5	GEN 1:5	Y tama e janchꞌaquenar uturbꞌa ucꞌabꞌa “día”, y tama e incsibꞌaner uturbꞌa ucꞌabꞌa “acbꞌar”. Y tamar era checta e bꞌajxan acbꞌar este que sacojpa. Y bꞌan cocha era cꞌapa e bꞌajxan día.
10	GEN 1:10	Pues tama e lugar xeꞌ taquin e Dios uturbꞌa ucꞌabꞌa “rum”, y e jaꞌ lo que e Dios cay umorojse uturbꞌa ucꞌabꞌa “e nuxi jaꞌ”. Y conda cꞌapa uche tunor era, e Dios tzay uwira que imbꞌutz tunor lo que uche
135	GEN 5:29	y uturbꞌa ucꞌabꞌa Noé xeꞌ war che “Jiriar”, y ojron y che: “Cawinquirar Dios cꞌapa ubꞌaxe or e rum y tamar era ucꞌani tuaꞌ capatna meyra tuaꞌ alocꞌoy e cosecha tamar. Pero e sitz era axin uchion cajiri”, che e Lámec.
260	GEN 10:25	Y de allí e Héber qꞌuechuan chateꞌ umaxtacobꞌ: Ucꞌabꞌa e yaxar sitz Péleg xeꞌ war che “Xerbꞌir”, cocha jax tama e tiempo era conda cay uxere ubꞌobꞌ e gente tuaꞌ axiobꞌ tic taca tama tunor or e rum. Y ayan uwijtzꞌin e Péleg xeꞌ ucꞌabꞌa Joctán.
713	GEN 26:20	Pero tin e ajcojcobꞌ tuaꞌ e Abimelec cay ucꞌaye tin e ajcojcobꞌ tuaꞌ e Isaac, y chenobꞌ que tuobꞌach e chꞌen era tiaꞌ ayan e jaꞌ. Y tamar era e Isaac uturbꞌa ucꞌabꞌa “Qꞌuecraner”, porque cay ucꞌaye ubꞌobꞌ tamar.
724	GEN 26:31	Y tama inteꞌ día conda sacojpa e Abimelec y e Isaac cay uchiobꞌ e acuerdo que san machi tuaꞌ utzꞌojyru ubꞌobꞌ. Y entonces conda cꞌapa uche tunor e ojroner era ojron e Abimelec y che: “Cꞌani inxin”, che. Y ojron e Isaac y che: “Uyubꞌi”, che e Isaac. Y bꞌan cocha era locꞌoy ixin e Abimelec taca tin e war axanobꞌ tacar taca inteꞌ jiriar.
830	GEN 29:34	Y sutpa qꞌuechuan otronteꞌ uyar y uturbꞌa ucꞌabꞌa Leví xeꞌ war che “Inmejcꞌa”, y tamar era ojron cocha era y che: “Coner más axin umeqꞌuen niviejo umen que ayix uxteꞌ umaxtac tacaren”, che e Lea.
7150	RUT 1:21	Pues conda locꞌoyen tama e lugar era ayan niviejo y ayan chateꞌ nimaxtac xeꞌ ixiobꞌ tacaren, pero coner war inyopa nibꞌajner umen que bꞌan war ucꞌani Cawinquirar Dios. Entonces ¿tucꞌato tuaꞌ ipejquen Noemí xeꞌ war che “Atzay”, cocha Cawinquirar Dios xeꞌ nojta ucꞌotorer ixin uchien innumse nibꞌa este que war aquetpa tzajtaca niut, che e Noemí.
12864	EST 9:26	Y tamar era cꞌotoy turbꞌana ucꞌabꞌa e día era “Purim”, bꞌan cocha alocꞌoy tama e ojroner pur. Entonces cay ubꞌijnuobꞌ tuaꞌ anojqꞌuiniobꞌ bꞌan cocha war ucꞌani e Mardoqueo tuaꞌ achena xeꞌ actabꞌir tama e carta lo que tzꞌijbꞌabꞌir umener. Y bꞌan cocha era quetpobꞌ tuaꞌ ajiriobꞌ tama tunor lo que cay uwirobꞌ, y tama tunor lo que cay unumse ubꞌobꞌ.
23340	MAT 5:37	Pero nox jax taca tuaꞌ iware “Bꞌan”, jay bꞌan y “Machi”, jay machi. Porque jay iware más ojroner war iche jax taca lo que ucꞌani e diablo, che e Jesús.
23406	MAT 7:21	Entonces che e Jesús: —Majax tunor tin e uyaren y che: “Niwinquiraret”, axin oꞌchoy tama uchinam e Dios, sino que ajtaca cꞌani oꞌchoyobꞌ tin e axin uchiobꞌ lo que ucꞌani Catata Dios xeꞌ turu tichan.
23453	MAT 9:5	Pues ma erer inata jay aquetpa erach niwojroner jay inware que: “Asajta tunor amabꞌambꞌanir nimener”, porque ma chequer tiut jay asajta umabꞌambꞌanir o jay machi. Pero jay inware: “Achpen”, wacchetaca erer iwira jay erach niwojroner jay achpa axana e winic.
24442	MRK 5:9	Entonces uyubꞌi e Jesús tuaꞌ e winic y che: —¿Tucꞌa acꞌabꞌa? che e Jesús. Y jaxir che: —Nicꞌabꞌa nen: “Meyra”, porque meyron xeꞌ turon tama e winic era, che e mabꞌambꞌan mein.
24726	MRK 11:17	Entonces cay canseyan taca e gente y che: —Pues chꞌar tzꞌijbꞌabꞌir tama uyojroner e Dios que: “Niotot”, che e Dios, “jax inteꞌ lugar tiaꞌ tuaꞌ ucꞌajtiobꞌ e gente taca e Dios, y e templo era tuaꞌ aquetpa tuaꞌ tunor e gente”, pero nox war icꞌampes e templo bꞌan cocha inteꞌ uchꞌenir e ajxujchꞌobꞌ, che e Jesús.
25199	LUK 5:23	Ma erer inata jay erach niwojroner jay inware que: “Imabꞌambꞌanir ayix e cꞌumpar tamar”, porque ma chequer tiut jay ayan e cꞌumpar o jay machi. Pero jay inware: “Achpen”, wacchetaca erer iwira jay erach niwojroner jay achpa axana e winic o jay machi.
27610	ACT 17:18	Y tama e plaza era ayan cora winicobꞌ xeꞌ ajcanuarobꞌ tuaꞌ e canseyaj xeꞌ ucꞌabꞌa: “Epicúreos”, y ayan otro inmojr winicobꞌ xeꞌ ajcanuarobꞌ tuaꞌ e canseyaj xeꞌ ucꞌabꞌa: “Estoicos”, y jaxirobꞌ cay ojronobꞌ taca e Pablo. Y ayan tin e ojronobꞌ y che: —¿Tucꞌa tuaꞌ uyareon e winic era otronyajr xeꞌ matucꞌa ucꞌampibꞌir? che cora winicobꞌ era. Y ayan tin e ojronobꞌ y che: —Pues nen imbꞌijnu que jaxir war oꞌjron tama cora diosobꞌ xeꞌ ajnajtir, che e inmojr winicobꞌ era. Pues bꞌan ojronobꞌ umen que e Pablo war uchecsu uyojroner e Dios tama e corpesiaj y war uchecsu cocha sutpa bꞌixcꞌa e Jesús tujam e chamenobꞌ.
28762	1CO 14:16	Porque jay turet tama inteꞌ servicio y war atattzꞌi ucꞌabꞌa e Dios tama inteꞌ ojroner xeꞌ ma tiaꞌ canoet iyojron tamar xeꞌ war alocꞌoy tama awalma, entonces tin e turu tama awejtzꞌer xeꞌ matucꞌa unata tama tunor era machi uyubꞌi tuaꞌ uyare: “Amén”, o “Catattzꞌi ucꞌabꞌa e Dios”, tamar lo que war aware. Porque jaxir matucꞌa unata tucꞌa war che tunor e ojroner era.
30306	HEB 12:27	Pues conda e Dios uyareon y che: “Otronyajr”, war che era que axin asatpa tunor lo que erer anijquesna, que war che que cꞌani asatpa tunor lo que chembꞌir umener. Y tamar era war canata que tuaꞌ taca aquetpa lo que machi uyubꞌi tuaꞌ anijquesna.
30433	JAS 5:12	Pues entonces niwermanuox, iwiric tuaꞌ machi ixojron cocha era y che: “Unaten ut e qꞌuin”, o “Unaten e Dios”, o “Unaten catuꞌ mundo.” Pues nox ucꞌani tuaꞌ iware que: “Bꞌan”, jay bꞌan, y ucꞌani tuaꞌ iware: “Machi”, conda machi. Pero jay war iware: “Bꞌan”, conda majax bꞌan, entonces axin acꞌaxi uqꞌuijnar e Dios tama ijor.