231	GEN 9:25	Y tamar era e Noé qꞌuijna meyra y uyare e Canaán cocha era y che: “¡Quetpac bꞌaxbꞌir inyajrer uyunen e Cam xeꞌ jax e Canaán! ¡Jaxir tuaꞌ aquetpa inteꞌ man xeꞌ mambꞌir inyajrer tut usacunobꞌ!” che e Noé.
7282	1SA 3:4	Entonces Cawinquirar Dios upejca e Samuel y che: —¡Samuel! che Cawinquirar Dios. Y ojron e Samuel y che: —Tara turen, che Samuel.
7296	1SA 3:18	Entonces e Samuel uchecsu tunor lo que arobꞌna umen Cawinquirar Dios, y matucꞌa umuqui tut e Elí. Y entonces ojron e Elí y che: —¡Jaxir jax Cawinquirar Dios! Que chempac bꞌan taca cocha ucꞌani jaxir, che e Elí.
7306	1SA 4:7	bꞌactobꞌ meyra y chenobꞌ: “Cꞌotoy udiosobꞌ tin e tuobꞌ e Israel. ¡Tzajtaca coit non! Pues ma tiaꞌ canumse cabꞌa cocha era tama inteꞌ tzꞌojyir.
7734	1SA 20:2	Entonces ojron e Jonatán y che: —¡Majax bꞌan! Nitata machi cꞌani uchamset. Pues jaxir matucꞌa umuqui taniut, sino que axin uchecsu tunor lo que cꞌani uche, motor que imbꞌijc taca ucꞌampibꞌir. Y ¿tucꞌa tuaꞌ que axin umuqui taniut que cꞌani ani uchamset? Nitata machi ixto cꞌani uchamset, che e Jonatán.
7834	1SA 23:21	Entonces ojron e Saúl y che: —¡E Dios uchojbꞌesicox umen que war ibꞌijnu tuaꞌ iwaren tiaꞌ turu e David!
7914	1SA 26:6	Y de allí e David sutpa ixin esto tiaꞌ turobꞌ e inmojr ajtzꞌojyirobꞌ y cay ojron taca e Ahimélec xeꞌ chꞌajnarir tuaꞌ e Het y taca e Abisai xeꞌ jax uyar e Seruiá y xeꞌ sacumbꞌir tuaꞌ e Joab y che: —¿Chi xeꞌ turix tuaꞌ ecmay tacaren esto tiaꞌ war awayan e Saúl? che e David. Entonces ojron e Abisai y che: —¡Nen! Nen turix tuaꞌ encmay tacaret, che e Abisai.
23268	MAT 3:7	Pero conda e Juan uwira que war ayopobꞌ meyra winicobꞌ tut tuaꞌ achꞌujyobꞌ xeꞌ tuobꞌ e grupo religioso xeꞌ ucꞌabꞌa fariseo y xeꞌ tuobꞌ e grupo religioso xeꞌ ucꞌabꞌa saduceo cay ojron y che: —¡Nox larox cocha incojt chan xeꞌ war alocꞌoy aꞌjni tut inteꞌ cꞌajc tuaꞌ machi apurutna, y bꞌanox nox ubꞌan! ¿Chi uyareox tuaꞌ ixyopa tara taniut tuaꞌ ixcorpa tuaꞌ machi ichꞌami uqꞌuijnar e Dios xeꞌ watar wacchetaca era?
23904	MAT 21:9	Y meyra gente war axiobꞌ más bꞌajxan que e Jesús, y ayan tin e war axiobꞌ tupat ubꞌan. Y tunor e gente war aruobꞌ taca inteꞌ nuxi nuc y chenobꞌ: —¡Catattzꞌic ucꞌabꞌa usitz e rey David xeꞌ turuan tama e onian tiempo! ¡Chojbꞌesbꞌir jaxir xeꞌ axin watar tama ucꞌabꞌa Cawinquirar! ¡Catattzꞌic ucꞌabꞌa Cadiosir! che e sian gente era.
23910	MAT 21:15	Pero uwinquirobꞌ e inmojr sacerdotiobꞌ y e ajcanseyajobꞌ tama uley e Moisés qꞌuijnobꞌ conda uwirobꞌ e sian milagro lo que war uche e Jesús y conda uyubꞌiobꞌ que war aꞌruobꞌ taca inteꞌ nuxi nuc e bꞌiqꞌuit maxtac tama e templo xeꞌ chenobꞌ: “¡Catattzꞌi ucꞌabꞌa usitz e rey David!” chenobꞌ.
24227	MAT 27:29	Y de allí ujariobꞌ cora tꞌix y uturbꞌobꞌ tama ujor e Jesús bꞌan cocha inteꞌ corona, y uchꞌamiobꞌ inteꞌ ucꞌabꞌ teꞌ xeꞌ impacpac ut y utzꞌiriobꞌ tama unojcꞌabꞌ e Jesús. De allí cotuanobꞌ tut tuaꞌ usactzeniobꞌ y chenobꞌ: —¡Que turuanic meyra tiempo jaxir xeꞌ jax e Rey tuaꞌ tunor tin e tuobꞌ e Israel! chenobꞌ e ajtzꞌojyirobꞌ.
24431	MRK 4:39	Entonces achpa e Jesús y cay ucꞌaye e icꞌar y che: —¡Chꞌancabꞌen! Y de allí ucꞌaye e jaꞌ xeꞌ war atobꞌoy axin y che: —¡Sisijres abꞌa! che e Jesús. Y tamar era chꞌancabꞌa e icꞌar y e jaꞌ y sisa tunor.
24474	MRK 5:41	Entonces e Jesús uchuqui ucꞌabꞌ e ijchꞌoc y che: —Talita cumi, xeꞌ war che: “Ijchꞌoc, nen inwaret, ¡achpen!” che e Jesús.
24525	MRK 6:49	conda irna umen uyajcanuarobꞌ. Pero jaxirobꞌ uchebꞌiobꞌ que jax inteꞌ qꞌuechꞌuj xeꞌ war axana watar tor e jaꞌ, y bꞌacta uwirobꞌ y cay aruobꞌ taca inteꞌ nuxi nuc y chenobꞌ: —¡Jax inteꞌ nuxi qꞌuechꞌuj! che uyajcanuarobꞌ.
24704	MRK 10:47	Y conda uyubꞌi que war anumuy e Jesús xeꞌ tuaꞌ e chinam Nazaret, cay aru taca inteꞌ nuxi nuc y che: —¡Jesús, Uyunenet e David, yajtan niut! che e winic era taca inteꞌ nuxi nuc.
24705	MRK 10:48	Pero tin e turobꞌ tuyejtzꞌer e winic era cay ucꞌayobꞌ y uyareobꞌ tuaꞌ aquetpa tzꞌustaca. Pero jaxir más nojta cay aru otronyajr y che: —¡Uyunenet e David, yajtan niut! che e winic.
24718	MRK 11:9	Y meyra gente war axiobꞌ más bꞌajxan que e Jesús, y ayan tin e war axiobꞌ tupat ubꞌan. Y tunor e gente era war aꞌruobꞌ taca inteꞌ nuxi nuc y chenobꞌ: —¡Catattzꞌi ucꞌabꞌa Cadiosir! ¡Chojbꞌesbꞌir jaxir xeꞌ axin watar tama ucꞌabꞌa Cawinquirar!
24719	MRK 11:10	¡Que e Dios axin uchojbꞌes ut e nuxi chinam lo que axin watar xeꞌ tuaꞌ aquetpa tuaꞌ catata viejobꞌir David! ¡Catattzꞌic ucꞌabꞌa Cadiosir! che e sian gente era.
24913	MRK 15:18	Y entonces cay aruobꞌ taca inteꞌ nuxi nuc y chenobꞌ: —¡Que turuanic meyra tiempo jaxir xeꞌ jax e rey tuaꞌ tunor e gente tuaꞌ e Israel! chenobꞌ tunor e ajtzꞌojyirobꞌ era.
25166	LUK 4:34	—¡Actanon! ¡Ira oꞌse abꞌa tacaron! ¡Non canata chiet net xeꞌ acꞌabꞌa Jesús xeꞌ tuet e chinam Nazaret! ¿Tariet ca tuaꞌ acꞌapa atijreson era? Canata que net tariet tuaꞌ e Dios, y que net erachet, che e mabꞌambꞌan mein era.
25167	LUK 4:35	Pero e Jesús ucꞌaye e mabꞌambꞌan mein era y che: —¡Chꞌancabꞌen y loqꞌuen tama uyalma e winic! che e Jesús. Entonces e mabꞌambꞌan mein ucucru e winic tut e rum tutobꞌ, y de allí locꞌoy ajni e mabꞌambꞌan mein tama e winic, pero e winic machi uyobꞌi ubꞌa tiaꞌ cucrema tut e rum.
25173	LUK 4:41	Y tujam tunor e sian ajmuacobꞌ era ayan tin e chucur uyalmobꞌ umen inteꞌ mabꞌambꞌan mein xeꞌ cay ojronobꞌ taca inteꞌ nuxi nuc conda loqꞌuesnobꞌ y ajnesnobꞌ umen e Jesús y chenobꞌ: —¡Net Uyunenet e Dios! chenobꞌ e mabꞌambꞌan meinobꞌ era. Pero e Jesús cay ucꞌaye e sian mabꞌambꞌan meinobꞌ era y che: “Ira ixojron”. Pues e mabꞌambꞌan meinobꞌ war unatobꞌ que e Jesús jax e Cristo, y tamar era machi actana tuaꞌ oꞌjronobꞌ más.
25501	LUK 11:27	Pues conda warto oꞌjron e Jesús tama tunor era cay ojron inteꞌ ixic tujam e gente taca inteꞌ nuxi nuc e che: —¡Chojbꞌesbꞌir ut e ixic xeꞌ ucuxiet y xeꞌ uchꞌijrset net! che e ixic.
25502	LUK 11:28	Pero e Jesús che: —¡Pero más chojbꞌesbꞌir ut tin e uyubꞌi uyojroner e Dios y axin acꞌubꞌseyanobꞌ tut! che e Jesús.
25838	LUK 19:38	Y tunor uyajcanuarobꞌ aruobꞌ taca inteꞌ nuxi nuc y chenobꞌ: —Chojbꞌesbꞌir ut e Rey xeꞌ axin watar tama ucꞌabꞌa Cawinquirar. Ayan e tzayer umen que watar e jiriar tut e qꞌuin tichan tiaꞌ ayan meyra utawarer e Dios. ¡Catattzꞌi ucꞌabꞌa Cadiosir! che uyajcanuarobꞌ.
26897	JHN 19:3	Y ayan cora ajtzꞌojyirobꞌ xeꞌ cay yopobꞌ tut e Jesús xeꞌ cay usactzeniobꞌ y chenobꞌ: —¡Tattzbꞌir coner e rey tuaꞌ tin e tuobꞌ e Israel! chenobꞌ e ajtzꞌojyirobꞌ era. Y cay uyajcꞌuobꞌ e Jesús.
27413	ACT 12:7	Y wacchetaca checta wawan inteꞌ ángel tuaꞌ Cawinquirar tama e cárcel. Y wacchetaca checta inteꞌ nuxi janchꞌaquenar macuir e cárcel umen que checta e ángel. Entonces e ángel unijques tama uchejchec e Pedro tuaꞌ ubꞌixqꞌues. Entonces ojron e ángel taca e Pedro y che: —¡Achpen wacchetaca! che e ángel. Entonces ojri e nuxi taqꞌuin xeꞌ cachar ani ucꞌabꞌ e Pedro tamar.
28550	1CO 6:15	Pero ¿machi ca war inata que ucuerpo inteꞌ ajcꞌubꞌesiaj intera taca ucuerpo e Cristo? ¿O bueno ca tiut tuaꞌ aqꞌuejcha axin lo que intera taca ucuerpo e Cristo tuaꞌ aquetpa intera taca inteꞌ ajnajtir ixic ubꞌan? Pues ¡ma cocha erer!
28555	1CO 6:20	Porque jax Catata Dios xeꞌ ixin umaniox tacar lo que meyra atujri xeꞌ jax uchꞌichꞌer Cawinquirar Jesucristo. Y tamar era ¡cꞌampesic icuerpo tuaꞌ itattzꞌi ucꞌabꞌa Cadiosir tamar!
28705	1CO 12:3	Y tamar era quisinic inata que tin e axin oꞌjron upater Cawinquirar Jesucristo y che: “¡Bꞌaxbꞌir ucꞌani e Jesús!” ma cocha erer oꞌjron cocha era taca utacarsiaj Unawalir e Dios. Y mamajchi erer oꞌjron y che: “¡E Jesús jax Niwinquirar!” jay machi war atacarna umen Unawalir e Dios.
29039	2CO 9:15	¡Catattzꞌic ucꞌabꞌa Cadiosir tama e nuxi tacarsiaj lo que ixin uyajcꞌon que machi uyubꞌion cabꞌisi porque nojta meyra tama tunor!
30323	HEB 13:15	Y tamar era catattzꞌic ut Cadiosir tama ucꞌabꞌa Cawinquirar Jesús iraj iraj. Pues e tattzꞌarsiaj era jax inteꞌ ofrenda xeꞌ war cawajcꞌu tuaꞌ cachecsu tut e gente axin que e Jesús jax Cawinquirar. ¡Catattzꞌic pues ucꞌabꞌa taca tunor cawalma iraj iraj!
30772	REV 1:7	¡Chꞌujcunic iwira! que watar e Cristo otronyajr tama e tocar. Y tunor e sian gente tara tor e rum cꞌani uwirobꞌ ut motor tin e uchamsiobꞌ jaxir ubꞌan. Y tunor e sian chinamobꞌ lo que ayan tara tor e rum cꞌani aruobꞌ conda uwirobꞌ ut. Bꞌan era ya. Amén.
30861	REV 5:14	Y e cuatro animalobꞌ xeꞌ bꞌixirobꞌ chenobꞌ: —¡Bꞌan ucꞌani yaꞌ! chenobꞌ. Y e veinticuatro nuquir winicobꞌ pacwanobꞌ tut e turtar y cay uyujtzꞌiobꞌ ut jaxir xeꞌ turu iraj iraj.
31090	REV 19:4	Y tamar era e veinticuatro nuquir winicobꞌ taca e cuatro animalobꞌ xeꞌ bꞌixirobꞌ pacwanobꞌ tut e rum tuaꞌ uyujtzꞌiobꞌ ut e Dios xeꞌ turu tor uturtar y chenobꞌ: —¡Bꞌan ya! Catattzꞌi ucꞌabꞌa Cadiosir, chenobꞌ.
31091	REV 19:5	Entonces ubꞌna locꞌoy inteꞌ nuc xeꞌ tari tut e turtar xeꞌ che: Tattzꞌic ucꞌabꞌa Cadiosir tunorox xeꞌ manox tuaꞌ y xeꞌ war ibꞌacre ut, motor jay nuquir winicox y motor jay chuchuox. ¡Tattzꞌic ucꞌabꞌa! che e nuc xeꞌ tari tut e turtar.