60	GEN 3:4	Iwe, ewe serepenit a üreni ewe fefin, “Apwi, ousap fokun mäla.
364	GEN 15:3	Iwe, Apram a pwal apasa, “Nengeni, kosamwo ngeniei eman nei. Iei popun eman nei kewe chon angang mi uputiu lon imwei epwe wöüni wöüi.”
384	GEN 16:2	Iwe, Sarai a üreni Apram, “Nengeni, ewe Samol mi Lapalap esap mwüt ngeniei ai üpwe nöünöü. Iei mine kopwe pwülüeni nei we chon angang. Eli epwe fis pwe epwe wor nei me ren.” Iwe, Apram a aüselinga alon Sarai.
395	GEN 16:13	Iwe, Hakar a aita ngeni ewe Samol mi Lapalap mi kapas ngeni me mwan, “En eman Kot mi nenengeniei.” Pun a apasa, “Ellet, üa küna ewe mi fen nenengeniei.”
417	GEN 17:19	Nge Kot a üreni Apraham, “Apwi, Sara pwülüom we epwe nöüni eman noum ät. Iwe, kopwe aita ngeni Isaak . Üpwe apwönüetä ai pwon esemwüch ngeni, pwal ngeni mwirimwirin kana.
440	GEN 18:15	Nge Sara a niuokus, iei mine a amam o apasa, “Üsap takir.” Nge ewe Samol mi Lapalap a pälüeni, “Apwi, ka wesewesen takir.”
460	GEN 19:2	o üreniir, “Ai kana samol, ouse mochen oupwe tolong lon imwei ngang nöümi chon angang. Iwe, oupwe talü pechemi o möür rei. Nge lesosorusich oupwe pwätä o sopwela ämi sai.” Nge ir ra pälüeni, “Apwi, äm aipwe chök nonom lükün.”
476	GEN 19:18	Nge Lot a pälüeni, “Apwi, sap ina, ai Samol!
479	GEN 19:21	Iwe, a pälüeni, “Ewer, üa tipeeu ngeni om ei tüngor, üsap ataala ewe telinimw ka kapas usun.
502	GEN 20:6	Mürin, Kot a kapas ngeni lon an tan, “Ewer, üa silei pwe ka föri ena sokun föför ren wenecharen letipom. Ngang ewe üa apetuk seni om tipis ngeniei, iei mine üsap mwüt ngonuk pwe kopwe atapa.
511	GEN 20:15	Iwe, Apimelek a üreni Apraham, “Nengeni, fanüei a nom mwom, kopwe nonom ia ka mochen nonom ie.”
512	GEN 20:16	A pwal üreni Sara, “Nengeni, üa ngeni mongeom we engeröü föün moni silifer. Ei epwe alletä ngeni ekewe aramas mi nonom reöm pwe kosap tipis. Ir meinisin repwe silei pwe kosap föri och mi mwäl.”
538	GEN 21:24	Nge Apraham a üreni, “Ina, üpwe pwon fän akapel ngonuk.”
556	GEN 22:8	Nge Apraham a pälüeni, “Nei, Kot epwe püsin amolätä eman sip fän iten ach asoren kek.” Iwe, ra mwinemwinela ir me ruoman.
650	GEN 24:58	Mürin ra körato o aisini, “Ifa usun, ka mochen eti ei mwän?” Nge Repeka a pälüeni, “Ewer, üpwe eti.”
691	GEN 25:32	Mürin, Esau a üreni, “Nengeni, üpwe le mäla. Met echök lomoten ai wiseni ewe wisen mwänichi.”
741	GEN 27:13	Nge inan we a üreni, “Nei, ewe anümamau epwe nonom woi. Kopwe chök aleasochisi aloi, kopwe feila o uwato rei ekewe kuuch.”
748	GEN 27:20	Nge Isaak a aisini nöün we, “Nei, ifa usun, met popun ka müttir le liap?” Nge a pälüeni, “Pun ewe Samol mi Lapalap om we Kot a aliapaei.”
749	GEN 27:21	Mürin, Isaak a üreni Jakop, “Nei, kopwe kineto rei pwe üpwe atapok o silei, are en ka wesewesen nei we Esau are eman.”
754	GEN 27:26	Mürin, Isaak a üreni Jakop, “Nei, kopwe kineto o mitiriei.”
765	GEN 27:37	Nge Isaak a pälüeni Esau, “Nengeni, üa seikätä Jakop pwe epwe om samol, nge pwin kana meinisin repwe angang ngeni. Iwe, anan me ünüman repwe somwola. Met chök üpwe pwal föri ngonuk, nei?”
790	GEN 28:16	Iwe, lupwen Jakop a nela seni an möür, a apasa, “Ellet, ewe Samol mi Lapalap a nonom lon ei leni, nge ngang üsap silei.”
801	GEN 29:5	Mürin, Jakop a aisiniir, “Ifa usun, oua silei Lapan nöün Nahor we?” Nge ra pälüeni, “Ewer, aia silei.”
802	GEN 29:6	Iwe, Jakop a pwal aisiniir, “Ifa usun, a pöchökül?” Nge ra üreni, “Ewer, a pöchökül. Nengeni, iei i Rahel nöün we föpwül a feito me nöün sip kana.”
810	GEN 29:14	Lapan a üreni, “Ellet, en chüi me fitukei.” Iwe, Jakop a nonom ren Lapan eu maram.
909	GEN 31:35	Iwe, Rahel a üreni saman we, “Semei, kose mochen kosap song ngeniei pwe üsap ütä mwom, pun üa samaun fefin.” Iei usun Lapan a kütta nöün kewe uluulun anün leimw ekis meinisin, nge esap küneer.
925	GEN 31:51	Mürin, Lapan a pwal üreni Jakop, “Nengeni, ei ioien fau me ei föün achem üa anomu lefilen en me ngang.
970	GEN 33:9	Iwe, Esau a üreni, “Pwii, üa menemenöch ren mine üa eäni. Kopwe chök amwöchü mine ka eäni.”
971	GEN 33:10	Nge Jakop a üreni, “Apwi, are üa küna ümöümöch me reöm, kose mochen kopwe etiwa ai we lifang ngonuk. Ellet, lupwen üa küna mesom usun chök nge üa küna mesen Kot, pun ka etiwaei lon om ümöümöch.
1097	GEN 37:13	Iwe, Israel a üreni Josef, “Ka silei pwe pwiüm kewe ra tümwünü ekewe sip arun Sikem? Etto, üpwe tinukela rer.” Nge Josef a pälüeni, “Ewer, üpwe feila.”
1103	GEN 37:19	Iwe, ra kapasfengen lefiler, “Nengeni, a war ewe chon tan.
1136	GEN 38:16	Iwe, a feila ren lükün ewe al o üreni, “Etto, üpwe kon reöm.” Pun esap silei pwe pwülüen nöün we. Nge Tamar a aisini, “Met kopwe liwini ngeniei ika kopwe kon rei?”
1149	GEN 38:29	Nge lupwen a siksefälielong pöün, pwin we a uputiu. Mürin, ewe chon afam a apasa, “Oo, iei usun ka püsin amökkawu!” Iei mine a iteni Peres .
1158	GEN 39:8	Nge Josef esap tipeeu ngeni. Iwe, a üreni pwülüen an we samol, “Nengeni, ai samol esap chüen tümwünü och mettoch lon imwan, nge a anomu meinisin mine a eäni fän nemeniei.
1164	GEN 39:14	a körato nöün kewe chon angang o üreniir, “Nengeni, Potifar a uwato rech eman re Ipru pwe epwe turunufasekich. Iwe, a tolong rei pwe epwe kon rei, nge üa puchör.
1213	GEN 41:17	Mürin, Farao a üreni Josef, “Nengeni, lon ai we tan üa ütä ünükün ewe chanpupu Nil.
1265	GEN 42:12	Iwe, Josef a üreniir, “Apwi, ämi oua wesewesen feito pwe oupwe operi ia esap wor tümwünün fanüem me ie.”
1267	GEN 42:14	Nge Josef a chök üreniir, “Ellet, üa fen ürenikemi pwe ämi oua chon operi fanü.
1274	GEN 42:21	Mürin ra kapasfengen lefiler, “Ellet, sia angei liwinin mine sia föri ngeni pwich Josef, pun sia küna riaföün lelukan lupwen an tüngor ngenikich pwe sipwe angasala, nge sisap aüseling. Iei mine ei riaföü a torikich.”
1335	GEN 44:10	Iwe, ewe chon angang a üreniir, “Ewer, epwe ina usun mine oua apasa. Ewe eman ngang üpwe küna me ren ewe kap, i chök üpwe nöüni amanau, nge ämi lusun ousap tipis.”
1389	GEN 46:2	Iwe, Kot a kapas ngeni Israel lon künan lepwin, “Jakop, Jakop.” Nge a üra, “Ngang iei.”
1444	GEN 47:23	Iwe, Josef a kapas ngeni ekewe aramas, “Nengeni, ikenai üa mönikemi me fanüemi fän iten Farao. Iei oupwe angei ekei föün irä pwe oupwe fotuki ei fanü.
1471	GEN 48:19	Nge saman we esap tipeeu ngeni. Iei mine a apasa, “Nei, üa silei, üa silei. Manasa epwe pwal wiliti eu mwichen aramas, epwe pwal iteüöch. Nge pwin we mi kis epwe iteüöch seni, mwirimwirin kana repwe pwal wiliti chomong mwichen aramas.”
1473	GEN 48:21	Mürin, Israel a üreni Josef, “Nengeni, üpwe le mäla, nge Kot epwe etikemiila o aliwinikemiila lon fanüen semelapemi kewe.
1518	GEN 50:11	Iwe, lupwen ekewe chon Kanaan ra küna ar kechü lon Atat ewe lenien wichiwich umwun wiich, ra apasa, “Oo, iei a fis eu mwichen kechüomong ren chon Isip.” Iei mine ra aita ngeni ewe leni Apel Misraim , a nom ötiuen ewe chanpupu Jortan.
1563	EXO 2:8	Iwe, nöün Farao we fefin a pälüeni, “Ewer, kopwe feila.” Iei mine ewe nengin a feila o kökköri inen ewe semirit.
1569	EXO 2:14	Ätewe a pälüeni, “Iö a filuketä pwe kopwe samol me souapwüng wom? Ka ekieki pwe kopwe pwal nieila usun om niela ewe re Isip?” Mürin, Moses a niuokus o ekieki, “Ellet, ewe föför a pwä.”
1584	EXO 3:4	Lupwen ewe Samol mi Lapalap a küna pwe Moses a feila ikenan, a kökköwu me lon ewe iräfölüföl, “Moses, Moses!” Moses a pälüeni, “Ngang iei.”
1627	EXO 4:25	Mürin, Sipora a angei esät sättin fau mi ken o sirkomsaisi nöün ät. Iwe, a angei ünüchen ewe kükün inis, a pachei ngeni pechen Moses o apasa, “Ellet, en eman re reimwen cha ngeniei.”
1638	EXO 5:5	Farao a pwal üreniir, “Nengeni, ekewe aramas ra kon chomong seni chon Isip, nge ämi oua mochen aüküretiu seni ar angang.”
1668	EXO 6:12	Nge Moses a üreni ewe Samol mi Lapalap, “Nengeni, ekewe aramasen Israel resap aüselingaei. Ifa usun, Farao epwe mochen aüselingaei, nge ngang fen eman mi angangau le kapas?”
1687	EXO 7:1	Mürin, ewe Samol mi Lapalap a üreni Moses, “Nengeni, üpwe awisok pwe kopwe usun chök eman kot ngeni Farao, nge Aaron pwiüm we epwe usun chök noum soufos.
1740	EXO 8:25	Iwe, Moses a üra, “Nengeni, lupwen üpwe feila senuk, üpwe iotek ngeni ewe Samol mi Lapalap pwe lesor ekewe pwiin loong repwe sü senuk, seni noum kewe nöüwis me noum kewe aramas. Nge en Farao kosap chüen atupukem ren om kosap mwüt ngeni ekewe aramas pwe repwe feila o asor ngeni ewe Samol mi Lapalap.”
1879	EXO 13:11	“Iwe, lupwen ewe Samol mi Lapalap epwe emwenikemiilong lon ewe fanü Kanaan o fang ngenikemi ewe fanü usun a fen pwon fän akapel ngenikemi me ämi kewe lewo,
2090	EXO 21:12	“Iwe, eman mi wichi eman aramas pwe a mäla, epwe fokun ninnila.
2106	EXO 21:28	“Iwe, are eman ätemwänin kow a opura eman mwän ika eman fefin pwe a mäla, ewe ätemwänin kow epwe momon ngeni fau, nge esap wor eman epwe ochei fitukan. Nge mine nöün ewe ätemwänin kow esap tipis.
2115	EXO 21:37	“Iwe, are eman aramas a soläi eman kow ika eman sip o niela ika amömöla, ätewe epwe liwini limman kow fän iten eman, pwal föman sip fän iten eman. Ewe chon solä epwe aliwinisefäli liwinin mine a soläni fiti liwinin an tipis. Nge are esap wor och ren, repwe amömöla ewe mwän.
2146	EXO 23:1	“Iwe, kosap apworausafetalei eu pworaus mi mwäl. Kosap alisi eman aramasangau ren om pwärätä mine a pwüngingau.
2155	EXO 23:10	“Iwe, lon wonu ier oupwe fotuki fanüemi o kini uan.
2159	EXO 23:14	“Iwe, fän ülüngat lon eu ier oupwe föri eu chulap ngeniei.
2165	EXO 23:20	“Nengeni, üpwe tinato eman chon läng mwemi, pwe epwe tümwünükemi won ewe al o emwenikemi ngeni ewe leni üa amolätä.
2219	EXO 25:23	“Iwe, kopwe föri eu chepel seni ewe irä akasia langataman ükükün ilik me wonu inis, chölapan ükükün engol me walu inis, nge tekian rüe me fisu inis.
2227	EXO 25:31	“Iwe, kopwe föri eu lenien atittin seni kolt mi mürina, kopwe pwal auluulu motongan me popun o necheer ngeni ama. Iwe, alingan meinisin, ekewe uluulun pön irä me kirupun repwe förunus me ewe lenien atittin.
2237	EXO 26:1	“Iwe, kopwe föri ewe imwenfel ren engol pekin mangaku mi mürina o pwechepwech, mangaku mi arauarau me parochol me parapar. Eman mi silelap le chü epwe chüri liosun kerop wor.
2295	EXO 28:1	“Iwe, kopwe körato reöm Aaron pwiüm we seni lein ekewe chon Israel fiti nöün kewe mwän iter Natap, Apihu, Eleasar me Itamar, pwe repwe angang ngeniei lon wisen souasor.
2384	EXO 30:1	“Iwe, kopwe föri eu rongen asoren ötüöt seni ewe irä akasia, pwe kopwe keni ewe apach mi pwokus won.
2440	EXO 32:1	Iwe, lupwen ekewe chon Israel ra küna pwe Moses a mangetiu me won ewe chuk, ra mwichefengen ren Aaron o üreni, “Etto, kopwe föri ngenikem uluulun eman kot epwe akom mwach, pun sisap silei mine a fis ngeni Moses, ewe mwän a emwenikichewu seni lon ewe fanü Isip.”
2486	EXO 33:12	Iwe, Moses a üreni ewe Samol mi Lapalap, “Nengeni, ka kapas ngeniei pwe üpwe emwenala ekei aramas ngeni ewe fanü, nge kosap asile ngeniei iö kopwe tini pwe epwe etiei. Nge ka fen üreniei, ‘Üa sileek, ka pwal küna ümöümöch me rei.’
2495	EXO 33:21	Mürin, ewe Samol mi Lapalap a üra, “Nengeni, mi wor eu leni ünüki ia ka tongeni ütä won eu achau ie.
2542	EXO 35:10	“Iwe, ekewe mwän meinisin mi lipwäköch le angang me leimi repwe feito o föri meinisin mine ewe Samol mi Lapalap a allük: ewe imwenfel
2997	LEV 10:19	Iwe, Aaron a üreni Moses, “Nengeni, ikenai ekewe aramas ra eäni ar asoren tipis me asoren kek fän mesen ewe Samol mi Lapalap, nge ekei sokun feiengau ra toriei. Ifa usun, epwe pwüng fän mesen ewe Samol mi Lapalap ai üpwe ochei fituken ewe mönün asoren tipis?”
3246	LEV 17:10	“Iwe, are eman aramas me lein chon Israel ika eman chon ekis mi nom rer a ün cha, ngang üpwe ü ngeni ewe aramas o ärawu me lein aramasan.
3452	LEV 24:5	“Iwe, kopwe angei rüe me rüanü paun pilawa mi amas o mürina pwe kopwe umuni engol me ruoföü pilawa seni.
3705	NUM 3:12	“Nengeni, üa filätä ekewe mwän seni ewe ainangen Lefi seni me lein ekewe aramasen Israel, pwe repwe tupuni ekewe mwänichi me lein ekewe aramasen Israel. Iwe, ekewe mwän seni ewe ainangen Lefi repwe nei,
4257	NUM 17:27	Nge ekewe aramasen Israel ra üreni Moses, “Nengeni, äm aia rosola. Äm aipwe mäla, äm meinisin aipwe mäla.
4414	NUM 22:38	Nge Palam a pälüeni Palak, “Nengeni, üa feito reöm. Nge ifa usun, a wor ai pöchökül iei pwe üpwe tongeni apasa och? Üpwe chök apasa ekewe kapas Kot a üreniei.”
4467	NUM 24:20	Mürin Palam a nenela won Amalek o eäni an kapasen osuni usun, “Amalek, ewe mwü mi akom me lein ekewe mwü meinisin, nge sopolan epwe unusen tala.”
4588	NUM 28:9	“Iwe, lon ewe ränin sapat oupwe eäni asor ruoman ätemwänin lam eu ierir esap wor terir, pwal rüanü paun pilawa mi amas o mürina mi nofitfengen me apüra, pwe eu asoren mongö me ewe asoren ün.
4595	NUM 28:16	“Iwe, lon engol me rüanün ränin ewe aeuin maram epwe fis än ewe Samol mi Lapalap Pasofer.
4876	NUM 35:29	“Iwe, ikei ekewe allük me pwüng fän itemi seni eu täppin aramas tori eu täppin me lon leniemi meinisin:
4913	DEU 1:19	“Iwe, sa sai seni ewe chuk Horep o pwerelong lon unusen ewe fanüapö mi watte o eniwokus, usun oua küna. Sa pwal pwerelong lon fanüen chon Amor mi chukuchukutä, usun ewe Samol mi Lapalap ach we Kot a allük ngenikich. Iwe, lupwen sa tori Kates-parnea,
4928	DEU 1:34	“Iwe, ewe Samol mi Lapalap a rongorong ämi kapas, a song o pwon fän akapel,
4953	DEU 2:13	“Mürin, ewe Samol mi Lapalap a apasa, ‘Oupwe ütä o feila pekilan ewe öüwö Seret.’ Iei mine sa feila pekilan ewe öüwö Seret.
4964	DEU 2:24	“Mürin, ewe Samol mi Lapalap a üreniei, ‘Iei kopwe ütä o sai. Kopwe pwerela pekilan ewe lemolun Arnon. Nengeni, üa atolonga fän nemeniom Sihon ewe re Amor, kingen Hespon, fiti fanüan. Kopwe maun ngeni o popuetä le fanüeni fanüan.
4989	DEU 3:12	“Iwe, lon ena fansoun, lupwen sa fanüeni ei fanü, üa ngeni chon ekewe ainangen Rupen me Kat ewe fanü efengin Aroer mi nom ünükün lemolun ewe chanpupu Arnon, pwal esop seni chukuchukutän ewe fanü Kiliat me telinimwan kewe.
4992	DEU 3:15	“Iwe, ewe fanü Kiliat üa ngeni chon ewe eterekesin Makir.
5000	DEU 3:23	“Iwe, lon ena fansoun üa tüngormau ngeni ewe Samol mi Lapalap o üreni,
5015	DEU 4:9	“Iwe, oupwe afälikemi o tümwünükemi pwe ousap manlükala ekewe mettoch mesemi ra fen küna, ousap pwal mwüt ngeni pwe repwe ettiwu seni lon lelukemi lon ränin manauemi meinisin. Nge oupwe aiti ngeni nöümi me nöün nöümi,
5078	DEU 5:23	“Iwe, lupwen oua rongorong ewe möngüngü seni lukalapen ewe rochopwak lon ewe fansoun ewe chuk a kar, ekewe mwänirelan ämi kewe ainang me nöümi kewe souakom meinisin ra feito rei o apasa,
5089	DEU 6:1	“Iwe, ikkei ekewe allük me pwüüng ewe Samol mi Lapalap ämi we Kot a allük ngeniei, pwe üpwe aiti ngenikemi pwe oupwe apwönüeretä me lon ewe fanü oupwe sailong lon pwe oupwe fanüeni.
5098	DEU 6:10	“Iwe, ewe Samol mi Lapalap ämi we Kot epwe emwenikemiila lon ewe fanü a fen pwon fän akapel ngeni ämi kewe lewo Apraham, Isaak me Jakop pwe epwe ngenikemi, eu fanü mi wor telinimw watte o mürina, nge sap aüemi,
5114	DEU 7:1	“Iwe, ewe Samol mi Lapalap ämi we Kot epwe emwenikemiilong lon ewe fanü oukärän tolong lon pwe oupwe fanüeni, epwe pwal asüela chomong mwü me mwemi: ekewe chon Hit, chon Kirkas, chon Amor, chon Kanaan, chon Peris, chon Hiw me chon Jepus, ir ekewe fisu mwü mi watte o pöchökül senikemi.
5125	DEU 7:12	“Iwe, are oupwe aüselinga ekei allük, are oupwe tümwünüöchü le apwönüretä, mürin ewe Samol mi Lapalap ämi we Kot epwe pwal apwönüetä an we pwon o pwäri an tong ngenikemi, usun a fen pwon fän akapel ngeni ämi kewe lewo.
5140	DEU 8:1	“Iwe, oupwe tümwünüöchü le apwönüetä ekewe allük meinisin üa allük ngenikemi ikenai, pwe oupwe manau o chomongola, oupwe pwal tolong o fanüeni ewe fanü ewe Samol mi Lapalap a fen pwon fän akapel pwe epwe ngeni ämi kewe lewo.
5150	DEU 8:11	“Iwe, oupwe afälikemi pwe ousap manlükala ewe Samol mi Lapalap ämi we Kot ren ämi aleasolap ngeni an kewe allük me pwüüng üa ngenikemi ikenai.
5166	DEU 9:7	“Iwe, oupwe chechemeni, nge ousap manlükala usun oua asonga ewe Samol mi Lapalap me lon ewe fanüapö. Seni ewe ränin oua towu seni Isip tori oua tolong lon ei fanü oua ü ngeni ewe Samol mi Lapalap.
5189	DEU 10:1	“Iwe, lon ewe fansoun ewe Samol mi Lapalap a üreniei, ‘Kopwe falei rüepek fau mi chöpöp usun chök ekewe me mwan, o feitä rei won ewe chuk. Kopwe pwal föri eu pworofel seni mwüch.
5198	DEU 10:10	“Iwe, üa nonom won ewe chuk lon ükükün faik rän me faik pwin, usun ewe aeuin fansoun. Iwe, ewe Samol mi Lapalap a pwal aüselingaei lon ei fansoun o tipeeu ngeniei pwe esap arosakemiila.
5200	DEU 10:12	“Iwe, ämi chon Israel, met ewe Samol mi Lapalap ämi we Kot a mochen pwe oupwe föri? A chök mochen pwe oupwe meniniti i o föri meinisin mine a allük ngenikemi. Oupwe echeni o angang ngeni seni unusen lelukemi me unusen ngünümi.
5211	DEU 11:1	“Iwe, oupwe echeni ewe Samol mi Lapalap ämi we Kot o aleasochisi an akot, an öüröür, an kewe allük me pwüüng iteiten fansoun meinisin.