102	GEN 4:22	Y e Silá uchꞌijrse inteꞌ uyar xeꞌ ucꞌabꞌa Tubal-caín xeꞌ cꞌotoy quetpa e bꞌajxan ajcheyaj taqꞌuin y cay uche meyra cosa tama e bronce y tama e taqꞌuin. Y de allí e Silá chꞌijrtesian otronyajr y uchꞌijrse inteꞌ ijchꞌoc xeꞌ ucꞌabꞌa Naamá xeꞌ jax uwijtan e Tubal-caín.
246	GEN 10:11	Y de allí e Nimrod locꞌoy tama e lugar era y ixin esto tama e lugar Asur y uche e chinam Nínive y e chinam Rehobot-ir y e chinam Quélah.
261	GEN 10:26	Y e Joctán cꞌotoy quetpa tatabꞌir tuaꞌ meyra maxtacobꞌ xeꞌ jax e Almodad y e Sélef y e Hasar-mávet y e Jérah
342	GEN 14:5	Entonces tama otronteꞌ año conda e rey Quedorlaómer warix acꞌotori catorce año ixin taca e inmojr reyobꞌ xeꞌ quetpobꞌ yebꞌar ucꞌotorer esto tama e lugar Astarot Carnaim y ucucruobꞌ tin e tuobꞌ uchꞌajnarir e Refa. Y de allí sutpa ucucruobꞌ tin e tuobꞌ uchꞌajnarirobꞌ e Zuz xeꞌ achejcha uyocobꞌ xeꞌ turobꞌ tama e lugar Ham, y ucucruobꞌ tin e tuobꞌ uchꞌajnarir e Emim xeꞌ turobꞌ tama e lugar Savé-quiriataim ubꞌan.
343	GEN 14:6	Y de allí cay ucucruobꞌ tin e turobꞌ tama inteꞌ lugar xeꞌ ucꞌabꞌa Seír tiaꞌ ayan meyra witzir, y uyajnes ixiobꞌ esto tama e lugar El-parán xeꞌ aquetpa tuyejtzꞌer e choquem lugar.
344	GEN 14:7	Y de allí e rey Quedorlaómer taca tin e turobꞌ tacar sutpa ixiobꞌ esto tama e lugar En-mispat xeꞌ arobꞌna Cadés coner. Y yajaꞌ taca cay ucucruobꞌ tunor tin e turobꞌ tama tunor e lugar tuaꞌ tin e tuobꞌ uchꞌajnarir e Amalec, y bꞌan uchiobꞌ tama tunor e lugar xeꞌ tuaꞌ tin e tuobꞌ uchꞌajnarir e Emor xeꞌ turobꞌ tama e lugar Hasesón-tamar.
496	GEN 19:38	Y e ijtzꞌimbꞌir qꞌuechuan inteꞌ uyar ubꞌan y uturbꞌa ucꞌabꞌa Ben-amí. Pues tamar jaxir chꞌajnari tari tunor e gente tama e lugar Amón.
574	GEN 23:2	y de allí chamay tama inteꞌ lugar xeꞌ ucꞌabꞌa Quiriat-arbá xeꞌ arobꞌna Hebrón coner xeꞌ aquetpa tama e lugar Canaán. Pues e Abraham cay aru tama uchamer e Sara y cay tzꞌintzꞌa meyra tiempo.
679	GEN 25:20	Pues e Isaac war ucojco cuarenta año conda nujbꞌi taca e Rebeca xeꞌ jax uwijchꞌoc e Betuel y sacumbꞌir tuaꞌ e Labán. Pues jaxirobꞌ tuobꞌ uchꞌajnarir e Aram xeꞌ turobꞌ tama e lugar Padán-aram.
776	GEN 28:2	Sino que quiqui esto tama e lugar Padán-aram esto tama uyotot e Betuel xeꞌ jax atatanoy, y yajaꞌ taca nujbꞌien taca incojt uwijchꞌoc e Labán xeꞌ jax amamaꞌ.
779	GEN 28:5	Entonces bꞌan cocha era e Isaac uyebꞌta ixin e Jacob esto tama e lugar Padán-aram. Entonces cꞌotoy e Jacob esto tama uyotot e Labán xeꞌ jax uyunen e Betuel xeꞌ tuaꞌ uchꞌajnarir e Aram y xeꞌ jax uwijtzꞌin e Rebeca.
780	GEN 28:6	Entonces e Esaú cꞌotoy unata lo que arobꞌna e Jacob umen utata y que ebꞌtana ixin esto tama e lugar Padán-aram tuaꞌ anujbꞌi bꞌana. Y cꞌotoy unata ubꞌan que conda cꞌapa chojbꞌesna ut e Jacob que arobꞌna tuaꞌ machi anujbꞌi taca inteꞌ ijchꞌoc xeꞌ ajlugar Canaán.
781	GEN 28:7	Y de allí cꞌotoy unata que e Jacob ubꞌian tut utata y tut utuꞌ tuaꞌ axin esto tama e lugar Padán-aram bꞌan cocha arobꞌna umenerobꞌ.
892	GEN 31:18	Y de allí umorojse tunor e aracꞌobꞌ y cay uxantesobꞌ y uqꞌueche ixin tunor lo que cay umorojse tama e tiempo era conda turu tama e lugar Padán-aram, y locꞌoy tuaꞌ asutpa axin esto tama e lugar Canaán tiaꞌ aturuan e Isaac xeꞌ jax utata.
939	GEN 32:11	Ma tawaren tuaꞌ inchꞌami tunor e tacarsiaj y e cꞌunersiaj lo que cay awajqꞌuen era. Pues conda numuyen ixien tama e xucur Jordán tuaꞌ inxin esto tama e lugar Padán-aram matucꞌa ayan tacaren, sino que jax taca inteꞌ bordón xeꞌ qꞌuecher nimener. Pero coner ayan meyra lo que ayan tanibꞌa este que ayan meyra gente y meyra aracꞌobꞌ este que axin aquetpobꞌ chateꞌ nuxi grupo.
979	GEN 33:18	Entonces bꞌan cocha era locꞌoyobꞌ e Jacob taca tunor ufamilia tama e lugar Padán-aram tuaꞌ axiobꞌ esto tama e lugar Canaán. Y tama tunor uxambꞌarobꞌ era mamajchi cay unumse ubꞌa, y cꞌotoy turuan tuyejtzꞌer inteꞌ chinam xeꞌ ucꞌabꞌa Siquem.
981	GEN 33:20	Y nacpat era upetzꞌe cora tun tuaꞌ aquetpa bꞌan cocha inteꞌ altar tiaꞌ tuaꞌ uyujtzꞌi ut e Dios, y uturbꞌa ucꞌabꞌa El-elohé-israel xeꞌ war che “Cadiosir jax e Dios tuaꞌ e Israel”.
1014	GEN 35:2	Entonces e Jacob upejca tunor ufamilia y tunor tin e turobꞌ tacarobꞌ y che: —Locsenic choquic tunor e chamen diosobꞌ lo que ayan tacarox xeꞌ taresna esto tama e lugar Padán-aram, y atenic y lapic e bꞌujc xeꞌ más imbꞌutz.
1019	GEN 35:7	Y yajaꞌ taca e Jacob cay upetzꞌe cora tun tuaꞌ aquetpa bꞌan cocha inteꞌ altar, y uturbꞌa ucꞌabꞌa e lugar era El-betel xeꞌ war che “E Dios tuaꞌ e lugar Betel”, porque jax tama e lugar era tiaꞌ Cadiosir uchectes ubꞌa tut e Jacob conda war alocꞌoy aꞌjni tut usacun Esaú.
1021	GEN 35:9	Pues conda e Jacob locꞌoy tama e lugar Padán-aram taca tunor ufamilia y sutpa cꞌotoy esto tama e lugar Betel era, Cadiosir sutpa uchectes ubꞌa tut otronyajr y uchojbꞌes ut
1030	GEN 35:18	Pero cocha jaxir cꞌanix achamay, y conda warix acꞌapa umusic uturbꞌa ucꞌabꞌa uyar Ben-oní xeꞌ war che “Jax niwar xeꞌ uyajqꞌuen e tzꞌintzꞌar”, pero umen utata turbꞌana ucꞌabꞌa Benjamín xeꞌ war che “Niunen xeꞌ aqꞌuecꞌo bꞌan cocha ninojcꞌabꞌ”.
1038	GEN 35:26	Y xeꞌ qꞌuechuan taca e Zilpa xeꞌ jax uman e Lea jax era: Ayan e Gad y ayan e Aser. Pues tunor uyunenobꞌ e Jacob era cuxpobꞌ tama e lugar Padán-aram. Jax taca e Benjamín xeꞌ machi cuxpa bꞌana.
1079	GEN 36:38	Y conda chamay e Saúl cay cꞌotori e Baal-hanán xeꞌ unembꞌir tuaꞌ e Acbor.
1080	GEN 36:39	Y conda chamay e Baal-hanán cay cꞌotori e Hadad xeꞌ ajlugar tama inteꞌ chinam xeꞌ ucꞌabꞌa Pau. Pues e Hadad ayan inteꞌ uwixcar xeꞌ ucꞌabꞌa Mehetabel xeꞌ ijchꞌoc tuaꞌ e Matred y sitzbꞌir tuaꞌ e Mezaab.
1241	GEN 41:45	Entonces e rey uturbꞌa ucꞌabꞌa e José Safenat-panéah xeꞌ jax xeꞌ tuaꞌ acꞌampesna tama e lugar Egipto, y uche tuaꞌ anujbꞌi taca e Asenat xeꞌ jax uwijchꞌoc e Potifera xeꞌ jax inteꞌ sacerdote tama e chinam On. Y bꞌan cocha era e José cꞌotoy quetpa ajcꞌotorer tama e lugar Egipto.
1402	GEN 46:15	Pues jax era e maxtacobꞌ xeꞌ cay uchꞌijrse e Lea taca e Jacob conda turobꞌto tama e lugar Padán-aram, y uchꞌijrse incojt uwijchꞌoc ubꞌan xeꞌ jax e Dina. Pues tama tunor ayan treinta y tres maxtacobꞌ.
1459	GEN 48:7	Pues war inwaret cocha era, porque taniut nen quisinic ani que achecta más umaxtac atuꞌ xeꞌ jax e Raquel, pero matucꞌa más cocha chamay jaxir tama e lugar Canaán conda war insutpa incꞌotoy tama e lugar Padán-aram. Pues tzajtaca niut que chamay conda cꞌanix cacꞌotoy tama e chinam Efrata, y yajaꞌ taca inmuqui tuyejtzꞌer e bꞌir xeꞌ axin tama e chinam Efrata, che e Jacob uyare e José. Pues e chinam Efrata ucꞌabꞌa Belén coner.
1518	GEN 50:11	Pues conda e gente xeꞌ ajlugarobꞌ Canaán cay uwirobꞌ cobꞌa war aruobꞌ e sian gente tiaꞌ turobꞌ tama e lugar Hatad, cay ojronobꞌ y chenobꞌ: “Jax era e lugar tiaꞌ war aquetpobꞌ tzajtaca utobꞌ tin e ajlugarobꞌ Egipto war amucmayanobꞌ”, chenobꞌ tin e ajlugarobꞌ Canaán. Y tamar era turbꞌana ucꞌabꞌa e lugar era Abel-misraim xeꞌ war che “E lugar tiaꞌ amucmayanobꞌ tin e tuobꞌ e Egipto”.
7300	1SA 4:1	Y e ojroner lo que arobꞌna e Samuel umen Cawinquirar Dios cꞌotoy checsuna tut tunor tin e tuobꞌ e Israel. Pues entonces tama e día era tin e ajtzꞌojyirobꞌ xeꞌ tuobꞌ uchꞌajnarir e Israel locꞌoyobꞌ tuaꞌ uchiobꞌ e tzꞌojyir taca tin e ajtzꞌojyirobꞌ xeꞌ tuobꞌ uchꞌajnarir e Filisti. Y tin e tuobꞌ e Israel cꞌotoy turuanobꞌ tama e lugar Eben-ézer. Y tin e tuobꞌ uchꞌajnarir e Filisti cꞌotoy turuanobꞌ tama e lugar Afec xeꞌ majax innajt tut e lugar Eben-ézer.
7322	1SA 5:1	Pues conda tajwina e cofre tiaꞌ aquetpa e pacto tuaꞌ Cawinquirar Dios umen tin e tuobꞌ uchꞌajnarir e Filisti tama e chinam Eben-ézer, y uqꞌuechiobꞌ ixin esto tama e chinam Asdod.
7342	1SA 6:9	Y jay axin e carruaje tama e bꞌir xeꞌ alocꞌoy tama calugar tuaꞌ axin esto tama e chinam Bet-semes xeꞌ turu tama e lugar Israel, entonces cacꞌotoy canata que jax e Dios tuaꞌ e Israel xeꞌ war uchion canumse cabꞌa taca e muac era. Pero jay majax bꞌan anumuy, entonces cacꞌotoy canata que majax jaxir xeꞌ war uchion canumse cabꞌa, sino que jax taca inteꞌ bꞌojbꞌir muaquir, chenobꞌ tin e sacerdotiobꞌ.
7345	1SA 6:12	Y de allí e chateꞌ utuꞌ wacax locꞌoyobꞌ tuaꞌ axiobꞌ tama e bꞌir xeꞌ acꞌotoy esto tama e chinam Bet-semes, y ma tiaꞌ uyactobꞌ e bꞌir. Y machi uyactobꞌ tuaꞌ aꞌruobꞌ tiaꞌ war axiobꞌ tor e bꞌir. Y tin e reyobꞌ tuaꞌ uchꞌajnarir e Filisti ixiobꞌ tupatobꞌ este que cꞌotoyobꞌ tama uyocher e chinam Bet-semes xeꞌ turu tama e lugar Israel.
7346	1SA 6:13	Pues ayan e winicobꞌ xeꞌ turobꞌ tama cora chor patir e chinam Bet-semes xeꞌ war umorojsiobꞌ e trigo. Pero conda sutpa chꞌujsanobꞌ y uwirobꞌ que cꞌotoy inteꞌ carruaje taca e cofre tiaꞌ aquetpa e pacto tuaꞌ Cawinquirar Dios, cay tzayobꞌ meyra.
7347	1SA 6:14	Y conda cꞌotoy e carreta esto tama e rum tuaꞌ e Josué xeꞌ ajlugar tama e chinam Bet-semes, e wacaxobꞌ quetpa wawanobꞌ tut ingojr nuxi tun. Y tin e turobꞌ tama e chinam Bet-semes uchiobꞌ e siꞌ tama uterar e carreta, y de allí uchamsiobꞌ e chacojt tubꞌir wacax y uputobꞌ tut Cawinquirar Dios.
7348	1SA 6:15	Y conda e carruaje cꞌotoy esto tama urum e Josué xeꞌ ajlugar tama e chinam Bet-semes, yajaꞌ taca quetpa wawan e wacax tuyejtzꞌer ingojr nuxi tun. Y de allí cꞌotoyobꞌ cora winicobꞌ xeꞌ tuobꞌ uchꞌajnarir e Leví tuaꞌ uyemsiobꞌ e cofre tiaꞌ aquetpa e pacto y e cajon tiaꞌ ayan e cinco chꞌoc y e cinco chur xeꞌ chembꞌir taca e oro, y uturbꞌobꞌ tujor e nuxi tun. Y de allí e winicobꞌ xeꞌ war apatnobꞌ tuyoc e chor cay uchiobꞌ e siꞌ tama uterar e carruaje, y de allí uchamsiobꞌ e chateꞌ utuꞌ e wacax y uputobꞌ intertiꞌ tut Cawinquirar Dios. Y ayanto más aracꞌobꞌ xeꞌ uchamsiobꞌ y uputobꞌ ubꞌan.
7351	1SA 6:18	Y e cinco chꞌoc xeꞌ chembꞌir taca e oro xeꞌ ebꞌtana tari quetpobꞌ bꞌan cocha e cinco chinamobꞌ xeꞌ tuobꞌ uchꞌajnarir e Filisti xeꞌ quetpobꞌ yebꞌar ucꞌotorer e cinco reyobꞌ. Pues e cinco chinamobꞌ era xojybꞌirobꞌ turu taca e petzbꞌir tun y ayan e aldea xeꞌ turobꞌ tuyejtzꞌer e chinamobꞌ era xeꞌ majax xojybꞌirobꞌ taca petzbꞌir tun. Pues e nuxi tun tiaꞌ turbꞌana e cofre tiaꞌ aquetpa e pacto tuaꞌ Cawinquirar Dios aquetpa cocha inteꞌ chequerir y turuto este coner tama e rum xeꞌ tuaꞌ ani e Josué xeꞌ turu tuyejtzꞌer e chinam Bet-semes.
7352	1SA 6:19	Pues ayan setenta winicobꞌ tama e chinam Bet-semes xeꞌ chamesnobꞌ umen Cawinquirar Dios umen que upasiobꞌ e cofre tuaꞌ uwirobꞌ tucꞌa ayan macuir. Y tunor tin e turobꞌ tama e chinam era cay aruobꞌ meyra tamar e nuxi jatzꞌuar lo que chena umen Cawinquirar Dios.
7354	1SA 6:21	Y tamar era uyebꞌtobꞌ ixin inteꞌ ojroner tut tin e turobꞌ tama e chinam Quiriat-jearim y chenobꞌ: “Pues tin e tuobꞌ uchꞌajnarir e Filisti uyebꞌtobꞌ tari e cofre tiaꞌ aquetpa e pacto tuaꞌ Cawinquirar Dios. Laric tuaꞌ iqꞌueche axin,” chenobꞌ tin e turobꞌ tama e chinam Bet-semes.
7355	1SA 7:1	Entonces conda tin e tuobꞌ e chinam Quiriat-jearim uchꞌamiobꞌ e ojroner era, ixiobꞌ esto tama e chinam Bet-semes tuaꞌ uqꞌuechiobꞌ watar e cofre tiaꞌ aquetpa e pacto tuaꞌ Cawinquirar Dios, y uqꞌuechiobꞌ ixin esto tuyotot e Abinadab xeꞌ turu tama inteꞌ or witzir. Y de allí ucꞌajtiobꞌ taca e Dios tujor e Eleazar xeꞌ jax inteꞌ uyunen e Abinadab tuaꞌ aquetpa erach tuaꞌ uyubꞌi ucojco e cofre tuaꞌ e pacto.
7356	1SA 7:2	Y yaꞌ taca quetpa e cofre tama e chinam Quiriat-jearim veinte año, y tunor tin e tuobꞌ e Israel cay usicbꞌobꞌ ut Cawinquirar Dios taca tunor uyalmobꞌ y cay tzꞌintzꞌobꞌ conda ucꞌajtiobꞌ tacar umen que cay ubꞌijnuobꞌ que actanobꞌ umener.
7365	1SA 7:11	Y tamar era locꞌoy ajniobꞌ wacchetaca tin e tuobꞌ e Israel tupatobꞌ tin e tuobꞌ uchꞌajnarir e Filisti tuaꞌ uchamsiobꞌ, y uyajnesobꞌ xircojt tama tunor e bꞌir xeꞌ acꞌotoy esto tama e chinam Bet-car, y war uchamsiobꞌ axin.
7366	1SA 7:12	Y de allí e Samuel uchꞌami ingojr nuxi tun y uwabꞌu tuyuxin e chinam Mispá y e chinam Sen, y uturbꞌa ucꞌabꞌa e tun Eben-ézer, xeꞌ war che tacarsiaj. Y che: “Pues esto tara utacrion Cawinquirar Dios,” che e Samuel.
7492	1SA 13:5	Y tin e tuobꞌ uchꞌajnarir e Filisti cay umorojse ubꞌobꞌ ubꞌan tuaꞌ uchiobꞌ e tzꞌojyir. Y qꞌuecher umenerobꞌ 3,000 carruaje tuaꞌ uchiobꞌ e tzꞌojyir tamar, y 6,000 ajtzꞌojyirobꞌ xeꞌ uqꞌuechiobꞌ axin e carruaje, y qꞌuecher umenerobꞌ ubꞌan meyra sian ajtzꞌojyirobꞌ xeꞌ axanobꞌ tor uyocobꞌ xeꞌ quetpa uwirnarobꞌ bꞌan cocha e jiꞌ lo que ayan tama utiꞌ e nuxi jaꞌ. Y entonces ixiobꞌ esto tuyejtzꞌer e chinam Micmás, y cay ujachiobꞌ meyra sian otot xeꞌ chembꞌir taca e bꞌujc teinxejr lado tiaꞌ atobꞌoy watar e qꞌuin tama e chinam Bet-avén.
7505	1SA 13:18	y ayan otronteꞌ grupo xeꞌ ixiobꞌ más bꞌana tama e lado tiaꞌ anamtzꞌa axin e qꞌuin tama e chinam Bet-horón, y e uxteꞌ grupo ixiobꞌ tor e witzir xeꞌ aquetpa tuyejtzꞌer e valle xeꞌ turu tama e lugar Seboím tiaꞌ aquetpa chequer e choquem lugar.
7533	1SA 14:23	Entonces tama e día era Cawinquirar Dios ucorpes tin e ajtzꞌojyirobꞌ xeꞌ tuobꞌ e Israel tucꞌabꞌ tin e ajtzꞌojyirobꞌ xeꞌ tuobꞌ uchꞌajnarir e Filisti. Y tin e tuobꞌ e Israel ajni ixiobꞌ esto tama e chinam Bet-avén, war achamsanobꞌ.
7621	1SA 17:1	Pues entonces tin e ajtzꞌojyirobꞌ xeꞌ tuobꞌ uchꞌajnarir e Filisti cay umorojse meyra winicobꞌ tuaꞌ uchiobꞌ e tzꞌojyir upater tin e ajtzꞌojyirobꞌ xeꞌ tuobꞌ e Israel. Y ixiobꞌ tuaꞌ aturuanobꞌ esto tama e lugar Efes-damim xeꞌ aquetpa tuyejtzꞌer e chinam Azecá y e chinam Socó xeꞌ aquetpa tama e departamento Judá.
7842	1SA 24:1	Pues entonces e David ixin taca uyajtzꞌojyirobꞌ tuaꞌ amucuanobꞌ tama cora chꞌen tama unac e witzir lo que ayan tama e lugar En-gadi.
7843	1SA 24:2	Pues entonces conda e Saúl taca uyajtzꞌojyirobꞌ sutpa tariobꞌ tiaꞌ war uchiobꞌ e tzꞌojyir taca tin e ajtzꞌojyirobꞌ xeꞌ tuobꞌ uchꞌajnarir e Filisti, arobꞌna que e David ixin esto tama e choquem lugar xeꞌ ucꞌabꞌa En-gadi.
8022	1SA 31:10	Y de allí uqꞌuechiobꞌ ixin utaqꞌuin e Saúl y uturbꞌobꞌ tama e templo tuaꞌ e chamen dios Astarté, y uchꞌubꞌobꞌ ucuerpo e Saúl tichan tama unac e petzbꞌir tun lo que ayan tuyejtzꞌer e chinam Bet-sán.
8024	1SA 31:12	cay ubꞌijnuobꞌ tunor tin e machi abꞌactobꞌ tuaꞌ uchiobꞌ e tzꞌojyir tuaꞌ axin utaresobꞌ ucuerpo e Saúl taca e uxteꞌ uyunenobꞌ. Y tamar era locꞌoy xanobꞌ tunor e acbꞌar tuaꞌ acꞌotoyobꞌ esto tama e chinam Bet-sán tiaꞌ chꞌur ucuerpobꞌ tama unac e petzbꞌir tun xeꞌ aquetpa tuyejtzꞌer e chinam. Y de allí uyemsiobꞌ ucuerpobꞌ y uqꞌuechiobꞌ ixin esto tama e chinam Jabés otronyajr, y de allí uputobꞌ.
8060	2SA 2:8	Pues e Abner xeꞌ unembꞌir tuaꞌ e Ner y xeꞌ ajcꞌotorer tuaꞌ e ajtzꞌojyirobꞌ ani tuaꞌ e Saúl, uqꞌueche ixin e Is-bóset xeꞌ jax uyunen e Saúl esto tama e chinam Mahanaim.
8062	2SA 2:10	Pues e Is-bóset cay cꞌotori tama e país Israel conda war ucojco cuarenta año, y cꞌotori chateꞌ año, y turuan tama e chinam Mahanaim. Pero tin e tuobꞌ uchꞌajnarir e Judá quetpobꞌ yebꞌar ucꞌotorer e rey David.
8064	2SA 2:12	Pues tama inteꞌ día e Abner locꞌoy tama e chinam Mahanaim y ixin esto tama e chinam Gabaón taca uyajtzꞌojyirobꞌ e Is-bóset.
8067	2SA 2:15	Pues bꞌan cocha era e Abner usicbꞌa doce uyajtzꞌojyirobꞌ tuaꞌ e grupo xeꞌ tuobꞌ uchꞌajnarir e Benjamín tuaꞌ uchiobꞌ e tzꞌojyir uyeror ut e Is-bóset xeꞌ unembꞌir tuaꞌ e Saúl. Y e Joab usicbꞌa doce ajtzꞌojyirobꞌ tuaꞌ uchiobꞌ e tzꞌojyir uyeror ut e David.
8068	2SA 2:16	Y de allí utzori ubꞌobꞌ wawanobꞌ tut tin e aqꞌuijna uwirobꞌ ubꞌobꞌ tacar y uchuqui ubꞌobꞌ tama upat ujor y utzꞌajbꞌuobꞌ e machit tama uchejchecobꞌ, y tunorobꞌ chamayobꞌ inyajrer. Y tamar era turbꞌana ucꞌabꞌa e lugar era xeꞌ turu tuyejtzꞌer e chinam Gabaón que Helcat-hasurim xeꞌ war che que jax e lugar tiaꞌ uchamse ubꞌobꞌ cora ajtzꞌojyirobꞌ taca e machit.
8091	2SA 3:7	Pero tama inteꞌ día cay tujchꞌa umen e Is-bóset xeꞌ unembꞌir tuaꞌ e Saúl que jaxir war uchꞌami ubꞌa taca inteꞌ uwixcar ani utata xeꞌ ucꞌabꞌa Rispá xeꞌ ijchꞌoc tuaꞌ e Aiá.
8092	2SA 3:8	Pero e Abner qꞌuijna meyra tamar lo que arobꞌna umen e Is-bóset, y ojron cocha era y che: —O ¿bꞌan ca war awiren cocha incojt tzꞌiꞌ, bꞌan cocha jay tuen ani uchꞌajnarir e Judá? Pues nen cay incojco uchꞌajnarir e Saúl xeꞌ jax atata y upiarobꞌ y tin e atzay uwira ubꞌa tacar, y machi inwacta tuaꞌ ixcꞌaxi tama ucꞌabꞌ e David. Pero era que cꞌapa inche tunor era tuaꞌ intacret war atuchꞌien tamar taca que nen inche e mabꞌambꞌanir taca e ixic yajaꞌ.
8095	2SA 3:11	Pero e Is-bóset machi sutpa ojron, cocha war ubꞌacre e Abner que bꞌajcꞌat ayan lo que uche tacar.
8098	2SA 3:14	Y de allí e David uyebꞌta ixin cora ajchecsuyajobꞌ tut e Is-bóset y che: “Ajcꞌunen e Mical xeꞌ jax niwixcar, porque nen inmani taca cien uqꞌuewerir utejromarobꞌ uchꞌajnarir e Filisti,” che e David.
8099	2SA 3:15	Entonces e Is-bóset uyare tuaꞌ axin aloqꞌuesna e Mical tut unoxibꞌ xeꞌ jax e Paltiel, xeꞌ jax uyunen e Lais.
8124	2SA 4:1	Pues conda e Is-bóset xeꞌ jax uyunen e Saúl, cꞌotoy unata que chamesna e Abner tama e chinam Hebrón, quetpa injayjay inyajrer, y bꞌan tunor tin e turobꞌ tama e país Israel, bꞌactobꞌ inyajrer.
8125	2SA 4:2	Pero taca e Is-bóset ayan chateꞌ winicobꞌ xeꞌ ajbꞌijresiajobꞌ tuaꞌ cora ajtzꞌojyirobꞌ xeꞌ alocꞌoyobꞌ cora cora tuaꞌ axujchꞌianobꞌ najtir e Israel. Incojt ucꞌabꞌa Baaná y e incojt ucꞌabꞌa Recab. Pues jaxirobꞌ unembꞌirobꞌ tuaꞌ e Rimón xeꞌ chꞌajnarir tuaꞌ e Benjamín y xeꞌ ajlugar tama e chinam Beerot. Pues e chinam Beerot aquetpa tuaꞌ uchꞌajnarir e Benjamín
8127	2SA 4:4	Pues e Jonatán xeꞌ unembꞌir tuaꞌ e Saúl ayan incojt uyunen xeꞌ ucꞌabꞌa Mefi-bóset, y jaxir cꞌuychem chatertiꞌ uyoc. Pues conda e Mefi-bóset war ucojco cinco año, checsuna tama e lugar Jezreel que chamesnobꞌ e Saúl y e Jonatán tiaꞌ war uchiobꞌ e tzꞌojyir, y tamar era tin e war ucojco e Mefi-bóset locꞌoy ajni, pero tiaꞌ war alocꞌoy ajni tacar, cucrema y e sitz ucꞌocchi chatertiꞌ uyoc.
8128	2SA 4:5	Pues tama inteꞌ día e Recab y e Baaná xeꞌ unembꞌirobꞌ tuaꞌ e Rimón xeꞌ ajlugarobꞌ tama e chinam Beerot, ixiobꞌ esto tama uyotot e Is-bóset tama uyuxin e día, y utajwiobꞌ que war ajiri e Is-bóset tama uchꞌacteꞌ.
8130	2SA 4:7	Y conda ochoyobꞌ tama e otot, utajwiobꞌ que e Is-bóset chꞌar awayan tama uchꞌacteꞌ. Y tamar era uchamsiobꞌ y ujuxiobꞌ locꞌoy ujor. Y de allí uchꞌamiobꞌ ujor e Is-bóset y locꞌoy ajniobꞌ tama tunor e acbꞌar tama e bꞌir xeꞌ axin esto tama e lugar Arabá xeꞌ aquetpa tuyejtzꞌer e xucur Jordán.
8131	2SA 4:8	Y conda cꞌotoyobꞌ esto tama e chinam Hebrón, uyajcꞌobꞌ ujor e Is-bóset e David y chenobꞌ: —Tara catares ujor e Is-bóset xeꞌ unembꞌir tuaꞌ e Saúl xeꞌ aqꞌuijna ani uwiret y xeꞌ war ani ubꞌijnu tuaꞌ uchamset. Pero coner Cawinquirar Dios uchix tojmobꞌ e Saúl y uchꞌajnarir tama e mabꞌambꞌanir lo que uchiobꞌ apater, chenobꞌ e Recab y e Baaná.
8135	2SA 4:12	Entonces e David uyare uyajtzꞌojyirobꞌ tuaꞌ uchamsiobꞌ e winicobꞌ era, y bꞌan uchiobꞌ y ujuxiobꞌ locꞌoy unuc ucꞌabꞌ y unuc uyoc, y uchꞌubꞌobꞌ ucuerpo tuyejtzꞌer e pila xeꞌ war tama e chinam Hebrón. Y de allí uchꞌamiobꞌ ujor e Is-bóset y umuquiobꞌ tama umujr e Abner xeꞌ turu tama e chinam Hebrón.
8155	2SA 5:20	Entonces e David ixin esto tama e lugar Baal-perasim tiaꞌ turobꞌ e ajtzꞌojyirobꞌ xeꞌ tuobꞌ uchꞌajnarir e Filisti y cꞌapa ucucruobꞌ inyajrer. Y ojron cocha era y che: “Pues bꞌan cocha aꞌjni inteꞌ nuxi jaꞌ, y bꞌan uche Cawinquirar Dios que upasi e bꞌir taniut tuaꞌ uyubꞌien incucru tin e aqꞌuijna uwirenobꞌ,” che e David. Y tamar era uturbꞌa ucꞌabꞌa e lugar yajaꞌ Baal-perasim.
8168	2SA 6:8	Entonces e David qꞌuijna meyra tamar que Cawinquirar Dios ulocse ucuxtar e Uzá, y tamar era uturbꞌa ucꞌabꞌa Peres-uzá e lugar yajaꞌ (xeꞌ war che que tzꞌajbꞌa uqꞌuijnar Cawinquirar Dios upater e Uzá), y bꞌan quetpa ucꞌabꞌa e lugar esto coner.
8170	2SA 6:10	Pues cocha machi cꞌani uqꞌueche axin e cofre esto tama uyotot xeꞌ aquetpa tama e chinam xeꞌ arobꞌna que jax e chinam tuaꞌ e David, uyare tuaꞌ aqꞌuejcha axin esto tama uyotot inteꞌ winic xeꞌ ucꞌabꞌa Obed-edom xeꞌ ajlugar tama e chinam Gat.
8171	2SA 6:11	Y tamar era e cofre tuaꞌ Cawinquirar Dios quetpa tama uyotot e Obed-edom tama inteꞌ tiempo de uxteꞌ mes, y Cawinquirar Dios uchojbꞌes ut meyra e Obed-edom taca tunor ufamilia.
8172	2SA 6:12	Y de allí arobꞌna e rey David cocha era y che: “Pues war achojbꞌesna meyra ut ufamilia e Obed-edom y tunor lo que ayan tuaꞌ umen Cawinquirar Dios cocha yaꞌ war e cofre tuaꞌ e pacto tama uyotot,” xeꞌ che inteꞌ. Entonces e David ixin taca meyra tzayer esto tama uyotot e Obed-edom y ulocse e cofre tuaꞌ e pacto y uqꞌueche ixin esto tama e chinam xeꞌ arobꞌna e chinam tuaꞌ e David.
8215	2SA 8:3	Pues e David ucucru ubꞌan e Hadad-ézer xeꞌ unembꞌir tuaꞌ e Rehob xeꞌ cꞌotori tama e departamento Sobá tama e país Siria. Y bꞌan numuy conda e Hadad-ézer ixin taca uyajtzꞌojyirobꞌ tuaꞌ ani acꞌotori tama e lugar xeꞌ aquetpa tuyejtzꞌer e xucur Éufrates, pero sutpa cucurna umen e David otronyajr.
8217	2SA 8:5	Pues conda e ajtzꞌojyirobꞌ xeꞌ tuobꞌ e país Siria locꞌoyobꞌ tama e chinam Damasco tuaꞌ axin utacriobꞌ e rey Hadad-ézer, e David cay uche e tzꞌojyir tacarobꞌ este que uchamse 22,000 ajtzꞌojyirobꞌ xeꞌ tuobꞌ e país Siria.
8219	2SA 8:7	Y de allí e David uchꞌami meyra escudo xeꞌ chembꞌir taca e oro xeꞌ tuobꞌ ani uyajtzꞌojyirobꞌ e Hadad-ézer y uqꞌueche ixin esto tama e chinam Jerusalem.
8220	2SA 8:8	Y uchꞌami ubꞌan meyra bronce lo que ayan tama e chinam Bétah y tama e chinam Berotai xeꞌ quetpobꞌ ani yebꞌar ucꞌotorer e Hadad-ézer.
8221	2SA 8:9	Pues conda e Toi, xeꞌ jax e rey tama e chinam Hamat, cꞌotoy unata que e David cꞌapa ucucru tunor uyajtzꞌojyirobꞌ e Hadad-ézer,
8222	2SA 8:10	uyebꞌta ixin uyunen xeꞌ ucꞌabꞌa Joram tuaꞌ uyare e rey David que galan locꞌoy lo que uche conda ucucru tunor uyajtzꞌojyirobꞌ e Hadad-ézer. Y tamar era cay uyajcꞌu meyra cosa xeꞌ chembꞌir taca e plata y xeꞌ chembꞌir taca e oro y xeꞌ chembꞌir taca e bronce. Pues tzay meyra e Toi cocha cay ani uche e tzꞌojyir ubꞌan taca e Hadad-ézer iraj iraj.
8224	2SA 8:12	ayan e país Edom, y ayan e país Moab, y ayan e país Amón, y ayan e país Filisti, y ayan tin e tuobꞌ uchꞌajnarir e Amalec, y ayan lo que ulocse tama e tzꞌojyir lo que uche taca e Hadad-ézer, xeꞌ unembꞌir tuaꞌ e Rehob xeꞌ rey tama e chinam Sobá.
8236	2SA 9:6	Pues ucꞌabꞌa e winic Mefi-bóset y jax uyunen e Jonatán y sitzbꞌir tuaꞌ e Saúl. Entonces conda cꞌotoy tut e rey David cotuan este que utacbꞌu ut ujor tut e rum tuaꞌ umanxujres ubꞌa tut. Entonces ojron e David y che: —¿Net ca e Mefi-bóset? che e David. Entonces ojron e Mefi-bóset y che: —Nen. Tara turen xeꞌ manen tabꞌa, che e Mefi-bóset.
8238	2SA 9:8	Y de allí e Mefi-bóset sutpa cotuan tut e David otronyajr y che: —¿Pues tuqꞌuen cora nen que net war aturbꞌa abꞌa tuaꞌ achectes acꞌunersiaj taniut? Pues toit net, bꞌanen taca cocha incojt chamen tzꞌiꞌ, che e Mefi-bóset.
8239	2SA 9:9	Entonces e rey uyare tuaꞌ apejcna e Sibá xeꞌ jax incojt onian ajpatnar tuaꞌ e Saúl y che: —Pues nen cꞌani inwajcꞌu usitz apatron xeꞌ jax e Mefi-bóset tunor lo que tuaꞌ ani e Saúl y ufamilia.
8240	2SA 9:10	Y tamar era net y oynenobꞌ y amanobꞌ ucꞌani tuaꞌ ixpatna tama urum e Mefi-bóset tuaꞌ imorojse tunor e cosecha lo que alocꞌoy tamar, y bꞌan cocha era erer awiobꞌ ufamilia. Pero e Mefi-bóset aquetpa tuaꞌ aweꞌ tacaren tor nimesa, che e David. Pues e Sibá ayan quince uyunenobꞌ y veinte umanobꞌ.
8241	2SA 9:11	Entonces uyare e rey cocha era y che: —Turenix tuaꞌ inche bꞌan taca cocha war awaren, niwinquiret, che e Sibá. Y tamar era e Mefi-bóset cay weꞌ tor umesa e rey iraj iraj, bꞌan ani cocha jay jax inteꞌ uyunen.
8242	2SA 9:12	Y e Mefi-bóset ayan incojt uyunen xeꞌ chuchuto xeꞌ ucꞌabꞌa Micaías, y entonces tamar taca e día yajaꞌ tunor tin e turobꞌ tama uyotot e Sibá quetpa manobꞌ tuaꞌ e Mefi-bóset.
8243	2SA 9:13	Y e Mefi-bóset xeꞌ tzꞌej chatertiꞌ uyoc, cay turuan tama e chinam Jerusalem, y cay weꞌ tor umesa e rey David iraj iraj.
8249	2SA 10:6	Pues conda tin e tuobꞌ e país Amón cꞌotoy unatobꞌ que qꞌuijna meyra e David, entonces cay usicbꞌobꞌ chi xeꞌ erer uchiobꞌ e tzꞌojyir upater e David. Y tamar era utoyobꞌ 20,000 ajtzꞌojyirobꞌ xeꞌ ajlugarobꞌ tama e país Siria xeꞌ turobꞌ tama e chinam Bet-rehob y tama e chinam Sobá, y utoyobꞌ ubꞌan 1,000 ajtzꞌojyirobꞌ xeꞌ tuobꞌ e rey Maacá y utoyobꞌ 12,000 ajtzꞌojyirobꞌ xeꞌ tuobꞌ e chinam Is-tob.
8251	2SA 10:8	Pues tin e tuobꞌ e país Amón locꞌoyobꞌ turuanobꞌ tuaꞌ uchiobꞌ e tzꞌojyir tama uyocher e chinam, y tunor e inmojr ajtzꞌojyirobꞌ xeꞌ ajlugarobꞌ tama e país Siria xeꞌ tuobꞌ e chinam Sobá y xeꞌ tuob e chinam Rehob y xeꞌ tuobꞌ e chinam Is-tob y xeꞌ tuobꞌ e rey Maacá locꞌoyobꞌ najtir e chinam.
8259	2SA 10:16	Entonces e rey xeꞌ tuaꞌ e país Siria xeꞌ ucꞌabꞌa Hadad-ézer uyare tuaꞌ apejcna otro inmojr ajtzꞌojyirobꞌ xeꞌ turobꞌ teinxejr bꞌana e xucur Éufrates tuaꞌ acꞌotoyobꞌ esto tama e chinam Helam. Pues tunor uyajtzꞌojyirobꞌ e Hadad-ézer era quetpobꞌ yebꞌar e Sobac xeꞌ jax e ajbꞌijresiaj tuobꞌ.
8262	2SA 10:19	Y conda e reyobꞌ xeꞌ atzay uwira ubꞌobꞌ taca e rey Hadad-ézer uwirobꞌ que cucurnobꞌ tunor uyajtzꞌojyirobꞌ umen e ajtzꞌojyirobꞌ tuaꞌ e Israel, cay uchiobꞌ e cꞌumpar taca e país Israel y cꞌotoy quetpobꞌ man tuaꞌ e David. Y tamar era tin e tuobꞌ e país Siria machix sutpa utacriobꞌ e país Amón cocha war ubꞌacriobꞌ e David.
8343	2SA 13:23	Pues entonces conda numuy chateꞌ año, e Absalón ixin taca umanobꞌ esto tama e lugar Baal-hasor xeꞌ aquetpa tuyejtzꞌer e departamento Efraín tuaꞌ ususiobꞌ utzutzer e sian oveja, y tamar era e Absalón upejca tunor uyunenobꞌ e rey tuaꞌ acꞌotoy uchiobꞌ e wiar tacar.
8430	2SA 16:1	Pues entonces conda e David war axin más bꞌatbꞌir tama or e witzir Olivo, tajwina umen e Sibá xeꞌ jax uman e Mefi-bóset. Pues jaxir qꞌuecher umener chateꞌ bꞌiqꞌuit chij xeꞌ cachar tupatobꞌ 200 pan y 100 tortas xeꞌ chembꞌir taca e uva xeꞌ taquin, y 100 uyutir higo, y inteꞌ bolsa xeꞌ chembꞌir taca e qꞌuewer xeꞌ bꞌutꞌur taca e vino.
8432	2SA 16:3	Entonces ojron e rey y che: —¿Tiaꞌ turu e Mefi-bóset xeꞌ sitzbꞌir tuaꞌ e Saúl? che e rey. Entonces sutpa ojron e Sibá taca inteꞌ majresiaj y che: —Pues e Mefi-bóset quetpa tama e chinam Jerusalem cocha war ubꞌijnu que axin aꞌjcꞌuna e turtar xeꞌ tuaꞌ ani utata viejo Saúl umen tin e tuobꞌ e Israel, che e Sibá.
8433	2SA 16:4	Entonces e rey sutpa uyare e Sibá y che: —Pues jay aquetpa bꞌan cocha war aware, entonces aquetpa tabꞌa tunor lo que tuaꞌ ani e Mefi-bóset, che e rey. Entonces e Sibá cotuan tut e rey y che: —Pues nen turenix tuaꞌ inche tunor lo que net acꞌani, che e Sibá.
8469	2SA 17:17	Pero ayan uyunenobꞌ e sacerdotiobꞌ era xeꞌ jax e Jonatán y e Ahimaas xeꞌ war amucuanobꞌ patir e chinam tiaꞌ ayan inteꞌ ut jaꞌ tama e lugar En-roguel. Entonces conda ayan lo que aquetpa tuaꞌ arobꞌna e David, ebꞌtana axin inteꞌ man ixic taca e ojroner era tuaꞌ uchecsu tut e Jonatán y e Ahimaas xeꞌ aquetpa tuaꞌ uqꞌueche axin esto tut e rey David. Y uchiobꞌ cocha era tuaꞌ machi eꞌrnobꞌ alocꞌoyobꞌ tama e chinam.
8538	2SA 19:25	Entonces e Mefi-bóset xeꞌ sitzbꞌir tuaꞌ e Saúl locꞌoy tama e chinam Jerusalem tuaꞌ axin utajwi ubꞌa taca e rey David tiaꞌ turu tama utiꞌ e xucur Jordán. Pues desde que locꞌoy e rey David tama e chinam Jerusalem e Mefi-bóset ma tiaꞌ upoqui uyoc, y nien ma tiaꞌ ususi utzucti, y nien ma tiaꞌ upojchꞌi ubꞌujc.
8539	2SA 19:26	Y conda cꞌotoy tuaꞌ utajwi ubꞌa taca e rey, e David uyare cocha era y che: —Mefi-bóset, ¿tucꞌa tuaꞌ que machi tariet tacaren? che e rey David.
8540	2SA 19:27	Entonces ojron e Mefi-bóset y che: —Niwinquiret, niman Siba umajresen. Y net anata que nen tzꞌej nioc, y tamar era nen inware e Siba tuaꞌ uturbꞌa inteꞌ turibꞌ tupat inteꞌ chuchu chij tuaꞌ inturuan tamar tuaꞌ ani inxin tacaret.
8542	2SA 19:29	Pues tunor nifamilia tawar tuaꞌ achamesnobꞌ, pero net awaren xeꞌ amanen tuaꞌ inturuan inweꞌ tujor amesa tacaret. Entonces matucꞌa más erer incꞌajti tabꞌa, niwinquiret, che e Mefi-bóset.
8544	2SA 19:31	Pero e Mefi-bóset ojron y che: —Quetpac tunor e rum tacar jaxir. Porque e tzayer más nojta taniut que net sutpet tzꞌacpesbꞌiret y corpesbꞌiret tama oꞌtot, che e Mefi-bóset.