 3:3	mↄde lí kɛ̀ kú dàko pì gura súusu, Luda bè wàton à bɛɛ blero wàton ↄ kɛa sero, lɛ wàton garo yãnzi.
63	GEN 3:7	Aↄ̃ plaa ń píngi wɛ́ɛ kɛ̃̀, ben aↄ̃ↄ dↄ̃̀ sa kɛ̀ aↄ̃ↄ kú bũu. Ben aↄ̃ gooda lá nàbi wà nàńzi.
65	GEN 3:9	Ben Dii Luda lɛ́ zù gↄ̃gbɛ̃zi à bè: Ń kú mámɛ?
66	GEN 3:10	À wèàla à bè: Kɛ̀ ma n kĩi mà, ben vĩa ma kũ kɛ̀ má kú bũu yãnzi, ben ma utɛ.
67	GEN 3:11	Ben Dii Luda à là à bè: Dé bé à ònnɛ ń kú bũuu? Lí kɛ̀ ma ginnɛ ǹ à bɛɛ ble, ń blèn yↄ́?
68	GEN 3:12	À wèàla à bè: Nↄgbɛ̃ kɛ̀ ń kpàma àgↄ̃ kúmao bé à lí pì bɛɛ kpàma má blè.
72	GEN 3:16	Ben à bè nↄgbɛ̃nɛ: Mɛ́ n nↄ̀sina wãwãa kaarannɛ, nɛ́gↄ̃ nɛ́ ii wãwãao. N zã nii égↄ̃ kúmmamɛ, eégↄ̃ gbãa vĩ n musu.
82	GEN 4:2	Ben à à dãaro Abila ì dↄ. Abila kɛ̀ sãdãri ũ, Kaini sↄ̃ kɛ̀ búbari ũ.
89	GEN 4:9	Dii Kaini là à bè: Mán n dãaro Abila kún? À wèàla à bè: Má dↄ̃ro. Ma dãaro dãkparin ma ũↄ́?
92	GEN 4:12	Tó n bú bà, tↄↄtɛ é àre kɛnnɛro. Nɛ́gↄ̃ sↄ̃ki kpákpaa ǹgↄ̃ likↄ̃aa zↄ̃ↄ anduna guu.
100	GEN 4:20	Ada Yabala ì. Àmbe pↄ́dãri kɛ̀ aↄ̃ègↄ̃ kú bisakutaa guunↄ dezi káaku ũ.
141	GEN 6:3	Ben Dii bè: Ma Ninii égↄ̃ kú gbɛ̃nteenↄ guu gurↄ píngiro, zaakɛ mɛ̀baadeemɛ. À gurↄↄnↄ égↄ̃ wɛ̃̀ baswɛɛdo.
142	GEN 6:4	Gbɛ̃ gbã̀anↄↄ kú anduna guu gurↄ beeea kↄ̃n gurↄ beee gbɛraao dↄ, gurↄↄ kɛ̀ Luda nɛ́ pìnↄ gbɛ̃ntee nɛ́nↄgbɛ̃nↄ dↄ̃̀ nↄgbɛ̃nↄ ũ, ben aↄ̃ nɛ́nↄ ìńyo. Aↄ̃ nɛ́ pìnↄn gↄ̃sagbãaa kɛ̀ aↄ̃ tↄ́ bↄ̀ zaa káakunↄ ũ.
155	GEN 6:17	Mapi sↄ̃ mɛ́ tó í da andunala lɛ mà pↄ́ wɛ̃̀ndidee kɛ̀ aↄ̃è wesa bonↄ kaatɛ ń píngi. Pↄ́ kɛ̀ aↄ̃ↄ kú anduna guunↄ é gaga píngi.
156	GEN 6:18	Mↄde ma bà égↄ̃ kúnyo. Nɛ́ gɛ̃ góro pì guu kↄ̃n n nɛ́gↄ̃gbɛ̃nↄ kↄ̃n n naↄ̃o kↄ̃n n nɛ́nↄ naↄ̃ↄnↄo.
157	GEN 6:19	Nɛ́ pↄ́ wɛ̃̀ndide píngi sɛ́ ǹ gɛ̃ńyo mɛ̀n plaplaa lɛ aↄ̃égↄ̃ kú wɛ̃̀ndio.
163	GEN 7:3	Ǹ bãanↄ sɛ́ ǹ gɛ̃ńyo dↄ da kↄ̃n à kyào mɛ̀n swɛɛplaplaa lɛ ń boriinↄ gↄ̃ kú anduna gu píngia.
171	GEN 7:11	Nuu wɛ̃̀ wàa aagↄ̃dee guu à mↄ plaade gurↄ gɛ̃ro awɛɛplaadee zĩ, ben í kɛ̀ kú tↄↄtɛ gĩzĩnↄ pũ̀tã píngi, ben ludambɛ fòonↄ fↄ̃̀.
179	GEN 7:19	Í kàara à dà tↄↄtɛla láe à dà kpii lezĩ kɛ̀ kú anduna guunↄla míↄmiↄ.
182	GEN 7:22	Pↄ́ kɛ̀ aↄ̃è wesaa boo kɛ̀ aↄ̃ↄ kú sĩ̀sĩaanↄ gàga píngi.
183	GEN 7:23	Luda pↄ́ wɛ̃̀ndidee kɛ̀ aↄ̃ↄ kú sĩ̀sĩaanↄ kàatɛ píngi. À gbɛ̃nteenↄ kↄ̃n nↄ̀bↄnↄ kↄ̃n pↄ́taa'onkusɛanↄ kↄ̃n bãanↄ kàatɛ anduna guu. Nuu bé à bↄ̀ ado kↄ̃n pↄ́ kɛ̀ aↄ̃ↄ kúo góro guunↄ.
185	GEN 8:1	Nuu kↄ̃n nↄ̀bↄsɛ̃tɛnↄ kↄ̃n pↄ́kãdee kɛ̀ aↄ̃ↄ kúo góro guunↄ píngi yã dↄ̀ Ludan. Kɛ̀ à ĩa gbàrɛ tↄↄtɛa, ben í nà babanaa.
186	GEN 8:2	Í kɛ̀ kú tↄↄtɛ gĩzĩnↄ kↄ̃n ludambɛ fòonↄ tàta, ben lou kɛ̃̀.
201	GEN 8:17	Ǹ pↄ́ wɛ̃̀ndidee kɛ̀ aↄ̃ↄ kúnyonↄ bↄɛ píngi, bãanↄ kↄ̃n nↄ̀bↄnↄ kↄ̃n pↄ́taa'onkusɛanↄ píngi, lɛ aↄ̃ fãakↄ̃a tↄↄtɛa aↄ̃gↄ̃ nɛ́ ii aↄ̃gↄ̃ kaara anduna guu.
215	GEN 9:9	Ma bà égↄ̃ kúao kↄ̃n a boriinↄ
216	GEN 9:10	kↄ̃n pↄ́ wɛ̃̀ndidee kɛ̀ aↄ̃ↄ kúao kɛ̀ aↄ̃ bↄ̀ góro guunↄ píngi, bãanↄ kↄ̃n pↄ́kãdeenↄ kↄ̃n nↄ̀bↄsɛ̃tɛnↄ kↄ̃n pↄ́ kɛ̀ aↄ̃ↄ kú tↄↄtɛanↄ píngi.
217	GEN 9:11	Ma bà égↄ̃ kúao. Mɛ́ í da andunala mà pↄ́ wɛ̃̀ndideenↄ kaatɛ píngi dↄro. Í é da andunala à à kaatɛ dↄro.
218	GEN 9:12	Ben Luda ɛ̀ara à bè: Ma bà égↄ̃ kúao kↄ̃n pↄ́ wɛ̃̀ndidee kɛ̀ aↄ̃ↄ kúaonↄ ai gurↄ píngimɛ. À sèedan yɛ̀.
221	GEN 9:15	lán ma bà kúao nà kↄ̃n pↄ́ wɛ̃̀ndide bori píngio, à yã é dↄmagumɛ. Mɛ́ tó í da andunala à pↄ́ wɛ̃̀ndidee kaatɛ píngi dↄro.
223	GEN 9:17	Ben Luda bè Nuunɛ: Ma bà kuuna kↄ̃n pↄ́ wɛ̃̀ndidee kɛ̀ aↄ̃ↄ kú anduna guu píngio sèedan gwe.
226	GEN 9:20	Nuu nɛ́ búbarimɛ, ben à geepi líkpɛ bà.
247	GEN 10:12	kↄ̃n Rɛsɛ̃ kɛ̀ kú Ninɛva dagura kↄ̃n Kalao. Ninɛvan wɛ́tɛda ìsi ũ.
254	GEN 10:19	Aↄ̃ bùsu lɛ́zɛkiin yɛ̀. Bↄna zaa Sidↄ̃ gana Gera kɛ̀ kú Gaza saɛ ai Sↄdↄmu kↄ̃n Gↄmↄrao kↄ̃n Adamao kↄ̃n Zeboimu kɛ̀ kú Lasa saɛo.
265	GEN 10:30	Bↄna Mɛsa gana Sefa kↄ̃n kpiii kɛ̀ kú ↄfãntɛ̃bↄɛ kpaanↄ, àmbe ń bùsu ũ.
270	GEN 11:3	Aↄ̃ bèkↄ̃nɛ: Wà gá wà kúnku bↄ wà kpáta maamaa. Kúnkun ń gbɛ̀ ũ, kↄntaan ń siminti ũ.
305	GEN 12:6	ben aↄ̃ bↄ̀ɛ bùsu pìn ai aↄ̃ kà Mↄre gbíi lí kiia Sɛkɛmu. Kanaanↄↄ kú bùsu pìn gurↄ beeea.
307	GEN 12:8	Kɛ̀ à fɛ̀ɛ gwe, à mì pɛ̀ kpiii kɛ̀ kú Bɛtɛli ↄfãntɛ̃bↄɛ kpaanↄa, ben à bùra kàɛ gwe, Bɛtɛli kú ↄfãntɛ̃gɛ̃kpɛn kpa, Ai kú ↄfãntɛ̃bↄɛ kpa. À Dii gbãgbãkii bò gwe dↄ, ben à à sìsi.
325	GEN 13:6	Aↄ̃ pↄ́kãdeenↄↄ pari, guu pì sɛ̃̀ e mↄ́ḿma ń píngiro. Beee yãnzin aↄ̃é fↄ̃ wàgↄ̃ kú gu dↄ̃nkↄ̃a lɛdo dↄro.
326	GEN 13:7	Ben lɛokpakↄ̃a gɛ̃̀ Abramu pↄ́dãrinↄ kↄ̃n Lutu pↄ́dãrinↄ dagura. Zĩ beeea sↄ̃ Kanaanↄ kↄ̃n Pɛrizinↄↄ kú bùsu pìn.
327	GEN 13:8	Ben Abramu bè Lutunɛ: À maa lɛokpakↄ̃a gↄ̃ kú wa daguraro, ke ma pↄ́dãrinↄ kↄ̃n n pↄ́dãrinↄ dagura, zaakɛ danɛnↄn wa ũ.
331	GEN 13:12	Abramu gↄ̃̀ Kanaa bùsun, Lutu sↄ̃ↄ kú Yoda guzurɛ wɛ́tɛnↄ dagura. À bùra kàɛ Sↄdↄmu saɛ.
337	GEN 13:18	Abramu fɛ̀ɛ à gàa à vɛ̃̀ɛ Mamare gbíi lí kɛ̀ kú Ɛblↄnunↄ saɛ, ben à Dii gbãgbãkii bò gwe.
342	GEN 14:5	À wɛ̃̀ gɛ̃ro dosaidee guun Kɛdↄlaoma kↄ̃n kína kɛ̀ aↄ̃ↄ kúonↄ mↄ̀ wà zĩ̀ blè Rɛfaimunↄa zaa Asɛtɛro Kanaimu, aↄ̃ zĩ̀ blè Zuzinↄa zaa Hamu, aↄ̃ zĩ̀ blè Ɛminↄa zaa Save Kiriataimu,
344	GEN 14:7	Ben aↄ̃ lìara wà sù Ɛmisipa. Àmbe wè be tia Kadɛsi. Aↄ̃ zĩ̀ blè Amalɛki bùsua píngi kↄ̃n Amↄri borii kɛ̀ aↄ̃ↄ kú Azazↄ̃tamanↄa dↄ.
349	GEN 14:12	Gurↄↄ mↄ̀a Abramu vĩ̀i nɛ́ Lutu kú Sↄdↄmu, ben aↄ̃ à kũ̀ wà tào kↄ̃n à auzikinↄ.
354	GEN 14:17	Kɛ̀ Abramu zĩ̀ blè Kɛdↄlaomaa kↄ̃n kína kɛ̀ aↄ̃ↄ kúonↄ èe suu, ben Sↄdↄmu kí bↄ̀ à dààlɛ Save Guzurɛ kɛ̀ wè be tia Kí Guzurɛn.
363	GEN 15:2	Ben Abramu bè: Dii Luda, bↄ́n nɛ́ ma gbaa? Má nɛ́ vĩro. Damasiku gbɛ̃ Ɛliɛza bé égↄ̃ dɛ ma bɛ túbibleri ũ.
364	GEN 15:3	Kɛ̀ nɛ́ɛ ma gba nɛ́ro, ma bɛ zĩkɛri pì bé égↄ̃ dɛ ma túbibleri ũ.
365	GEN 15:4	Ben Dii bènɛ: Àmbe eégↄ̃ dɛ n túbibleri ũro. Nɛ́ kɛ̀ eé bↄ n plɛ̀n bé eégↄ̃ dɛ n túbibleri ũ.
379	GEN 15:18	Zĩ beeean Dii bè a bà égↄ̃ kú kↄ̃n Abramuo à bè: Mɛ́ bùsu kɛ̀kii kpá n boriinↄa zaa Igipiti gulɛzɛki swaa ai swadaa kɛ̀ wè be Yuflati,
380	GEN 15:19	bùsu kɛ̀ Keninↄↄ kún kↄ̃n Kenizinↄ kↄ̃n Kadamↄnunↄ
389	GEN 16:7	Dii Malaika à è íbↄkiizi gbáan, bia pì kú Suru zɛ́ saɛmɛ.
394	GEN 16:12	Eégↄ̃ dɛ lán zaakisɛ̃tɛ bà, eé íbɛtɛ kpá kↄ̃n gbɛ̃ píngio, gbɛ̃ píngi é íbɛtɛ kpáo se. Eégↄ̃ kú kↄ̃ yãn kↄ̃n a gbɛ̃nↄro.
396	GEN 16:14	À yã bé à tò wà tↄ́ kpà lↄ̀gↄ pìnɛ Ludabɛ̃ɛkɛema'ee lↄ̀gↄ. À kú Kadɛsi kↄ̃n Bɛrɛdio daguramɛ.
402	GEN 17:4	Lán ma bà kúnyo nà, nɛ́ gↄ̃ bori pariinↄ dezi ũ.
405	GEN 17:7	Ma bà égↄ̃ kúnyo kↄ̃n n boriinↄ ai gurↄ píngi. Mɛ́gↄ̃ dɛ n Luda ũ kↄ̃n n boriinↄ n gbɛra.
406	GEN 17:8	Mɛ́ Kanaa bùsu kɛ̀ ń kú à guu nibↄ ũ kpámma píngi kↄ̃n n boriinↄ n gbɛra, lɛ aↄ̃gↄ̃ vĩ gurↄ píngi, mɛ́gↄ̃ dɛ ń Luda ũ.
410	GEN 17:12	Séde n bori nɛ́gↄ̃gbɛ̃nↄ bã̀ngu kɛ ń gurↄ sↄraagↄ̃dee zĩ ai ń boriia, nɛ́ kɛ̀ wà ń í n bɛɛnↄ kↄ̃n zↄ̀ kɛ̀ wà ń lú bori pãndenↄanↄ ń píngi.
417	GEN 17:19	Luda bè: Yãpura n naↄ̃ Sara é nɛ́ i gↄ̃gbɛ̃ ũ, nɛ́ tↄ́ kpánɛ Isaaku. Ma bà égↄ̃ kúo kↄ̃n à boriinↄ ai gurↄ píngi.
421	GEN 17:23	Ben Ibraĩ a nɛ́ Sumaila sɛ̀ kↄ̃n a bɛ gↄ̃gbɛ̃ kɛ̀ wà ń í a bɛɛnↄ kↄ̃n zↄ̀ kɛ̀ wà ń lúnↄ ń píngi, ben à bã̀ngu kɛ̀ńnɛ zĩ beeea gↄ̃ↄ lán Ludaa ònɛ nà.
425	GEN 17:27	kↄ̃n a bɛ gↄ̃gbɛ̃ kɛ̀ wà ń í a bɛɛnↄ kↄ̃n zↄ̀ kɛ̀ wà ń lú bori pãndeanↄ ń píngi. Aↄ̃ bã̀ngu kɛ̀ gurↄ dↄ̃nkↄ̃ zĩmɛ.
434	GEN 18:9	Ben aↄ̃ à là wà bè: N naↄ̃ Sara kú mámɛ? À bè: À kú kutaan gwe.
435	GEN 18:10	Ben Dii bè: Mɛ́ ɛara mà mↄ́ n kiia zii mↄndaa'i, n naↄ̃ Sara é nɛ́ i gↄ̃gbɛ̃ ũ. Sara kú à kpɛɛ kuta kpɛɛlɛ èe maa.
449	GEN 18:24	Tó gbɛ̃ maaanↄↄ kú wɛ́tɛ pì guu aↄ̃ kà gↄ̃ↄn baplaa akuri, nɛ́ ń waran yↄ́? Nɛ́ sùu kɛ wɛ́tɛ pìo gbɛ̃ maa gↄ̃ↄn baplaa akuri pìnↄ yãnziroo?
452	GEN 18:27	Ben Ibraĩ ɛ̀ara à bè dↄ: Mamↄma kɛ̀ má dɛ bùsuti kↄ̃n túbuo ũ, ǹ gaafaa kɛmɛ mà yã onnɛ, Dii.
460	GEN 19:2	à bè: Ma diinↄ, a yã nna! À mↄ́ à gá pita mamↄma a zↄ̀bleri bɛ. À zú o à i kɛ̀, zia kↄngↄ idɛ'idɛ é da zɛ́n. Aↄ̃ bè: Auo, wé i gãalɛmɛ.
463	GEN 19:5	Aↄ̃ lɛ́ zù Lutuzi wà bè: Gↄ̃gbɛ̃ kɛ̀ aↄ̃ pìta n bɛ uusiɛanↄↄ kú máa? Ǹ bↄɛńyowe, wà pãpãa kɛńyo.
469	GEN 19:11	Aↄ̃ↄ tò vĩ̀a gbɛ̃ kɛ̀ aↄ̃ↄ kú kpɛɛlɛnↄ kũ̀ ń píngi nɛ́ féte gbɛ̃nsi, ben aↄ̃ↄe kpɛ́ gbà wɛtɛɛ ai aↄ̃ kpàsa.
485	GEN 19:27	Kɛ̀ guu dↄ̀, Ibraĩ fɛ̀ɛ kↄngↄ idɛ'idɛ, à gàa guu kɛ̀ à kún yã kↄ̃n Diio pìn.
487	GEN 19:29	Lɛmɛ kɛ̀ Luda guzurɛ kɛ̀ Lutu kún wɛ́tɛnↄ kàatɛ lɛ, Ibraĩ yã dↄ̀n, ben à Lutu bↄ̀ wɛ́tɛ kɛ̀ à kàatɛ pìnↄ guu.
488	GEN 19:30	Kɛ̀ Lutu bↄ̀ Zoa, à gàa à vɛ̃̀ɛ kpiiinↄ tɛ́ kↄ̃n a nɛ́nↄgbɛ̃ gↄ̃ↄn plaaanↄ, kɛ̀ à kuuna Zoa vĩa vĩ yãnzi. Ben à gↄ̃̀ kú gbɛ̀wɛɛn kↄ̃n a nɛ́nↄgbɛ̃ pìnↄ.
489	GEN 19:31	Ben Yↄ̃ↄ bè Bãanɛ: Wa de zi kũ̀, ben gↄ̃gbɛ̃ kee kú bùsun à daɛwao lán wè kɛ nàro.
512	GEN 20:16	Ben à bè Saranɛ: Ma kondogi ↄↄ bↄrↄ doo kpà n dãgↄ̃a agbaakpabↄ ũ, lɛ gbɛ̃ kɛ̀ aↄ̃ↄ kúnyonↄ dↄ̃ ń píngi kɛ̀ nɛ́ɛ taari kɛro.
524	GEN 21:10	ben à bè Ibraĩnɛ: Ǹ pɛ́ zↄ̀ pìa kↄ̃n a nɛ́o, zaakɛ zↄ̀ nɛ́ pì é túbi ble kↄ̃n ma nɛ́ Isaakuoro.
531	GEN 21:17	Luda gↄ̃kparɛ pì ↄ́ↄ dↄↄ mà, ben Luda Malaika lɛ́ zù Agyarazi zaa musu à bè: Bↄ́ bé à n lee Agyara? Ǹton vĩa kɛro, zaakɛ Luda nɛ́ pì ↄ́ↄ dↄↄ mà guu kɛ̀ à kún.
534	GEN 21:20	Ludaa kú kↄ̃n nɛ́ pìo ai à ìsi kũ̀. Ègↄ̃ kú gbáan, ben à gↄ̃̀ tofekari ũ.
535	GEN 21:21	Gurↄↄ kɛ̀ à kú Parani gbáa pì guun à da Igipiti bùsu nↄↄ sɛ̀nɛ.
536	GEN 21:22	Gurↄ beeea Abimɛlɛki kↄ̃n a zĩ̀kpɛɛnↄ gbɛ̃nsi Fikↄluo gàa Ibraĩ kiia aↄ̃ bènɛ: Ludaa kúnyo yã kɛ̀ nɛ́ɛ kɛɛ guu píngi.
537	GEN 21:23	Ǹ la damɛ kɛ̀ gↄ̃ↄ ǹ sí kↄ̃n Ludao kɛ̀ nɛ́ bↄ ma kpɛɛro ke ma nɛ́nↄ ke ma boriinↄ. Lán ma gbɛ̃kɛɛ kɛ̀nnɛ nà, ǹ kɛmɛ lɛ kↄ̃n bùsu kɛ̀ ń kú à guu gbɛ̃ zĩ̀tↄ ũuo.
555	GEN 22:7	Ben Isaaku yã ò a denɛ à bè: Baa! À wèàla à bè: Bↄ́mɛɛ nɛ́? Ben à bènɛ: Wá tɛ́ kũna kↄ̃n yàkao, sãnɛ bↄ̀rↄ kɛ̀ wé ká tɛ́n à tɛ́ kũ kú mámɛ?
581	GEN 23:9	à Makpɛla gbɛ̀wɛɛ kɛ̀ kú à bú lɛ́zi yá ma à ↄↄa, eé gↄ̃ ma gɛ̀vĩikii ũ a bùsun.
583	GEN 23:11	Auo mare, ǹ ma yã ma. Ma n gba buraa pì kↄ̃n gbɛ̀wɛɛ kɛ̀ kú gweeo. Ma n gba ma gbɛ̃nↄ wáa. Ma n gbamɛ, lɛ ǹ n gɛ̀ vĩin.
589	GEN 23:17	Lɛmɛ Ɛflↄnu bú kɛ̀ kú Makpɛla, Mamare saɛ, gↄ̃̀ Ibraĩ pↄ́ ũ lɛ kↄ̃n gbɛ̀wɛɛ kɛ̀ kú gweeo kↄ̃n lí kɛ̀ kú gweenↄ zaa bú pì lɛ́zi píngi.