| 239 | GEN 10:4 | Javánnën bëchikëkama ka 'iakëxa Elisá, Tarsis, Quitim 'imainun Rodanim. |
| 246 | GEN 10:11 | Sinar menuax ka Asur kakë uni ax mërakëxa, mëraxun ka Nínive, Reohobot-ir, Quélah, |
| 247 | GEN 10:12 | 'imainun ëma chaiira Resen kakë, axa Nínive amo 'imainun Quélah axribi amo 'ikë a 'akëxa. |
| 338 | GEN 14:1 | Usa 'ain ka a nëtëkaman Amrafel ax Sinar kakë me anu 'apu 'iakëxa, Arioc axribi ka Elasar kakë me anu 'apu 'iakëxa, Quedorlaómer axribi ka Elam kakë me anu 'apu 'iakëxa, 'imainun ka Tidal axribi Goím kakë me anu 'apu 'iakëxa. |
| 341 | GEN 14:4 | 'Itsa baritia 'inúkë 'ain ka 'apu Quedorlaómer an mapai rabë́ 'imainun rabë́ baritia, anun an kuëënkësa okin ñu 'anun 'amiakëxa, 'aínbi ka bari achúshi 'irutëkënkë anun mapai achúshi 'apu kaman a 'apubë 'akánanti sinánkëxa. |
| 342 | GEN 14:5 | Usakin sinántakëx ka baritia itsi 'irukëbë, Quedorlaómer 'apu 'imainun 'apu raíri abëa 'akianankë kamabë kanankiani anua Astarot Carnaim me 'ikë anu kuankëxa, kuanxun ka anu 'ixun refaítakama a pain 'atankëxun; zuzita kamaribi, Ham kakë menuxun 'anan emitas kamaribi, Savé-quiriataim menuxun 'akëxa, |
| 344 | GEN 14:7 | Usokin 'atankëx baitsin amirbishi utëkënkin ka Quedorlaómer 'imainun aín suntárukama, 'imainun abëa kuankë 'apu raíri akamabë En-Mispat, 'ikëbia Cadés kakë anu bëbakëxa, bëbakiani kuankin ka añu kara bainua mëraia abi 'atimonan këñuakëxa, usokin 'anan ka kuankinshi anu 'ikë amalecita aribi 'akëxa, 'anan ka amorreokamaribi raíri ëmakama 'akësaribi okin 'abiani kuankëxa, ax ka Hasesón-tamar me 'ikë anu 'iakëxa. |
| 346 | GEN 14:9 | Anuax ka ënë mapai achúshi 'apukama Quedorlaómer Amrafel 'imainun Arioc abë 'akanankëxa, ënë rabë́ 'imainun rabë́ 'apukamax ka Elam, Goím, Sinar 'imainun Elasar a ëma kamanu 'ikë 'iakëxa. |
| 354 | GEN 14:17 | Usokin 'atankëx ka Abram amiribishi utëkëankëxa, Quedorlaómer kakë 'apu akëñun raíri 'apukama abëa 'ikë akamakëñunbi 'abëtsinia ka Sodomanu 'ikë 'apu an upíokin biakëxa, Savé kakë me sapan anuxun biakëxa, a mex ka 'apukaman me kakë 'iakëxa. |
| 569 | GEN 22:21 | A paian tuákë ax ka Us kakë 'iakëxa; a 'atankëxun ka aín xukë́n Buz aribi 'akëxa, 'imainun ka bëtsiribi Quemuel kakë aribi 'akëxa, ax ka Aramnën papa 'iakëxa. |
| 570 | GEN 22:22 | Usokin 'atankëxun ka amiribishi bëchipakëxa aín anë ka 'iakëxa Quésed, Hazó, Pildás, Idlaf 'imainun Betuel. |
| 574 | GEN 23:2 | ati baritia tsótankëx ka ñuakëxa Quiriat-arbá, kakëbia Hebrón kakin anëkë ëma anuax, ka Canaán me anu 'iakëxa. Usa 'ain ka Abraham aín xanu ñukë 'ain 'itsaira masá sinani iakëxa. |
| 660 | GEN 25:1 | Usa 'ain ka Abrahamnën bëtsi xanu biti sinánkin, Queturá kakin anëkë a biakëxa. |
| 663 | GEN 25:4 | Ënë kamax ka Madiánën bëchikë 'iakëxa Efá, Éfer, Hanoc, Abidá 'imainun Eldaá. Ënë unikamax ka Queturánën rëbúnkikama 'iakëxa. |
| 672 | GEN 25:13 | ënëx ka aín rëkuë́n bëchikë a pain 'akëxa bakë́an a 'iakëxa: Nebaiot, ax ka aín bëchikë apan 'iakëxa; 'atankëxun ka bëtsiribi 'akëxa Quedar, Adbeel, Mibsam, |
| 674 | GEN 25:15 | Hadar, Temá, Jetur, Nafís 'imainun Quedmá. |
| 1052 | GEN 36:11 | Ënë kamax ka Elifaznën bëchikëkama 'iakëxa, Temán, Omar, Sefó, Gatam 'imainun Quenaz. |
| 1056 | GEN 36:15 | Ënë kamax ka Esaúnën rëbúnki axa 'apu 'ia a 'ikën: Akamax ka Esaúnën bakë bëchikë apan Elifaz aín rëkuë́n bëchikë 'iakëxa, a 'apukamax ka 'ikë Temá, Omar, Sefó, Quenaz, |
| 1067 | GEN 36:26 | Ënë kamax ka Disónnën bëchikëkama 'iakëxa Hemdán, Esbán, Itrán 'imainun Querán kakë 'iakëxa. |
| 1083 | GEN 36:42 | Quenaz, Temán, Mibsar, |
| 1125 | GEN 38:5 | Usakin 'atankëxunbi ka amiribishi bëchitëkëankëxa, bëchixun ka Selá kakin anëakëxa, aín papa Judá axa Quezib kakë ëmanu 'ain. |
| 1398 | GEN 46:11 | Ënëx ka Levínën bakë bëchikëkama 'iakëxa: Guersón, Quehat 'imainun Merarí. |
| 23245 | MAT 2:7 | Quia cuatancëxun ca Herodesnën an ñu mëëxuncë unicama —uni itsin isnunma camina unë́xun an ñu 'unáncë unicama 'ë bëxúnti 'ai —quixun cacëxa. Usoquian camicëx ucë ca ñucácëxa, añu nëtën caraisa 'ispa isaxa quixun. |
| 23408 | MAT 7:23 | Quiabi cana atu cati 'ain: Mitsux camina 'ën unima 'ain. Ñu 'atima 'acë 'aish camina mitsux 'ëbë 'itima 'ain. Ca cuantan. |
| 23421 | MAT 8:7 | Quia ca Jesusan cacëxa: —Cana a pëxcui cuanti 'ain. |
| 23436 | MAT 8:22 | Quia ca Jesusan cacëxa: —Camina 'ëmi sinánan 'ëbë cuanti 'ain. Axa Nucën Papa Diosmi sinántisama tancë uni, an bamacë uni maínun ëanan camina 'ëbë cuanti 'ain. |
| 23440 | MAT 8:26 | Quia ca Jesusan bësuquin cacëxa: —¿Uisacatsi caramina racuëtin? Mitsun camina Nucën Papa Diosan ca asérabi nu bërúanquin 'aquinia quixun sinaniman. Cai niruquin ca suñúan —ca nëtë́t —canan parúmpaparibi —ca bucubut —quixun cacëxa. Cacëxëshia suñu nëtë́ishimainun ca baca bëchúnribi nëtë́acëxa. |
| 23482 | MAT 9:34 | Quia unicama ratúmainun ca fariseo unibunëx quiacëxa: —Ñunshin 'atimanën 'apun cushínshi ca ënë unin ñunshin 'atima chiquinia. |
| 23637 | MAT 13:29 | Quia ca aín 'ibun caxa: A ëchíquin mina ñu 'apácë aribi ëchiti, usa 'ain camina chucu ëchítima 'ain. |
| 23660 | MAT 13:52 | Quia ca Jesusan cacëxa: —An Nucën Papa Dios naínu 'icë aín bana únáncë uni, an ca 'ën uni ñuixuncë bana unicama ñuixuanan bëráma 'ë ñuiquin cuënëo bana aribi ñuixunia. Ax ca xubuñu unían a isi ucë uni aín ñu ió 'imainun aín ñu ióma 'aíshbi upí, aribi ismicësa 'icën. |
| 23684 | MAT 14:18 | Quia ca Jesusan cacëxa: —Ënu ca 'ë bëxun. |
| 23730 | MAT 15:28 | Cacëxun ca Jesusan cacëxa: —Mix camina asérabi 'ëmi catamëti 'ën mi upí oquin 'aquinun quiax 'ëmi sinan. Usa 'ain ca mix cuëëncësabi oi 'iti 'icën. Quixuan cacëbëshi ca aín ini tuá pëxcúacëxa. |
| 23757 | MAT 16:16 | Quia ca Simón Pedronën cacëxa: —Mix camina axa bamatimoi tsócë Nucën Papa Dios aín Bëchicë, Cristo, axa utinu nun caíncë, a 'ain. |
| 23786 | MAT 17:17 | Quia cuaquin ca Jesusan anu 'icë unicama cacëxa: —Mitsun camina Nucën Papa Dios ax ca asérabi cushi 'icë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu 'unánmiti 'ain? ¿Uitishi nëtën carana 'ëx mitsu cupí masá nuituti 'ain? 'Ë ca a tuá bëxun. |
| 23792 | MAT 17:23 | 'Ináncëxun bixun ca 'ë 'ati 'icën. 'Acëx bamatancëx cana rabë́ nëtë 'iónxa pëcaracëbë baísquinuxun 'ain. Quixuan cacëxun cuati ca aín 'unánmicë unicamax masá nuituacëxa. |
| 23978 | MAT 22:37 | Quixuan cacëxun ca Jesusan ësaquin cacëxa: —Axa quicësabi oíira 'iti bana ax ca ësai quia: “Min 'Ibu Diosmi camina asérabi cuëëni cëmëima sinánti 'ain. Usa 'aish camina ami catamëti ax cuëëncësabi oíshi 'iti 'ain”. |
| 24084 | MAT 25:7 | Quia sharatia bësuquin ca bënë́nquinshi a xanucaman aín lamparín mëníoxa. |
| 24146 | MAT 26:23 | Quia ca Jesusan cacëxa: —An 'ëbëtan manë xampami pán chabóxun picë, an ca 'ë uni 'inánti 'icën. |
| 24148 | MAT 26:25 | Quia ca an a binun uni 'inánti Judas an Jesús ñucáquin cacëxa: —¿'Ëx carana a 'ain? Cacëxun ca Jesusan cacëxa: —Ca usa 'icën, mixmi quicësa. |
| 24157 | MAT 26:34 | Quia ca Jesusan cacëxa: —Asérabi cana mi cain, mix camina usai quin, 'ixunbi camina ënë ñantan 'atapa banatisama 'ain, min isamina 'ë 'unáncëma 'ain quixun rabë́ 'imainun achúshi oquin uni paránti 'ain. |
| 24186 | MAT 26:63 | Quixuan cacëxbi ca Jesús quiáma 'icën. Quiamoquin ca judíos sacerdotenën cushicaman 'apun amiribishi catëcëancëxa: —Nucën Papa Dios axa bamatimoi tsócë, an cuamainun ca nu ñuixun, ¿mix caramina asérabi aín Bëchicë, Cristo, axa utinu nun caíncë, a 'ain? |
| 24221 | MAT 27:23 | Quicania cuaquin ca Pilatonën cacëxa: —¿Añu ñu 'aisama cara 'ax? Cacëxbi ca unicama munuma cuëncëni quitëcëancëxa: —Bamatanun ca i curúsocënu matás. |
| 24224 | MAT 27:26 | Quicëbëtan ca Pilatonën Barrabás chiquíanan suntáru rishquimitancëxun i curúsocënu matásnun quixun atu 'ináncëxa. |
| 24263 | MAT 27:65 | Quia ca Pilatonën cacëxa: —Ënu ca 'ën suntárucama 'icën. A buánxun camina mitsun cuëëncësa oquin a quini upí oquin mëníomitancëxun bërúanmiti 'ain. |
| 24309 | MRK 1:25 | Quia ca Jesusan cacëxa: —Ca nëtët. Ënë uninuax ca chiquit. |
| 24361 | MRK 3:4 | Cacëxa ucëbëtan ca Jesusan fariseo unicama cacëxa: —¿Anun ñu mëëtima nëtën cara unin ñu upí 'ati 'ic? ¿Cara ñu upíma 'ati 'ic? ¿Anun ñu mëëtima nëtën cara unin uni itsi 'insíncë 'aquinti 'ic? ¿Cara bamatanun isëshiti 'ic? Quixuan cacëxbi ca quiáma 'icën. |
| 24362 | MRK 3:5 | Quiáma atu ñachai nishi masá nuituquin ca Jesusan —uisa cupí cara ënë unicama axa 'insíncë uni ënëmi sinanima —quixun sinánquin aín mëcën ñucë uni cacëxa: —Ca mëshpat. Cacëx mëshpatishi ca mëpëxcüacëxa. |
| 24442 | MRK 5:9 | Cacëxun ca Jesusan ñucácëxa: —¿Uisa cara min anë 'ic? Quia ca cacëxa: —Nuxnu 'itsa 'ain ca 'ën anëx 'Ëxcuira 'icën. |
| 24464 | MRK 5:31 | Quia ca aín 'unánmicë unicaman cacëxa: —¿Mia unin chacatisaira oia isibi caina, uin cara 'ën chupa ticaxa quiax quin? |
| 24492 | MRK 6:16 | Quia cuati ca Herodes quiacëxa: —Ax ca Juan, a 'ën tëbíscamia, a 'icën. Usa 'aish ca ax bërí baísquiaxa. |
| 24500 | MRK 6:24 | Cacëx cuanquin ca aín tita cacëxa: —¿'Ëa 'inánun carana añu ñu ñucáti 'ain? Quia ca aín titan cacëxa: —Juan, an uni nashimicë, aín maxcá ca ñucát. |
| 24513 | MRK 6:37 | Quia ca Jesusan cacëxa: —Mitsun ca piti 'inan. Cacëxun ca atun cacëxa: —¿Nun caranuna doscientos curíquinën atu 'inánti pán maruti 'ain? |
| 24598 | MRK 8:29 | Cacëxun ca Jesusan aín 'unánmicë unicama cacëxa: —¿Atúxa usai quimainun caramina mitsux 'ëx caraisana ui 'ai quiax quin? Quia ca Pedronën cacëxa: —Mix camina Cristo, axa utinu nun caíncë, a 'ain. |
| 24615 | MRK 9:8 | Quia cuati cuainacëquin amocüa iscëxbi ca uíbi 'aíma 'imainun Jesúsëshi anu 'iacëxa. |
| 24626 | MRK 9:19 | Quia cuaquin ca Jesusan anu 'icë unicama cacëxa: —Mitsun camina Nucën Papa Dios ax ca asérabi cushi 'icë quixun sinaniman. ¿Mitsúxmi 'ëmi catamënun carana uiti nëtën mitsu 'unánmiti 'ain? ¿Uitishi oi carana 'ëx mitsu cupí masá nuituti 'ain? 'Ë ca a tuá bëxun. |
| 24634 | MRK 9:27 | Quia ratúcancëbëtanbi Jesusan aín mëcënan mëínquin birucëx ca a tuá niruacëxa. |
| 24645 | MRK 9:38 | Quia ca aín 'unánmicë uni, Juan, an Jesús cacëxa: —Nun cananuna uni achúshinëan, Jesús ca ënë uninuaxmi chiquíti cuëënia quixun caquinshi ñunshin 'atima uninua chiquinia isan. Isquin cananuna axa nubë nicëma 'icë, usoquin 'axunma 'anun can. |
| 24685 | MRK 10:28 | Quia ca Pedronën Jesús cacëxa: —Nun cananuna mibë ninuxun nun ñucama ëan. |
| 24696 | MRK 10:39 | Quia ca cacëxa: —Usaribi oquin cananuna tanshiti 'ain. Cacëxun ca Jesusan cacëxa: —'Ën 'acësaribi oquin camina bëtsi bëtsi ocë 'ianan paëira tanti 'ain. |
| 24723 | MRK 11:14 | Usa 'icë isquin ca Jesusan cacëxa: —Min camina tuatëcëniman. Achúshira unínbi ca min tuá cutëcënima. Quixuan caia ca aín 'unánmicë unicaman cuacëxa. |
| 24771 | MRK 12:29 | Quixuan cacëxun ca Jesusan cacëxa: —Axa quicësabiira oi 'iti bana ax ca ësai quia: “Israel unicama, ca cuat. Nucën 'Ibu Dios ax ca achúshi 'icën. |
| 24843 | MRK 14:20 | Quia ca Jesusan cacëxa: —Micama achúshi an 'ëbëtan manë xampami chabóxun pán picë an ca uni 'ë 'inánti 'icën. |
| 24853 | MRK 14:30 | Quia ca Jesusan cacëxa: —Asérabi cana mi cain, mix camina usai quin, 'ixunbi camina ënë ñantan rabëti 'atapa banatisama pan 'ain min isamina 'ë 'unáncëma 'ai quixun rabë́ 'imainun achúshi oquin uni paránti 'ain. |
| 24884 | MRK 14:61 | Quixuan cacëxbi ca Jesús uisaíbi banama 'icën. Quiama oquin ca judíos sacerdotenën cushicaman 'apun amiribishi catëcëancëxa: —¿Mix caramina Cristo, Nucën Papa Dios anu nun rabicë, aín Bëchicë a 'ain? |
| 24887 | MRK 14:64 | Mitsúnribi camina Nucën Papa Dios ñuia 'atimati banaia cuacan. ¿Uisa caramina sináncanin? Quixuan cacëx ca camáxbi —ca bamati 'icë —quiacëxa. |
| 24898 | MRK 15:3 | Quicëbë ca sacerdotenën cushicamax 'itsa ñu ñuiquin Pilato cai Jesúsmi manáncëxa. |
| 24908 | MRK 15:13 | Quixun cacëxunbi ca cuënishi munuma banaquin atun cacëxa: —Bamatanun ca i curúsocënu matas. |
| 24910 | MRK 15:15 | Quicëbëtan ca Pilátonën unicamabë upí 'iisa tanquin Barrabás chiquíanan rishquimitancëxun i curúsocënu matásnun quixun Jesús atu 'ináncëxa. |
| 25022 | LUK 1:60 | Quicëbëbi ca aín titax: —Usama ca. Aín anëx ca Juan cacë 'iti 'icë —quiax quiacëxa. |
| 25023 | LUK 1:61 | Quia ca cacancëxa: —¿Uisa cupí cara Juan caquin anëcë 'iti 'ic? Uinu 'icë min aintsi 'ibúxbi ca usaquin anëcë 'aíma 'icën. |
| 25055 | LUK 2:13 | Quicëbëshi ricuatsini timëti Nucën Papa Dios rabi ca ángelcamax quiacëxa: |
| 25167 | LUK 4:35 | Quia ca Jesusan cacëxa: —Ca nëtët. Ënë uninuax ca chiquít. Usaquian cacëx ca ñunshin 'atima a uni menu nipacëmi, anu 'icë unicaman ismainunbi, chiquíacëxa, uisabi oíma. |
| 25173 | LUK 4:41 | Ñunshin 'atimanëxribi ca 'itsa uni 'insíncënuax chiquíacëxa. Chiquiti munuma cuëncëni ca quiacëxa: —Mix camina Diosan Bëchicë 'ain. Quiabi ca Jesusan —ca nëtë́t —caquin ñunshin 'atima banamiquinma nëtë́miacëxa. Atúxa Jesús ax ca Cristo, a Nucën Papa Diosan xucë a 'icë quixun 'unáncë 'aíshbi usai quiti ca Jesús cuëëanma 'icën. Usa 'ain ca atúxa quiabi nëtë́miacëxa. |
| 25307 | LUK 7:43 | Cacëxun ca Simonan cacëxa: —'Ën sináncëx ca an 'itsaira curíqui ribíncë, ax bëtsíxa 'icësamaira oi a unimi sinánti 'icën. Quia ca Jesusan cacëxa: —Usa ca. |
| 25344 | LUK 8:30 | Cacëxun ca Jesusan ñucácëxa: —¿Uisa cara min anë 'ic? Quia ca anu atsíncë ñunshin 'atimanëan 'itsaira 'ixun quimicëxun a unin cacëxa: —'Ëx cana 'Ëxcuira caquin anëcë 'ain. |
| 25379 | LUK 9:9 | Usai quicëbë sináncasmai ca Herodes quiacëxa: —'Ënbi cana Juan tëbíscamian. ¿Usa 'aínbi cara a uni camabi unin chaniocë ax ui 'ic? Quinquinbi 'unánquinma ca Jesús istisa tancëxa. |
| 25383 | LUK 9:13 | Quia ca Jesusan cacëxa: —Mitsun ca piti 'inan. Cacëxun ca anua 'aisamaira, cinco mil uni 'ain, aín 'unánmicë unicaman cacëxa: —Nun piti ñura ca mëcën achúshi pán 'imainun tsatsa rabë́ishi 'icën. Sapi cananuna unicama piti maruxuni cuanti 'ain. Quia ca Jesusan cacëxa: —Unicama basinu cincuenta cincuenta bucubunun ca cat. |
| 25390 | LUK 9:20 | Cacëxun ca Jesusan aín 'unánmicë unicama cacëxa: —¿Atúxa usai quimainun caramina mitsux 'ëx caraisna ui 'ai quin? Quia ca Pedronën cacëxa: —Mix camina Cristo, Nucën Papa Diosan ënu unun xuti, axa uti nun caíncë, a 'ain. |
| 25411 | LUK 9:41 | Quia cuaquin ca Jesusan anu 'icë unicama cacëxa: —Mitsun camina Nucën Papa Dios ax ca asérabi cushi 'icë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu 'unánmiti 'ain? ¿Uitishi oi nëtën carana 'ëx mitsu cupí masá nuituti 'ain? Usaquin caquin ca a uni —'ënu ca min bëchicë bët —quixun cacëxa. |
| 25430 | LUK 9:60 | Quia ca Jesusan cacëxa: —Axa Nucën Papa Diosmi sinántisama tancë uni, an bamacë uni maínun ëanan camina min, 'ëmi catamëtia ca Nucën Papa Diosan uni ainan 'imia quixun unicama ñuixuni cuanti 'ain. |
| 25432 | LUK 9:62 | Quia ca Jesusan cacëxa: —Ënëx ca ësa 'icën. An vaca bënën buáncëxuan me tucabianmainun manë paránën xo tuíncë uni an ca amami amamia isquin 'atimaquin aín ñuina 'amia. Usaribiti ca uni Nucën Papa Dios cuëëncësabi oquin ñu 'ati manuquin bëtsi bëtsi oquin sináncë ax aín uni 'iisama 'icën. |
| 25490 | LUK 11:16 | Quimainun ca raírinën, Nucën Papa Diosan cushin caraisa ñu 'aia iscatsi quixun, aín sinanënbia unin iscëma ñu naínu 'anun quixun cacëxa. |
| 25520 | LUK 11:46 | Quia ca Jesusan cacëxa: —Mitsuribi upíma isquin ca Nucën Papa Diosan uisa cara oti 'icë usoquin mitsuribi 'ati 'icën. Moisésnën cuënëo banaishima mitsúnbi sináncë banaribi camina unicamax isa usai 'inun quixun ñuixunin. Usaquinmi ñuixuncëxbi ca a banacamax mitsúxmi quicësabi oi 'iisama 'icën. Mitsúxribi camina usai 'iman. Mitsúnmi ñuixuncë bana quicësabi oquian 'anun camina unicama 'aquiniman. |
| 25582 | LUK 12:54 | Ësaquinribi ca Jesusan anu 'icë unicama cacëxa: —Ësa ca. Anúan bari cuancë anua nëtë cuin isi camina mitsux quin, 'uí sapi ca 'ibúti 'icën. Quiáxmi quicësabi oi ca 'ibutia. |
| 25583 | LUK 12:55 | Ënë nëtënuax suñu bëquicëbë camina mitsux quin, bërí ca bari cushinuxun 'aia. Quiáxmi quicësabi oi ca 'ia. |
| 25602 | LUK 13:15 | Quia ca Nucën 'Ibu Jesusan cacëxa: —Mitsux camina cëmë 'ain. Mitsux, 'aracacë ñuina tëcërëcacëñu 'ixun, camina nëtë camabi 'acësaribi oquin anun ñu mëëtima nëtë́nribi min ñuina 'unpax 'anun xëxánu buanin. |
| 25637 | LUK 14:15 | Quia cuaquin ca anuxun piia tsócë uni achúshinën Jesús cacëxa: —An Nucën Papa Diosan nëtënuxun aín unicamabëtan picë uni ax ca cuëëinra cuëënti 'icën. |
| 25720 | LUK 16:31 | Quiabi ca Abrahamnën cacëxa: Moisés 'imainun an Nucën Papa Dios quicë bana uni ñuixuncë unicaman cuënëo bana isquinbi cuaisama tancë 'ixun ca anu uni bamacë 'icënuax cuancë unin banaribi cuaisama tanti 'icën. |
| 25757 | LUK 17:37 | Cacëxun ca aín 'unánmicë unicaman Jesús ñucáquin cacëxa: —¿Uinuax cara usai 'iti 'ic? Quia ca Jesusan cacëxa: —Unix ca quia, uinu cara ñuina bamacë 'icë anu ca xëtë cëñúbuti 'icën. Usai ca 'iti 'icën. |
| 25865 | LUK 20:17 | Quia ca Jesusan atumi bësuquin isquin cacëxa: —¿Usai 'itima 'ain cara uisai quicë ënë cuënëo bana 'ic?, ësai quicë: An maxax xubuacë unían biquinma racáncë 'aíshbi ca a maxax bërí amia xubu cushicë 'icën, itá upímia xubu cushicë usaribiti. |
| 25943 | LUK 22:10 | Quia ca Jesusan cacëxa: —Jerusalénu cuantancëx bëbaquin camina uni achúshinëan ñutën 'unpax buania mërati 'ain. Mëraquin nuibiani camina anua ax atsíncë xubunu atsínti 'ain. |
| 25967 | LUK 22:34 | Quia ca Jesusan cacëxa: —Pedro, cana mi cain, mix camina usai quin, 'ixunbi camina ënë ñantan 'atapa banatisama 'ain, min isamina 'ë 'unáncëma 'ai quixun rabë́ 'imainun achúshi oquin uni paránti 'ain. |
| 25971 | LUK 22:38 | Cacëxun ca aín 'unánmicë unicaman cacëxa: —Ca is, ënu ca manë xëtocë rabë́ 'icën. Quia ca Jesusan cacëxa: —Ashi ca asábi 'icën. |
| 25993 | LUK 22:60 | Usaía quia ca Pedronën cacëxa: —Uisai qui caina usai quin, a cana 'ën 'unaniman. Quicëbëshi ca 'atapa banacëxa. |
| 26025 | LUK 23:21 | Quicëbëbi ca munuma sharárui quicancëxa: —Bamatanun ca i curúsocënu matas, i curúsocënu ca a matas. |
| 26027 | LUK 23:23 | Quicëbëbi ca usaribiti amiribishi munuma sharárui quitëcëancëxa, bamatanun i curúsocënu matáscë ca 'iti 'icë quiax. Usai quia ca Pilatonën atu sinanamicasmacëxa. |
| 26079 | LUK 24:19 | Quixuan cacëxun ca Jesusan cacëxa: —¿Añu ñui cara quicanx? Quia ca cacëxa: —Nazaretnu 'icë Jesús, a ñui ca quicanxa. An ca Nucën Papa Dios 'imainun unicamanribi iscëxun upí oquin Nucën Papa Dios quicë bana uni ñuixuanan aín cushínbi uni itsin 'acëma ñu 'axa. |