13	GEN 1:13	Iꞌipa ya ofi, na hwalahwalala hesa mate itete lahai fafaihonana.
27	GEN 1:27	Yo fede Yaubada, ena liba yai taumoho yo waihin, nenedi doha In, ya fatubudi,
35	GEN 2:4	Itete sidohana tanoꞌubu ena ginaginaulina. Fuyana Guyau Yaubada tanoꞌubu yo galewa ya ginaulidi mate,
39	GEN 2:8	Maihala ena aba kepama yai gabu ya ginauli Iden yai. Habahim taumoho ya falasa, amainiya ya tole.
40	GEN 2:9	Oyagi nene hudoꞌi - hudoꞌi ya ginaulidi be sa in. Itaꞌitadi sa loholoho na anꞌandi olidi. Mwahuli oyagina mate gabu atiꞌatipuna yai yo oyagi hesa hesana loholoho yo heyaya aba ita lobahidi hinaga amainiya.
41	GEN 2:10	Yomayoman ya didi lidi Iden, be gabuna ya fahoꞌowa. Hoꞌowa gwaluna yai ya saꞌa, be saꞌana oulina fati.
45	GEN 2:14	Saꞌa fafaihonana hesana Tigilesi mate Asiliya tefa saisaina yai ya didi lau. Na fafatina mate hesana Ifeleti.
46	GEN 2:15	Habahim taumohona ya lawen Iden. Gabuna yai ya tole be ya ita watan yo ya paisowai.
48	GEN 2:17	Loholoho yo heyaya aba ita lobahidi oyagina uluna, tabu u an, Ibe uluna wa an, haba wa peꞌi.
50	GEN 2:19	Be ataiꞌa, yosiyosi yo suisui yekoyekodi tanohi yai ya falasadi. Habahim ya lawedi Adam lisina, na hesa somo ya tole, mate, logena. In moho hige laꞌi, gonowana i saguhi.
59	GEN 3:3	In moho, Yaubada iyen, Oyagi gabu atipuna yai, tabu au an yo tabu au eliꞌina, doꞌata haba ami peꞌi.
60	GEN 3:4	Weso ya libalau waihin lebena iyen, Ya bwala! Ibege au peꞌi.
71	GEN 3:15	Um yo waihin yo ami hiti mulita haba ami fawaiyunu. In haba kulum ya bwaꞌi golugolu, Na um haba ahe geduna wa nali.
73	GEN 3:17	Hinaga ya libalau Adam lisina iyen, Oyagi uluna E falaugagayoꞌen mate tabu u an! In moho, lahum alinana wa lau watan be uluna wa an. Debam yai tanohi E kaumananaen. Gabu yai haba hawa nulinulidi sa tala inꞌin, na haba wa ankamkamna, be kalahe wa lobahi, yo somo iyabodi sa in hinaga, am kalahe.
76	GEN 3:20	Adam lahuna hesana ya tole, Iwa paꞌana in tau mwahumwahuli tinadi.
78	GEN 3:22	Habahim, Guyau Yaubada iyen, Dodoga te sa famala doha Ita, paꞌana loholoho yo heyaya haꞌa sa sibaidi. Tabu nimadi ti lolon be mwahuli oyagina uluna ti abi be ti an. Doꞌata, haba sa miya ee–, hige anadan.
79	GEN 3:23	Yo fede Guyau Yaubada ya weꞌaidi Iden Gabuna yai. Tanohi lisina yai ya falasadi, mate lisina yai, hinaga adi sa uma.
81	GEN 4:1	Adam ma lahuna Iwa sa eno bili, yo fede Iwa ya boga be natuna Kaina ya yosi. Na ya liba iyen, Guyau ena faisagusagu yai natugu taumoho E yosi.
85	GEN 4:5	In moho Kaina ena antalasam Guyau hige i ita faloholoho. Yo fede Kaina ya manabala be ya dulu.
87	GEN 4:7	Ibe wa sibai somo wa ginauli ya loholoho, haba wa kwade. Na paꞌana heyaya wa ginauli, heyaheyaya haꞌa em edaꞌeda ya dulu tawan be ya tanuwagaim. In moho bena wa anfalen.
105	GEN 4:25	Adam ma lahuna Iwa sa eno bili fuyo, natudi taumoho, na hesana sa tole: Seti. Iwa iyen, Yaubada ya ainauya fuyoꞌigu. Natugu Abela falau damahina, fuyanna hidana ya wunui.
106	GEN 4:26	Seti hinaga natuna taumoho. Hesana ya tole: Inosi. Fuyanna yai mate dodoga sa fatubu Guyau hesana sa fadebasae.
146	GEN 6:8	In moho Guyau Nowa ya ita faloholoho.
147	GEN 6:9	Itete Nowa dedena: Nanatuna faihona hesadi mate, Sem, Ham yo Diyapeti. Nowa ena fuya yai mate hige ena lau pono hesa. Yaubada moho ya famuli watan.
156	GEN 6:18	In moho yali haba E ginauli ai lisim. Um, lahum yo nanatum ma lalahudi haba ami luhu waga ganahewana.
205	GEN 8:21	Guyau Antalasam panena loholohona ya atahi, na nuwana yai iyen, Dodoga ma kikiꞌinadi ya laoma ee–, sa lalaꞌi edi nuwatuhu mate, heyaya haba sa ginaginauli. In moho tanohi ibege ya kaumananaen fuyoi. Ginauli mwahumwahulidi haꞌa E ginaulidi, ibege ya faheyaya fuyoꞌidi.
212	GEN 9:6	Yaubada dodoga ya ginauli doha In. be yena sai doga ya wunui, dogana haba sa wunui hinaga.
221	GEN 9:15	haba egu yali E nuwanuwatuhui, Yau yo um lisida yai, yo ginauli mwahumwahulidi mahudoꞌidi hinaga lisidi yai. Ibege ginauli mwahumwahulidi mahudoꞌidi utufi i faheyaya fuyoꞌidi.
273	GEN 11:6	be iyen, Itete mate boga esega yo alina esega yai sa libaliba, yo itete mate fatufatubu moho. Mulina yai sa fanuha somo sa nuwatuhui bena sa ginauli, haba sa ginauli.
294	GEN 11:27	Itete Tela laulauwewena: Abelam, Nahola, yo Halan. Tamadi mate Tela. Lota mate, tamana Halan.
296	GEN 11:29	Abelam mate lahuna Salaiya, na Nahola lahuna Milika. Halan natuna mate Milika yo Isika.
298	GEN 11:31	Tela natuna Abelam, wahana Halan natuna Lota, yo botiyana Salaiya, Abelam natuna, mate mahudoꞌidi Kaladiya dodogadi edi nuꞌu Ula yai sa aulaha bena sa lau Kanana. In moho, sa lau ee–, Halan nuꞌuna yai amainiya sa miya. Na hige ti abi mahano Kanana yai.
320	GEN 13:1	Abelam ma lahuna Idipi yai sa aulaha be sa lau Negebi. Edi ginauli yo yosiyosi mahudoꞌidi sa lawe esegahidi yo fede, Lota ya lau watanidi.
325	GEN 13:6	In moho, tanohina yai, yosiyosi adi ban hige i laꞌi, be hige gonowana ti miya esega.
329	GEN 13:10	Lota ya itaꞌita lau, Diyodan gonna ya lau ee–, Sowa, mahudoꞌina ya ita, mate hoꞌowa sa ouli doha Guyau ena gabu Iden yai yo doha Idipi tanohina. (Fuyana yai mate Guyau hola hige Sodom yo Gomola i lau kwayaidi).
350	GEN 14:13	In moho, doga hesa ya gela be ya lau sulu Hebelu dogana, Abelam ena ya liba. In mate Mamale ena oyagi laꞌilaꞌidi sadaidi yai ya miyamiya. Mamale ena sulu Amoli. Haihaidana mate Esikoli yo Ane. Iti mahudoꞌidi mate maꞌedi Abelam adi sana.
355	GEN 14:18	Habahim, Salem edi baꞌisa, Melekisideki, fwalawa yo wain ya abidi, be ya lawedi Abelam lisina. In mate Yaubada Hewa Wananaha ena tau antalasam.
359	GEN 14:22	In moho Abelam ya libalau Sodom edi kin lisina, iyen, Yaubada ya Hasai Wananaha Guyauna, Galewa yo Tanoꞌubu Tau Ginaulidi, hesana yai E angwala mate,
361	GEN 14:24	Somo egu dodoga haꞌa sa an, mate logena. In moho, tau saguhigu faihona: Ane, Esiko yo Mamale mate edi u soi.
375	GEN 15:14	In moho, tau lau fayofayodi haba E fakamkamnadi mulina yai, haba nuꞌu ni ginaulidi sa abidi be sa lau afulen.
383	GEN 16:1	Abelam lahuna Salaiya ya hamoꞌafi na ena tau paisowa Idipi waihinna hesana Hagala.
385	GEN 16:3	Fuyana Abelam ya miyamiya Kanana nuꞌuna yai bolima safuhudohudoꞌi mulidi yai, laulau te ya tubu; Salaiya ena tau paisowa Hagala ya lawen lahuna Abelam lisina. In Idipi waihinna na ya felen be ya famala lahuna.
397	GEN 16:15	Yo fede, Hagala natuna taumoho ya yosi, na Abelam hesana ya tole Isamaiyeli.
398	GEN 16:16	Fuyana Abelam ena bolima 86 mate Hagala Isamaiyeli ya yosi.
416	GEN 17:18	Abelaham ya liba fuyo Yaubada lisina, iyen, Aee–, em dudulai bena Isamaiyeli wa ita watan yo em loholoho wa felen.
417	GEN 17:19	In moho, Yaubada ya liba, iyen, Tabu u liba doha. Lahum Sala haba natum taumoho ya yosi, na hesana haba wa tole Isako. Yau haba egu yali otaꞌota fahina E fawananaha ai lebena yo ana hiti mulita ai lisidi.
418	GEN 17:20	Isamaiyeli nuwatuhu wa anꞌeta haꞌa E atahi. Be tabu u mode. Egu faloholoho haba Isamaiyeli E felen, Na haba ya talu fanafanatu be ya famala boga yalayalaga yo ya famala sulu 12 edi aba fatubu, edi nuꞌu laꞌilaꞌi tamadi.
419	GEN 17:21	In moho egu yali haba E ginauli Isako ai lisina, logena Sala haba ya yosi bolima hesa lahaina doha itete.
421	GEN 17:23	Somo Yaubada ya faliba mate, lahaina yai ya ginauli watan, be Abelaham natuna Isamaiyeli, salumadi ena luma yai sa tubu yo dodoga haisa nanatudi tatau ya fagabidi.
423	GEN 17:25	Na natuna Isamaiyeli ena bolima mate 13.
424	GEN 17:26	Abelaham ma natuna Isamaiyeli mate, tataudi luwaga mwagisadi dududi ꞌwapidi sa tomodi, lahai esega yai.
428	GEN 18:3	Abelaham ya liba, iyen, Aee–, egu guyau! Ibe wa mata amnaꞌegu, tabu u bayawaigu. Yau, um em tau paisowa.
449	GEN 18:24	Ibe dodoga dudulaidi 50 duhu laꞌi ganahewana yai, haba sidohadi? Wananaha haba nuꞌuna wa faheyaya fahudoꞌi? E, haba nuꞌuna wa lau nuwa sahafu, dodoga 50 debadi yai?
452	GEN 18:27	Habahim Abelaham ya liba fuyo, iyen, Yau afusa gaibu. Hige egu loholoho hesa. In moho, aho te, E libalau Guyau lisina. Hige ya ꞌwasabu.
453	GEN 18:28	Ibe dudulaidi 50, na faligigi sa heyaya? Haba duhu laꞌi mahudoꞌina wa faheyaya dodoga faligigi debadi yai? Guyau iyen, Ibe dudulaidi 45, hige gonowana ya faheyayadi.
454	GEN 18:29	Abelaham ya liba fuyo Guyau lisina iyen, Ibe ainiya 40 wa lobahidi, haba sidohadi? Guyau iyen, 40 debadi yai ibege somo ya ginauli ai lisidi.
456	GEN 18:31	Abelaham iyen, Aho te, E libalau Guyau lisina, hige ya ꞌwasabu. Ibe 20 ainiya wa lobahidi, haba nuꞌuna wa faheyaya e higeꞌe? Guyau iyen, Yena 20, ibege ya lau kwaya.
457	GEN 18:32	Habahim, Abelaham iyen, Guyau tabu u manabala, na hola ya liba fuyo ma esega. Ibe safuhudohudoꞌi ainiya wa lobahidi, haba sidohadi? Alinana Guyau ya bui, iyen, Safuhudohudoꞌi ai debadi, ibege ya lau kwaya.
466	GEN 19:8	Nanatugu luwaga wawahin hola hige gindi ti soꞌedi, haba E fakalamahanodima be emi nuwatuhu somo ai lebedi ami ginauli na tatau luwaga te, tabu somo ai lebedi au ginauli. Sa laoma te agu gilu. Iti agu matagabano.
474	GEN 19:16	In moho, Lota nuwana ya luwaluwaga. Yo fede, anelu sa abilau ma lahuna yo nanatudi wawahin luwaga nimadi yai sa solu weꞌaweꞌadi, be sa lau duhu laꞌi ganamulina yai, paꞌana Guyau ya nuwatohatohaedi.
517	GEN 21:3	Sala natuna ya yosi, be Abelaham hesana ya tole: Isako.
518	GEN 21:4	Isako ena fuya tubu na ya lau ee–, lahai faligigi faihonana, Yaubada alinana Abelaham ya falau watan, be Isako mwagisana duduna ꞌwapina ya tomofahi.
519	GEN 21:5	Fuyana Abelaham ena bolima 100, Sala natudi Isako, ya yosi.
521	GEN 21:7	Be Sala ya liba, iyen, Hige gonowana sai hesa Abelaham i faliba mate Sala haba wawaya ya ita watandi! In moho, ena fuya tautaulaꞌi yai natuna E yosi.
523	GEN 21:9	Fuya ma esega, Hagala Natuna Isamaiyeli ya fafamanabala Isako lisina yai, na Sala ya ita.
525	GEN 21:11	Abelaham nuwana ya heyaya wananaha, natuna Isamaiyeli lisina yai.
526	GEN 21:12	In moho, Yaubada, Abelaham ya faliba, iyen, Tabu nuwam u famode. Somo lahum Sala ya falibam, u lau watan, paꞌana Isako ai lisina haba hesam ya laꞌi yo haba wa tadada.
527	GEN 21:13	Na hinaga em tau paisowa Hagala natuna Isamaiyeli ai lisina haba am hiti mulita ya tadada nuꞌu tefa mahudoꞌina yai, paꞌana Isamaiyeli hinaga um natum.
550	GEN 22:2	Habahim Yaubada iyebom, Natu eseꞌesegam, Isako, wa fanuha wananahai, u foyahi, be u lau Moleya nuꞌuna. Ainiya natum u gabu golu, be ya famala em ainauya, tuꞌa hesa haba E libaen, ai hewana.
551	GEN 22:3	Bonbonna hola ma hwalahwalalana, Abelaham ya obiyo. Ena ainauya oyagina ya abi nonohai, be donki hewana yai ya au fapatudi. Tau paisowa luwaga yo Isako Abelaham ya foyahidi, sa lau, nuꞌuna somo Yaubada haꞌa ya faliba ana halulu.
554	GEN 22:6	Abelaham ainauya oyagina ya abi, be Isako ya fabahei, na in nigo yo tauꞌala ya abidi, be sa lau luwaluwaga.
555	GEN 22:7	Isako ya libalau tamana lisina, iyen, Tamagu? Abelaham natuna alinana ya bui, iyen, Natugu, somo? Isako iyen, Tauꞌala yo oyagi haꞌa ite, na ainauya sipi natuna, somo yai?
567	GEN 22:19	Habahim Abelaham yo Isako sa fuyo ena tau paisowa lebedi, be sa fuyo Belesiba. Amainiya, sa miya fiyo.
1021	GEN 35:9	Iyakobo ya fuyoma Padan Alam, na Yaubada ya taumahata fuyo lisina yai be ena faloholoho ya felen.
1022	GEN 35:10	Yaubada ya libalau Iyakobo lisina iyen, Hesam “Iyakobo,” in moho hesam ibege ti atahi fuyoi “Iyakobo.” Hesam haba “Isalaela.” Logena Yaubada, Iyakobo hesana ya tole Isalaela.
1024	GEN 35:12	Tanohi Abelaham yo Isako E feledi haba E felem hinaga, yo tanohina te haba E fele faꞌawa wahawaham lisidi yai.
1026	GEN 35:14	Iyakobo fafaꞌilala umeꞌehuna ya bono edi aba libaliba nuꞌuna yai. Ena antalasam wain yo oliwe ya fagoidi ya hin hewana yai, be ya famala Yaubada ena Nuʼu Fafatabuna.
1027	GEN 35:15	Edi aba libaliba nuꞌuna mate Iyakobo hesana ya tole Beteli.
1030	GEN 35:18	Hanahanau haba ya peꞌi, na natuna hesana ya tole Ben-Oni. In moho tamana, Iyakobo hesana ya tole Beniyamin.
1032	GEN 35:20	Boꞌusana yai Iyakobo umeꞌehu ya bono. Umeʼehuna aho te mate Leisulu boꞌusana fafaʼilalana.
1033	GEN 35:21	Iyakobo ya aulaha boda, ya lau Migidali Edeli ya famuli, be ena palai ya faʼobiyo bodai.
1034	GEN 35:22	Iyakobo nuꞌuna yai hola ya gogogo na lahuna Bilaha yo natuna, Leubena sa luma gwaꞌu na wasadi ya atahi. Iyakobo nanatuna tatau mate safuhudohudoꞌi luwaga.
1035	GEN 35:23	Liya nanatuna mate: tau tuwaha, Leubena, Simiyon, Lewi, Diuda, Isaka yo Sebulun.
1038	GEN 35:26	Liya ena paula tau abina Silipa nanatuna mate Gada yo Asela. Iyakobo nanatuna te Padan Alam yai sa yosidi.
1039	GEN 35:27	Iyakobo ya lau tamana, Isako lisina, Mamale nuꞌuna yai, Kiliyati-Aba sadaina yai. Aho te hesana Hebelon, Abelaham yo Isako edi aba gogo beyabeyana.
1040	GEN 35:28	Isako ya miya ee–, ena boliman 180.
1041	GEN 35:29	Ya tautaulaꞌi wananaha, habahim ya peꞌi be nanatuna Isowa yo Iyakobo sa boꞌusai.
1085	GEN 37:1	Isako somo yai ena aba miya mate amainiya hinaga natuna Iyakobo ya miya, Kanana tanohina yai.