Wildebeest analysis examples for:   caa-caa   ꞌ    February 11, 2023 at 18:09    Script wb_pprint_html.py   by Ulf Hermjakob

1  GEN 1:1  Pues entonces tama ucajyesnibir tunor lo que ayan, Cadiosir uche tunor ut e quin y tunor or e rum.
2  GEN 1:2  Y matuca uwirnar xe chequer tama tunor or e rum, jax taca que ayan inte nuxi ja xe intam xe war umaqui tunor or e rum y quetpa incsiban tunor, y Unawalir e Dios war anumuy tujor e ja era.
3  GEN 1:3  Entonces ojron e Dios y che: “Que chectac e janchaquenar”, che e Dios. Y wacchetaca checta e janchaquenar.
4  GEN 1:4  Pues e Dios uwira que galan e janchaquenar y ixin uxere tama e incsibaner.
5  GEN 1:5  Y tama e janchaquenar uturba ucaba “día”, y tama e incsibaner uturba ucaba “acbar”. Y tamar era checta e bajxan acbar este que sacojpa. Y ban cocha era capa e bajxan día.
6  GEN 1:6  Y de allí ojron e Dios y che: “Que chectac inte nuxi uwamir tua uxere e nuxi ja lo que ayan tujor e rum tacar e nuxi ja lo que achuwan tichan tama e icar”, che e Dios. Y ban numuy.
7  GEN 1:7  Pues e Dios uche inte nuxi uwamir tua uxere tunor e sian ja lo que ayan. Ayan e ja xe quetpa yebar uwamir, y ayan e ja xe quetpa tujor uwamir.
8  GEN 1:8  Pues e Dios uturba ucaba e nuxi ja xe aquetpa tujor e nuxi uwamir que jax “ut e quin”. Y tamar era ayan e acbar y ayan e sacojpar tama e chate día.
9  GEN 1:9  Entonces che e Dios: “Que umorojsic uba e ja lo que ayan yebar ut e quin tama intera taca lugar tua achecta e lugar xe taquin”, che e Dios. Y ban numuy.
10  GEN 1:10  Pues tama e lugar xe taquin e Dios uturba ucaba “rum”, y e ja lo que e Dios cay umorojse uturba ucaba “e nuxi ja”. Y conda capa uche tunor era, e Dios tzay uwira que imbutz tunor lo que uche
11  GEN 1:11  y che: “Que chectac meyra sian te tama inte inte clase tama tunor or e rum, y que chectac uyarumir e car xe uyari ut, y que chectac e sian te xe axin acawanob”, che e Dios. Y ban numuy.
12  GEN 1:12  Y tamar era checta meyra sian te tama inte inte clase, y checta uyarumir e car xe uyari ut, y checta e sian te xe ayutiriob. Y conda capa uche tunor era, e Dios tzay uwira que imbutz tunor lo que uche.
13  GEN 1:13  Y tamar era ayan e acbar y ayan e sacojpar tama e uxte día.
14  GEN 1:14  Entonces ojron e Dios y che: “Que chectac cora sian janchaquenar tama ut e quin tua ujanchacnes or e rum tua uxere e día tama e acbar, y que axin uchecsu que ayan inte inte día, y que ayan ucajyesnibir y ucapesnibir inte inte año,
15  GEN 1:15  y que quetpac ucampibir e janchaquenar era xe turu tut e quin tua ujanchacnes or e rum”, che e Dios. Y ban numuy.
16  GEN 1:16  Entonces e Dios uche chate janchaquenar. Uche inte janchaquenar xe nojta tua ujanchacnes e día, y uche otronte janchaquenar xe más chuchu tua ujanchacnes e acbar. Y uche e sian lucero lo que ayan tut e quin uban.
17  GEN 1:17  Pues e Dios uturba tunor e janchaquenar era tut e quin tua ujanchacnes tunor or e rum,
18  GEN 1:18  y uturba e quin tua acotori tama e día y uturba e luna tua acotori tama e acbar. Y e Dios ucampes tunor era tua uxere e janchaquenar tama e incsibaner. Y conda capa uche tunor era e Dios tzay uwira que imbutz tunor lo que uche.