29	GEN 1:29	Mürin, Kot a pwal apasa, “Üa ngenikemi ekewe iräkis meinisin won fanüfan mi afisätä föür, pwal ekewe irä meinisin mi ukua, a pwal wor föür lor, pwe oupwe mongö seniir.
49	GEN 2:18	Mürin, Kot ewe Samol mi Lapalap a pwal apasa, “Esap öch pwe ewe aramas epwe chök eman. Üpwe föri eman alisian mi wewe ngeni.”
66	GEN 3:10	Ewe mwän a pälüeni, “Üa rong mwaataaten om fetal lon ei tanipi, nge üa niuokus, pun üa selela. Iei popun üa op.”
71	GEN 3:15	Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”
72	GEN 3:16	Iwe, Kot a üreni ewe fefin, “Üpwe fokun alapala weiresin om pwopwo. Fän cheuch kopwe nöünöü. Kopwe tipeni pwülüom we, nge i epwe nemenuk.”
81	GEN 4:1	Iwe, Atam a kon ren Efa pwülüan we, nge neminewe a pwopwo. Iwe, lupwen a nöüni Kain, Efa a apasa, “Üa nöüni eman ät ren än ewe Samol mi Lapalap alilis.”
89	GEN 4:9	Mürin, ewe Samol mi Lapalap a aisini Kain, “Ifa i pwiüm we Epel?” Nge Kain a pälüeni, “Üsap silei. Ifa usun, ngang chon tümwünün pwii?”
103	GEN 4:23	Iwe, Lamek a üreni pwülüan kewe, “Ata me Sila, oupwe rongorong ai kapas, ämi pwülüen Lamek, oupwe aüseling ai fos. Üa niela eman mwän pokiten a akinasaei, üa niela eman alüal pokiten a sukuei.
145	GEN 6:7	Iei mine a apasa, “Üpwe arosala föriei aramas me won fanüfan, pwal manfetal me mantötö me ekewe mansüsü. Pun üa lamalamala ren ai föriir.”
151	GEN 6:13	Nge Kot a üreni Noa, “Üpwe fokun arosala ekewe aramas meinisin, pun fanüfan a uren föförün mwäneson me rer. Üpwe fokun aroserela o ataala fanüfan.
164	GEN 7:4	Mürin fisu rän üpwe apüngätiu üt won fanüfan lon ükükün faik rän me faik pwin. Üpwe arosala seni won fanüfan ekewe mönümanau meinisin üa föriir.”
205	GEN 8:21	Nge lupwen ewe Samol mi Lapalap a tini pwoöchün ewe asor, a ekieki lon lelukan, “Üsap chüen anümamaua fanüfan pokiten aramas. Üa silei pwe ekiekin leluken aramas a ngau seni lekisikisin. Üsap chüen arosala mönümanau meinisin, usun üa piin föri.
208	GEN 9:2	Ekewe manfetal me mansüsü, ekewe mantötö me ikenen leset meinisin repwe niueitikemi. Üa atolongeer fän nemeniemi.
209	GEN 9:3	Üa ngenikemi ekewe man meinisin mi manau pwe ochämi, usun üa fen ngenikemi uän ekewe irä pwe enemi.
219	GEN 9:13	Üpwe anomu ai resim won kuchu pwe asisilen ewe pwon lefilei me fanüfan.
310	GEN 12:11	Nge lupwen a arap ngeni Isip, a kapas ngeni Sarai pwülüan we, “Üa silei pwe en eman fefin mi fokun liöch.
335	GEN 13:16	Üpwe achomonga mwirimwirum kana usun pien aroset. Iwe, are eman a tongeni aleani pien aroset, epwe pwal tongeni aleani mwirimwirum.
359	GEN 14:22	Nge Apram a üreni ewe kingen Sotom, “Üa akapel ngeni ewe Samol mi Lapalap, ewe Kot mi Unusen Tekia, a föri läng me fanüfan,
361	GEN 14:24	Üsap fokun angei och fän itei lükün mine nei kewe chon angang ra mongö. Nge ekewe mwän mi etiei, Aner me Eskol me Mamre, repwe angei wiser.”
368	GEN 15:7	Mürin, Kot a üreni, “Ngang ewe Samol mi Lapalap. Üa emwenukowu seni Ur lon ewe fanü Papilon, pwe üpwe ngonuk ei fanü pwe kopwe fanüeni.”
379	GEN 15:18	Iwe, lon ewe rän ewe Samol mi Lapalap a föri eu pwon ngeni Apram o apasa, “Üpwe ngeni mwirimwirum kana ei fanü, seni ewe chanpupun Isip tori ewe chanpupu mi watte itan Oifrat,
387	GEN 16:5	Mürin, Sarai a üreni Apram, “Tipisum ei, pwe ei riaföü a toriei. Üa ngonuk nei chon angang pwe kopwe pwülüeni. Nge lupwen a mefi pwe a pwopwo, a lamalamtekia woi. Ewe Samol mi Lapalap epwe eäni apwüng lefilach pwe epwe pwä iö a pwüng.
390	GEN 16:8	Iwe, ewe chon läng a aisini, “Hakar nöün Sarai chon angang, ia ka feito me ie, nge ia kopwe feila ie?” Iwe, Hakar a pälüeni, “Üa sü seni ai samol Sarai.”
392	GEN 16:10	Mürin, nöün ewe Samol mi Lapalap chon läng a pwal üreni, “Üpwe fokun achomongala mwirimwirum pwe esap wor eman a tongeni aleaniir pokiten chomongur.
404	GEN 17:6	Üpwe fokun achomongala mwirimwirum o förätä chomong ainang senuk, epwe pwal wor king me lein mwirimwirum kana.
414	GEN 17:16	Üpwe afeiöchü Sara, nge üpwe ngonuk eman ät me ren. Ewer, üpwe afeiöchü pwe epwe inelapen chomong ainang, epwe pwal wor king me lein mwirimwirin kana.”
417	GEN 17:19	Nge Kot a üreni Apraham, “Apwi, Sara pwülüom we epwe nöüni eman noum ät. Iwe, kopwe aita ngeni Isaak . Üpwe apwönüetä ai pwon esemwüch ngeni, pwal ngeni mwirimwirin kana.
418	GEN 17:20	Nge üa pwal aüselingok fän iten Ismael. Üpwe fokun afeiöchü o achomongala nöün pwal mwirimwirin kana. Iwe, epwe semen engol me ruoman samol, nge üpwe föri pwe mwirimwirin repwe eu mwü mi fokun watte.
435	GEN 18:10	Iwe, ewe Samol mi Lapalap a üreni, “Üpwe fokun liwinto reöm mürin eu ier. Nge Sara pwülüom we epwe nöüni eman ät.” Iwe, Sara a rongorong ei kapas me aropen asamalapen ewe imw mangaku me lükisökürün.
439	GEN 18:14	Ifa usun, epwe wor och ewe Samol mi Lapalap esap tufich ngeni? Üpwe fokun liwinto reöm mürin eu ier, usun üa fen pwon ngonuk me mwan. Lon na otun Sara epwe nöüni eman ät.”
440	GEN 18:15	Nge Sara a niuokus, iei mine a amam o apasa, “Üsap takir.” Nge ewe Samol mi Lapalap a pälüeni, “Apwi, ka wesewesen takir.”
446	GEN 18:21	Üpwe feitiu rer o nengeni are a pwüng ekewe kapasen atutur mi toriei. Nge are esap pwüng, üpwe pwal silei.”
454	GEN 18:29	Nge Apraham a kapassefäl ngeni, “Eli a chök wor faik mi nom lon.” Iwe, Kot a pälüeni, “Üsap atai fän iten ekewe faik.”
455	GEN 18:30	Mürin, Apraham a üreni, “Kose mochen kosap chou ngeniei, ai Samol, are üpwe pwal kapas fän eu. Eli a chök wor ilik mi nom lon.” Nge Kot a pälüeni, “Üsap atai, are üpwe küna ilik.”
456	GEN 18:31	Iwe, Apraham a pwal apasa, “Kose mochen kopwe amusala pwe üa chök kapaspat ngonuk, ai Samol. Eli rüe chök ra nom lon.” Nge Kot a pälüeni, “Üsap atai ewe telinimw fän iten ekewe rüe.”
457	GEN 18:32	Iwe, Apraham a kapassefäl, “Kose mochen kosap chou ngeniei, ai Samol. Üpwe kapassefäl pwal fän eu chök. Eli epwe wor engol mi nom lon.” Nge Kot a pälüeni, “Üsap fokun atai ewe telinimw fän iten ekewe engol.”
466	GEN 19:8	Nengeni, mi wor ruoman nei föpwül resamwo pwüpwülü. Üpwe emwenirewu remi pwe oupwe föri ngeniir mine oua mochen. Nge ousap föföringau ngeni ekewe mwän, pun üa etiweer lon imwei pwe üpwe tümwünüür.”
492	GEN 19:34	Iwe, sorotän ewe rän ewe finichi a üreni ewe setipütür, “Üa kon ren semei lepwin ewe. Sipwe pwal aünü ngeni samach ei wain lepwin ei. Mürin, en kopwe tolong o kon ren pwe epwe wor mwirimwirin.”
507	GEN 20:11	Nge Apraham a pälüeni, “Üa föri ei, pun üa ekieki pwe aramasen ei leni resap niueiti Kot, iwe, repwe nieila pokiten pwülüei we.
530	GEN 21:16	Mürin, a feila seni o mottiu awenewenan, nge toauan ina epwe ükükün lime ngaf. Pun a apasa, “Üsap tongeni nengeni mälan ewe ät.” Iwe, lupwen a mot ikenan, ewe ät a popuetä le kechü.
540	GEN 21:26	Apimelek a üreni, “Üsap silei iö a föri ena sokun föför. En kosap asile ngeniei, üsamwo rongorong usun tori ikenai.”
555	GEN 22:7	Isaak a kapas ngeni Apraham, “Semei!” Nge i a aisini, “Met ka mochen, nei?” Iwe, Isaak a pälüeni, “Üa küna pwe a wor rech ekkei me mwüch, nge ifa ewe sip sipwe eäni asoren kek?”
564	GEN 22:16	o üreni, “Ewe Samol mi Lapalap a apasa: Üa akapelüei. Pokiten ka föri ei pwe kosap achika noum aleman,
583	GEN 23:11	“Apwi ai samol, kopwe aüselingaei. Üpwe fang ngonuk unusen ewe tanipi me ewe pwangen achau mi nom lon. Üpwe fang ngonuk ewe tanipi me fän mesen aramasei kei pwe kopwe peiaseni om we somä lon.”
585	GEN 23:13	o kapas ngeni Efron me fän meser meinisin, “Kose mochen kopwe pwal aüselingaei. Üpwe mönätiu liwinin ewe tanipi. Kose mochen kopwe angei liwinin pwe üpwe tongeni peiaseni ai we somä ikenan.”
605	GEN 24:13	Üa ütä ikei ünükün ei chönüttu, ia nöün chon ewe telinimw föpwül repwe feito ie o üfüf koluk.
619	GEN 24:27	Iwe, a apasa, “Üpwe mwareiti ewe Samol mi Lapalap än ai samol Apraham we Kot, pwe esap amwöchü seni ai samol an tong me an allükülük. Pun ewe Samol mi Lapalap a wenewenen emweniei tori imwen aramasen semen ai we samol.”
623	GEN 24:31	Iwe, Lapan a üreni, “Kopwe etiei, chon feiöch me ren ewe Samol mi Lapalap. Pwota ka chök ükü ikei? Üa fen amolätä leniom lon imwei, pwal lenien ekewe kamel.”
625	GEN 24:33	Nge lupwen a uwato mongö ren ewe mwän, ätewe a üreni, “Üsap fokun mongö tori üpwe wes me apworausa pworausei.” Mürin, Lapan a pälüeni, “Kopwe pworaus.”
635	GEN 24:43	Üa ütä ikei ünükün ei chönüttu. Amwo epwe iei usun: Are eman föpwül a feito pwe epwe üfüf koluk, nge üpwe tüngor ngeni, “Kose mochen ngeniei ekkum ünümei koluk seni om na rume,”
640	GEN 24:48	Iwe, üa chapetiu lepwül o fel ngeni ewe Samol mi Lapalap. Üa mwareiti ewe Samol mi Lapalap än ai samol Apraham we Kot, pun a emwenieito won efoch al mi wenechar, pwe üpwe tüngor eman föpwül seni aramasen ai samol pwe pwülüen nöün we alüal.
690	GEN 25:31	Nge Jakop a pälüeni, “Üpwe ngonuk ei mongö, are kopwe amömö ngeniei wisom wisen mwänichi.”
702	GEN 26:9	Iwe, Apimelek a körato Isaak o üreni, “Neminan wesewesen pwülüom. Pwota ka apasa pwe i fefinom?” Nge Isaak a pälüeni, “Üa chök ekieki pwe üpwe ninniila pokitan.”
734	GEN 27:6	Repeka a üreni Jakop nöün we, “Üa rong pwe semom a kapas ngeni pwiüm Esau,
747	GEN 27:19	Iwe, Jakop a üreni saman we, “Ngang Esau noum we mwänichi. Üa föri mine ka akünöü ngeniei. Kose mochen kopwe pwätä o ochoch liapei ei man pwe kopwe afeiöchüei.”
761	GEN 27:33	Iwe, Isaak a fokun chechech o apasa, “Iö chök ewe chon likapich man a uwato liapan rei? Üa mongö meinisin mwen kosamwo feito, üa pwal afeiöchü. Ewer, epwe fokun feiöch.”
814	GEN 29:18	Jakop a efich Rahel. Iei mine a apasa, “Üpwe angang ngonuk lon ükükün fisu ier fän iten noum föpwül Rahel ewe mi kis, pwe üpwe pwülüeni.”
858	GEN 30:27	Nge Lapan a pälüeni, “Kose kan mochen kopwe aüselingaei. Üa fen silei seni ai pwee pwe ewe Samol mi Lapalap a afeiöchüei fän äsengesum.
862	GEN 30:31	Iwe, Lapan a aisini, “Met sokun liwin üpwe ngonuk?” Nge Jakop a pälüeni, “Kosap ngeniei och mettoch. Üpwe pwal tümwünü noum kewe pwiin man, are kopwe chök tipeeu ngeni mine üpwe ürenuk.
879	GEN 31:5	Iwe, a üreniir, “Üa küna pwe sememi we esap chüen wopwapwa ngeniei usun me mwan. Nge än semei we Kot a etiei.
905	GEN 31:31	Nge Jakop a üreni Lapan, “Üa niuokus, pun üa ekieki pwe kopwe angei seniei noum kewe fefin fän pöchökül.
912	GEN 31:38	Rüe ier üa nom reöm. Noum kewe liefefinin sip me kuuch esap mwetela nöür. Üsap fokun ochoch eman noum ätemwänin kuuch seni noum kewe pwiin man.
915	GEN 31:41	Lon ükükün rüe ier üa nonom reöm. Üa angang ngonuk lon ükükün engol me rüanü ier fän iten noum kewe ruoman fefin, pwal wonu ier fän iten noum kewe pwiin man. Nge en ka awilala liwinin ai angang fän engol.
926	GEN 31:52	Ei ioien fau me ei föün achem eu pisekin pwärätä. Üsap fokun feila reöm pekilan ei ioien fau pwe üpwe afeiengauok. Nge en kosap pwal feito rei pekiton ei ioien fau me ewe föün achem pwe kopwe afeiengauaei.
939	GEN 32:11	Üa kon aücheangau ngeni om kirikiröch me om tipelükülük meinisin ka eäni ngeniei noum chon angang. Pun ei chök wok a nom rei, lupwen üa pwerela pekilan ei chanpupu Jortan, nge ikenai üa wiliti ruu mwich.
955	GEN 32:27	Mürin, ewe mwän a apasa, “Kose mochen likitieila, pun a tö mallen rän.” Nge Jakop a pälüeni, “Üsap fokun likitukela are kosap afeiöchüei.”
959	GEN 32:31	Iwe, Jakop a apasa, “Üa küna won mesen Kot, nge üa chüen manau.” Iei mine a aita ngeni ewe leni Peniel .
969	GEN 33:8	Iwe, Esau a aisini, “Met ka mochen ren ekewe mwich meinisin üa churiir?” Nge Jakop a pälüeni, “Üa mochen küna ümöümöch me reöm, ai samol.”
989	GEN 34:8	Iwe, Hamor a kapas ngeni Jakop, “Leluken nei we mwän Sikem a mochen riri ngeni noum we föpwül. Üa tüngor ngonuk, kose mochen kopwe mwüt ngeni pwe epwe pwülüeni.
1093	GEN 37:9	Mürin, Josef a pwal eäni eu tan o apworausa ngeni pwin kewe. Iwe, a apasa, “Üa pwal eäni eu tan. Lon ai we tan akkar me maram me engol me eföü fü ra chapetiu fän mesei.”
1100	GEN 37:16	Nge Josef a pälüeni, “Üa kütta pwii kewe. Kose mochen kopwe aiti ngeniei ia ra tümwünü ie nöüm kewe sip.”
1137	GEN 38:17	Iwe, Juta a pälüeni, “Üpwe tinala reöm eman apanen kuuch.” Nge Tamar a üra, “Kose mochen kopwe ngeniei asisilen om pwon tori kopwe tinato rei ewe kuuch?”
1142	GEN 38:22	Iei popun a liwinla ren Juta o apasa, “Üsap küna ewe fefin. Nge mwänin ewe leni ra apasa pwe esap wor eman fefin mi amömö inisin fän iten lisowu a nom ikenan.”
1145	GEN 38:25	Nge lupwen ra emwenawu Tamar, a tinala pworaus ren semen pwülüan we o apasa, “Ngang üa pwopwo me won ewe mwän mine nöün ekei mettoch. Üa tüngor ngonuk pwe kopwe nengenifichi, ika nöün iö ei ringen pwau fiti selin me ei wok.”
1184	GEN 40:11	Iwe, üa amwöchü än Farao kap. Üa pwal angei uän ewe irän wain o ungutalong lon ewe kap. Mürin üa isenalong lepöün Farao.”
1215	GEN 41:19	Mürin pwal füman kow ra towu me mürir, ra fokun ngau o kichüchü. Üsamwo küküna ei sokun kow lon unusen ewe fanü Isip.
1255	GEN 42:2	Üa rong pwe a wor wiich lon Isip. Oupwe feila o kamö anach wiich pwe sipwe manau, nge sisap mäla.”
1357	GEN 44:32	Pun ngang noum chon angang üa pwon ngeni semei we fän iten ewe ät. Üa apasa ngeni pwe are üsap aliwinato ren ei ät, epwe ukei chök lon unusen manauei me fän mesen semei.
1359	GEN 44:34	Pun ifa usun ai üpwe tongeni liwiniti semei, are ewe ät esap etiei? Üsap tongeni küna ewe riaföü epwe tori semei.”
1387	GEN 45:28	Iwe, Israel a apasa, “Iei üa lükülük. Josef nei we a chüen manau. Üpwe feila o nengeni mwen ai üpwe mäla.”
1418	GEN 46:31	Mürin, Josef a üreni pwin kewe me chon leimwen saman meinisin, “Üpwe feila o asile ngeni Farao pwe pwii kewe me chon leimwen semei meinisin ra feito rei seni ewe fanü Kanaan.
1419	GEN 46:32	Üpwe asile ngeni pwe ämi chon fofol man, pun iei ämi angang seni me lom. Oua pwal uwato nöümi pwiin sip me kow me pisekimi meinisin.
1451	GEN 47:30	nge kopwe uweeila seni Isip pwe üpwe peias lon lenien peiasen semei kewe.” Iwe, Josef a apasa, “Üpwe föri mine ka üreniei.”
1456	GEN 48:4	Iwe, a kapas ngeniei, ‘Üpwe aupwuk o achomongok pwe kopwe wiliti eu mwichen aramas mi chomong, üpwe pwal ngeni mwirimwirum kana ei fanü pwe repwe fanüeni tori feilfeilachök.
1459	GEN 48:7	Iwe, lupwen üa saito seni Mesopotamia, nge üsamwo arap ngeni Efrat, Rahel a mäla lon ewe fanü Kanaan. Üa fokun letipeta ren mälan Rahel. Iwe, üa peiaseni lükün ewe al a ale ngeni Efrat, a pwal iteni Petleem.”
1463	GEN 48:11	Iwe, Israel a üreni Josef, “Üsap fokun ekieki pwe üpwe chüen küna mesom. Nge nengeni, Kot a mwüt ngeniei pwe üpwe pwal küna noum kei ät.”
1480	GEN 49:6	Üsap eti ämi mwichen pwüngüpwüng, üsap pwal choni ämi mwich. Pun lon ämi song oua niela mwän, oua pwal pwapwaiti le sorongauei ätemwänin kow.
1481	GEN 49:7	Üpwe anümamaua ämi song, pun a fokun chou. Üpwe pwal anümamaua ämi lingeringer, pun a ngau. Üpwe aimwüfesenikemi lon ewe fanüen Jakop o atoropasakemi lon Israel.
1529	GEN 50:22	Iwe, Josef a nonom lon Isip me chon leimwen saman meinisin. Ükükün ierin manauen Josef ipükü engol.
1565	EXO 2:10	Nge lupwen ewe semirit a märitä, neminewe a ekiela ren nöün Farao we fefin. Iwe, a nöüni o aita ngeni Moses, pun a apasa, “Üa ekiwu me lon koluk.”
1583	EXO 3:3	Iwe, a apasa, “Üpwe feila ikenan o atola ei metoch mi amwarar, pun pwota enan iräfölüföl esap karala?”
1587	EXO 3:7	Mürin, ewe Samol mi Lapalap a apasa, “Üa küna riaföün nei aramas mi nonom Isip o rongorong ar siö pokiten än chon Isip nemenemengau ngeniir, üa pwal silei ar weires meinisin.
1596	EXO 3:16	Iwe, kopwe feila o achufengeni ekewe souakomwen Israel, kopwe üreniir: Ewe Samol mi Lapalap, än ämi kewe lewo Apraham, Isaak me Jakop we Kot a pwä ngeniei o üreniei, ‘Üa nenengenikemi o küna mine a fis ngenikemi lon Isip.
1601	EXO 3:21	Üpwe pwal föri pwe ekewe chon Isip repwe ümöümöch ngeni ekei aramas, pwe lupwen oupwe feila, ousap feila fän asöülapö.
1616	EXO 4:14	Mürin, ewe Samol mi Lapalap a song ngeni Moses o üreni, “Ifa usun, esap nom Aaron pwiüm we seni ewe ainangen Lefi? Üa silei pwe a tongeni angöch le kapas. A fen nom won al pwe epwe feito o churuk, nge lupwen epwe künok, epwe pwapwa lon lelukan.
1635	EXO 5:2	Nge Farao a pälüeniir, “Iö na ewe Samol mi Lapalap pwe üpwe aüselinga alon o mwütala Israel? Üsap silei ewe Samol mi Lapalap, üsap pwal mwüt ngeni Israel epwe feila.”
1643	EXO 5:10	Mürin ekewe chon nemenem fän pöchökül me ekewe souemwenin angang ra feila ren ekewe aramas o üreniir, “Iei alon Farao, ‘Üsap chüen ngenikemi fetilipwas.
1659	EXO 6:3	Üa pwä ngeni Apraham, Isaak me Jakop ren itei we Kot mi Unusen Manaman, nge üsap asile ngeniir itei ei Samol mi Lapalap.