23244	MAT 2:6	‘Kyo na naan ta Betlehem na sakep ta prubinsya Judea, bisan sise nang inyo na banwa, yi bantog gid naan ta Judea tak alin ta inyo na linai mabot isya na manugdumala. Paryo kanen ta manugbantay ta karniro tak kanen manguna daw magbantay ta ake na mga ittaw na mga linai Israel.’”
23282	MAT 4:4	Sabat din, “Naan ta sinulat na pulong ta Dyos may ambal, ‘Dili nang ta tinapay mabui mga ittaw. Kinanglan man tanan an na paambal ta Dyos.’”
23284	MAT 4:6	Ambal Satanas, “Tenged na kaon yan Bata Ta Dyos, mugpa ka tak naan ta sinulat na pulong ta Dyos may ambal, ‘Magsugo Dyos an ta mga angil din na magbantay ki kaon.’ Nasulat man, ‘Saluon ka danen ta iran na mga lima aged dili ka katupa naan ta bato.’”
23285	MAT 4:7	Sabat eman Jesus, “Naan ta sinulat na pulong ta Dyos may ambal, ‘Dili no piliten Ginuo an na imo na Dyos na pamatuuran din pa iya na pag-amblig ki kaon.’”
23288	MAT 4:10	Sabat Jesus, “Layas ka, Satanas! Naan ta sinulat na pulong ta Dyos may ambal, ‘Magsirbi ka ta Ginuo na imo na Dyos. Kanen nang sirbian no.’”
23364	MAT 6:13	Tabangan kay no na dili kay madala ta mga tintar. Luwasen kay no ki Satanas. Yi ame na pangamuyo tak kaon Ari Na Makagagaem daw dayawen ka ta ula katapusan. Amen.’”
23408	MAT 7:23	Yi ake na sabat ki danen, ‘Dili ta kyo kala. Malin kaw di, kyo na mga gabuat ta malain.’”
23545	MAT 11:17	‘Patukaran nay kyo yan ta plawta ta masadya na kanta, piro ula kaw gasayaw! Pakantaan nay kyo yan ta kanta ta kumpanyar ta patay, piro ula kaw gagal.’”
23623	MAT 13:15	Yi na mga ittaw, dessen iran na ulo. Gapabengngel nang danen an daw gapabulag-bulag aged paryas na ula danen an kakita, kamati daw kaintindi tak basi daw maintindian danen, magnelsel daw marani ki yaken daw patawaren ko danen an.’”
23638	MAT 13:30	Bay-an nyo nang anay asta na mabot uras ta tag-ani. Daw tag-ani en, suguon ko mga manug-ani an na bud-uton danen kilo an na mga lamunon daw begkesen aged sunugon. Piro trigo an a, tipunon danen daw itago naan ta ake na budiga.’”
23711	MAT 15:9	Ula pulos iran an na pagsimba ki yaken tak danen an gatudlo na naan kon alin ki yaken mga sugo an na naan nang alin ta mga ittaw.’”
23752	MAT 16:11	Man-o tak ula nyo pa naintindii na dili parti ta tinapay beet ko ya ambalen? Ambalen ko isab, ‘Mag-andam kaw gid daw maglikaw ta pampaabok ta mga Pariseo daw Saduseo.’”
23850	MAT 19:19	daw tauron no imo na amay daw inay.’ Sugo man ta Dyos, ‘Gugmaen no duma na mga ittaw paryo man ta paggugma no ta imo na kaugalingen.’”
23900	MAT 21:5	“Sugiran nyo mga ittaw ta syudad Sion, ‘Anduni inyo na Ari mabot en ki kyo. Ula kanen gabugal. Gasakay nang kanen an naan ta asno. Asno na pasakayan din bata pa.’”
23908	MAT 21:13	Pambalan din danen an, “Naan ta sinulat na pulong ta Dyos, kanen an gambal, ‘Ake na balay umawen na balay pangamuyuan.’” Ambal pa Jesus, “Piro, pabuat nyo iya na balay na ‘taguan ta mga manakaw’.”
23937	MAT 21:42	Ambal Jesus, “Igo nyan. Piro, paryo kaw inyo na ula kabasa ta ambal naan ta sinulat na pulong ta Dyos na iling ti, ‘Bato an na ta isip ta mga manug-ubra ta balay dili magamit, yon gid pamag-ang na bato. Yi tanan pagbeet ta Ginuo Dyos daw gatingala ki gid.’”
23954	MAT 22:13	Pasugo ta ari iya na mga suguon, ‘Gapuson nyo iya na lima daw batiis daw ipagwa kanen an daw pilak naan ta sikad delem na lugar na naan dya mga ittaw gangagal ta tudo daw magbaggit ta iran na ngipen.’”
24026	MAT 23:39	Sugiran ta kyo na dili a nyo makita isab asta mabot adlaw na mambal kaw, ‘Dayawen ta kanen an na papadala ta Ginuo Dyos na miling di en.’”
24054	MAT 24:28	Makita gid ta tanan iya an na pag-abot na paryo man ta isya na ambalanen, ‘Daw indi may patay, mlaman gid ta tanan tak naan dya galayog-layog mga uwak.’”
24089	MAT 25:12	Piro, gasabat mama ya na kasalen, ‘Paselleren ta kyo inta daw kala ta kyo, galing dili ta kyo kala.’”
24107	MAT 25:30	Anduni, parti ta suguon i na ula pulos, dleen nyo kanen i daw pilak naan ta sikad delem na lugar na naan dya mga ittaw an mangagal ta tudo daw magbaggit ta iran an na ngipen.’”
24122	MAT 25:45	“Sabat ta Ari ki danen, ‘Matuod na ula a nyo patabangi tak sugiran ta kyo na ula nyo ya nabuat naan ta kebes na mga ittaw na pabilang ko na ake na mga utod, paryo ula nyo nabuat naan ki yaken.’”
24154	MAT 26:31	Na Jesus i daw mga apustulis naan en ta Bukid Olibo, ambal din ki danen, “Anduni na kilem, mabot uras na kyo tanan dilian a nyo tenged ta matabo ki yaken paryo ta ambal na naan ta sinulat na pulong ta Dyos na Dyos gambal, ‘Patayen ko manugbantay an, dason wasaken ko panen na mga karniro.’”
24184	MAT 26:61	daw gambal, “Nyan na ittaw gambal, ‘Masarangan ko gubbaen Balay Ta Dyos daw ipatindeg isab seled ta tallo nang na adlaw.’”
24404	MRK 4:12	aged, ‘maski tan-awen pa danen ta miad ake na mga buat, dili man gyapon kaintindi daw ino beet ambalen, maski matian pa danen ta miad ake na mga itudlo, dili man gyapon kaintindi tak daw kaintindi danen an, magnelsel ta iran na mga sala daw marani ta Dyos daw patawaren din danen an. Piro, dili gid miag danen an na magnelsel.’”
24543	MRK 7:11	Piro, dili iling tan inyo na patudlo tak naan ta mga kaugalian na pabuat nyo, patudlo nyo na mga ittaw dili en kinanglan magtaod ta iran na ginikanan paagi ta pagtabang basta mag-ambal danen an ta iran na ginikanan ta iling ti, ‘Kurban en ake na iatag na tabang inta ki kyo.’” -- Kurban i beet ambalen “Yi natagana en para ialad naan ta Dyos”.
24676	MRK 10:19	Nlaman no mga sugo ta Dyos na, ‘Dili ka magpatay, dili ka mag-intra ta bai, dili ka manakaw, dili ka magtistigo ta dili matuod, dili ka magdaya, daw tauron no imo na amay daw inay.’”
24712	MRK 11:3	Daw may ittaw na mag-insa ki kyo, ‘Man-o tak pakamang nyo asno an?’ sabaten nyo, ‘Kinanglan ta Ginuo asno i daw balik din man.’”
24726	MRK 11:17	Galaygay kanen ta mga ittaw, “Naan ta sinulat na pulong ta Dyos, kanen an gambal, ‘Ake na balay umawen na balay pangamuyuan para ta tanan na mga ittaw.’” Ambal pa Jesus, “Piro, pabuat nyo iya na balay na ‘taguan ta mga manakaw’.”
24773	MRK 12:31	Yi pangarwa na impurtanti na sugo: ‘Gugmaen no duma na mga ittaw paryo man ta paggugma no ta imo na kaugalingen.’” Ambal din man, “Ula en sugo na mas impurtanti kaysa ta darwa na i.”
24850	MRK 14:27	Na Jesus i daw mga apustulis naan en ta Bukid Olibo, ambal din ki danen, “Mabot uras na kyo tanan dilian a nyo paryo ta ambal naan ta sinulat na pulong ta Dyos na Dyos gambal, ‘Patayen ko manugbantay an, dason wasaken ko panen na mga karniro.’”
24881	MRK 14:58	“Namatian nay na kanen an gambal, ‘Gubbaen ko yi na Balay Ta Dyos na buat ta mga ittaw daw seled ta tallo na adlaw magpatindeg a ta isya na Balay Ta Dyos na dili buat ta ittaw.’”
25100	LUK 3:6	Daw iling tan buaten nyo, makita ta tanan paagi an ta pagluwas ta Dyos ta mga ittaw.’”
25136	LUK 4:4	Sabat Jesus, “Naan ta sinulat na pulong ta Dyos may ambal, ‘Dili nang ta tinapay mabui mga ittaw.’”
25140	LUK 4:8	Sabat Jesus, “Naan ta sinulat na pulong ta Dyos may ambal, ‘Magsirbi ka ta Ginuo na imo na Dyos. Kanen nang sirbian no.’”
25143	LUK 4:11	Nasulat man, ‘Saluon ka danen ta iran na mga lima aged dili ka katupa naan ta bato.’”
25144	LUK 4:12	Sabat Jesus, “Naan ta sinulat na pulong ta Dyos may ambal, ‘Dili no piliten Ginuo an na imo na Dyos na pamatuuran din pa iya na pag-amblig ki kaon.’”
25215	LUK 5:39	Mga ittaw na anad en ta pag-inem ta lugay en buat na inemen, dili sabor ki danen bag-o buat na inemen. Ambal danen, ‘Mas sabor gid inemen an na lugay en nabuat.’”
25324	LUK 8:10	Sabat Jesus, “Kyo na mga tinudluan ko patagan ta Dyos ta pribiliyo na maintindian nyo mga ula din pasugira anay pa sa na parti ta iya na pagdumala. Piro, duma na mga ittaw patudluan ko parti ta iya na pagdumala paagi ta mga isturya na paanggid aged, ‘maski tan-awen pa danen ta miad ake na mga buat, dili man gyapon kaintindi daw ino beet ambalen, maski matian pa danen ta miad ake na mga itudlo, dili man gyapon kaintindi.’”
25443	LUK 10:11	‘Yab-ok ta banwa nyo na gadekket ta ame na mga batiis padparen nay bilang pamatuod kuntra ki kyo. Tandaan nyo! Anduni gabot en upurtunidad na makapasakep kaw naan ta papaabot nyo na pagdumala ta Dyos, piro ula nyo pabatuna.’”
25459	LUK 10:27	Sabat din, “Nasulat na ‘Gugmaen no Ginuo an na imo na Dyos na terek gid ta imo na tagipusuon. Ipakita no imo an na gugma paagi ta ugali, mga buat daw isip.’ Nasulat man, ‘Gugmaen no duma na mga ittaw paryo man ta paggugma no ta imo na kaugalingen.’”
25467	LUK 10:35	Sunod na adlaw, Samaritano ya gaatag ta darwa na sinsilyo na pilak naan ta tag-iya ta balay na dayunan daw gambal, ‘Asikasuon no kanen an. Daw magkulang kwarta i ta imo na panggastos para ki kanen, ta ake na pagbalik di bayaran ta kaw nang.’”
25478	LUK 11:4	Patawaren no kami i ta ame na mga sala paryas na napatawad nay man tanan na kasala ki kami. Tabangan kay no na dili kay madala ta mga tintar.’”
25481	LUK 11:7	Piro, dili kanen an gwaan ta arey na pailingan din daw mambal pa iya na arey, ‘Dili a no isturbuon. Natrangkaan en gangaan an. Yaken daw ake na mga kabataan ganegga en. Dili a magbangon para mag-atag ta pagkaan.’”
25523	LUK 11:49	Parti ta iling tan na buat, Dyos an ta iya na alam gambal ta iling ti: ‘Pailingen ko ki danen mga manugsugid ta ake na kabebet-en daw mga sinugo ko. Duma an na mga pailingen ko patayen danen. Duma ya pangabuton ta mga gakuntra ki danen.’”
25596	LUK 13:9	Daw sunod na taon mamunga, miad gid i. Piro, daw dili mamunga, ula ki en may mabuat. Pukanen ta nang en.’”
25620	LUK 13:33	Di' ba mga prupita ya naan papatay ta Jerusalem? Magpadayon aren ta pagpanaw ko na munta ta Jerusalem tak impusibli na patayen prupita an naan ta duma pa na lugar tenged naan nang gid ta Jerusalem patayen.’”
25622	LUK 13:35	Tenged iling tan nabuat nyo, anduni syudad nyo an daw Timplo pabay-an nang en ta Dyos. Sugiran ta kyo na dili a nyo makita isab asta mabot adlaw na mambal kaw, ‘Dayawen ta kanen an na papadala ta Ginuo Dyos na miling di en.’”
25720	LUK 16:31	Ambal Abraham ki kanen, ‘Daw dili danen magpati ta mga paandam naan ta Mga Sinulat Moises daw ta Mga Sinulat Ta Mga Prupita, dili man gyapon danen ya magpati maskin may ittaw na mabannaw na miling ki danen.’”
25730	LUK 17:10	Iling kaw man tan. Daw matuman nyo tanan na sugo ta Dyos ki kyo, dapat ambalen nyo, ‘Mga suguon ki nang. Gatuman ki nang ta ate na katengdanan.’”
25762	LUK 18:5	dapat iatag ko ki kanen pangayo din na ustisya aged dili a matakaan ta iya na pagbalik-balik tak pirmi a din paisturbo.’”
25777	LUK 18:20	Nlaman no mga sugo ta Dyos na, ‘Dili ka mag-intra ta bai, dili ka magpatay, dili ka manakaw, dili ka magtistigo ta dili matuod daw tauron no imo na amay daw inay.’”
25831	LUK 19:31	Daw may ittaw na mag-insa ki kyo, ‘Man-o tak pabadbad nyo nyan?’ sabaten nyo, ‘Kinanglan ta Ginuo asno i.’”
25846	LUK 19:46	Pambalan din danen an, “Naan ta sinulat na pulong ta Dyos, kanen an gambal, ‘Ake na balay, balay pangamuyuan.’” Ambal pa Jesus, “Piro pabuat nyo iya na balay na ‘taguan ta mga manakaw’!”
25865	LUK 20:17	Patan-aw din gid danen an daw gainsa ki danen, “Daw ta isip nyo na dapat na dili matabo iling an tan, ino beet ambalen ta ambal naan ta sinulat na pulong ta Dyos na iling ti: ‘Bato an na ta isip ta mga manug-ubra ta balay dili magamit, yon gid pamag-ang na bato.’”
25970	LUK 22:37	tak sugiran ta kyo na may ambal naan ta sinulat na pulong ta Dyos na kinanglan matuman paagi ta mga matabo ki yaken. Yi nasulat: ‘Kanen pabilang man na kriminal.’” Ambal man Jesus, “Tanan na nasulat parti ki yaken matuman en.”
26136	JHN 1:23	Sabat din alin ta sinulat Isaias. Ambal din, “Yaken ittaw naan ta lugar na ula kabalayan na galaygay na bakod iya na kagi, ‘Tadlengen nyo agian an para ta pag-abot ta Ginuo.’”
26357	JHN 6:31	Anay pa sa, ate na mga kaapuan gatinir naan ta lugar na ula kabalayan. Naan dya gakaan danen an ta pagkaan na alin ta langit. Naan ta sinulat na pulong ta Dyos may ambal, ‘Danen paatagan ta pagkaan na alin ta langit para kan-enen danen.’”
26793	JHN 15:25	Tenged ta iran na pagdemet, natuman ambal naan ta sinulat na pulong ta Dyos, ‘Pademetan a danen bisan na ula a sala.’”
27046	ACT 2:28	Patudlo no ki yaken daw ino paagi na mangabui aged may kabui na ula katapusan daw malipay a tenged kaon ake na maduma.’”
27192	ACT 7:7	Ambal pa ta Dyos ki Abraham, ‘Piro, silutan ko mga ittaw an naan ta nasyon na mag-ulipen ta imo na mga linai daw ta uryan, imo na mga linai malin dya daw malik isab naan ta yi na lugar. Pagbalik danen, magsimba danen eman ki yaken na iran na Dyos.’”
27219	ACT 7:34	Nakita ko gid na padaeg-daeg ake an na mga ittaw naan ta Egipto. Namatian ko iran na pag-agal. Yon na giling a di alin ta langit aged librien ko danen an alin ta pag-ulipen ki danen. Gani, mag-anda ka, Moises! Pabaliken ko kaon yan naan ta Egipto.’”
27222	ACT 7:37	Yon man na Moises an gambal naan ta mga paryo din na linai Israel, ‘Anay pa sa, papadala a ta Dyos naan ki kyo, piro ta mabot pa na adlaw, magpadala kanen an ta isya na prupita naan ki kyo na ate man na utod.’”
27228	ACT 7:43	Inyo na mga paalad para ta mga dyos-dyusan nyo paryo ki danen Moloc na iya na balbalay papadala nyo daw Refan na bituon nyo na dyos na papadala nyo man. Danen mga dyos-dyusan na pabuat nyo na simbaen. Tenged ta pabuat nyo, palinen ko kyo yan daw ipadala naan ta unaan ta lugar na Babilonia.’”
27235	ACT 7:50	Yaken gabuat ta tanan na naan ta langit daw kalibutan.’”
27453	ACT 13:22	Na paalin en kanen ya ta Dyos ta iya na pag-ari, David pasal-i ta Dyos ki kanen. Yi paambal ta Dyos parti ki David: ‘David an na bata Jesse, nadayaran ake na nakem ki kanen tak gatuman kanen an ta tanan ko na mga sugo.’”
27456	ACT 13:25	Na dali nang en matapos Juan tanan ya na pabuat din, gainsa kanen naan ta mga ittaw daw kala danen daw kino kanen an tak salig ta duma ki danen na kanen an papaabot ya danen na Pinili Ta Dyos Na Mag-ari. Piro, ambal Juan, ‘Dili yaken Pinili Ta Dyos Na Mag-ari. May mabot sunod ki yaken. Dili a bagay na magsirbi ki kanen maskin ta pagbadbad nang ta igot ta iya na sandal tak datas gid iya na katengdanan.’”
27478	ACT 13:47	Gasugid kay ki danen tak yi pasugo ta Ginuo Dyos ki kami. Ambal din, ‘Papili ko kyo yan na magsugid parti ki yaken naan ta mga dili-Judio na paryo kaw ta ilaw na gapawa naan ta delem na lugar. Papadala ko kyo yan aged sugiran nyo mga ittaw an naan ta bilog na kalibutan na may paagi na maluwas danen alin ta silot ta iran na mga sala.’”
27729	ACT 20:35	Ta tanan ko na pabuat, papakita ko ki kyo na dapat na magpangabellay kaw man aged makatabang kaw ta mga gakinanglan. Demdemen ta pirmi ambal ya Ginuo Jesus, ‘Mas makaangken ta kalipay alin ta Dyos ittaw an na gaatag kaysa ta gabaton.’”
27807	ACT 23:5	Pablo i gasabat, “Mga utod ko, ula a nalam na kanen pla pinakadatas na pari. Naan ta sinulat na pulong ta Dyos may ambal, ‘Dili kaw mag-ambal ta malain na kuntra ta gadumala ki kyo.’”
27858	ACT 24:21	Piro, ula danen duma na iakusar ki yaken daw dili, na gatindeg a naan ta atubangan danen, pasinggit ko, ‘Pausisa a nyo anduni ta pausayan i tenged gapati a na mga patay an bannawen ta Dyos.’”
27994	ACT 28:27	Yi na mga ittaw, dessen iran na ulo. Gapabengngel nang danen an daw gapabulag-bulag aged paryo na ula danen an kakita, kamati daw kaintindi tak basi daw maintindian danen, magnelsel daw marani ki yaken daw patawaren ko danen an.’”
30084	HEB 4:3	Kiten i na mga gapati, naangken ta pangako na kapuayan na alin ta Dyos. Parti ta alinan ta na mga kaapuan na ula gapati, ambal ta Dyos, “Ta ake na kagilek gambal a, ‘Sigurado gid na dili danen maangken dayad na kaimtangan na may kapuayan na alin ki yaken.’” Iling tan ambal ta Dyos naan ta mga alinan ta na mga kaapuan maskin napriparar din en kapuayan an para ta iya na mga ittaw alin ta adlaw na gapuay kanen an na natapos din en ta pagbuat kalibutan i daw kalangitan.
30152	HEB 7:21	Piro Jesus an a na bag-o na paagi, na kanen an paatagan ta iya na katengdanan bilang pari, napalig-en paagi ta sumpa. Nabetang naan ta sinulat na pulong ta Dyos, “Ginuo Dyos gasumpa daw dili en maisab iya an na ambal, ‘Ula katapusan imo na katengdanan bilang pari.’”
30207	HEB 10:7	Ambal ko pa, ‘Dyos, anen a di para magtuman ta imo na liag paryo ta nasulat parti ki yaken naan ta imo na sinulat na pulong.’”
30216	HEB 10:16	“Ambal ta Ginuo Dyos, ‘Yi kasugtanan ko ki danen naan ta mabot na adlaw: Ake i na mga sugo ibetang ko naan ta iran na isip na magterek gid naan ta iran na tagipusuon.’”