15	GEN 1:15	Repwe nonom fän läng o asarama unusen fanüfan.” Iwe, a fis.
176	GEN 7:16	eman ätemwän me eman liefefin. Ra tolong, pun iei usun Kot a allük ngeni Noa. Mürin, ewe Samol mi Lapalap a apüngala ewe asam.
238	GEN 10:3	Nge nöün Komer mwän: Askenas, Rifat me Tokarma.
242	GEN 10:7	Nge nöün Kush mwän: Sepa, Hawila, Sapta, Raama me Sapteka. Nge nöün Raama mwän: Shepa me Tetan.
246	GEN 10:11	Nge seni ei fanü Nimrot a pwal feila Asiria o aüetä ekewe telinimw Ninifa, Rehopot Ir, Kala
247	GEN 10:12	me Resen mi nom lefilen Ninifa me Kala, ewe telinimw mi fokun watte.
285	GEN 11:18	Iwe, lupwen Pelek a ierini ilik, a nöüni Reu.
286	GEN 11:19	Nge ierin manauen Pelek mürin än Reu uputiu ruupükü tiu, a pwal wor nöün mwän me fefin.
287	GEN 11:20	Iwe, lupwen Reu a ierini ilik me ruu, a nöüni Seruk.
288	GEN 11:21	Nge ierin manauen Reu mürin än Seruk uputiu ruupükü fisu, a pwal wor nöün mwän me fefin.
342	GEN 14:5	Iwe, lon engol me rüanün ier Ketor Laomer me ailan kewe king ra akufu ekewe chon Refa lon Asterot Karnaim, ekewe chon Sus lon Ham, ekewe chon Em lon Safei Kiriataim,
344	GEN 14:7	Mürin ra kul o liwinsefäliti En Mispat, a pwal iteni Kates. Ra liapeni unusen ewe fanüen chon Amalek me chon Amor mi nom lon Hasason Tamar.
349	GEN 14:12	Ra pwal uwala Lot nöün pwin Apram mi imweimw lon Sotom, me pisekin meinisin.
381	GEN 15:20	ewe fanüen chon Hit, chon Peris me chon Refa,
429	GEN 18:4	Repwe uwato remi ekis koluk pwe oupwe talü pechemi. Iwe, oupwe asösö fän ewe irä,
571	GEN 22:23	Iwe, Petuel semen Repeka. Ikkei ir ekewe walüman Milka a nöüni me won Nahor pwin Apraham we.
572	GEN 22:24	Nge wülüpwülüen Nahor itan Rehuma a nöüni Tepa, Kaham, Tahas me Maaka.
606	GEN 24:14	Iwe, amwo epwe iei usun: Are üpwe tüngor ngeni eman föpwül, ‘Kose mochen apäa om na rume pwe üpwe ünümi ekis koluk seni,’ nge i epwe üra, ‘Kopwe ün, nge üpwe pwal aünü noum kewe kamel,’ neminewe epwe ina i ewe ka filätä pwe pwülüen noum we chon angang Isaak. Ren ei ngang üpwe silei pwe ka eäni kirikiröch ngeni ai we samol.”
607	GEN 24:15	Iwe, lupwen esamwo wes me iotek, Repeka a war o uwei eu an rumen koluk won afaran. Iwe, Repeka nöün Petuel we föpwül, nge Petuel nöün Milka pwülüen Nahor we, nge Nahor pwin Apraham.
610	GEN 24:18	Nge Repeka a pälüeni, “Kopwe ün ai samol.” Iwe, a müttir uwätiu an we rume me won afaran o aünü ewe mwän ewe koluk.
611	GEN 24:19	Iwe, lupwen Repeka a wes me aünü, a pwal üreni, “Ngang üpwe pwal üfi ünümen noum kewe kamel tori ar repwe möt.”
616	GEN 24:24	Nge Repeka a pälüeni, “Ngang nöün Petuel, nge semei nöün Milka pwülüen Nahor we.”
621	GEN 24:29	Nge a wor eman mongeen Repeka itan Lapan. Iwe, ätewe a mümütüla ren ewe mwän mi nom ünükün ewe chönüttu.
622	GEN 24:30	Pun lupwen Lapan a küna ewe ring me ekewe lälä won pöün fefinan we, a pwal rong mine Repeka a apworausa usun alon ewe mwän ngeni, a feila ren nöün Apraham we chon angang mi ütä ren nöün kewe kamel ünükün ewe chönüttu.
637	GEN 24:45	Iwe, mwen üsamwo wes le iotek lon lelukei, Repeka a feito o uwei an we rumen koluk won afaran. A tötiu lon ewe chönüttu pwe epwe üfüf koluk. Iwe, ngang üa tüngor ngeni, ‘Kose mochen kopwe aünüei.’
643	GEN 24:51	Iei i Repeka. Kopwe angei o uwala pwe epwe pwülüen nöün om we samol usun ewe Samol mi Lapalap a püsin apasa.”
645	GEN 24:53	Mürin, ewe chon angang a uwawu fout seni silifer me kolt pwal mangaku o ngeni Repeka. Iwe, a pwal kisen ngeni mongeen Repeka we me inan pisek mi aüchea.
647	GEN 24:55	Nge mongeen Repeka me inan we ra üreni, “Kose mochen mwüt ngenikem ewe föpwül epwe mwo ekis nonom rem, eli lon ükükün engol rän. Mürin epwap feila.”
649	GEN 24:57	Iwe, ra üreni, “Aipwe köri Repeka o aisini met letipan.”
650	GEN 24:58	Mürin ra körato o aisini, “Ifa usun, ka mochen eti ei mwän?” Nge Repeka a pälüeni, “Ewer, üpwe eti.”
651	GEN 24:59	Iwe, ra tinala Repeka fefiner we me nöün chon angang fefin, pwal nöün Apraham chon angang me chienan kewe.
652	GEN 24:60	Ra afeiöchü Repeka o üreni, “En fefinem kopwe inelapen aramas mi chomong usun pien aroset. Mwirimwirum kana repwe nemeni ekewe telinimwen chon oputeer.”
653	GEN 24:61	Mürin Repeka me nöün kewe chon angang fefin ra amolätä ar sai, ra tötä won ekewe kamel pwe repwe eti nöün Apraham we chon angang. Iei usun ir meinisin ra feila.
656	GEN 24:64	Iwe, pwal Repeka a chimwetä. Nge lupwen a küna Isaak, a tötiu seni wan we kamel
657	GEN 24:65	o aisini ewe chon angang, “Iö ewe mwän pekila a fetal lemäl pwe epwe sounikich?” Ewe chon angang a pälüeni, “Iei i ai we samol.” Iwe, Repeka a angei och mangaku o pwölüöla won mesan.
659	GEN 24:67	Mürin, Isaak a emwenalong Repeka lon imwen Sara inan we. Iwe, a pwülüeni o echeni. Iei usun Isaak a chipila mürin än inan we mäla.
679	GEN 25:20	Iwe, Isaak a ierini faik, lupwen a pwülüeni Repeka nöün Petuel we ewe re Siria seni Mesopotamia. Nge Repeka fefinen Lapan we.
680	GEN 25:21	Iwe, Isaak a ikiotek fän äsengesin pwülüan we, pun a rit. Nge ewe Samol mi Lapalap a aüselinga an iotek, iei mine Repeka a pwopwo.
681	GEN 25:22	Nge a wor nöün lippwe, ra fiufengen lon lukan. Iwe, Repeka a apasa, “Met popun a fis ngeniei ei sokun lapalap?” Iwe, a feila pwe epwe aisini ewe Samol mi Lapalap usun.
682	GEN 25:23	Nge ewe Samol mi Lapalap a üreni, “Ruu ainang ra nonom lon lukom, nge ruu mwichen aramas repwe uputiu senuk. Iwe, ekewe ruu mwich repwe aimwüfesen, nge eu leir epwe pöchökül mwen eu. Iwe, ewe mi lap epwe angang ngeni ewe mi kis.”
685	GEN 25:26	Mürin pwin we a uputiu, nge pöün a amwöchü apilipilin pechen Esau. Iei mine ra aita ngeni Jakop . Iwe, Isaak a ierini wone, lupwen Repeka a nöünöü.
687	GEN 25:28	Iwe, Isaak a echeni Esau, pun a sani le ochoch liapan man. Nge Repeka a echeni Jakop.
700	GEN 26:7	Nge lupwen ekewe re Kerar ra kapas ngeni usun pwülüan we, a üreniir, “Neminei fefinei,” pun a niuokus le apasa pwe i pwülüan. A chök ekieki pwe ekewe re Kerar repwe niela pokiten Repeka, pun a fokun liöch.
701	GEN 26:8	Nge lupwen a nonom ikenan fansoun langatam, Apimelek ewe kingen Filistia a nenewu seni lon asammwachon imwan o küna Isaak pwe a romi Repeka pwülüan we.
715	GEN 26:22	Iwe, seni ikenan a feila ekis o tuw pwal eu chönüttu. Mürin resap chüen anini won. Iei mine a aita ngeni Rehopot , pun a apasa, “Iei ewe Samol mi Lapalap a wäsi leniach pwe sipwe chomongola won ei fanü.”
728	GEN 26:35	Nge ra fokun ariaföüü Isaak me Repeka.
733	GEN 27:5	Nge Repeka a rongorong mine Isaak a eäni kapas ngeni Esau nöün we. Iwe, lupwen Esau a feila lemäl pwe epwe liapeni eman manmwacho,
734	GEN 27:6	Repeka a üreni Jakop nöün we, “Üa rong pwe semom a kapas ngeni pwiüm Esau,
739	GEN 27:11	Nge Jakop a üreni Repeka inan we, “Ka silei pwe Esau pwii we eman mwän mi fokun ülöül, nge ngang üsap fokun ülöül.
743	GEN 27:15	Mürin, Repeka a angei üfen Esau mi fokun öch ra nom lon imwan o aüföüfa ngeni Jakop.
745	GEN 27:17	Mürin, Repeka a ngeni Jakop ewe mongö mi anö me ewe pilawa a amolätä.
769	GEN 27:41	Iwe, Esau a koum ngeni Jakop pokiten ewe feiöch saman we a afeiöchü ngeni. Iwe, Esau a apasa ngeni püsin i, “Ränin kechüeiti semei, lupwen epwe mäla, a arapoto. Mürin üpwap niela Jakop.”
770	GEN 27:42	Nge eman a asile ngeni Repeka alon Esau. Iei mine a köri Jakop o üreni, “Esau pwiüm we a achipa lelukan ren an ekiekin niikala.
774	GEN 27:46	Mürin, Repeka a üreni Isaak, “Ngang üsap chüen mochen manau pokiten pwülüen Esau kewe fin Hit. Are Jakop epwe pwal pwülüeni eman lein ekei fin Hit, epwe fen öch ai üpwe mäla.”
779	GEN 28:5	Iei usun Isaak a kapas ngeni Jakop o tinala Mesopotamia ren Lapan nöün Petuel ewe re Siria. Nge Lapan mongeen Repeka inen Jakop me Esau.
802	GEN 29:6	Iwe, Jakop a pwal aisiniir, “Ifa usun, a pöchökül?” Nge ra üreni, “Ewer, a pöchökül. Nengeni, iei i Rahel nöün we föpwül a feito me nöün sip kana.”
805	GEN 29:9	Iwe, lupwen Jakop me ekewe mwän ra chüen kapasfengen, Rahel a feito me nöün saman kewe sip, pun i a tümwünüür.
806	GEN 29:10	Nge lupwen Jakop a küna Rahel nöün Lapan mongeen inan we, pwal nöün Lapan kewe sip, a akulu ewe fau seni leawen ewe chönüttu o aünü ekewe sip nöün mongeen inan we.
807	GEN 29:11	Mürin, Jakop a mitiri Rahel o kechü fän leüömong.
808	GEN 29:12	Iwe, Jakop a pwäri ngeni Rahel pwe i a pwal semeni saman, pun i nöün Repeka. Iei mine Rahel a mümütüla o apworausa ngeni saman we.
812	GEN 29:16	Nge a wor ruoman nöün Lapan föpwül, iten ewe finichi Lea, nge iten ewe mi kis fan Rahel.
813	GEN 29:17	Iwe, Lea a mesengau, nge Rahel a meseöch o fokun liöch.
814	GEN 29:18	Jakop a efich Rahel. Iei mine a apasa, “Üpwe angang ngonuk lon ükükün fisu ier fän iten noum föpwül Rahel ewe mi kis, pwe üpwe pwülüeni.”
816	GEN 29:20	Iei mine Jakop a angang lon ükükün fisu ier fän iten Rahel. Nge me ren Jakop ekewe fisu ier ra chök wewe ngeni ekoch rän pokiten an echeni ewe föpwül.
821	GEN 29:25	Nge lesosor, Jakop a küna pwe a pwülüeni Lea. Iwe, a feila ren Lapan o üreni, “Pwota ka föri ei sokun ngeniei? Ifa usun, üsap angang ngonuk fän iten Rahel? Pwota ka atupuei?”
823	GEN 29:27	Kopwe chök awesala ei wiken apwapwan apwüpwülü, mürin aipwe ngonuk pwal ewe mi kis. Nge liwinin om kopwe le pwülüeni Rahel, kopwe angang ngeniei pwal fisu ier.”
824	GEN 29:28	Iwe, Jakop a tipeeu ngeni. Nge lupwen a wes ewe wik, Lapan a ngeni Jakop nöün we föpwül Rahel pwe pwülüan.
825	GEN 29:29	Lapan a angei nöün we chon angang Pila o ngeni Rahel pwe epwe chon angang ngeni.
826	GEN 29:30	Iwe, Jakop a pwal pwülüeni Rahel, nge a efich Rahel mwen Lea. Mürin, Jakop a angang ngeni Lapan pwal fisu ier.
827	GEN 29:31	Iwe, lupwen ewe Samol mi Lapalap a küna pwe Lea a sochowun me ren Jakop, a anöünöü, nge Rahel a rit.
828	GEN 29:32	Iwe, Lea a pwopwo, a nöüni eman ät o aita ngeni Rupen . Pun a apasa, “Ewe Samol mi Lapalap a küna ai riaföü, ellet iei pwülüei we epwe tongeei.”
832	GEN 30:1	Nge lupwen Rahel a küna pwe esap nöünöü me won Jakop, a lolowo ngeni pwin we. Nge a üreni Jakop, “Kopwe föri mine üpwe nöünöü ren. Pun are kosap, üpwe mäla.”
833	GEN 30:2	Iwe, Jakop a song ngeni Rahel o apasa, “Ifa usun, ngang siwilin Kot mi amwöchü senuk om kopwe pwopwo?”
834	GEN 30:3	Nge Rahel a apasa, “Iei i nei we chon angang Pila. Kopwe kon ren pwe epwe nöünöü me womw. Nge ngang üpwe nöüni nöün.”
835	GEN 30:4	Iei mine Rahel a ngeni Jakop nöün we chon angang Pila pwe epwe pwülüeni. Iwe, Jakop a kon ren.
837	GEN 30:6	Mürin, Rahel a apasa, “Kot a alletätä ai pwüng, a pwal rong ai iotek o ngeniei eman ät.” Iei mine a aita ngeni Tan .
838	GEN 30:7	Pila nöün Rahel we chon angang a pwal pwopwo o nöüni ngeni Jakop aruomanün nöün ät.
839	GEN 30:8	Mürin Rahel a apasa, “Fän pöchökül üa aülap ngeni pwii, nge üa akufu.” Iei mine a aita ngeni ewe ät Naftali .
845	GEN 30:14	Iwe, lupwen fansoun resin wiich Rupen a feila lemäl, a küna ekoch föün apelin omung o uwato ren Lea inan we. Iwe, Rahel a üreni Lea, “Kose mochen kopwe ngeniei ekoch seni ekewe apelin omung noum we a kini.”
846	GEN 30:15	Nge Lea a aisini, “Ifa usun, ese naf om angei seniei pwülüei? Ka pwal mochen angei seniei ekewe apelin omung nei we a kini?” Iwe, Rahel a pälüeni, “Ika kopwe ngeniei ekewe apelin omung, Jakop epwe kon reöm lepwin ei.”
847	GEN 30:16	Nge lupwen Jakop a liwinto seni lemäl lekuniol, Lea a feila pwe epwe churi. Iwe, a üreni Jakop, “Kopwe fokun kon rei lepwin ei, pun üa mönuk seni Rahel ren kinien nei we apelin omung.” Iei mine Jakop a kon ren lon ewe pwin.
853	GEN 30:22	Mürin, Kot a chechemeni Rahel, a aüselinga an tüngor o anöünöü.
854	GEN 30:23	Iei mine Rahel a pwopwo, a nöüni eman ät o apasa, “Kot a angei seniei ai itengau.”
856	GEN 30:25	Mürin än Rahel nöüni Josef, Jakop a üreni Lapan, “Kose mochen mwüt ngeniei pwe üpwe liwiniti poputän fanüei.
878	GEN 31:4	Iwe, Jakop a körato Rahel me Lea lon ewe mälämäl ia a tümwünü ie ekewe pwiin man.
888	GEN 31:14	Mürin Rahel me Lea ra üreni Jakop, “Esap chüen wor wisem me ren semem.
893	GEN 31:19	Nge lupwen Lapan a feila pwe epwe fichi ülen nöün kewe sip, Rahel a soläni nöün saman we uluulun anün leimw.
906	GEN 31:32	Nge ewe eman kopwe küna me ren noum kewe uluulun anün leimw, epwe mäla. Iei kopwe kütta mwen mesen aramasom kei o angei mine om me lein ai kewe pisek.” Nge Jakop esap silei pwe Rahel a soläni ekewe uluulun anü.
907	GEN 31:33	Iwe, Lapan a tolong lon imwen Jakop, lon imwen Lea, pwal lon imwen ekewe ruoman chon angang fefin, nge esap küna nöün kewe uluulun anü. Mürin, a towu seni imwen Lea o tolong lon imwen Rahel.
908	GEN 31:34	Nge Rahel a angei ekewe uluulun anü, a aopala fän an lenien mot o mottiu won. Iei ewe lenien mot ra aea won nöür kewe kamel. Iwe, Lapan a kütta ekewe uluulun anü lon unusen ewe imw, nge esap küneer.
909	GEN 31:35	Iwe, Rahel a üreni saman we, “Semei, kose mochen kosap song ngeniei pwe üsap ütä mwom, pun üa samaun fefin.” Iei usun Lapan a kütta nöün kewe uluulun anün leimw ekis meinisin, nge esap küneer.
912	GEN 31:38	Rüe ier üa nom reöm. Noum kewe liefefinin sip me kuuch esap mwetela nöür. Üsap fokun ochoch eman noum ätemwänin kuuch seni noum kewe pwiin man.
962	GEN 33:1	Iwe, Jakop a netä o küna pwe Esau a war me föpükü mwän. Iei popun Jakop a aimwüfeseni nöün kewe o ngeni Lea me Rahel nöür, a pwal ngeni ekewe ruoman chon angang fefin nöür.
963	GEN 33:2	Iwe, a akomwa ekewe ruoman chon angang fefin me nöür kewe, mürin Lea me nöün kewe, nge Rahel me Josef ra kükümwir.
968	GEN 33:7	Pwal usun chök Lea me nöün kewe ra arapeto o chapetiu me mwan, nge lesopolan Rahel me Josef ra arapeto o chapetiu me mwan.
988	GEN 34:7	Iwe, lupwen nöün Jakop kewe mwän ra rong ei pworaus, ra müttir liwinto me lemäl. Ra chou o fokun song, pun Sikem a föri och föför mi äsäw lon Israel ren an konfengen me nöün Jakop we föpwül. Pun a ngau ei sokun föför än eman epwe föri.
1007	GEN 34:26	Ra pwal niela Hamor me Sikem nöün we. Mürin ra angei Tina seni lon imwen Sikem o süla fan.