241	GEN 10:6	Pues uchꞌajnarirobꞌ e Cam jax era: Ayan e Cus y e Misraim y e Fut y e Canaán.
249	GEN 10:14	Y quetpa tatabꞌir tuaꞌ tin e tuaꞌ uchꞌajnarir e Patrus, y quetpa tatabꞌir tuaꞌ tin e tuaꞌ uchꞌajnarir e Caslu, y quetpa tatabꞌir tuaꞌ tin e tuaꞌ uchꞌajnarir e Caftor xeꞌ quetpa tatabꞌir tuaꞌ tin e tuaꞌ uchꞌajnarir e Filisti.
536	GEN 21:22	Pues entonces tama e tiempo era e rey Abimelec ixin tuaꞌ oꞌjron taca e Abraham y war axana e Ficol tacar xeꞌ jax e capitán tuaꞌ e soldadobꞌ. Entonces e Abimelec uyare e Abraham cocha era y che: —Pues chequer ticoit non que Cawinquirar Dios war utacret tama tunor lo que ache.
546	GEN 21:32	Entonces conda cꞌapa uchiobꞌ e acuerdo tama e lugar Beerseba era, sutpa ixiobꞌ e Abimelec y e Ficol esto tama e lugar xeꞌ tuaꞌ tin e uchꞌajnarir e Filisti.
548	GEN 21:34	Y e Abraham turuan meyra tiempo tama e lugar era xeꞌ tuobꞌ e Filisti.
694	GEN 26:1	Entonces conda numuy cora tiempo checta inteꞌ nuxi verano tama tunor or e lugar Canaán tiaꞌ turu e Isaac, y matucꞌa e cosecha. Y tamar era checta inteꞌ nuxi winar bꞌan cocha numuy conda turuto e Abraham. Y tamar era ixin e Isaac taca tunor ufamilia esto tama e chinam Guerar tiaꞌ war acꞌotori e Abimelec tujor tin e tuobꞌ uchꞌajnarir e Filisti. Pero warto ubꞌijnu tuaꞌ axin esto tama e lugar Egipto.
707	GEN 26:14	Y cay utꞌoxi meyra oveja y meyra wacax y meyra chivo, y ayan meyra sian manobꞌ ubꞌan, y tamar era tin e tuobꞌ uchꞌajnarir e Filisti cay cꞌuxnaqꞌuiobꞌ uwirobꞌ ut e Isaac.
711	GEN 26:18	Y de allí sutpa upajni meyra sian chꞌen xeꞌ pambꞌir ixnix e tiempo umen utata xeꞌ jax e Abraham tiaꞌ umorojse ubꞌa e jaꞌ conda acꞌaxi e jajar. Pues tin e tuobꞌ uchꞌajnarir e Filisti cay umaquiobꞌ tunor e sian chꞌen era conda chamay e Abraham. Y e Isaac sutpa uturbꞌa ucꞌabꞌobꞌ tunor e sian chꞌen bꞌan cocha turbꞌana umen utata.
719	GEN 26:26	Pues tama inteꞌ día e Abimelec locꞌoy tama ulugar xeꞌ jax e chinam Guerar tuaꞌ acꞌotoy tiaꞌ turu e Isaac tuaꞌ oꞌjron tacar. Y war axana tacar inteꞌ ajcꞌampar tuaꞌ xeꞌ ucꞌabꞌa Ahuzat y e Ficol xeꞌ jax e capitán tuaꞌ e soldadobꞌ.
1149	GEN 38:29	Pero wacchetaca e chꞌurcabꞌ era sutpa uyose ucꞌabꞌ, y de allí cuxpa uwijtzꞌin bꞌajxan. Entonces e partera uturbꞌa ucꞌabꞌa e chꞌurcabꞌ era Fares xeꞌ war che: “Jax era tin xeꞌ upasi e bꞌir tiaꞌ tuaꞌ anumuy”, che e partera.
1396	GEN 46:9	Y uyunenobꞌ e Rubén jax e Hanoc y e Falú y e Hesrón y e Carmí.
1399	GEN 46:12	Y uyunenobꞌ e Judá jax e Selá y e Fares y e Zérah. Pues ayan uyunenobꞌ xeꞌ chamayobꞌ conda turobꞌto tama e lugar Canaán xeꞌ jax e Er y e Onán. Y uyunenobꞌ e Fares jax e Hesrón y e Hamul.
1400	GEN 46:13	Y uyunenobꞌ e Isacar jaxobꞌ e Tolá y e Fúa y e Job y e Simrón.
7204	RUT 4:12	Y que Cawinquirar Dios uyajqꞌuiquet meyra amaxtac taca e ixic era, bꞌan cocha numuy taca e Fares xeꞌ jax uyar e Tamar taca e Judá, che e nuquir winicobꞌ era.
7210	RUT 4:18	Pues jax era uchꞌajnarir e Fares. E Fares ayan uyunen xeꞌ ucꞌabꞌa Jezrón.
7217	1SA 1:3	Y tama inteꞌ inteꞌ año e Elcaná alocꞌoy tama uchinam tuaꞌ axin esto tama e chinam Siló tuaꞌ uyujtzꞌi ut Cawinquirar Dios xeꞌ acꞌotori tujor e sian angelobꞌ lo que ayan tut e qꞌuin, y tuaꞌ uchamse cora aracꞌobꞌ tuaꞌ uputa tut Cawinquirar Dios. Y tama e lugar era ayan chateꞌ uyunenobꞌ e sacerdote Elí, incojt ucꞌabꞌa Hofní y e incojt ucꞌabꞌa Finees, y jaxirobꞌ sacerdotiobꞌ ubꞌan tuaꞌ Cawinquirar Dios.
7276	1SA 2:34	Y tuaꞌ anata que erach tunor lo que war inwaret era, cꞌani inche tuaꞌ achamayobꞌ e chateꞌ oynenobꞌ xeꞌ jax e Hofní y e Finees tama inteꞌ taca día.
7300	1SA 4:1	Y e ojroner lo que arobꞌna e Samuel umen Cawinquirar Dios cꞌotoy checsuna tut tunor tin e tuobꞌ e Israel. Pues entonces tama e día era tin e ajtzꞌojyirobꞌ xeꞌ tuobꞌ uchꞌajnarir e Israel locꞌoyobꞌ tuaꞌ uchiobꞌ e tzꞌojyir taca tin e ajtzꞌojyirobꞌ xeꞌ tuobꞌ uchꞌajnarir e Filisti. Y tin e tuobꞌ e Israel cꞌotoy turuanobꞌ tama e lugar Eben-ézer. Y tin e tuobꞌ uchꞌajnarir e Filisti cꞌotoy turuanobꞌ tama e lugar Afec xeꞌ majax innajt tut e lugar Eben-ézer.
7301	1SA 4:2	Pues tin e ajtzꞌojyirobꞌ xeꞌ tuobꞌ uchꞌajnarir e Filisti cay uwechꞌe ubꞌobꞌ tuaꞌ uchiobꞌ e tzꞌojyir taca tin e ajtzꞌojyirobꞌ xeꞌ tuobꞌ e Israel, y uchamsiobꞌ 4,000 ajtzꞌojyirobꞌ xeꞌ tuobꞌ e Israel.
7302	1SA 4:3	Y conda warix amaxian e ajtzꞌojyirobꞌ tuaꞌ e Israel sutpa ixiobꞌ esto tiaꞌ quetpobꞌ e inmojr ajtzꞌojyirobꞌ. Y entonces tin e nuquir winicobꞌ tuaꞌ e Israel ojronobꞌ cocha era y chenobꞌ: “¿Tucꞌa canic tuaꞌ que Cawinquirar Dios uyacta chꞌancabꞌesnon umen tin e ajtzꞌojyirobꞌ xeꞌ tuobꞌ uchꞌajnarir e Filisti? Incuic esto tama e chinam Siló tuaꞌ catares e cofre tiaꞌ aquetpa e pacto tuaꞌ Cawinquirar Dios. Porque jay bꞌan cache y caqꞌueche axin ticajam conda war cache e tzꞌojyir, jax tuaꞌ ucorpeson,” chenobꞌ e nuquir winicobꞌ tuaꞌ e Israel.
7303	1SA 4:4	Entonces uyebꞌta ixiobꞌ cora winicobꞌ esto tama e chinam Siló tuaꞌ uqꞌueche watar e cofre tiaꞌ aquetpa pacto tuaꞌ Cawinquirar Dios xeꞌ ayan meyra ucꞌotorer. Y tujor e cofre era ayan inteꞌ turtar tujam chateꞌ pajrbꞌir teꞌ xeꞌ bꞌan uwirnarobꞌ cocha chacojt winicobꞌ xeꞌ ayan uwichꞌobꞌ xeꞌ arobꞌnobꞌ Querubin. Pues tama e día era quetpobꞌ sacerdote e Hofní y e Finees xeꞌ uyunenobꞌ e Elí, y tariobꞌ tuaꞌ ucojcobꞌ e cofre tiaꞌ aquetpa e pacto.
7305	1SA 4:6	Pero conda tin e ajtzꞌojyirobꞌ xeꞌ tuobꞌ uchꞌajnarir e Filisti uyubꞌiobꞌ e sian aruar era, ojronobꞌ y chenobꞌ: “¿Tucꞌa canic tuaꞌ que war coybꞌi e nuxi aruar era tuobꞌ uchꞌajnarir e Héber?” chenobꞌ e ajtzꞌojyirobꞌ era. Pero conda cꞌotoy unatobꞌ que cꞌotesna e cofre tiaꞌ aquetpa e pacto tuaꞌ Cawinquirar Dios esto tama e lugar era,
7308	1SA 4:9	Y tamar era costesic cabꞌa tuaꞌ cache e tzꞌojyir y machi tuaꞌ cabꞌacta xeꞌ tuon uchꞌajnarir e Filisti. Cachic e tzꞌojyir taca meyra qꞌuijnar tuaꞌ machi cacucurna umenerobꞌ este que caquetpa ani man tuobꞌ uchꞌajnarir e Héber, bꞌan ani cocha acay aquetpobꞌ ticabꞌa,” chenobꞌ tin e tuobꞌ uchꞌajnarir e Filisti.
7309	1SA 4:10	Y entonces tin e tuobꞌ uchꞌajnarir e Filisti ixin uchiobꞌ e tzꞌojyir upater tin e tuobꞌ uchꞌajnarir e Israel y ucucruobꞌ, y uchamsiobꞌ meyra sian ajtzꞌojyirobꞌ xeꞌ tuobꞌ e Israel, 30,000 tama tunor. Y tin tin xeꞌ quetpobꞌto bꞌixir locꞌoy ajniobꞌ tuaꞌ axiobꞌ esto tiaꞌ turu e inmojr ajtzꞌojyirobꞌ xeꞌ tuobꞌ e Israel.
7310	1SA 4:11	Y tin e tuobꞌ uchꞌajnarir e Filisti uqꞌuechiobꞌ ixin e cofre tiaꞌ aquetpa e pacto tuaꞌ Cawinquirar Dios, y uchamsiobꞌ e Hofní y e Finees xeꞌ jax uyunenobꞌ e Elí.
7312	1SA 4:13	Y conda cꞌotoy yaꞌ turu e Elí tama ucꞌajn tuyocher e chinam, war achꞌujcsan tuaꞌ unata lo que numuy tama e tzꞌojyir y war abꞌacta meyra tama e cofre tiaꞌ aquetpa e pacto tuaꞌ Cawinquirar Dios este que war apopocna axin uyalma umen e bꞌajcꞌut cocha war ubꞌijnu que bꞌajcꞌat aqꞌuejcha axin umen e ajtzꞌojyirobꞌ xeꞌ tuaꞌ uchꞌajnarir e Filisti. Entonces conda ochoy e winic tama e chinam y uchecsu tunor lo que numuy, cay aruobꞌ meyra tunor tin e turobꞌ tama e chinam.
7316	1SA 4:17	Entonces ojron e winic y che: —Pues tunor e ajtzꞌojyirobꞌ xeꞌ tuobꞌ e Israel cꞌapa cucurnobꞌ umen tin e ajtzꞌojyirobꞌ xeꞌ tuobꞌ uchꞌajnarir e Filisti, pero ayanto tin e locꞌoy ajniobꞌ. Y chamesnobꞌ meyra sian ajtzꞌojyirobꞌ xeꞌ tuobꞌ e Israel y chamesnobꞌ ubꞌan oynenobꞌ xeꞌ jax e Hofní y e Finees, y tin e tuobꞌ uchꞌajnarir e Filisti uqꞌuechiobꞌ ixin e cofre tiaꞌ aquetpa e pacto tuaꞌ Cawinquirar Dios ubꞌan, che e winic.
7318	1SA 4:19	Pues uyaribꞌ e Elí xeꞌ jax uwixcar e Finees war ucojco uyar y warix acꞌotoy e día tuaꞌ acuxma. Pero conda cꞌotoy unata que xujchna e cofre tiaꞌ aquetpa e pacto tuaꞌ Cawinquirar Dios umen tin e tuobꞌ uchꞌajnarir e Filisti, y que chamayobꞌ uviejo y upixam, cay unumse ubꞌa taca e sian cꞌuxner este que ucuxi uyar.
7321	1SA 4:22	Y de allí ojron otronyajr y che: “Pues matucꞌa e tawarer tama e Israel, cocha qꞌuejcha ixin e cofre tiaꞌ aquetpa e pacto tuaꞌ Cawinquirar Dios,” che e uwixcar e Finees y chamay.
7322	1SA 5:1	Pues conda tajwina e cofre tiaꞌ aquetpa e pacto tuaꞌ Cawinquirar Dios umen tin e tuobꞌ uchꞌajnarir e Filisti tama e chinam Eben-ézer, y uqꞌuechiobꞌ ixin esto tama e chinam Asdod.
7323	1SA 5:2	Y uqꞌuechiobꞌ ixin e cofre tiaꞌ aquetpa e pacto y uwabꞌuobꞌ macuir e templo tuaꞌ tin e tuobꞌ uchꞌajnarir e Filisti tiaꞌ war e chamen dios tuobꞌ xeꞌ ucꞌabꞌa Dagón, y uwabꞌuobꞌ tuyejtzꞌer e chamen dios era.
7328	1SA 5:7	Pero conda cay uwirobꞌ tin e turobꞌ tama e chinam Asdod tunor lo que war anumuy, ojronobꞌ y chenobꞌ: “Pues e cofre tuaꞌ e Dios xeꞌ tuaꞌ e Israel ma erer aquetpa ticajam, cocha e Dios era war uchion canumse cabꞌa meyra. Bꞌan war anumuy tacaron y bꞌan war anumuy taca e Dagón ubꞌan xeꞌ jax cadios,” chenobꞌ tin e tuobꞌ uchꞌajnarir e Filisti.
7329	1SA 5:8	Pues entonces tin e tuobꞌ uchꞌajnarir e Filisti uyareobꞌ tuaꞌ apejcnobꞌ tin e reyobꞌ tama inteꞌ inteꞌ chinam tuaꞌ umorojse ubꞌobꞌ, y conda cꞌotoyobꞌ uyareobꞌ cocha era y chenobꞌ: —¿Tucꞌa tuaꞌ cache taca e cofre tuaꞌ e Dios xeꞌ tuaꞌ e Israel? chenobꞌ tin e tuobꞌ uchꞌajnarir e Filisti. Entonces ojronobꞌ e ajcꞌotorerobꞌ y chenobꞌ: —Qꞌuechic chic esto tama e chinam Gat, chenobꞌ e reyobꞌ. Entonces tin e tuobꞌ uchꞌajnarir e Filisti uqꞌuechiobꞌ ixin e cofre tuaꞌ Cawinquirar Dios esto tama e chinam Gat.
7331	1SA 5:10	Y de allí tin e tuobꞌ uchꞌajnarir e Filisti uqꞌuechiobꞌ ixin e cofre tuaꞌ e Dios esto tama e chinam Ecrón. Pero conda cꞌotoy e cofre tuaꞌ e Dios esto tama e chinam yajaꞌ, cay aruobꞌ taca inteꞌ nuxi nuc tunor e gente y chenobꞌ: “Taresna e cofre tuaꞌ e Dios xeꞌ tuaꞌ e Israel tuaꞌ acꞌapa uchamsionobꞌ,” chenobꞌ e gente xeꞌ turobꞌ tama e chinam Ecrón.
7332	1SA 5:11	Entonces cocha cay checta meyra bꞌajcꞌut tama tunor e chinam era umen que cꞌaxi e nuxi jatzꞌuar xeꞌ imbꞌacꞌajr lo que tari tuaꞌ Cawinquirar Dios, tin e nuquir winicobꞌ uyareobꞌ tuaꞌ apejcna watar e cinco reyobꞌ xeꞌ tuobꞌ uchꞌajnarir e Filisti, y uyareobꞌ cocha era y chenobꞌ: “Locsenic tara e cofre tuaꞌ e Dios xeꞌ tuaꞌ e Israel. Y ebꞌtanic chic tama ulugar otronyajr tuaꞌ machi acꞌapa uchamsion tunoron,” chenobꞌ e reyobꞌ tama e chinam Ecrón.
7334	1SA 6:1	Pues e cofre tiaꞌ aquetpa e pacto tuaꞌ Cawinquirar Dios quetpa tama e lugar tuaꞌ tin e tuobꞌ uchꞌajnarir e Filisti siete mes.
7335	1SA 6:2	Entonces tin e líder tuobꞌ uchꞌajnarir e Filisti upejcobꞌ e sacerdotiobꞌ xeꞌ uyujtzꞌiobꞌ ut e chamen diosobꞌ y tin e unata aqꞌuiniobꞌ y chenobꞌ cocha era: —¿Tucꞌa canic tuaꞌ cache taca e cofre tuaꞌ e Dios tuaꞌ e Israel? Arenon cocha tuaꞌ cache tuaꞌ cawebꞌta axin esto tama ulugar otronyajr, chenobꞌ tin e líder tuobꞌ uchꞌajnarir e Filisti.
7345	1SA 6:12	Y de allí e chateꞌ utuꞌ wacax locꞌoyobꞌ tuaꞌ axiobꞌ tama e bꞌir xeꞌ acꞌotoy esto tama e chinam Bet-semes, y ma tiaꞌ uyactobꞌ e bꞌir. Y machi uyactobꞌ tuaꞌ aꞌruobꞌ tiaꞌ war axiobꞌ tor e bꞌir. Y tin e reyobꞌ tuaꞌ uchꞌajnarir e Filisti ixiobꞌ tupatobꞌ este que cꞌotoyobꞌ tama uyocher e chinam Bet-semes xeꞌ turu tama e lugar Israel.
7349	1SA 6:16	Pues conda e cinco ajcꞌotorerobꞌ xeꞌ tuobꞌ uchꞌajnarir e Filisti uwirobꞌ tunor lo que numuy era, sutpa ixiobꞌ esto tama e chinam Ecrón tama intera taca día.
7350	1SA 6:17	Pues e cinco chur xeꞌ chembꞌir taca e oro xeꞌ ebꞌtana tari umen tin e ajcꞌotorerobꞌ tuobꞌ uchꞌajnarir e Filisti quetpobꞌ bꞌan cocha inteꞌ ofrenda tuaꞌ amactzꞌa umabꞌambꞌanirobꞌ. Pues tunor era quetpobꞌ cora regalo tuobꞌ e ajcꞌotorerobꞌ tama e chinam Asdod, y tama e chinam Gaza, y tama e chinam Ascalón, y tama e chinam Gat, y tama e chinam Ecrón.
7351	1SA 6:18	Y e cinco chꞌoc xeꞌ chembꞌir taca e oro xeꞌ ebꞌtana tari quetpobꞌ bꞌan cocha e cinco chinamobꞌ xeꞌ tuobꞌ uchꞌajnarir e Filisti xeꞌ quetpobꞌ yebꞌar ucꞌotorer e cinco reyobꞌ. Pues e cinco chinamobꞌ era xojybꞌirobꞌ turu taca e petzbꞌir tun y ayan e aldea xeꞌ turobꞌ tuyejtzꞌer e chinamobꞌ era xeꞌ majax xojybꞌirobꞌ taca petzbꞌir tun. Pues e nuxi tun tiaꞌ turbꞌana e cofre tiaꞌ aquetpa e pacto tuaꞌ Cawinquirar Dios aquetpa cocha inteꞌ chequerir y turuto este coner tama e rum xeꞌ tuaꞌ ani e Josué xeꞌ turu tuyejtzꞌer e chinam Bet-semes.
7354	1SA 6:21	Y tamar era uyebꞌtobꞌ ixin inteꞌ ojroner tut tin e turobꞌ tama e chinam Quiriat-jearim y chenobꞌ: “Pues tin e tuobꞌ uchꞌajnarir e Filisti uyebꞌtobꞌ tari e cofre tiaꞌ aquetpa e pacto tuaꞌ Cawinquirar Dios. Laric tuaꞌ iqꞌueche axin,” chenobꞌ tin e turobꞌ tama e chinam Bet-semes.
7357	1SA 7:3	Pues entonces cay ojron e Samuel taca tunor e gente tama e Israel y che: “Pues jay nox war ibꞌijnu tuaꞌ ixsutpa tut Cawinquirar Dios taca tunor iwalma, ucꞌani tuaꞌ ilocse najtir tunor e sian chamen diosobꞌ xeꞌ tuobꞌ e ajnajtir gente bꞌan cocha e chamen dios Baal, y ucꞌani tuaꞌ ilocse najtir tunor e sian chamen dios xeꞌ bꞌan uwirnar cocha incojt chamen dios xeꞌ jax uwixcar e Baal xeꞌ ucꞌabꞌa Astarté, y de allí ucꞌani tuaꞌ iwajcꞌu ibꞌa Cawinquirar Dios inyajrer y tuaꞌ iyujtzꞌi ut jax taca jaxir. Y tamar era jaxir tuaꞌ axin ucorpesox tama ucꞌabꞌ tin e tuobꞌ uchꞌajnarir e Filisti,” che e Samuel.
7361	1SA 7:7	Pero conda tin e tuobꞌ uchꞌajnarir e Filisti cꞌotoy unatobꞌ que e gente tuaꞌ Israel war umorojse ubꞌobꞌ tama e chinam Mispá, cay ubꞌijnuobꞌ tuaꞌ axin uchiobꞌ e tzꞌojyir upaterobꞌ. Pero conda tin e tuobꞌ e Israel cꞌotoy unatobꞌ tama tunor era, bꞌactobꞌ meyra.
7362	1SA 7:8	Entonces uyareobꞌ e Samuel cocha era y chenobꞌ: “Ira awacta tuaꞌ acꞌajti taca Cawinquirar Dios tamaron tuaꞌ machi cacꞌaxi tama ucꞌabꞌ tin e tuobꞌ uchꞌajnarir e Filisti,” chenobꞌ tin e tuobꞌ e Israel.
7364	1SA 7:10	Y conda e Samuel cay uputa e arac, cꞌotoyobꞌ tin e ajtzꞌojyirobꞌ xeꞌ tuobꞌ uchꞌajnarir e Filisti tuaꞌ uchiobꞌ e tzꞌojyir taca tin e ajtzꞌojyirobꞌ xeꞌ tuobꞌ e Israel. Pero Cawinquirar Dios ojron taca inteꞌ nuxi nuc xeꞌ bꞌan uyubꞌnar cocha e quiricnar tujor tin e tuobꞌ uchꞌajnarir e Filisti, y bꞌactobꞌ meyra y quetpobꞌ nutꞌur utobꞌ tunorobꞌ, y bꞌan cocha era cucurnobꞌ umen tin e tuobꞌ e Israel.
7365	1SA 7:11	Y tamar era locꞌoy ajniobꞌ wacchetaca tin e tuobꞌ e Israel tupatobꞌ tin e tuobꞌ uchꞌajnarir e Filisti tuaꞌ uchamsiobꞌ, y uyajnesobꞌ xircojt tama tunor e bꞌir xeꞌ acꞌotoy esto tama e chinam Bet-car, y war uchamsiobꞌ axin.
7367	1SA 7:13	Pues entonces tin e tuobꞌ uchꞌajnarir e Filisti cꞌapa cucurnobꞌ y machi ixto sutpa ochoyobꞌ tama e lugar xeꞌ tuobꞌ e Israel tama meyra tiempo, y tama tunor e tiempo este que chamay e Samuel machi actanobꞌ tuaꞌ oꞌchoyobꞌ tama e lugar Israel umen Cawinquirar Dios.
7368	1SA 7:14	Y tunor e chinamobꞌ xeꞌ loqꞌuesnobꞌ tuaꞌ e Israel ixnix e tiempo umen e ajtzꞌojyirobꞌ xeꞌ tuobꞌ uchꞌajnarir e Filisti xeꞌ acay tuyejtzꞌer e chinam Ecrón y acꞌotoy esto tuyejtzꞌer e chinam Gat sutpa quetpobꞌ tuaꞌ e Israel otronyajr. Y bꞌan cocha era e Israel sutpa uchꞌamiobꞌ tunor e lugar era tuaꞌ tin e tuobꞌ uchꞌajnarir e Filisti. Y tama e día era checta e jiriar tujam tin e tuobꞌ e Israel y tujam tin e tuobꞌ uchꞌajnarir e Emor.
7409	1SA 9:16	“Pues ejcꞌar tama e hora cocha era cꞌani inwebꞌta watar toit inteꞌ winic xeꞌ ajlugar tama e departamento Benjamín. Pues jax e winic era xeꞌ tuaꞌ ache ungir tuaꞌ aquetpa rey tujor nichinam Israel. Pues jaxir tuaꞌ ucorpes nichinam tama ucꞌabꞌ tin e tuobꞌ uchꞌajnarir e Filisti, cocha nen incꞌun niwirnar tut nichinam y war umbꞌi lo que war ucꞌajtiobꞌ tacaren que war atzꞌintzꞌobꞌ yebꞌar ucꞌabꞌ tin e tuobꞌ uchꞌajnarir e Filisti,” che Cawinquirar Dios uyare e Samuel tama umayjut.
7425	1SA 10:5	Y de allí iꞌxin icꞌotoy esto tama e chinam Guibeá tiaꞌ ojtzna ut e Dios tiaꞌ ayan cora ajtzꞌojyirobꞌ tin e tuobꞌ uchꞌajnarir e Filisti. Y conda iyochoy tama e chinam era cꞌani atajwi abꞌa taca cora profetobꞌ xeꞌ war ecmayobꞌ tama e witzir tiaꞌ uyujtzꞌiobꞌ ut Cawinquirar Dios. Y tutobꞌ axin watar cora winicobꞌ xeꞌ war alajbꞌobꞌ tama e salterio y tama e pandero y tama e flauta y tama e arpa. Y tunorobꞌ cꞌani utattzꞌiobꞌ ucꞌabꞌa e Dios bꞌan cocha arobꞌnobꞌ umen Unawalir e Dios taca inteꞌ nuxi nuc.
7471	1SA 12:9	Pero wacchetaca najtranobꞌ itata viejobꞌirobꞌ tut Cawinquirar Dios. Y entonces jaxir uche tuaꞌ aquetpobꞌ yebꞌar ucꞌotorer e Sísara xeꞌ jax e capitán tuaꞌ e ajtzꞌojyirobꞌ tuaꞌ e rey tama e chinam Hasor, y de allí uche tuaꞌ aquetpobꞌ yebꞌar ucꞌotorer tin e tuobꞌ uchꞌajnarir e Filisti, y de allí uche tuaꞌ aquetpobꞌ yebꞌar ucꞌotorer e rey tama e lugar Moab. Y inteꞌ intiobꞌ era cay uchiobꞌ e tzꞌojyir taca itata viejobꞌirobꞌ.
7489	1SA 13:2	Pues e Saúl cay usicbꞌa cora ajtzꞌojyirobꞌ tuaꞌ uchiobꞌ e tzꞌojyir taca tin e tuobꞌ uchꞌajnarir e Filisti. Y usicbꞌa 3,000 tujam tin e tuobꞌ e Israel, y uyare 2,000 tuaꞌ aquetpobꞌ tacar jaxir tama e lugar Micmás y tama or e witzir xeꞌ aquetpa tuyejtzꞌer e chinam Betel. Y uyare otro 1,000 tuaꞌ axiobꞌ taca uyunen Jonatán esto tama e chinam Guibeá xeꞌ turu tama e departamento Benjamín. Y de allí uyare e inmojr winicobꞌ xeꞌ tuobꞌ e Israel tuaꞌ asutpa axiobꞌ esto tuyototobꞌ otronyajr.
7490	1SA 13:3	Entonces e Jonatán taca tin e war axanobꞌ tacar cꞌapa uchamse tunor e ajtzꞌojyirobꞌ xeꞌ tuobꞌ uchꞌajnarir e Filisti xeꞌ turobꞌ tama e chinam Guibeá. Pero cꞌotoy unatobꞌ wacchetaca tin e tuobꞌ uchꞌajnarir e Filisti que cucurnobꞌ upiarobꞌ tama e chinam Guibeá, y tamar era sutpa umorojse ubꞌobꞌ meyra ajtzꞌojyirobꞌ tuaꞌ uchiobꞌ e tzꞌojyir upater e Israel otronyajr. Y wacchetaca cꞌotoy unata e Saúl tama tunor era, y entonces uyare tuaꞌ ajquesna e trompeta tama tunor or e lugar tama e Israel tuaꞌ acꞌotoy unatobꞌ que cꞌanix achena otronteꞌ tzꞌojyir taca tin e tuobꞌ uchꞌajnarir e Filisti.
7491	1SA 13:4	Y tamar era tunor tin e tuobꞌ e Israel cꞌotoy unatobꞌ que e Saúl taca uyajtzꞌojyirobꞌ cꞌapa uchamse e ajtzꞌojyirobꞌ xeꞌ tuobꞌ uchꞌajnarir e Filisti xeꞌ turobꞌ ani tama e chinam Guibeá, y que tamar era tin e tuobꞌ uchꞌajnarir e Filisti war aqꞌuiniobꞌ meyra upater tin e tuobꞌ e Israel. Entonces cay umorojse ubꞌobꞌ tunor e sian ajtzꞌojyirobꞌ tuaꞌ e Israel taca e Saúl tama e chinam Guilgal.
7492	1SA 13:5	Y tin e tuobꞌ uchꞌajnarir e Filisti cay umorojse ubꞌobꞌ ubꞌan tuaꞌ uchiobꞌ e tzꞌojyir. Y qꞌuecher umenerobꞌ 3,000 carruaje tuaꞌ uchiobꞌ e tzꞌojyir tamar, y 6,000 ajtzꞌojyirobꞌ xeꞌ uqꞌuechiobꞌ axin e carruaje, y qꞌuecher umenerobꞌ ubꞌan meyra sian ajtzꞌojyirobꞌ xeꞌ axanobꞌ tor uyocobꞌ xeꞌ quetpa uwirnarobꞌ bꞌan cocha e jiꞌ lo que ayan tama utiꞌ e nuxi jaꞌ. Y entonces ixiobꞌ esto tuyejtzꞌer e chinam Micmás, y cay ujachiobꞌ meyra sian otot xeꞌ chembꞌir taca e bꞌujc teinxejr lado tiaꞌ atobꞌoy watar e qꞌuin tama e chinam Bet-avén.
7493	1SA 13:6	Pues entonces conda cꞌotoy uwirobꞌ tin e ajtzꞌojyirobꞌ tuaꞌ e Israel que ayan meyra sian ajtzꞌojyirobꞌ xeꞌ tuobꞌ uchꞌajnarir e Filisti xeꞌ cꞌotoy tuaꞌ uchiobꞌ e tzꞌojyir tacarobꞌ, cay bꞌactobꞌ meyra y cay usicbꞌobꞌ tic taca tiaꞌ tuaꞌ amucuanobꞌ tutobꞌ. Y ayan tin e ixin mucuanobꞌ tama inteꞌ chꞌen tama unac inteꞌ witzir, y ayan tin e mucuanobꞌ macuir inteꞌ chꞌen tama e rum, y ayan tin e mucuanobꞌ tujam e sian tun, y ayan tin e mucuanobꞌ tiaꞌ aꞌjni e tꞌiu, y ayan tin e mucuanobꞌ macuir inteꞌ chꞌen xeꞌ abꞌutcꞌa taca e jaꞌ conda acꞌaxi e jajar.
7498	1SA 13:11	Pero conda e Samuel cꞌotoy unata lo que uche e Saúl, ojron wacchetaca y che: —¿Tucꞌa tuaꞌ que ache cocha era? che e Samuel. Entonces ojron e Saúl y che: —Pues cay inwira que warix acay axiobꞌ e ajtzꞌojyirobꞌ xeꞌ turobꞌ tacaren, y inwira que net merato iyopa tama e día xeꞌ actabꞌir amener, y de allí cꞌotoy innata que tin e ajtzꞌojyirobꞌ tuaꞌ uchꞌajnarir e Filisti warix umorojse ubꞌobꞌ tama e chinam Micmás tuaꞌ uchiobꞌ e tzꞌojyir tacaron.
7503	1SA 13:16	Entonces quetpobꞌ e Saúl y e Jonatán xeꞌ jax uyunen y e ajtzꞌojyirobꞌ xeꞌ turobꞌ tacar tuyejtzꞌer e chinam Guibeá. Y yajaꞌ taca ujachiobꞌ cora otot xeꞌ chembꞌir taca e bꞌujc tiaꞌ tuaꞌ awayanobꞌ. Y tin e ajtzꞌojyirobꞌ xeꞌ tuobꞌ uchꞌajnarir e Filisti cay ujachiobꞌ cora otot xeꞌ chembꞌir taca e bꞌujc tuyejtzꞌer e chinam Micmás.
7506	1SA 13:19	Pues tama e tiempo era matucꞌa nien incojt winic xeꞌ oꞌbꞌna apatna taca e taqꞌuin tama tunor or e lugar Israel, cocha machi actanobꞌ umen tin e tuobꞌ uchꞌajnarir e Filisti. Y tamar era tin e tuobꞌ e Israel ma cocha erer uchiobꞌ inteꞌ machit y nien inteꞌ lanza.
7507	1SA 13:20	Y entonces tin e tuobꞌ e Israel quetpobꞌ tuaꞌ axiobꞌ tut tin e tuobꞌ uchꞌajnarir e Filisti tuaꞌ utajwiobꞌ chi chi tuaꞌ ujuqꞌui tuqꞌuic tuqꞌuic taqꞌuin xeꞌ ucꞌampesobꞌ bꞌan cocha inteꞌ arado o inteꞌ hoz o inteꞌ hacha o inteꞌ piocha.
7508	1SA 13:21	Y tamar era quetpa tuaꞌ atojyobꞌ tin e tuobꞌ uchꞌajnarir e Filisti tuaꞌ ujuqꞌui inteꞌ inteꞌ taqꞌuin. Atojyobꞌ ocho gramo ut tumin xeꞌ chembꞌir taca e plata tuaꞌ ujuqꞌuiobꞌ inteꞌ arado, y quetpa tuaꞌ atojyobꞌ cuatro ut tumin xeꞌ chembꞌir taca e plata tuaꞌ ujuqꞌuiobꞌ inteꞌ hacha o inteꞌ hoz o tuaꞌ uyustesobꞌ inteꞌ susteꞌ.
7510	1SA 13:23	Pero ayan inteꞌ grupo ajtzꞌojyirobꞌ xeꞌ tuobꞌ uchꞌajnarir e Filisti xeꞌ locꞌoyobꞌ tama e chinam Micmás tuaꞌ umaquiobꞌ ut e bꞌir xeꞌ axin tujam e witzir xeꞌ acꞌotoy esto tama e chinam Guibeá tiaꞌ turu tin e ajtzꞌojyirobꞌ xeꞌ tuobꞌ e Israel.
7511	1SA 14:1	Pues tama inteꞌ día e Jonatán uyare uman y che: —Lar tacaren, y numicon teinxejr bꞌana e xucur y cachic e tzꞌojyir taca cora ajtzꞌojyirobꞌ xeꞌ tuobꞌ uchꞌajnarir e Filisti xeꞌ morojsebꞌir turobꞌ teinxejr bꞌana, che e Jonatán. Pero e Jonatán matucꞌa uchecsu tut utataꞌ,
7513	1SA 14:3	Pues ayan inteꞌ sacerdote tuaꞌ Cawinquirar Dios xeꞌ ucꞌabꞌa Ahías xeꞌ lapar umener e efod xeꞌ arobꞌna tuaꞌ ulapi umen Cawinquirar Dios. Pues e Ahías era jax uyunen e Ahitub xeꞌ sacumbꞌir tuaꞌ e Icabod xeꞌ jax uyunen e Finees xeꞌ sitzbꞌir tuaꞌ e Elí xeꞌ jax ani e sacerdote tuaꞌ Cawinquirar Dios tama e chinam e Siló. Pero mamajchi tujam tin e tuobꞌ e Israel unatobꞌ que e Jonatán ixin esto tiaꞌ turobꞌ tin e tuobꞌ uchꞌajnarir e Filisti.
7514	1SA 14:4	Pero tuaꞌ acꞌotoy e Jonatán y uman esto tiaꞌ turobꞌ cora ajtzꞌojyirobꞌ xeꞌ tuobꞌ uchꞌajnarir e Filisti quetpa tuaꞌ anumuy tujam chateꞌ nuquir tun, porque bꞌan e bꞌir, y ayan ucꞌabꞌobꞌ ingojr ingojr tun era xeꞌ jax e Bosés y e Sene.
7516	1SA 14:6	Entonces e Jonatán uyare uman y che: —Incoꞌ teinxejr bꞌana esto tiaꞌ morojsebꞌir turobꞌ cora winicobꞌ xeꞌ uyujtzꞌiobꞌ ut e chamen diosobꞌ xeꞌ tuobꞌ uchꞌajnarir e Filisti. Pues bꞌajcꞌat Cawinquirar Dios axin utacrion, cocha tut jaxir matucꞌa intran tuaꞌ uche, y jay ucꞌani, erer utacrion tuaꞌ cachamsiobꞌ, motor jay meyrobꞌ o jay chacojt taca, che e Jonatán.
7521	1SA 14:11	Entonces bꞌan uchiobꞌ y chatertiobꞌ uyacta ubꞌobꞌ tuaꞌ eꞌrnobꞌ umen tin e ajtzꞌojyirobꞌ xeꞌ tuobꞌ uchꞌajnarir e Filisti xeꞌ cay ojronobꞌ wacchetaca y chenobꞌ: “Iranic e winicobꞌ era xeꞌ tuobꞌ e Israel, war watobꞌ. War alocꞌoyobꞌ macuir e chꞌen tiaꞌ war ani amucuanobꞌ,” chenobꞌ e ajtzꞌojyirobꞌ xeꞌ tuaꞌ uchꞌajnarir e Filisti.
7522	1SA 14:12	Y de allí upejcobꞌ e Jonatán taca uman y chenobꞌ: —Tꞌabꞌenic esto tiaꞌ turon, porque ayan lo que cꞌani cawareox, chenobꞌ e ajtzꞌojyirobꞌ xeꞌ tuobꞌ uchꞌajnarir e Filisti. Entonces ojron e Jonatán taca uman y che: —Lar tanipat, porque Cawinquirar Dios cꞌani utacrion tuaꞌ cachamsiobꞌ, che e Jonatán.
7523	1SA 14:13	Entonces e Jonatán tꞌabꞌay ixin taca uyoc y ucꞌabꞌ, y tari uman tupat. Y conda cꞌotoy tichan e Jonatán cay uchamse tin e ajtzꞌojyirobꞌ xeꞌ tuobꞌ uchꞌajnarir e Filisti, y tinobꞌ xeꞌ tariobꞌ tupat chamesnobꞌ umen uman.
7524	1SA 14:14	Y wacchetaca uchamsiobꞌ veinte ajtzꞌojyirobꞌ xeꞌ tuobꞌ uchꞌajnarir e Filisti. Y quetpa chꞌarobꞌ e chamenobꞌ najt najt tiaꞌ cucremobꞌ chamen.
7525	1SA 14:15	Y wacchetaca cꞌaxi inteꞌ nuxi bꞌajcꞌut tama tunor e ajtzꞌojyirobꞌ xeꞌ tuobꞌ uchꞌajnarir e Filisti, bꞌan cocha tin e morojsebꞌir turobꞌ tiaꞌ chembꞌir e ototobꞌ taca e bꞌujc, y bꞌan tin xeꞌ turobꞌ najtir cora. Y de allí numuy inteꞌ nuxi yujcbꞌar tama tunor or e lugar y bꞌactobꞌ meyra e ajtzꞌojyirobꞌ xeꞌ tuobꞌ uchꞌajnarir e Filisti este que cay chinchobꞌ tunorobꞌ.
7526	1SA 14:16	Pero quetpa e Saúl tuyejtzꞌer e chinam Guibeá taca tunor e ajtzꞌojyirobꞌ, y uyebꞌta ixin cora winicobꞌ tuaꞌ achꞌujcsanobꞌ najtir cora tuaꞌ uwirobꞌ jay war watobꞌ tin e tuobꞌ uchꞌajnarir e Filisti tuaꞌ uchiobꞌ e tzꞌojyir tacarobꞌ. Pero conda chꞌujcsanobꞌ, uwirobꞌ que war aꞌjniobꞌ axin tic taca.
7529	1SA 14:19	Pero conda war oꞌjron e Saúl taca e sacerdote, cay bꞌoro más e bꞌajcꞌut tujam tin e tuobꞌ uchꞌajnarir e Filisti y war aꞌjniobꞌ tic taca. Y entonces e Saúl sutpa uyare e Ahías y che: —Machix atares, che e Saúl.
7530	1SA 14:20	Entonces e Saúl cay umorojse ubꞌa taca tunor e ajtzꞌojyirobꞌ y ixiobꞌ tuaꞌ uchiobꞌ e tzꞌojyir. Pero tujam tin e tuobꞌ uchꞌajnarir e Filisti ayan meyra bꞌajcꞌut y war anutpa utobꞌ meyra este war uchamse ubꞌobꞌ taca e machit.
7531	1SA 14:21	Pero ayan cora ajtzꞌojyirobꞌ xeꞌ tuobꞌ e Israel xeꞌ cay quetpobꞌ taca tin e tuobꞌ uchꞌajnarir e Filisti tuaꞌ uchiobꞌ e tzꞌojyir tacarobꞌ, pero era sutpa numuyobꞌ tuyejtzꞌer tin e tuobꞌ e Israel tuaꞌ uchiobꞌ e tzꞌojyir taca e Saúl y e Jonatán y tunor tin e war axanobꞌ tacarobꞌ.
7532	1SA 14:22	Y conda tin e tuobꞌ e Israel xeꞌ war amucuanobꞌ tor e witzir tama e departamento Efraín cꞌotoy unatobꞌ que tin e tuobꞌ uchꞌajnarir e Filisti war alocꞌoy ajniobꞌ, ajni ixiobꞌ jaxirobꞌ tupatobꞌ ubꞌan y cay uchamsiobꞌ ixin.
7533	1SA 14:23	Entonces tama e día era Cawinquirar Dios ucorpes tin e ajtzꞌojyirobꞌ xeꞌ tuobꞌ e Israel tucꞌabꞌ tin e ajtzꞌojyirobꞌ xeꞌ tuobꞌ uchꞌajnarir e Filisti. Y tin e tuobꞌ e Israel ajni ixiobꞌ esto tama e chinam Bet-avén, war achamsanobꞌ.
7540	1SA 14:30	Y más ani ayan uqꞌuecꞌojsiajobꞌ tunor e ajtzꞌojyirobꞌ jay ucꞌuxiobꞌ ani lo que war ulocsiobꞌ tut tin e war uchamsiobꞌ axin, porque jay bꞌan ani uchiobꞌ, uchamsiobꞌ más meyra ajtzꞌojyirobꞌ xeꞌ tuobꞌ uchꞌajnarir Filisti, che e Jonatán.
7541	1SA 14:31	Pues tama e día era tin e ajtzꞌojyirobꞌ xeꞌ tuobꞌ e Israel cꞌapa ucucruobꞌ tunor tin e ajtzꞌojyirobꞌ xeꞌ tuobꞌ uchꞌajnarir e Filisti. Pues cay uchiobꞌ e tzꞌojyir tama e chinam Micmás y chamsanobꞌ ixin este que cꞌotoyobꞌ tama e chinam Aialón. Pero war aquetpobꞌ injayjayobꞌ.
7542	1SA 14:32	Y tamar era conda acbꞌare ixiobꞌ wacchetaca tut lo que ulocsiobꞌ tut tin e tuobꞌ uchꞌajnarir e Filisti, y uchꞌamiobꞌ e oveja y e nuquir wacax y e chꞌom wacax y ucꞌuxiobꞌ uwerir xeꞌ ayanto uchꞌichꞌer.
7546	1SA 14:36	Y de allí uyare tunor e ajtzꞌojyirobꞌ y che: —Pues tamar taca e acbꞌar era ucꞌani tuaꞌ caxin cache e tzꞌojyir taca tin e tuobꞌ uchꞌajnarir e Filisti este que axin asacojpa, y ucꞌani tuaꞌ acꞌapa cachamsiobꞌ tunorobꞌ este que mamajchi aquetpa bꞌixir tujamobꞌ, che e Saúl. Entonces ojronobꞌ e ajtzꞌojyirobꞌ y chenobꞌ: —Chen bꞌan taca cocha aquetpa imbꞌutz toit, chenobꞌ e ajtzꞌojyirobꞌ. Pero ojron e sacerdote y che: —Pues bꞌajxan ucꞌani tuaꞌ coybꞌi taca Cawinquirar Dios tuaꞌ cawira jay bꞌan ucꞌani tuaꞌ cache, che e sacerdote.
7547	1SA 14:37	Entonces e Saúl uyubꞌi tuaꞌ Cawinquirar Dios y che: —¿Ucꞌani ca tuaꞌ cache e tzꞌojyir taca tin e tuobꞌ uchꞌajnarir e Filisti? Y ¿atacrion ca tuaꞌ cacucruobꞌ? che e Saúl. Pero Cawinquirar Dios matucꞌa uyare tama e día era.
7549	1SA 14:39	Pues Cawinquirar Dios cꞌapa ucorpeson tunoron tut tin e tuobꞌ uchꞌajnarir e Filisti sajmi. Y cꞌani inwareox que bꞌan cocha turu Cawinquirar Dios, que tin tin xeꞌ uche e mabꞌambꞌanir ucꞌani tuaꞌ achamesna, motor que jax niunen Jonatán, che e Saúl. Pero motor que tunor e winicobꞌ era warix unatobꞌ chi xeꞌ uche e mabꞌambꞌanir, pero mamajchi ojron.
7556	1SA 14:46	Entonces e Saúl uyare uyajtzꞌojyirobꞌ tuaꞌ uyactobꞌ uche e tzꞌojyir taca tin e tuobꞌ uchꞌajnarir e Filisti, y sutpa ixiobꞌ esto tuyototobꞌ.
7557	1SA 14:47	Pues entonces conda e Saúl qꞌuecꞌo cꞌotori tujor tin e tuobꞌ e Israel, cay uyare uyajtzꞌojyirobꞌ tuaꞌ uchiobꞌ e tzꞌojyir taca tunor tin e aqꞌuijna uwirobꞌ ubꞌobꞌ tacar. Y bꞌan uche taca tin e turobꞌ tama e lugar Moab, y taca uchꞌajnarir e Amón, y taca tin e turobꞌ tama e lugar Edom, y taca e rey tama e lugar Sobá, y taca tin e tuobꞌ uchꞌajnarir e Filisti. Y tic taca tiaꞌ uchiobꞌ e tzꞌojyir uyajtzꞌojyirobꞌ, cꞌapa ucucruobꞌ tunor tin e aqꞌuijna uwira ubꞌobꞌ tacar.
7562	1SA 14:52	Pues tin e ajtzꞌojyirobꞌ xeꞌ tuobꞌ e Israel uchiobꞌ e tzꞌojyir iraj iraj taca tin e ajtzꞌojyirobꞌ xeꞌ tuobꞌ uchꞌajnarir e Filisti tama tunor ucuxtar e Saúl, y inyajr inyajr conda e Saúl uwira incojt chꞌom sitz xeꞌ aqꞌuecꞌo y xeꞌ machi abꞌacta, uyare tuaꞌ achujca tuaꞌ aquetpa tujam e ajtzꞌojyirobꞌ xeꞌ tuaꞌ.
7621	1SA 17:1	Pues entonces tin e ajtzꞌojyirobꞌ xeꞌ tuobꞌ uchꞌajnarir e Filisti cay umorojse meyra winicobꞌ tuaꞌ uchiobꞌ e tzꞌojyir upater tin e ajtzꞌojyirobꞌ xeꞌ tuobꞌ e Israel. Y ixiobꞌ tuaꞌ aturuanobꞌ esto tama e lugar Efes-damim xeꞌ aquetpa tuyejtzꞌer e chinam Azecá y e chinam Socó xeꞌ aquetpa tama e departamento Judá.
7622	1SA 17:2	Y tamar era e Saúl cay umorojse meyra ajtzꞌojyirobꞌ xeꞌ tuaꞌ e Israel tuaꞌ uchiobꞌ e tzꞌojyir taca tin e ajtzꞌojyirobꞌ xeꞌ tuobꞌ uchꞌajnarir e Filisti, y cꞌotoy turuanobꞌ tama e valle xeꞌ aquetpa tama e lugar Elá y utzori ubꞌobꞌ tuaꞌ uchiobꞌ e tzꞌojyir.
7623	1SA 17:3	Pues tin e tuobꞌ uchꞌajnarir e Filisti quetpobꞌ tama inteꞌ or witzir tiaꞌ anamtzꞌa axin e qꞌuin y tin e tuobꞌ e Israel quetpobꞌ tama otronteꞌ or witzir tiaꞌ atobꞌoy watar e qꞌuin. Y bꞌan cocha era quetpobꞌ xerbꞌir umen inteꞌ valle.
7624	1SA 17:4	Pero tujam tunor e ajtzꞌojyirobꞌ xeꞌ tuobꞌ uchꞌajnarir e Filisti ecmay ixin inteꞌ nuxi winic xeꞌ ayan meyra uqꞌuecꞌojsiaj tuaꞌ uche e tzꞌojyir y ucꞌabꞌa jaxir Goliat xeꞌ tuaꞌ e chinam Gat xeꞌ ayan uxteꞌ metro tama uwatar.
7628	1SA 17:8	Entonces ecmay tari e nuxi Goliat tuaꞌ ubꞌajcꞌuse tin e tuobꞌ e Israel y aru taca inteꞌ nuxi nuc y che: —¿Tucꞌa tuaꞌ que war ixlocꞌoy tunorox tuaꞌ iche e tzꞌojyir? Pues nen jaxen incojt nuxi ajtzꞌojyir tuaꞌ uchꞌajnarir e Filisti, y nox jaxox taca cora manox tuaꞌ e Saúl. Sicbꞌanic incojt winic tijam tuaꞌ ecmay tarex tuaꞌ uche e tzꞌojyir tacaren.
7633	1SA 17:13	Y e bꞌajxan uxteꞌ uyunenobꞌ e Isaí xeꞌ jax e Eliab y e Abinadab y e Samá acay axiobꞌ taca e Saúl tuaꞌ uchiobꞌ e tzꞌojyir upater tin e ajtzꞌojyirobꞌ xeꞌ tuobꞌ uchꞌajnarir e Filisti.
7636	1SA 17:16	Pero e nuxi winic xeꞌ tuaꞌ uchꞌajnarir e Filisti war alocꞌoy tuaꞌ ubꞌajcꞌuse tin e tuobꞌ e Israel ajqꞌuin ajqꞌuin conda war asacojpa y conda war anamtzꞌa axin e qꞌuin. Y bꞌan uche tama inteꞌ tiempo de cuarenta día.
7639	1SA 17:19	Pero e Saúl y usacunobꞌ e David y tunor e ajtzꞌojyirobꞌ tuaꞌ Israel turobꞌ tama e valle lo que ayan tama e lugar Elá tuaꞌ uchiobꞌ e tzꞌojyir taca tin e ajtzꞌojyirobꞌ xeꞌ tuobꞌ uchꞌajnarir e Filisti.