258	GEN 10:23	Ekewe mwirimwirin Aram ekewe chon Us, chon Hul, chon Keter me chon Mesek.
262	GEN 10:27	chon Hatoram, chon Usal, chon Tikla,
295	GEN 11:28	Iwe, Haran a mäla lon Ur lon ewe fanü Papilon, ewe telinimw a uputiu lon, lupwen saman Tara a chüen manau.
298	GEN 11:31	Iwe, Tara a angei Apram nöün we me Lot nöün Haran pwin Apram we, pwal Sarai pwülüen Apram. Iwe, ra towu seni ewe telinimw Ur lon ewe fanü Papilon, pwe repwe feila lon ewe fanü Kanaan. Nge lupwen ra tori ewe telinimw Haran, ra imweimw ikenan.
355	GEN 14:18	Iwe, Melkisetek ewe kingen Salem a uwato pilawa me wain ren Apram. Melkisetek eman souasor nöün ewe Kot mi Unusen Tekia.
356	GEN 14:19	Iwe, a afeiöchü Apram o apasa, “Kopwe feiöch, Apram, me ren ewe Kot mi Unusen Tekia, a föri läng me fanüfan.
357	GEN 14:20	Sipwe mwareiti ewe Kot mi Unusen Tekia, a atolonga chon oputom fän nemeniom.” Mürin, Apram a ngeni Melkisetek eu leengol seni choon wokun meinisin.
359	GEN 14:22	Nge Apram a üreni ewe kingen Sotom, “Üa akapel ngeni ewe Samol mi Lapalap, ewe Kot mi Unusen Tekia, a föri läng me fanüfan,
368	GEN 15:7	Mürin, Kot a üreni, “Ngang ewe Samol mi Lapalap. Üa emwenukowu seni Ur lon ewe fanü Papilon, pwe üpwe ngonuk ei fanü pwe kopwe fanüeni.”
399	GEN 17:1	Iwe, lupwen Apram a ierini tiwe me tiu, ewe Samol mi Lapalap a pwä ngeni o üreni, “Ngang ewe Kot mi Unusen Manaman. Kopwe manau me fän mesei o unusen föföröch.
537	GEN 21:23	Iei mine kopwe pwon fän akapel ngeniei ikenai me fän mesen Kot, pwe kosap angangingau ngeniei are ngeni nei kewe are pwal ngeni mwirimwiri kewe. Usun ngang üa kirikiröch ngonuk, iei usun en kopwe pwal kirikiröch ngeniei, pwal ngeni ewe fanü ia ka wasöla lon.”
569	GEN 22:21	Iwe, iten ewe mwänichi Us, nge iten pwin kewe Pus, Kemuel semen Aram,
777	GEN 28:3	Amwo ewe Kot mi Unusen Manaman epwe afeiöchuk, epwe pwal aupwuk o achomongokola pwe kopwe wiliti eu mwichen aramas mi chomong.
1023	GEN 35:11	Iwe, a pwal üreni, “Ngang ewe Kot mi Unusen Manaman. Kopwe upw o chomongola. Kopwe wiliti eu mwichen aramas, nge chomong mwicheichen aramas me king kana repwe pop senuk.
1069	GEN 36:28	Nge nöün Tisan kewe mwän: Us me Aran.
1305	GEN 43:14	Amwo ewe Kot mi Unusen Manaman epwe föri pwe ewe mwän epwe ümöümöch ngenikemi, pwe epwe aliwini ngenikemi pwimi Simeon me Peniamin. Nge are ese chüen wor nei, iwe, sipwe fetei.”
1455	GEN 48:3	Iwe, Jakop a üreni Josef, “Ewe Kot mi Unusen Manaman a pwä ngeniei me lon Lus lon ewe fanü Kanaan o afeiöchüei.
1499	GEN 49:25	Än semom we Kot epwe alisuk, ewe Kot mi Unusen Manaman epwe afeiöchuk ren feiöch seni läng, pwal ren ewe feiöch seni fän pwül. Kopwe feiöch ren chomong man me chomong semirit.
1659	EXO 6:3	Üa pwä ngeni Apraham, Isaak me Jakop ren itei we Kot mi Unusen Manaman, nge üsap asile ngeniir itei ei Samol mi Lapalap.
1674	EXO 6:18	Nge nöün Kohat kewe mwän: Amram, Ishar, Hepron me Ussiel. Iwe, ierin manauen Kohat ükükün ipükü ilik me ülüngat.
1678	EXO 6:22	Nge nöün Ussiel kewe mwän: Misael, Elsafan me Sitri.
1982	EXO 16:34	Usun mine ewe Samol mi Lapalap a allük ngeni Moses, iei usun Aaron a iseis ewe mongö mwen ekewe allük, pwe epwe nonom ie.
2324	EXO 28:30	Kopwe iselong ewe Urim me ewe Tumim lon ewe chechen leupw, pwe repwe nonom fän mwärin Aaron, lupwen epwe tolong fän mesei. Iei usun Aaron epwe uwei fän mwärin ewe minen asisila letipei ngeni chon Israel fansoun meinisin, lupwen epwe tolong fän mesei.
2423	EXO 31:2	“Iei üa filätä Pesalel nöün Uri, nge Uri nöün Hur seni ewe ainangen Juta.
2562	EXO 35:30	Mürin, Moses a üreni ekewe aramasen Israel, “Iei ewe Samol mi Lapalap a filätä Pesalel nöün Uri we mwän, nge Uri nöün Hur seni ewe ainangen Juta.
2656	EXO 38:22	Iwe, Pesalel nöün Uri we mwän, nge Uri nöün Hur seni ewe ainangen Juta, a föri meinisin mine ewe Samol mi Lapalap a allük ngeni Moses.
2816	LEV 4:20	Usun mine a föri ngeni ewe mönün asoren tipis, iei usun epwe pwal föri ngeni ei ätemwänin kow. Ren ei ewe souasor epwe föri asoren amusamusen tipis fän iten ekewe aramas, pwe ar tipis epwe musala.
2926	LEV 8:8	Iwe, a pachetä won ewe chechen leupw o uwalong ewe Urim me ewe Tumim lon .
2982	LEV 10:4	Mürin, Moses a körato Misael me Elsafan nöün Ussiel mwän, nge Ussiel pwin semen Aaron. Iwe, a üreniir, “Oupwe kaneto o ekiela pwimi seni lon ewe imwenfel seni mangaku, pwe oupwe ekirewu lükün ewe ia aramas ra nonom ie.”
3467	LEV 24:20	Are eman a kupi chün eman, epwe pwal kupukup chün, are eman a afeiengaua mesen eman, mesan epwe pwal feiengau, nge are eman a tülü ngiin eman, ngiin epwe pwal tütül. Usun eman a afeiengaua eman aramas pwe a ter, iei usun epwe pwal fis ngeni.
3676	NUM 2:17	Mürin ekei ruu mwich chon ewe ainangen Lefi mi nom lukalaper repwe sai o eki pisekin ewe imwenfel seni mangaku. Usun tettelin ar nom lon lenier, iei usun pwal tettelin ar sai, eu me eu mwich lon an tettel fän en me an filäik.
3712	NUM 3:19	Iwe, iten nöün Kohat kewe mwän, ir lewon ar kewe cho: Amram, Ishar, Hepron me Usiel.
3720	NUM 3:27	Iwe, än Kohat cho ekewe familien Amram, Ishar, Hepron me Usiel.
3723	NUM 3:30	Nge Elisafan nöün Usiel mwän epwe mwänirelan än Kohat cho.
3777	NUM 4:33	Iei än familien nöün Merari kewe mwän angang. Unusen ar angang lon ewe imwenfel seni mangaku epwe nom fän nemelapen Itamar nöün ewe souasor Aaron we mwän.”
3962	NUM 8:22	Mürin, ekewe mwän seni ewe ainangen Lefi ra tolong lon ewe imwenfel seni mangaku, pwe repwe föri angangen wiser fän nemenien Aaron me nöün kewe mwän. Usun ewe Samol mi Lapalap a allük ngeni Moses fän iter, iei usun ekewe aramas ra föri ngeniir.
4178	NUM 15:24	nge ewe mwichen aramas esap mefi pwe a mwäl, ikei mine oupwe föri: Unusen ewe mwichen aramas epwe eäni asor eman nienifön ätemwänin kow fän iten asoren kek ewe Samol mi Lapalap a efich pwoon. Repwe achu ngeni ewe asoren mongö me asoren ün usun mine a pwüng. Repwe pwal eäni asor eman ätemwänin kuuch fän iten asoren tipis.
4451	NUM 24:4	alon ätewe mi rongorong än Kot kapas, ätewe mi wor künan seni Ewe mi Unusen Manaman. A chapetiu, nge mesan esap pwölüpwöl:
4463	NUM 24:16	alon ätewe mi rongorong än Kot kapas o angei ewe tipachem seni Ewe mi Unusen Tekia, ätewe mi wor künan seni Ewe mi Unusen Manaman. A chapetiu, nge mesan esap pwölüpwöl:
4577	NUM 27:21	Epwe ütä fän mesen ewe souasor Eleasar, nge Eleasar epwe kütta letipei fän itan ren ewe Urim . Iwe, fän än Eleasar kapas Josua fiti ekewe aramasen Israel meinisin repwe föri sokopaten ar angang meinisin.”
5264	DEU 12:22	Usun oua ochoch chia ika sokun chia itan kasele, iei usun oupwe pwal tongeni ochoch ei fituk. Iwe, chokewe mi limengau pwal chokewe mi limöch ra tongeni ochoch.
5704	DEU 29:22	Unusen ewe fanü epwe fokun tala o pönüla ren pirimston me salt, pwe esap wor eman a tongeni fotuki ika ämärätä och won, esap pwal pwük fetil won. Ewe fanü epwe usun chök Sotom me Komora, Atma me Sepoim, lupwen ewe Samol mi Lapalap a ataarala lon an song me lingeringer.
5768	DEU 32:8	Lupwen ewe mi Unusen Tekia a ngeni chon ekewe mwü fanüer, lupwen a aimwüfeseni ekewe aramas, a föri kiännin lefilen ekewe aramas won ükükün iteiten nöün Israel kewe mwän.
5771	DEU 32:11	Usun eman ikel a mamasa fasan o äkkäs asen nöün kewe apansüsü, usun a ameresala pöükässin far o amwöchüür pwe repwe nom won, a pwal uweeretä won pöükässin,
5820	DEU 33:8	Nge a apasa usun ewe ainangen Lefi, “Kopwe ngeni chon ewe ainangen Lefi noum kewe chon pin om Tumim me om Urim . Ka sotuniir me Masa, ka anini ngeniir me arun ewe kolukun Meripa.
5858	JOS 1:5	Esap wor eman epwe tongeni ü ngonuk lon ränin manauom meinisin. Usun üa eti Moses, iei usun üpwe pwal etuk. Üsap tümwününgau ngonuk, üsap pwal likituk.
6105	JOS 10:39	Iwe, Josua a liapeni ewe telinimw me an we king pwal wisoposopun meinisin. Ra fokun niela aramasen lon meinisin. Josua esap amanaua eman. Usun mine a piin föri ngeni Hepron me Lipna me ar kewe king, iei usun a pwal föri ngeni Tepir me an king.
6124	JOS 11:15	Usun mine ewe Samol mi Lapalap a allük ngeni nöün we chon angang Moses, iei usun Moses a allük ngeni Josua. Nge Josua esap likiti och, pwe a föri meinisin mine ewe Samol mi Lapalap a allük ngeni Moses.
6158	JOS 13:2	Iei ewe fanü ousamwo liapeni: Unusen kinikinin fanüen chon Filistia me chon Kesur.
6353	JOS 19:30	Uma, Afek me Rehop, ükükün rüe me ruu telinimw fiti wisoposopur.
6518	JDG 1:7	Mürin, Atoni-pesek a apasa, “A wor fik king üa pöküela aütülapen pöür me pecher, ra achchupi ener me fän ai chepel. Usun üa föri ngeniir, iei usun Kot a pwal föri ngeniei.” Iwe, ra emwenala ewe king Jerusalem, nge a mäla ikenan.
6942	JDG 15:11	Mürin, ülüngeröü re Juta ra feitiu ren pwangen ewe achau lon Etam o üreni Samson, “Kosap silei pwe ekewe chon Filistia ra nemenikich? Met ei ka föri ngenikem?” Nge Samson a üreniir, “Usun mine ir ra föri ngeniei, iei usun ngang üa pwal föri ngeniir.”
7149	RUT 1:20	Iwe, a üreniir, “Ousap aita ngeniei Naomi , nge oupwe aita ngeniei Mara , pun Ewe mi Unusen Manaman a amarasa letipei.
7150	RUT 1:21	Lupwen ai feila üa uren feiöch, nge ewe Samol mi Lapalap a aliwinieito fän ai asöülapö. Pwota oua aita ngeniei Naomi, are ewe Samol mi Lapalap Ewe mi Unusen Manaman a ü ngeniei o afeiengauaei?”
7217	1SA 1:3	Iwe, iteiten ier Elkana e sou feitä seni an telinimw pwe epwe fel o asor ngeni ewe Samol mi Unusen Manaman me lon Silo. Ikenan nöün Eli kewe ruoman mwän iter Hofni me Pineas ra wisen souasorun ewe Samol mi Lapalap.
7225	1SA 1:11	A eäni eu pwon o apasa, “Ai Samol mi Unusen Manaman, kose mochen kopwe nenengeniei. Kopwe küna ai riaföü o chechemeniei, kosap manlükieila ngang noum chon angang fefin. Are ka mochen ngeniei eman ät, ngang üa pwon pwe üpwe ngonuk ewe ät lon ükükün ränin manauan meinisin, esap pwal fich möküran.”
7303	1SA 4:4	Iei mine ekewe aramas ra tinala ekoch Silo, pwe repwe uwato seni ikenan ewe pworofel än ewe Samol mi Unusen Manaman mi mot asen ekewe kerop. Iwe, nöün Eli kewe ruoman mwän Hofni me Pineas ra etala än Kot we pworofel.
7379	1SA 8:8	Usun ekewe föför meinisin ra föri ngeniei seni ewe rän üa emwenirewu seni Isip tori ikenai, pwe ra likitieila o angang ngeni pwal ekoch kot, iei usun ra pwal föri ngonuk.
7551	1SA 14:41	Iei mine Saul a iotek ngeni ewe Samol mi Lapalap ewe Koten Israel, “Ai Samol mi Lapalap, pwota kosap pälüeniei ngang noum chon angang ikenai? Are ei tipis a nom woi ika won Jonatan nei we mwän, kopwe asisila ren ewe Urim. Nge are ei tipis a nom won noum aramasen Israel, kopwe asisila ren ewe Tumim.” Iwe, Jonatan me Saul ra sil, nge ekewe aramas ra ngasala.
7564	1SA 15:2	Iei alon ewe Samol mi Unusen Manaman, ‘Üpwe apwüngü ekewe chon Amalek pokiten ar kewe lewo ra ü ngeni chon Israel, lupwen ra towu seni Isip.
7595	1SA 15:33	Nge Samuel a apasa, “Usun noum ketilas a niela nöün chomong inelap pwe esap chüen wor nöür, iei usun epwe pwal fis ngeni inom, pwe esap chüen wor nöün.” Iwe, Samuel a pökükisietiu Akak fän mesen ewe Samol mi Lapalap me lon Kilkal.
7665	1SA 17:45	Mürin, Tafit a üreni ewe re Filistia, “En ka feito rei fän efoch ketilas, efoch fisika me efoch siles. Nge ngang üa feila reöm fän iten ewe Samol mi Unusen Manaman, ewe Kot än ewe mwichen sounfiun Israel en ka apälüa.
7855	1SA 24:14	Usun mwiitunen ekewe re lom a apasa, ‘Eman aramas mi ngau chök a föri föför mi ngau.’ Nge ngang üsap fokun angetä womw.
7951	1SA 28:6	Iei mine Saul a aisini ewe Samol mi Lapalap mine epwe föri, nge ewe Samol mi Lapalap esap pälüeni ren tan ika ren Urim ika ren soufos.
8118	2SA 3:34	Poum resap ririfengen, nge pecheöm resap fötek. Usun eman a turula mwen chon föföringau, iei usun ka turula.” Iwe, aramas meinisin ra kechüeitisefäli Apner.
8145	2SA 5:10	Nge Tafit a pöpöchökülela, pun Kot ewe Samol mi Unusen Manaman a eti.
8162	2SA 6:2	Mürin, Tafit me ekei aramas meinisin ra feila Pala lon Juta, pwe repwe angei seni ikenan än Kot we pworofel mi iteni iten ewe Samol mi Unusen Manaman, ewe mi mot won an lenien motun king asen ekewe kerop mi nom won ewe pworofel.
8163	2SA 6:3	Iwe, ra angei än Kot we pworofel me lon imwen Apinatap mi nom won ewe chuk, o anomu won efoch minefön woken. Nge Usa me Ahio nöün Apinatap kewe mwän ra wisen uwei ewe minefön woken,
8166	2SA 6:6	Iwe, lupwen ra tori än Nakon lenien wichiwich umwun wiich, Usa a aitewu pöün o amwöchü än Kot we pworofel, pun ekewe ätemwänin kow ra chepetek.
8167	2SA 6:7	Nge ewe Samol mi Lapalap a song ngeni Usa o niela me ikenan, pun a aitiewu pöün o amwöchü ewe pworofel. Iwe, Usa a mäla ikenan ünükün än Kot we pworofel.
8168	2SA 6:8	Iei mine ewe leni a iteni Peres-usa tori ikenai. Mürin, Tafit a riaföü, pokiten ewe Samol mi Lapalap a niela Usa.
8178	2SA 6:18	Lupwen Tafit a wes le eäni ekewe asoren kek me asoren kinamwe, a afeiöchü ekewe aramas fän iten ewe Samol mi Unusen Manaman.
8191	2SA 7:8	Iei mine kopwe üreni nei chon angang Tafit, pwe iei aloi ngang ewe Samol mi Unusen Manaman: Üa angeek seni om tümwünü sip lemäl pwe kopwe samolun nei aramasen Israel.
8209	2SA 7:26	Iwe, itom epwe fokun itetekia tori feilfeilachök. Mürin, aramas repwe apasa, ‘Ewe Samol mi Unusen Manaman i Koten Israel.’ Nge mwirimwiri ngang noum chon angang repwe nonomola me fän mesom.
8210	2SA 7:27	Pun en, ai Samol mi Unusen Manaman Koten Israel, ka pwärätä ngeniei ngang noum chon angang ekei kapas o apasa pwe kopwe awora mwirimwiri, pwe repwe king. Iei popun ngang üa tongeni eäni ei iotek ngonuk.
8265	2SA 11:3	Mürin, Tafit a tini eman pwe epwe ais usun ewe fefin. Iwe, eman a üreni, “Pwota, nge Patsipa nöün Eliam we fefin pwülüen Uria ewe re Hit.”
8268	2SA 11:6	Mürin, Tafit a tinala pworaus ren Joap o üra, “Kopwe tinato rei Uria ewe re Hit.” Iei mine Joap a tinala Uria ewe re Hit ren Tafit.
8269	2SA 11:7	Iwe, lupwen Uria a feito ren, Tafit a aisini usun Joap pwal usun ekewe sounfiu, ika ra nonomöch, a pwal ais usun lapalapen ewe maun.
8270	2SA 11:8	Mürin, Tafit a üreni Uria, “Kopwe feila lon imwom o asösö mwo ekis.” Nge lupwen Uria a towu seni ewe imwen king, Tafit a atapwala mürin eu lifang.
8271	2SA 11:9	Nge Uria esap feila lon imwan, pwe a chök annut leasamalapen ewe imwen king fiti nöün ewe king kewe chon angang meinisin.
8272	2SA 11:10	Lupwen ra üreni Tafit pwe Uria esap feila lon imwan, Tafit a aisini Uria, “Ifa usun, kosap liwinto seni eu leni mi toau? Pwota kosap feila lon imwom?”
8273	2SA 11:11	Iwe, Uria a üreni Tafit, “Ewe pworofel pwal chon Israel me chon Juta ra nom lon imw mangaku lon wirasen maun, nge ai samol Joap me noum kewe meilap ra nom lon eu leni mi äsewewetä. Ifa usun ai üpwe feila lon imwei pwe üpwe mongö o ün pwal kon ren pwülüei? Mwo manauom, üsap föri iei usun.”
8274	2SA 11:12	Mürin, Tafit a üreni Uria, “Kopwe nomotiu ikei ikenai, nge lesor üpwe tinukela.” Iei mine Uria a nom lon Jerusalem lon ewe rän tori sorotan.
8275	2SA 11:13	Iwe, Tafit a körato pwe epwe mongö ren o ün, a pwal asakaua. Nge lon ewe kuniolun Uria esap pwal feila lon imwan, pwe a kon lon kian fiti nöün ewe king kewe chon angang.
8276	2SA 11:14	Nge sorotän ewe rän Tafit a makei echö toropwe ngeni Joap o tini ngeni Uria.
8277	2SA 11:15	Iwe, lon ewe toropwe a makei, “Kopwe akomwa Uria me mwen ewe ia ewe maun a kon pöchökül ie. Mürin kopwe kul seni pwe ekewe chon oputemi repwe niela.”
8278	2SA 11:16	Lupwen Joap a pwelifeili ewe telinimw fän pisekin maun, a anomu Uria lon eu leni a silei pwe ekewe ätepwora ra nom ie.
8279	2SA 11:17	Iwe, sounfiun ewe telinimw ra towu o maun ngeni Joap me nöün kewe sounfiu. Nge ekoch me lein nöün Tafit kewe sounfiu ra mäla, pwal Uria ewe re Hit a mäla.
8283	2SA 11:21	Iö a niela Apimelek nöün Kition we mwän? Ifa usun, sap eman fefin a aturätiu eu nif seni fau me won ewe tit pwe a mäla lon Tepes? Pwota oua fokun kan ngeni ewe tit?’ Are epwe aisinuk lon ei ititin, kopwe apasa: Noum chon angang Uria ewe re Hit a pwal mäla.”
8286	2SA 11:24	Mürin, ekewe chon likapich ra likapichikem me won ewe tit. Iwe, ekoch lein noum kewe sounfiu ra mäla, pwal noum chon angang Uria ewe re Hit a mäla.”
8298	2SA 12:9	Pwota ka aleasolap ngeni ai kewe kapas o föri mine a ngau me fän mesei? Ka niela Uria ewe ra Hit ren ketilas o angei pwülüan pwe kopwe pwülüeni. Ka niela ren nöün chon Amon ketilas.
8299	2SA 12:10	Iei mine ewe feiengau ren ketilas esap chüen ükütiu me lein mwirimwirum, pun ka aleasolap ngeniei o angei pwülüen Uria we pwe pwülüom.’
8304	2SA 12:15	Mürin, Natan a liwiniti imwan. Nge ewe Samol mi Lapalap a afeiengaua ewe mönükol pwülüen Uria a nöüni me won Tafit, pwe a fokun samau.
8355	2SA 13:35	Mürin, Jonatap a üreni ewe king, “Nengeni, noum kewe mwän ra feito. Usun mine ngang noum chon angang üa apasa, iei usun a fis.”
8426	2SA 15:34	Nge are kopwe liwinsefäliti ewe telinimw o üreni Apsalom, ‘Ai king, ngang üpwe noum chon angang. Usun üa chon angang ngeni semom me lom, iei usun üpwe chon angang ngonuk,’ mürin ka tongeni alisiei ren om atai än Ahitofel öüröür.
8448	2SA 16:19	Pwal eu chök, iö üpwe angang ngeni? Pwota üsap angang ngeni nöün ai samol? Usun üa angang ngeni semom, iei usun üpwe pwal angang ngonuk.”
8619	2SA 22:14	Ewe Samol mi Lapalap a apüngü chopulap seni läng, ewe mi Unusen Tekia a aronga mwelian.
8657	2SA 23:1	Iei alon Tafit nöün Jesi we mwän, alon ätewe ewe mi Unusen Tekia a atekiatä, ätewe mi kepit me ren än Jakop we Kot, ewe souköl me lon Israel. Ikei än Tafit kewe kapasen kasop:
8695	2SA 23:39	me Uria ewe re Hit. Iteiterfengen meinisin ükükün ilik me füman.
8757	1KI 1:37	Usun ewe Samol mi Lapalap a etuk, en ai samol me ai king, iei usun epwe pwal eti Salomon, epwe pwal alapala mwün seni mwumw.”