23260	MAT 2:22	Dirunucatsu tujatu bacacuare quisarati. Arepa Herodes majucuare ama bucha, tuja ebacuaque Arquelao etataque cuarequi enaruquique. Jadya bacatsutu José bajida jucuare Judeaju dirunuca ishu, Arquelaora dyadi ebacua piji iyecara anucaya bucha baatsu. Tahuijutu Yusura cuejacuare tuna eju diru ishu. Jadya tibudyatu dirucuare ebacua piji, ecuaque jadya tsehue Belénju ama. Galilea yahuaju tuna dirucuare.
23274	MAT 3:13	Tumetu Jesús jecuare Galilea juque, Jordán cueri japadama Juan quisarati cueja juyaju, Juan queja cutsameretira.
23290	MAT 4:12	Juan Ecuita Cuana Utsaquique patu etare apudaju eishatana jucuare. Jadya bahue juatsutu Jesús Galileaju cuacuare.
23293	MAT 4:15	“Pureamatu jubuque Zabulón, Naftalí ecatseja yahua jucuareju aniya cuanaque. Galileaju tuna aniya, Jordán cueriju ijeti nubiya queja amaca. Israelita ama cuanaque aniya japadama tuna aniya. Icuene tunajatu adebahua ama Yusuja quisarati. Eje buchadya jucara, huenanaya jadya tuna juhua, maju tsehue bajida juatsu. Tunaratu adebabuque Yusu. Enime casatura tuna jubuque”.
23296	MAT 4:18	Jesústu Galilea bei jiruru eque dirucuare. Diruyara tujatu badirucuare beta jae puji ecatse. Peadyatu jucuare Simón. (Peya ebacani tujatu jucuare Pedro.) Peyatu jucuare Andrés, Simón tsehuequique. Jae deru ishuque enaju mare tatse jucuare.
23301	MAT 4:23	Jesústu junenicuare Galileaju dutya epu cuanaju. Nubi bahuetu jucuare caradati ishuque etare cuanaju, tuna bahuitya ishu. Nubitsu tujatu ecana cueja bahue jucuare quisarati jidaque. —Tata ecana, Yusura micuana tujaque amerecara aya; tura micuana narucara aya, —jadya tujatu ecana abahue jucuare. Chachanecuaretu ujejeda cuanaque, ejeque ujejedya jutidya.
23303	MAT 4:25	Jetie ecuitara amatu tupujudya anenicuare. Jecuare tuna Galilea juque, Peadya Tunca Epu Cuana juque, Jerusalén juque, Judea yahua cuana juque, Jordán cueri yueque macare aniya cuanaque jadya.
23442	MAT 8:28	Chamacama tuna jaratsuradirucuare Gadaraju aniya cuana queja bei yueque macare. Jaratsuradiruhuajutu beta ecuita ecatsera Jesús jipeticuare. Ijahua cuanara quijahuatishayaque tatse jucuare. Emaju cuanaque eisha cani cuana juque tatse jecuare. Dyaque emuba tatse jucuare. Ni ejequedya jutidyatu tumeque ediji eque juneni bahue jucuare.
23501	MAT 10:15	Tere huecaca juetihuaju tuna Yusura dyaque nerecaturabuque tuja quisarati bacacarama juya cuanaque. Sodomaju, Gomorraju anicuare cuanaque tuna dyaque jidama jucuare. Jadya ama bucha tuna tumeque huecaca juetihuaju dyaque ama canerecatibuque, micuanara quisarati cuejayaque bacacarama ahua cuanaque bucha ama, —jadya ecuana Jesúsra acuare.
23667	MAT 14:1	Tume patyatu Herodes Galilea naruquique jucuare. Bacacuaretu Jesús ai juyaque, eje bucha juyaque jadya.
23700	MAT 14:34	Bei riquetsu ecuana Genesaret yahuaju jaratsuranaticuare.
23731	MAT 15:29	Jesústu tuhuaque dirunucatsu cueticuare Galilea bei jiruru eque. Tuequedyatu tsuracuare emataju. Tsuratsutu tuhuadya anibutecuare.
23791	MAT 17:22	Galilea yahua queja dutya juneni juyaque jari ecuana Jesúsra cueja beta acuare tuque eje bucha judadiyaque. —Ejera cuana tsetatsu inameredadiya IQUE ECUITA. Inameretsu tura ique iyecara juya cuana queja iyemeredadiyadya.
23832	MAT 19:1	Jadique cueja amena aatsutu Jesús dirucuare Galilea yahua juque. Judea yahuajutu cuacuare Jordán cueri yueque macare.
23906	MAT 21:11	Ecuita jetieque ama tuatsehue junatihuara tuna quemitsacuare: —¡Jesús riya! ¡Yusu equeque quisarati cuejaquique riya! ¡Galilea yahua juque epu Nazaret juque riya! —jadya tuna jubarecuare.
24155	MAT 26:32	Emajuque netitsuranucatsu icuenetadya cuaya Galileaju, tuhua micuana tsehue catsurutinuca ishu, —jadya ecuana Jesúsra acuare.
24159	MAT 26:36	Tumetu Jesús junaticuare ecuana tura mepehua cuana tsehue Getsemaní bacani emajacaju. Tuhua junatitsu tura ecuana anaticuare: —Rehuadya neanibutecue, ique ecue Etata tsehue quisaratiya tupu.
24192	MAT 26:69	Jadya juya tsunumeetu Pedro etare tsecue juanicuare. Juaniyajutu epuna mere pujira jipeticuare. —Miquemi Jesús Galileaju tsehue junenihuaquedya, —jadyatu Pedro epunara acuare.
24196	MAT 26:73	Yaratupu juatsutu tuhua cuanara jipeticuare. —Yuneri cuitadyami mique Jesús tsehue junenihuaquedya. Micue quisarati tu Galileaju aniya cuanaja quisarati cuitadya, —jadya tunajatu Pedro acuare.
24231	MAT 27:33	Jadya junatie tuna jucuare Gólgota bacani emajacaju. Tumequetu jucuare uhua cuemusu, emaju iyuca baeque.
24253	MAT 27:55	Tuhuatu jetiama epuna cuana neticuare japada eque capetatiya cuanaque. Jesús Galileaju cuaya patya equetu tumeque epuna cuana tuatsehue junenicuare, tuque tsahua juyaque.
24271	MAT 28:7	Petatsu ebajarara nedirunucacue. Tura mepehua cuanaque necuejadirucue: “Majuchineque patu chacha nuca. Tuque patu icuenetadya cuaya Galileaju. Tuhuadyapa tura micuana ihuatiya. Tuhuadyapa tuque micuana batiya”, jadya ecana necuejadiruhuisacue, —jadya tatse barepaju Yusu tsahuaquira cuejamerecuare.
24274	MAT 28:10	—Bajida nejuume. Necuejaticue ecue cuanaque; pacua ecana Galileaju. Tuhua ecuana pacatsuruti, —jadyatu Jesúsra acuare epuna ecatse.
24280	MAT 28:16	Jadya juatsu ecuana Jesúsra mepehua cuanaque cuacuare Galilea emataju Jesúsra catsurutiquere ana ahuajudya.
24293	MRK 1:9	Juan ecuita cuana utsa jucuare patyatu Jesús jecuare Nazaret juque. Tumeque eputu Galilea yahuaju jucuare. Tuque jutihuajutu Juanra Jordán cueriju utsacuare.
24298	MRK 1:14	Ecuarira Juan etare apudaju ishamerehuajutu Jesús Galileaju cuacuare Yusuja jidaque quisarati cuejara.
24300	MRK 1:16	Jesústu Galilea bei jiruru eque dirucuare. Diruyara tujatu badirucuare beta jae puji ecatse. Peadyatu Simon jucuare, peya bacue Simón tsehuequiquedya Andrés. Jae deru ishuque enaju mare tatse jucuare.
24312	MRK 1:28	Masadama cuitatu tumeque jadya juyaque tsapetanacuare dutya Galilea yahuaju. Tumeque yahuaju cuanaque tuna dutya bahue jucuare Jesús jadya juyaque.
24323	MRK 1:39	Tumetu Jesús junenicuare dutya Galileaju, caradati ishuque etare cuanaju Yusuja quisarati cueja juyaque, tumebaedya ijahua cuanara quijahuatishaya cuanaque chachane.
24364	MRK 3:7	Jesústu cuacuare tura mepehua cuana tsehue bei jiruru queja. Umada ecuita Galileaju aniya cuanaratu tajicuare.
24434	MRK 5:1	Chamacama tuna jaratsuradirucuare Gerasaju aniya cuana queja, bei yueque macare.
24497	MRK 6:21	Chamacamatu Herodiasra eje bucha iyemeree Juan aishuque emajaca dadicuare. Cuinana huecaca camaratsurutiyajutu Herodes chine caticuare. Cuejamerecuaretu dutya huaraji inime metse cuanaque. Sudaru cuana cuatsashaqui cuanaquetu cuejamerecuaredya. Tumebaedyatu Galilea yahua juque dutya inime metse cuanaque cuejamerebarecuaredya.
24529	MRK 6:53	Bei riquetsu tunajatu Genesaret yahuaju jaratsuranatitsu cuaba risinaticuare.
24563	MRK 7:31	Tiro juque cuinanatsutu Jesús Galilea beiju judirunucacuare. Sidón yahua, Peadya Tunca Epu Ebari Cuana equetu cueticuare.
24637	MRK 9:30	Tuhuaque cuinanatsu tuna cueticuare Galilea yahua eque. Jesusratu ecuita cuana tuque ejuque bahue amerecarama acuare.
24851	MRK 14:28	Emajuque netitsuranucatsu icuenetadya cuaya Galileaju, tuhua micuana tsehue catsurutinuca ishu, —jadya tujatu ecana acuare.
24855	MRK 14:32	Tumetu Jesús tura mepehua cuana tsehue junaticuare Getsemaní bacani emajacaju. Tuhua junatitsu tujatu ecana anaticuare: —Rehuadya neanibutecue, ique ecue Etata tsehue quisaratiya tupu.
24893	MRK 14:70	Tuquetu catehuatinucacuare: —¡Aijama, mama! ¡Adebaya ama tuque era! —jadyatu pusha pusha junucacuare. Yaratupu juatsutu tuhua cuanara jadya anucacuare Pedro: —Yuneri cuitadyami mique Jesús tsehue junenihuaquedya. Ecuanarami adebaya mique Galilea juque, —jadya tunajatu Pedro acuare.
24917	MRK 15:22	Tudya tuna dujucuare Jesús Gólgota bacani emajacaju. Tumequetu jucuare uhua cuemusu, emaju iyuca baeque.
24936	MRK 15:41	Jesús Galileaju cuaya patya equetu tumeque epuna cuana tuatsehue junenicuare, tuque tsahua juyaque. Dutya riya cuanaque epuna cuanatu tuatsehue jecuare Jerusalénju.
24939	MRK 15:44	“Jesús amena majuhua” jadya bacatsutu Pilatora ejenecarama acuare. Ihuaracuare tujatu sudaru cuana cuatsashaquique tuhua Golgotaju jucuareque. Tuque jutihuaju tujatu bacaduratsacuare: —¿Are majuhuadya Jesús? ¿Ejetsunue cuitatu amena maju jida juhuaque? —jadyatu Pilatora acuare.
24949	MRK 16:7	Petatsu ebajarara nedirunucacue. Tura mepehua cuanaque necuejadirucue. Pedro neri neri necuejaticue. “Jesús patu icuenetadya cuaya Galileaju. Tuhuadyapa tura micuana ihuatiya. Tuhuadyapa tuque micuana batiya, tura micuana icueneta cuejachine baedya”, —jadya tujatu ecana cuejamerecuare.
24981	LUK 1:19	Yusu tsahuaquiratu quemitsacuare: —Ique Gabriel bacani; dutya huecaca Yusuja yacuaju tuque mere juyaque ique. Turadya cuadishahua mique isara ishu, riyaque jidaque quisarati cueja ishu.
24988	LUK 1:26	Shucuta badi juhuajutu Yusura cuadishacuare tuque tsahuaquique Gabriel bacani Nazaret epu ebariju Galilea yahuaju.
25046	LUK 2:4	José, David eque ejuracanaque juya tibutu cuataqui jucuare Belén bacani epuju, tuque cuinanacuareju. Tumetu José cuacuare tuja epu Nazaret bacani juque, Galilea yahua juque; tuhuaquetu cuacuare Belénju Judea yahuaju.
25081	LUK 2:39	Yusura Moisés eque dutya cuatsashahuaque atillatsu tuna dirunucacuare Galileaju, tunaja epu Nazaretju.
25095	LUK 3:1	Tumetu Yusura Juan, Zacaríasja ebacuaque cuadishacuare, tuja quisarati cuejara. Juantu anicuare tsecada eje uma piji anitaya cuana queja, Tiberio Roma juque enaruquique peadya tunca pishica earacana mara jucuare patya. Tumebaedyatu Poncio Pilato, Judea juque huaraji jucuare tume patya. Herodes tu huaraji jucuare Galileaju. Felipe, Herodes tsehuequiquetu Iturea, Traconite jadyaju huaraji jucuare. Lisanias tu Abilinia juque huaraji jucuare. Anás, Caifás jadya tatse pae dyaque muidaque jucuare.
25146	LUK 4:14	Jesústu dirunucacuare Galileaju. Yusuja Espirituratu jacacuare ama. Dutya tumeque emajacajutu ecuita cuanara Jesús cuatsabiji acuare.
25163	LUK 4:31	Judirunucacuaretu Jesús Capernaumju Galilea yahuaju. Canajara huecacajutu ecuita cuana bahuitya jucuare.
25177	LUK 5:1	Juneniyaquedya jutidyatu Jesús netidirucuare Genesaret bacani bei jiruru. Ecuita cuanatu catiiticuare tuque peque, Yusuja quisarati baca juyaque.
25193	LUK 5:17	Peya huecaca Jesús tuhua bahuitya bahuityayajutu fariseo cuana anibarecuare, tumebaedya cacuatsashati bahuityaqui cuanaque. Tuna tuna jecuare dutya Galilea jiruruque, Judea juque, Jerusalén juque jadya. Yusuja casa tsehuetu Jesúsra chachanenicuare tuhua ujejeda cuanaque.
25340	LUK 8:26	Chamacama tuna jaratsuradirucuare Gerasaju aniya cuana queja, bei yueque macare, Galilea tuyu.
25351	LUK 8:37	Jadya bacatsutu dutya jujeri Gerasa yahuaju aniya cuanara Jesús muda bacuare. Jadya tibudya tunajatu acuare: —Dirucue rehuaque. Tunara jadya ayajutu Jesús anibutecuare cuabaju, dirunucacara juatsu.
25588	LUK 13:1	Tumeque huecaca nucadyatu umae ecuita cuana jecuare Jesús queja. Cuejanaticuare tuna Jesús: —Pilatoratu eje uma israelita cuana Galilea juque iyemerecuare, tuna Yusuja etareju uu cuana iyetsu Yusu tyau juyaju. ¿Eje bucha juatsu tuna iyetanacuare, tuna jucha arida baatsu ni taa?, —jadya tunajatu bacaduraticuare.
25589	LUK 13:2	—Micuanaratu adebaya tume cuanaque ecuita cuana Galileaju cuanaque peya cuana Galileaju cuanaque bucha jucha arida juatsu majucuare bucha.
25731	LUK 17:11	Jesústu Jerusalénju cuayaque cueticuare Samaria, Galilea jadya eque.
25992	LUK 22:59	Peadya ura tupu junucatsutu peyara jadya anucacuare: —Yuneri cuitadya ri riyaque ecuita Jesús tsehue junenihuaquedya, Galilea juque nucadya tibu.
26009	LUK 23:5	Jadya bacatsutu Jesús ujeu baqui cuanara dyaque jebuda quique eque acuare: —Dutya queja tujatu ecuita cuana sicacaturaya. Junenichinetu dutya Judea yahuaju, Galilea eque Jerusalén tupu jadya juyaque, —jadya tunajatu acuare.
26010	LUK 23:6	Jesúspa dutya Galileaju junenichine jadya bacatsutu Pilatora bacaduracuare: —¿Galilea juque ri riyaque ecuita?
26011	LUK 23:7	Tunara bacue “Jejee, tuhuaquedya tume”, jadya ahuaju, tujatu dujumerecuare Herodes queja, Herodesradya Galileaju cuanaque narucuare tibu. Tuquetu bahuedya jucuare Herodes Jerusalénju jehuaque.
26053	LUK 23:49	Jesúsja umada eadeba cuanaque, epuna cuana Galilea eque tuque tajibe juchine cuanaque jadya tuna neticuare japada, dutya eje bucha juyaque peta juyaque.
26059	LUK 23:55	Epuna cuana Jesús tajiaje jucuare cuanaque Galilea equeque cuanaratu Jesús emajuque ishatanayaju bacuare. Baticuare tuna eje bucha ishae tuna emajuque ayaque. Petacuare tunajatu Jesús emajuque ishatanayaju.
26066	LUK 24:6	Rehua ama rique. Chachatu netitsuranucahua. Neadebacuedya eje bucha tura micuana Galileaju jariju cuejahuaque:
26156	JHN 1:43	Huecacanucatsutu Jesús jucuare: —Cuaya Galileaju —jadya. Tuhua cuayara tujatu tsurutsacuare ecuita Felipe bacani. Tuque tsurutsatsu tujatu —Jecue. Eatsehue junenicue, —jadya atsacuare.
26165	JHN 2:1	Jadya juu jadya juatsutu beta huecaca anicuare caquemiti ishuque chine Canáju. Tumeque eputu Galilea yahuaju jucuare. Jesús, Jesúsja ecuaque, ecuana tura mepehua cuanaque jadya ecuana chine ishu cuacuare, dutyadya ecuana cuaishu cuejatanahua tibu.
26175	JHN 2:11	Jesúsra jadya ahuaque baatsu, ecuana tura mepehua cuanara tuque ecuana ejenecuare tuja Yusuja casa aniyaque. Caná Galilea yahuajutu Jesúsra ena cabapetishacuare uva nacaca esasanashaque. Tuhua tujatu ametse acuare ni ejeque ecuitaja ataquique ama. Tuhuatu cabameretimetse jucuare tuque Yusuja casa tsehueque.
26228	JHN 4:3	Fariseo cuana tuja ishu quisaratiyaque bahue juatsutu Jesús Judea juque dirunucacuare. Tuatsehue dirupeedya ecuana jucuare Galileaju.
26229	JHN 4:4	Tume ecuana Galileaju judirutsu Samaria eque cuetitaqui jucuare.
26245	JHN 4:20	“Yuneridya tuque ecuanaja Yusu rehua emata Gerizimju camadya muitaqui”, jadyatu ecue ebaba ecana icuene rehua Samariaju anicuare cuanaque jubahue jucuare. Micuana israelita cuana bacue micuana jubahue “Tuyudya tu Jerusalénju cuita camadya Yusu mui ishu, peya epuju ama”, —jadyatu epunara acuare.
26268	JHN 4:43	Beta huecaca juatsu ecuana Jesús tsehue Samaria juque cuanucacuare, Galilea yahuaju.
26270	JHN 4:45	Jadya ama bucha tunajatu Jesús Galileaju junatihuaju tuhua cuanara jida batsacuare. Tuna dyadipa tuna Jerusalénju Pascua chine ishu cuacuaredya. Tuhuadya tunajatu bacuare Jesúsra ayaque ni ejeque ecuitaja ataquique ama. Jadya tibudya tunajatu pureama tsehue batsacuare.
26271	JHN 4:46	Tuequedyatu Jesús Caná Galilea yahuaju yudijidya dirunuca jucuare, icuene ena uva nacaca cabapetishacuareju. Tuhuatu jucuare huaraji, ecuari merequique. Ebacuaque tujatu dyaque ujejeda jucuare Capernaumju.
26279	JHN 4:54	Riyaquetu jadya jucuare Jesús Galilea juque Judeaju judiruhuaju. Canáju tujatu bamere beta ishu Yusuja casa bamerecuare, ejeque ecuitaja buchique ataquique ama aatsu.
26327	JHN 6:1	Jadya juu jadya juatsutu Jesús cuacuare bei Galilea yueque macare. Tumeque beitu Tiberias bacani nucadya jucuare.
26398	JHN 7:1	Jadya juatsutu Jesús junenicuare Galilea yahua epu cuanaju. Israelita cuanaja huaraji cuana tuque iyecara jucuare cuanaque tuna Judeaju jucuare. Jadya tibudyatu tuqueja junenicarama jucuare.
26406	JHN 7:9	Tuque jadya au jadya juatsutu tuatsehuequi cuanaque Jerusalénju cuacuare. Jesús bacue ejetsunue cuita ama Galileaju aninucacuare.
26438	JHN 7:41	—Tuque ama tume, —jadyatu peya cuana jucuare. —Tuquetu Mesías cuitadya. Peya cuana bacue jadya jucuare: —Aijama, tuque ama tu Mesías. ¡Eje bucha jadya jue ni tu juma! Tuque Galilea juque junahua tibu, eje bucha jue ni tu Mesías juma. Mesías neritu Galilea juque ama junabuque.
26449	JHN 7:52	Tunaratu acuare: —Mira taa tu inime tupuya Galileaju cuanara inime tupuya baedya. Mique taa mi Yusuja quisarati adebayaque ama buchadya quisaratiya, —jadya tunajatu ijaribayaque acuare. —Jesúspa Yusuja quisarati cuejaquique, jadya tuna juya. Isaracue Yusuja quisarati. Tumeque quisarati eque tu ni ejeque Yusuja quisarati cuejaquique Galilea eque junaya ama, —jadya tunajatu acuare pusha pusha ayaque.
26670	JHN 12:21	Tunaratu jipeticuare Felipe. Felipetu jucuare Betsaida epu juque, Galilea yahua juque. Jipetitsu tunajatu isaraticuare: —Jesús tsehue ecuana quisaraticara juya, tata, —jadya tunajatu Felipe acuare.
26671	JHN 12:22	Jadya ahuajutu Felipe cuacuare Andrés queja. —Griego cuana patu Jesús tsehue quisaraticara juya, —jadya tujatu Andrés aticuare. Tuequedya tatse cuacuare Andrés tsehue Jesús queja. —Griego cuana patu miatsehue quisaraticara juya, —jadya tatsejatu Jesús aticuare.
26907	JHN 19:13	Jadya bacatsutu Pilato anibutenucacuare inime cuana bajeje ishuque eanicuareju. Tumeque jadya ishuquetu “Gabata” bacani jucuare, “Tumu jepedaque neti ishuque” jadique.
26911	JHN 19:17	Inatsu tunajatu Jesús Pilatoja etare juque cuinanashacuare. Cadujutishacuare tunajatu curusu uhua cuemusu Emaju Iyuca Baeju. (Hebreo yanaju tu “Gólgata” bacani).
26926	JHN 19:32	Tumetu Pilatora cuadishacuare tuja sudaru cuana. Cuacuaredya ecana Golgotaju. Junatitsu tunajatu raquecuare peadya curusuju etata badeyaja etsaca, tuque masadama maju ishu, Jesús tsehue tatatanapee juhuaque. Tuequedya tuna peyaja etsaca ecatse raquenucacuare.
26932	JHN 19:38	José Arimateaju anicuarequetu cuacuare Pilato queja. Arepa tuque Jesús queja ecatyati ama buchatu cacuejatima jucuare ni eje queja. Tuquetu bajida jucuare israelita cuanaja huaraji cuanara enerecaturauju. —¿Ebutyamereu ama mira Jesús curusuju emaju badeyaque? Paishati caniju, —jadya tujatu Pilato aticuare. —Jidadya, butyameretsu emaju papa ishu cani epuruju ishaticue, —jadyatu Pilatora acuare. Tumetu José cuacuare Gólgataju. Butyameretsu tujatu emajuque dujucuare tumu ebari cani epuruju.
26969	JHN 21:2	Pacarucu ecuana jucuare tuhua. Jadya ecuana jucuare: ique Juan, Simón Pedro, Tomás (Pere bacani jucuareque), Natanael (Caná Galilea yahua juque), ecue eatsehuequique, peya beta ecatse jadya.
27003	ACT 1:11	—Tata ecana Galileaju cuanaque, ¿ai tuque micuana ebarucue queja petanityabareya? Jesústu diruhua micuana quejaque. Tuque micuana barepaju tsurayaju bahua bucha, jadya junanucaedyatu ejeque huecaca jubuque Yusu quejaque, —jadya tatsejatu ecana acuare.
27025	ACT 2:7	Dyaque ejecutana tuna jucuare. Bape tunajatu bacacuare. Cacuejatibarecuare tuna tuna cama: —¡Nebacacue! Dutya riya quisaratiya cuanaque taa rena Galileaju cuanaque.
27026	ACT 2:8	Jadya ama bucha taa rena Galileaju cuanaja yana eque ama quisaratiya, ecuanaja yana eque jutidya. ¿Eje buchique jatsu rique ecuana ecana ecuanaja yana eque quisaratiyaju bacaya ecuana nanada equedya quisaratihua eque? Ecuana taa ecuana eje uma peya yahua cuana juque.
27162	ACT 5:34	Tumetu peadya tuna ducuque netitsuracuare. Tuquetu Gamaliel bacani jucuare; inime cuana bajejequique tu jucuare. Tumequetu fariseo jucuare, israelita cuanaja cacuatsashati bahuityaquique. Dutyaja emuitu jucuare. Tuquetu tuatsehue huaraji cuana tsehue quisaraticuare: —Ecue ata cuana, pacuinana yaratupu ecuanaja yacua juque riya Jesúsja quisarati cuejaqui cuanaque. Ecuana cama nequisaratira jari, —jadya tujatu ecana acuare. Tume tunajatu quisarati cuejaqui cuanaque tuhuaque cuinanashacuare.
27163	ACT 5:35	Tuna cuinanahuajutu Gamaliel quisaratinucacuare: —Israel juque huaraji cuana, nebacacue ique. Pana tupu inime neara inime tsapema riyaque ecuita cuana ecuanara eje bucha acara ayaque.
27165	ACT 5:37	Tuequedya peya aninucacuare Judas bacani. Tuquetu Galilea juque jucuare. Roma juque enaruquira ecuita cuana piyebamereyaju turatu jetiama ecuita cuana tuatsehue junenishacuare tuja quisarati bacamereyaque. Tuequedya tumeque tumebaedya iyetananucacuare. Tuque majuhuajutu dutya tuatsehue juneniya cuanaque tsapetanaterecuare.
27167	ACT 5:39	Yusuja casa tsehue ni tuna aya, eje bucha aputashae ni tuque ecuana ama. Yusu tsehue cuita di taa ecuana ecatiu ecuanara yuamaturacara ayaque juatsu. Muda tu Yusu tsehue catuputi ishu, —jadya tuna Gamalielra cuejacuare. Dutyaja tupu tunajatu inime jucuare Gamalielra quisarati ahua eque.
27171	ACT 6:1	Tume patya tuna Jesús queja umada catyatiajecuaredya jutidya. Griego eque quisaratiya cuanaquetu hebreo eque quisaratiya cuanaja ishu quisaratitibunecuare ai tyatayaju: —Eahuemaju cuanaque dutya huecaca earaqui tyatanayajutu hebrea cuana dyaque umada tyatanaya, griega cuana bucha ama, —jadyatu griego eque quisaratiya cuanaque jucuare.
27271	ACT 8:26	Jadya juatsutu Ecuana Cuatsashaquira cuadishacuare barepa juque etsahuaquique Felipe queja. Junaticuaretu Felipe queja. Junatitsu tujatu isaranaticuare: —Cabajejeticue, Felipe. Cuacue beni diji queja amaca Jerusalén diji Gaza eque cuetiyaju, —jadya tujatu Felipe anaticuare.
27316	ACT 9:31	Jida tunajatu bacuare Jesús queja ecatyati cuanaque Judea, Galilea, Samaria yahua cuanaju aniya cuanara. Jesús queja ecatyati cuanaque tuna tuaqueja nimeedya jutidya juajecuare. Cuatsashaya eque ecana jucuare. Dyaque tuna muibaajecuare. Yusuja Espirituja inime eque tuna aniajecuaredya jutidya. Tura bacue ecana tsahuajacacuare ama. Dyaque umadadya jutidya tuna Jesús queja catyatiajecuare.
27321	ACT 9:36	Tume patyatu epu Jope bacaniju anicuare epuna Tabita bacani. Griego cuanaja yanaju tu tumeque ebacani “Dorcas” jadique. Tuquetu Jesús queja ecatyatique jucuare. Tsahua bahue tujatu nerecada cuanaque jucuare tunaja ai aijama juya cuana tsehue. Ajacacuare ama tujatu jidaque peya cuanaja ishu.