3	GEN 1:3	Mürin, Kot a apasa, “Epwe saram.” Iwe, a saramala.
6	GEN 1:6	Iwe, Kot a apasa, “Epwe fis kiännin ewe lölö, pwe epwe imwüfesen lölön pekitä me lölön pekitiu.”
14	GEN 1:14	Mürin, Kot a apasa, “Ekewe saram repwe pwäla fän läng pwe repwe aimwüfeseni rän me pwin o asisila kinikinin fansoun me rän me ier kana.
20	GEN 1:20	Mürin, Kot a apasa, “Ekewe lenien lölö repwe masou ren mönümanau, nge mansüsü repwe äkäs fän läng.”
39	GEN 2:8	Mürin, Kot a föri eu tanipi lon fanüen ötiu itan Eten. Ikenan a alenia ewe aramas a föri.
41	GEN 2:10	Iwe, eu chanpupu a achöchönü ewe tanipi Eten o puwu seni. Ikenan a kinikinfesen lon rüanü chanpupu.
42	GEN 2:11	Ewe aeuin chanpupu itan Pison a pula ünükün unusen ewe fanü Hefila, ia a wor kolt ie.
44	GEN 2:13	Ewe aruuen chanpupu itan Kihon a pula ünükün unusen ewe fanü Kuus.
45	GEN 2:14	Ewe aülüngatin chanpupu itan Tikris a pula ötiuen ewe fanü Asiria. Nge ewe arüanün chanpupu itan Oifrat.
46	GEN 2:15	Mürin, Kot ewe Samol mi Lapalap a alenia ewe aramas lon ewe tanipi Eten pwe epwe tanipini o tümwünü.
49	GEN 2:18	Mürin, Kot ewe Samol mi Lapalap a pwal apasa, “Esap öch pwe ewe aramas epwe chök eman. Üpwe föri eman alisian mi wewe ngeni.”
54	GEN 2:23	Iwe, ewe aramas a apasa, “Iei chün chüi, nge fitukan fitukei. Epwe iteni etien mwän, pun a pop seni mwän.”
66	GEN 3:10	Ewe mwän a pälüeni, “Üa rong mwaataaten om fetal lon ei tanipi, nge üa niuokus, pun üa selela. Iei popun üa op.”
68	GEN 3:12	Ewe mwän a pälüeni, “Ewe fefin en ka ngeniei pwe pwülüei, neminewe a ngeniei uän ewe irä, iwe, üa mongö.”
69	GEN 3:13	Mürin, Kot ewe Samol mi Lapalap a aisini ewe fefin, “Pwota ka föri ei sokun?” Nge ewe fefin a pälüeni, “Ewe serepenit a atupuei, iei mine üa mongö.”
76	GEN 3:20	Iwe, Atam a aita ngeni pwülüan Efa, pun i inelapen chokewe meinisin mi manau.
79	GEN 3:23	Iei popun Kot ewe Samol mi Lapalap a asüela ewe aramas seni ewe tanipi Eten, pwe epwe tuw ewe pwül a för seni.
80	GEN 3:24	Mürin än Kot asüela ewe aramas, a anomu Keropim ötiuen ewe tanipi Eten, pwal efoch ketilas mi pulopulen ekkei o märäkul, pwe repwe mamasa ewe al a ale ngeni ewe irän manau.
81	GEN 4:1	Iwe, Atam a kon ren Efa pwülüan we, nge neminewe a pwopwo. Iwe, lupwen a nöüni Kain, Efa a apasa, “Üa nöüni eman ät ren än ewe Samol mi Lapalap alilis.”
82	GEN 4:2	Mürin a pwal nöüni Epel pwin Kain. Iwe, Epel eman chon fofol sip, nge Kain eman chon tanipi.
84	GEN 4:4	Nge Epel a eäni asor mwänichien folenian sip pwal seni kirisir. Iwe, ewe Samol mi Lapalap a efich Epel me an asor,
88	GEN 4:8	Iwe, Kain a kapas ngeni Epel pwin we, “Sipwe feila lemäl.” Nge lupwen ar nonomfengen ikenan, Kain a ü ngeni pwin, a turufi o niela.
89	GEN 4:9	Mürin, ewe Samol mi Lapalap a aisini Kain, “Ifa i pwiüm we Epel?” Nge Kain a pälüeni, “Üsap silei. Ifa usun, ngang chon tümwünün pwii?”
93	GEN 4:13	Iwe, Kain a üreni ewe Samol mi Lapalap, “A kon watte liwinin ai tipis. Esap ki ngeniei ai üpwe uwei.
96	GEN 4:16	Mürin, Kain a feil seni fän mesen ewe Samol mi Lapalap o imweimw lon ewe fanü itan Not ötiuen Eten.
97	GEN 4:17	Iwe, Kain a kon ren pwülüan we, nge neminewe a pwopwo, a nöüni eman ät o aita ngeni Enok. Mürin, Kain a aüetä eu telinimw o aita ngeni iten nöün we Enok.
98	GEN 4:18	Iwe, mi wor eman nöün Enok mwän itan Irat. Irat semen Mehujael, Mehujael semen Metusael, nge Metusael semen Lamek.
105	GEN 4:25	Iwe, Atam a pwal kon ren pwülüan we, nge neminewe a pwopwo o nöüni eman ät. Iwe, a aita ngeni Set, pun a apasa, “Kot a ngeniei eman nei siwilin Epel, ätewe Kain a niela.”
106	GEN 4:26	Set a pwal nöüni eman ät o aita ngeni Enos. Lon ena fansoun aramas ra popuetä le köri iten ewe Samol mi Lapalap.
112	GEN 5:6	Iwe, lupwen Set a ierini ipükü limu, a nöüni Enos.
113	GEN 5:7	Nge ierin manauen Set mürin än Enos uputiu walüpükü fisu, a pwal wor nöün mwän me fefin.
115	GEN 5:9	Iwe, lupwen Enos a ierini tiwe, a nöüni Kenan.
116	GEN 5:10	Nge ierin manauen Enos mürin än Kenan uputiu walüpükü engol me limu, a pwal wor nöün mwän me fefin.
117	GEN 5:11	Nge ierin manauen Enos meinisin tiwepükü limu. Mürin a mäla.
124	GEN 5:18	Iwe, lupwen Jaret a ierini ipükü wone me ruu, a nöüni Enok.
125	GEN 5:19	Nge ierin manauen Jaret mürin än Enok uputiu walüpükü, a pwal wor nöün mwän me fefin.
127	GEN 5:21	Iwe, lupwen Enok a ierini wone me limu, a nöüni Metusala.
128	GEN 5:22	Nge mürin än Metusala uputiu, Enok a chiechiefengen me Kot ülüpükü ier, a pwal wor nöün mwän me fefin.
129	GEN 5:23	Iwe, ierin manauen Enok meinisin ülüpükü wone me limu.
130	GEN 5:24	Enok a chiechifengen me Kot. Mürin esap chüen nom, pun Kot a angei.
154	GEN 6:16	Kopwe föri osun ewe waimw o likiti eu leni fan lefilen ewe os me etippan ükükün engol me walü inis. Kopwe pwal föri asamalapan lepekin. Epwe wor sässärin fan, sässärin lukalapan me sässärin won.
178	GEN 7:18	Ewe koluk a nonomola o feitä, feitä won fanüfan, nge ewe waimw a maanüla won ewe koluk.
180	GEN 7:20	Ewe koluk a chök fefeitä o pwölüöla ekewe chuk, nge alololun seni won ewe koluk feitiu won ungen ekewe chuk ükükün rüe me limu fiit.
181	GEN 7:21	Ekewe mönümanau meinisin mi nom won fanüfan ra mäla: mansüsü, manfesir, manmwacho me man meinisin mi mwökütüküt won fanüfan, pwal tori aramas meinisin.
186	GEN 8:2	Ekewe lenien kolukun failol ra morola, ekewe asammwachon läng ra kapüngüla, nge üt esap chüen püngütiu.
208	GEN 9:2	Ekewe manfetal me mansüsü, ekewe mantötö me ikenen leset meinisin repwe niueitikemi. Üa atolongeer fän nemeniemi.
210	GEN 9:4	Eu chök, ousap fokun ochoch fituk mi cha, pun manau a chüen nom lon.
217	GEN 9:11	Iei masouen ai we pwon ngonuk: Esap chüen fis mälan ekewe mönümanau meinisin ren pwal eu noter. Esap fokun chüen fis pwal eu noter mi ataela fanüfan.”
225	GEN 9:19	Ekei ülüman nöün Noa ir semelapen chon fanüfan meinisin.
239	GEN 10:4	Nge nöün Jafan mwän: Elisha, Tarsis, pwal ekewe chon Kit me chon Totan.
244	GEN 10:9	Nge Nimrot eman chon tapweri man, pwal eman chon pwora mi ü ngeni Kot. Iei mine aramas ra apasa lon ar mwiitun: Eman mi usun chök Nimrot ewe chon tapweri man, pwal ewe chon pwora mi ü ngeni Kot.
245	GEN 10:10	Iwe, Nimrot a popuetä mwün lon Papilon, Erech, Akkat me Kalne. Ir meinisin ra nom lon ewe fanü Papilon.
256	GEN 10:21	Iwe, Säm ewe mwänichi pwin Jafet i än nöün Eper kewe mwän meinisin lewo.
257	GEN 10:22	Iwe, nöün Säm mwän: Elam, Ashur, Arpaksat, Lut me Aram.
258	GEN 10:23	Ekewe mwirimwirin Aram ekewe chon Us, chon Hul, chon Keter me chon Mesek.
259	GEN 10:24	Iwe, Arpaksat semen Shela, nge Shela semen Eper.
260	GEN 10:25	A wor ruoman nöün Eper mwän. Iwe, iten ewe mwänichi Pelek , pun lon fansoun manauan ekewe aramasen fanüfan ra imwüfesen. Nge iten pwin we Joktan.
267	GEN 10:32	Ekei aramas meinisin ir mwirimwirin nöün Noa kewe lon tettelin ar ainang me mwür. Iwe, ekewe ainangen aramas meinisin ra pop seniir o chonisefäli fanüfan mürin ewe noter.
273	GEN 11:6	Mürin, ewe Samol mi Lapalap a apasa, “Eu chök mwichen aramas ir meinisin, nge eu chök ar fos lefiler. Ekärän iei poputän met ra föri, nge mürin repwe chök föri meinisin mine ra ekiekin föri, nge epwe chök tufich ngeniir.
281	GEN 11:14	Iwe, lupwen Shela a ierini ilik, a nöüni Eper.
282	GEN 11:15	Nge ierin manauen Shela mürin än Eper uputiu föpükü ülüngat, a pwal wor nöün mwän me fefin.
283	GEN 11:16	Iwe, lupwen Eper a ierini ilik me rüanü, a nöüni Pelek.
284	GEN 11:17	Nge ierin manauen Eper mürin än Pelek uputiu föpükü ilik, a pwal wor nöün mwän me fefin.
306	GEN 12:7	Iwe, ewe Samol mi Lapalap a pwä ngeni Apram o üreni, “Ei fanü üpwe ngeni mwirimwirum kana.” Mürin, Apram a senätä eu rongen asor ikenan fän iten ewe Samol mi Lapalap mi pwä ngeni.
327	GEN 13:8	Mürin, Apram a kapas ngeni Lot, “Esap öch pwe epwe wor aninifengen lefilei me en, pwal lefilen nei chon fofol man me noum, pun en nei.
338	GEN 14:1	Iwe, lon ewe fansoun Amrafel ewe kingen Papilon, Ariok ewe kingen Ellasar, Ketor Laomer ewe kingen Elam me Tital ewe kingen Koim
342	GEN 14:5	Iwe, lon engol me rüanün ier Ketor Laomer me ailan kewe king ra akufu ekewe chon Refa lon Asterot Karnaim, ekewe chon Sus lon Ham, ekewe chon Em lon Safei Kiriataim,
343	GEN 14:6	pwal ekewe chon Hor won ekewe chukun Etom, ra pwal tapweriir tori El Paran lon kiännin ewe fanüapö.
344	GEN 14:7	Mürin ra kul o liwinsefäliti En Mispat, a pwal iteni Kates. Ra liapeni unusen ewe fanüen chon Amalek me chon Amor mi nom lon Hasason Tamar.
346	GEN 14:9	o maun ngeni Ketor Laomer ewe kingen Elam, Tital ewe kingen Koim, Amrafel ewe kingen Papilon me Ariok ewe kingen Ellasar. Iwe, föman king ra maun ngeni limman.
350	GEN 14:13	Iwe, eman chon süla seniir a feito o apworausa ei pworaus ngeni Apram ewe re Ipru mi nonom lein ekewe irä ook än Mamre ewe chon Amor, pwin Eskol me Aner. Iwe, ir ailen Apram.
361	GEN 14:24	Üsap fokun angei och fän itei lükün mine nei kewe chon angang ra mongö. Nge ekewe mwän mi etiei, Aner me Eskol me Mamre, repwe angei wiser.”
363	GEN 15:2	Nge Apram a apasa, “Ai Samol me ai Kot, met ka tongeni ngeniei, nge esap wor nei. Nei chon angang Elieser seni Tamaskus epwe wöüni wöüi meinisin.”
365	GEN 15:4	Mürin, ewe Samol mi Lapalap a kapassefäl ngeni Apram, “Elieser esap wöüni woum, nge püsin eman noum mwän epwe wöüni.”
384	GEN 16:2	Iwe, Sarai a üreni Apram, “Nengeni, ewe Samol mi Lapalap esap mwüt ngeniei ai üpwe nöünöü. Iei mine kopwe pwülüeni nei we chon angang. Eli epwe fis pwe epwe wor nei me ren.” Iwe, Apram a aüselinga alon Sarai.
385	GEN 16:3	Iei mine Sarai a angei Hakar nöün we chon angang ewe fin Isip o ngeni Apram pwe epwe pwülüeni. Ei a fis mürin än Apram nom lon ewe fanü Kanaan lon ükükün engol ier.
387	GEN 16:5	Mürin, Sarai a üreni Apram, “Tipisum ei, pwe ei riaföü a toriei. Üa ngonuk nei chon angang pwe kopwe pwülüeni. Nge lupwen a mefi pwe a pwopwo, a lamalamtekia woi. Ewe Samol mi Lapalap epwe eäni apwüng lefilach pwe epwe pwä iö a pwüng.
395	GEN 16:13	Iwe, Hakar a aita ngeni ewe Samol mi Lapalap mi kapas ngeni me mwan, “En eman Kot mi nenengeniei.” Pun a apasa, “Ellet, üa küna ewe mi fen nenengeniei.”
402	GEN 17:4	“Iei ai we pwon ngonuk: En kopwe semen chomong ainang.
414	GEN 17:16	Üpwe afeiöchü Sara, nge üpwe ngonuk eman ät me ren. Ewer, üpwe afeiöchü pwe epwe inelapen chomong ainang, epwe pwal wor king me lein mwirimwirin kana.”
449	GEN 18:24	Eli epwe wor lime chon pwüng lon ewe telinimw. Kopwe pwal nirela, nge kosap amanaua ewe telinimw fän iten ekewe lime chon pwüng ra nonom lon?
450	GEN 18:25	Ese tufich om kopwe föri ina usun, pwe kopwe niela ekewe chon pwüng fiti chon pwüngingau, pwe chon pwüng repwe chök wewe ngeni chon pwüngingau. Ese tufich om kopwe föri ina usun. Ifa usun, ewe Souapwüngün unusen fanüfan esap eäni apwüng fän pwüng?”
453	GEN 18:28	Eli esap tori lime chon pwüng, nge faik me limman chök. Ifa usun, kopwe atai unusen ewe telinimw fän iten ekewe limman rese nom?” Iwe, Kot a pälüeni, “Are üpwe küna faik me limman, üsap atai ewe telinimw.”
454	GEN 18:29	Nge Apraham a kapassefäl ngeni, “Eli a chök wor faik mi nom lon.” Iwe, Kot a pälüeni, “Üsap atai fän iten ekewe faik.”
455	GEN 18:30	Mürin, Apraham a üreni, “Kose mochen kosap chou ngeniei, ai Samol, are üpwe pwal kapas fän eu. Eli a chök wor ilik mi nom lon.” Nge Kot a pälüeni, “Üsap atai, are üpwe küna ilik.”
456	GEN 18:31	Iwe, Apraham a pwal apasa, “Kose mochen kopwe amusala pwe üa chök kapaspat ngonuk, ai Samol. Eli rüe chök ra nom lon.” Nge Kot a pälüeni, “Üsap atai ewe telinimw fän iten ekewe rüe.”
457	GEN 18:32	Iwe, Apraham a kapassefäl, “Kose mochen kosap chou ngeniei, ai Samol. Üpwe kapassefäl pwal fän eu chök. Eli epwe wor engol mi nom lon.” Nge Kot a pälüeni, “Üsap fokun atai ewe telinimw fän iten ekewe engol.”
467	GEN 19:9	Nge ekewe re Sotom ra pälüeni, “Kopwe süla! En ka feito pwe kopwe wasöla rem, nge iei ka apwüngükem. Iei mine aipwe aweiresuk lap seniir.” Iwe, ra ki ngeni Lot fän pöchökül, ra pwal kan ngeni pwe repwe ripi asamalapen imwan.
477	GEN 19:19	Noum ei chon angang a küna ümöümöch me reöm, ka pwal fokun kirikiröch ren om amanauaei. Nge ngang üsap tongeni süla ngeni ekewe chuk. Eli feiengau epwe toriei pwe üpwe mäla me mwen üpwe tori ekewe chuk.
479	GEN 19:21	Iwe, a pälüeni, “Ewer, üa tipeeu ngeni om ei tüngor, üsap ataala ewe telinimw ka kapas usun.
490	GEN 19:32	Etto, sipwe aünü ngeni samach ei wain, mürin sipwe kon ren pwe epwe wor mwirimwirin.”
502	GEN 20:6	Mürin, Kot a kapas ngeni lon an tan, “Ewer, üa silei pwe ka föri ena sokun föför ren wenecharen letipom. Ngang ewe üa apetuk seni om tipis ngeniei, iei mine üsap mwüt ngonuk pwe kopwe atapa.
505	GEN 20:9	Mürin, Apimelek a körato Apraham o üreni, “Met ei ka föri ngenikem? Met ai tipis ngonuk pwe ka awarato eu tipis watte woi pwal won mwüi? Esap wor eman epwe föri ei sokun föför ka föri ngeniei.”
508	GEN 20:12	Ellet, neminei wesewesen fefinei pun nöün semei, nge esap nöün inei. Iwe, üa chök pwülüeni.
512	GEN 20:16	A pwal üreni Sara, “Nengeni, üa ngeni mongeom we engeröü föün moni silifer. Ei epwe alletä ngeni ekewe aramas mi nonom reöm pwe kosap tipis. Ir meinisin repwe silei pwe kosap föri och mi mwäl.”