23360	MAT 6:9	Entonces, reza ustedes ansina: ‘Di amon Padre na cielo, ta dale came honor con el di uste nombre sagrao,
23488	MAT 10:2	Este el maga nombre del maga gente ta llama doce apostoles: si Simon, con quien ta llama tamen Pedro, y si Andres, el di suyo hermano, y si Santiago y si Juan amo el dos anak di Zebedeo.
23643	MAT 13:35	Cuando ta enseña le ansina ya cumpli el maga palabra del profeta de antes: “Ay enseña yo canila por medio de cuento, y ay habla ya yo ahora el cosa escondido desde el tiempo del principio del mundo!”
23849	MAT 19:18	Despues ya pregunta el joven con ele, “Cosa man ese maga mandamiento?” Y ya contesta si Jesus, “Este el maga mandamiento: no mata ni con ningunos, no comete adulterio, no roba, y no habla embusterias acerca de otros.
24286	MRK 1:2	Antes pa el profeta Isaias ya escribi ya este: “Mira! Taqui ya el di mio mensajero, con quien ta manda yo una pa que contigo, para prepara el di tuyo camino.
24350	MRK 2:21	“Ay dale yo con ustedes un ejemplo: hende bueno hace tucap el nuevo pedaso de tela na camisa daan, cay si ay hace le ese, el nuevo tela mas ay hace pa rompe con el camisa daan, y el roto ay queda mas grande.
24351	MRK 2:22	Taqui tamen otro ejemplo: hende tamen conviene pone el nuevo vino na daan deposito de cuero′y cabrito, cay si ay hace le ese, el daan deposito ay rebenta y ay queda nuay sirve, y el vino tamen ay man usik lang, poreso necesita basia el nuevo na nuevo deposito.”
24373	MRK 3:16	Estos amo con quien ya escoje le: el primero si Simon, con quien ya pone tamen le el nombre de Pedro,
24375	MRK 3:18	Ya escoje tamen ele con estos: si Andres, Felipe, Bartolome, Mateo, Tomas, y si Jaime el anak di Alfeo. Ya escoje tamen le con Tadeo y con Simon quien uno del miembro del grupo bien patriotico.
24394	MRK 4:2	Si Jesus ta enseña muchas cosas por medio del maga cuento, y ta habla le este:
24406	MRK 4:14	El cuento del maga similla amo este: el similla que el gente ya man sabut ta representa el maga palabra de Dios.
24538	MRK 7:6	Ya habla si Jesus canila, “Ustedes maga doble cara! Deverasan gane el cosa ya escribi el profeta Isaias acerca di ustedes: ‘Este maga gente ta honra conmigo con el di ila maga boca lang, pero hende aquel con todo el di ila corazon.
24676	MRK 10:19	Sabe gayot tu este maga mandamiento de Dios: no mata, no comete adulterio, no roba, no habla embusterias acerca de otros, no engaña, y necesita honra con el di tuyo tata y nana.”
24752	MRK 12:10	Y nuay ba ustedes lee el cosa ta habla este parte del Sagrada Escritura de Dios: ‘El piedra que el maga trabajador nuay accepta ya queda el mas importante na casa.
24778	MRK 12:36	Siendo por medio del Espiritu Santo, si David mismo ya habla este: ‘Dios ya habla con el di mio Señor: Senta na mi lao derecha hasta el tiempo ay pone yo con el di uste maga enemigo abajo na di uste pies.’
24923	MRK 15:28	Ahora ya cumpli ya el cosa ta habla na Sagrada Escritura: “Ya pasa con ele igual como uno del maga mal gente.”
24963	LUK 1:1	Mi amigo Teofilo: Mucho gente ya precura ya escribi un entero historia del maga cosas ya pasa na di aton lugar cuando taqui ya si Jesucristo na mundo.
25029	LUK 1:67	Despues el Espiritu Santo ya controla con Zacarias, y ya habla le este mensaje de Dios:
25038	LUK 1:76	Despues si Zacarias ya habla con el bata: “Si para contigo, mi anak, ay queda tu nombrao el profeta de Dios bien poderoso, cay ay man una tu camina con el Señor para prepara el camino donde le ay pasa.
25149	LUK 4:17	y uno del maga ayudante alla ya dale con ele el libro del profeta Isaias, y ya abri le donde escribido este maga palabra:
25213	LUK 5:37	Tiene tamen otro ejemplo: nuay ni uno ta basia con el nuevo vino na daan deposito de cuero de cabrito, cay si ay hace le ese, el vino nuevo ay hace lang rebenta con el daan deposito y el vino tamen ay man usik.
25305	LUK 7:41	Entonces si Jesus ya pone con ele un cuento: “Tiene un gente quien ya dale presta cen con dos gente. El uno debe con ele quinientos pesos ya, el otro cincuenta pesos.
25318	LUK 8:4	Un dia mucho gente de donde donde pueblo ya llega alla con Jesus, y cuando bien manada ya gayot sila ya pone le este cuento canila:
25462	LUK 10:30	Entonces si Jesus ya contesta con ele por medio de este historia: “Tiene gente ta sale na Jerusalem y ta anda na ciudad de Jerico. Mientras de camino le el maga bandido ya ataca con ele, y ya desnuda sila con ele, y ya gulpia tamen. Despues ya deja pa con ele media muerto.
25476	LUK 11:2	Ya habla si Jesus canila, “Si ay reza ustedes con Dios, habla ansina: ‘Padre Celestial, ta dale came honor con el di uste nombre sagrao, y ta roga came que uste ay vene para reina canamon.
25593	LUK 13:6	Despues si Jesus ya pone este cuento canila: “Un gente ya tene un pono de higuera na di suyo plantacion. Un dia ya anda le busca si tiene fruta, y nuay ele encontra ni uno.
25777	LUK 18:20	Sabe gayot uste este maga mandamiento: no comete adulterio, no mata, no roba, no habla embusterias, y necesita honra con el tata y nana.”
25865	LUK 20:17	Pero ya pija que pija si Jesus canila y ya habla, “Entonces cosa man ta habla este parte del Escritura de Dios: ‘El piedra que el maga trabajador nuay accepta amo el que ya queda el mas importante na casa.’”
25890	LUK 20:42	Posible gayot ese cay sabe kita ta habla na libro del maga cancion de alabanza con Dios que ya escribi si David: ‘Dios ya habla con el di mio Señor, Senta na mi lao derecha
25924	LUK 21:29	Despues si Jesus ya dale canila este ilustracion: “Mira con este pono de higuera y todo el maga otro pono de palo.
25941	LUK 22:8	Si Jesus ya manda con Pedro y con Juan con este instruccion: “Anda prepara el comida para celebra kita el Passover.”
25970	LUK 22:37	Hace ansina cay necesita cumpli si cosa antes ya escribi acerca di mio na Sagrada Escritura: ‘Ya trata con ele como si fuera ele un criminal.’ Ahora todo el que ya escribi antes acerca di mio ta principia ya sucede.”
26365	JHN 6:39	Este amo el querer del di mio Padre Celestial quien ya manda conmigo aqui na mundo: que aquellos con quien ya dale le conmigo, hende ay queda separao conmigo, y ay hace yo canila levanta del muerte na ultimo dia al llegar Dios para jusga con todo.
26551	JHN 10:1	Ta continua si Jesus enseña: “Ta habla gayot yo claro, que el gente quien hende ta entra na puerta del turil sino ta man taclas donde donde para entra, ese gente un ladron gayot.
26601	JHN 11:9	Despues si Jesus ya dale canila un ejemplo: “El dia tiene doce horas, hende ba? Entonces si ta camina el gente na claridad, hende ele ay tumba cay el luz de este mundo ta dale claridad con ele.
26780	JHN 15:12	El encargo di mio para con ustedes amo este: ama con uno y otro igual como ta ama yo con ustedes.
26969	JHN 21:2	Y este el cosa ya sucede: un dia ya man junto si Simon Pedro, si Tomas el Cambal, si Nataniel de Cana na Galilea, el maga anak di Zebedeo, y dos pa otro maga dicipulo di Jesus.
27034	ACT 2:16	Pero este amo el cosa Dios ya manda habla con el profeta Joel:
27038	ACT 2:20	Este ay sucede antes que ay llega el grande y glorioso dia de Dios: el sol ay queda oscuro y el luna ay queda colorao como sangre.
27052	ACT 2:34	Nuay lleva con David na cielo como ya lleva con Jesus, pero si David ya habla, ‘Dios ya habla con el di mio Señor: Senta junto conmigo na di mio lao derecha,
27087	ACT 3:22	Antes pa gayot si Moises ya habla tamen este: ‘Dios el di ustedes Señor ay manda un profeta con ustedes como ya manda le conmigo, y aquel profeta ay sale na di ustedes mismo nacion. Y necesita ustedes oi todo el maga cosas que aquel profeta ay habla con ustedes.
27116	ACT 4:25	Uste ya dale el poder del Espiritu Santo con el di amon tatarabuelo si David, el di uste servidor, para puede le habla este: ‘Porque man el maga hende-Judio calentao gayot el maga cabeza, y porque man tamen el maga nacion ya pone atencion con el maga plano que no sirve nada?
27227	ACT 7:42	Pero Dios ya pone de detras canila y ya deja canila adora con el maga estrellas na cielo, como ta habla el maga profeta na Sagrada Escritura: ‘Maga gente de Israel, nuay ustedes mata maga animal para ofrece conmigo por cuarenta años na desierto.
27233	ACT 7:48	“Pero el altisimo Dios hende man ta queda na maga casa hecho de gente, como un profeta de antes pa ta habla:
27277	ACT 8:32	Este el cosa el oficial ta lee na libro di Isaias: “Ya lleva con ele como ta lleva con el carnero na matadero. Y hende le ta reclama ni nada, como un carnero diutay hende ta man ingus si tiene quien ta corta su pelo.
27453	ACT 13:22	Ya llega el tiempo cuando Dios ya quita con Saul y ya nombra con David para releva con ele. Este el cosa Dios ya habla acerca di David: ‘Sabe yo que este hijo di Jesse amo ya el clase de hombre que ta gusta yo, cay ele ay hace todo el maga cosas que ay manda yo con ele.’
27463	ACT 13:32	Taqui ya came para habla con ustedes el Buen Noticia acerca di Jesucristo. Dios ya cumpli para el di aton provecho el cosa le ya promete con el di aton maga tatarabuelo. Y kita amo el di ila maga decendiente. Dios ya cumpli ese cuando ya hace le resucita con Jesucristo. El segundo Salmo ta habla acerca de ese: ‘Tu amo el di mio Hijo; Este dia ta declara yo que yo el di tuyo tata.’
27465	ACT 13:34	Dios ya promete que ay hace le resucita con Jesus, y ya habla le que hende ele nunca ay muri otra vez, y hende nunca ay man buluk. Este tamen ta habla na Sagrada Escritura: ‘Ay dale gayot yo con ustedes maga sagrada bendicion igual como ya promete yo con David.’
27466	ACT 13:35	Na otro Salmo ta habla pa: ‘Uste Dios, hende ay deja man buluk el cuerpo del di uste servidor bien devoto.’
27471	ACT 13:40	Entonces tene gayot cuidao para hende ustedes ay experiencia este maga cosas que ta habla el maga profeta:
27478	ACT 13:47	Ay hace came este cay este gayot el mandamiento que Dios ya dale canaton: ‘Ya escoje yo con uste para sirvi de luz, para hace aclara el entendimiento del maga hende-Judio para sabe sila que uste amo el ta lleva salvacion con todo el maga gente na mundo.’”
27526	ACT 15:15	El cosa ya habla si Simon acerca del maga hende-Judio ya vene gayot acorde con el maga palabra del maga profeta cuando ya escribi sila este:
27534	ACT 15:23	Ya lleva sila este carta, y ansina el que ta habla: “Came maga apostoles y el maga oficial del iglesia pati el maga otro creyente aqui na iglesia de Jerusalem, ta saluda con ustedes maga hende-Judio na Antioquia, Siria, y Cilicia.
27539	ACT 15:28	Ya hace lang came si cosa el Espiritu Santo ta enseña canamon, poreso nuay came omenta reglamento sino estos lang:
27615	ACT 17:23	cay mientras ta camina camina yo, ta mira yo con el maga cosas que ta adora ustedes, y ya puede tamen yo mira un altar que tiene este escribido: ‘Dedicao con el Dios Desconocido.’ Ese dios desconocido con quien ta adora ustedes, amo ya el quien ta habla yo ahora con ustedes.
27743	ACT 21:11	Ya vene le visita canamon, despues ya saca le el cinturon di Pablo y ya amarra le el di suyo mismo pies y mano, y ya habla le con Pablo, “Este amo el cosa ta habla el Espiritu Santo: Ansina gayot el maga Judio na Jerusalem ay amarra con el dueño de este cinturon, y ay entrega tamen con ele na mano del maga hende-Judio.”
27773	ACT 22:1	Este el cosa ya habla si Pablo: “Maga compoblano, oi anay ustedes el di mio defensa.”
27807	ACT 23:5	Despues si Pablo ya contesta, “Maga compoblano, nuay yo sabe que ele gale el Padre Superior. Sabe yo que ta habla na Sagrada Escritura: ‘No conviene habla malo contra con el di ustedes lider.’”
27827	ACT 23:25	Despues el comandante ya escribi este carta con el Gobernador Felix:
27892	ACT 26:1	Despues si Agrippa ya habla con Pablo, “Ta dale yo con uste permiso habla tamen el di uste defensa.” Entonces si Pablo ya hace señas con su mano que ele ay conversa, y despues ya principia le el di suyo defensa:
27992	ACT 28:25	No puede sila man uyun con uno y otro, y antes de salir sila si Pablo ya habla este canila, “Justo el cosa ya habla el Espiritu Santo con el di ustedes maga tatarabuelo por medio del profeta Isaias:
28015	ROM 1:17	Por medio del Buen Noticia acerca di Jesucristo, sabe kita si paquemodo Dios ta puede considera canaton como si fuera nuay kita pecado. Y ta hace ese por medio del di aton fe con Jesucristo, como escribido na Sagrada Escritura de Dios: “El gente con quien Dios ta considera como si fuera nuay pecado por medio del di suyo fe, ay vivi junto con ele hasta para cuando.”
28054	ROM 2:24	Sabe kita este que ta habla na Sagrada Escritura de Dios: “Por causa di ustedes, el maga hende-Judio hende ta respeta con el nombre de Dios.”
28063	ROM 3:4	Hende gayot! Masquin bien embustero gayot todo el maga gente, pero Dios bien fiel pa siempre. Ta habla gane na Sagrada Escritura de Dios: “Necesita dale gayot uste mira que todo el di uste maga promesa deverasan gayot cay ta cumpli uste con ese. Y si tiene quien ay acusa con uste, ay gana uste el asunto.”
28069	ROM 3:10	Ta habla gane na Sagrada Escritura de Dios: “Nuay ni un gente justo na vista de Dios.
28093	ROM 4:3	Sabe kita este cay antes pa gayot escribido ya na Sagrada Escritura de Dios: “Si Abraham ya cree con Dios y por causa del di suyo fe, Dios ya considera con ele como si fuera nuay le pecado.”
28096	ROM 4:6	Este el cosa que ya habla si David acerca del alegria del maga gente con quien Dios ta considera como si fuera nuay sila pecado:
28107	ROM 4:17	Puede kita lee na Sagrada Escritura este cosa que Dios ya habla con Abraham: “Ya causa yo contigo para queda el tata del mucho nacion.” Poreso ese promesa bien deverasan gayot na vista de Dios con quien ya confia si Abraham. Este mismo Dios ta puede hace levanta con el maga muerto y ta puede tamen le manda abuya el maga cosas que nuay pa existi.
28108	ROM 4:18	Masquin sabe si Abraham que nuay mas le esperanza, pero ya continua le siempre tene fe que Dios ay cumpli el di suyo promesa, poreso ya queda le siempre el “tata del mucho nacion” como ta habla na Sagrada Escritura: “Ay tene gayot tu bien manada decendiente.”
28184	ROM 7:25	Ta dale yo gracias con Dios cay ya salva le conmigo por medio di Jesucristo el di aton Señor! Entonces el di mio situacion ansina gayot: puede yo sigui con el ley de Dios con mi pensamiento lang, pero el di mio mal naturaleza amo el que ta causa con el di mio cuerpo para continua peca.
28214	ROM 8:30	El plano de Dios para con aquellos quien ya escoje le, amo este: cuando ya acaba le escoje canila ya perdona le canila para puede le considera como si fuera nuay sila pecado. Despues de considerar le canila justo, ya dale le canila parte na di suyo gloria y honor na cielo.
28220	ROM 8:36	Escribido ya na Sagrada Escritura acerca de aquel maga sufrimiento: “Pirmi came na peligro de muerte cay ta sigui came con uste como si fuera kita maga carnero que ta lleva na matadero.”
28236	ROM 9:13	Como este maga palabra escribido na Sagrada Escritura: “Ya escoje yo con Jacob pero nuay yo accepta con Esau.”
28240	ROM 9:17	Puede kita lee na Sagrada Escritura de Dios que ya habla le con Faron (el rey de Egipto de antes): “Por este rason ya hace yo con uste rey, para puede yo dale mira con otros el di mio poder por medio di uste. Y ay causa yo canila predica acerca del di mio nombre na entero mundo.”
28248	ROM 9:25	Este amo el maga palabra que antes pa Dios ya manda con Hosea escribi na Sagrada Escritura: “Ay habla yo con esos maga gente quien antes hende di mio, ‘Ahora di mio ya gayot ustedes.’ Y ay habla tamen yo con esos mismo maga gente con quien nuay yo nunca ama, que ahora ta ama gayot yo canila.
28250	ROM 9:27	Si Isaias ya habla acerca del nacion Israel: “Masquin el maga gente na nacion de Israel bien mucho como el maga arena na aplaya del mar, uno poco lang di ila ay puede queda salvao
28252	ROM 9:29	Antes pa si Isaias ya escribi este maga palabra: “Si el Dios todo poderoso nuay deja canaton un poco de maga decendiente, ay queda era kita destrosao como el dos pueblo de Sodoma y de Gomorra.”
28253	ROM 9:30	Ahora este amo el cosa kita puede habla: el maga hende-Judio hende ta precura queda justo na vista de Dios, pero ahora por medio del di ila fe con Jesucristo, Dios ta considera canila como si fuera nuay sila pecado.
28256	ROM 9:33	El maga palabra de Dios escribido na Sagrada Escritura ta habla ya acerca de ese piedra: “Atende enbuenamente! Ay pone yo un piedra na Zion, un pueblo del maga Judio, y el maga gente ay man tisut con ese. Pero si quien ta confia con ese, hende ay queda desconsolao.”
28261	ROM 10:5	Si Moises ya escribi este maga palabra si paquemodo el maga gente ay queda justo na vista de Dios por medio del ley: “Si un gente ta puede obedece todo el maga mandamiento del ley, ay puede le tene el vida contento aqui y na cielo despues.”
28262	ROM 10:6	El enseñanza acerca de quedar como si fuera justo na vista de Dios por medio de fe, este gayot: no pensa que necesita hace el maga cosas imposible, como subi na cielo o abaja na infierno para manda con Cristo salva canila. Pero husto gayot si tiene kita fe con ele para Dios ay considera canaton como si fuera nuay kita pecado.
28264	ROM 10:8	Este amo el cosa ya escribi na Sagrada Escritura de Dios: “El mensaje de Dios bien facil para entende, y ta harta ya ustedes habla acerca de ese, cay talli ya ese na di ustedes maga pensamiento.” Ese mensaje amo el Buen Noticia acerca de fe con Jesucristo que ta predica came.
28267	ROM 10:11	Antes pa si Isaias ya escribi este maga palabra: “Si quien ay tene fe con ele, hende ay sale desconsolao.”
28269	ROM 10:13	Este maga palabra escribido na Sagrada Escritura de Dios: “Todo el quien ay pidi ayuda na nombre del Señor ay queda salvao.”
28271	ROM 10:15	Y paquemodo man ay puede predica el mensaje si nuay ningunos quien ay manda anda con el maga mensajero? Ta habla gane el maga palabra na Sagrada Escritura: “Que bueno gayot si tiene quien ta vene lleva el Buen Noticia.”
28272	ROM 10:16	Pero hende gayot todo el maga gente ta accepta el Buen Noticia na di ila corazon, cay antes pa si Isaias mismo ya habla tamen: “Señor, quien man ya cree canamon cuando ya predica came el mensaje canila?”
28274	ROM 10:18	Pero ta pregunta yo si deveras ba nuay sila oi el mensaje? Asegurao yo que ya oi sila, cay escribido este na Sagrada Escritura de Dios: “El maga palabra del maga mensajero ya man calayat na entero mundo, y ya alcanza gayot na maga oido de todo el maga gente.”
28275	ROM 10:19	Y otra vez ta pregunta yo si nuay ba entende el maga Judio del nacion de Israel? Deporsi ya entende gayot sila, cay Dios ya habla por medio di Moises: “Ay causa yo con ustedes para man celos por causa de esos hende-Judio que ta considera ustedes nuay valor. Y ay causa yo con ustedes para queda rabiao por causa del maga gente quien nuay entendimiento acerca di mio.”
28276	ROM 10:20	Despues Dios ya usa con Isaias quien ya habla sin miedo: “El maga gente quien hende ta busca conmigo ya encontra conmigo sin precurar sila busca. Y ya aparece yo con el maga gente quien hende ta pregunta acerca di mio.”
28277	ROM 10:21	Pero acerca del maga gente de Israel, Dios ya habla: “Continualmente ta ofrece yo paz con el maga gente quien bien desobediente y bien duro cabeza, pero no quiere sila siempre accepta.”
28285	ROM 11:8	Y este maga palabra ya escribi tamen ya Sagrada Escritura de Dios: “Dios ya causa ya lang canila queda dol nuay mas juicio, poreso hasta ahora masquin ta lee y ta oi sila el palabra de Dios, no puede pa sila siempre entende.”
28286	ROM 11:9	Antes pa ya escribi tamen aquel Rey David: “Ojala que el di ila maga bendicion ay sirvi de trampa para causa canila queda castigao, cay ta pone sila el di ila confianza con el di ila maga bendicion.
28288	ROM 11:11	Ta hace tamen yo otro pregunta: cuando ya man tisut y ya tumba el maga Judio por causa del di ila pecado, permanente ya ba gayot ese di ila tumbada? Hende gayot yo ta cree ese! Cay por causa del maga Judio quien nuay cree con el di suyo maga palabra, el maga hende-Judio ya llega experiencia el salvacion de Dios. Ya hace le este para el maga Judio ay man celos con el maga hende-Judio.
28302	ROM 11:25	Maga hermano, tiene un secreto que ya tarda ya gayot escondido, pero ahora lang quiere yo que ustedes sabe para hende ustedes ay queda bugalon. Ay esplica yo este: tiene del maga Judio hende ta tene fe con Dios cay bien duro pulso sila, pero ay llega siempre el tiempo cuando ay cree sila. Y ese hende ay sucede hasta ay queda salvao el completo numero del maga hende-Judio.
28303	ROM 11:26	Dios ay salva con todo el maga gente de Israel asegun el Sagrada Escritura de Dios que ta habla: “El Salvador ay sale na ciudad de Zion, y ay quita le el maga pecado del maga decendiente di Jacob.
28311	ROM 11:34	El maga palabra na Sagrada Escritura de Dios ta habla: “Nuay ningunos sabe el pensamiento del Señor, y nuay tamen ningunos quien ay puede dale con ele consejo.
28332	ROM 12:19	Maga amigo, no venga con el quien ya hace malo con ustedes, sino deja con Dios cay ele amo el quien ay castiga. El Señor ta habla ya na Sagrada Escritura acerca de ese cuando ya habla: “Yo amo el quien tiene derecho venga. Yo amo el quien ta dale castigo.”
28333	ROM 12:20	Poreso no debe venga, sino hace este cosa Dios ya habla na Sagrada Escritura: “Si con hambre el di ustedes enemigo, dale con ele come. Si con sequia le, dale con ele toma. Cay si ta hace ustedes ansina, ay tene gayot ele verguenza.”
28343	ROM 13:9	Estos maga mandamiento de Dios “No comete imoralidad, no comete crimen, no roba, no desea cosas hende di ustedes,” y todo el maga otro mandamiento di suyo ta vene cae na un mandamiento lang y este amo: “Ama ustedes con el maga gente igual como ta ama ustedes con ustedes mismo.”
28359	ROM 14:11	Antes pa, ya escribi ya este maga palabra na Sagrada Escritura de Dios: “Ya habla el Señor, ‘Yo mismo ta promete con ustedes que todo el maga gente ay hinca na di mio presencia, y todo el maga gente ay declara que yo amo el Dios.’”