13950	PSA 2:1	SA jafa na manlalalo y nasion sija, ya y taotao sija manmanjaso y banida?
13954	PSA 2:5	Ayo nae cumuentos yan sija yan y linalaloña: ya y binibuña ninafañatsaga sija.
13956	PSA 2:7	Guajo bae jusangan y tinagojo: si Jeova ilegña nu guajo: Lajijo jao; ya guajo julilis jao pago na jaane.
13958	PSA 2:9	Ya unyulang sija ni y baran lulog; taegüije y bason y yero unyogyog sija.
13959	PSA 2:10	Ya pago, tingo, O ray sija: resibe finanagüe, jamyo man jues gui tano.
13960	PSA 2:11	Setbe si Jeova ni y minaañao, yan fanmagof ni minayengyong.
13969	PSA 3:8	Cajulo, O Jeova; nalibre yo, O Yuusso: sa jago manalamen todo y enimigujo ni y guijadas; y nifen y manaelaye unyamag.
13970	PSA 3:9	Gui as Jeova nae gaegue y satbasion: ya y taotaomo nae gaegue y bendisonmo. Sila.
13973	PSA 4:3	Jamyo, famaguon taotao, asta ñgaean nae innanalo y onraco gui minamajlao? Asta ñgaean yanmiyo y banida ya inaliligao y dinague? Sila.
13974	PSA 4:4	Tingoja, na si Jeova japolo apatte y deboto para güiya namaesa: si Jeova jajungog yo, anae juagang güe.
13978	PSA 4:8	Jago numae minagof y corasonjo, megaeña qui uguaja sija anae umemegae y maeisñija yan y binoñija.
13983	PSA 5:4	O Jeova, y egaan unjungog y vosso; y egaan juguaguato y tinaetaejo guiya jago, ya jubébela.
13987	PSA 5:8	Ya guajoja, yan y megagae y minaasemo, bae jalom gui guimamo: ya juadora anae juatan y santo templomo ni y ninamaañaomo.
13989	PSA 5:10	Sa taya finitme gui pachotñija; ya sanjalomñija senmanaelaye: naftan mababa y agagañija; yan y jilañija finande:
13992	PSA 5:13	Sa jago bumendise y manunas; O Jeova, parejoja yan un patang unpolo gui oriyaña y finaborese.
13994	PSA 6:2	JEOVA chamoyo lumalalatde ni y binibumo: chamoyo cumastitiga nu y dangculo na linalalomo.
13997	PSA 6:5	Nanalo, O Jeova, nalibre y antijo: satbayo pot causa y minaasemo.
14000	PSA 6:8	Y atadogjo esta magasta nu y pinite: ninafanbijo pot todo ayo y munachachatsaga yo.
14002	PSA 6:10	Si Jeova jajungog y guinagaojo: si Jeova uresibe y tinaetaejo.
14005	PSA 7:2	O Jeova, Yuusso, yya jago nae gaegue y inangococo: Satbayo todo gui pumetsisigue yo, ya nalibre yo.
14006	PSA 7:3	Para chaña pumedasitos y antijo taegüije y leon, ni jayulang, anae taya jaye uninalibre.
14008	PSA 7:5	Yan juapase taelaye y sumaga guiya guajo yan pas, (magajet na junalibre y pumetsisigue yo pot taya causa:)
14010	PSA 7:7	Cajulo, O Jeova, yan y linalalomo; jatsa namaesa contra y binibon y munachachatsagayo: ya magmata pot guajo untago y sentensia.
14014	PSA 7:11	Y patangjo gaegue gui as Yuus, güiya munalibre y manunas gui corason.
14016	PSA 7:13	Yaguin y taotao ti jabira güe, güiya janamalagtos y espadaña: janaregla y atcosña ya janalisto.
14020	PSA 7:17	Polo ya y inacachaña ubira güi jilo y iluña: ya y binibuña upodong gui jilo cácagongña.
14026	PSA 8:5	Jaye y taotao, para uguaja guiya güiya jinaso? yan lajin taotao para ubinesita güe.
14029	PSA 8:8	Y quinilo yan y nobiyo todo ayo: taegüenaoja y gâgâ ni gaegue gui fangualuan.
14033	PSA 9:2	BAE junae grasias si Jeova contodo y corasonjo: bae jufanue todo ni ninamanman na chechomo.
14035	PSA 9:4	Anae y enimiguja unnabira sija tate: manbasnag, ya manmalingo gui menamo.
14044	PSA 9:13	Sa anae jacocobla y jâgâ jajaso sija: ya ti malefa ni inagang y mamoble.
14046	PSA 9:15	Para jufamanue todo ni y tininamo gui trangcan y jagan Sion: ya umagof yo gui satbasionmo.
14050	PSA 9:19	Sa ti para siempre umamalefanñaejon y nesesitao: ni y ninanggan y mamoble ufanmalingo para siempre.
14054	PSA 10:2	Sa pot sobetbia y taelaye na japetsisigue y pebble; ufanmachule gui finababa y manmajajaso.
14056	PSA 10:4	Y taelaye pot y sobetbia y mataña, ilegña: ti jaaliligao si Yuus: Gui todo y jinasoña, jasangan: Taya Yuus.
14059	PSA 10:7	Y matdision bula y pachotña yan dinague yan chiniguit: y papa y jilaña inacacha yan tinaelaye.
14060	PSA 10:8	Gaegue matatachong y lugat ti matungo gui sengsong: ya y umatog na lugat japupuno y taeisao: y atadogña manaatanja contra y pebble.
14061	PSA 10:9	Jananangga gui lugat ti matungo, taegüije y leon gui liyangña: jananangga para ucone y pebble: jacone y pebble anae jayotte ni y lasoña.
14064	PSA 10:12	Cajulo, O Jeova; O Yuus, jatsa y canaemo: chamo malelefa ni y mamoble.
14066	PSA 10:14	Jago lumie: sa jago umatan y inacacha yan y minattrata, para uchule gui canaemo: yya jago nae mandaña y mamoble: y manaesaena, jago umayuyuda.
14070	PSA 10:18	Para unjusga y manaesaena yan y mamoble: para chamo tumatalo munamaañao y taotao gui tano.
14074	PSA 11:4	Si Jeova gaegue gui santos na temploña; si Jeova, y tronuña gaegue gui langet; y atadogña manlilie yan y babaliña jachachague y famaguon y taotao.
14076	PSA 11:6	Uuchan y casiyas gui jilo y manaelaye: guafe yan asufre ya y manglo na mañila y patteña gui basuña.
14079	PSA 12:2	AYUDA, O Jeova, sa jocog mandeboto: sa jocog y manmauleg gui entalo y famaguon taotao.
14080	PSA 12:3	Masasangang taebale cada uno gui tiguangña: yan labios na jaande, yan doble na corason jasasangan.
14081	PSA 12:4	Si Jeova uutut todo y labios na jaande, yan y jila ni cumuecuentos mandangculo:
14082	PSA 12:5	Ayo na ujaalog: Pot y jilata na utagana; y labiosta iyota: jaye siña señot gui jilota?
14083	PSA 12:6	Sa y chiniguit y mamoble y an y inigong y mannesesitao: pago bae cajulo, ilegña si Jeova: guajo jupolo güi na seguro, ni y jaguaefeye.
14084	PSA 12:7	Sa y finijo Jeova, gasgas na finijo: calang salape na managasgas gui jotno gui jilo y tano: managasgas siete biaje.
14092	PSA 13:6	Lao guajo, y minaasemo nae juangocoyo: ya umagof y corasonjo gui satbasionmo. Bae cantaye si Jeova: sa jafatinas y mauleg guiya guajo.
14098	PSA 14:6	Ya y pinagat y pebble innamamajlao, sa si Jeova guinegüeña.
14099	PSA 14:7	Malago, y satbasion Israel mato guinin Sion! Anae jatalo si Jeova quinautiba y taotaoña, ayo nae magof si Jacob yan magof Israel.
14100	PSA 15:1	JEOVA, jaye usaga gue tabernaculumo? jaye usaga gui santos na ogsomo.
14108	PSA 16:4	Mumegae y piniteñija ni tumolaeca si Jeova pot otro Yuus: ti juofrese ni y inefreseñija na jâgâ, ni juchule y naanñija gui labiosso.
14109	PSA 16:5	Si Jeova y patten ni y ineredajo, yan y basujo: jago mumantietiene y fottunajo.
14110	PSA 16:6	Ya, y fottunajo upodong gui lugat na magof: magajet na bonito na ineredajo.
14111	PSA 16:7	Jubendise si Jeova, ni y japagat yo: ya an puenge nae jafananagüe yo y jinasoco gui san jalomjo.
14115	PSA 16:11	Unnatungoyo ni y chalan y linâlâ: binilan minagof y gaegue gui menamo: ya y agapa na canaemo guaja minagof para siempre.
14116	PSA 17:1	JUNGOG, O Jeova, y taotao tunas: atituye y casaojo; guefecungog y tinaetaejo, na ti jumajanao gui labios dinagüe.
14118	PSA 17:3	Jago guinin chumague y corasonjo; guinin unbisitayo gui puenge; guinin unchagueyo ya taya sinedamo: y jinasoco na ti manisagüe y pachotto.
14119	PSA 17:4	Para y finatinas y taotao, pot y finijo ni guinin y labiosmo, jumantiene yo gui san juyong y chalan ni y manyuyulang.
14122	PSA 17:7	Fanue ni y minaasemo ni namanman, jago na unnalibre y umangoco sija guiya jago, guinin y ayosija ni mangajulo contra y agapa na canaemo.
14125	PSA 17:10	Manmaafuyot ni y linedoñija: ya y pachotñija cumuecuentos sobetbio.
14128	PSA 17:13	Cajulo, O Jeova, polo jao gui menaña, yute papa: libre y antijo gui manaelaye nu y espadamo.
14129	PSA 17:14	Gui taotao sija nu y canaemo, O Jeova, gui taotao ni y iyon tano, ayo na güinajaña gaegue gui estisija na jaane: ayo y tiyanña unabula nu y tesorumo: sija manjaspog y famaguon, ya polo y sebla y güinaja gui mandiquique na patgonñija.
14133	PSA 18:3	Si Jeova y achojo, y castiyujo, yan y nanalibrijo: Yuusso, metgot y achojo, juangoco yo guiya güiya; patangjo yan y cánggilon y satbasionjo, y leca na torijo.
14134	PSA 18:4	Bae juagang si Jeova, ni combiene na mannae todo ni y alabansa: taegüije bae julibre gui enimigujo.
14141	PSA 18:11	Ya maudae güe gui jilo un querubin, ya gumupo güe; magajet na gumupo güe gui jilo y papan y manglo.
14142	PSA 18:12	Japolo jinemjom para fanatuganña; para y tabernaculuña gui oriyaña; jinemjom y janom, teog na mapagajes guinin y langet.
14146	PSA 18:16	Ayonae esta malie y tinadong y janom, ya janamababa y simiento y tano sija pot y linalatdemo, O Jeova, pot y güinaefen y jinagong gui güiingmo.
14148	PSA 18:18	Janalibrego gui manmetgot na enimigujo, yan y chumatliéyo, sa sija mas manmetgot qui guajo.
14150	PSA 18:20	Ya jachuleyo locue gui anae ancho na lugat: janalibreyo sa ninamagof ni guajo.
14154	PSA 18:24	Ya guajo cabales guiya güiya: ya juadaje yo guinin y tinaelayeco.
14156	PSA 18:26	Ya y gaemaase unfanue na gaemaasejao: ya y taotao ni y cabales, unfanue na cabales jao.
14158	PSA 18:28	Sa jago munalibre y mangaepinite na taotao; ya y sobetbio na atadog jago munatunog.
14161	PSA 18:31	Ya si Yuus, cabales y chalanña: y fino Jeova esta machague: patang güe para todo y numanangga güe.
14163	PSA 18:33	Si Yuus jagogode yo ni y minetgot: ya jafatitinas cabales y chalanjo?
14164	PSA 18:34	Jafatitinas y adengjo taegüije y adeng y benado: ya janasagayo gui taquilo na sagajo sija.
14165	PSA 18:35	Jafanagüe y canaejo para y guera: ya enaomina y canaejo judobla y atcas bronse.