13964	PSA 3:3	Megae umaalog ni y antijo: Taya inayuda para güiya, gui as Yuus. Sila.
13968	PSA 3:7	Ti maañaoyo nu y dies mit na taotao, ni y mapolo sija gui oriyajo contra guajo.
13974	PSA 4:4	Tingoja, na si Jeova japolo apatte y deboto para güiya namaesa: si Jeova jajungog yo, anae juagang güe.
13985	PSA 5:6	Ti manasaga y mangaduco gui menan matamo: ya ti yamo todo y fumatitinas y taelaye.
14056	PSA 10:4	Y taelaye pot y sobetbia y mataña, ilegña: ti jaaliligao si Yuus: Gui todo y jinasoña, jasangan: Taya Yuus.
14058	PSA 10:6	Ilegña gui corasonña: Ti jucalamten: gui todo y generasion sija, ti jufalag y chinatsaga.
14088	PSA 13:2	ASTA ngaean, O Jeova, nae, umalefa jao guajo para taejinecog? asta ngaean nae unnaatog y matamo guiya guajo.
14093	PSA 14:1	YLEGÑA y taetiningo gui corasonña: Taya Yuus: sija manpotlilo, jafatinas y chatliion na chocho: taya ni uno ni y fumatitinas y mauleg.
14095	PSA 14:3	Todos manlache; manjuyong potlilo todo; taya jaye fumatitinas y mauleg, taya ni uno.
14127	PSA 17:12	Taegüije y león ni y gosmalago ni y naña: ya y león diquique ni y gaegue gui saga na umaalog.
14185	PSA 19:4	Taya sinangan, ni finijo; ti siña umajungog y vosñija.
14220	PSA 21:14	Taquilo jao, O Jeova, yan y minetgotmo: incantaye yan inalabaye y ninasiñamo.
14228	PSA 22:8	Todo y lumiiyo manatchatgue pot guajo mamuyuyueyo ya jayeyengyong y ilonñija.
14278	PSA 25:10	Todo y chalan Jeova güinaeya yan minagajet ni y ayo y umadadaje y tratuña yan y testimoniuña.
14294	PSA 26:4	Ti jagasja matachongyo yan y ti manmagajet na taotao; ni jujalom yan y lumilipa.
14338	PSA 30:2	JUNATAQUILO jao, O Jeova; sa jago unnajatsa yo julo: ya ti unnafanmagof y enimigujo guiya guajo.
14431	PSA 35:1	AGUAGUATE, O Jeova, ayo y umaguaguaguateyo; mumo yan ayo y amumumujo.
14440	PSA 35:10	Todo y telangjo y ilegñija: Jeova, jaye parejumo? ni unalibre y mamoble gui mas manmetgot qui güiya: magajet na y mamoble yan y mannesesitao, guinin y jachulelejguan?
14460	PSA 36:2	YINEMBESTE y taelaye, ilegña gui corasonjo, taya minaañao as Yuus gui menan atadogña.
14497	PSA 37:26	Todotdia guaja minaase yan ninaayao: ya y simiyaña para bendision.
14515	PSA 38:4	Taya jinemlo gui catneco pot y binibumo: ya taya pas gui telangjo pot causa y isaojo.
14559	PSA 40:11	Ti junaatog y tininasmo gui jalom corasonjo; y minagajetmo yan satbasionmo jagas jusangan: ti jupune y minaasemo yan y minaulegmo gui dangculon inetnon taotao.
14574	PSA 41:8	Todo y chumatliiyo manañangon entre sija contra guajo; contra guajo nae majaso y tinaelayeco.
14575	PSA 41:9	Ti mauleg na chetnot, ilegñija, sumaga guiya güiya; sa anae umason gui cama ti siña ninacajulo talo.
14582	PSA 42:2	TAEGÜIJE y benabo ni y guija, ni y malago ni y minilalag y janom: taegüijeja locue y antijo sumospípiros pot jago, O Yuus.
14615	PSA 44:18	Todo este manmato guiya jame; lao ti manmalelefajam nu jago, ni ti manmatinasjam mandague ni y tratumo.
14633	PSA 45:9	Todo y magagumo mamaopao ni y mira, yan y chaguan na jajatot, yan y casia; manjuyong gui palasyon matfit, anae guinatbon musica manamagofjao.
14637	PSA 45:13	Ya y jagan Tiro yan y ninae ugaegue güije; asta y manrico gui entalo y taotao unmagaogao ni y fabotmo.
14672	PSA 48:8	Jago yumamag y batcon Tarsis, ni y manglo sancatan.
14687	PSA 49:8	Taya guiya sija siña umapasiye y cheluña, ni unae si Yuus ni y rumescata güe;
14708	PSA 50:8	Ti julalatde jao pot y inefresimo, ya y inefresimo sinenggue, para todo y jaane gui menajo.
14757	PSA 53:2	ILEGÑA y taetiningo gui corasonña: Taya Yuus. Manpotlilo sija, mafatinas y chatliion na tinaelaye; taya ni uno ni fumatitinas mauleg.
14759	PSA 53:4	Todos sija manalo tate; ya manjuyong potlilo sija; taya ni uno ni fumatitinas y mauleg, aje, taya ni uno.
14760	PSA 53:5	Taya tiningoñija ni chumogüe inechong? ni y macano y taotaojo sija, taegüije yan mañochocho pan: ya ti maagang si Yuus.
14765	PSA 54:3	SATBAYO, O Yuus, pot y naanmo, ya unjusgayo pot y minetgotmo.
14791	PSA 55:20	Si Yuus ufaninjingog, ya ufaninepe sija; asta ayo y mañasaga desde y apmam na tiempo. Sila. Ti taotao sija ni siempre jatulaeca, ya ti manmaañao as Yuus.
14798	PSA 56:3	Todot dia y enemigujo manmalago na ujapañotyo; sa megae mamumujo ya mansobetbio.
14801	PSA 56:6	Todot dia mabira y sinanganjo; sa todo y jinasoñija contra guajo para tinaelaye.
14823	PSA 58:2	MAGAJET na jamyo manudo, anae debe de unfanguentos jamyo tininas? manmanjujusga jamyo tunas, O jamyo, ni y lalajin taotao sija?
14890	PSA 63:3	Taegüije juatan jao gui templo para julie y ninasiñamo yan y minlagmo.
14892	PSA 63:5	Taegüine jubendise jao gui linâlâjo; ya jujatsa julo y canaejo ni y naanmo.
14925	PSA 66:1	FATINAS y minagof na inagang gui as Yuus todo y tano.
14928	PSA 66:4	Todo y tano umadodorajao yan macantatayejao: yan macantataye y naanmo. Sila.
14955	PSA 68:3	Taegüije y manajanao y aso, taegüijeja yute sija: taegüije y maderite y danges gui menan guafe, taegüijeja manmalingoñija y manaelaye gui menan Yuus.
14958	PSA 68:6	Tatan y manaetata ya y jues para y manbiuda, si Yuus gui sinantos na sagaña.
15065	PSA 72:10	Y ray sija guiya Tarsis yan isla sija ufanmañuñule ninae: yan y ray sija guiya Sabá yan iya Seba ufanmannae ninae.
15076	PSA 73:1	SENMAGAJET si Yuus na mauleg para Israel, ni ayo sija y mangasgas na corason.
15080	PSA 73:5	Taya chinatsagañija taegüije y otro taotao sija; ni ufanmasapet taegüije y palo na taotao sija.
15095	PSA 73:20	Taegüije güinife an magmata; taegüenaoja, O Señot, yaguin magmatajao, unchatlie y jechurañija.
15112	PSA 74:9	Ti talie y señatta sija: ya taya ni uno profeta mas: ni uguaja sija ni utiningo asta ngaean.
15137	PSA 75:11	Todo y canggelon y manaelaye locue bae juutot: lao y canggelon y manunas umanafangajulo.
15139	PSA 76:2	MATUNGO si Yuus esta guiya Juda: y naanña manadangculo guiya Israel.
15175	PSA 78:4	Ti innafanatog sija guinin y famaguonñija, masangangane y generasion ni y manmamamaela ni y tinina sija gui Señot, yan y minetgotña yan y mannamanman na chechoña ni y jachogüe.
15181	PSA 78:10	Ti jaadaje y traton Yuus, ya ti manmalago na ufanmamocat gui tinagoña.
15278	PSA 81:2	FANGANTA agang gui as Yuus ni y minetgotta: fatinas y magof na boruca gui as Yuus Jacob.
15309	PSA 83:8	Gebal yan Ammon yan Amaleg; Filistia yan y mañasaga guiya Tiro.
15316	PSA 83:15	Taegüije y guafe anae jasonggue y jalomtano, yan taegüije y mañila anae finaliñagüe y sabana.
15317	PSA 83:16	Taegüijija petsigue sija ni y pagyomo, yan nafanmaañao sija ni y dangculon pinagyomo.
15347	PSA 85:14	Tininas jumajanao gui menaña; yan japolo y pinecatña y chalan para ufamocat.
15356	PSA 86:9	Todo y nasion sija ni y finatinasmo, manmato y manmanadora gui menamo, O Jeova; yan ufanalaba y naanmo.
15365	PSA 87:1	YPLINANTAÑA gaegue gui santos na ogso.
15368	PSA 87:4	Guajo bae jusangan ni y Rahab yan Babilonia gui entalo ayo sija ni y tumunogyo: Sa, estagüe, Palestina yan Tiro yan Etiopia: este na taotao mafañagon güije.
15403	PSA 89:13	Y sanlago yan y sanjaya, jago fumatinas sija: Tabor yan Hermon manmagof ni y naanmo.
15456	PSA 90:13	Talo mague, O Jeova: asta ngaean? ya polo ya unfañotsot pot y tentagomo.
15461	PSA 91:1	YA y sumasaga gui umatog na sagayan y Gueftaquilo, güiya usaga gui papa y anineng y Todojajanasiña.
15470	PSA 91:10	Taya taelaye ufato guiya jago, ni jafa na chetnot ujijot gui sagamo.
15557	PSA 98:1	CANTAYE si Jeova ni y nuebo na canta; sa güiya fumatinas y mannamanman na güinaja: sa y agapa na canaeña, yan y santos na canaeña fumatinas y satbasion para güiya.
15575	PSA 100:1	FATINAS y minagof na inagang as Jeova: jamyo tano todos.
15577	PSA 100:3	Tingo na si Jeova, güiya si Yuus: güiyaja y fumatinas jit, yan jita iyoña; jita y taotaoña yan y quinilo sija gui pastajiña.
15626	PSA 103:10	Ti guinin jafatinas guiya jita segun y isaota; ni uapasejit segun y tinaelayeta.
15628	PSA 103:12	Taemanoja chinagoña desde y sancatan, yan asta y sanlichan, taegüijeja chinagoña nae janajanao guiya jita y isaota.
15687	PSA 105:14	Ti japolo ni un taotao na ujafatinas daño guiya sija: magajet na jalalatde y ray sija pot causañija:
15725	PSA 106:7	Y tatanmame ti jatungo y ninamanmanmo guiya Egipto; ti jajaso y manadan y minaasemo; lao manmanembeste gui tase, junggan gui Tasen Agaga.
15727	PSA 106:9	Jalalatde y Tasen Agaga locue yan janaanglo: lao jaesgaejon sija inanaco y todo gui tinadong, taegüije todo inanaco y desierto.
15738	PSA 106:20	Taegüije, jatulaeca y minalagñija para nu jechuran guaca ni y chumochocho chaguan.
15740	PSA 106:22	Mannamanman na checho gui tano Cam, yan mannamaañao na güinaja gui Tasen Agaga.
15747	PSA 106:29	Taegüine sija mannalalalo güe nu y chechoñija: ya derepente mato gui jiloñija sija chetnot.
15805	PSA 107:39	Tumalo sija mandidide yan mannecon papa, pot y chiniguet, chinatsaga, yan triniste.
15821	PSA 108:12	Ti jago, O Yuus, ni y yumute jam? yan jago, O Yuus, ti jumanao yan y inetnon sendalonmame.
15923	PSA 116:7	Talo guato gui descansomo, O antijo; sa si Jeova uchalapon megae guiya jago.
15947	PSA 118:10	Todo y nasion umoriyayeyo: lao pot y naan Jeova juutut sija.
15954	PSA 118:17	Ti jumatae, lao bae julâlâ, yan jusangan claro y checho Jeova sija.
15975	PSA 119:9	BETH Pot jafa y patgon na laje nae unagasgas y jinanaoña? Yanguin jaguesadaje jaftaemano y sinanganmo.
15991	PSA 119:25	DALETH Y antijo mafachet yan y petbos: nalâlâyo jaftaemano y sinanganmo.
16023	PSA 119:57	CHETH Si Jeova y patteco guinin jusangan na juadaje y sinanganmo sija.
16031	PSA 119:65	TETH Mauleg finatinasmo ni y tentagomo, O Jeova, jaftaemano y sinanganmo.
16052	PSA 119:86	Todo y tinagomo sija manunas: ayudayo sa sija mapetsisigueyo ni y dinague.
16059	PSA 119:93	Ti jumalefa ni y finanagüemo sija para taejinecog: sa pot sija na unnalâlâyo.
16068	PSA 119:102	Ti jubirayo gui juisiomo: sa jagasja unfanagüeyo.
16103	PSA 119:137	TZADE Tunasjao, O Jeova, yan tunas y juisiomo sija.
16113	PSA 119:147	Taftafñayo qui y egaan ya umagangyo: junangga guiya jago.
16135	PSA 119:169	TAU Polo ya y inagangjo ufato jijot gui menamo, O Jeova: naeyo tiningojo jaftaemano y sinanganmo.
16150	PSA 121:1	Y Cantan Quinajulo. JUJATSA julo y atadogco gui sabana: guinin mamano mague y umayuyudayo?
16152	PSA 121:3	Ti upolo y adengmo na umanacalamten: ayo y umadadajejao ti umatujog.
16179	PSA 125:1	Y Cantan Quinajulo. TODO ayo y umangogoco sija gui as Jeova ufanaegüije y egso Sion, ni y ti siña manacalamten, ya usaga para taejinecog.
16180	PSA 125:2	Taemanoja y egso sija gui oriyan Jerusalem, taegüijeja si Jeova gui oriyan y taotaoña sija, desde pago para taejinecog.
16191	PSA 127:2	Taebale y uncajulo taftaf, ya undescansa atrasao, ya uncano y pan pinite: sa jananaeja ni y güinaeyaña y mamaego.
16223	PSA 132:4	Ti junamatujog y atadogco; ni junamaego y lasas y atadogco,
16238	PSA 133:1	Y Cantan Quinajulo; iyon David. ESTAGÜE, jafa munamauleg, yan jafa munamagof y mañelo ufañaga mañisija gui unoja.