13945	PSA 1:2	Lao guiya lay Jeova, ayo y minagofña, ya y layña jajaso, jaane yan puenge.
13949	PSA 1:6	Sa si Jeova jatungo y chalan manunas: lao y chalan manaelaye ufanmalingo.
13951	PSA 2:2	Manotojgue y ray sija gui tano, ya y prinsipe sija manafaesen entalo sija contra si Jeova, yan contra y pinalaeña, ilegñija:
13956	PSA 2:7	Guajo bae jusangan y tinagojo: si Jeova ilegña nu guajo: Lajijo jao; ya guajo julilis jao pago na jaane.
13960	PSA 2:11	Setbe si Jeova ni y minaañao, yan fanmagof ni minayengyong.
13965	PSA 3:4	Lao jago, O Jeova, jago y patang gui oriyajo; y minalagjo yan ayo ni y janacajulo y ilujo.
13966	PSA 3:5	Ya y inagangjo juagang si Jeova, ya güiyaja umopeyo gui santos na ogsoña. Sila.
13967	PSA 3:6	Bae juason ya maegoyo; ya magmatayo; sa si Jeova gumuguutyo.
13969	PSA 3:8	Cajulo, O Jeova; nalibre yo, O Yuusso: sa jago manalamen todo y enimigujo ni y guijadas; y nifen y manaelaye unyamag.
13970	PSA 3:9	Gui as Jeova nae gaegue y satbasion: ya y taotaomo nae gaegue y bendisonmo. Sila.
13974	PSA 4:4	Tingoja, na si Jeova japolo apatte y deboto para güiya namaesa: si Jeova jajungog yo, anae juagang güe.
13976	PSA 4:6	Nae y tunas na inefresen ya angoco si Jeova.
13977	PSA 4:7	Megae umaalog: Jaye ufanuejit jafa minauleg? Jatsa gui jilonmame, O Jeova, y minalag y matamo.
13979	PSA 4:9	Ya y pas nae umason yo ya taegüijeja maegoyo: sa jagoja Jeova, unnasagayo seguro.
13981	PSA 5:2	JUNGOG, O Jeova, y sinanganjo, ecungog y jinasoco.
13982	PSA 5:3	Ecungog y vos y inagangjo, Ray jo, yan Yuusso: sa jago jutaetaetaye.
13983	PSA 5:4	O Jeova, y egaan unjungog y vosso; y egaan juguaguato y tinaetaejo guiya jago, ya jubébela.
13986	PSA 5:7	Jago yumulang y manguecuentos mandague: ya y taotao cajâgâ yan y dinague, si Jeova jaguefchatlie.
13988	PSA 5:9	O Jeova, esgaejonyo gui tininasmo, pot causa ya enimigujo; natunas gui menajo y chalanmo.
13992	PSA 5:13	Sa jago bumendise y manunas; O Jeova, parejoja yan un patang unpolo gui oriyaña y finaborese.
13995	PSA 6:3	Gaease nu guajo, O Jeova, sa estagüe yo namasogsog: amte yo, O Jeova, sa y tolangjo esta mananatchatsaga.
13996	PSA 6:4	Ya y antijo esta senchatsaga: Ya jago, O Jeova, asta ngaean?
13997	PSA 6:5	Nanalo, O Jeova, nalibre y antijo: satbayo pot causa y minaasemo.
14001	PSA 6:9	Nafanjanao guiya guajo todo ayo y fumatitinas y taelaye: sa si Jeova jajungog y vos y casaojo.
14002	PSA 6:10	Si Jeova jajungog y guinagaojo: si Jeova uresibe y tinaetaejo.
14005	PSA 7:2	O Jeova, Yuusso, yya jago nae gaegue y inangococo: Satbayo todo gui pumetsisigue yo, ya nalibre yo.
14007	PSA 7:4	O Jeova, Yuusso, yaguin jufatinas este: yaguin guaja gui canaejo taelaye;
14010	PSA 7:7	Cajulo, O Jeova, yan y linalalomo; jatsa namaesa contra y binibon y munachachatsagayo: ya magmata pot guajo untago y sentensia.
14012	PSA 7:9	Si Jeova jajusga y taotao: jusgayo, O Jeova, taemanoja y tininasso: taemanoja y minaulegmo ni y gaegue guiya guajo.
14021	PSA 7:18	Bae junae si Jeova gracias taemanoja y tininasña: ya jucantaye ni y tinina y naan Jeova Gueftaquilo.
14023	PSA 8:2	O Jeova, Señotmame, jafa muna mauleg y naanmo gui todo y tano: ni y unpolo y minalagmo gui jilo y langet.
14031	PSA 8:10	O Jeova, Señotmame: jafa muna mauleg y naanmo gui todo y tano.
14033	PSA 9:2	BAE junae grasias si Jeova contodo y corasonjo: bae jufanue todo ni ninamanman na chechomo.
14039	PSA 9:8	Ya si Jeova sumaga calang ray para siempre, ya janalisto y tronuña para usentensia.
14041	PSA 9:10	Ya si Jeova locue y taquilo na tore para y manmachiguit, y taquilo na tore gui tiempon chinatsaga.
14042	PSA 9:11	Ya jaangoco sija guiya jago y tumungo y naanmo; sa jago, Jeova, ti unyute ayo y umaliligao jao.
14043	PSA 9:12	Cantaye si Jeova ni y tinina ni sumasaga gui Sion: namatungo gui entalo taotao sija y checoña.
14045	PSA 9:14	Gaease nu guajo, O Jeova; atan y pinitejo ni jususungonja y chumatlie yo, jago y munacajulo yo gui pettan finatae:
14048	PSA 9:17	Si Jeova janamatungo güe ni y sentensia ni jafatinas; ya jalaso y taelaye ni y checho y canaena: Jinaso. Sila.
14051	PSA 9:20	Cajulo, O Jeova: chamo munamametgot y taotao: ya ufanmajusga y nasion gui menamo.
14052	PSA 9:21	Polo, O Jeova, y minaañao guiya sija: polo ya utungo y nasion na sija taotaoja.
14053	PSA 10:1	JAFA na tumojgue jao na chago, O Jeova? jafa na umatogjao gui tiempon chinatsaga.
14055	PSA 10:3	Sa enao mina jatunanmaesagüe y taelaye, ni y minalago y antiña: ya y manlagga jarechasa; junggan, jadespresia si Jeova.
14064	PSA 10:12	Cajulo, O Jeova; O Yuus, jatsa y canaemo: chamo malelefa ni y mamoble.
14068	PSA 10:16	Si Jeova Ray na para taejinecog yan taejinecog: ya y nasion esta manmalachae gui tanoña.
14069	PSA 10:17	Y minalago y manumitde jago jumungog, O Jeova: jago dumespopone y corasonñija, ungueguesecungog ni y talangamo:
14071	PSA 11:1	AS Jeova nae juangocoyo: jafa na ilegmo ni antijo: Gupo gui egsomo calang pajaro?
14074	PSA 11:4	Si Jeova gaegue gui santos na temploña; si Jeova, y tronuña gaegue gui langet; y atadogña manlilie yan y babaliña jachachague y famaguon y taotao.
14075	PSA 11:5	Si Jeova jachachague y manunas: lao y manaelaye, ya y gumaeya mandague, y antiña chumatlie.
14077	PSA 11:7	Sa y tinas Jeova; yaña y tinas: ya jaatan y manunas y mataña.
14079	PSA 12:2	AYUDA, O Jeova, sa jocog mandeboto: sa jocog y manmauleg gui entalo y famaguon taotao.
14081	PSA 12:4	Si Jeova uutut todo y labios na jaande, yan y jila ni cumuecuentos mandangculo:
14083	PSA 12:6	Sa y chiniguit y mamoble y an y inigong y mannesesitao: pago bae cajulo, ilegña si Jeova: guajo jupolo güi na seguro, ni y jaguaefeye.
14084	PSA 12:7	Sa y finijo Jeova, gasgas na finijo: calang salape na managasgas gui jotno gui jilo y tano: managasgas siete biaje.
14085	PSA 12:8	Jago, O Jeova, ni umadadaje sija, jago umantiene para taejinecog, guine este na generasion.
14088	PSA 13:2	ASTA ngaean, O Jeova, nae, umalefa jao guajo para taejinecog? asta ngaean nae unnaatog y matamo guiya guajo.
14090	PSA 13:4	Jaso ya jungogyo, O Jeova, Yuusso: ina y atadogjo sija para mungayo maego gui maego finatae.
14092	PSA 13:6	Lao guajo, y minaasemo nae juangocoyo: ya umagof y corasonjo gui satbasionmo. Bae cantaye si Jeova: sa jafatinas y mauleg guiya guajo.
14094	PSA 14:2	Si Jeova jaaatan desde y langet y jilo y famaguon taotao, para ulie cao guaja uno malate, yan jaaliligao si Yuus.
14096	PSA 14:4	Ada ti jatungo todo y fumatitinas y taelaye? ni y jacacano y taotaojo, taegüije y chumochocho pan? ya si Jeova ti jaaagang.
14098	PSA 14:6	Ya y pinagat y pebble innamamajlao, sa si Jeova guinegüeña.
14099	PSA 14:7	Malago, y satbasion Israel mato guinin Sion! Anae jatalo si Jeova quinautiba y taotaoña, ayo nae magof si Jacob yan magof Israel.
14103	PSA 15:4	Gui atadogña ninadespresiao ni y taotao áplacha, lao y maañao as Jeova jaonra: y manjula para dañoña namaesa ya ti jatolaeca.
14106	PSA 16:2	Ylegmo, O antijo, as Jeova: jago Señotto: taya minaulegco yaguin taegüe guiya jago.
14108	PSA 16:4	Mumegae y piniteñija ni tumolaeca si Jeova pot otro Yuus: ti juofrese ni y inefreseñija na jâgâ, ni juchule y naanñija gui labiosso.
14109	PSA 16:5	Si Jeova y patten ni y ineredajo, yan y basujo: jago mumantietiene y fottunajo.
14111	PSA 16:7	Jubendise si Jeova, ni y japagat yo: ya an puenge nae jafananagüe yo y jinasoco gui san jalomjo.
14112	PSA 16:8	Si Jeova jupolo gui menajo para siempre: sa yaguin gaegue güe gui agapajo, ti siña yo manacalamten.
14116	PSA 17:1	JUNGOG, O Jeova, y taotao tunas: atituye y casaojo; guefecungog y tinaetaejo, na ti jumajanao gui labios dinagüe.
14128	PSA 17:13	Cajulo, O Jeova, polo jao gui menaña, yute papa: libre y antijo gui manaelaye nu y espadamo.
14129	PSA 17:14	Gui taotao sija nu y canaemo, O Jeova, gui taotao ni y iyon tano, ayo na güinajaña gaegue gui estisija na jaane: ayo y tiyanña unabula nu y tesorumo: sija manjaspog y famaguon, ya polo y sebla y güinaja gui mandiquique na patgonñija.
14132	PSA 18:2	JUGUAEYAJAO, O Jeova, y minetgotto.
14133	PSA 18:3	Si Jeova y achojo, y castiyujo, yan y nanalibrijo: Yuusso, metgot y achojo, juangoco yo guiya güiya; patangjo yan y cánggilon y satbasionjo, y leca na torijo.
14134	PSA 18:4	Bae juagang si Jeova, ni combiene na mannae todo ni y alabansa: taegüije bae julibre gui enimigujo.
14137	PSA 18:7	Y chinatsagaco nae juagang si Jeova, ya juagang y Yuusso: güiya jajungog gui temploña y vosso, ya y inagangjo gui menaña, jumalom y talangaña.
14144	PSA 18:14	Jajulo locue si Jeova gui langet, ya y Gueftaquilo jasangan ni y inagangña: graniso yan pinigan guafe.
14146	PSA 18:16	Ayonae esta malie y tinadong y janom, ya janamababa y simiento y tano sija pot y linalatdemo, O Jeova, pot y güinaefen y jinagong gui güiingmo.
14149	PSA 18:19	Sija manmato guiya guajo gui un jaanen y chinatsagaco: lao si Jeova, güiya y fanapojo.
14151	PSA 18:21	Si Jeova jaapaseyo taemanoja y y tininasso: taemanoja y guinasgas y canaejo unaeyo.
14152	PSA 18:22	Sa juadaje y chalan Jeova: ya ti taelaye yo na juapattayo gui as Yuusso.
14155	PSA 18:25	Pot este jaapaseyo si Jeova taemanoja y tininasso: taemanoja y guinasgas y canaejo gui menan atadogña.
14159	PSA 18:29	Sa jago munamalag y candetto: si Jeova, Yuusso, namanana y jemjom guiya guajo.
14161	PSA 18:31	Ya si Yuus, cabales y chalanña: y fino Jeova esta machague: patang güe para todo y numanangga güe.
14162	PSA 18:32	Jaye si Yuus yaguin ti si Jeova güe? ya jaye y acho, jaguin ti si Yuusta?
14172	PSA 18:42	Manaagang, ya taya jaye ufansinatba: manaagange si Jeova ya ti manjiningog.
14177	PSA 18:47	Lâlâ si Jeova; ya ubendito y achojo: ya umanataquilo na Yuus y satbasionjo.
14180	PSA 18:50	Pot este junae jao grasias gui entalo y nasion sija, O Jeova; ya jucanta y alabansa para y naanmo.
14181	PSA 18:51	Dangculo na linibre janae y rayña; ya jafanue minaase ni y pinalaeña; as David ya y semiyaña para taejinecog.
14185	PSA 19:4	Taya sinangan, ni finijo; ti siña umajungog y vosñija.
14189	PSA 19:8	Y lay Jeova cabales, jafamauleg y ante; y testimonion Jeova seguro, janafanmalalate y manaeisao.
14190	PSA 19:9	Y finañagüe Jeova tunas, janafanmamagof y corason: y tinago Jeova claro, janafanmalag y atadogsija.
14191	PSA 19:10	Y minaañao as Jeova gasgas, sumaga para taejinecog; y sentensian Jeova magajet, ya todo tunas.
14196	PSA 19:15	Polo ya y sinangang y pachotto ya y jinason y corasonjo umauleg gui menamo, O Jeova, minetgotto yan y munalilibreyo.
14198	PSA 20:2	SI Jeova uninepejao y jaanen chinatsaga: y naan y Yuus Jacob ninacajulojao.
14202	PSA 20:6	Utafangana gui satbasionmo, ya y naan y Yuusmame injatsa julo y banderanmame: ucumple si Jeova todo y guinagaomo.
14203	PSA 20:7	Pago jutungo na si Jeova jaadadaje y pinalaeña: güiya uinepe gue guinin santos y langetña yan y minetgot y satbasion gui agapaña.
14204	PSA 20:8	Estesija gui caretasija, ya ayosija gui cabayosija nae jaangocosija: lao jita y naan Jeova, ni y Yuusta, utajajasoja.