141	GEN 6:3	Entonces cocha Cawinquirar Dios machi atzay uwira tunor era ojron Unawalir y che: “War incꞌoyran inwira que e gente era war uchiobꞌ meyra mabꞌambꞌanir iraj iraj, y cocha jaxirobꞌ werobꞌ taca, machi ixto tuaꞌ inwactobꞌ aturuanobꞌ meyra tiempo, ajtaca 120 año tuaꞌ aturuanobꞌ tara tor e rum”, che Unawalir e Dios.
390	GEN 16:8	Entonces ojron e Ángel tuaꞌ Cawinquirar Dios y che: —Agar xeꞌ manet tuaꞌ e Sarai, ¿tiaꞌ war iyopa? Y ¿tiaꞌ war iꞌxin? che e Ángel. Entonces ojron e Agar y che: —War inlocꞌoy anjni tut e Sarai xeꞌ jax niwajyum, che e Agar.
844	GEN 30:13	Entonces ojron e Lea y che: “War intzay meyra, y bꞌan tuaꞌ axin uyarenobꞌ e ixictac ubꞌan que ayan meyra nitzayer. Y tamar era axin caturbꞌa ucꞌabꞌa Aser”, che e Lea. Pues uyubꞌnar e ojroner Aser lar tacar e ojroner hebreo xeꞌ war che “Tzayer”.
1092	GEN 37:8	Pero usacunobꞌ sutpa ojronobꞌ taca e José y chenobꞌ: —¿War ca aware que net tuaꞌ icꞌotori ticajor, y que net tuaꞌ achion camanxujres cabꞌa toit? che usacunobꞌ. Y cay uxejbꞌiobꞌ ut más e José tamar uwayac lo que cay uchecsu tutobꞌ.
1094	GEN 37:10	Y de allí e José ixin uchecsu e wayac era tut utata. Pero utata cay ucꞌaye y che: —¿Tucꞌa cꞌani aware taca e wayac era xeꞌ awira? ¿War ca abꞌijnu que atuꞌ y nen taca tunor awermanobꞌ ucꞌani tuaꞌ cacotuan toit? che utata e José.
1100	GEN 37:16	Entonces ojron e José y che: —War inxana insajca nisacunobꞌ. ¿Erer ca awaren tiaꞌ war ucojcobꞌ e sian aracꞌobꞌ? che e José.
7521	1SA 14:11	Entonces bꞌan uchiobꞌ y chatertiobꞌ uyacta ubꞌobꞌ tuaꞌ eꞌrnobꞌ umen tin e ajtzꞌojyirobꞌ xeꞌ tuobꞌ uchꞌajnarir e Filisti xeꞌ cay ojronobꞌ wacchetaca y chenobꞌ: “Iranic e winicobꞌ era xeꞌ tuobꞌ e Israel, war watobꞌ. War alocꞌoyobꞌ macuir e chꞌen tiaꞌ war ani amucuanobꞌ,” chenobꞌ e ajtzꞌojyirobꞌ xeꞌ tuaꞌ uchꞌajnarir e Filisti.
7543	1SA 14:33	Pero ayan cora ajtzꞌojyirobꞌ xeꞌ ixin tut e Saúl y chenobꞌ: —Pues ayan meyra ajtzꞌojyirobꞌ xeꞌ war uchiobꞌ e mabꞌambꞌanir tut Cawinquirar Dios umen que war ucꞌuxiobꞌ e wer taca tunor uchꞌichꞌer, chenobꞌ e ajtzꞌojyirobꞌ era. Entonces ojron e Saúl y che: —Jax era inteꞌ nuxi mabꞌambꞌanir lo que war uchiobꞌ. Warcunic taric inteꞌ nuxi tun esto tara.
7601	1SA 16:4	Entonces e Samuel ixin uche lo que arobꞌna umen Cawinquirar Dios. Y conda war acꞌotoy tama e chinam Belén, locꞌoyobꞌ cora nuquir winicobꞌ xeꞌ war achinchobꞌ taca e bꞌajcꞌut tuaꞌ utajwiobꞌ ubꞌobꞌ tacar. Y uyubꞌiobꞌ tuaꞌ y chenobꞌ: —¿War ca watet taca e jiriar y majax tuaꞌ acꞌayon? chenobꞌ e nuquir winicobꞌ.
7602	1SA 16:5	Entonces ojron e Samuel y che: —War waten tuaꞌ taca inchamse incojt arac tuaꞌ cojytzꞌi ut Cawinquirar Dios. Entonces ustesic ibꞌa y laric tacaren tuaꞌ cachamse y caputa incojt arac tut Cawinquirar Dios, che e Samuel. Y de allí e Samuel uyare e Isaí y uyunenobꞌ tuaꞌ aꞌtiobꞌ tuaꞌ uyustes ubꞌobꞌ tuaꞌ uyujtzꞌiobꞌ ut Cawinquirar Dios, y de allí uyare tuaꞌ acꞌotobꞌ tiaꞌ tuaꞌ uchamse y uputa e arac.
7762	1SA 20:30	Entonces e Saúl qꞌuijna meyra taca e Jonatán y che: —Net uyaret inteꞌ ajmabꞌambꞌan ixic xeꞌ uputputir ut. ¿War ca abꞌijnu que machi war innata que net war acꞌani abꞌa meyra taca uyunen e Isaí este que war acꞌani tuaꞌ aquetpa rey jaxir? Pues ¿machi ca anata que war asubꞌajres abꞌa y atuꞌ taca abꞌijnusiaj era?
7769	1SA 20:37	Entonces conda e sitz cꞌotoy esto tiaꞌ cꞌaxi e sarac, e Jonatán aru taca inteꞌ nuxi nuc y che: —War e sarac más bꞌana que tiaꞌ turet, che e Jonatán.
7797	1SA 22:7	Y entonces cay ojron e Saúl taca e ajtzꞌojyirobꞌ xeꞌ turobꞌ tuyejtzꞌer y che: —Winicox xeꞌ tuox uchꞌajnarir e Benjamín, ubꞌinic lo que cꞌani inwariox era. Jay e David acꞌotoy aquetpa rey, ¿war ca ibꞌijnu que tuaꞌ uyajcꞌox cora rum y inteꞌ uyoc e chor tiaꞌ pacbꞌir e uva, y que tunorox tuaꞌ uyactox ixquetpa ajbꞌijresiajox o ajcꞌotorerox tuaꞌ uyajtzꞌojyirobꞌ?
8115	2SA 3:31	Pues de allí e David uyare e Joab y tunor e winicobꞌ xeꞌ war axanobꞌ tacar y che: “Wejrunic ibꞌujc y lapic e bꞌujc xeꞌ jarbꞌir taca e succhij tuaꞌ aquetpa chequer que war inumse ibꞌa tama uchamer e Abner,” che e David. Y e rey David ixin tupatobꞌ tin e war uqꞌuechiobꞌ axin e caja esto tiaꞌ tuaꞌ amujca e Abner,
8277	2SA 11:15	Y tama e carta era e David utzꞌijbꞌa cocha era y che: “Wabꞌunic e Urías tama e bꞌajxan fila tiaꞌ más imbꞌacꞌajr e tzꞌojyir, y de allí actanic ubꞌajner tuaꞌ ayobꞌorna este que achamay,” che e David tama e carta.
8355	2SA 13:35	Entonces e Jonadab uyare e rey y che: —Watobꞌix oynenobꞌ, niwinquiret, bꞌan cocha inwaret, che e Jonadab.
8396	2SA 15:4	Entonces ojronto y che: “Quisinic que inturbꞌana ani nen tuaꞌ imbꞌijnu inwira lo que war unumse ubꞌobꞌ e gente. Watobꞌ ani taniut tunor tin e ayan lo war unumse ubꞌobꞌ, y nen uyubꞌien ani imbꞌijnu inwira tucꞌa erer inche tuaꞌ intacriobꞌ,” che e Absalón.
8507	2SA 18:26	sutpa chꞌujcsan e ajcojc otronyajr, y uwira que war watar otro incojt winic. Y uyare e otronteꞌ ajcojc xeꞌ war tut e puerta y che: —War watar otronteꞌ winic. Y sutpa ojron e rey y che: —Pues e winic yax bꞌajcꞌat war utares inteꞌ checsuyaj xeꞌ imbꞌutz ubꞌan, che e rey.
8708	2SA 24:13	Entonces e Gad ixin ojron taca e David y che: —¿Tucꞌa acꞌani tuaꞌ acꞌaxi tama ujor e chinam? ¿War ca acꞌani tuaꞌ achecta e winar xeꞌ eiꞌxna siete año? O ¿acꞌani ca tuaꞌ ilocꞌoy imucuan tut tin e aqꞌuijna uwiretobꞌ tama uxteꞌ mes? O ¿acꞌani ca tuaꞌ watar inteꞌ nuxi muaquir xeꞌ achamsan wacchetaca que eiꞌxna uxteꞌ día? Bꞌijnun awira coner y arenen tucꞌa acꞌani, y nen tuaꞌ inware tin e uyebꞌta tarien, che e Gad.
16676	PRO 8:4	“Winicox, war impejcox taca tunor tin e turobꞌ tama tunor or e rum.
16861	PRO 14:19	Watar e día conda tin e ajmabꞌambꞌanirobꞌ cꞌani acotuanobꞌ tut tin e erachobꞌ, y taca e manxujresiaj cꞌani awawanobꞌ tuyejtzꞌer uyotot tin e erachobꞌ tuaꞌ ucꞌajtiobꞌ e tacarsiaj tacarobꞌ.
17121	PRO 23:7	porque war ubꞌijnu tamar taca lo que atujri e wiar lo que uyajqꞌuet. Y motor que uyaret y che: “Wen y uchꞌen,” pero tama uyalma machi war atzay uyajqꞌuet.
22646	JON 4:9	Entonces sutpa ojron e Dios otronyajr y che: —O ¿war ca iqꞌuijna tamar taca que taqui e chꞌan? che e Dios. Entonces ojron e Jonás otronyajr y che: —Bꞌan yaꞌ. War inqꞌuijna meyra este que cꞌanix inchamay, che e Jonás.
23659	MAT 13:51	Entonces e Jesús uyubꞌi tuaꞌ uyajcanuarobꞌ y che: —¿War ca inata tucꞌa war che tunor lo que war inwareox era? che e Jesús. Y jaxirobꞌ chenobꞌ: —Canata, chenobꞌ.
23682	MAT 14:16	Y che e Jesús: —Machi ucꞌani tuaꞌ axin usicbꞌobꞌ e comida. Wesenicobꞌ nox, che e Jesús.
23714	MAT 15:12	Entonces uyajcanuarobꞌ cꞌotoyobꞌ tuyejtzꞌer e Jesús y chenobꞌ: —¿War ca anata que aqꞌuijnesobꞌ e fariseobꞌ tamar lo que awareobꞌ sajmix? che uyajcanuarobꞌ.
23786	MAT 17:17	Y che e Jesús: —Winicox xeꞌ machi cꞌani ixcꞌubꞌseyan tama e Dios y xeꞌ warto ibꞌijnu tama e onian bꞌijnusiaj, ¿cobꞌa tiempo tuaꞌ inquetpa tacarox? ¿Cobꞌato tuaꞌ innumse nibꞌa tacarox? Taresic tara e sitz, che e Jesús.
23911	MAT 21:16	Entonces e nuquir winicobꞌ uyareobꞌ e Jesús y chenobꞌ: —¿War ca oybꞌi lo que war aꞌruobꞌ e maxtacobꞌ era? che e nuquir winicobꞌ. Y e Jesús che: —Umbꞌi. Pero, ¿machi ca iche leer tama uyojroner e Dios tiaꞌ che: Net aturbꞌa tama uyej e bꞌiqꞌuit maxtac y tin e warto achuobꞌ tuaꞌ uchecsuobꞌ atattzꞌarsiaj? Bꞌan chꞌar tzꞌijbꞌabꞌir tama uyojroner e Dios, che e Jesús.
23936	MAT 21:41	Entonces ojronobꞌ e nuquir winicobꞌ y chenobꞌ: —Watar jaxir y uwatzꞌi inteꞌ intiobꞌ e ajpatnarobꞌ era este que acꞌapa uchamsiobꞌ. Y de allí axin utajwi otro inmojr ajpatnarobꞌ tuaꞌ apatnobꞌ tama e chor, pero xeꞌ axin utoyi utuanibꞌir e rum, che e nuquir winicobꞌ era.
24010	MAT 23:23	’Tzajtaca iut nox xeꞌ ajcanseyajox tama uley e Moisés y xeꞌ fariseox, ajqꞌuecranerox. War iche diezmar tama tunor lo que ayan tibꞌa. War iche diezmar tama e hierba buena y tama e ruda y tama tunor e sian cajr, pero machi war iturbꞌa ibꞌa tama e canseyaj lo que más ayan ucꞌampibꞌir tama uley e Moisés. Porque najpa imener tuaꞌ iche lo que erach, y tuaꞌ iyajta utobꞌ e gente, y tuaꞌ ixcꞌubꞌseyan tama e Dios. Y jaxto era xeꞌ más ayan ani ucꞌampibꞌir tuaꞌ iche. Pero ira iwacta tuaꞌ iche diezmar taca e Dios bꞌan cocha war iche.
24141	MAT 26:18	Y che e Jesús: —Quiquic tama e chinam Jerusalem tama uyotot inteꞌ winic, nox inata chi, y arenic y che: “Cawajcanseyaj che que: Warix acꞌotoy e hora conda cꞌani inchamesna, pero cꞌanto inxin toꞌtot tuaꞌ cache e nojqꞌuin pascua taca niwajcanuarobꞌ”, bꞌan tuaꞌ iware e winic, che e Jesús.
24168	MAT 26:45	Y de allí sutpa ixin tut uyajcanuarobꞌ otronyajr y che: —¿Warto ca ixwayan? Y ¿warto ca ixjiri? Pues cꞌotoyix e hora conda nen xeꞌ Uyunenen e winic ucꞌani tuaꞌ anjcꞌuna tama ucꞌabꞌ tin e ajmabꞌambꞌanirobꞌ.
24405	MRK 4:13	Y che e Jesús: —¿War ca inata lo que war che e ojroner era xeꞌ mucur cora? Y jay machi war inata, entonces ¿cocha tuaꞌ ixcꞌotoy inata lo que war che otronteꞌ ojroner xeꞌ mucur cora?
24600	MRK 8:31	Pues entonces e Jesús cay uchecsu tut uyajcanuarobꞌ que jaxir xeꞌ jax Uyunen e Winic ucꞌani tuaꞌ unumse ubꞌa meyra tama ucꞌabꞌ e nuquir winicobꞌ, y que ucꞌani tuaꞌ unumse ubꞌa meyra tama ucꞌabꞌ tin e uwinquir e inmojr sacerdotiobꞌ y tama ucꞌabꞌ tin e ajcanseyajobꞌ tama uley e Moisés. Y cay uchecsu tutobꞌ ubꞌan que jaxir ucꞌani tuaꞌ achamesna, pero que tama e uxteꞌ día cꞌani asujta abꞌixqꞌuesna tujam e chamenobꞌ.
24607	MRK 8:38	Y jay ayan tin e axin asubꞌajra tamaren y tamar niwojroner tut e gente tara tor e rum xeꞌ machi war acꞌubꞌseyanobꞌ tamaren y xeꞌ mabꞌambꞌan uwirnarobꞌ, entonces nen xeꞌ Uyunenen e Winic cꞌani insubꞌajra tamarobꞌ ubꞌan conda insutpa waten taca tunor utawarer Nitata y taca tunor e angelobꞌ xeꞌ erach, che e Jesús.
24626	MRK 9:19	Y che e Jesús: —Winicox, ¿tucꞌa tiempo tuaꞌ acay ixcꞌubꞌseyan tama e Dios? Pues nox turoxto tama e onian bꞌijnusiaj. ¿Cobꞌa tiempo tuaꞌ inquetpa tacarox? ¿Cobꞌato tuaꞌ innumse nibꞌa tacarox? Taresic tara e sitz, che e Jesús.
24751	MRK 12:9	Entonces e Jesús uyubꞌi tuaꞌ e nuquir winicobꞌ y che: —Y conda acꞌotoy e ajyum cꞌopot ¿tucꞌa tuaꞌ uche taca e ajpatnarobꞌ era? che e Jesús. Entonces ojronobꞌ e nuquir winicobꞌ y chenobꞌ: —Watar jaxir y uchamse inteꞌ inteꞌ e ajpatnarobꞌ era, y de allí axin utajwi otro inmojr ajpatnarobꞌ, pero xeꞌ axin utoyi utuanibꞌir e rum, che e nuquir winicobꞌ era.
24864	MRK 14:41	Entonces e Jesús sutpa ixin tuaꞌ ucꞌajti taca e Dios otronyajr, y de allí sutpa ixin tut uyajcanuarobꞌ y che: —¿Warto ca ixwayan? Y ¿warto ca ixjiri? Pues tzꞌacarix era porque cꞌotoyix e hora conda nen xeꞌ Uyunenen e winic ucꞌani tuaꞌ anjcꞌuna tama ucꞌabꞌ tin e ajmabꞌambꞌanirobꞌ.
24871	MRK 14:48	Entonces e Jesús uyare e sian winicobꞌ era y che: —¿Tucꞌa tuaꞌ que war watox taca e sian machit y taca e sian teꞌ tuaꞌ iqꞌuechien inxin? ¿War ca ibꞌijnu que nen jaxen inteꞌ ajxujch?
24904	MRK 15:9	Entonces ojron e Pilato y che: —¿War ca icꞌani tuaꞌ inlocse e winic xeꞌ arobꞌna que jax ureyobꞌ tunor e gente tuaꞌ e Israel? che e Pilato.
25062	LUK 2:20	Entonces locꞌoyobꞌ e ajcojcobꞌ oveja tuaꞌ axin uwirobꞌ tiaꞌ macar uyaracꞌobꞌ otronyajr. War atzayobꞌ y war utattzꞌiobꞌ ucꞌabꞌa e Dios tama tunor lo que cay uyubꞌiobꞌ y tama tunor lo que cay uwirobꞌ, porque tunor era numuy bꞌan taca cocha arobꞌnobꞌ umen e ángel.
25196	LUK 5:20	Y conda e Jesús uwira e winicobꞌ era que meyra war acꞌubꞌseyanobꞌ tama e Dios, uyare e ajmuac y che: —Winic, natan que incꞌumpa tacaret tuaꞌ asatpa tunor amabꞌambꞌanir, che e Jesús.
25315	LUK 8:1	Pues entonces conda e Jesús locꞌoy tama uyotot e Simón y ixin esto tama tunor e sian chinamobꞌ y esto tama tunor e sian aldea ubꞌan. War uchecsu uchinam e Dios tut e gente axin. Y war axanobꞌ e doce apostolobꞌ tacar ubꞌan.
25383	LUK 9:13	Pero e Jesús che: —Wesenic nox, che e Jesús. Y che e apostolobꞌ: —Pero matucꞌa ayan tara, ajrer taca cinco ut pan y chacojt chay. O ¿acꞌani ca tuaꞌ caxin camani e comida tuaꞌ cawese e sian gente era? che e apostolobꞌ.
25441	LUK 10:9	Y tzꞌacpesic e ajmuacobꞌ y arenic cocha era y che: “Watarix e día conda Cadiosir axin acꞌotori tara tor e rum.”
25452	LUK 10:20	War ixtzay era que ucꞌupsiox e sian mabꞌambꞌan mein, pero más ucꞌani tuaꞌ ixtzay que erer ixcꞌotoy tut e qꞌuin conda ixchamay porque chꞌar tzꞌijbꞌabꞌir icꞌabꞌa tichan taca e Dios, che e Jesús.
25492	LUK 11:18	Y bꞌan ubꞌan tama ucꞌotorer e Satanás, jay axin uxere ubꞌobꞌ tunor tin e aquetpobꞌ yebꞌar ucꞌotorer, ma cocha erer aqꞌuecꞌo ucꞌotorer y axin acꞌapa atijrpa tunor. War inwareox tunor era porque nox war iware que nen war incꞌampes ucꞌotorer e Beelzebú tuaꞌ inlocse e mabꞌambꞌan meinobꞌ.
25516	LUK 11:42	’Tzajtaca iut nox xeꞌ fariseox. Nox war iche diezmar tama tunor lo que ayan tacarox. War iche diezmar tama e hierba buena y tama e ruda y tama tunor e sian car. Pero machi war iturbꞌa ibꞌa tuaꞌ iche lo que erach, y machi war iturbꞌa ibꞌa tuaꞌ iyajta ut e Dios. Y jaxto era xeꞌ más ayan ani ucꞌampibꞌir tuaꞌ iche. Pero ira iwacta tuaꞌ iche diezmar taca e Dios bꞌan cocha war iche.
25579	LUK 12:51	¿War ca ibꞌijnu que tarien tuaꞌ intares e jiriar tara tor e rum? Pues cꞌani inwareox era que machi, sino que tarien tuaꞌ inxere e gente axin.
25589	LUK 13:2	Y che e Jesús: —¿War ca ibꞌijnu que e winicobꞌ era cay unumse ubꞌobꞌ cocha era umen que más ani ayan umabꞌambꞌanir que e inmojr winicobꞌ tama e departamento Galilea?
25591	LUK 13:4	Y ¿tucꞌa ibꞌijnu tama e dieciocho winicobꞌ xeꞌ chamesnobꞌ conda cucrema inteꞌ nuxi otot xeꞌ ucꞌabꞌa Siloé xeꞌ cꞌaspa tari tama ujorobꞌ y yaꞌ mactzꞌobꞌ macuir e otot era? ¿War ca ibꞌijnu que e winicobꞌ era más ani ayan umabꞌambꞌanirobꞌ que e inmojr winicobꞌ xeꞌ turobꞌ tama e chinam Jerusalem?
25616	LUK 13:29	Y cꞌani acꞌotoyobꞌ meyra sian gente tama tunor or e rum. Watobꞌ tama e lugar tiaꞌ atobꞌoy watar e qꞌuin, y watobꞌ tiaꞌ anamtzꞌa e qꞌuin, y bꞌan teinxejr bꞌana y bꞌan teinxejr yajaꞌ. Tama tunor or e rum cꞌani watobꞌ e gente tuaꞌ umorojse ubꞌobꞌ tor e mesa tuaꞌ awiobꞌ tama e nojqꞌuin tiaꞌ tuaꞌ acay acꞌotori Cadiosir.
25641	LUK 14:19	Y otronteꞌ winic xeꞌ pejcna umen e man cay uyare e man y che: “Wartocto inmani cinco par buey y cꞌani inxin inwejtobꞌ tama e patnar. Quiqui aren e ajyum otot que machi uyubꞌien era. Bꞌajcꞌat otronyajrto.”
25642	LUK 14:20	Y arobꞌna umen otronteꞌ winic y che: “Wartocto innujbꞌi era y machi axin uyubꞌien tuaꞌ inxin. Aren e ajyum otot que bꞌajcꞌat otronyajrto.”
25695	LUK 16:6	Entonces tin e abꞌeto oꞌjron cocha era y che: “Nen imbꞌeto tama 100 lata manteca”, che e winic era. Y entonces che e man: “Chꞌar e jun era xeꞌ tzꞌijbꞌabꞌir amener lo que ibꞌeto. Wejrun choco era y tzꞌijbꞌan otronteꞌ jun wacchetaca tama cincuenta lata taca xeꞌ jax la mitad”, che e man.
25696	LUK 16:7	Y nacpat era e man uyubꞌi tuaꞌ otronteꞌ ajbꞌetuar y che: “ Y ¿net, jayteꞌ ibꞌeto?” che e man. Y entonces che e ajbꞌetuar: “Nen imbꞌeto tama 100 carga trigo”, che e winic era. Entonces che e man: “Jax era e jun xeꞌ tzꞌijbꞌabꞌir amener lo que ibꞌeto tamar. Wejrun choco era y tzꞌijbꞌan tama otronteꞌ jun wacchetaca tama ochenta carga taca”, che e man.
25710	LUK 16:21	War ucꞌani tuaꞌ ucꞌuxi lo que oꞌjri acꞌaxi tama ut e rum yebꞌar e mesa, y war acꞌotoy cora tzꞌiꞌ tuyejtzꞌer xeꞌ cay tzꞌujpa ut uchec.
25901	LUK 21:6	—Watar e día conda tunor lo que war iwira era cꞌani acucurna axin y axin atijresna tunor e templo era, y ma ingojr tun tuaꞌ aquetpa tujor upiar, che e Jesús.
25948	LUK 22:15	Entonces cay ojron e Jesús y che: —War unsre tuaꞌ inche e wiar era tacarox tama e nojqꞌuin pascua bꞌajxan que inxin inchamesna.
26163	JHN 1:50	Y che e Jesús: —¿War ca icꞌubꞌseyan tamaren umen taca que cay inwaret que inwiret conda turet yebꞌar ucꞌabꞌ e teꞌ higuera? Pues net tuaꞌ iꞌxin awira más nojta ucꞌotorer e Dios tamaren que cay awira era, che e Jesús.
26181	JHN 2:17	Y tamar era cꞌajpesna umen uyajcanuarobꞌ que chꞌar tzꞌijbꞌabꞌir tama uyojroner e Dios y che: —War uchien innumse nibꞌa umen que war intzꞌunle uyotot Nitata Dios, xeꞌ chꞌar tzꞌijbꞌabꞌir tama uyojroner e Dios.
26246	JHN 4:21	Y che e Jesús: —Cꞌubꞌsen niwojroner era, ixic. Watar e día conda tuaꞌ ojytzna ut Catata Dios tic taca y majax tor e witzir era y majax tamar taca e chinam Jerusalem.
26248	JHN 4:23	Watar e día xeꞌ jax coner conda tunor tin e cꞌani uyujtzꞌiobꞌ ut e Dios ucꞌani tuaꞌ uyujtzꞌiobꞌ ut taca tunor uyalmobꞌ y ucꞌani tuaꞌ uchiobꞌ bꞌan cocha ucꞌani xeꞌ erach. Porque bꞌan ucꞌani Catata Dios.
26252	JHN 4:27	Y tamar era cꞌotoy uyajcanuarobꞌ otronyajr. War ubꞌijnu uwirobꞌ que war oꞌjron e Jesús taca inteꞌ ixic. Pero mamajchi uyubꞌi tuaꞌ e ixic que tucꞌa ucꞌani, y nien mamajchi uyubꞌi tuaꞌ e Jesús que tucꞌa tamar war oꞌjronobꞌ.
26618	JHN 11:26	Y tin e turobꞌ tara tor e rum xeꞌ bꞌixirobꞌto xeꞌ war acꞌubꞌseyanobꞌ tamaren machi tuaꞌ achamayobꞌ inyajrer. ¿War ca acꞌubꞌse tunor era? che e Jesús.
26648	JHN 11:56	Y e gente era war usicbꞌobꞌ e Jesús y conda cꞌotoyobꞌ tama e templo cay uyubꞌi ubꞌobꞌ y chenobꞌ: —¿Tucꞌa ibꞌijnu? ¿Watar ca jaxir tama e nojqꞌuin era ubꞌan, o machi? che e winicobꞌ era.
26672	JHN 12:23	Y che e Jesús: —War acꞌotoy e hora conda nen xeꞌ Uyunenen e winic cꞌani insutpa inxin tut e qꞌuin.
26676	JHN 12:27	Entonces ojron e Jesús y che: —War intzꞌintzꞌa tama niwalma. Y ¿tucꞌa tuaꞌ inware era? ¿Cꞌani ca inware que: “Nitatet, corpesen tamar lo que aquetpa tuaꞌ innumse nibꞌa era?” Machi, porque tamar era tarien tara tor e rum.
26711	JHN 13:12	Entonces conda cꞌapa upoqui uyoc uyajcanuarobꞌ, sutpa ulapi ubꞌujc y turuan tor e mesa otronyajr y che: —¿War ca inata tucꞌa inche tacarox era?
26718	JHN 13:19	War inwareox tunor era bꞌajxan conda merato anumuy, porque tamar era conda axin anumuy, ixixin ixcꞌubꞌseyan tamaren que nen jaxen e Ajcorpesiaj tuaꞌ tunor e gente tara tor e rum.
26779	JHN 15:11	’War inwareox tunor era tuaꞌ erer aquetpa nitzayer tamarox, y que nitzayer era erer axin ubꞌutꞌi tunor iwalma.
26796	JHN 16:1	Entonces ojron e Jesús y che: —War inwareox tunor era tuaꞌ machi isati icꞌubꞌesiaj tamaren.
26799	JHN 16:4	War inwareox tunor era tuaꞌ acꞌajpa imener conda acay anumuy tunor era que nen cay inwareox bꞌajxan que bꞌan tuaꞌ anumuy, che e Jesús. Entonces che e Jesús: —Pues machi inwareox tunor era conda intocto cay incansiox porque nen yato turen tacarox.
26802	JHN 16:7	War inwareox jax taca lo que erach. Pues bueno que war inlocꞌoy, porque jay machi ani inxin machi ani watar e Ajtacarsiaj tibꞌa xeꞌ jax Unawalir e Dios. Pero conda inxin tut e qꞌuin cꞌani inwebꞌta watar e Ajtacarsiaj tibꞌa.
26827	JHN 16:32	Watar e hora xeꞌ jax coner era conda tunorox tuaꞌ iwacten nibꞌajner tuaꞌ ixixin inteꞌ intiox tama iyotot. Pero machi tuaꞌ inquetpa nibꞌajner porque Nitata cꞌani aquetpa tacaren.
26828	JHN 16:33	War inwareox tunor era tuaꞌ aquetpa nijiriar tama iwalma. Tara tor e rum ayan lo que tuaꞌ inumse ibꞌa, pero ira ixbꞌacta porque nen incucruix ucꞌotorer tin e war ani acꞌotori tara tor e rum, che e Jesús.
26888	JHN 18:34	Y che e Jesús: —¿War ca abꞌijnu abꞌajner que nen jax inteꞌ rey? O ¿ayan ca chi xeꞌ war uyaret tamaren? che e Jesús.
27003	ACT 1:11	Y ojronobꞌ y chenobꞌ: —Winicox xeꞌ tuox e departamento Galilea, ¿tucꞌato warox ichꞌujcu tichan tut e qꞌuin? E Jesús era xeꞌ loqꞌuesna ixin tijam y xeꞌ tꞌabꞌesna ixin tut e qꞌuin, cꞌani asutpa watar otronyajr bꞌan cocha cay iwira ixin tichan tut e qꞌuin, che e chateꞌ winicobꞌ era.
27032	ACT 2:14	Pues entonces achpa wawan e Pedro taca e inmojr once apostolobꞌ y cay ojron taca inteꞌ nuxi nuc y uyare e gente cocha era y che: —Winicox xeꞌ tuox e Israel y tunorox xeꞌ turox tara tama e chinam Jerusalem, turbꞌanic ibꞌa tamar lo que cꞌani inwareox, y ubꞌinic tunor era.
27073	ACT 3:8	Y tamar era tobꞌoy achpa e winic y war awawan tamar uyoc y cay xana. Y ochoy macuir e templo taca e Pedro y e Juan. War axana, y war atobꞌoy axin, y war utattzꞌi ucꞌabꞌa e Dios.
27077	ACT 3:12	Y e Pedro, conda uwira que war umorojse ubꞌobꞌ e sian gente tut, cay ojron y che: —Winicox xeꞌ tuox e Israel, ¿tucꞌa tuaꞌ que war ixbꞌacta iwira lo que numuy taca e winic era? Y ¿tucꞌa tuaꞌ que war ichꞌujcu iwiron cocha era? O ¿war ca ibꞌijnu que non catzꞌacpes e winic era umen que non ayan cacꞌotorer xeꞌ ticabꞌach o umen que non más imbꞌutzon tut e Dios? Pero majax bꞌan cocha war ibꞌijnu.
27156	ACT 5:28	—¿Machi ca cawareox que ira ixcanseyan más tama ucꞌabꞌa e Jesús? Y era ¿tucꞌa war iche? War ibꞌutꞌi tunor e chinam Jerusalem taca e canseyaj era, y war iturbꞌa ibꞌa tuaꞌ iche acꞌaxi ticajor non tunor uchamer e Jesús, che uwinquir e inmojr sacerdotiobꞌ.
27163	ACT 5:35	Y conda cꞌapa loqꞌuesnobꞌ e apostolobꞌ, jaxir cay ojron taca e concilio y che: —Winicox xeꞌ tuox e Israel, iwiric tamar lo que war ibꞌijnu iche taca e winicobꞌ era.
27227	ACT 7:42	Y tamar era chojca actanobꞌ umen e Dios, y actanobꞌ ubꞌan tuaꞌ uyujtzꞌiobꞌ ut e sian lucero lo que ayan tut e qꞌuin. Bꞌan chꞌar tzꞌijbꞌabꞌir umen inteꞌ profeta tama uyojroner e Dios que che: Winicox xeꞌ tuox e Israel, majax taniut nen xeꞌ cay ichamse e sian arac tuaꞌ iturbꞌa tujor inteꞌ altar tuaꞌ apurutna tama e tiempo de cuarenta año conda turox tama e choquem lugar.
27236	ACT 7:51	’Pero nox uputputir iut. War iqꞌuecꞌojse iwalma iraj iraj tuaꞌ machi iche lo que arobꞌnox umen e Dios, y war imaqui ichiquin tuaꞌ machi iyubꞌi lo que arobꞌnox umen e Dios. War iche bꞌan cocha uchiobꞌ tin e machi unatobꞌ chi e Dios. Y nox larox taca itata viejobꞌirobꞌ xeꞌ machi ucꞌaniobꞌ lo que arobꞌnobꞌ umen Unawalir e Dios.
27498	ACT 14:15	—Winicox, ¿tucꞌa tuaꞌ que war iche cocha era? Pues non winicon ubꞌan bꞌan cocha nox, y tarion tara tuaꞌ taca cawareox que ucꞌani tuaꞌ iwacta tunor e onian bꞌijnusiajobꞌ, porque matucꞌa ucꞌampibꞌirobꞌ, sino que ucꞌani tuaꞌ ixcꞌubꞌseyan tama e Dios xeꞌ bꞌixir. Jax jaxir xeꞌ uche tunor ut e qꞌuin y tunor or e rum y xeꞌ uche tunor e nuxi jaꞌ y tunor lo que ayan tamar.
27502	ACT 14:19	Entonces cꞌotoyobꞌ cora gente xeꞌ tuobꞌ e Israel tama e chinam era xeꞌ tariobꞌ tama e chinam Antioquía, y ayan tin e tariobꞌ tama e chinam Iconio ubꞌan. Y jaxirobꞌ cay uche ucꞌubꞌsiobꞌ e gente tama e chinam era esto que cay uturbꞌa ubꞌobꞌ tuaꞌ uchamsiobꞌ e Pablo taca e tun, y tamar era cay uꞌriobꞌ e tun tujor e Pablo este que uwarcuobꞌ cꞌaxi tor e rum. Y uchebꞌiobꞌ e gente que chamenix, y tamar era uquerejbꞌobꞌ ixin esto tutiꞌ e chinam, y uꞌriobꞌ tor e rum y uyactobꞌ. War unatobꞌ que chamay ixto e Pablo.
27614	ACT 17:22	Entonces achpa wawan e Pablo tujam e winicobꞌ tama e lugar Areópago era y cay uyareobꞌ y che: —Winicox xeꞌ tuox e chinam Atenas, nen war inwira tama ichinam era que nox war icꞌani meyra e sian diosobꞌ.
27679	ACT 19:25	Entonces jaxir cay umorojse tunor e inmojr ajcheyaj chamen dios taca e plata y cay uyare e inmojr y che: —Winicox, nox era war inata que tama capatnar taca e plata war cachꞌami meyra tumin.
27689	ACT 19:35	Entonces achpa inteꞌ winic xeꞌ jax e secretario tama e alcaldía xeꞌ cay ujachi ucꞌabꞌ tut e gente tuaꞌ aturuanobꞌ tzꞌustaca, y ojron y che: —Winicox xeꞌ tuox e chinam Éfeso, tunor e winicobꞌ tama tunor or e rum war unatobꞌ que non tama cachinam era ucꞌani tuaꞌ cacojco e templo tuaꞌ e nuxi diosa xeꞌ ucꞌabꞌa Diana, y que ucꞌani tuaꞌ cacojco e tun xeꞌ lar uwirnar cocha e Diana era xeꞌ ojri tari tut e qꞌuin ticoit.
27760	ACT 21:28	Y cay aruobꞌ taca inteꞌ nuxi nuc y chenobꞌ: —Winicox xeꞌ tuox e Israel, tacrenicon era porque e winic era jax xeꞌ war axana tic taca tama tunor or e rum war ucanse e gente axin que matucꞌa ucꞌampibꞌir tunor cachinam era, y war ucanse e gente axin que uley e Moisés machi ixto tuaꞌ acꞌubꞌsena, y que catemplo era matucꞌa ucꞌampibꞌir, y de allí coner era war uyose cora winicobꞌ xeꞌ majax tuobꞌ e Israel macuir catemplo, y tamar era war ubꞌoni catemplo, che e winicobꞌ era xeꞌ war upucujcsiobꞌ e gente y xeꞌ war uqꞌuechiobꞌ axin e Pablo.
27805	ACT 23:3	Pero ojron e Pablo y che: —E Dios cꞌani uyajqꞌuet ubꞌan, ajqꞌuecraneret. ¿War ca abꞌijnu tuaꞌ atuchꞌien bꞌan cocha che tama uley e Moisés? Y ¿tucꞌa tuaꞌ que war aware tuaꞌ anjcꞌuna conda ne mato oꞌbꞌna tucꞌa war inche umen inteꞌ juez xeꞌ bꞌan cocha ucꞌani uley e Moisés? che e Pablo.
27933	ACT 27:10	Entonces uyare e ajyum barco taca e inmojr winicobꞌ yajaꞌ y che: —Winicox, war inwira que caxambꞌar era cꞌani aquetpa intran ticoit, y que cꞌani asatpa e barco taca tunor lo que ayan tamar. Y ayan tin e axin achamay umen e jaꞌ ubꞌan, che e Pablo.
27944	ACT 27:21	Y cocha numuyix meyra día que turon tor e jaꞌ y mamajchi xeꞌ war aweꞌ, achpa e Pablo y wawan tut e winicobꞌ era y cay ojron y che: —Winicox, jax nic ani que iyubꞌi lo que inwareox conda turonto tama e lugar Creta, machi ani war asatpa tunor lo que ayan tama e barco y machi ani war atijrpa e barco coner.
28037	ROM 2:7	Porque ayan tin e war usicbꞌobꞌ tuaꞌ uchiobꞌ jax taca lo que imbꞌutz. War usicbꞌobꞌ e tawarer, y e tattzꞌarsiaj y e cuxtar xeꞌ machi tuaꞌ acꞌapa. Y tamar era e Dios tuaꞌ axin uyajcꞌu utuanibꞌir xeꞌ jax e cuxtar xeꞌ machi tuaꞌ acꞌapa.
28053	ROM 2:23	War atattzꞌi abꞌa que tabꞌa uley e Moisés, pero ¿machi ca war asubꞌajres ut e Dios umen que machi war icꞌubꞌseyan tut lo que chꞌar tzꞌijbꞌabꞌir tama e ley era? War ixto.
28090	ROM 3:31	Entonces tamar era ¿war ca cacꞌampes e cꞌubꞌesiaj tama e Cristo tuaꞌ catijres ucꞌampibꞌir uley e Moisés? Machi. War cawirse que meyra ayan ucꞌampibꞌir uley e Moisés.
28139	ROM 6:3	¿War ca inata que conda chꞌujyon tuaꞌ caquetpa intera taca e Cristo Jesús, chꞌujyon tuaꞌ caquetpa interon tacar uchamer ubꞌan? Canata ixto.
28277	ROM 10:21	Pero conda ojron e Isaías tama tin e tuobꞌ e Israel, ojron y che: “War impejca e gente era tunor e día, pero jaxirobꞌ machi cꞌani oꞌbꞌianobꞌ taniut y matucꞌa ucꞌaniobꞌ tanibꞌa.”
28601	1CO 8:6	Pero ticoit non matucꞌa más dios sino que inteꞌ taca Dios xeꞌ jax Catata Dios xeꞌ turu tichan tut e qꞌuin xeꞌ jax xeꞌ cꞌapa uche tunor lo que ayan, y non turon tuaꞌ taca cache lo que ucꞌani jaxir. Y ticoit non ayan inteꞌ taca Winquir xeꞌ jax e Jesucristo. Pues umen jaxir turu tunor lo que ayan esto non ubꞌan.