57	GEN 3:1	Nukën 'Ibu Diosan uniokë bëtsi ñuina raëkëma kamasamaira ka runu 'iakëxa, usa 'ixun ka xanu ñukákëxa: —¿Asérabi kara Diosan i bimi naësa ënu 'ikëkama ënë pixunma anun mi kax?
65	GEN 3:9	'Aínbi ka Nukën 'Ibu Diosan kuënkin uni kakëxa: —¿Uinu kaina 'ain?
67	GEN 3:11	Kakëxun ka Nukën 'Ibu Diosan ñukákëxa: —¿Uin kara chupañuma kamina aín kixun mi kax? ¿Karamina a pixunma 'anun 'ën mi kakë i bimi a pikëma 'ain?
69	GEN 3:13	Usakian kakëxun ka Nukën 'Ibu Diosan xanu ñukákëxa: —¿Uisa kupí kaina usokin 'an? Kakëxun ka xanun kakëxa: —Runun 'ë paránkëxun, kana a i bimi pian.
89	GEN 4:9	Usokin 'akë ka Nukën 'Ibun Caín ñukákin kakëxa: —¿Uinu kara min xukë́n Abel 'it? Kakëxunbi ka Caínën kakëxa: —Kana 'unániman. ¿'Ën karana 'ën xukë́n nitsia bërúanti 'ain?
90	GEN 4:10	Usai kia ka Nukën 'Ibun kakëxa: —¿Uisa kupín karamina usakin 'an? Min xukë́n 'anákanën imi menu, 'apamikinmi 'akë an ka uisa karana oti 'ai usakin 'ën mi 'anun kia.
434	GEN 18:9	Usakin pitankëx sënë́nkin ka a isia kuankë unikama achúshinën Abraham ñukákëxa: —¿Uinu kara min xanu Sara 'ik? Kakëxun ka kakëxa ka —anu 'ëx 'ikë chupa këxtú xubusa okin 'akë anu 'ikën —kixun ka kakëxa.
438	GEN 18:13	Usai 'ia 'unánkin ka Nukën 'Ibun Abraham kakëxa: —¿Uisa kupín kara Sara kuain? ¿an kara xënira 'aish kana tuáñu 'iti 'ain kixun sinanimin?
448	GEN 18:23	Usa 'ain ka a 'urama okin Abrahamnën Nukën 'Ibu Dios ñukákëxa: —¿Karamina uni 'uchañu këñun uni 'uchañumakama 'atima okin këñuti 'ain?
463	GEN 19:5	usai 'ikin ka munuma sharati kushin banakin Lot kakëxa: —¿Uinu kara mibëa ënë ñantan min xubunu ukë uni rabë́ ax 'ik? ¡Kamina chikínti 'ain! ¡Atubë kananuna 'isatanin ënë imë́ kamina nu bëxúnti 'ain!
470	GEN 19:12	Usokin 'atankëxun ka a isia kuankë uni rabë́ an Lot kakëxa: —¿Min aintsi 'ibukama kara ënë ëmanu 'aíma 'ik? Kamina biti 'ain min bëchikë bëbu, 'imainun xanu min piaka min bëchikë an binuxun katakë uni akama kamina ënë ëmanua chikínbiankin 'ura buánti 'ain,
543	GEN 21:29	usakin 'aia iskin ka Abimélecnën ñukákëxa: —¿Uisoti karamina min mapai achúshi 'imainun rabë́ oveja amo sëtë́natin?
555	GEN 22:7	Usai abë urikuankin ka Isaacnën aín papa Abraham ñukákëxa: —¡Papan! —¿Añu kara 'ën bakë bëchikën? —kixun ka Abrahamnën aín bëchikë kakëxa. Kakëxun ka Isaacnën ësokin kakëxa: —Ënu ka karu 'imainun tsi 'ikën ¿uinu kara anu 'aímai këñutanun xaroti carnero 'ik?
650	GEN 24:58	Ësokin katankëxun ka Rebeca kuënxun ñukákëxa: —¿Ënë unibë kaina bëríbi kuainsa tanin? —Asábi ka kana kuanti 'ain —kiax ka ax kiakëxa.
657	GEN 24:65	usai 'ibukinshi ka an buánkë uni a ñukákëxa: —¿Uinu 'ikë uni kara axa numi kikuatsini ukë ux 'ik? —Ax ka 'ën ñu mëëxunkë uni a 'ikën —kixun ka unin kakëxa. Usakian kakëxun aín chupa bitsi ka anun bëmápukuti rakuakëxa.
703	GEN 26:10	Kakëxunbi ka Abimélecnën kakëxa: —¿Uisa kupín karamina nu ësokin an? 'Ën mi iskëma 'ain ka ënu 'ikë uni min xanubë 'ikë 'itsíanxa, usa 'ain kamina min nu 'uchamikë 'itsían.
748	GEN 27:20	Usakian kakëxun ka Isaacnën ñukákëxa: —¿Uisa 'ixun kaina bënë́kinshi ñuina mërabëtsian, 'ën bakën? Kakëxun ka min Diosan ka 'ën bënë́kinshi mëranun 'ë 'akianxa kixun Jacobnën kakëxa.
752	GEN 27:24	amiribishi ñukátëkëankëxa: —¿Asérabi karamina mix 'ën bëchikë Esaú a 'ain? —Kixuan ñukákëxun ka 'ëx kana Esaú 'a 'ain —kixun Jacobnën kakëxa.
760	GEN 27:32	Kakëxun ka Isaacnën ñukákëxa: —¿Uikaramina mix 'ain? —'Ëx kana Esaú min rëkuë́n bëchikë a 'ain, —kixun ka kakëxa.
766	GEN 27:38	Ësokian kakëxun ka Esaúnën amiribishi ñukátëkënkin munuma banakin kakëxa: —¿Achúshi unishi kara Nukën 'Ibu Diosan upíokin sinánxunti 'ikë papan? ¡'Ëribi kamina upíokin sinánxunkin kati 'ain ësokin aín papa kai ka! Esaú munuma kuënkëni amiribishi iankëxa.
800	GEN 29:4	Usakian 'akëbë anu nukúkin ka Jacobnën an ñuina bërúankë unikama ñukákëxa: —¿Uinu 'ikë kaina, mitsux 'ain? Kakëxun ka: —Nux kananuna Haránnu 'ikë 'ain —kixun atun kakëxa.
801	GEN 29:5	—¿Mitsun kaina Labán kakë uni Nahornën bëchikë a 'unanin? —kixun ka Jacobnën ñukátëkëankëxa. —Ñukátëkënkëxun a unikaman kananuna 'unáni —kixun kakëxa.
821	GEN 29:25	Usai abë 'inëti pëkarakin Jacobnën iskëxbi ka Líabëa uxnë́kë 'iakëxa, usa 'ain ka kuantankëxun Labán kakëxa: —¿Uisati kaina 'ë ësokin 'an? ¿'Ën karana Raquel kupín mi ñu mëëxunkëma 'ain? uisati, ¿kaina 'ë parán?
846	GEN 30:15	Kakëxunbi ka Lían aín xukë́n kakëxa: —¿Min karamina 'ën bënë 'ë bikuanti 'ain? ¡Usa 'aínbi kaina 'ën tuakëan bëkë kaxorisa bimi ënëribi 'ë bikuantisa tanin! —Usama ka —Min tuakëan bëkë kaxorisa bimi ënë kupín ka Jacob ënë imë́ mibë 'uxti 'ikën —kixun ka Raquelnën aín xukë́n kakëxa.
862	GEN 30:31	—¿Uiti mi kupíoti kaina kuëënti 'ain? —kixun ka Labánën aín piaka karaishikin kakëxa. —'Ë kamina kuríkinën kupíotima 'ain —kixun ka Jacobnën katëkëankëxa—. Mixmi 'ën usakin kamina 'ati 'ai kixun kakëx kuëënkëbë kana amiribishi min ovejakama bërúain kuantëkënti 'ain kixun ka aín kuku kakëxa:
900	GEN 31:26	usai anu 'inëti pëkaraxun ka Labánën munuma banakin ami nishkin Jacob kakëxa: —¿Añu kaina 'abëtsian? ¿Uisokin sinanx kaina 'ë paránbëtsini uban? ¡Min kamina 'ën bëchikëkama 'akanankin bikëxa uni abákësa usaribi kuatsinkin bëan!
910	GEN 31:36	Usaía 'ia isi xuamati nishkin ka Jacobnën aín kuku Labán a ësokin kakëxa: —¿Añu ñu, karana 'ën an? ¿Añu 'ai 'uchakuatsini ukë kaina 'ë tantikimaira nuian?
956	GEN 32:28	—¿Uisa kara min anë 'ik? —kixun ka a unin ñukákëxa. —'Ën anë ka Jacob ikë —kixun ka kakëxa.
958	GEN 32:30	—Bërí kamina 'ë kati 'ain, uisakin anëkë karamina mix 'ain —kixun ka Jacobnënribi ñukákëxa. 'Aínbi ka uni an kakëxa: —¿Uisoti karamina 'ën anë 'ë ñukatin? Usokin kakëxun anuxun upíokin sinánxunbiani ka a uni kuankëxa.
969	GEN 33:8	Usai 'ia ka Esaúnën ñukákëxa: —¿Uisokin sinánxunmi xukë kara ñuinakama a pain mi rëkuë́mikin xukë 'ën iskë ax 'ik? —Ax ka uisokin kaina min 'ëmi sinanin unántisa tankin kana usokin an —kixun ka Jacobnën kakëxa.
1012	GEN 34:31	Ësokian kakëxunbi ka aín bëchikëkaman kakëxa: —¿Atun kara nun chirabakë 'anáka 'atima xanu 'akësa okin 'aisatanx?
1092	GEN 37:8	Ësokian ñuixunkëxun ka aín xukën apan achúshinën kakëxa: —¿Usa 'ain karamina mix nukaman 'apuira 'ianan an nu ñumëmikë uni 'iti 'ain? Usakian ain namákë ñuixunkëx ka atiaira ami xuamati aín xukë́nkama nishakëxa.
1094	GEN 37:10	Ësokin ka Josénën namátankëxun aín papa këñun aín xukë́antu ñuixuankëxa, ñuixunkëxunbi ka aín papan ësokin kakëxa: —¿Uisakin namákin kaina usokin namán? ¿Min kaina min tita 'imainun min xukë́nkamabë isana 'ëx mi 'urama kuani mimi ñanati tëtúbuti 'ai kixun sinanin?
1099	GEN 37:15	bëbax kuaníbi ka me pampaira 'ain amami kiakëxa. Amami kikë mërakin ka achúshi unin ñukákëxa: —¿Añu bari kaina uan?
1110	GEN 37:26	Usaia rikuatsinia iskin ka Judánën aín xukë́nkama kakëxa: —¿Añu ñu karana nun xukë́n rëtankëxun kananti 'ain, 'imainun karanuna uisoxun nun xukë́n bamakë unëti 'ain?
1136	GEN 38:16	Usai 'ikë ukinbi mërai ka Judá anúan ukë bai a ëni amo nirakëti abë banakëxa, banakinbi ka 'unánma 'ikën ax ka aín bëchikënën kasunankë xanu aín piaka a 'ikë kixun 'unánima abë banakin ka kakëxa: —¿'Ëbë kaina 'itima 'ain? Kixuan kakëxun ka xanunribi ñukákin kakëxa: —¿Añu ñu kaina 'ëbë 'inuxun min 'ë 'inánti 'ain? Ësokin ka xanunribi kakëxa.
1138	GEN 38:18	—¿Añu ñu mi ënxunti kaina kuëënin? —kixun ka Judánën ñukákëxa. —Ñukákëxun ka min tëñuti 'imainun anúnmi 'unánti orakakë a 'imainun min tuinkë tsati akamina 'ë ënxunti 'ai —kixun xanun kakëxa. Usai abë banatankëxun a ñukákëkama 'inántankëx ka abë uxakëxa, usai abë 'ixun ka Judánën aín bëchikënën kasunankë xanu tuuókëxa.
1141	GEN 38:21	Anu bëbaxun 'aíma okin ka anu 'ikë unikama ñukákëxa: —¿Uinu kara axa bëtsi bëtsi unibë 'ikë xanu Enaim kakë ëmanu kuanti bai 'ipitiu tsókë 'isonkë ax 'ik? Kakëxunbi ka —Ënu ka bëtsi bëtsi unibë 'ikë xanu 'aíma 'ixanxa —kixun atun kakëxa.
1180	GEN 40:7	usa iskin ka ñukákëxa; —¿Uisakatsi kaina bërí masá nuitukë bëmánanshi 'ain?
1181	GEN 40:8	—Nu rabë́xun kananuna ënë imë́ ësokin namán, 'aínbi ka uisakin namákë kara ax 'ikë kixun an nu ñuixunti 'aíma 'ikën kakëxun ka Josénën. —¿Diosan kara uisakin namákë kara min namákë ax 'ikë kixun mi ñuixuntima 'ik? —Kixun atu kakëxa katankëxun ka Josénën—. 'Ë kamina min namákëkama ñuixunti 'ai kixun kakëxa.
1234	GEN 41:38	usaía kia ka faraónën aín unikama ësokin kakëxa: —¿Uisaxun karanuna bëtsi uni 'ësaribi aín 'Ibu Diosan bëru ñunshinñun nun mërati 'ain?
1281	GEN 42:28	Usakin mërai ratúkin ka aín xukë́n achúshinën raíri kakëxa: —¡Ka kuat, 'ën kuríki ka amiribishi 'ë mañaxa! ¡'Ën pishanubi ka 'ën kuríki 'ikën! Ësakian bëtsin kakëx ka raírinëx ratuti bërëi 'itsaira rakuë́ti a xukë́n kamáxbi kanankëxa: —¿Diosan kara nukamaxnu ësai 'iti nu sinánxukin ësokin nu ax?
1297	GEN 43:6	Ësokian katëkënkëxun ka Jacobnën kakëxa: —¿Uisa kupín kaina 'ë 'itsaira 'aisama on? ¿Uisati kaina nun xukën 'anáka ka anu 'ikë kixun a uni kan?
1318	GEN 43:27	Usai 'ia iskin ka Josénën atu uisa karaisa kixun ñukákëxa ñukátankëxun ka ësokinribi kakëxa: —¿Uisa kara min papa, a ñuikinmi 'ë kakë kaniakëkë ax 'ik? ¿Kara bëríbi tsótax?
1320	GEN 43:29	Usakian kakëxun a rapasunua israkinbi ka Josénën aín xukë́n Benjamín 'ain papan akëñun aín titami bëchia a mërakëxa mërai ka kiakëxa: —¿Ënëx kara mitsun xukë́n 'anáka a ñuikinmi 'ë bëráma kakë a 'ik? ¡Nukën 'Ibu Diosan ka mi 'akinti 'ikën 'ën bakën! Ësakin kaíshi,
1329	GEN 44:4	Usai kuania ëma ëbiani urakiankë 'aímabi ka Josénën an ñu 'axunkë uni kakëxa axa kuankë unikama akamina nuikuanti 'ain nuixun nukúkin kamina kati 'ain: —¿Uisa oti kaina upíokin 'akinkëxunbi 'atimakin 'an? ¿Uisati kaina mitsun manë uxua 'akë xampa amia
1332	GEN 44:7	usakian kakëxun ka atun kakëxa: —¿Uisa 'ixun kaina usakin kananuna ñu 'a kixun nukama kain? ¡uínsaranbi kananuna nun ësokin ñu 'akëma 'ain!
1340	GEN 44:15	usai 'ia ka akamabi Josénën kakëxa: —¿Añu kaina mikaman 'an? ¿Mitsun kaina 'unan achúshi uni 'ësaribinën kara ñu tanti 'ik?
1341	GEN 44:16	Kia ka Judánën kakëxa: —¿Uisakin karanuna nukaman mi kati 'ain? ¿Uisaxun karanuna ñu 'akëma 'ixun nun kananuna 'an kixun mi kati 'ain? Nukën 'lbu Diosan nux 'uchakë 'unánkë 'ain kamina. Nukama min ñu mëmikë uni 'inun 'imiti 'ain; 'imikin kamina, aín pishanua min manë xampa bikë abëbi, min ñu mëmikë uni 'inun nukama 'imiti 'ain.
1424	GEN 47:3	Usa 'ain ka 'apu faraónën Josénën xukë́nkama ñukákin kakëxa: —¿Añunën kaina mitsux tëin? Kixun ñukákëxun atun kakëxa: —An 'apu 'ikë mi ñu mëëxunti nukaman kananuna nun chaitiokëkaman 'asaribiokin ovejakama bërúain.
1429	GEN 47:8	usakian urama okëxun ka 'apu faraónën ñukákëxa: —¿Uiti baritiañu kaina bërí mix 'ain?
23240	MAT 2:2	Cuani bëbaquin ca ñucácëxa: —¿Uinu cara axa judíos unibunën 'apu 'inun bërí bacë́ncë a 'ic? Aucüaxa bari urucë anuxun cananuna anun a 'unánti 'ispa isbëtsian. A isbëtsini cananuna 'unánbëtsini a rabi ain.
23275	MAT 3:14	Cuanxa bëbaiabi ca Juanën nashimisama tanquin Jesús cacëxa: —¿Miinra 'ë nashimisa 'aíshbi caina 'ën mi nashiminun quiax ain?
23382	MAT 6:31	Usai 'ima camina masá nuituti —¿añu ñu caranuna xëanan piti 'ain? —quianan —¿añu chupa caranuna pañuti 'ain? —quiquin usa ñuishi sinántima 'ain.
23440	MAT 8:26	Quia ca Jesusan bësuquin cacëxa: —¿Uisacatsi caramina racuëtin? Mitsun camina Nucën Papa Diosan ca asérabi nu bërúanquin 'aquinia quixun sinaniman. Cai niruquin ca suñúan —ca nëtë́t —canan parúmpaparibi —ca bucubut —quixun cacëxa. Cacëxëshia suñu nëtë́ishimainun ca baca bëchúnribi nëtë́acëxa.
23441	MAT 8:27	Usoia isi ca aín 'unánmicë unicama ratuti canancëxa: —¿Uisa uni cara ënëx 'ic? Suñúanënbi, bacánbi ca aín bana cuatia.
23443	MAT 8:29	Usa 'ixun ca a isi munuma cuëncë́nquin Jesús cacëxa: —¿Uisati caramina Jesús, Diosan Bëchicë, min nu ubíoin? ¿Anúnmi nu masóti nëtë ucëma pan 'aínbi caramina nu ubíoi uan?
23452	MAT 9:4	Usaquin sinania 'unánquin ca Jesusan cacëxa: —¿Uisacasquin caramina mitsun usaquin sinanin?
23459	MAT 9:11	Jesúsbëtan a unicaman piia isquin ca aín 'unánmicë unicama fariseo unicaman ñucáquin cacëxa: —¿Uisa cupí cara an mitsu 'unánmicë unin an 'apu buánmiti curíqui bicë unicamabëtan pianan 'uchañu unicamabëtan pin?
23463	MAT 9:15	Cacëxun ca Jesusan cacëxa: —¿An biti xanua unin bicëma pan 'ain cara axa abë nuibanancë unicama ax a unibë 'aish masá nuituti 'ic? Ca masá nuitutima 'icën. Ca ësa 'icën: An xanu biti unin xanu biquin abëtan pi unun camicëx ca axa abë nuibanancë unicama masá nuitutima abë cuëënia. Xanu bibiani cuanquian a unin ëbiancëxun cuni ca axa abë nuibanancë unicaman masá nuituquin pima. Usaribiquin ca 'ën 'unánmicë unicama 'ëbë 'ixun masá nuituti samáquinma piia. Unían 'ë bicëxun 'ën ëbiancëxun cuni ca masá nuituquin pitima 'icën.
23476	MAT 9:28	Cacë́xa xubunu atsíncëbë ca a bëxuñu uni rabëtaxribi 'atsínquiani Jesús rapasu cuancëxa. Cuania ca Jesusan cacëxa: —¿Mitsun caramina sinanin, 'ën cana mitsu pëxcuti 'ai quixun? Cacëxun ca a unin cacëxa: —Camina nu 'ati 'ain.
23531	MAT 11:3	Xucëx cuanxun ca Juanën cacësabi oquin ñucáquin Jesús cacëxa: —¿Mix caramina asérabi axa uti nun caíncë a 'ain? ¿Mixmi ama 'ain caranuna bëtsi uníxa uti nun caínti 'ain?
23535	MAT 11:7	Juan, an unicama nashimicë, aín unicama cuancëbëtan ca Jesusan anu 'icë unicama 'aisamaira 'icë Juan ñuiquin ësaquin cacëxa: —¿Uisa uni isi caramina mitsux anu uni 'icëma menu cuancën? Bëtsi bëtsi oquin sináncë uni ax ca tutísha suñun bëcacësa 'icën. ¿Usa uni isi caramina cuancën?
23561	MAT 12:3	Cacëxun ca Jesusan cacëxa: —¿Mitsun caramina Davidnën ca 'acëñuma 'ixun axa abë cuancë unicamabëtan ësoquin ñu 'acëxa quixun cuënëo bana a iscëma 'ain?
23568	MAT 12:10	Anu ca uni achúshi aín mëcën amo 'icë bamacë 'iacëxa. A uni isquin ca fariseo unicaman —Jesús, an ca nux quicësama oquin 'aia —quiax ami manáncatsi quixun sinánquin —¿anun ñu mëëtima nëtën uni ñucë pëxcuti cara asábi 'ic? —quixun ñucácëxa.
23569	MAT 12:11	Cacëxun ca Jesusan cacëxa: —¿Micama uinu 'icën caramina anun ñu mëëtima nëtë́an mitsun 'aracacë ñuina quininu nipacëtia biquinma isëshiti 'ain? Camina isëshiquinma biti 'ain, ¿usa cat?
23581	MAT 12:23	Jesusan usoia isi ca anu 'icë unicamax ratuti sináncasmai canancëxa: —¿Ënë unix cara asérabi Davitan rëbúnqui, axa uti nun caíncë, a 'ic?
23606	MAT 12:48	Cacëxun ca Jesusan cacëxa: —¿Uix cara 'ën tita 'ic? ¿'Imainun cara uicamax 'ën xucë́antu 'ic?
23618	MAT 13:10	A bana ñuixuncëxun ca aín 'unánmicë unicaman Jesús nëbë́tsioraxun ñucácëxa: —¿Uisacasquin caramina bana itsi ñuicësoquin ënë unicama bana ñuixunin?
23662	MAT 13:54	Bëbatancëxun ca anua judíos unicama timë́ti xubunu atsínxun bana ñuixunquin 'unánmiacëxa. Usoquian bana ñuia cuati ca anu 'icë unicamax ratuti canancëxa: —¿Uin cara ënë uni usaquian bana ñuiti 'unánmiax? ¿Uin cushin cara ënë menuxuan unin 'acëma ñu 'ain?
23697	MAT 14:31	Cuëncë́nquia cacëxun biquin ca Jesusan cacëxa: —¿Uisacatsi caramina 'ën mi parúmpapa camánanën nicuatsinimi 'ënu unun 'imicëxbi 'ëmi catamëtiman? Camina 'ëmi sináncëmasa 'ain.
23704	MAT 15:2	—¿Uisacasquin cara min 'unánmicë unicaman nucën rara quiá bana tanimin? A bana quiásabi oi 'iquinma ca mëchucaxunmashi piia.
23705	MAT 15:3	Cacëxun ca Jesusan atu ñucáquin cacëxa: —¿Uisacatsi caramina mitsux mitsun rara quiá bana tanibi Nucën Papa Dios quiásabi oi 'iman?
23714	MAT 15:12	Usaquian caia ca aín 'unánmicë unicaman Jesús nëbë́tsioraxun cacëxa: —¿Caramina isan, fariseo unicamx ca usaquinmi unicama ñuixunia cuati mimi nishaxa?
23718	MAT 15:16	Cacëxun ca Jesusan cacëxa: —¿Mitsúnribi caramina 'ën cacëxun 'ën bana cuatiman?
23735	MAT 15:33	Cacëxun ca aín 'unánmicë unicaman cacëxa: —¿Ënëx ca anu uni 'icëma me 'icën. ¿Uinua caranuna ënë unicaman pimiti piti biti 'ain?
23736	MAT 15:34	Cacëxuan Jesusan —¿uiti pánñu caramina 'ain? —quixun ñucácëxun ca aín 'unánmicë unicaman —ënu ca mëcën achúshi 'imainun rabë́ pán 'imainun 'itsamashi tsatsaratsu 'icë —quixun cacëxa.
23749	MAT 16:8	Canania 'unánquin ca Jesusan cacëxa: —¿Uisa cupí caramina mitsux, pán cananuna bëcëma 'ai quiax cananin? Mitsux camina 'ëmi catamëcëmasa 'ain.
23754	MAT 16:13	Usotancëx anu Cesárea de Filipo cacë ëma 'icë me anu cuanx riquianquin ca aín 'unánmicë unicama Jesusan ñucáquin cacëxa: —¿Uni 'inux Nucën Papa Diosnuax uá 'aish carana 'ëx ui 'ai quiax cara unicama quin?
23756	MAT 16:15	Cacëxun ca ain 'unánmicë unicama Jesusan cacëxa: —¿Atúxa usai quimainun caramina mitsux 'ëx caraisana ui 'ai quin?
23779	MAT 17:10	Usaquin cacëxun ca aín 'unánmicë unicaman Jesús ñucáquin cacëxa: —¿Mixmi asérabi Cristo 'aínbi cara uisacatsi an Moisésnën cuënëo bana 'unáncë unicamax, Elías pain ca uti 'icë quiax quin?
23788	MAT 17:19	Usaquian 'acë ca atúxëshi abë 'ixun aín 'unánmicë unicaman Jesús ñucácëxa: —¿Uisa cupí caranuna nun a tuánu 'icë ñunshin 'atima chiquíncasman?
23793	MAT 17:24	Capernaúmnu cuanxa Jesús 'imainun aín 'unánmicë unicamax bëbacëbëtan ca an anuxun Nucën Papa Dios rabiti xubu anun mëníoti curíqui bicë unin anu cuanquin Simón Pedro ñucáquin cacëxa: —¿Mitsun 'ibun cara curíqui, anun anuxun Nucën Papa Dios rabiti xubu mëníoti, 'inanimin?
23797	MAT 18:1	Usai 'icëbëtan ca anu cuanquin aín 'unánmicë unicaman Jesús ñucáquin cacëxa: —¿Nucën Papa Diosan nëtënu cara uix anu 'icë unicamabëtan sënë́nmaira 'iti 'ic?
23817	MAT 18:21	Ësaquian aín 'unánmicë uni raíricëñun cacëxun ca Pedronën Jesús cacëxa: —¿Min uni itsíxa 'ëmi nishi 'uchaia carana uiti oquin aín 'ucha abë mëníonanquin manumiti 'ain? ¿Carana mëcën achúshi 'imainun rabë́ oi abë mëníonanti 'ain?
23834	MAT 19:3	Usa 'ain ca fariseo unibunën anu timë́xun Jesús uisai caraisa quia ami manánuxun cuacatsi quixun ñucáquin cacëxa: —¿Uisai cara 'iashia unin aín xanu ënti cara asábi 'ic?
23848	MAT 19:17	Cacëxun ca Jesusan cacëxa: —¿Uisa cupí caramina min 'ëx isana upí 'ai quixun 'ë cain? Nucën Papa Diosaxëshi ca asérabi upí 'icën. Mix aín nëtënu abë 'iisa tanquin camina aín bana quicësabi oquin 'ati 'ain.
23849	MAT 19:18	Cacëxun ca a bëná unin cacëxa: —¿Uisaia ax quicë banacama carana 'ati 'ain? Cacëxun ca Jesusan cacëxa: —Uni camina 'atima 'ain. Uni itsin xanubë camina 'itima 'ain. Uni itsin ñu camina mëcamatima 'ain. Camina bëtsi unimi cëmëi manántima 'ain.
23882	MAT 20:21	Abë banatisa tania isquin ca Jesusan cacëxa: —¿Añu caramina cuëënin? Cacëxun ca cacëxa: —Mixmi 'apu 'aish min nëtë upínu tsotan 'ën tuacëx bëtsíxa min mëqueu tsómainun bëtsix min mëmiu tsónun camina 'imiti 'ain, mibëa 'apu 'inun.
23905	MAT 21:10	Usai 'iquiania bëbaia isi ca Jerusalénu 'icë unicamax —¿ui uni cara ënëx 'ic? —quiax ratuti canancëxa.
23911	MAT 21:16	Nishquin ca Jesús ñucáquin cacëxa: —¿Ënë xucamaxa quicë bana caramina cuatiman? Cacëxun ca Jesusan cacëxa: —Cana cuatin. ¿Mitsun caramina cuënëo bana axa ënë ñui quicë a iscëma 'ain? A bana ca ësai quia: Xucamabëtan ca tuáracamanribi min 'imicëxun upí oquin mi rabia.
23915	MAT 21:20	Usaquian cacë́xa xanáncë isquin ca aín 'unánmicë unicaman Jesús cacëxa: —¿Uisa 'aish cara ënë higuera bënëtishi xananx? —quixun.
23918	MAT 21:23	Jerusalénuxun ca Jesusan anuxun Nucën Papa Dios rabiti xubunu atsínxun anu 'icë unicama 'unánmiacëxa. 'Unánmia ca judíos sacerdotenën cushicama 'imainun ampan caniacëcë unicaman anu cuanxun ñucáquin Jesús cacëxa: —¿Uin banan caramina min usa ñu 'ain? ¿Uin cara ësoquinmi ñu 'anun mi cax?
23920	MAT 21:25	¿Uin cara Juan unicama nashiminun cacëx? ¿Nucën Papa Diosan cara cacëx? ¿Unin cara usaquian 'anun cacëx? Usaquian Jesusan ñucáquin cacëxbi ca uisaquin cara cati 'icë quixun 'unanima atúxbi ñucacanani quicancëxa: —¿Uisaquin caranuna cati 'ain? Nun nu —Nucën Papa Diosan ca cacëxa —quixun cati 'aínbi ca usaquin nun cacëxun nu —usa 'ain caramina uisa cupí aín bana cuama 'ai —quixun nu cati 'icën.
23923	MAT 21:28	Usaquin catancëxun ca Jesusan judíos unibunën 'apucama ësaquinribi cacëxa: —¿Uisai quicë cara ënë bana 'ic? ësai quicë. Achúshi unix ca bëchicë rabë́ñu 'iaxa. 'Ixun ca achúshi caxa: Bërí nëtën camina naënu ñu mëëi cuanti 'ain.
23937	MAT 21:42	Cacëxun ca Jesusan cacëxa: —¿Nucën Papa Diosan bana cuënëo ësai quicë a caramina mitsun iscëma 'ain?: An maxax xubuacë unían biquinma racáncë 'aíshbi ca a maxax bërí amia xubu cushicë 'icën, itá upímia xubu cushicë usaribiti. Usaía 'inun ca Nucën Papa Diosan 'imiaxa. An usoquin mëníocëx ca nun iscëx asábiira 'icën”. ¿Usaquian maxax ñuiquinbi 'ë ñuiquin cuënëo bana a caramina mitsun iscëma 'ain?
23961	MAT 22:20	Bëia isquin ca Jesusan cacëxa: —¿Uin bëmánan tanquin 'acë cara ënëx 'ic? ¿Uin anë cara cuënëocë ënëx 'ic?
23963	MAT 22:22	Cacëxun cuati ratuti ca —¿uisa uni cara ënëx 'icë? —quixun sinani a ñui ami manánti bana 'aíma 'ain Jesús ëbiani cuancëxa.
23977	MAT 22:36	—¿Uinu 'icë Nucën Papa Diosan bana cuënëo quicësa oíira caranuna 'iti 'ain?
23983	MAT 22:42	—¿Mitsun sináncëx cara Cristo, axa 'apu 'itia judíos unibunën caíncë, ax uisa uni 'ic? ¿Uin rëbúnqui cara ax 'iti 'ic? Cacëxun ca cacëxa: —Ax ca Davitan rëbúnqui 'iti 'icën. Usa 'aish ca Davidbë sënën 'iti 'icën.