5	GEN 1:5	À tↄ́ kpà gupuraanɛ fãantɛ̃, gusiaa sↄ̃ gwãavĩ. Guu sì guu dↄ̀, à gurↄ káakun gwe.
7	GEN 1:7	Ben à bàtuma kɛ̀ lɛ, à í kɛ̀ kú bàtuma gĩzĩ kɛ̃̀kↄ̃a kↄ̃n í kɛ̀ kú à musuo.
9	GEN 1:9	Ben Luda bè: Í kɛ̀ kú gĩzĩ kakↄ̃a gu dↄ̃nkↄ̃n, gukori bↄ. Ben à kɛ̀ lɛ.
14	GEN 1:14	Ben Luda bè: Pↄ́ gupurinↄ gↄ̃ kú musu aↄ̃gↄ̃ fãantɛ̃ kɛ̃ɛkↄ̃a kↄ̃n gwãavĩo, aↄ̃gↄ̃ wɛ̃̀ sèedanↄ kↄ̃n gurↄↄnↄ kↄ̃n wɛ̃̀nↄ ↄdↄańnɛ.
16	GEN 1:16	À pↄ́ gupuri ìsinↄ kɛ̀ mɛ̀n plaa, à kɛ̀ gbãaa ègↄ̃ kí blee fãantɛ̃, à kɛ̀ busɛ ègↄ̃ kí blee gwãavĩ. À sↄsↄnɛnↄ kɛ̀ dↄ.
18	GEN 1:18	aↄ̃gↄ̃ kí blee fãantɛ̃ kↄ̃n gwãavĩo, aↄ̃gↄ̃ gupura kɛ̃ɛkↄ̃a kↄ̃n gusiaao. Ben à è à kɛ̀ maa.
20	GEN 1:20	Ben Luda bè: Pↄ́ wɛ̃̀ndideenↄ í pa yɛ́lɛlɛ, bãanↄ dagula musu aↄ̃gↄ̃ vĩaa bàtumaa.
27	GEN 1:27	Ben Luda gbɛ̃ntee kɛ̀ a zĩnda taka ũ. À zĩnda takan à ń kɛ́ à ũ. À ń kɛ́ gↄ̃gbɛ̃ kↄ̃n nↄgbɛ̃o.
33	GEN 2:2	Ai à gurↄ swɛɛplaadee zĩ gↄ̃ ká, à zĩi kɛ̀ èe kɛɛ pì yã̀a. À gurↄ swɛɛplaadee pìn à kámma bò kↄ̃n zĩi kɛ̀ à kɛ̀nↄ píngi.
34	GEN 2:3	Ben à aubarika dà gurↄ swɛɛplaadee pìn à dìɛ a pↄ́ ũ, kɛ̀ zĩ beeen à kámma bò kↄ̃n zĩi kɛ̀ à kɛ̀nↄ píngi yãnzi.
36	GEN 2:5	bura pↄ́kee e bↄɛ tↄↄtɛa kↄ̀ro, baa sɛ̃̀, zaakɛ Dii Ludaa e tó lou màro, bensↄ̃ gbɛ̃kee kuu à tↄↄtɛ zĩi kɛro.
38	GEN 2:7	Dii Luda gↄ̃gbɛ̃ í kàsa kↄ̃n bùsutio, ben à ĩa wɛ̃̀ndidee vù à yĩn, ben gↄ̃gbɛ̃ pì gↄ̃̀ gbɛ̃ bɛ̃ɛ ũ.
46	GEN 2:15	Dii Luda gↄ̃gbɛ̃ pì dìɛ Ɛdɛni dàko pì guu lɛ àgↄ̃ à zĩi kɛ àgↄ̃ gwaa.
57	GEN 3:1	Mlɛ̃̀ bé à mↄnafiki vĩ dɛ pↄ́ kɛ̀ Dii Ludaa kɛ̀nↄla píngi, ben à nↄgbɛ̃ là à bè: Luda bè àton dàko pì lí ke bɛɛ blenloo?
64	GEN 3:8	Kɛ̀ gↄ̃gbɛ̃ kↄ̃n a naↄ̃o Dii Luda kĩi mà èe táa oo dàko pì guu uusiɛ, ben aↄ̃ ùtɛnɛ dàko pì lán.
66	GEN 3:10	À wèàla à bè: Kɛ̀ ma n kĩi mà, ben vĩa ma kũ kɛ̀ má kú bũu yãnzi, ben ma utɛ.
72	GEN 3:16	Ben à bè nↄgbɛ̃nɛ: Mɛ́ n nↄ̀sina wãwãa kaarannɛ, nɛ́gↄ̃ nɛ́ ii wãwãao. N zã nii égↄ̃ kúmmamɛ, eégↄ̃ gbãa vĩ n musu.
79	GEN 3:23	Ben Dii Luda pɛ̀a à à bↄ̀ Ɛdɛni dàko pì guu. Ben Adamu gàa à tↄↄtɛ kɛ̀ Luda à bↄ̀n zĩi kɛ.
83	GEN 4:3	Zĩkea Kaini mↄ̀ kↄ̃n a bura pↄ́nↄo gbaa ũ Diinɛ.
91	GEN 4:11	Tia sa nɛ́gↄ̃ láari pↄ́ ũmɛ, nɛ́gↄ̃ zã̀ kↄ̃n tↄↄtɛ kɛ̀ n dãaro aru mì n ↄzĩo.
106	GEN 4:26	Sɛti sↄ̃ nɛ́gↄ̃gbɛ̃ ì, ben à tↄ́ kpànɛ Ɛnↄsu. Zaa zĩ beeean wà nà Dii sísinaa.
135	GEN 5:29	À tↄ́ kpànɛ Nuu à bè: Gbɛ̃ beee bé eé wa làakari kpáɛwe zĩ gbãaa kɛ̀ wée kɛ yãnzi. Wée zĩ gbãaa pì kɛɛ Dii láarikɛna tↄↄtɛnɛ yãnzimɛ.
147	GEN 6:9	Nuu boriinↄ yãn yɛ̀. Nuu nɛ́ gbɛ̃ maaamɛ. Kɛ̀ à kuu, à mɛ̀n doo bé à taari vĩro, à táa ò kↄ̃n Ludao.
153	GEN 6:15	Nɛ́ góro pì kɛ lán kɛ̀ bà. À gbã̀aa gã̀sãsuu wàa do kpɛ́ basↄↄro, à yàasa gã̀sãsuu baplaa akuri, à lezĩ sↄ̃ gã̀sãsuu baaakuri.
164	GEN 7:4	Zaakɛ gurↄ swɛɛplaaa gbɛra mɛ́ tó lou ma tↄↄtɛa ai gurↄ baplaa fãantɛ̃ kↄ̃n gwãavĩo, lɛ mà pↄ́ wɛ̃̀ndidee kɛ̀ má kɛ̀nↄ waa tↄↄtɛa píngi.
171	GEN 7:11	Nuu wɛ̃̀ wàa aagↄ̃dee guu à mↄ plaade gurↄ gɛ̃ro awɛɛplaadee zĩ, ben í kɛ̀ kú tↄↄtɛ gĩzĩnↄ pũ̀tã píngi, ben ludambɛ fòonↄ fↄ̃̀.
172	GEN 7:12	Lou mà ai gurↄ baplaa fãantɛ̃ kↄ̃n gwãavĩo.
173	GEN 7:13	Zĩ beeean Nuu gɛ̃̀ góro guu kↄ̃n a nɛ́nↄ Sɛmu kↄ̃n Hamuo kↄ̃n Yafɛtio kↄ̃n api naↄ̃o kↄ̃n a nɛ́nↄ naↄ̃ↄnↄ gↄ̃ↄn aagↄ̃,
174	GEN 7:14	kↄ̃n nↄ̀bↄsɛ̃tɛnↄ píngi ń boriia kↄ̃n pↄ́kãdeenↄ píngi ń boriia kↄ̃n pↄ́taa'onkusɛanↄ píngi ń boriia kↄ̃n pↄ́ vĩananↄ píngi ń boriia, bãanↄ kↄ̃n pↄ́ dɛ̀bɛdeenↄ píngi.
179	GEN 7:19	Í kàara à dà tↄↄtɛla láe à dà kpii lezĩ kɛ̀ kú anduna guunↄla míↄmiↄ.
182	GEN 7:22	Pↄ́ kɛ̀ aↄ̃è wesaa boo kɛ̀ aↄ̃ↄ kú sĩ̀sĩaanↄ gàga píngi.
183	GEN 7:23	Luda pↄ́ wɛ̃̀ndidee kɛ̀ aↄ̃ↄ kú sĩ̀sĩaanↄ kàatɛ píngi. À gbɛ̃nteenↄ kↄ̃n nↄ̀bↄnↄ kↄ̃n pↄ́taa'onkusɛanↄ kↄ̃n bãanↄ kàatɛ anduna guu. Nuu bé à bↄ̀ ado kↄ̃n pↄ́ kɛ̀ aↄ̃ↄ kúo góro guunↄ.
185	GEN 8:1	Nuu kↄ̃n nↄ̀bↄsɛ̃tɛnↄ kↄ̃n pↄ́kãdee kɛ̀ aↄ̃ↄ kúo góro guunↄ píngi yã dↄ̀ Ludan. Kɛ̀ à ĩa gbàrɛ tↄↄtɛa, ben í nà babanaa.
186	GEN 8:2	Í kɛ̀ kú tↄↄtɛ gĩzĩnↄ kↄ̃n ludambɛ fòonↄ tàta, ben lou kɛ̃̀.
188	GEN 8:4	À mↄ swɛɛplaade gurↄ gɛ̃ro awɛɛplaadee zĩ góro pì dì kpiii kɛ̀ wè be Ararataa.
189	GEN 8:5	Í pì e lagoo ai mↄ kuridee guu. Mↄ kuridee pì gurↄ káaku zĩ kpiiinↄ mìsↄ̃ntɛ̃nↄ bↄ̀bↄ.
191	GEN 8:7	ben à bã kãnkãna gbàrɛ. Èe vĩaa èe gaa èe suu ai í bàba tↄↄtɛa.
195	GEN 8:11	Pↄ̃tɛ̃ɛ pì lìara à sù à kiia uusiɛ à kù lá kàso à kpá a lɛ́zĩ. Ben Nuu dↄ̃ kɛ í làgo tↄↄtɛa.
197	GEN 8:13	Nuu wɛ̃̀ wàa aagↄ̃ awɛɛdodee guu à mↄ káaku gurↄ káaku zĩ, í bàba tↄↄtɛa, ben à góro pì musu gò. Kɛ̀ à guu gwà, à è í yã̀a tↄↄtɛa.
198	GEN 8:14	À mↄ plaade gurↄ baaasↄↄro awɛɛplaadee zĩ í bàba tↄↄtɛa.
205	GEN 8:21	Kɛ̀ Dii à gũu mà, à kɛ̀nɛ nna, ben à laasuu lɛ̀ à bè: Mɛ́ ɛara mà láari zĩ tↄↄtɛa gbɛ̃ntee yãnzi dↄro, zaakɛ gbɛ̃ntee laasuu ègↄ̃ zaa zaa à ↄ̀wazikɛgurↄmɛ. Mɛ́ ɛara mà pↄ́ wɛ̃̀ndideenↄ kaatɛ lán má kɛ̀ nà dↄro.
206	GEN 8:22	Ai anduna gá àgↄ̃ kuuo pↄ́tↄ̃na kↄ̃n pↄ́kɛkɛnao, ĩa kↄ̃n guwãaao, buusiɛ kↄ̃n kwɛɛo, fãantɛ̃ kↄ̃n gwãavĩo, aↄ̃ ke é yãaro.
208	GEN 9:2	Nↄ̀bↄnↄ kↄ̃n bãanↄ kↄ̃n pↄ́taa'onkusɛanↄ kↄ̃n kpↄ̀nↄ égↄ̃ a vĩa vĩ píngi. Ma ń náare a ↄzĩ.
244	GEN 10:9	Tofe sàmɛ Dii aɛzĩ. À yã bé à tò wè be: Lán Nimlↄdu dɛ tofe sà ũ Dii aɛzĩ nà.
271	GEN 11:4	Ben aↄ̃ bè: Wà wɛ́tɛdaa káɛ wà kpɛ́didikↄ̃ana bo à mìsↄ̃ntɛ̃ zↄ̃ ludambɛɛa. Wà wa zĩnda tↄ́ bↄ lɛ wàtongↄ̃ fãakↄ̃ana doodo anduna guuro yãnzi.
272	GEN 11:5	Ben Dii pìta à wɛ́tɛdaa pì gwà kↄ̃n kpɛ́ lezĩ kɛ̀ gbɛ̃nteenↄ bòo.
302	GEN 12:3	Mɛ́ aubarika da gbɛ̃ kɛ̀ aↄ̃é sa maaa onnɛɛnↄn, mɛ́ gbɛ̃ kɛ̀ aↄ̃é sa zaaa onnɛɛnↄ ká. Anduna bori píngi é aubarika e n gãzĩ.
304	GEN 12:5	kↄ̃n a naↄ̃ Saraio kↄ̃n a vĩ̀i nɛ́ Lutuo kↄ̃n ń auziki kɛ̀ aↄ̃ↄ vĩinↄ kↄ̃n gbɛ̃ kɛ̀ aↄ̃ↄ sɛ̀ gweenↄ. Lɛn aↄ̃ bↄ̀ Arana lɛ aↄ̃ dà Kanaa zɛ́n. Kɛ̀ aↄ̃ kà gwe,
310	GEN 12:11	Kɛ̀ à kà kĩi kↄ̃n Igipitio, à bè a naↄ̃nɛ: Má dↄ̃ nↄ maan n ũ.
315	GEN 12:16	Ben à Abramu gwà maamaa à yãnzi, à sãanↄ kpàa kↄ̃n zùnↄ kↄ̃n zaakinↄ kↄ̃n gↄ̃gbɛ̃ zĩkɛrinↄ kↄ̃n nↄgbɛ̃ zĩkɛrinↄ kↄ̃n lakuminↄo.
316	GEN 12:17	Ben Dii gyã pãsĩnↄ kà Fili'aunan kↄ̃n a bɛdeenↄ Abramu naↄ̃ pì yãnzi.
321	GEN 13:2	Abramu nɛ́ auzikideemɛ, à pↄ́kãdeenↄ vĩ pari kↄ̃n kondogio kↄ̃n vurao.
324	GEN 13:5	Lutu ègↄ̃ tɛ́ kↄ̃n Abramuo lɛdo. À sãanↄ kↄ̃n zùnↄ kↄ̃n bisakutaanↄ vĩ se.
326	GEN 13:7	Ben lɛokpakↄ̃a gɛ̃̀ Abramu pↄ́dãrinↄ kↄ̃n Lutu pↄ́dãrinↄ dagura. Zĩ beeea sↄ̃ Kanaanↄ kↄ̃n Pɛrizinↄↄ kú bùsu pìn.
329	GEN 13:10	Kɛ Lutu guu gwà, à è Yoda guzurɛ píngi mↄdↄ vĩ maamaa. Ai Dii gↄ̃ gá Sↄdↄmu kↄ̃n Gↄmↄrao kaatɛ, guzurɛ pì dɛ lán Dii swadako bà, lán Igipiti bùsu bà, ai à gàa pɛ́ Zoaa.
332	GEN 13:13	Sↄdↄmudeenↄ sↄ̃ↄ zaa, durunkɛri sànↄn ń ũ Dii aɛzĩ.
338	GEN 14:1	Zĩkea Babilↄnia bùsu kí Amarafɛli kↄ̃n Ɛlasa bùsu kí Ariↄkio kↄ̃n Elamu bùsu kí Kɛdↄlaomao kↄ̃n Goyimu bùsu kí Tidalao
347	GEN 14:10	Sidimu guzurɛ kↄntaa wɛ̀ɛ vĩ pari. Kɛ̀ Sↄdↄmu kína kↄ̃n Gↄmↄra kínao e bàa lɛɛ, ben aↄ̃ sì à guu, ben ń gbɛ̃ kpaaanↄ bàa lɛ̀ wà gàa gusĩsĩdeen.
350	GEN 14:13	Ben gbɛ̃ kɛ̀ bↄ̀ ń ↄzĩ gàa à ò Eberu bori Abramunɛ zaa Mamare gbíi línↄ saɛ. Mamare kↄ̃n a dãaronↄ Ɛsɛkↄlu kↄ̃n Anɛo nɛ́ Amↄri boriinↄmɛ, aↄ̃ↄ dɛ kↄ̃ gbɛ̃ ũ kↄ̃n Abramuo.
352	GEN 14:15	Ben à a gbɛ̃nↄ kpàatɛtɛ, ben aↄ̃ sì ń tɛ́ gwãavĩ. Aↄ̃ zĩ̀ blèḿma aↄ̃ pɛ̀ḿma ai Oba, Damasiku gu'igbãroo kpa.
357	GEN 14:20	Aubarikadeen Luda Musude kɛ̀ à n ibɛɛnↄ nànnɛ n ↄzĩ ũ. Ben Abramu auziki kɛ̀ èe suunↄ píngi kuridee kpàa.
360	GEN 14:23	mɛ́ n pↄ́ke sɛ́ro, baa kyateyĩba, lɛ ǹton be n ma kɛ auzikidee ũro yãnzi.
362	GEN 15:1	Beee gbɛra Dii yã ò Abramunɛ wɛ́ɛgupu'ena guu à bè: Abramu! Ǹton vĩa kɛro. Mámbe n sɛngbango ũ, n asaia égↄ̃ bíta maamaa.
363	GEN 15:2	Ben Abramu bè: Dii Luda, bↄ́n nɛ́ ma gbaa? Má nɛ́ vĩro. Damasiku gbɛ̃ Ɛliɛza bé égↄ̃ dɛ ma bɛ túbibleri ũ.
364	GEN 15:3	Kɛ̀ nɛ́ɛ ma gba nɛ́ro, ma bɛ zĩkɛri pì bé égↄ̃ dɛ ma túbibleri ũ.
373	GEN 15:12	Kɛ̀ ↄfãntɛ̃ e gɛ̃ɛ kpɛ́n, i bíta Abramu kũ̀, ben gusia bíta vĩadee dààla.
375	GEN 15:14	Mↄde mɛ́ ĩa kɛ borii kɛ̀ aↄ̃ↄe zↄ̀ bleeńnɛnↄa, n boriinↄ é bↄɛ kↄ̃n auziki bítao.
376	GEN 15:15	Mmↄn sↄ̃, nɛ́gↄ̃ aafiamɛ ai ǹ gá zi kũo gbasa ǹ ká n dezinↄla wà n vĩi.
378	GEN 15:17	Kɛ̀ ↄfãntɛ̃ gɛ̃̀ kpɛ́n, guu sì, ben Abramu è kĩi kɛ̀ èe tɛ́sukpɛ bↄↄ kↄ̃n sɛ̃̀tɛo e gɛ̃ɛ nↄ̀bↄ kɛ̀ à pàrapara pìnↄ dagura.
379	GEN 15:18	Zĩ beeean Dii bè a bà égↄ̃ kú kↄ̃n Abramuo à bè: Mɛ́ bùsu kɛ̀kii kpá n boriinↄa zaa Igipiti gulɛzɛki swaa ai swadaa kɛ̀ wè be Yuflati,
383	GEN 16:1	Abramu naↄ̃ Sarai e nɛ́ iro. À nↄgbɛ̃ zĩkɛri vĩ Igipiti gbɛ̃ ũ kɛ̀ wè benɛ Agyara.
384	GEN 16:2	Ben Sarai bè Abramunɛ: Lán Dii ma kɛ pãaa ũ nà, ǹ daɛ kↄ̃n ma zĩkɛrio. Má sì kɛ̀ mɛ́ nɛ́nↄ e à gãzĩ. Ben Abramu Sarai yã mà.
388	GEN 16:6	Ben Abramu wèàla à bè: N zↄ̀ kuu n pↄ́ ũmɛ. Ǹ kɛnɛ lán ń yezi nà. Kɛ̀ Sarai ĩa dàa, ben à bàa lɛ̀nɛ.
390	GEN 16:8	Ben à à là à bè: Sarai zĩkɛri Agyara, n bↄ mámɛ? Nɛ́ɛ gaa mámɛ? Ben à wèàla à bè: Mɛ́ɛ bàa lɛɛ ma dii Sarainɛmɛ.
403	GEN 17:5	Weégae bennɛ Abramu dↄro, sé Ibraĩ, zaakɛ mɛ́ n kɛ bori pariinↄ dezi ũ.
406	GEN 17:8	Mɛ́ Kanaa bùsu kɛ̀ ń kú à guu nibↄ ũ kpámma píngi kↄ̃n n boriinↄ n gbɛra, lɛ aↄ̃gↄ̃ vĩ gurↄ píngi, mɛ́gↄ̃ dɛ ń Luda ũ.
407	GEN 17:9	Luda ɛ̀ara à bè Ibraĩnɛ: Mpi kↄ̃n n boriinↄ, àgↄ̃ ma bà kuunaao yã kũna ai a boriia.
410	GEN 17:12	Séde n bori nɛ́gↄ̃gbɛ̃nↄ bã̀ngu kɛ ń gurↄ sↄraagↄ̃dee zĩ ai ń boriia, nɛ́ kɛ̀ wà ń í n bɛɛnↄ kↄ̃n zↄ̀ kɛ̀ wà ń lú bori pãndenↄanↄ ń píngi.
413	GEN 17:15	Ben Luda ɛ̀ara à bè Ibraĩnɛ: Ǹton be n naↄ̃nɛ Sarai dↄro, ǹgae benɛ Sara sa.
415	GEN 17:17	Ben Ibraĩ dàɛ a puua Luda aɛ à yáa dↄ̀ à bè a nↄ̀sɛ guu: Gbɛ̃ kɛ̀ kà wɛ̃̀ basↄↄroo é nɛ́ iↄ́? Lán Sara kà wɛ̃̀ basiigↄ̃ akuri nà, eé nɛ́ iↄ́?
420	GEN 17:22	Kɛ̀ Luda yã ò Ibraĩnɛ à yã̀a, ben à à tò à tà musu.
421	GEN 17:23	Ben Ibraĩ a nɛ́ Sumaila sɛ̀ kↄ̃n a bɛ gↄ̃gbɛ̃ kɛ̀ wà ń í a bɛɛnↄ kↄ̃n zↄ̀ kɛ̀ wà ń lúnↄ ń píngi, ben à bã̀ngu kɛ̀ńnɛ zĩ beeea gↄ̃ↄ lán Ludaa ònɛ nà.
422	GEN 17:24	Ibraĩ kà wɛ̃̀ basↄↄro dosai, gbasa à bã̀ngu kɛ̀,
424	GEN 17:26	Gurↄ dↄ̃nkↄ̃ pì zĩ Ibraĩ bã̀ngu kɛ̀ kↄ̃n a nɛ́ Sumailao
425	GEN 17:27	kↄ̃n a bɛ gↄ̃gbɛ̃ kɛ̀ wà ń í a bɛɛnↄ kↄ̃n zↄ̀ kɛ̀ wà ń lú bori pãndeanↄ ń píngi. Aↄ̃ bã̀ngu kɛ̀ gurↄ dↄ̃nkↄ̃ zĩmɛ.
426	GEN 18:1	Dii bↄ̀ à mↄ̀ Ibraĩzi Mamare gbíi línↄ saɛ. Ibraĩ vɛ̃ɛna a bisakuta kpɛɛlɛ fãantɛ̃.