42	GEN 2:11	Ewe aeuin chanpupu itan Pison a pula ünükün unusen ewe fanü Hefila, ia a wor kolt ie.
48	GEN 2:17	nge seni ewe irän silei öch me ngau kosap fokun mongö. Pun lon ränin om kopwe mongö seni, kopwe fokun mäla.”
59	GEN 3:3	Nge Kot a apasa pwe aisap fokun mongö seni uän ewe irä a nonom lukalapen ei tanipi, aisap pwal atapa. Pun are aipwe mongö seni, aipwe mäla.”
61	GEN 3:5	Pun Kot a silei pwe lon ränin ämi oupwe mongö seni, mesemi epwe nela. Iwe, oupwe wewe ngeni Kot o silei mine a öch pwal mine a ngau.”
69	GEN 3:13	Mürin, Kot ewe Samol mi Lapalap a aisini ewe fefin, “Pwota ka föri ei sokun?” Nge ewe fefin a pälüeni, “Ewe serepenit a atupuei, iei mine üa mongö.”
70	GEN 3:14	Iwe, Kot ewe Samol mi Lapalap a üreni ewe serepenit, “Pokiten om föri ei, en kopwe anümamau me lein ekewe manfesir me manmwacho meinisin. Kopwe tö won upwom o eni pwül lon ränin manauom meinisin.
73	GEN 3:17	Mürin, Kot a üreni ewe mwän, “Pokiten om aüselinga alon pwülüom we o mongö seni ewe irä üa allük pwe kosap mongö seni, pwülün fanü epwe anümamau pokitom. Kopwe angang weires lon ränin manauom meinisin pwe epwe wor anom mongö.
74	GEN 3:18	Pwül epwe amäri ngonuk iräfölüföl me pötöwölingau, nge kopwe mongö irän lemäl.
75	GEN 3:19	Kopwe mongö anom fän molonom tori om kopwe wiliti pwül ka för seni. Pun pwül en, iei popun om kopwe wiliti pwül.”
86	GEN 4:6	Mürin, ewe Samol mi Lapalap a aisini Kain, “Pwota ka chou, nge met ka wowongau ren?
145	GEN 6:7	Iei mine a apasa, “Üpwe arosala föriei aramas me won fanüfan, pwal manfetal me mantötö me ekewe mansüsü. Pun üa lamalamala ren ai föriir.”
203	GEN 8:19	Pwal ekewe manfetal me mantötö meinisin, ekewe mansüsü me ekewe man meinisin mi mwökütüküt won fanüfan ra towu me lon ewe waimw lon en me sokun.
231	GEN 9:25	a apasa, “Kanaan epwe anümamau. Pwin kana repwe nöüni amanau.”
241	GEN 10:6	Iwe, nöün Ham mwän: Kush, Isip, Put me Kanaan.
245	GEN 10:10	Iwe, Nimrot a popuetä mwün lon Papilon, Erech, Akkat me Kalne. Ir meinisin ra nom lon ewe fanü Papilon.
249	GEN 10:14	chon Patrus, chon Kaslu me chon Kaftor, ir ekewe aramas chon Filistia ra pop seniir.
260	GEN 10:25	A wor ruoman nöün Eper mwän. Iwe, iten ewe mwänichi Pelek , pun lon fansoun manauan ekewe aramasen fanüfan ra imwüfesen. Nge iten pwin we Joktan.
269	GEN 11:2	Nge lupwen aramas ra sai ngeni ötiu, ra küna eu fanü mi sosonöch itan Papilon. Iwe, ra nonom ikenan.
271	GEN 11:4	Mürin ra apasa, “Ou etto, sipwe aüetä eu telinimw fän itach, pwal eu imw mi tekia, ungan epwe tori läng. Pun sipwe afisätä itach ren pwe sisap toropasfeil won unusen fanüfan.”
276	GEN 11:9	Iei mine ewe telinimw a iteni Papilon, pun ikenan ewe Samol mi Lapalap a alikofifi fosun aramas meinisin, a pwal atoropasafeseniir seni ikenan tori won unusen fanüfan.
283	GEN 11:16	Iwe, lupwen Eper a ierini ilik me rüanü, a nöüni Pelek.
284	GEN 11:17	Nge ierin manauen Eper mürin än Pelek uputiu föpükü ilik, a pwal wor nöün mwän me fefin.
285	GEN 11:18	Iwe, lupwen Pelek a ierini ilik, a nöüni Reu.
286	GEN 11:19	Nge ierin manauen Pelek mürin än Reu uputiu ruupükü tiu, a pwal wor nöün mwän me fefin.
295	GEN 11:28	Iwe, Haran a mäla lon Ur lon ewe fanü Papilon, ewe telinimw a uputiu lon, lupwen saman Tara a chüen manau.
298	GEN 11:31	Iwe, Tara a angei Apram nöün we me Lot nöün Haran pwin Apram we, pwal Sarai pwülüen Apram. Iwe, ra towu seni ewe telinimw Ur lon ewe fanü Papilon, pwe repwe feila lon ewe fanü Kanaan. Nge lupwen ra tori ewe telinimw Haran, ra imweimw ikenan.
307	GEN 12:8	Seni ikenan a feila ngeni ewe fanü mi chukuchukutä ötiuen Petel. Iwe, a aüetä imwan imw mangaku lefilen Petel mi nom lotou me Ai mi nom ötiu. Nge ikenan a pwal senätä eu rongen asor fän iten ewe Samol mi Lapalap o fel ngeni.
317	GEN 12:18	Mürin, Farao a körato Apram o apasa, “Pwota ka föri ngeniei ei sokun? Pwota kosap asile ngeniei pwe neminei pwülüom?
318	GEN 12:19	Pwota ka apasa pwe neminei fefinom? Ina popun üa angei pwe pwülüei. Kopwe angei pwülüom ei o sü seniei.”
322	GEN 13:3	Mürin a sai seni ikenan, a sai seni eu leni tori pwal eu o feila ngeni Petel. Iwe, a tori ewe leni lefilen Petel me Ai ia imwan imw mangaku a nom ie me mwan.
326	GEN 13:7	Nge a wor aninifengen lefilen nöün Apram kewe chon fofol man me nöün Lot kewe chon fofol man. Lon ena fansoun ekewe chon Kanaan me chon Peres ra imweimw lon ewe fanü.
338	GEN 14:1	Iwe, lon ewe fansoun Amrafel ewe kingen Papilon, Ariok ewe kingen Ellasar, Ketor Laomer ewe kingen Elam me Tital ewe kingen Koim
339	GEN 14:2	ra feila o maun ngeni Pera ewe kingen Sotom, Pirsa ewe kingen Komora, Sinap ewe kingen Atma, Semeper ewe kingen Sepoim pwal ngeni ewe kingen Pela, a pwal iteni Soar.
340	GEN 14:3	Iwe, Pera me chienan kewe ra achufengeni nöür mwichen sounfiu lon ewe lemolun Sitim, iei ewe Setin Mäla ikenai.
343	GEN 14:6	pwal ekewe chon Hor won ekewe chukun Etom, ra pwal tapweriir tori El Paran lon kiännin ewe fanüapö.
345	GEN 14:8	Iwe, ekewe kingen Sotom, Komora, Atma, Sepoim me Pela, a pwal iteni Soar, ra achufengeni ar kewe mwichen sounfiu lon ewe lemolun Sitim
346	GEN 14:9	o maun ngeni Ketor Laomer ewe kingen Elam, Tital ewe kingen Koim, Amrafel ewe kingen Papilon me Ariok ewe kingen Ellasar. Iwe, föman king ra maun ngeni limman.
368	GEN 15:7	Mürin, Kot a üreni, “Ngang ewe Samol mi Lapalap. Üa emwenukowu seni Ur lon ewe fanü Papilon, pwe üpwe ngonuk ei fanü pwe kopwe fanüeni.”
381	GEN 15:20	ewe fanüen chon Hit, chon Peris me chon Refa,
395	GEN 16:13	Iwe, Hakar a aita ngeni ewe Samol mi Lapalap mi kapas ngeni me mwan, “En eman Kot mi nenengeniei.” Pun a apasa, “Ellet, üa küna ewe mi fen nenengeniei.”
396	GEN 16:14	Iei mine aramas ra aita ngeni ewe chönüttu mi nom lefilen Kates me Peret Peer Lahairoi .
438	GEN 18:13	Mürin, ewe Samol mi Lapalap a üreni Apraham, “Pwota Sara a takir o ekieki lon lelukan, ‘Ifa usun, üpwe wesewesen tongeni nöünöü lon ai chinlap?’
442	GEN 18:17	Mürin, ewe Samol mi Lapalap a apasa, “Pwota üpwe aopa seni Apraham mine üpwe föri?
443	GEN 18:18	Pun üa silei pwe Apraham epwe wiliti eu mwü mi fokun watte o pöchökül, nge mwün fanüfan meinisin repwe küna ar feiöch me ren.
465	GEN 19:7	Iwe, a üreniir, “Pwipwi kana, üa tüngor ngenikemi pwe ousap föri ei sokun föför mi ngau.
471	GEN 19:13	Pun äm aipwe ataala. Kapasen atutur usun föföringauen aramasen ei leni a fokun wattela fän mesen ewe Samol mi Lapalap. Iei popun a tinikeemito pwe aipwe atai.”
496	GEN 19:38	Nge ewe setipütür a pwal nöüni eman ät o aita ngeni Pen Ami. Iwe, tori ikenai i semelapen ekewe chon Amon.
506	GEN 20:10	Iwe, Apimelek a pwal aisini Apraham, “Pwota ka föri ei sokun föför?”
514	GEN 20:18	Pun me mwan ewe Samol mi Lapalap a föri pwe ekewe fefin mi nom lon imwen Apimelek ra rit pokiten mine a fis ngeni Sara pwülüen Apraham we.
524	GEN 21:10	Iei mine a üreni Apraham, “Kopwe asüela ewe chon angang me nöün we. Pun nöün ewe chon angang esap eti nei we le wöüni woum.”
528	GEN 21:14	Iei mine Apraham a pwätä lesosorusich, a angei mongö me eu rumen koluk o isetä won afaren Hakar. Iwe, a tinirela me nöün we ät. Iwe, Hakar a feila o süsüfeil lon ewe fanüapön Peersepa.
530	GEN 21:16	Mürin, a feila seni o mottiu awenewenan, nge toauan ina epwe ükükün lime ngaf. Pun a apasa, “Üsap tongeni nengeni mälan ewe ät.” Iwe, lupwen a mot ikenan, ewe ät a popuetä le kechü.
535	GEN 21:21	Iwe, lupwen a nonom lon ewe fanüapön Paran, inan we a angei eman pwülüan seni ewe fanü Isip.
545	GEN 21:31	Iei mine ewe leni a iteni Peersepa , pun ikenan ir me ruoman ra pwon fän akapel.
546	GEN 21:32	Mürin ar pwonfengen lon Peersepa, Apimelek me Fikol ewe meilapen nöün mwichen sounfiu ra ütä o liwiniti ewe fanü Filistia.
547	GEN 21:33	Iwe, Apraham a fotuki efoch irä itan tamarisk lon Peersepa. Ikenan a fel ngeni ewe Samol mi Lapalap, ewe Kot mi nom tori feilfeilachök.
564	GEN 22:16	o üreni, “Ewe Samol mi Lapalap a apasa: Üa akapelüei. Pokiten ka föri ei pwe kosap achika noum aleman,
567	GEN 22:19	Iwe, Apraham a liwiniti nöün kewe chon angang. Mürin, ra mwinemwinela Peersepa. Iwe, Apraham a nonom ikenan.
569	GEN 22:21	Iwe, iten ewe mwänichi Us, nge iten pwin kewe Pus, Kemuel semen Aram,
570	GEN 22:22	Keset, Haso, Piltas, Jitlaf me Petuel.
571	GEN 22:23	Iwe, Petuel semen Repeka. Ikkei ir ekewe walüman Milka a nöüni me won Nahor pwin Apraham we.
607	GEN 24:15	Iwe, lupwen esamwo wes me iotek, Repeka a war o uwei eu an rumen koluk won afaran. Iwe, Repeka nöün Petuel we föpwül, nge Petuel nöün Milka pwülüen Nahor we, nge Nahor pwin Apraham.
616	GEN 24:24	Nge Repeka a pälüeni, “Ngang nöün Petuel, nge semei nöün Milka pwülüen Nahor we.”
619	GEN 24:27	Iwe, a apasa, “Üpwe mwareiti ewe Samol mi Lapalap än ai samol Apraham we Kot, pwe esap amwöchü seni ai samol an tong me an allükülük. Pun ewe Samol mi Lapalap a wenewenen emweniei tori imwen aramasen semen ai we samol.”
622	GEN 24:30	Pun lupwen Lapan a küna ewe ring me ekewe lälä won pöün fefinan we, a pwal rong mine Repeka a apworausa usun alon ewe mwän ngeni, a feila ren nöün Apraham we chon angang mi ütä ren nöün kewe kamel ünükün ewe chönüttu.
623	GEN 24:31	Iwe, Lapan a üreni, “Kopwe etiei, chon feiöch me ren ewe Samol mi Lapalap. Pwota ka chök ükü ikei? Üa fen amolätä leniom lon imwei, pwal lenien ekewe kamel.”
639	GEN 24:47	Mürin üa aisini, ‘En nöün iö?’ Iwe, a pälüeni, ‘Ngang nöün Petuel, nge semei nöün Milka pwülüen Nahor we.’ Mürin üa apachätä ewe ring won pwötün o anomu ekewe lälä won pöün.
642	GEN 24:50	Mürin, Lapan me Petuel ra pälüeni, “Ei mettoch a pop seni ewe Samol mi Lapalap. Äm aisap tongeni filätä och me lükün ei.
654	GEN 24:62	Iwe, Isaak a liwinto seni ewe chönüttu Peer Lahairoi, pun a nonom lon ewe fanü Nekep.
670	GEN 25:11	Iwe, mürin än Apraham mäla Kot a afeiöchü Isaak nöün we. Nge Isaak a nonom arun ewe chönüttu Peer Lahairoi.
679	GEN 25:20	Iwe, Isaak a ierini faik, lupwen a pwülüeni Repeka nöün Petuel we ewe re Siria seni Mesopotamia. Nge Repeka fefinen Lapan we.
702	GEN 26:9	Iwe, Apimelek a körato Isaak o üreni, “Neminan wesewesen pwülüom. Pwota ka apasa pwe i fefinom?” Nge Isaak a pälüeni, “Üa chök ekieki pwe üpwe ninniila pokitan.”
703	GEN 26:10	Mürin, Apimelek a üra, “Pwota ka föri ngenikem ei sokun? A fokun tongeni fis pwe eman lein ekewe aramas epwe kon ren pwülüom we. Nge en kopwe awarato tipis wom.”
716	GEN 26:23	Nge seni ikenan Isaak a feila Peersepa.
720	GEN 26:27	Iwe, Isaak a aisiniir, “Pwota oua feito rei, nge oua fen oputaei o asüeila senikemi?”
726	GEN 26:33	Iwe, Isaak a aita ngeni ewe chönüttu Sepa . Iei mine ewe telinimw a iteni Peersepa tori ikenai.
727	GEN 26:34	Iwe, lupwen Esau a ierini faik, a pwülüeni ruoman fin Hit: Jutit nöün Peeri we, me Pasemat nöün Elon we.
732	GEN 27:4	Iwe, kopwe föri och mongö mi anö usun ai mwon o uwato rei pwe üpwe mongö. Pun üa mochen afeiöchuk mwen ai üpwe mäla.”
735	GEN 27:7	‘Kopwe uwato eman manmwacho rei o föri och mongö mi anö fän itei pwe üpwe mongö. Pun üa mochen afeiöchuk me fän mesen ewe Samol mi Lapalap mwen ai üpwe mäla.’
748	GEN 27:20	Nge Isaak a aisini nöün we, “Nei, ifa usun, met popun ka müttir le liap?” Nge a pälüeni, “Pun ewe Samol mi Lapalap om we Kot a aliapaei.”
755	GEN 27:27	Iwe, lupwen Jakop a kineto o mitiri, saman we Isaak a tini pwoon üfan, a afeiöchü o apasa, “Pwoon nei a usun chök pwoon eu mälämäl ewe Samol mi Lapalap a afeiöchü.
763	GEN 27:35	Nge Isaak a pälüeni, “Pwiüm we a feito fän tipachemsolä o angeala feiöchum we.”
764	GEN 27:36	Iwe, Esau a apasa, “A let pwe itan Jakop. Pun iei aruuen an atupuei. Iwe, a angeala wisei we wisen mwänichi, nge iei a angeala feiöchi we.” Mürin a aisini saman we, “Ifa usun, esap wor pwal eu feiöch ka iseis fän itei?”
773	GEN 27:45	Iwe, lupwen epwe wes an song ngonuk, epwe pwal manlükala mine ka föri ngeni, ngang üpwap titila reöm pwe kopwe liwinto seni ikenan. Pwota ämi me ruoman oupwe mä seniei lon eu chök rän?”
776	GEN 28:2	Nge kopwe feila Mesopotamia lon imwen Petuel semen inom we. Iwe, kopwe tüngor seni ikenan eman föpwül nöün Lapan mongeen inom we pwe kopwe pwülüeni.
779	GEN 28:5	Iei usun Isaak a kapas ngeni Jakop o tinala Mesopotamia ren Lapan nöün Petuel ewe re Siria. Nge Lapan mongeen Repeka inen Jakop me Esau.
784	GEN 28:10	Iwe, Jakop a feila seni Peersepa pwe epwe feila Haran.
793	GEN 28:19	Iwe, a aita ngeni ewe leni Petel . Nge iten ewe telinimw me lom Lus.
800	GEN 29:4	Iwe, Jakop a üreni ekewe chon mas, “Pwii kana, ia oua feito me ie?” Nge ra pälüeni, “Äm aia feito seni Haran.”
821	GEN 29:25	Nge lesosor, Jakop a küna pwe a pwülüeni Lea. Iwe, a feila ren Lapan o üreni, “Pwota ka föri ei sokun ngeniei? Ifa usun, üsap angang ngonuk fän iten Rahel? Pwota ka atupuei?”
825	GEN 29:29	Lapan a angei nöün we chon angang Pila o ngeni Rahel pwe epwe chon angang ngeni.
828	GEN 29:32	Iwe, Lea a pwopwo, a nöüni eman ät o aita ngeni Rupen . Pun a apasa, “Ewe Samol mi Lapalap a küna ai riaföü, ellet iei pwülüei we epwe tongeei.”
829	GEN 29:33	Mürin, Lea a pwopwosefäl o nöüni eman ät. Iwe, a apasa, “Pokiten ewe Samol mi Lapalap a rong pwe ngang üa sochowun, a pwal ngeniei ei ät.” Iei mine a aita ngeni Simeon .
832	GEN 30:1	Nge lupwen Rahel a küna pwe esap nöünöü me won Jakop, a lolowo ngeni pwin we. Nge a üreni Jakop, “Kopwe föri mine üpwe nöünöü ren. Pun are kosap, üpwe mäla.”
834	GEN 30:3	Nge Rahel a apasa, “Iei i nei we chon angang Pila. Kopwe kon ren pwe epwe nöünöü me womw. Nge ngang üpwe nöüni nöün.”