57	GEN 3:1	Guyau Yaubada suisui yekoyekodi ya ginaulidi, na ganahewana yai mate weso lau bwalabwala yai ya sonoga wananaha, habahim suisui hahaisa. Weso ya libalau waihin lisina iyen, Oyagi gabu yai ni wananaha Yaubada ya falibamiu, “Tabu uludi au anidi?”
58	GEN 3:2	Waihin ya libalau weso lisina iyen, Gonowana gabu yai oyagi uludi ꞌe anidi.
60	GEN 3:4	Weso ya libalau waihin lebena iyen, Ya bwala! Ibege au peꞌi.
68	GEN 3:12	Taumoho iyen, Waihin wa tole maꞌegu, in, oyagina uluna ya felegu be E an.
69	GEN 3:13	Yo fede Guyau Yaubada ya libalau waihin lisina iyen, Somo wa ginauli? Waihin iyen, Weso ya bwalaigu be oyagi uluna E an.
153	GEN 6:15	Wagana u ginauli doha ite: lofana 137 mita, magagana 22 mita, na hewana 14 mita.
211	GEN 9:5	ꞌWasinamiu haba E fatala doha ite: Yena suisui hesa doga ya wunui, suisui ni haba sa lau funuhi hinaga. Na yena doga hesa, doga ya wunui, haba ami lau funuhi paꞌana ꞌwasinana mate mwahuli pwalana.
355	GEN 14:18	Habahim, Salem edi baꞌisa, Melekisideki, fwalawa yo wain ya abidi, be ya lawedi Abelam lisina. In mate Yaubada Hewa Wananaha ena tau antalasam.
356	GEN 14:19	Melekisideki ena faloholoho Abelam ya felen, na iyen, Yaubada Hewa Wananaha, Galewa yo Tanoꞌubu Tau Ginaulina haba ena loholoho ya fatalu ai lisim.
357	GEN 14:20	Hewa Wananaha Yaubadana te fadebasae paꞌana am waiyunu ya lei hafihafitidi. Ginauli somo - somo Abelam ya abidi, ya daili be pei safuhudohudoꞌi, na habahim pei esega ya abi be Melekisideki ya felen.
359	GEN 14:22	In moho Abelam ya libalau Sodom edi kin lisina, iyen, Yaubada ya Hasai Wananaha Guyauna, Galewa yo Tanoꞌubu Tau Ginaulidi, hesana yai E angwala mate,
363	GEN 15:2	Na Abelam iyen, Aee–, Yaubada Hewa Wananaha Guyauna, hola hige natugu na somo haba wa felegu? Yena E peꞌi, egu tau paisowa Damaseko dogana, Eliyesi mate, doha natugu be haba egu ginauli mahudoꞌidi ya abidi!
374	GEN 15:13	Habahim Guyau ya libalau Abelam lisina, iyen, Wa siba mate, am hiti mulita haba ai nuꞌu hesa sa miya taꞌotaꞌowawa. Haba sa fahisu faheyayadi doha fayofayo tau abidi ya lau ee–, bolima 400.
449	GEN 18:24	Ibe dodoga dudulaidi 50 duhu laꞌi ganahewana yai, haba sidohadi? Wananaha haba nuꞌuna wa faheyaya fahudoꞌi? E, haba nuꞌuna wa lau nuwa sahafu, dodoga 50 debadi yai?
1023	GEN 35:11	Na Yaubada ya libalau lisina iyen, Yau Hewa Wananaha Yaubadana. U talu fanafanatu! Nuʼu boludi u fatubudi yo kin haba lisim yai sa tubu.
1097	GEN 37:13	Mulidi yai, Iyakobo ya libalau Diyosepa lisina, iyen, Wa sibai afa haidam mate Sekem nuꞌuna sadaina yai sipi sa fafaꞌanbandi. Haba E fatamalim wa lau lebedi. Diyosepa tamana alinana ya bui iyen, Ya loholoho wananaha.
1162	GEN 39:12	Waihin ya abilau ana luhuluhu yai na iyen, U laoma, ta eno! In moho, Diyosepa ya tagu asi be ya lau ganamuli yo fede ana lululuhu waihin ya fafafahi be nimana yai.
1203	GEN 41:7	Witi maihawadi kikiꞌina mate witi maihawadi lalaꞌi yo laulau idahedi faligigi luwaga sa domdi. Habahim Falo ya obiyo; ya nuwatuhu lobahi mate, eno suwai.
1220	GEN 41:24	Witi kikiꞌina wa witi laulau idahedi faligigi luwaga wa sa dom faꞌofidi. Nesu tau-itaꞌita E falibadi, in moho hige sai gonowana i liba famahata lisigu yai.
1254	GEN 42:1	Witi, Idipi yai wasana Iyakobo ya atahiyen be nanatuna ya falibadi iyen, Sidohana be ami famata kinokino?
1255	GEN 42:2	Wasa E atahiyen mate witi Idipi yai. Au hasai be ada au une. Doꞌata guliyam ya kamfunuhida.
1455	GEN 48:3	Iyakobo ya libalau Diyosepa lebena iyen, Lusi nuꞌuna yai Yaubada Hewa Wananaha yai ya taumahata lebegu yai Kanana tanohina yai be amainiya ena faloholoho ya felegu,
1483	GEN 49:9	Um doha laiyon gubugubufwauna. Am mwaiha wa wunui, na wa fuyoma. Wa eno na taum wa lolondi, doha laiyon laꞌilaꞌi adiꞌadidilina, haba sai gonowana ya fanohim?
1587	EXO 3:7	Habahim Guyau iyen, Wananaha, egu dodoga sidohana edi fafahisu faheyayadi yo edi fafakamnadi Idipi yai haꞌa E ita. Tau lau faliuhwaidi debadi yai edi tan E atahi. Edi kamkamna E sibai.
1593	EXO 3:13	In moho Mose ya liba fuyo iyen, Ibe E lau Isalaela dodogadi lisidi be E falibadi, yawa, “Wahawahamiu edi Yaubada ya duigu be E laoma lisimiu, haba sa fatiꞌoigu, tiyen, “Hesana somo? Haba somo E falibadi?”
1929	EXO 15:8	Wa yahafuwa hisum galidi yai Hwayahwayau gabogabo ya peiꞌi, doha bilibili, na badamna ya pitali.
1930	EXO 15:9	Waiyunu ya nuwa saesae iyen, “Haba E weꞌa watanidi be E fafuyodima; edi gogo haba E soiyedi, na somo E fanuha haba E abi aiꞌegu; haba egu baineti E abi na E wunuidi.”
1931	EXO 15:10	Wa yahafuwa lau, yo fede, Idipi sa kapulolo; sa bulu gabogabo yai, doha somo mwahumwahuna ya bulu.
1937	EXO 15:16	ꞌWasabu, mahudoꞌidi ya famohafudi. Aee–, Guyau nimam gigibwalina yai ibege ti mwahiu, doha umeꞌehu hige gonowana ti mwahimwahiu ee–, em dodoga wa une fafuyodi, sa bayawa.
2752	LEV 1:6	ꞌWapina ya papa na fisihona ya lau iboꞌiboi.
3098	LEV 13:45	Yena sai ꞌwapi iwalana heyaheyayana ya abi, bena kaleko taputapulitidi ya liꞌodi na kuluna tabu i suwali, moꞌana bena ya fakou na yena dodoga sa hanahanau lau lisina haba ya yogalau lisidi iyen, Yau E anꞌiwala. ꞌWapi asiyebona ya abigu. Tabu au laoma sadaigu yai!
3099	LEV 13:46	ꞌWapi asiyebona otaꞌotana tauna yai mate hola ma asiyebona. Sa tole hudoꞌiyedi be dodoga tau anꞌiwala gesagesadi ibege maꞌedi ti miya gogo.
3247	LEV 17:11	Somo ya mwahumwahuli ꞌwasina E felemiu bena emi heyaya maisana ami fagoi antalasam aba gabuna hewana yai. ꞌWasina mate mwahuli pwalana, be lisina yai Guyau ya une fuyoꞌida.
4096	NUM 13:20	Tanohina somo - somohena? Ya mahula e higeꞌe? Oyagi amainiya e higeꞌe? Au anpate adidili be tanohi ni, fuwafuwana haisa au ledima. Wain uludi adi fuya nanau bwaꞌibwaꞌi, fuyana.
4103	NUM 13:27	Mose edi fafalibana doha ite: Wa duimai be ꞌe lau tanohina ꞌe kepai mate ya mahula wananaha! Ma! Fuwafuwadi itete.
4349	NUM 21:8	Guyau Mose ya faliba iyen, Weso, ai kapa u ginauli be ai duhu duduna u oi fapatu lawen be u bono. Na yena sai laꞌi weso ya nali gonowana ya itaꞌita hasa weso kapa yai ni ya ita, haba ya loholoho.
4381	NUM 22:5	Wasa tau lawendi ya fatamali lawedi Beyo natuna Balam lisina. Sa lau ee–, sa mahano Ifeleti Hoꞌowana sadaina yai ena nuꞌu wananahana Peto yai. Sa faliba tiyen, Sulu hesa Idipi yai ya laoma. Ya tadada heyaheyaya be nuꞌu sadaigu yai sa miya fafamohafu.
4474	NUM 25:2	Wawahin te Isalaela tataudi sa yogaidi be antalasam sa lau ginauli edi yaubada bwalabwaladi lisidi yai be ma afa haidadi sa kalahe, na edi yaubada bwalabwala sa fadebasaedi.
5939	JOS 5:3	Yo fede, sidohana Yaubada ya fatalaha, ya ginauli watan, be Isalaela tataudi mwagisadi dududi ꞌwapidi sa ibofahidi. Tuꞌana ni hesana sa tole, “Mwagisa Dududi ꞌWapidi Aba Ibofahidi.”
5978	JOS 6:27	Yaubada mate Diyesuwa maꞌena. Wasana ya tadada, be nuꞌu dodogadi mahudoꞌidi sa sibai.
6492	JOS 24:14	Diyesuwa iyen, Yaubada au faꞌatitiyen, yo ma nuwa ofimiu au famuli watan. Ami mumuga edi yaubada doha oitau au peidi yo au nuwa fuiyedi, yaubadadi beyabeyana Idipi, yo Ifeleti Nuꞌudi yai sa famuli watanidi. Na Yaubada Wananaha moho au famuli watan.
6493	JOS 24:15	Ibe yena Yaubada Wananaha hige au fanuha, mate, lahai te, nuwamiu au hinelidi. Haba yaubada tausomo ami lau watanidi? Ami mumuga, Ifeleti yai edi yaubada haisa? E Amoli edi yaubada haisa iti edi tanohi yai te, aho te miyamiya? In moho, maꞌagu boga haba Yaubada eda Guyau ꞌe lau watan.
6494	JOS 24:16	Dodoga ena liba sa bui, itiyen, Ibege Yaubada Wananaha ai nuwa fuiyen, na yaubada haisa ai famuli watanidi.
7145	RUT 1:16	Luta iye, Tabu u fatamali fafuyogu! Wa lau somo: yau maꞌem, yo somo yai wa miya: yau maꞌem, Haidam: haidagu, Em Yaubada: egu Yaubada.
7156	RUT 2:5	Bowasi ya fatiꞌo lau tau paisowa edi baꞌisa lebena, iyen, Waihin hasahasalana ni, sai?
7157	RUT 2:6	Tau paisowa tau ita watandi alinana ya bui, Waihin te, laolaoma. Mowabi yai maꞌena Naomi sa fiyoma.
7176	RUT 3:2	Wa siba wawahin saluma ma afa haidam ami paipaisowa edi baꞌisa hesana Bowasi mate ama hwahwayasa. U ataꞌatahi. Iꞌipa te, haba bali anꞌandi sa abi lisidi yo sa oiluhidi.
7186	RUT 3:12	Wananaha mate um egu hwabu, haba E ita watanim. In moho, taumoho hesa in am hwahwayasa wananahana, habahim, yau.
7203	RUT 4:11	Babaꞌisa yo dodoga haisa sa liba fasunumaꞌen, tiyen, Wananaha, ita mate, haꞌa te ita. Haba eda Yaubada lahum ena abiꞌabina doha Lahela yo Liya, be Iyakobo nanatuna boludi sa yosidi. Haba um wa mahula, Sulu Efalata ganahewana yai, yo ai Betelehem haba hesam sa falaꞌi.
7206	RUT 4:14	Wawahin sa libalau Naomi lisina yai, tiyen, Yaubada te fadebasae! In aho te, waham ya felem, be haba ya ita watanim. Gwama te ai Isalaela haba in doga laꞌilaꞌi hesa!
7222	1SA 1:8	Elikana, Lahuna ya faliba komakomaniꞌi iyen, Hidagu! Paꞌana somo be wa tan? Sidohana hige u kalahe? Nuwam ya heyaya be? Wananaha hige natum. Nuwagu yai yawa, “Wa fanuha wananahaigu! In moho Ibe nanatum boludi haba wa fanuha wananahaigu, habahim itete.”
7225	1SA 1:11	Hana ya angwala iyen, Hewa Wananaha Guyauna, u itagu! Yau em tau paisowa, na egu nuwa kalapi wa ita mate, tabu u nuwa afulegu, u nuwatuhuigu! Yena natugu taumoho wa felegu haba E fele fuyoiyawa lisim be em ya paisowa ena mwahuli mahudoꞌina yai. Angwala fafaꞌilalana mate kuluna ibege i ibo.
7247	1SA 2:5	Dodoga mahumahuladi sa guliyam, aho te adi kalahe monina sa paisowaidi, in moho, tau guliguliyam, aho te sa mahula. Waihin hamohamoꞌafina wa ya fanatu be nanatuna faligigi luwaga, na waihin fanafanatuna ya baꞌe be ya nuwa kalapi.
7283	1SA 3:5	Ya obiyo be ya tafo lau Eli lisina, iyen, Wa yogaigu. Yau ite. Na Eli iyen, Yau hige ya yogaim; u fuyo u eno. Be Samuwela ya fuyo ya eno.
7284	1SA 3:6	Guyau ya yoga fuyo, iyen, Samuwela! Samuwela ya obiyo be ya lau Eli lebena, iyen, Wa yogaigu. Yau ite. Eli ya faliba iyen, Natugu, yau hige ya yogaim; u fuyo u eno.
7286	1SA 3:8	Guyau Samuwela ya yogai fafaihonana be Samuwela ya obiyo ya lau Eli lebena, na iyen, Wa yogaigu be E laoma. Habahim, Eli ya nuwatuhu lobahi mate Guyau gwama kiukiu ni, ya yogayogai.
7376	1SA 8:5	Sa faliba tiyen, Wa tautaulaꞌi yo nanatum em laulau hige ti lau watanidi; aho te kin u fasinabo. Haba ya foyahida, be ita haba doha nuꞌu hahaisa dodogadi, maꞌedi kin.
7431	1SA 10:11	Safalumadi Saulo sa sibai mate sa ita ya libaliba peloweta be sa noꞌo tiyen, Kisi natuna ya somo? Wananaha in peloweta?
7500	1SA 13:13	Samuwela ya libalau Saulo lebena iyebom, Wa yauyaule! Guyau, emi Yaubada hige ena laugagayo u lau watan. Ibe ena liba wa lau watan, haba um yo am hiti mulita ya biya afulemiu be Isalaela ami foyahidi be hige anadan.
7683	1SA 18:5	Saulo hiyala haisa ganahewadi yai mate Deiwidi ya fafatamali, ya lau ya lulu be ana waiyunu ya lei hafihafitidi. Yo fede Saulo ya tole hitiꞌi be tau hiyala edi tau lau kulukulu. Na Isalaela dodoga mahudoꞌidi yo hiyala tau foyafoyahidi haisa hinaga nuwadi sa amna. Tau hiyala edi fuya fuyoma fuyana Deiwidi Golaiyeti ya wunui mate Isalaela wawahindi edi taon mahudoꞌidi sa laoma be Kin Saulo sa failobahi. Wana fanuwa kwadekwadedi sa wanaidi, tambalin sa oidi yo ginauli hesa doha gita sa aiheyaidi ma sagasagadi.
7685	1SA 18:7	Wawahin wana sa wanawanai yo sa leꞌileꞌi. Tiyebom, Saulo waiyunu 1,000 ya wunuidi; In moho, Deiwidi mate 10,000!
7686	1SA 18:8	Wana ni, Saulo ya atahi lobahi mate hige i fanuha yo fede manana ya bala. Nuwana yai iyen, Wawahin, Deiwidi sa faꞌanhaga, tiyen, in 10,000 ya wunuidi na yau agu haga 1,000 moho. Nuwana Deiwidi ti fanuha, bena haba ai muli ti faꞌobiyo edi kin!
7780	1SA 21:6	Deiwidi iyen, Wananaha, wawahin hige ma afa haidamai ai eno. Yena ꞌe lau ꞌe hiyala, mate hewahewali sa fatabu fuyoꞌidi. Aho te ꞌe ita wata komakomani fuyoimai be haba paisowa te gonowamai ꞌe ginauli!
8184	2SA 7:1	Waiyunu Deiwidi sa miya fataꞌiꞌili. In moho Guyau ya itaꞌita watan yo ya saguhi be ana waiyunu ya lei hafihafitidi. Mulina yai, ya miya daumwali ena luma loholohona yai. Lumana ni oyagi loholohona hesana sida, lisina yai sa ginauli.
8267	2SA 11:5	Waihin ya boga be liba ya fatamali lawen Deiwidi lisina iyen, Yau E boga.
8277	2SA 11:15	Wasa ni ganahewana yai ya uli iyen, Diyowabi, Hiyala somo yai ya alaꞌala wananaha mate Ulaiya u fatamali bwaꞌiyen be tau hiyala ai nuwanuwadi. Habahim, tau hiyala ma afa haidam au muli suwasuwa be haba ami waiyunu iyabona sa tala funuhi.
8835	1KI 3:16	Wawahin matamata heyayadi luwaga sa laoma kin Solomon sa ita be edi pilipili ya fadudulai.
8845	1KI 3:26	Waihin bwaꞌibwaꞌina natuna ya fanuwatohatohaen be ya libalau kin lebena iyen, Aee–, egu baꞌisa! Gwama tabu u tala dagi! Ma mwahumwahulina waihin ni u felen! Na waihin hesa iyen, Higeꞌe, u tala dagi! Tabu sai u felen.
8846	1KI 3:27	Yo fede kin iyen, Tabu au tala dagi! Waihin bwaꞌibwaꞌina au felen. In tinana wananaha!
8994	1KI 8:6	Habahim tau antalasam Guyau ena yali aba husanina sa leyama Yaubada ena Luma Tabuna ganahewana, be Bili Fafatabuna Wananaha yai, Anelu hesadi Selubim mabedi ubudi yai, sa tole.
8998	1KI 8:10	Tau antalasam Bili Fafatabuna Wananahana yai sa kalamahanoma mate Guyau ena Luma Tabuna yada ya fakou
9332	1KI 17:12	Hwabu ya libalau Ilaidiya lisina iyen, Wananaha Guyau em Yaubada ya mwahumwahuli na hesana yai E falibam mate hige agu fwalawa. Agu fwalawa ni, nima gogo esega yo oliwe masina begana wananaha fuhena yai. Oyagi E tanotano gogo te, bena E lau luma be ma natugu ama anꞌan ofiꞌofina E gabu be ꞌe an. Na mulina haba ꞌe miyamiya moho ee–, ꞌe peꞌi.
9338	1KI 17:18	Yo fede ya libalau Ilaidiya lisina iyen, Aee–, um Yaubada ena peloweta! Sidohana be wa ginauli doha ite lisigu yai? Wa laoma ite bena egu heyaya wa faꞌitagu logena natugu wa wunui?
9343	1KI 17:23	be Ilaidiya ya bahe lidiyen tinana ya felen, na iyen, Wa ita. Natum ya mwahuli!
9344	1KI 17:24	Waihin ya libalau Ilaidiya lisina iyen, Aho te E siba um Yaubada ena peloweta be somo wa libalibaedi mate wananaha Guyau ya libalibawa lisim.
9383	1KI 18:39	Fuyanna dodoga mahudoꞌidi laulau te sa ita mate, sa hoba lidi tanohi yai na sa tantan tiyen, Wananaha, Guyau, In Yaubada! Guyau, In Yaubada!
9557	2KI 2:2	Ilaidiya ya libalau Ilaisa lisina iyen, Aiteꞌi u miya. Guyau ya duigu bena E lau Beteli. Na Ilaisa iyen, Wananaha, Guyau ya mwahumwahuli, yo hesana yai, wa mwahuli hinaga, be ibege ya lau afulem. Yo fede maꞌena sa lau Beteli.
9558	2KI 2:3	Peloweta baiwadi Beteli yai sa miyamiya sa laoma Ilaidiya lisina be sa fatiꞌoi, tiyen, Wa sibai, aho te Guyau haba em baꞌisa Ilaidiya ya abi hudoꞌiyen ai lisim? Na Ilaisa iyen, Ii–, E sibai. In moho tabu au libalibaen.
9559	2KI 2:4	Habahim Ilaidiya ya libalau Ilaisa lisina iyen, Ilaisa aiteꞌi u miyamiya. Guyau ya duigu bena E lau Diyeliko. Na Ilaisa iyen, Wananaha, Guyau ya mwahumwahuli, yo In hesana yai, um wa mwahumwahuli hinaga, be ibege ya lau afulemiu. Yo fede maꞌena sa lau Diyeliko.
9560	2KI 2:5	Peloweta pelena Diyeliko yai sa miyamiya mate sa laoma sa fatiꞌoi tiyen, Wa sibai, Aho te, ai lisim, Guyau haba em Baꞌisa, ya lawe hudoꞌiyen? Na Ilaisa iyen, Moꞌisa, E siba, in moho tabu au libalibaen.
9561	2KI 2:6	Habahim Ilaidiya ya faliba iyen, U miyamiya aiteꞌi. Guyau ya duigu bena E lau Diyodan. Na Ilaisa iyen, Wananaha Guyau ya mwahumwahuli, yo hesana yai, um wa mwahumwahuli hinaga, be ibege ya lau afulem. Yo fede tataudi luwaga sa lau.
9616	2KI 4:9	Waihin ya libalau lahuna lisina iyen, E siba taumoho ya laolaoma te, Yaubada ena fatabu dogana.
9667	2KI 5:16	Alinana Ilaisa ya bui iyen, Wananaha Guyau ya mwahumwahuli! Yau ena tau paisowa be hesana yai E liba ibege ainauya hesa ya abi. Neimani ya dudui bena ainauya ya abi na Ilaisa ya ꞌwaiyoꞌo wananaha.
10032	2KI 18:4	Yaubada bwalabwaladi aba fadebasaedi ya anfaheyayaidi, umeꞌehu tabudi ya dem ifiꞌifidi yo edi yaubada waiwaihin, hesana Aselaha duhudi ya ibodi. Beyabeyana Mose, weso ya ginauli kapa yai mate ya andem pwaipwaiꞌidi hinaga. Wesona hesana “Nehusitan.” Na Isalaela dodogadi antalasam sa anꞌangabu lau lisina, fuya lofalofa ya lau ee–, ya andem pwaipwai faꞌofi.
10169	2KI 22:20	Wa peꞌi be sa boꞌusaim, ai mulim heyaheyaya te, haba E leyama Yelusalem yai.” Habahim kin ena tau paisowa, Peloweta Holida ena bui, sa fafuyo Kin Diyosaiya lebena.
12503	NEH 8:6	Esela iye, Guyau hesana E lau hitin! In Yaubada Adiꞌadidilina! Dodoga mahudoꞌidi nimadi sa lau hitindi tiyen, “Moꞌisa! Wananaha!” Habahim sa hoba lidi tanohi yai na Guyau sa fadebasae.
12887	JOB 1:14	Wasa tau leyamana ya laoma Diyobi ya faliba iyen, Em bulumakau aba giyagiyali sa felifeliꞌi na donki mate fadidi yai sa anꞌanban.
12898	JOB 2:3	Habahim Guyau ya libalau Tau Laulau Fagilu lebena iyen, Egu tau lau fayofayo, Diyobi haꞌa wa nuwatuhu fadosi e higeꞌe? Hige sai laꞌi doha in. In doga dudulaina, hige gilu hesa lisina yai. Yaubada ya fafadebasae yo heyaya ya anꞌanfaleꞌedi. Satani! Wa nuwa liuwigu bena pilipili hige aniyona hesa E felen, in moho laulau dudulaidi hola ya ginaginaulidi yo hola ya fafadebasaegu.
12905	JOB 2:10	Diyobi, lahuna ena liba ya bui iyen, Wa libaliba doha waihin yauyaulena. Loholoho, Yaubada ya feleda, haba te abi. Na heyaya te ꞌwaiyoꞌoꞌen? Libadi yai te, Diyobi hige i liba heyaya.
13799	JOB 38:2	Um sai itete? Egu nuwatuhu wa fafadosi fuyoꞌidi. Wa libalibaidi bena haga um tau sonoga. In moho, higeꞌe.
13870	JOB 40:2	Diyobi, Yau, Hewa Wananaha Yaubadana hola wa faifaibayahoꞌegu. Haba wa fatautau e higeꞌe? Yena wa fafagilugu, beti, egu fatiꞌo te u buidi!
13929	JOB 42:3	Wa fatiꞌoigu uwe, “Sidohana ma nuwa afaꞌafam wa libaliba? Sidohana be egu nuwatuhu wa fafadosi fuyoꞌidi?” Wananaha, E libaliba gaibu, doha tawa, “Ya siba.” Ginaulidi sa loholoho wananaha, in moho hige egu sibasiba haba ya sai tawatawanim.
14024	PSA 8:3	Wawaya nom haꞌa sa dabu, yo ma nomnomdi haba sa fadebasaen. Ami waiyunu lisidi yai haba ya ita watanimiu, yo ya bobodiyemiu; Sai haba ya fakamkamnamiu.
14258	PSA 23:6	Wananaha, egu miya mahudoꞌina yai, wa faloholohogu yo wa gadogadosisiyegu. Na yau haba Guyau ena ai luma E gogo ee–, hige anadan.
14310	PSA 27:8	Wa liba uwen, “U laoma u fadebasaegu!” Logena e laoma.
15523	PSA 95:3	Guyau mate In Hewa Wananaha Yaubadana, yaubada mahudoꞌidi edi wasawasa.