90	GEN 4:10	Nge ewe Samol mi Lapalap a üreni, “Met ka föri? Chan pwiüm we a köriei seni won pwül.
566	GEN 22:18	Chon ekewe mwü won unusen fanüfan repwe feiöch me ren mwirimwirum kana, pun en ka aleasochis ngeni ai kapas.”
757	GEN 27:29	Chon ekewe mwü repwe angang ngonuk, nge chomong mwichen aramas repwe chapetiu me mwom. Kopwe samolun pwiüm kana, nge nöün inom repwe chapetiu me mwom. Epwe anümamau iö epwe anümamauok, nge epwe feiöch iö epwe afeiöchuk.”
1067	GEN 36:26	Nge nöün Tison kewe mwän: Hemtan, Espan, Itran me Cheran.
1472	GEN 48:20	Iwe, lon ewe chök ränin a afeiöchüür o apasa, “Chon Israel repwe eäni kapasen afeiöch itemi, pun repwe apasa, ‘Kot epwe föri ngonuk usun chök a föri ngeni Efraim me Manasa.’” Iei usun Jakop a akomwa Efraim mwen Manasa.
1497	GEN 49:23	Chon likapich ra fokun maun ngonuk, ra likapichiik o ariaföüuk.
1498	GEN 49:24	Nge om likapich a mei. Poum ra fokun lifech ren pöün än Jakop we Kot mi Manaman, ra pöchökül ren iten ewe Chon Mas, ewe Achauen Israel.
1735	EXO 8:20	Iwe, ewe Samol mi Lapalap a apwönüetä mine a apasa. Chomong pwiin loong ra ässilong lon imwen Farao pwal lon imwen nöün kewe nöüwis tori lon unusen ewe fanü Isip, pwe ewe fanü a ngauala ren ekewe loong.
2398	EXO 30:15	Chon pisekisek resap mönätiu lap seni ükükün eu lelimu aunus, nge chon wöüngau resap mönätiu kis seni, lupwen ra eäni asor ngeniei liwinin manauer.
2899	LEV 7:19	Esap wor eman epwe ochoch fituk mi torii och mettoch mi limengau, epwe chök kek. Chokewe meinisin mi limöch ra tongeni ochei fituken ewe mönün asoren kinamwe.
3542	LEV 26:17	Üpwe ü ngenikemi, nge oupwe kuf ren chon oputakemi. Chokewe mi oputakemi repwe nemenikemi. Iwe, ämi oupwe sü, ngei esap wor eman a tapwerikemi.
3702	NUM 3:9	Chon ewe ainangen Lefi repwe wisen angang ngeni Aaron me nöün kewe mwän. Ir repwe tiwewu seni me lein ekewe aramasen Israel pwe repwe angang ngeni.
4732	NUM 32:12	Chilon chök Kalep nöün Jefune we mwän ewe chon Kenis me Josua nöün Nun we mwän, pun ir ra fokun aleasochis ngeniei ngang ewe Samol mi Lapalap.’
4839	NUM 34:21	Elitat nöün Chislon mwän seni ewe ainangen Peniamin,
5257	DEU 12:15	Nge oua tongeni niela man o ochoch fituker ekis meinisin me lon ämi kewe telinimw ükükün ämi mochen, pwal ükükün än ewe Samol mi Lapalap ämi we Kot a afeiöchukemi. Chokewe mi limengau me chokewe mi limöch repwe tongeni mongö, usun ra ochoch chia ika sokun chia itan kasele.
5343	DEU 15:22	Oupwe chök ochei me lon ämi kewe telinimw. Chokewe mi limengau me chokewe mi limöch ra tongeni ochoch seni, usun ämi ochoch chia ika sokun chia itan kasele.
5638	DEU 28:25	Iwe, ewe Samol mi Lapalap epwe föri pwe oupwe kuf ren chon oputemi. Oupwe feila won efoch al pwe oupwe maun ngeniir, nge oupwe sü me mwer won fufoch al. Chon ekewe mwü meinisin won fanüfan repwe fokun niuokus, lupwen repwe küna mine a fis ngenikemi.
5646	DEU 28:33	Chon eu mwü ousap sileer me mwan repwe mongö uän fanüemi me uän ämi angang meinisin. Iwe, repwe chök ariaföüükemi o atatakisikemi fansoun meinisin,
5775	DEU 32:15	Nge Jesurun a kitinupula o rochongau, a kitinupula, a wattela o misimis. Mürin a likitala Kot ewe mi föri, a turunufasei ewe Achau an Chon Amanau.
5818	DEU 33:6	Iwe, Moses a apasa usun ewe ainangen Rupen, “Chon ewe ainangen Rupen repwe manau, nge resap mäla, nge nöür mwän repwe chokükün.”
5830	DEU 33:18	Iwe, a apasa usun ekewe ainangen Sepulon me Isakar, “Chon ewe ainangen Sepulon repwe pwapwa lupwen ar saifetal lematau. Nge chon ewe ainangen Isakar repwe pwapwa lon imwer.
5836	DEU 33:24	Iwe, a apasa usun ewe ainangen Aser, “Chon ewe ainangen Aser repwe kon feiöch mwen ekewe ainangen Israel. Repwe kon aüchea me lein pwiir kana, repwe wöü ren chomong apüra seni föün olif.
5841	DEU 33:29	Israel, ka feiöch. Iö a wewe ngonuk? En eu mwichen aramas mi küna manau me ren ewe Samol mi Lapalap. I tittum me om soualilis, pwal i noum ketilas mi ewinnok. Chon oputom repwe feito reöm o pwarorotiu ngonuk, nge en kopwe puriretiu.
5934	JOS 4:22	mürin oupwe üreniir, ‘Chon Israel ra pwereto lon ewe chanpupu won pwül mi pwasapwas.’
5968	JOS 6:17	Iwe, ewe telinimw me mettoch meinisin mi nom lon repwe pin fän iten ewe Samol mi Lapalap pwe repwe katala. Chilon chök Rahap ewe fin lisowu me meinisin mi nom ren lon imwan repwe manau, pun a aopa ekewe chon künö sia tiniir.
5989	JOS 7:11	Chon Israel ra tipis. Ra atai ai we pwon üa allük ngeniir. Ra angei ekoch ekewe mettoch mi pin repwe kata. Ra solä o chofana, ra pwal achuelong ekewe mettoch lon püsin pisekir.
6214	JOS 15:10	Iwe, ewe kiä a pwal pwelila lotoun Paala tori ewe chukun Seir, a pwerela tori won ewe chuk Jearim me peliefeng, iei Chesalon, a pwal feitiu tori Pet-semes o pwerela Timna.
6234	JOS 15:30	Eltolat, Chesil me Horma,
6244	JOS 15:40	Kapon, Lamam me Chitlis,
6319	JOS 18:24	Chefar-amoni, Ofni me Kepa, ükükür meinisin engol me ruu telinimw fiti wisoposopur.
6321	JOS 18:26	Mispa, Chefira me Mosa,
6335	JOS 19:12	Nge seni Sarit ewe kiä a pwal pwerela ngeni ötiu tori kiännin Chislot-tapor. Seni ikenan a pwerela tori Taperat o feitä tori Jafia.
6341	JOS 19:18	Iwe, a pachelong lon kiännin fanüer ekei telinimw: Jesreel, Chesulot me Sunem,
6513	JDG 1:2	Iwe, ewe Samol mi Lapalap a pälüeni, “Chon ewe ainangen Juta repwe feila. Ngang üa mwüt ngeniir pwe repwe fanüeni ewe fanü.”
6574	JDG 3:4	Chon ekei mwü ra chök nonometiu pwe chon Israel repwe sosot rer, pwe epwe pwä ika ra aleasochisi än ewe Samol mi Lapalap kewe allük Moses a ngeni ar kewe lewo.
6642	JDG 5:17	Chon ewe ainangen Kat ra chök nonom peliötiuen ewe chanpupu Jortan. Nge pwota chon ewe ainangen Tan ra chök nonom ren ekewe sip? Pwal chon ewe ainangen Aser ra chök nonom aroset lon ekewe lenien ilen sip.
6846	JDG 11:15	pwe repwe üreni, “Iei alon Jefta: Chon Israel resap angei fanüen chon Moap me chon Amon.
7074	JDG 20:18	Iwe, ekewe aramasen Israel ra feila Petel o aisini Kot, “Iö me leim epwe akomwen feila maun ngeni chon Peniamin?” Nge ewe Samol mi Lapalap a pälüeniir, “Chon ewe ainangen Juta repwe akomwen feila.”
7185	RUT 3:11	Nge iei kosap niuokus, Rut. Üpwe apwönüetä meinisin mine ka tüngor. Chienei meinisin lon ei telinimw ra silei pwe en eman fefin mi mürina.
7316	1SA 4:17	Ewe mwän a üreni, “Chon Israel ra sü me mwen ekewe chon Filistia. A pwal fis eu ninni mi lapalap ngeni ekewe aramas. Noum kewe ruoman mwän Hofni me Pineas ra pwal mäla, nge än Kot we pworofel a oola.”
7995	1SA 30:14	Äm aia küt liapem lon ewe fanü Nekep fanüen chon Cheret, lon fanüen chon Juta, pwal lon ewe fanü Nekep fanüen Kalep, äm aia pwal kenala Siklak.”
8041	2SA 1:16	Pun Tafit a fen üreni ewe re Amalek, “Chaom epwe ukum chök, pun kapasen awom a püsin etipisuk ren om apasa pwe ka niela nöün ewe Samol mi Lapalap we mi kepit.”
8087	2SA 3:3	Iten aruomanün Chileap, a nöüni me won Apikael piin pwülüen mä we Napal seni Karmel. Iten aülümanün Apsalom, a nöüni me won Maka, nge Maka nöün Talmai we fefin, ewe kingen Kesur.
8230	2SA 8:18	Penaia nöün Jehoiata we mwän i meilapen ekewe chon Cheret me chon Pelet, ir chon tümwünü ewe king, nge nöün Tafit kewe mwän ir nöün ewe king chon öüröür.
8410	2SA 15:18	Iwe, nöün kewe meilap meinisin ra nom ünükün, nge ekewe chon Cheret me chon Pelet meinisin, pwal ekewe wonopükü chon Kit mi fen tapwela mürin seni Kat ra feila mwen ewe king.
8551	2SA 19:38	Üa tüngor ngonuk, kopwe mwüt ngeniei pwe üpwe liwinla, pwe üpwe mäla lon ai telinimw arap ngeni peiasen semei me inei. Nge iei i nei mwän Chimham epwe angang ngonuk, kopwe angei pwe epwe etuk, en ai samol me ai king. Kopwe föri ngeni i meinisin mine a öch me reöm.”
8552	2SA 19:39	Iwe, ewe king a üra, “Chimham epwe etieila Jerusalem, nge ngang üpwe föri ngeni meinisin mine a öch me reöm, pwal meinisin mine en ka mochen seniei üpwe föri ngonuk.”
8554	2SA 19:41	Lupwen ewe king a feila pekilan ewe chanpupu Jortan o feila Kilkal, Chimham a etala. Iwe, ekewe re Juta meinisin me esopun re Israel ra pwal emwenala ewe king.
8564	2SA 20:7	Iei mine nöün Joap kewe sounfiu, ekewe chon Cheret me chon Pelet, pwal ekewe mwän mi pwora meinisin ra feiliwu seni Jerusalem fän nemenien Apisai pwe repwe tapweri Sepa nöün Pikri we mwän.
8580	2SA 20:23	Iwe, Joap a nemeni unusen ewe mwichen sounfiun Israel, nge Penaia nöün Jehoiata we mwän a nemeni ekewe chon Cheret me chon Pelet.
8650	2SA 22:45	Chon ekis ra feito o chapetiu mwei, ra aleasochisiei lon ewe otun ra rong mweliei.
8651	2SA 22:46	Chon ekis ra apilükingau, ra towu seni ar kewe lenien maun mi pöchökül fän chechech.
8758	1KI 1:38	Mürin, ewe souasor Satok, ewe soufos Natan me Penaia, pwal ekewe chon Cheret me chon Pelet ra amota Salomon won nöün ewe king Tafit we aas o emwenala Kihon.
8764	1KI 1:44	A fen tinala ewe souasor Satok, ewe soufos Natan me Penaia, pwal ekewe chon Cheret me chon Pelet, pwe repwe eti. Ra amota Salomon won nöün ewe king we aas.
8810	1KI 2:37	Pun lon ewe ränin kopwe towu o feila pekilan ewe öüwö Kitron, kopwe silei pwe kopwe fokun mäla. Chaom epwe ukum chök.”
8942	1KI 7:5	Chölapen me tekian ekewe asam ra nönnöfengen, pwal chölapen me tekian ekewe asammwacho ra nönnöfengen, nge eu asammwacho a sunu ngeni pwal eu lon ülüngat tettel.
9494	1KI 22:11	Iwe, eman me leir itan Setekia nöün Chenana we mwän a föri mächä fän itan seni mächä o üreni Ahap, “Iei alon ewe Samol mi Lapalap: Ekei mächä kopwe eäniir le maun ngeni ekewe chon Siria tori repwe rosola.”
10182	2KI 23:13	Iwe, ewe king Josia a atai pinin ekewe lenien fel won ekewe leni tekia mi nom peliötiuen Jerusalem me peliörün ewe Chukun Olif. Ekei lenien fel Salomon ewe kingen Israel a aüetä fän iten Astarot än chon Siton we anüfefin mi anioput, fän iten Kemos än chon Moap we kot mi anioput, pwal fän iten Molok än chon Amon we kot mi anioput.
10297	1CH 1:41	Nöün Ana we mwän Tison, nge nöün Tison kewe mwän: Hamran, Espan, Itran me Cheran.
10549	1CH 7:10	Iwe, nöün Jetiael we mwän Pilan. Nge nöün Pilan kewe: Jeus, Peniamin, Ehut, Chenana, Setan, Tarsis me Aisar.
10774	1CH 13:9	Lupwen ra tori än Chiton lenien wichiwich umwun wiich, Usa a eitiewu pöün o amwöchü än Kot we pworofel, pun ekewe ätemwänin kow ra chepetek.
10818	1CH 15:22	Iwe, Chenania i eman souköl, iei mine a fil pwe epwe emweni ewe mwichen köl seni ewe ainangen Lefi.
10823	1CH 15:27	Iwe, Tafit a üföüf echö üf mi pwechepwech, usun chök ekewe mwän seni ewe ainangen Lefi meinisin mi mwärei ewe pworofel, pwal ekewe chon köl me Chenania ewe souemwenin ewe mwichen köl. Tafit a pwal üföüf echö üf itan efot.
10835	1CH 16:10	Oupwe fokun ingemwareiti itan mi pin. Chokewe mi kütta ewe Samol mi Lapalap repwe meseik.
10860	1CH 16:35	Oupwe pwal apasa, “Kopwe amanauakem, äm Kot äm Chon Amanau. Kopwe achufengenikem o angasakem seni me lein chon ekewe mwü, pwe aipwe kilisou ngonuk o mwareiti itom mi pin.
10912	1CH 18:17	Iwe, Penaia nöün Jehoiata we mwän i meilapen ekewe chon Cheret me chon Pelet, ir chon tümwünü ewe king, nge nöün Tafit kewe mwän ir meilapen chon angang ngeni ewe king.
11111	1CH 26:29	Iwe, seni me lein ekewe mwirimwirin Isar Chenania me nöün kewe mwän ra kefilitä, pwe repwe angang fän iten chon Israel lon pekin mwü lon wisen nöüwis me soukapwüng.
11140	1CH 27:26	Esri nöün Chelup we mwän a wisen nemeni chokewe mi angang lon ekewe tanipi,
11510	2CH 15:15	Chon Juta meinisin ra meseik pokiten ewe pwon fän akapel ra eäni ren unusen leluker. Ra pwal fel ngeni Kot ren wesewesen mochenin letiper. Iwe, ewe Samol mi Lapalap a etiweer o fang ngeniir kinamwe seni ekewe mwü mi nom ünükür.
11557	2CH 18:10	Iwe, eman me leir itan Setekia nöün Chenana we mwän a föri mächä fän itan seni mächä o üreni Ahap, “Iei alon ewe Samol mi Lapalap: Ekei mächä kopwe eäniir le maun ngeni ekewe chon Siria tori repwe rosola.”
11695	2CH 24:13	Chokewe mi föri ewe angang ra fokun achocho le angang ngeni ewe imwenfel. Ra försefäli mine a ta me won o apöchöküla, pwe a usun chök me mwan.
11903	2CH 32:23	Chomong aramas ra feito Jerusalem o uwato ar asor ren ewe Samol mi Lapalap. Ra pwal uwato ar lifang mi aüchea ren Hiskia ewe kingen Juta, pwe a iteföüla me ren chon ekewe mwü meinisin seni ei fansoun feila.
12057	EZR 2:25	Seni Kiriat-jearim, Chefira me Peerot ükükün füpükü faik me ülüman.
12091	EZR 2:59	Ikkei iteiten chokewe mi feito seni ekewe telinimimw Telmela, Telharsa, Cherup, Atan me Imer, nge resap tongeni afata än semelaper kewe cho, ika ir mwirimwirin chon Israel:
12287	EZR 10:30	Seni ewe familien Pahat-moap: Atna, Chelal, Penaia, Maseia, Matania, Pesalel, Pinui me Manasa.
12292	EZR 10:35	Penaia, Peteia, Chelui,
12325	NEH 2:13	Iwe, üa towu seni ewe telinimw ren ewe Asamalapen Lemol lepwin o feila ren ewe Chönüttu Foks, pwal ren ewe Asamalapen Ioien Pipi. Üa ouwasacha tittin ewe telinimw Jerusalem mi tatiu me asamalapan kewe mi karala ren ekkei.
12326	NEH 2:14	Mürin üa pwerela ren ewe Asamalapen Chönüttu, pwal ren ewe Nomun Koluk än ewe king. Nge esap wor ia nei man üa wawa epwe chüen fetal ie.
12340	NEH 3:8	Nge Usiel nöün Haraia we mwän seni ewe mwich mi angang ngeni kolt a senisefälietä ewe kinikin ünükün senier. Iwe, Hanania, eman me lein ekewe chon föri lö, a senisefälietä ünükün. Ra senisefälietä tittin Jerusalem tori ewe Tit mi Chölap.
12347	NEH 3:15	Salum nöün Kolose we mwän, ewe sounemenemen ewe fanü Mispa, a försefäli ewe Asamalapen Chönüttu. A föri sissin o amasalong ekewe asam lon lenier, a pwal apachätä amwöchür me lokkur kewe. A pwal senisefälietä ewe tit arun ewe nomun koluk itan Sela ünükün än ewe king tanipi tori ewe latö mi feitiu seni ewe telinimwen Tafit.
12363	NEH 3:31	Malkia eman me lein chokewe mi angang ngeni kolt a senisefälietä eu kinikin ünükün tori imwen ekewe chon angang ngeni ewe imwenfel pwal imwen ekewe chon amömö awenewenen ewe Asamalapen Chon Mamas, pwal tori ewe rumw mi nom asen pwokukun ewe tit.
12376	NEH 4:6	Mürin, ekewe chon Juta mi nonom rer ra feito o ürenikem fän chomong, “Chon oputakich repwe feito o maun ngenikich seni ekewe leni meinisin ia ra nonom ie.”
12454	NEH 7:29	Seni Kiriat-jearim, Chefira me Peerot ükükün füpükü faik me ülüman.
12486	NEH 7:61	Ikkei iteiten chokewe mi feito seni ekewe telinimw Telmela, Telharsa, Cherup, Aton me Imer, nge resap tongeni afata än semelaper kewe cho, ika ir mwirimwirin chon Israel:
12519	NEH 9:4	Mi wor eu leni mi ekis tekia fän iten ekewe mwän seni ewe ainangen Lefi, ia Jesua, Pani, Katmiel, Sepania, Puni, Serepia, Pani me Chenani ra ütä ie. Ra leüömong le iotek ngeni ewe Samol mi Lapalap ar we Kot.
12545	NEH 9:30	Chomong ier ka mosonotam ngeniir, ka ngeni noum kewe soufos Ngünum pwe repwe tongeni fönöör, nge resap mochen aüselinga. Iei mine ka atolongeer fän nemenien ekoch mwü.
12665	NEH 12:37	Iwe, lupwen ra tori ewe Asamalapen Chönüttu, ra fetal wenewenetä won ewe latö mi feitä ngeni ewe telinimwen Tafit o fetal won ewe al mi feitä won ewe tit asen imwen Tafit, ra pwal feila ngeni ewe Asamalapen Koluk mi nom ötiu.
12667	NEH 12:39	Seni ikenan aia feila asen ewe Asamalapen Efraim o feila ngeni ewe Asamalapen Lom, ngeni ewe Asamalapen Ik me ewe imw tekia imwen Hananel, pwal ngeni ewe imw tekia itan Ipükü tori ewe Asamalapen Sip. Iwe, aia kaüla ren ewe Asamalapen Chon Mamas.
12942	JOB 4:8	Iei usun mine üa küna: Chokewe mi fotuki tipis o amworafeili föför mi ngau repwe chök kini mine ra fotuki.
12951	JOB 4:17	Ifa usun, eman aramas mi feil ngeni mäla epwe tongeni pwüng fän mesen Kot? Ifa usun, eman aramas a tongeni limöch fän mesen ewe Chon Föri i?
13131	JOB 11:19	Kopwe konola, nge esap wor eman epwe aniuokusuk. Chomong aramas repwe kütta alilisir senuk.
13262	JOB 16:20	Chiechiei kewe ra turunufaseei, nge chönün mesei ra suputiu lon ai kechü ngeni Kot.
13320	JOB 19:19	Chiechiei kewe meinisin mi kan ngeniei ra fokun oputaei, nge chokewe meinisin üa tongeer ra kul o ü ngeniei.
13337	JOB 20:7	epwe chök morola usun kiten anan tori feilfeilachök. Chokewe mi küna i me mwan repwe apasa, ‘Ia ätewe a nom ie?’
13392	JOB 21:33	Chomong aramas ra tapwela mürin, nge chokewe mi akom mwan resap lea. Epwe peias lon eu lemol a sani lupwen a manau.
13437	JOB 23:14	Pun epwe awesala mine a akota ngeniei. Chomong akot usun ekei ra nom lon an ekiek.
13500	JOB 27:15	Chokewe mi manau me mürin repwe mäla ren mätter, nge pwülüer kewe mi lipichsefäl esap wor ar kölün kechü fän iter.
13547	JOB 29:11	Chokewe mi rongorong usi ra apasa pwe üa feiöch, nge chokewe mi künaei ra kapas mürina usi,
13549	JOB 29:13	Chokewe mi arap ngeni ar repwe mäla ra afeiöchüei, üa pwal apwapwai leluken ekewe fefin mi mä pwülüer.
13654	JOB 32:22	Pun are üpwe sip lon kapas motoutou, ewe Chon Föriei epwe müttir angeeila.”