13946	PSA 1:3	Ya taegüijeja y trongcon jayo ni y matanme gui oriyan sadog, ya guaja tinegchaña gui tiempoña, ya y jagonña ti umalayo; ya todo y finatinasña mumemegae.
13953	PSA 2:4	Ya y sumasaga gui langet uchumachaleg: ya y Señot jamofefea sija.
13958	PSA 2:9	Ya unyulang sija ni y baran lulog; taegüije y bason y yero unyogyog sija.
13959	PSA 2:10	Ya pago, tingo, O ray sija: resibe finanagüe, jamyo man jues gui tano.
13964	PSA 3:3	Megae umaalog ni y antijo: Taya inayuda para güiya, gui as Yuus. Sila.
13966	PSA 3:5	Ya y inagangjo juagang si Jeova, ya güiyaja umopeyo gui santos na ogsoña. Sila.
13969	PSA 3:8	Cajulo, O Jeova; nalibre yo, O Yuusso: sa jago manalamen todo y enimigujo ni y guijadas; y nifen y manaelaye unyamag.
13972	PSA 4:2	ANAE juagangjao, opeyo, O Yuus y tininasso: anae chatsagayo jago munadangculoyo: maase nu guajo ya jungog y tinaetaejo.
13979	PSA 4:9	Ya y pas nae umason yo ya taegüijeja maegoyo: sa jagoja Jeova, unnasagayo seguro.
13982	PSA 5:3	Ecungog y vos y inagangjo, Ray jo, yan Yuusso: sa jago jutaetaetaye.
13984	PSA 5:5	Sa ti jago na Yuus ni y gumaeya y tinaelaye: y taelaye ti usaga guiya jago.
13987	PSA 5:8	Ya guajoja, yan y megagae y minaasemo, bae jalom gui guimamo: ya juadora anae juatan y santo templomo ni y ninamaañaomo.
13990	PSA 5:11	Condena sija, O Yuus, polo y ufamodong pot y pinagatñija: gui minegae y isaoñija nasuja sija sa managuaguat contra jago.
13996	PSA 6:4	Ya y antijo esta senchatsaga: Ya jago, O Jeova, asta ngaean?
13999	PSA 6:7	Yayasyo nu y todo y siningonjo: todo y puenge junamamaya y camajo ni lagojo: junafotgon y catreco nu y lagojo.
14000	PSA 6:8	Y atadogjo esta magasta nu y pinite: ninafanbijo pot todo ayo y munachachatsaga yo.
14005	PSA 7:2	O Jeova, Yuusso, yya jago nae gaegue y inangococo: Satbayo todo gui pumetsisigue yo, ya nalibre yo.
14007	PSA 7:4	O Jeova, Yuusso, yaguin jufatinas este: yaguin guaja gui canaejo taelaye;
14008	PSA 7:5	Yan juapase taelaye y sumaga guiya guajo yan pas, (magajet na junalibre y pumetsisigue yo pot taya causa:)
14013	PSA 7:10	Polo ya ujocog y taelayen manaelaye, lao nafitme y manunas: sa si Yuus, ni tinas, jachachague y corason yan y jinaso gui sanjalom.
14014	PSA 7:11	Y patangjo gaegue gui as Yuus, güiya munalibre y manunas gui corason.
14015	PSA 7:12	Si Yuus y tinas na jues: magajet na si Yuus lalalalo todo na jaane.
14016	PSA 7:13	Yaguin y taotao ti jabira güe, güiya janamalagtos y espadaña: janaregla y atcosña ya janalisto.
14017	PSA 7:14	Ya jafatinas para güiya y atmas y finatae: janafañila y flechaña.
14029	PSA 8:8	Y quinilo yan y nobiyo todo ayo: taegüenaoja y gâgâ ni gaegue gui fangualuan.
14030	PSA 8:9	Y pajaro gui langet, yan y güijan gui tase: ya jafaja ni manmalolofan gui chalan y tase.
14039	PSA 9:8	Ya si Jeova sumaga calang ray para siempre, ya janalisto y tronuña para usentensia.
14040	PSA 9:9	Ya güiya jumusga y tano ni tininas, ujajusga y taotao sija yan y minagajet.
14041	PSA 9:10	Ya si Jeova locue y taquilo na tore para y manmachiguit, y taquilo na tore gui tiempon chinatsaga.
14042	PSA 9:11	Ya jaangoco sija guiya jago y tumungo y naanmo; sa jago, Jeova, ti unyute ayo y umaliligao jao.
14049	PSA 9:18	Ufanmanalo guato y manaelaye gui sasalaguan: yan todo y taotao ni manmalefa as Yuus.
14056	PSA 10:4	Y taelaye pot y sobetbia y mataña, ilegña: ti jaaliligao si Yuus: Gui todo y jinasoña, jasangan: Taya Yuus.
14057	PSA 10:5	Y chalanña chatsaga todo y tiempo; y juisiomo goschago gui linieña: ya todo y enimiguña, güiya jaguaefe sija.
14059	PSA 10:7	Y matdision bula y pachotña yan dinague yan chiniguit: y papa y jilaña inacacha yan tinaelaye.
14063	PSA 10:11	Ylegña gui corasonña: Si Yuus esta malefa: janaatog y mataña; taya nae jalie.
14064	PSA 10:12	Cajulo, O Jeova; O Yuus, jatsa y canaemo: chamo malelefa ni y mamoble.
14065	PSA 10:13	Pot jafa jadespresia y taelaye si Yuus; ya ilegña gui corasonño: Jago ti ugagao.
14067	PSA 10:15	Yulang y canae y manaelaye: ya ayo y taelaye, aliligao jao y tinailayeña asta qui ti unsoda.
14069	PSA 10:17	Y minalago y manumitde jago jumungog, O Jeova: jago dumespopone y corasonñija, ungueguesecungog ni y talangamo:
14073	PSA 11:3	Yaguin y plinanta sija esta mayulang: jafa siña y manunas ujafatinas.
14079	PSA 12:2	AYUDA, O Jeova, sa jocog mandeboto: sa jocog y manmauleg gui entalo y famaguon taotao.
14090	PSA 13:4	Jaso ya jungogyo, O Jeova, Yuusso: ina y atadogjo sija para mungayo maego gui maego finatae.
14093	PSA 14:1	YLEGÑA y taetiningo gui corasonña: Taya Yuus: sija manpotlilo, jafatinas y chatliion na chocho: taya ni uno ni y fumatitinas y mauleg.
14094	PSA 14:2	Si Jeova jaaatan desde y langet y jilo y famaguon taotao, para ulie cao guaja uno malate, yan jaaliligao si Yuus.
14097	PSA 14:5	Ayo nae manlaolao ni minaañao: sa si Yuus gaegue gui rasan y manunas.
14098	PSA 14:6	Ya y pinagat y pebble innamamajlao, sa si Jeova guinegüeña.
14101	PSA 15:2	Y jumanao gui minauleg, ya y fumatitinas y tininas, yan y cumuecuentos magajet gui jalom corasonña.
14102	PSA 15:3	Y ti fafajiyunge ni jilaña, ni ti jafatitinas taelaye gui amiguña, ni usigue sumangan y minamajlao contra y tiguangña.
14104	PSA 15:5	Y salapeña ti mannanae para ufangana, ni uchule y apas contra y taeisao: ya y fumatinas estesija ti siña cumalamten.
14105	PSA 16:1	ADAJE yo, O Yuus: sa iya jago nae gaegue y inangococo.
14106	PSA 16:2	Ylegmo, O antijo, as Jeova: jago Señotto: taya minaulegco yaguin taegüe guiya jago.
14107	PSA 16:3	Ya y mañantos ni mangaegue gui tano, sija manmagas ya todo y minalagojo gaegue guiya sija.
14108	PSA 16:4	Mumegae y piniteñija ni tumolaeca si Jeova pot otro Yuus: ti juofrese ni y inefreseñija na jâgâ, ni juchule y naanñija gui labiosso.
14110	PSA 16:6	Ya, y fottunajo upodong gui lugat na magof: magajet na bonito na ineredajo.
14120	PSA 17:5	Y pinecatto guiniut gui chalanmo, ya y adengjo ti susulong.
14121	PSA 17:6	Jagasja juagang jao, sa jago unope yo, O Yuus: naegueng guiya guajo y talangamo, ya jungog y sinanganjo.
14124	PSA 17:9	Y menan y manaelaye ni y jumojoño yo: y gostaelaye y enimigujo ni majijujute yo.
14126	PSA 17:11	Y pinecatmame nae maoriyayejam pago: japolo y atadogñija para ujayutejam gui tano.
14132	PSA 18:2	JUGUAEYAJAO, O Jeova, y minetgotto.
14133	PSA 18:3	Si Jeova y achojo, y castiyujo, yan y nanalibrijo: Yuusso, metgot y achojo, juangoco yo guiya güiya; patangjo yan y cánggilon y satbasionjo, y leca na torijo.
14136	PSA 18:6	Y piniten naftan gaegue gui oriyajo, y lason finatae mato guiya guajo.
14137	PSA 18:7	Y chinatsagaco nae juagang si Jeova, ya juagang y Yuusso: güiya jajungog gui temploña y vosso, ya y inagangjo gui menaña, jumalom y talangaña.
14140	PSA 18:10	Y janamangag y langet ya tumunog: ya teog na jinemjom gaegue gui sampapa y adengña.
14141	PSA 18:11	Ya maudae güe gui jilo un querubin, ya gumupo güe; magajet na gumupo güe gui jilo y papan y manglo.
14145	PSA 18:15	Ya jatago y flechaña ya manchinalapon: ya magajet, megae na lamlam ya manyinilang.
14150	PSA 18:20	Ya jachuleyo locue gui anae ancho na lugat: janalibreyo sa ninamagof ni guajo.
14152	PSA 18:22	Sa juadaje y chalan Jeova: ya ti taelaye yo na juapattayo gui as Yuusso.
14154	PSA 18:24	Ya guajo cabales guiya güiya: ya juadaje yo guinin y tinaelayeco.
14156	PSA 18:26	Ya y gaemaase unfanue na gaemaasejao: ya y taotao ni y cabales, unfanue na cabales jao.
14157	PSA 18:27	Ya y gasgas unfanue na gasgasjao: ya y camten unfanue na camtenjao.
14159	PSA 18:29	Sa jago munamalag y candetto: si Jeova, Yuusso, namanana y jemjom guiya guajo.
14160	PSA 18:30	Sa pot jago na jufalagüe y inetnon sendalo: ya pot y Yuusso jugope y quelat.
14161	PSA 18:31	Ya si Yuus, cabales y chalanña: y fino Jeova esta machague: patang güe para todo y numanangga güe.
14162	PSA 18:32	Jaye si Yuus yaguin ti si Jeova güe? ya jaye y acho, jaguin ti si Yuusta?
14163	PSA 18:33	Si Yuus jagogode yo ni y minetgot: ya jafatitinas cabales y chalanjo?
14166	PSA 18:36	Ya unnaeyo locue ni y patang gui satbasionmo: ya y agapa na canaemo mumantietieneyo; ya y minansomo munamegaeyo.
14175	PSA 18:45	Ya anae jajungog guiya guajo ujaosgueyo: ya y taotao juyong ujaosgueyo ni y dinague.
14176	PSA 18:46	Ya taotao juyong manlinachae ya manmamamaela ya manlalaolao guinin manmapongle.
14177	PSA 18:47	Lâlâ si Jeova; ya ubendito y achojo: ya umanataquilo na Yuus y satbasionjo.
14178	PSA 18:48	Si Yuus ni y numae yo y inemog, ya jasujeta y taotao gui papajo.
14183	PSA 19:2	Y langet munaclaro y minalag Yuus; ya y fineda mamanue y checho canaeña.
14184	PSA 19:3	Y un jaane yan y otro jaane masangang y finijo, ya y un puenge ya y otro puenge mamanue tiningo.
14186	PSA 19:5	Ya gui todo y tano jumanao y rayaña, ya asta uttimon y tano y finoña: ya japolo tabernaculo para atdao guiya sija.
14187	PSA 19:6	Ya güiya taegüije y nobio ni jumujuyong guinin y cuattoña, ya jamagof taegüije y matatnga na taotao, para ufalago gui finalago.
14188	PSA 19:7	Y jinanaoña guinin un punta gui langet, ya y linilicoña asta y uttimoña: ya taya jaye uatog ni y minaepeña.
14189	PSA 19:8	Y lay Jeova cabales, jafamauleg y ante; y testimonion Jeova seguro, janafanmalalate y manaeisao.
14190	PSA 19:9	Y finañagüe Jeova tunas, janafanmamagof y corason: y tinago Jeova claro, janafanmalag y atadogsija.
14191	PSA 19:10	Y minaañao as Jeova gasgas, sumaga para taejinecog; y sentensian Jeova magajet, ya todo tunas.
14193	PSA 19:12	Y tentagomo locue mapagat yan sija: ya yaguin jaadaje sija y uguaja dangculo na apas.
14194	PSA 19:13	Ya y linachiña jaye utiningo? ya y linache na ti jutungo, nalibreyo.
14198	PSA 20:2	SI Jeova uninepejao y jaanen chinatsaga: y naan y Yuus Jacob ninacajulojao.
14202	PSA 20:6	Utafangana gui satbasionmo, ya y naan y Yuusmame injatsa julo y banderanmame: ucumple si Jeova todo y guinagaomo.