3	GEN 1:3	Mürin, Kot a apasa, “Epwe saram.” Iwe, a saramala.
6	GEN 1:6	Iwe, Kot a apasa, “Epwe fis kiännin ewe lölö, pwe epwe imwüfesen lölön pekitä me lölön pekitiu.”
9	GEN 1:9	Mürin, Kot a pwal apasa, “Lölön pekitiu repwe chufengen lon lenier pwe epwe pwä lenien pwasapwas.” Iwe, a pwal fis.
11	GEN 1:11	Mürin a pwal apasa, “Fanü epwe amärätä fetil me iräkis mi püsin afisätä föür, pwal sokun irä mi ukua, a pwal wor föür lor, pwe repwe püsin sokuni sokur won fanüfan.” Iwe, a fis.
15	GEN 1:15	Repwe nonom fän läng o asarama unusen fanüfan.” Iwe, a fis.
20	GEN 1:20	Mürin, Kot a apasa, “Ekewe lenien lölö repwe masou ren mönümanau, nge mansüsü repwe äkäs fän läng.”
24	GEN 1:24	Mürin, Kot a apasa, “Fanü epwe afisätä sokun man meinisin: Manfesir, mantötö me manmwacho, ekewe mi watte me kükün, eman me eman lon en me sokun.” Iwe, a fis.
26	GEN 1:26	Mürin, Kot a apasa, “Sipwe föri aramas mi wewe ngenikich pwe repwe nemeni ekewe ikenen leset me ekewe mansüsü me ekewe man meinisin won unusen fanüfan.”
28	GEN 1:28	Iwe, Kot a afeiöchüür o üreniir, “Oupwe nöünöü o achomongakemi pwe fanüfan epwe masou remi o nom fän nemeniemi. Oupwe nemeni ekewe ikenen leset me ekewe mansüsü me mönün won unusen fanüfan.”
30	GEN 1:30	Nge ekewe fetil meinisin üa ngeni ekewe manmwacho, ekewe mantötö me mansüsü, pwal ngeni ekewe sokopaten man meinisin won fanüfan, pwe repwe mongö seniir.” Iwe, a fis.
48	GEN 2:17	nge seni ewe irän silei öch me ngau kosap fokun mongö. Pun lon ränin om kopwe mongö seni, kopwe fokun mäla.”
49	GEN 2:18	Mürin, Kot ewe Samol mi Lapalap a pwal apasa, “Esap öch pwe ewe aramas epwe chök eman. Üpwe föri eman alisian mi wewe ngeni.”
54	GEN 2:23	Iwe, ewe aramas a apasa, “Iei chün chüi, nge fitukan fitukei. Epwe iteni etien mwän, pun a pop seni mwän.”
59	GEN 3:3	Nge Kot a apasa pwe aisap fokun mongö seni uän ewe irä a nonom lukalapen ei tanipi, aisap pwal atapa. Pun are aipwe mongö seni, aipwe mäla.”
61	GEN 3:5	Pun Kot a silei pwe lon ränin ämi oupwe mongö seni, mesemi epwe nela. Iwe, oupwe wewe ngeni Kot o silei mine a öch pwal mine a ngau.”
66	GEN 3:10	Ewe mwän a pälüeni, “Üa rong mwaataaten om fetal lon ei tanipi, nge üa niuokus, pun üa selela. Iei popun üa op.”
68	GEN 3:12	Ewe mwän a pälüeni, “Ewe fefin en ka ngeniei pwe pwülüei, neminewe a ngeniei uän ewe irä, iwe, üa mongö.”
69	GEN 3:13	Mürin, Kot ewe Samol mi Lapalap a aisini ewe fefin, “Pwota ka föri ei sokun?” Nge ewe fefin a pälüeni, “Ewe serepenit a atupuei, iei mine üa mongö.”
71	GEN 3:15	Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”
72	GEN 3:16	Iwe, Kot a üreni ewe fefin, “Üpwe fokun alapala weiresin om pwopwo. Fän cheuch kopwe nöünöü. Kopwe tipeni pwülüom we, nge i epwe nemenuk.”
75	GEN 3:19	Kopwe mongö anom fän molonom tori om kopwe wiliti pwül ka för seni. Pun pwül en, iei popun om kopwe wiliti pwül.”
78	GEN 3:22	Mürin, Kot ewe Samol mi Lapalap a apasa, “Iei a fis pwe ewe aramas a wewe ngenikich, pun a silei öch me ngau. Nge esap tufich, pwe epwe pwal aitiela pöün o angei seni uän ewe irän manau o mongö pwe epwe manau tori feilfeilachök.”
81	GEN 4:1	Iwe, Atam a kon ren Efa pwülüan we, nge neminewe a pwopwo. Iwe, lupwen a nöüni Kain, Efa a apasa, “Üa nöüni eman ät ren än ewe Samol mi Lapalap alilis.”
87	GEN 4:7	Ifa usun, are ka föri mine a pwüng, üsap etiwa om asor? Nge pokiten ka föri mine a ngau, tipis a operuk lükün asamom. Iwe, a mochen nemenuk, nge en kopwe akufu.”
88	GEN 4:8	Iwe, Kain a kapas ngeni Epel pwin we, “Sipwe feila lemäl.” Nge lupwen ar nonomfengen ikenan, Kain a ü ngeni pwin, a turufi o niela.
92	GEN 4:12	Lupwen om kopwe tanipini ewe fanü, esap chüen ngonuk uän fotom. Kopwe nomofetal o süsüfeil won fanüfan.”
94	GEN 4:14	Ikenai ka asüeila seni ei fanü pwal seni fän mesom, pwe üpwe nomofetal o süsüfeil won fanüfan. Iwe, epwe fis pwe iö epwe künaei, epwe nieila.”
95	GEN 4:15	Nge ewe Samol mi Lapalap a üreni, “Apwi! Iö epwe niikela, epwe angei chappan fän fisu.” Iwe, ewe Samol mi Lapalap a föri eu asisil won Kain pwe are eman epwe küna, esap niela.
104	GEN 4:24	Are manauen Kain epwe mö fän fisu, manauen Lamek epwe mö fän fik me fisu.”
105	GEN 4:25	Iwe, Atam a pwal kon ren pwülüan we, nge neminewe a pwopwo o nöüni eman ät. Iwe, a aita ngeni Set, pun a apasa, “Kot a ngeniei eman nei siwilin Epel, ätewe Kain a niela.”
135	GEN 5:29	A aita ngeni Noa o apasa, “Ätei epwe angasakich seni weiresin angangen pöüch, pokiten ewe pwül a anümamau me ren ewe Samol mi Lapalap.”
141	GEN 6:3	Mürin, ewe Samol mi Lapalap a apasa, “Ngüni esap nonom lon aramas tori feilfeilachök, pun aramas fituk chök. Iwe, ränin manauan epwe ipükü rüe ier chök.”
145	GEN 6:7	Iei mine a apasa, “Üpwe arosala föriei aramas me won fanüfan, pwal manfetal me mantötö me ekewe mansüsü. Pun üa lamalamala ren ai föriir.”
159	GEN 6:21	Iwe, kopwe pwal uwalong sokun mongö meinisin o iseni pwe amötümi me amötür.”
164	GEN 7:4	Mürin fisu rän üpwe apüngätiu üt won fanüfan lon ükükün faik rän me faik pwin. Üpwe arosala seni won fanüfan ekewe mönümanau meinisin üa föriir.”
201	GEN 8:17	Kopwe pwal atowu ekewe mönümanau meinisin mi etuk, ekewe mansüsü me manfetal me mantötö, pwe repwe nöünöü o achomongerela won fanüfan.”
206	GEN 8:22	Lon ükükün fansoun fanüfan a nom esap chüen ükütiu fofot me kinikin, patapat me pwichikar, räs me efen, rän me pwin.”
213	GEN 9:7	Nge ämi oupwe nöünöü o achomongakemi pwe fanüfan epwe masou remi.”
217	GEN 9:11	Iei masouen ai we pwon ngonuk: Esap chüen fis mälan ekewe mönümanau meinisin ren pwal eu noter. Esap fokun chüen fis pwal eu noter mi ataela fanüfan.”
223	GEN 9:17	Iei asisilen ewe pwon üa föri lefilei me mönümanau meinisin won fanüfan.”
231	GEN 9:25	a apasa, “Kanaan epwe anümamau. Pwin kana repwe nöüni amanau.”
233	GEN 9:27	Kot epwe awattela fanüen Jafet, nge epwe imweimw lon imwen Säm. Iwe, Jafet epwe nöüni Kanaan amanau.”
270	GEN 11:3	Iwe, ra kapasfengen lefiler, “Ou etto, sipwe föri pilak seni pwül o umwuniir.” Iwe, a wor ar pilak fän iten aüetä imw me ar apach ra küna me fän pwül fän iten sessen pilak.
271	GEN 11:4	Mürin ra apasa, “Ou etto, sipwe aüetä eu telinimw fän itach, pwal eu imw mi tekia, ungan epwe tori läng. Pun sipwe afisätä itach ren pwe sisap toropasfeil won unusen fanüfan.”
274	GEN 11:7	Ousipwe feitiu ikenan o alikofifi ar fos pwe esap wor eman epwe chüen wewe ren kapasen eman.”
302	GEN 12:3	Iwe, üpwe afeiöchü ekewe chon afeiöchuk, nge afeiengaua ekewe chon afeiengauok. Iwe, chon ekewe mwü meinisin won fanüfan repwe küna feiöch reöm.”
306	GEN 12:7	Iwe, ewe Samol mi Lapalap a pwä ngeni Apram o üreni, “Ei fanü üpwe ngeni mwirimwirum kana.” Mürin, Apram a senätä eu rongen asor ikenan fän iten ewe Samol mi Lapalap mi pwä ngeni.
312	GEN 12:13	Iei mine kopwe apasa pwe en fefinei. Mürin repwe eäni kirikiröch ngeniei o amanauaei pokitom.”
318	GEN 12:19	Pwota ka apasa pwe neminei fefinom? Ina popun üa angei pwe pwülüei. Kopwe angei pwülüom ei o sü seniei.”
328	GEN 13:9	Ifa usun, esap suk ngonuk unusen ei fanü? Kose mochen imwü seniei. Are ka mochen feila pelimöngün ei fanü, ngang üpwe feila pelifichin, nge are ka mochen feila pelifichin, ngang üpwe feila pelimöngün.”
336	GEN 13:17	Kopwe feila o siamüfetal lon unusen ewe fanü, pun ngang üpwe ngonuk.”
357	GEN 14:20	Sipwe mwareiti ewe Kot mi Unusen Tekia, a atolonga chon oputom fän nemeniom.” Mürin, Apram a ngeni Melkisetek eu leengol seni choon wokun meinisin.
358	GEN 14:21	Iwe, ewe kingen Sotom a üreni Apram, “Kopwe aliwini ngeniei ekewe aramas, nge choon wokum kopwe eäni.”
361	GEN 14:24	Üsap fokun angei och fän itei lükün mine nei kewe chon angang ra mongö. Nge ekewe mwän mi etiei, Aner me Eskol me Mamre, repwe angei wiser.”
362	GEN 15:1	Iwe, wesin ewe maun ewe Samol mi Lapalap a kapas ngeni Apram lon künaan, “Kosap niuokus Apram. Ngang tittum, nge liwinum epwe fokun watte.”
363	GEN 15:2	Nge Apram a apasa, “Ai Samol me ai Kot, met ka tongeni ngeniei, nge esap wor nei. Nei chon angang Elieser seni Tamaskus epwe wöüni wöüi meinisin.”
364	GEN 15:3	Iwe, Apram a pwal apasa, “Nengeni, kosamwo ngeniei eman nei. Iei popun eman nei kewe chon angang mi uputiu lon imwei epwe wöüni wöüi.”
365	GEN 15:4	Mürin, ewe Samol mi Lapalap a kapassefäl ngeni Apram, “Elieser esap wöüni woum, nge püsin eman noum mwän epwe wöüni.”
366	GEN 15:5	Nge Kot a üreni Apram pwe epwe towu me lon imwan. Mürin a kapas ngeni, “Kopwe netä läng o aleani ekewe fü. Ifa usun, ka tongeni aleaniir? Iei usun mwirimwirum kana repwe chomong usun chomongun ekewe fü.”
368	GEN 15:7	Mürin, Kot a üreni, “Ngang ewe Samol mi Lapalap. Üa emwenukowu seni Ur lon ewe fanü Papilon, pwe üpwe ngonuk ei fanü pwe kopwe fanüeni.”
377	GEN 15:16	Iwe, lon arüanün tettel mwirimwirum kewe repwe liwinsefälito ikei, pun esamwo tori otun ai üpwe apwüngü än ekewe chon Amor föföringau.”
382	GEN 15:21	pwal tori fanüen ekewe chon Amor, chon Kanaan, chon Kirkas me chon Jepus.”
384	GEN 16:2	Iwe, Sarai a üreni Apram, “Nengeni, ewe Samol mi Lapalap esap mwüt ngeniei ai üpwe nöünöü. Iei mine kopwe pwülüeni nei we chon angang. Eli epwe fis pwe epwe wor nei me ren.” Iwe, Apram a aüselinga alon Sarai.
388	GEN 16:6	Iwe, Apram a üreni Sarai, “Noum we chon angang a nom fän nemeniom. Kopwe föri ngeni mine ka mochen.” Iei mine Sarai a amiriti Hakar, nge neminewe a süla.
390	GEN 16:8	Iwe, ewe chon läng a aisini, “Hakar nöün Sarai chon angang, ia ka feito me ie, nge ia kopwe feila ie?” Iwe, Hakar a pälüeni, “Üa sü seni ai samol Sarai.”
391	GEN 16:9	Nge ewe chon läng a üreni, “Kopwe liwiniti om samol o anomuk fän nemenian.”
394	GEN 16:12	Iwe, noum epwe usun chök eman aas mi mwacho, epwe ü ngeni aramas meinisin, nge aramas meinisin repwe pwal ü ngeni. Iwe, epwe nonom lon fanüan o tipepöchökül ngeni aramasan.”
395	GEN 16:13	Iwe, Hakar a aita ngeni ewe Samol mi Lapalap mi kapas ngeni me mwan, “En eman Kot mi nenengeniei.” Pun a apasa, “Ellet, üa küna ewe mi fen nenengeniei.”
400	GEN 17:2	Iwe, üpwe anüküchara ai pwon lefilei me en, üpwe pwal fokun achomonga mwirimwirum.”
406	GEN 17:8	Iwe, üpwe ngonuk pwal ngeni mwirimwirum kana unusen ewe fanü Kanaan ka wasöla lon. Iwe, repwe fanüeni ewe fanü tori feilfeilachök, nge ngang üpwe ar Kot.”
412	GEN 17:14	Iteiten mwän esap sirkomsais epwe kärila me lein aramasan, pun a atai ai we pwon.”
414	GEN 17:16	Üpwe afeiöchü Sara, nge üpwe ngonuk eman ät me ren. Ewer, üpwe afeiöchü pwe epwe inelapen chomong ainang, epwe pwal wor king me lein mwirimwirin kana.”
416	GEN 17:18	Iwe, Apraham a üreni Kot, “Amwo Ismael epwe manau o feiöch me fän mesom.”
419	GEN 17:21	Nge ai we pwon üpwe apwönüetä ngeni Isaak noum we, ätewe Sara epwe nöüni mürin eu ier.”
430	GEN 18:5	nge ngang üpwe feila o angei elülü mongö pwe oupwe chünikemi. Iwe, mürin oupwapw feila. A öch pwe oua feito rei ngang nöümi chon angang.” Iwe, ra üreni, “Kopwe föri usun om apasa.”
431	GEN 18:6	Iwe, Apraham a müttirilong lon imwan imw mangaku o üreni Sara, “Kopwe müttir angei eu tuk pilawa mi mürina, kopwe öüwa o umuni.”
434	GEN 18:9	Iwe, ra aisini, “Ifa i Sara pwülüom we?” Nge Apraham a pälüeniir, “A nom leimw.”
435	GEN 18:10	Iwe, ewe Samol mi Lapalap a üreni, “Üpwe fokun liwinto reöm mürin eu ier. Nge Sara pwülüom we epwe nöüni eman ät.” Iwe, Sara a rongorong ei kapas me aropen asamalapen ewe imw mangaku me lükisökürün.
439	GEN 18:14	Ifa usun, epwe wor och ewe Samol mi Lapalap esap tufich ngeni? Üpwe fokun liwinto reöm mürin eu ier, usun üa fen pwon ngonuk me mwan. Lon na otun Sara epwe nöüni eman ät.”
440	GEN 18:15	Nge Sara a niuokus, iei mine a amam o apasa, “Üsap takir.” Nge ewe Samol mi Lapalap a pälüeni, “Apwi, ka wesewesen takir.”
444	GEN 18:19	Iwe, üa fen afili pwe epwe aiti ngeni nöün me chon leimwan me mwirimwirin kana usun ar repwe aleasochisiei o föri mine a pwüng me wenechar. Iwe, are repwe föri iei usun, ngang ewe Samol mi Lapalap üpwe atoto won Apraham mine üa fen pwon ngeni.”
446	GEN 18:21	Üpwe feitiu rer o nengeni are a pwüng ekewe kapasen atutur mi toriei. Nge are esap pwüng, üpwe pwal silei.”
451	GEN 18:26	Iwe, ewe Samol mi Lapalap a pälüeni, “Are üpwe küna lime chon pwüng lon ewe telinimw Sotom, üpwe amanaua unusen chon ewe telinimw fän iten ekewe lime.”
453	GEN 18:28	Eli esap tori lime chon pwüng, nge faik me limman chök. Ifa usun, kopwe atai unusen ewe telinimw fän iten ekewe limman rese nom?” Iwe, Kot a pälüeni, “Are üpwe küna faik me limman, üsap atai ewe telinimw.”
454	GEN 18:29	Nge Apraham a kapassefäl ngeni, “Eli a chök wor faik mi nom lon.” Iwe, Kot a pälüeni, “Üsap atai fän iten ekewe faik.”
455	GEN 18:30	Mürin, Apraham a üreni, “Kose mochen kosap chou ngeniei, ai Samol, are üpwe pwal kapas fän eu. Eli a chök wor ilik mi nom lon.” Nge Kot a pälüeni, “Üsap atai, are üpwe küna ilik.”
456	GEN 18:31	Iwe, Apraham a pwal apasa, “Kose mochen kopwe amusala pwe üa chök kapaspat ngonuk, ai Samol. Eli rüe chök ra nom lon.” Nge Kot a pälüeni, “Üsap atai ewe telinimw fän iten ekewe rüe.”
457	GEN 18:32	Iwe, Apraham a kapassefäl, “Kose mochen kosap chou ngeniei, ai Samol. Üpwe kapassefäl pwal fän eu chök. Eli epwe wor engol mi nom lon.” Nge Kot a pälüeni, “Üsap fokun atai ewe telinimw fän iten ekewe engol.”
460	GEN 19:2	o üreniir, “Ai kana samol, ouse mochen oupwe tolong lon imwei ngang nöümi chon angang. Iwe, oupwe talü pechemi o möür rei. Nge lesosorusich oupwe pwätä o sopwela ämi sai.” Nge ir ra pälüeni, “Apwi, äm aipwe chök nonom lükün.”
463	GEN 19:5	Iwe, ra kölong ren Lot o apasa, “Ikafa ir ekana mwän ra feito reöm lon ei pwinin? Kopwe emwenirewu pwe aipwe föföringau ngeniir.”
466	GEN 19:8	Nengeni, mi wor ruoman nei föpwül resamwo pwüpwülü. Üpwe emwenirewu remi pwe oupwe föri ngeniir mine oua mochen. Nge ousap föföringau ngeni ekewe mwän, pun üa etiweer lon imwei pwe üpwe tümwünüür.”
467	GEN 19:9	Nge ekewe re Sotom ra pälüeni, “Kopwe süla! En ka feito pwe kopwe wasöla rem, nge iei ka apwüngükem. Iei mine aipwe aweiresuk lap seniir.” Iwe, ra ki ngeni Lot fän pöchökül, ra pwal kan ngeni pwe repwe ripi asamalapen imwan.
471	GEN 19:13	Pun äm aipwe ataala. Kapasen atutur usun föföringauen aramasen ei leni a fokun wattela fän mesen ewe Samol mi Lapalap. Iei popun a tinikeemito pwe aipwe atai.”
472	GEN 19:14	Iwe, Lot a towu ren kofotun nöün kewe föpwül o üreniir, “Oupwe feil seni ikei, pun ewe Samol mi Lapalap epwe atai ei telinimw.” Nge ir me ruoman ra ekieki pwe a chök urumwot.
473	GEN 19:15	Iwe, lupwen a tö mallen rän, ekewe chon läng ra amüttiri Lot o üreni, “Kopwe müttir angei pwülüom me noum kewe ruoman föpwül mi nom reöm o sü pwe kosap pwal feiengaueni feiengauen ei telinimw.”
475	GEN 19:17	Iwe, lupwen ra aweinerewu lükün, eman leir a üreniir, “Oupwe kaila o amanauakemi, nge ousap nesefäl. Ousap pwal üla lon ewe lemol, nge oupwe süla ngeni ekewe chuk pwe oute mäla.”
478	GEN 19:20	Nengeni, mi wor eu kükün telinimw, a kanoto pwe üpwe tongeni sülong lon. Kose mochen kopwe mwüt ngeniei pwe üpwe sülong lon. Ifa usun, esap kükün ewe telinimw? Iwe, ikenan üpwe tongeni manau me ie.”
480	GEN 19:22	Kopwe kaila o süla ikenan, pun üsap tongeni föri och me mwen om kopwe tori.” Iei popun ewe telinimw a iteni Soar .
490	GEN 19:32	Etto, sipwe aünü ngeni samach ei wain, mürin sipwe kon ren pwe epwe wor mwirimwirin.”
492	GEN 19:34	Iwe, sorotän ewe rän ewe finichi a üreni ewe setipütür, “Üa kon ren semei lepwin ewe. Sipwe pwal aünü ngeni samach ei wain lepwin ei. Mürin, en kopwe tolong o kon ren pwe epwe wor mwirimwirin.”