630	GEN 24:38	Nge kopwe feila ren aramasen semei o kütta eman pwülüen nei we alüal.’
631	GEN 24:39	Nge ngang üa üreni ai samol, ‘Eli ewe föpwül esap mochen etieito.’
633	GEN 24:41	Iwe, lupwen kopwe tori aramasei kewe, kopwe ngas seni om we pwon fän akapel ngeniei. Nge are resap mochen mwüt ngonuk ewe föpwül, kopwe chök ngas seni om we pwon fän akapel ngeniei.’
636	GEN 24:44	nge i epwe üra, “Kopwe ün, nge üpwe pwal aünü noum kewe kamel,” neminewe epwe ina i ewe ka filätä pwe pwülüen nöün ai we samol.’
637	GEN 24:45	Iwe, mwen üsamwo wes le iotek lon lelukei, Repeka a feito o uwei an we rumen koluk won afaran. A tötiu lon ewe chönüttu pwe epwe üfüf koluk. Iwe, ngang üa tüngor ngeni, ‘Kose mochen kopwe aünüei.’
638	GEN 24:46	Iwe, a müttir isetiu an we rume seni won afaran o apasa, ‘Kopwe ün, nge üpwe pwal aünü noum kewe kamel.’ Iwe, üa ün, nge a pwal aünü ekewe kamel.
639	GEN 24:47	Mürin üa aisini, ‘En nöün iö?’ Iwe, a pälüeni, ‘Ngang nöün Petuel, nge semei nöün Milka pwülüen Nahor we.’ Mürin üa apachätä ewe ring won pwötün o anomu ekewe lälä won pöün.
735	GEN 27:7	‘Kopwe uwato eman manmwacho rei o föri och mongö mi anö fän itei pwe üpwe mongö. Pun üa mochen afeiöchuk me fän mesen ewe Samol mi Lapalap mwen ai üpwe mäla.’
885	GEN 31:11	Iwe, nöün Kot we chon läng a köriei lon ai tan, ‘Jakop.’ Nge ngang üa apasa, ‘Ngang iei.’
903	GEN 31:29	Iwe, ngang üa tongeni afeiengauok. Nge än semom we Kot a üreniei lepwin ewe, ‘Kopwe fokun föröchü pwe kosap kapas pöchökül ngeni Jakop.’
938	GEN 32:10	Mürin, Jakop a iotek, “Ai Samol mi Lapalap, en än semei Apraham me Isaak we Kot, en ka üreniei, ‘Kopwe liwiniti fanüom pwal aramasom, nge ngang üpwe atoto feiöch womw.’
1285	GEN 42:32	Äm aia engol me ruoman pwipwi nöün eman chök sam. Eman a mäla, nge ewe setipütür a chüen nom ren saman lon ewe fanü Kanaan.’
1345	GEN 44:20	Lon ena fansoun äm aia pälüenuk, ‘Ewer, a chüen manau semem, nge a chinlap. A pwal wor eman pwim we setipütür, semem a nöüni lon an chinlap. Iwe, pwin ewe setipütür a mäla, nge ese chüen wor eman nöün inan pwe i chök. Iwe, saman we a fokun tongei.’
1347	GEN 44:22	Nge äm aia ürenuk, äm samol, ‘Ewe ät esap tongeni likitala saman, pun are epwe likitala, saman we epwe mäla.’
1348	GEN 44:23	Mürin, ka ürenikem äm noum kei chon angang, ‘Ousap chüen tongeni küna mesei, are ousap uwato pwimi we setipütür rei.’
1350	GEN 44:25	Mürin, semem we a ürenikem, ‘Oupwe liwinsefälila Isip pwe oupwe kamö ekis anach mongö.’
1351	GEN 44:26	Nge äm aia üreni, ‘Äm aisap tongeni feila. Are pwim we setipütür epwe etikem, aipwe feila. Pun aisap tongeni küna mesen ewe mwän, are pwim we setipütür esap etikem.’
1354	GEN 44:29	Iwe, are oua pwal angei seniei ei ät, nge och feiengau epwe tori, oupwe atolongaei fän mökürei mi üwan lon lenien sotup ren ai letipeta.’
1370	GEN 45:11	Are ka nom lon Kosen, üpwe tongeni tümwünuk. Pun limu ierin lengita repwe pwal feito, nge üsap mochen pwe en me chon leimwom me noum kewe man oupwe echik.’
1524	GEN 50:17	‘Kose mochen kopwe amusala än pwiüm kewe föföringau, pun ra tipis ren mine ra föri ngonuk.’ Iwe, iei aia tüngor ngonuk, ika kose mochen kopwe amusala ewe föföringau äm chon angang ngeni än semom we Kot aia föri.” Iwe, lupwen ar kapas ngeni, Josef a kechü.
1597	EXO 3:17	Iwe, üa pwon ngenikemi pwe üpwe emwenikemiiwu seni lon Isip, ewe leni ia oua riaföü ie, o emwenikemiilong lon fanüen chon Kanaan, chon Hit, chon Amor, chon Peris, chon Hiw me chon Jepus, eu fanü mi pwülüöch o fanüeräs.’
1598	EXO 3:18	Iwe, repwe aüselinga om kapas, mürin ämi me ekewe souakomwen Israel oupwe feila ren ewe kingen Isip o üreni, ‘Ewe Samol mi Lapalap än chon Ipru we Kot a churikem. Iei aia tüngor ngonuk pwe kopwe mwüt ngenikem pwe aipwe saila lon fanüapö ükükün ülüngat rän, pun aipwe asor ngeni äm we Kot ewe Samol mi Lapalap.’
1641	EXO 5:8	Nge repwe chök föri ükükün förier pilak usun me mwan. Ousap fokun akisikisätiu, pun ra chipwang. Iei mine ra apasa lon ar siö, ‘Kopwe mwüt ngenikem pwe aipwe feila o asor ngeni äm we Kot.’
1650	EXO 5:17	Nge Farao a pälüeniir, “Oua chök chipwang, oua chök chipwang, iei mine oua apasa, ‘Kopwe mwüt ngenikem pwe äm aipwe feila o asor ngeni ewe Samol mi Lapalap.’
1815	EXO 11:8	Iwe, Moses a sopwela le kapas, “Noum kei nöüwis meinisin repwe feito rei, repwe chapetiu fän mesei o tüngor rei, ‘Oupwe feila, en me ekana aramas meinisin ka wisen emweniir.’ Mürin üpwe feila.” Iwe, Moses a feila seni Farao fän watten an song.
1876	EXO 13:8	Lon ewe rän oupwe awewei ngeni en me nöün mwän, ‘Iei achechemenien usun mine ewe Samol mi Lapalap a föri ngeniei, lupwen üa towu seni Isip.’
1883	EXO 13:15	Pun lupwen Farao a tipeförea ren an esap mochen mwüt ngenikem pwe aipwe feila, ewe Samol mi Lapalap a niela mwänichien ewe fanü Isip meinisin, mwänichien aramas me mweinöün man. Iei mine aia eäni asor ngeni ewe Samol mi Lapalap ätemwänin man meinisin mi akomwen uputiu. Nge ekewe mwänichien lein nöüm mwän aia möni.’
1930	EXO 15:9	Ewe chon oputakem a apasa, ‘Üpwe tapweriir, üpwe liapeniir o ineti liapei, üpwe ameseikaei wor. Iwe, üpwe üttawu nei ketilas, pei epwe aroserela.’
2033	EXO 19:6	pwe oupwe eu mwichen souasor me eu mwü mi pin fan itei.’ Ikkei ekei kapas kopwe asile ngeni ekewe aramasen Israel.”
2447	EXO 32:8	Ra müttir aleasolap ngeni ekewe allük üa ngeniir, ra föri eu uluulun kow seni kolt fän iter, ra fel ngeni, ra pwal asor ngeni o apasa, ‘Iei i om we Kot Israel, ewe mi emwenukowu seni lon ewe fanü Isip.’
2462	EXO 32:23	Pun ra apasa ngeniei, ‘Kopwe föri ngenikem uluulun eman kot epwe akom mwem. Pun aisap silei mine a fis ngeni Moses, ewe mwän mi emwenikichewu seni ewe fanü Isip.’
2463	EXO 32:24	Iei mine üa üreniir, ‘Iteiten eman me eman mi wor an fout seni kolt epwe uttawu.’ Mürin ra ngeniei ar kewe kolt, nge ngang üa atururolong lon ekkei. Iwe, a fis ei uluulun kow.”
2486	EXO 33:12	Iwe, Moses a üreni ewe Samol mi Lapalap, “Nengeni, ka kapas ngeniei pwe üpwe emwenala ekei aramas ngeni ewe fanü, nge kosap asile ngeniei iö kopwe tini pwe epwe etiei. Nge ka fen üreniei, ‘Üa sileek, ka pwal küna ümöümöch me rei.’
3147	LEV 14:35	ätewe imwan ewe epwe feito o asile ngeni ewe souasor, ‘Üa küna och me lon imwei mi usun chök nuumw.’
3815	NUM 5:22	Iwe, ei koluk mi atoto anümamau epwe tolong leutum pwe lukom epwe pwo, kopwe pwal rit.’ Iwe, ewe fefin epwe pälüeni, ‘Üa tipeeu ngeni. Epwe fis iei usun.’
3850	NUM 6:26	ewe Samol mi Lapalap epwe wopwapwa ngenikemi o fang ngenikemi kinamwe.’
4038	NUM 11:13	Ia üpwe küt me ie fituk pwe üpwe ngeni ekei aramas meinisin? Pun ra lal ngeniei o üra, ‘Kopwe ngenikem fituk pwe aipwe ochoch.’
4125	NUM 14:16	‘Pokiten ewe Samol mi Lapalap esap tongeni emwenalong ekewe aramas lon ewe fanü a pwon pwe epwe ngeniir, iei mine a nirela lon ewe fanüapö.’
4127	NUM 14:18	‘Ewe Samol mi Lapalap a songomang o wöün tong, a amusala föföringau me pupungau, nge esap amusafatei chon tipis, pwe a liwini än samasam tipis won nöür tori aülüngatin me arüanün tettelin aramas.’
4143	NUM 14:34	Ükükün iteiten ekewe faik rän oua operi ewe fanü, iei ükükün ierin ämi oupwe uwei liwinin ämi föföringau. Pun eu ier epwe fän iten eu rän. Iei usun oupwe mefi weiresin ai ü ngenikemi lon ükükün faik ier.’
4424	NUM 23:7	Mürin, Palam a popuetä an kapasen osuni o üra, “Palak ewe kingen Moap a emwenieito seni Aram, seni ewe chuk mi nom ötiu. A üreniei, ‘Kopwe feito o anümamaua ngeniei ekewe mwirimwirin Jakop, kopwe feito o eniwa ekewe chon Israel.’
4440	NUM 23:23	Pun esap wor och pöüt ika och rong epwe küw ekewe chon Israel o afeiengaueer. Lon ei fansoun repwe apasa usun ekewe aramasen Israel, ‘Nengeni mine Kot a föri fän iter.’
4732	NUM 32:12	Chilon chök Kalep nöün Jefune we mwän ewe chon Kenis me Josua nöün Nun we mwän, pun ir ra fokun aleasochis ngeniei ngang ewe Samol mi Lapalap.’
4907	DEU 1:13	Oupwe filätä mwän mi mirit me tipachem me mwokos seni ämi kewe ainang, pwe üpwe seikiretä womi.’
4911	DEU 1:17	Ousap lifilifil aramas lon ämi kapwüng. Oupwe aüseling ngeni ekewe mi kis usun chök ngeni ekewe mi lap. Ousap niuokusiti mesen aramas, pun ewe kapwüng än Kot. Nge are ewe fitikoko a kon weires ngenikemi, oupwe uwato rei pwe üpwe apwüngala.’
4915	DEU 1:21	Nengeni, ewe Samol mi Lapalap ämi we Kot a ngenikemi ewe fanü. Oupwe feitä o fanüeni, usun ewe Samol mi Lapalap än ämi kewe lewo we Kot a ürenikemi. Ousap niuokus, ousap pwal apilükingau.’
4922	DEU 1:28	Ia aipwe feila ie? Pwiim ra akükünüela letipem ren ar apasa, pwe ekewe aramas ra watte o mwänemong senikem. Ar kewe telinimw ra pwal pöchökül, nge tittir ra tori läng. Nge ikenan ra pwal küna ekewe mwirimwirin Anak.’
4925	DEU 1:31	Lon ewe fanüapö oua pwal küna usun ewe Samol mi Lapalap a emwenikemi lon ekewe al meinisin tori ei leni, usun eman mwän a eki nöün.’
4930	DEU 1:36	chilon chök Kalep nöün Jefune we mwän, i epwe küna ewe fanü. Iwe, üpwe ngeni i me mwirimwirin kana ewe fanü a fen fetal won, pun a fokun aleasochis ngeniei ren unusen lelukan.’
4932	DEU 1:38	Nge Josua nöün Jefune we mwän mi angang ngonuk epwe tolong. Kopwe apöchöküla lelukan, pun epwe atolonga chon Israel lon ewe fanü pwe repwe fanüeni.’
4935	DEU 1:41	“Mürin oua üreniei, ‘Äm aia tipis ngeni ewe Samol mi Lapalap. Iei aipwe feila o maun, usun ewe Samol mi Lapalap äm we Kot a allük ngenikem.’ Iwe, iteiten eman me eman mwän me leimi a rietä an pisekin maun ngeni lukalapan o ekieki pwe epwe mecheres an epwe feitä lon ewe fanü mi chukuchukutä.
4936	DEU 1:42	Nge ewe Samol mi Lapalap a kapas ngeniei, ‘Kopwe üreniir pwe resap feitä o maun, pun ngang üsap nom lefiler. Iwe, repwe kuf ren chon oputeer.’
4943	DEU 2:3	‘A naf fansoun ämi saifetal won ewe fanü mi chukuchukutä. Oupwe kul o feila ngeni efeng.’
4946	DEU 2:6	Oupwe kamö seniir enemi mongö me ünümemi koluk ren moni.’
4953	DEU 2:13	“Mürin, ewe Samol mi Lapalap a apasa, ‘Oupwe ütä o feila pekilan ewe öüwö Seret.’ Iei mine sa feila pekilan ewe öüwö Seret.
4969	DEU 2:29	usun ekewe mwirimwirin Esau mi nonom lon Etom me ekewe chon Moap mi nonom lon Ar ra mwüt ngenikem. Aipwe chök fetal won ewe al tori aipwe feila pekilan ewe chanpupu Jortan o tolong lon ewe fanü ewe Samol mi Lapalap äm we Kot epwe ngenikem.’
4971	DEU 2:31	Iwe, ewe Samol mi Lapalap a üreniei, ‘Nengeni, üa popuetä le atolonga Sihon me fanüan fän nemeniemi. Oupwe popuetä le tolong lon fanüan o fanüeni.’
4979	DEU 3:2	Nge ewe Samol mi Lapalap a üreniei, ‘Kosap niuokusiti ewe king, pun üa atolonga fän nemeniom, i me nöün kewe sounfiu meinisin pwal fanüan. Iwe, kopwe föri ngeni usun mine ka föri ngeni Sihon ewe kingen chon Amor mi nemenem lon Hespon.’
4997	DEU 3:20	Oupwe eti pwimi kewe chon Israel le maun tori ewe Samol mi Lapalap a asösöör, usun ämi oua pwal asösö. Iwe, ir repwe fanüeni ewe fanü ewe Samol mi Lapalap epwe ngeniir me lotoun ewe chanpupu Jortan. Mürin, eman me eman epwe liwiniti püsin fanüan üa fen ngeni.’
5002	DEU 3:25	Üa tüngor ngonuk pwe kopwe mwüt ngeniei üpwe pwerela pekilan ewe chanpupu Jortan o küna ewe fanü mi mürina, ewe fanü mi chukuchukutä o fokun mürina, pwal ewe chuk Lepanon.’
5005	DEU 3:28	Nge kopwe akünöü Josua, kopwe apworai o apöchöküla letipan, pun i epwe akom mwen ekewe aramas le feila pekila, epwe pwal afanüa ngeniir ewe fanü, en kopwe chök nenengeni.’
5012	DEU 4:6	Oupwe aleasochisiir o apwönüretä, pun ren ei epwe pwä ngeni chon ekewe mwü ämi tipachem me mirit. Iwe, lupwen repwe rongorong ekei allük meinisin, repwe apasa, ‘Ellet, chon ei mwü mi lapalap eu mwichen aramas mi tipachem o mirit.’
5016	DEU 4:10	usun mine a fis lon ewe rän oua ütä fän mesen ewe Samol mi Lapalap ämi we Kot me fäsonun ewe chuk Horep, lupwen a üreniei, ‘Kopwe amwichato rei ekewe aramas pwe repwe rongorong ai kapas o kaiö usun ar repwe meninitiei lon ränin manauer meinisin won fanüfan. Iei usun repwe pwal aiti ngeni nöür.’
5082	DEU 5:27	En kopwe kan ngeni ewe Samol mi Lapalap ach we Kot o aüselinga meinisin mine epwe apasa. Mürin, kopwe asile ngenikem meinisin mine ewe Samol mi Lapalap ach Kot epwe kapas ngonuk. Nge äm aipwe aüselinga o aleasochisi.’
5086	DEU 5:31	Nge en Moses kopwe ütä rei ikei. Iwe, üpwe aiti ngonuk ekewe allük me pwüüng meinisin, nge en kopwe aiti ngeni ekewe aramas, pwe repwe apwönüretä me lon ewe fanü üpwe ngeniir pwe fanüer.’
5171	DEU 9:12	Mürin, ewe Samol mi Lapalap a üreniei, ‘Kopwe müttiritiu seni ikei, pun noum kewe aramas ka emwenirewu seni Isip ra föföringau. Ra müttir tokola seni mine üa allük ngeniir o föri eu uluulun anümwäl fän iter.’
5173	DEU 9:14	Kopwe mwüt ngeniei pwe üpwe aroserela o tölala iter seni won fanüfan. Mürin üpwe föri senuk eu mwichen aramas mi pöchökül o chomong seniir.’
5190	DEU 10:2	Iwe, üpwe ruputi wor ekewe kapas mi mak won ekewe me mwan ka amökküür. Mürin kopwe isenirelong lon ewe pworofel.’
5402	DEU 18:16	Pun oua tüngor ngeni ewe Samol mi Lapalap ämi we Kot lon ewe ränin oua mwichfengen me fäsonun ewe chuk Horep, lupwen oua apasa, ‘Aisap mochen rongsefäl mwelien ewe Samol mi Lapalap äm we Kot, aisap pwal mochen künasefäli ewe ekkei mi lapalap pwe aisap mäla.’
5406	DEU 18:20	Iwe, are eman soufos epwe osunimwäli och kapas fän itei, nge ngang üsap allük ngeni, are eman epwe kapas fän iten pwal ekoch kot, ewe soufos epwe mäla.’
5433	DEU 20:4	Pun ewe Samol mi Lapalap ämi we Kot epwe etikemi o fiu fän itemi ngeni chon oputakemi, pwe epwe awinakemi.’
5436	DEU 20:7	Ifa usun, epwe wor eman mwän ikei mi kofot ngeni eman fefin, nge esamwo pwülüeni? Ätewe epwe liwiniti imwan, pun a tongeni mäla lon maun, nge pwal eman mwän epwe pwülüeni kofotun.’
5437	DEU 20:8	Mürin, ekewe meilap repwe pwal üreni ekewe sounfiu, ‘Ifa usun, epwe wor eman mwän ikei mi niuokus o kükün letipan? Ätewe epwe liwiniti imwan, pwe leluken chienan kewe resap apwangapwangala usun lelukan.’
5457	DEU 21:8	Äm Samol mi Lapalap, kopwe amusala än noum aramasen Israel tipis, chokewe ka angaseer seni Isip. Kosap anomu won noum aramasen Israel tipisin nimanauei eman esap wor an tipis.’ Ren ei ewe tipisin nimanau epwe musala.
5469	DEU 21:20	Iwe, repwe üreni ekewe souakom, ‘Iei i nöüm mi tipeförea o lükümach, esap mochen aleasochisi alom, a mongömong o ünüpuch.’
5489	DEU 22:17	A pwal atipisi ngeni föför mi ässäw o apasa pwe esap küna me won ewe pisekin pwärätä pwe esamwo tori mwän. Nge iei ewe pisekin pwärätä pwe nei föpwül esamwo tori mwän.’ Iwe, repwe emeresala ewe üf fän mesen ekewe souakomwen ewe telinimw.
5556	DEU 25:7	Nge are ewe mwän esap mochen pwülüeni pwülüen pwin we, neminewe epwe feila ren ekewe souakom leasamalapen ewe telinimw o apasa, ‘Pwin pwülüei esap mochen pwe iten pwin we epwe sopwosopwola me lon Israel. Esap mochen föri pwüngün pwülüen pwin ngeniei.’
5558	DEU 25:9	pwülüen pwin we epwe feila ren fän mesen ekewe souakom, epwe pwilitawu ipwen ätewe sus o atufa won mesan. Iwe, epwe apasa, ‘Iei usun mine a fis ngeni ewe mwän esap mochen oupwätiu familien pwin, pwe epwe wor mwirimwirin.’
5571	DEU 26:3	Iwe, kopwe feila ren ewe souasor mi wiseni ewe wis lon ewe fansoun o üreni, ‘Üa pwärätä ngeni ewe Samol mi Lapalap ai we Kot ikenai pwe üa tolong lon ewe fanü ewe Samol mi Lapalap a pwon fän akapel ngeni ai kewe lewo pwe epwe ngenikich.’
5578	DEU 26:10	Iei üa uwato mwen uän ewe pwül ewe Samol mi Lapalap a ngeniei.’ Mürin kopwe isetiu ewe chük mwen ewe Samol mi Lapalap om we Kot o fel ngeni.
5583	DEU 26:15	Kopwe netiu seni leniom mi pin, seni läng, o afeiöchü noum aramasen Israel, kopwe pwal afeiöchü ewe fanü ka ngenikem, usun ka fen pwon fän akapel ngeni äm kewe lewo, ewe fanü mi pwülüöch o fanüeräs.’
5602	DEU 27:15	‘A anümamau eman mwän mi föri eu uluulun anümwäl seni mwüch ika seni mächä o fel ngeni lemonomon, pun ei mettoch mi för ren pöün eman soufal a anioput me ren ewe Samol mi Lapalap.’ Nge ekewe aramas meinisin repwe apasa, ‘Amen.’
5603	DEU 27:16	‘A anümamau eman mwän esap asamolu saman me inan.’ Nge ekewe aramas meinisin repwe apasa, ‘Amen.’
5604	DEU 27:17	‘A anümamau eman mwän a amwökütü kiännin fanüen chon arun.’ Nge ekewe aramas meinisin repwe apasa, ‘Amen.’
5605	DEU 27:18	‘A anümamau eman mwän a atokala eman mi mesechun seni alan.’ Nge ekewe aramas meinisin repwe apasa, ‘Amen.’
5606	DEU 27:19	‘A anümamau eman mwän a sorei mine a pwüng ngeni eman chon ekis, eman mi mäsen me eman fefin mi mä pwülüan.’ Nge ekewe aramas meinisin repwe apasa, ‘Amen.’
5607	DEU 27:20	‘A anümamau eman mwän mi kon ren pwülüen saman, pun a turunufasei saman ren.’ Nge ekewe aramas meinisin repwe apasa, ‘Amen.’
5608	DEU 27:21	‘A anümamau eman mwän mi kon ren eman man.’ Nge ekewe aramas meinisin repwe apasa, ‘Amen.’
5609	DEU 27:22	‘A anümamau eman mwän mi kon ren fefinan, ese lifilifil ika neminewe nöün saman föpwül ika nöün inan föpwül.’ Nge ekewe aramas meinisin repwe apasa, ‘Amen.’
5610	DEU 27:23	‘A anümamau eman mwän mi kon ren inen pwülüan.’ Nge ekewe aramas meinisin repwe apasa, ‘Amen.’
5611	DEU 27:24	‘A anümamau eman mwän a niela chon arun lemonomon.’ Nge ekewe aramas meinisin repwe apasa, ‘Amen.’
5612	DEU 27:25	‘A anümamau eman mwän mi angei eu lifangen amichimich, pwe epwe niela eman aramas esap wor an tipis.’ Nge ekewe aramas meinisin repwe apasa, ‘Amen.’
5613	DEU 27:26	‘A anümamau eman mwän esap aleasochisi ekei allük o apwönüretä meinisin.’ Nge ekewe aramas meinisin repwe apasa, ‘Amen.’”
5700	DEU 29:18	Oupwe pwal afälikemi pwe esap wor eman me leimi a püsin ikeetä, lupwen a rong kapasen ei pwon mi fis fän akapel o ekieki lon lelukan, ‘Üpwe chök feiöch, inamwo ika üa chei mochenin lelukei mi ülöförea.’ Ei epwe chök afeiengaua ämi meinisin, chokewe mi mürina me chokewe mi ingau.
5709	DEU 29:27	Iwe, ewe Samol mi Lapalap a wiiretä seni fanüer lon an song me chou me lingeringer watte o monerela lon pwal eu fanü, usun a fis ikenai.’
5787	DEU 32:27	Nge üa oput än chon oputeer tunosikesik, pun repwe wewengau ren o apasa, ‘Püsin kich sa awinnakich, ei esap förien ewe Samol mi Lapalap.’
5802	DEU 32:42	Woki kewe föün esefich repwe ün cha, nei ketilas epwe ochoch fituk, chan chokewe mi ninnila me chan chon oola, pwal möküren samolun chon oputaei.’
5821	DEU 33:9	Ra kapas usun semer me iner, ‘Üsap sileer.’ Resap aücheani pwiir, resap pwal silei nöür. Nge ra apwönüetä om kewe kapas o tümwünü om pwon.
5919	JOS 4:7	mürin oupwe üreniir, ‘Lölön ewe chanpupu Jortan a kaüla, lupwen aia pwerela lon ewe chanpupu fän än ewe Samol mi Lapalap we pworofel.’ Iei mine ekei fau repwe föün achem ngeni ekewe aramasen Israel tori feilfeilachök.”
5934	JOS 4:22	mürin oupwe üreniir, ‘Chon Israel ra pwereto lon ewe chanpupu won pwül mi pwasapwas.’