57	GEN 3:1	Pues entonces conda Cawinquirar Dios uche tunor e sian animal ayan inteꞌ xeꞌ más ayan ubꞌijnusiaj que tunor e inmojr animalobꞌ xeꞌ jax e chan. Y tama e día era e Satanás uche ojron e chan. Y ayan inyajr conda cꞌotoy e chan tut e ixic y uyubꞌi tuaꞌ y che: —¿O erach canic que e Dios uyareox que ma erer icꞌuxi uyutir tunor e teꞌ lo que ayan tiaꞌ turon tara? che e chan.
67	GEN 3:11	Entonces e Dios uyubꞌi tuaꞌ e winic otronyajr y che: —¿Chi uyaret que pispis turet? O ¿acꞌuxi ca uyutir e teꞌ lo que inwaret que machi ani tuaꞌ acꞌuxi? che e Dios.
89	GEN 4:9	Entonces Cawinquirar Dios uchectes ubꞌa tut e Caín y cay uyubꞌi tuaꞌ y che: —¿Tiaꞌ turu awijtzꞌin Abel? che Cawinquirar Dios. Y sutpa ojron e Caín y che: —Nen machi innata. ¿O nen ca ajcojquen tuaꞌ niwijtzꞌin? che e Caín.
263	GEN 10:28	Y ayan e Obal y e Abimael y e Sebá
264	GEN 10:29	y e Ofir y e Havilá y e Jobab. Pues tunor e gente era jax umaxtacobꞌ e Joctán.
415	GEN 17:17	Entonces e Abraham cotuan esto que utacbꞌu ut ujor tama ut e rum y cay tzene y cay ojron jax taca y che: “¿O ererto ca aquetpa tatabꞌir inteꞌ winic xeꞌ war ucojco 100 año? Y e Sara, ¿cochato tuaꞌ achꞌijrtesian cocha warix ucojco noventa año?” che e Abraham.
438	GEN 18:13	Pero Cawinquirar Dios sutpa uyare e Abraham cocha era y che: —¿Tucꞌa tuaꞌ war atzene e Sara? O ¿war ca ubꞌijnu que: ‘Machi ixto tuaꞌ uyubꞌien inchꞌijrtesian cocha onian ixiquen?’
500	GEN 20:4	Pues cocha e Abimelec merato uchꞌami ubꞌa tacar jaxir, ojron y che: “Niwinquiraret Dios, ¿O war ca abꞌijnu tuaꞌ achamse tin e matucꞌa war uche xeꞌ mabꞌambꞌan?
505	GEN 20:9	Entonces e Abimelec upejca e Abraham y che: —¿Tucꞌa tuaꞌ que war ache tunor era tacaron? O ¿ayan ca inteꞌ mabꞌambꞌanir lo que war inche apater? Porque net war ache acꞌaxi meyra jatzꞌuar tama nijor nen y tama ujorobꞌ tunor tin e turobꞌ tama niotot. Pues majax imbꞌutz tunor lo que ixiet ache tacaren.
597	GEN 24:5	Entonces ojron e man y che: —Pero jay intajwi incojt ijchꞌoc bꞌan cocha acꞌani, y jaxir machi cꞌani watar tacaren, ¿tucꞌa tuaꞌ inche? O ¿ucꞌani ca tuaꞌ inqꞌueche axin oynen esto tama e lugar tiaꞌ aturuanobꞌ apiarobꞌ tuaꞌ anujbꞌi? che e man uyare e Abraham.
604	GEN 24:12	Y entonces cay ucꞌajti taca e Dios y che: “O Cawinquirar Dios xeꞌ Udiosir niwinquir Abraham, tacrenen tuaꞌ alocꞌoy imbꞌutz tunor lo que aquetpa tuaꞌ inche tama nixambꞌar era, y chectes abꞌa que incꞌun awirnar tut niwinquir Abraham.
652	GEN 24:60	Pero bꞌajxan que alocꞌoyobꞌ e Labán cay uchojbꞌes ut e Rebeca taca e ojroner era y che: “O nisacunet, que net iꞌxin iquetpa tubꞌir tuaꞌ meyra sian chꞌajnarir, y que tin e turobꞌ tama achꞌajnarir axin ucucruobꞌ tunor uchinamobꞌ xeꞌ aqꞌuijna uwiretobꞌ”, che e Labán.
1043	GEN 36:2	Pues e Esaú nujbꞌi taca uxteꞌ ixictac xeꞌ ajlugarobꞌ Canaán. Pues e bꞌajxan uwixcar jax e Ada xeꞌ jax uwijchꞌoc e Elón xeꞌ tuaꞌ uchꞌajnarir e Het. Y de allí ayan e Oholibamá xeꞌ jax uwijchꞌoc e Aná y xeꞌ sitzbꞌir tuaꞌ Sibón xeꞌ chꞌajnarir tuaꞌ e Hiv.
1046	GEN 36:5	Y xeꞌ cuxpobꞌ taca e Oholibamá jax e Jeús y e Jaalam y e Coré. Pues jax era uyunenobꞌ e Esaú xeꞌ cuxpobꞌ conda turu tama e lugar Canaán.
1052	GEN 36:11	Y uyunenobꞌ e Elifaz jax era: Ayan e Temán y ayan e Omar y ayan e Sefó y ayan e Gatam y ayan e Quenaz.
1055	GEN 36:14	Pues e Oholibamá xeꞌ jax otronteꞌ uwixcar e Esaú ixin uchꞌijrse e Jeús y e Jaalam y e Coré. Pues jaxir jax uwijchꞌoc e Aná y sitzbꞌir tuaꞌ e Sibón.
1056	GEN 36:15	Pues jax era tin xeꞌ cay cꞌotoriobꞌ tujor tin e tuobꞌ uchꞌajnarir e Esaú. Pues tujam uyunenobꞌ e Elifaz xeꞌ yaxar unembꞌir tuaꞌ e Esaú, tin xeꞌ cay cꞌotoriobꞌ jax era: Ayan e Temán y e Omar y e Sefó y e Quenaz.
1059	GEN 36:18	Y ayan uyarobꞌ e Oholibamá xeꞌ ijchꞌoc tuaꞌ e Aná xeꞌ cꞌotoy quetpobꞌ tata viejobꞌirobꞌ tujor uchꞌajnarirobꞌ xeꞌ ucꞌabꞌobꞌ Jeús y Jaalam y Coré.
1064	GEN 36:23	Y e Sobal ayan uyunenobꞌ xeꞌ jax era: Ayan e Alván y ayan e Manáhat y ayan e Ebal y ayan e Sefó y ayan e Onam.
1066	GEN 36:25	Pues e Aná ayan inteꞌ uyunen xeꞌ ucꞌabꞌa Disón, y ayan inteꞌ uwijchꞌoc xeꞌ ucꞌabꞌa Oholibamá.
1082	GEN 36:41	y ayan e Oholibamá y ayan e Elá y ayan e Pinón
1124	GEN 38:4	Y de allí quetpa wawan otronyajr taca otronteꞌ uyar y sutpa cuxpa otronteꞌ sitz y uturbꞌobꞌ ucꞌabꞌa Onán.
1128	GEN 38:8	Entonces e Judá uyare e Onán cocha era y che: —Nujbꞌien taca uwixcar asacun ani cocha net mubꞌiret tuaꞌ, bꞌan cocha ucꞌani cacostumbre conda achamay e sacumbꞌir y matucꞌa umaxtac. Y bꞌan cocha era erer axin achecta uchꞌajnarir asacun tamaret, che e Judá.
1129	GEN 38:9	Pero cocha e Onán war unata que e maxtac xeꞌ axin acuxpa taca e Tamar machi tuaꞌ aquetpa tuach, sino que axin aquetpa tuaꞌ usacun ani, machi ucꞌani. Y tamar era conda ixin uchꞌami ubꞌa taca uwixcar, uche ubꞌa tuaꞌ machi achecta uyar e ixic umener, cocha machi war ucꞌani tuaꞌ alocꞌoy uchꞌajnarir usacun tamar jaxir.
1130	GEN 38:10	Y tamar era Cawinquirar Dios qꞌuijna meyra tamar lo que uche e Onán, y ixin ulocse ucuxtar ubꞌan.
1137	GEN 38:17	Ojron e Judá y che: —Cꞌani inwebꞌta watar incojt bꞌiqꞌuit chivo xeꞌ ayan tacaren, che e Judá. Y che e ixic: —Bueno pue. Pero actan tacaren cora lo que qꞌuecher amener bꞌan cocha inteꞌ regalo este que axin awebꞌta watar lo que cꞌani awajqꞌuen, che e ixic.
1241	GEN 41:45	Entonces e rey uturbꞌa ucꞌabꞌa e José Safenat-panéah xeꞌ jax xeꞌ tuaꞌ acꞌampesna tama e lugar Egipto, y uche tuaꞌ anujbꞌi taca e Asenat xeꞌ jax uwijchꞌoc e Potifera xeꞌ jax inteꞌ sacerdote tama e chinam On. Y bꞌan cocha era e José cꞌotoy quetpa ajcꞌotorer tama e lugar Egipto.
1246	GEN 41:50	Entonces conda merato acay e año conda aquetpa tuaꞌ achecta e nuxi winar, e José qꞌuechuan chateꞌ umaxtac tacar uwixcar xeꞌ jax e Asenat xeꞌ jax uwijchꞌoc e Potifera xeꞌ jax inteꞌ sacerdote tama e chinam On.
1399	GEN 46:12	Y uyunenobꞌ e Judá jax e Selá y e Fares y e Zérah. Pues ayan uyunenobꞌ xeꞌ chamayobꞌ conda turobꞌto tama e lugar Canaán xeꞌ jax e Er y e Onán. Y uyunenobꞌ e Fares jax e Hesrón y e Hamul.
1407	GEN 46:20	Y uyunenobꞌ e José xeꞌ uchꞌijrse taca e Asenat, jax e Manasés y e Efraín. Pues jaxirobꞌ machi tariobꞌ tama lugar Canaán taca e inmojr era cocha cuxpobꞌ tama e lugar Egipto. Pues e Asenat jax uwijchꞌoc e Potifera, xeꞌ jax inteꞌ sacerdote tama e chinam On.
7133	RUT 1:4	Pero conda numuy cora tiempo umaxtacobꞌ utajwi ubꞌobꞌ taca chateꞌ ijchꞌoctac xeꞌ ajlugarobꞌ Moab, y nujbꞌiobꞌ tacarobꞌ. Inteꞌ ijchꞌoc ucꞌabꞌa Orfa y inteꞌ ucꞌabꞌa Rut. Pero conda numuy diez año
7139	RUT 1:10	Pero ojronobꞌ jaxirobꞌ y chenobꞌ: —Machi ixto cꞌani casutpa caxin otronyajr esto tama uyototobꞌ catuꞌ. Non cꞌani caxin tacaret esto tama e chinam tabꞌa, chenobꞌ e Rut y e Orfa.
7143	RUT 1:14	Y entonces jaxirobꞌ cay aruobꞌ otronyajr, y de allí e Orfa utzꞌujtzꞌi utiꞌ upixam y locꞌoy ixin. Pero e Rut war uyajta ut upixam y tamar era machi cꞌani uyacta tuaꞌ umeqꞌue y machi cꞌani alocꞌoy najtir tut.
7209	RUT 4:17	Y conda e ixictac xeꞌ turobꞌ yajaꞌ uwirobꞌ tunor era ojronobꞌ y chenobꞌ: —Coner e Noemí ayix otronteꞌ uyar, chenobꞌ e ixictac era. Y uturbꞌa ucꞌabꞌa Obed. Pues e Obed cꞌotoy quetpa utata e Isaí, y e Isaí cꞌotoy quetpa utata e David.
7213	RUT 4:21	Y e Salmón ayan uyunen xeꞌ ucꞌabꞌa Booz, y e Booz ayan uyunen xeꞌ ucꞌabꞌa Obed.
7214	RUT 4:22	Y e Obed ayan uyunen xeꞌ ucꞌabꞌa Isaí, y e Isaí ayan uyunen xeꞌ ucꞌabꞌa David xeꞌ cꞌotoy quetpa rey tama e Israel. Tara acꞌapa tunor niwojroner tama e Rut, che e Samuel.
7287	1SA 3:9	y tamar era uyare cocha era y che: —Quiqui chꞌaren otronyajr. Y jay Cawinquirar Dios asutpa upejquet otronyajr, aren cocha era y che: “Ojronen. Nen war umbꞌi anuc.” Bꞌan tuaꞌ aware, che e Elí. Entonces e Samuel sutpa ixin tuaꞌ achꞌan awayan.
7288	1SA 3:10	Y entonces Cawinquirar Dios cꞌotoy otronyajr y ojron bꞌan cocha cay uche bꞌajxan y che: —Samuel, Samuel, che Cawinquirar Dios. Entonces ojron e Samuel y che: —Ojronen. Nen war umbꞌi anuc, che e Samuel.
7431	1SA 10:11	Pero conda tin e unatobꞌ chi e Saúl cꞌotoy unatobꞌ tunor lo que cay uche era, bꞌactobꞌ cora y ojronobꞌ y chenobꞌ: “¿Tucꞌa war unumse ubꞌa uyunen e Quis que war utattzꞌi ucꞌabꞌa e Dios bꞌan cocha arobꞌna umener taca inteꞌ nuxi nuc bꞌan cocha uchiobꞌ tin e profetobꞌ? O ¿war canic aquetpa profeta e Saúl?” chenobꞌ e winicobꞌ era.
7432	1SA 10:12	Entonces cocha machi unatobꞌ tucꞌa tuaꞌ ubꞌijnuobꞌ tamar lo que war uche e Saúl, ojron inteꞌ tujam e winicobꞌ era y che: “O ¿erer canic aquetpa profeta tin e majax profeta utata?” che inteꞌ era. Y de allí cay uchiobꞌ inteꞌ ojroner tama e Saúl y chenobꞌ: “O ¿jax canic inteꞌ profeta e Saúl ubꞌan?” chenobꞌ.
7465	1SA 12:3	Pues tara turen tiut. Jay ayan lo que cay inche xeꞌ majax imbꞌutz tiut, checsunic era tut Cawinquirar Dios y tut e rey xeꞌ sicbꞌabꞌir umener y nen tuaꞌ intoyi. ¿Ayan ca incojt wacax o incojt chij xeꞌ inxujchꞌi tibꞌa? ¿Ayan ca chi tijam xeꞌ inche unumse ubꞌa? O ¿ayan ca inyajr conda inchꞌami e tumin tuaꞌ imbꞌijnu inwira intiach que lo que ucꞌani ani tuaꞌ inche? Areniquen era tut Cawinquirar Dios y tut e rey y nen tuaꞌ intoyi jay ayan lo que imbꞌeto, che e Samuel.
7504	1SA 13:17	Y de allí uyebꞌtobꞌ ixin uxteꞌ grupo ajtzꞌojyirobꞌ tuaꞌ acꞌotoyobꞌ teinxejr teinxejr tiaꞌ turobꞌ tin e tuobꞌ e Israel. Pues inteꞌ grupo ixiobꞌ más bꞌana al norte esto tama e chinam Ofrá xeꞌ aquetpa tama e lugar Sual,
7578	1SA 15:16	Entonces ojron e Samuel y che: —Machix iyojron. Cꞌani inwaret lo que uyaren Cawinquirar Dios acbꞌar acbꞌi, che e Samuel. Y de allí ojron e Saúl y che: —Ojronen, che e Saúl.
7663	1SA 17:43	Entonces uyare e David cocha era y che: —O ¿war ca abꞌijnu que jaxen incojt tzꞌiꞌ que war watet tanijor taca inteꞌ teꞌ? che e Goliat. Y de allí cay ubꞌaxe e David tama ucꞌabꞌa udiosobꞌ.
7678	1SA 17:58	xeꞌ uyare cocha era y che: —Sitz, ¿chi tuaꞌ unembꞌiret? che e Saúl. Entonces ojron e David y che: —O ¿ma ca cꞌar amener, que nen unembꞌiren tuaꞌ inteꞌ aman xeꞌ ucꞌabꞌa Isaí xeꞌ ajchinam Belén? che e David.
7700	1SA 18:22	Pero ojronto e Saúl taca umanobꞌ jaxobꞌ taca y che: —Ojronenic tzꞌustaca taca e David y arenic que nen xeꞌ reyen war intzay inwira, y que bꞌan ubꞌan tunor nimanobꞌ, y que tamar era erer aquetpa niniar, che e Saúl.
7732	1SA 19:24	Y conda cꞌotoy cay ulocse ubꞌujc lo que ucꞌampes tama inteꞌ tzꞌojyir y e bꞌujc lo que ucꞌampes cocha inteꞌ rey, y bꞌan cocha era cay utattzꞌi ucꞌabꞌa e Dios taca inteꞌ nuxi nuc tut e Samuel y cucrema tut e rum, y bꞌan quetpa tama tunor e día y tama tunor e acbꞌar ubꞌan. Y de allí cay uchiobꞌ inteꞌ ojroner tama e Saúl y chenobꞌ: “O ¿jax canic inteꞌ profeta e Saúl ubꞌan?” chenobꞌ.
7790	1SA 21:16	O ¿war ca ibꞌijnu que ucꞌani más winicobꞌ xeꞌ satrem usasaꞌ tara tacaren? Pues ¿tucꞌa tuaꞌ que itares tuaꞌ aquetpa taniotot? che e Aquís.
7798	1SA 22:8	O ¿tamar ca era war ixwixwixtiꞌ nipater tuaꞌ machi ixto inquetpa rey? Pues mamajchi tijam cay uyaren que niunen Jonatán uche inteꞌ pacto taca uyunen e Isaí xeꞌ jax e David. Y nien mamajchi tijam xeꞌ cay ibꞌijnu jay war innumse nibꞌa tama tunor era. Y uyunen e Isaí xeꞌ jax ani niman war arobꞌna umen niunen tuaꞌ axin amucuan tuaꞌ uyubꞌi asutpa uchamsen conda innumuy tiaꞌ turu, che e Saúl.
7802	1SA 22:12	jaxir ojron taca inteꞌ nuxi nuc tut e Ahimélec y che: —Net xeꞌ uyunenet e Ahitub, ubꞌin lo que cꞌani inwaret, che e Saúl. Entonces ojron e Ahimélec y che: —Ojronen, tara turen toit, che e Ahimélec.
7875	1SA 25:11	O ¿ucꞌani ca tuaꞌ insijpa taca e comida xeꞌ ustabꞌir nimener y taca lo que aquetpa tuaꞌ oychpa umen nimanobꞌ xeꞌ ususiobꞌ utzutzer e oveja, y inwajcꞌu cora ajxujchꞌobꞌ que nien machi innata tucꞌa ajlugarobꞌ? Machi, che e Nabal.
8092	2SA 3:8	Pero e Abner qꞌuijna meyra tamar lo que arobꞌna umen e Is-bóset, y ojron cocha era y che: —O ¿bꞌan ca war awiren cocha incojt tzꞌiꞌ, bꞌan cocha jay tuen ani uchꞌajnarir e Judá? Pues nen cay incojco uchꞌajnarir e Saúl xeꞌ jax atata y upiarobꞌ y tin e atzay uwira ubꞌa tacar, y machi inwacta tuaꞌ ixcꞌaxi tama ucꞌabꞌ e David. Pero era que cꞌapa inche tunor era tuaꞌ intacret war atuchꞌien tamar taca que nen inche e mabꞌambꞌanir taca e ixic yajaꞌ.
8096	2SA 3:12	Entonces e Abner uyebꞌta ixin cora ajchecsuyajobꞌ tuaꞌ uyareobꞌ e David cocha era y che: “O ¿ma ca jax net xeꞌ aquetpa tuaꞌ icꞌotori tujor tunor e chinam? Cachic inteꞌ pacto tamar era, y nen cꞌani intacret tuaꞌ uyubꞌiet icꞌotori tama tunor e país Israel,” che e Abner.
8109	2SA 3:25	O ¿machi ca anata que e Abner intaca war ubꞌijnu tuaꞌ umajreset, y tuaꞌ uwira tunor lo que war ache? che e Joab.
8170	2SA 6:10	Pues cocha machi cꞌani uqꞌueche axin e cofre esto tama uyotot xeꞌ aquetpa tama e chinam xeꞌ arobꞌna que jax e chinam tuaꞌ e David, uyare tuaꞌ aqꞌuejcha axin esto tama uyotot inteꞌ winic xeꞌ ucꞌabꞌa Obed-edom xeꞌ ajlugar tama e chinam Gat.
8171	2SA 6:11	Y tamar era e cofre tuaꞌ Cawinquirar Dios quetpa tama uyotot e Obed-edom tama inteꞌ tiempo de uxteꞌ mes, y Cawinquirar Dios uchojbꞌes ut meyra e Obed-edom taca tunor ufamilia.
8172	2SA 6:12	Y de allí arobꞌna e rey David cocha era y che: “Pues war achojbꞌesna meyra ut ufamilia e Obed-edom y tunor lo que ayan tuaꞌ umen Cawinquirar Dios cocha yaꞌ war e cofre tuaꞌ e pacto tama uyotot,” xeꞌ che inteꞌ. Entonces e David ixin taca meyra tzayer esto tama uyotot e Obed-edom y ulocse e cofre tuaꞌ e pacto y uqꞌueche ixin esto tama e chinam xeꞌ arobꞌna e chinam tuaꞌ e David.
8202	2SA 7:19	Pero tujor tunor era, Niwinquiraret Dios, warto aware que cꞌani achojbꞌes nichꞌajnarir bꞌat e día. O ¿bꞌan ca ache taca tunor e winicobꞌ, Niwinquiraret Dios?
8233	2SA 9:3	Entonces e rey David uyubꞌi tuaꞌ y che: —O ¿ayanto ca chi xeꞌ quetpato bꞌixir tama ufamilia e Saúl tuaꞌ erer inchecsu ucꞌunersiaj e Dios tut? che e David. Entonces ojron e Sibá y che: —Ayan. Turuto incojt uyunen e Jonatán xeꞌ tzꞌej chatertiꞌ uyoc, che e Sibá.
8282	2SA 11:20	Pero bꞌajcꞌat e rey axin aqꞌuijna y uyubꞌi tabꞌa cocha era: ‘¿Tucꞌa tuaꞌ que ixiox tuyejtzꞌer e chinam tuaꞌ iche e tzꞌojyir? O ¿machi ca inata que jaxirobꞌ erer ajuronobꞌ desde tama or e petzbꞌir tun?
8308	2SA 12:19	Pero conda e David uwira que war oꞌjronobꞌ jaxobꞌ taca uyajcꞌamparobꞌ, cꞌotoy unata que chamay e chuchu sitz, y tamar era uyubꞌi tuobꞌ y che: —O ¿chamay ca e chuchu sitz? che e David. —Chamay, chenobꞌ jaxirobꞌ.
8312	2SA 12:23	Y coner ¿tucꞌato tuaꞌ que machi axin inweꞌ, cocha chamayix e chꞌurcabꞌ? O ¿ererto ca inche abꞌixcꞌa? Machi. Pues watar e día conda nen tuaꞌ inxin inturuan tacar, pero jaxir ma tiaꞌ tuaꞌ asutpa watar aturuan tacaren tara tor e rum, che e David.
8340	2SA 13:20	Entonces conda usacun Absalón uwira ut e Tamar, uyubꞌi tuaꞌ y che: —O ¿jax ca e Amnón xeꞌ uche e mabꞌambꞌanir tacaret? Pero jay bꞌan, cꞌani inwaret tuaꞌ icꞌumpa, cocha jaxir jax asacun ubꞌan. Y irix abꞌijnu más tama tunor lo que numuy, che e Absalón. Entonces cꞌumpa e Tamar y ixin turuan tama uyotot usacun Absalón.
8371	2SA 14:12	Pero e ixic sutpa ojron otronyajr y che: —Actanento tuaꞌ onjron más tacaret, che e ixic. —Ojronen, che e rey.
8377	2SA 14:18	Entonces ojron e rey y che: —Ayan lo que cꞌani umbꞌi tacaret, y ira amuqui taniut lo que anata, che e rey. Y che e ixic: —Ojronen, niwinquiret, che e ixic.
8422	2SA 15:30	Entonces e David tꞌabꞌay ixin tama or e witzir Olivo, y war aꞌru axin. Y jobꞌor ujor y pispis uyoc tuaꞌ aquetpa chequer utzꞌintzꞌar. Y tunor tin e war axanobꞌ tacar jobꞌor ujorobꞌ ubꞌan y war aꞌruobꞌ.
8424	2SA 15:32	Pues conda e David cꞌotoy tama or e witzir Olivo tiaꞌ atajttzꞌa e Dios umen e gente, locꞌoy tajwina umen e Husai xeꞌ chꞌajnarir tuaꞌ e Arqué. Pues jaxir wejrem ubꞌujc umener y bꞌutꞌur e rum tama ujor tuaꞌ aquetpa chequer utzꞌintzꞌar.
8430	2SA 16:1	Pues entonces conda e David war axin más bꞌatbꞌir tama or e witzir Olivo, tajwina umen e Sibá xeꞌ jax uman e Mefi-bóset. Pues jaxir qꞌuecher umener chateꞌ bꞌiqꞌuit chij xeꞌ cachar tupatobꞌ 200 pan y 100 tortas xeꞌ chembꞌir taca e uva xeꞌ taquin, y 100 uyutir higo, y inteꞌ bolsa xeꞌ chembꞌir taca e qꞌuewer xeꞌ bꞌutꞌur taca e vino.
8446	2SA 16:17	Entonces e Absalón uyare e Husai y che: —O ¿bꞌan ca cocha era que ache tuaꞌ achecsu acꞌunersiaj tut e David xeꞌ itzay awira abꞌa tacar? ¿Tucꞌa tuaꞌ que machi ixiet tacar? che e Absalón.
8501	2SA 18:20	Entonces ojron e Joab y che: —Machi, majax net xeꞌ tuaꞌ aqꞌueche axin inteꞌ checsuyaj cocha era cocha majax imbꞌutz e ojroner, cocha aquetpa tuaꞌ arobꞌna e rey que chamay uyunen. Otronyajrto erer aqꞌueche axin inteꞌ checsuyaj, pero coner machi, che e Joab.
8525	2SA 19:12	Pues tunor e ojroner era lo que war uchiobꞌ tin e tuobꞌ e Israel cꞌotoy tut e rey David. Entonces jaxir uyebꞌta ixin e checsuyaj tut e sacerdote Sadoc y tut e sacerdote Abiatar y che: “Ojronenic taca e nuquir winicobꞌ xeꞌ tuobꞌ e Judá, y arenicobꞌ que majax bueno que war eꞌixna tuaꞌ uchienobꞌ insutpa esto tama niotot xeꞌ turu tama e chinam Jerusalem.
8708	2SA 24:13	Entonces e Gad ixin ojron taca e David y che: —¿Tucꞌa acꞌani tuaꞌ acꞌaxi tama ujor e chinam? ¿War ca acꞌani tuaꞌ achecta e winar xeꞌ eiꞌxna siete año? O ¿acꞌani ca tuaꞌ ilocꞌoy imucuan tut tin e aqꞌuijna uwiretobꞌ tama uxteꞌ mes? O ¿acꞌani ca tuaꞌ watar inteꞌ nuxi muaquir xeꞌ achamsan wacchetaca que eiꞌxna uxteꞌ día? Bꞌijnun awira coner y arenen tucꞌa acꞌani, y nen tuaꞌ inware tin e uyebꞌta tarien, che e Gad.
12803	EST 6:6	Entonces e Amán ochoy y arobꞌna umen e rey cocha era y che: —¿Tucꞌa erer achena taca inteꞌ winic xeꞌ cꞌani intattzꞌi? che e rey. Entonces e Amán cay ubꞌijnu tama uyalma y che: “¿Chi canic cꞌani uyajcꞌu e tattzꞌarsiaj e rey? O ¿nen canic?” xeꞌ che e Amán tama uyalma.
12819	EST 7:8	Y conda sutpa tari e rey tiaꞌ turu patir y ochoy tama e otot otronyajr tiaꞌ war uchiobꞌ e wiar, uwira que e Amán cotor tuyejtzꞌer e sillón tiaꞌ chꞌar e Ester. Entonces ojron e rey y che: —¿O warto ca abꞌijnu tuaꞌ ache forzar e reina conda turuto tama niotot? che e rey. Y conda cꞌapa ojron e rey cocha era, uyare umanobꞌ tuaꞌ uqꞌuechiobꞌ axin e Amán. Y wacchetaca jaxirobꞌ ujuriobꞌ inteꞌ saco tujor y uqꞌuechiobꞌ locꞌoy.
12850	EST 9:12	y entonces jaxir uyare e reina Ester cocha era y che: —Jay tin e tuobꞌ e Israel ixin uchamsiobꞌ 500 winicobꞌ y e diez uyunenobꞌ e Amán tamar taca e chinam era, entonces ¿cobꞌa canic uchamsiobꞌix tama tunor e inmojr departamento tiaꞌ war incꞌotori? O ¿ayanto ca más lo que acꞌani? Arenen y cꞌani inwajqꞌuet, che e rey uyare e Ester.
16712	PRO 9:4	y che: “Ochenic tama niotot tunorox xeꞌ machi uyubꞌiox ibꞌijnu tin e imbꞌutz y xeꞌ ucꞌanto más e canuar.
16725	PRO 9:17	“Ochen taniotot, porque e jaꞌ xeꞌ xujchbꞌir más inchiꞌ, y lo que acꞌujxa mucur más intzaj,” che e ixic xeꞌ uputputir ut.
17330	PRO 30:9	“Porque jay acꞌotoy inquetpa ajtumin, bꞌajcꞌat acay imbꞌijnu tuaꞌ insuti nipat toit este que inware cocha era: ‘Matucꞌa ucꞌampibꞌir e Dios taniut’ O jay acꞌotoy inquetpa que matucꞌa ayan tacaren bꞌajcꞌat inxin inxujchꞌian, y bꞌan cocha era inxin insubꞌajres acꞌabꞌa, Nidiosiret.
17363	PRO 31:9	Ojronen tut tin e juez tuaꞌ ubꞌijnu uche jax taca lo que erach tut tin e war atujchꞌa, y ojronen tuaꞌ atacarnobꞌ tin e matucꞌa ayan tacarobꞌ y tin e tzajtaca utobꞌ.
22639	JON 4:2	Y war aqꞌuecran cay uyare e Dios cocha era y che: —O Niwinquiraret Dios, jax era lo que cay imbꞌijnu que bꞌan tuaꞌ ache conda turento tama nilugar, y tamar era locꞌoy ajnien tuaꞌ inxin esto tama e lugar Tarsis. Pues cocha nen warix innata que net incꞌun awirnar, y que machi iqꞌuijna wacchetaca y que nojta acꞌunersiaj tut tunor e gente tara tor e rum y que tamar era conda aware que cꞌani awebꞌta inteꞌ nuxi jatzꞌuar tama ujor e gente tama e chinam era, innata que cꞌani isutpa abꞌijnu otronyajr tuaꞌ machi acꞌapa asati tunorobꞌ.
22646	JON 4:9	Entonces sutpa ojron e Dios otronyajr y che: —O ¿war ca iqꞌuijna tamar taca que taqui e chꞌan? che e Dios. Entonces ojron e Jonás otronyajr y che: —Bꞌan yaꞌ. War inqꞌuijna meyra este que cꞌanix inchamay, che e Jonás.
23218	MAT 1:5	y uyunen e Salmón ucꞌabꞌa Booz. Pues utuꞌ e Booz ucꞌabꞌa Rahab. Y uyunen e Booz ucꞌabꞌa Obed. Pues utuꞌ e Obed ucꞌabꞌa Rut. Y uyunen e Obed ucꞌabꞌa Isaí,
23288	MAT 4:10	Y che e Jesús: —Loqꞌuen tara Satanás, porque chꞌar tzꞌijbꞌabꞌir tama uyojroner e Dios que: “Ojytzꞌin ut Awinquirar Dios y chen jax taca lo que ucꞌani jaxir”, che e Jesús.
23398	MAT 7:13	Entonces che e Jesús: —Ochenic tama e puerta xeꞌ intꞌum taca ut, porque nojta ujam e puerta y galan e nuxi bꞌir xeꞌ axin acꞌotoy tama e cꞌajc, y ayan meyra tin e war oꞌchoyobꞌ tamar.
23443	MAT 8:29	Y conda cꞌotoyobꞌ tut e Jesús cay ojronobꞌ taca inteꞌ nuxi nuc y chenobꞌ: —¿Tucꞌa tuaꞌ war oꞌse abꞌa tacaron, net xeꞌ Jesús xeꞌ Uyunenet e Dios? ¿O tariet ca tuaꞌ achion canumse cabꞌa conda ne mato achecta e juicio? che e winicobꞌ era xeꞌ bꞌutꞌur uyalmobꞌ taca e sian mabꞌambꞌan mein.
23531	MAT 11:3	Entonces conda cꞌotoyobꞌ uyajcanuarobꞌ e Juan tut e Jesús, cay uyubꞌiobꞌ tuaꞌ y chenobꞌ: —¿Jax ca net xeꞌ quetpet tuaꞌ watet tuaꞌ acorpeson non xeꞌ tuon e Israel? O ¿ucꞌanto ca tuaꞌ cacojco otronteꞌ? che uyajcanuarobꞌ e Juan.
23563	MAT 12:5	¿O machi ca iche leer lo que chꞌar tzꞌijbꞌabꞌir tama uley e Moisés que e sacerdotiobꞌ xeꞌ patnobꞌ tama e templo machi jiriobꞌ motor tama inteꞌ día tuaꞌ e jiriar? Y cocha bꞌan arobꞌnobꞌ tuaꞌ uchiobꞌ umen e Dios ma erer cabꞌijnu que mabꞌambꞌan tunor era.
23636	MAT 13:28	Entonces ojron e ajyum chor y che: “Ayan inteꞌ xeꞌ war aqꞌuijna uwiren xeꞌ ochoy upaqꞌui e sian cuscus”, che e ajyum chor. Y che e manobꞌ: “¿O acꞌani ca tuaꞌ caxin cabꞌaxi e sian cuscus era?” che e manobꞌ.
23867	MAT 20:6	Y bꞌan taca uche conda warix anamtzꞌa e qꞌuin, ixin usicbꞌa tucꞌa man ayan tama e chinam. Y utajwi cora winicobꞌ xeꞌ intaca turobꞌ. Entonces jaxir uyubꞌi tuobꞌ y che: “¿Y tucꞌa tuaꞌ intaca turox era? ¿O mato ca tucꞌa e patnar achecta tibꞌa?” che e ajyum.
23876	MAT 20:15	¿O ma ca jax nen xeꞌ incꞌotori tujor nitumin tuaꞌ insati cocha incꞌani nen? ¿O ma ca jax bueno toit que wechꞌer nicꞌabꞌ tut e inmojr era?” che e ajyum.
23883	MAT 20:22	Pero che e Jesús: —Pues nox machi war inata tucꞌa war icꞌajti. ¿O erer ca ani ichꞌami e nuxi cꞌuxner lo que ucꞌani tuaꞌ innumse nibꞌa tama niwalma bꞌan cocha jay iyuchꞌi ani lo que ayan tama nichꞌeu lo que aquetpa tuaꞌ unchꞌi nen? O ¿erer ca ichꞌami ani inteꞌ chꞌuymar xeꞌ meyra ayan e cꞌuxner tamar xeꞌ aquetpa tuaꞌ inchꞌami nen? che e Jesús. Y jaxirobꞌ che: —Erer ani, che e Santiago y e Juan.
23891	MAT 20:30	Y ayan chateꞌ winicobꞌ xeꞌ tajpem unacꞌutobꞌ xeꞌ turobꞌ tuyejtzꞌer e bꞌir y conda arobꞌnobꞌ que war anumuy e Jesús tuyejtzꞌerobꞌ cay ojronobꞌ taca inteꞌ nuxi nuc y chenobꞌ: —Cawinquiraret Oo, uyunenet e David, yajtan coit, che e winicobꞌ era xeꞌ tajpem unacꞌutobꞌ.
23892	MAT 20:31	Pero e gente xeꞌ war axanobꞌ tupat e Jesús cay ucꞌayobꞌ e winicobꞌ era tuaꞌ aquetpobꞌ tzꞌustaca. Pero jaxirobꞌ más nojta cay aruobꞌ otronyajr y chenobꞌ: —Cawinquiraret Oo, uyunenet e David, yajtan coit, che e winicobꞌ era.
23896	MAT 21:1	Pues entonces conda warto axin e Jesús tama uxambꞌar esto tama e chinam Jerusalem cꞌotoy tama e chinam Betfagé xeꞌ turu tuyejtzꞌer or e witzir xeꞌ ucꞌabꞌa Olivo. Entonces e Jesús uyare chateꞌ uyajcanuarobꞌ y che:
23933	MAT 21:38	Pero conda irna e sitz era umen e ajpatnarobꞌ, jaxirobꞌ cay ojronobꞌ jaxobꞌ taca y chenobꞌ: “O ¿jax ca era xeꞌ tuaꞌ aquetpa ajyum rum conda axin achamay utata? Cachamsenic ubꞌan tuaꞌ caquetpa non taca tunor e cꞌopot era”, che e ajpatnarobꞌ era jaxobꞌ taca.
24028	MAT 24:2	Pero ojron e Jesús y che: —¿O war ca iwira tunor era? Cꞌani inwareox que cꞌani acucurna tunor e nuquir ototobꞌ era y que ma ingojr tun tuaꞌ aquetpa tujor upiar. Tunor tuaꞌ atijresna axin, che e Jesús.
24029	MAT 24:3	Entonces ixin e Jesús tama or e witzir xeꞌ ucꞌabꞌa Olivo. Y conda cꞌotoy turuan yajaꞌ yopobꞌ uyajcanuarobꞌ tut y cay ojronobꞌ tzꞌustaca y chenobꞌ: —¿Tucꞌa día tuaꞌ acucurna tunor e templo era? ¿Y tucꞌa nic tuaꞌ achecta tuaꞌ canata que cꞌanix isutpa watet? ¿Y tucꞌa nic tuaꞌ achecta tuaꞌ canata conda cꞌanix acꞌapa atijresna tunor or e rum era? che uyajcanuarobꞌ.
24098	MAT 25:21	Y ojron upatron y che: “Intzay inwiret que imbꞌutz locꞌoy tunor lo que ache. Y cocha cay aturbꞌa abꞌa tama tunor e patnar era, cꞌani inwajqꞌuet apatnar xeꞌ más nojta tiaꞌ tuaꞌ achꞌami más ubꞌan. Ochen y tzayen tacaren”, che e patron.
24100	MAT 25:23	Y ojron upatron y che: “Intzay inwiret que imbꞌutz locꞌoy tunor lo que ache. Y cocha cay aturbꞌa abꞌa tama tunor e patnar era, cꞌani inwajqꞌuet apatnar xeꞌ más nojta tiaꞌ tuaꞌ achꞌami más ubꞌan. Ochen y tzayen tacaren”, che e patron.
24103	MAT 25:26	Entonces qꞌuijna upatron y uyare uman y che: “Net jaxet inteꞌ man xeꞌ mabꞌambꞌan awirnar y xeꞌ meyra icꞌoyi. ¿O war ca anata que nen war inmorojse lo que machi impaqꞌui nen, y que war inchꞌami meyra tumin motor que majax nen xeꞌ war impatna?