23243	MAT 2:5	Joon 'in tsá² do 'in gatø'¹ rǿøi¹³ do gajin'²in: ―Fuu²¹ Belén joon iliseein²¹ Cristo. Tsʉ 'in tsá² 'in gafaa'²¹ júu³ tya' Dios calɨɨ gataan¹an ni jí² 'elo:
23261	MAT 2:23	Joon mo gatyalíin² lɨ sii²¹ Galilea joon ngacwaa²¹ coon²¹ fuu²¹ sii²¹ Nazaret. La joon galɨ́¹ 'e gatsín¹ júu³ gafaa'²¹a tsá² cwoo¹o júu³ tyʉ́² tya' Dios la mo féei¹ 'in jin'²in: ―Iunsii²¹ tsá² 'ii: tsá² Nazaret.
23436	MAT 8:22	Joon Jesús do gañii¹i: ―Na¹ coon'¹³ jna. Cwolí² cwo'aai¹ 'in jo cwii¹in Dios 'in 'lɨɨ²¹² do.
23457	MAT 9:9	Joon mo gacwo'ɨ́ɨ¹ɨ Jesús fu lɨ taain¹ do gangaa¹i jaain²¹ tsá² sii²¹ Mateo tyíin¹in cón² 'laa'¹³ 'e 'nɨɨ¹ tsá². Joon gajin'² Jesús sɨɨ'²¹ɨ Mateo do: ―Na¹ coon'¹³ jna. Joon 'in Mateo do garóon²on lɨ tyíin¹in joon gangó¹ coon'¹³ Jesús.
23477	MAT 9:29	Joon gataan¹an Jesús cwoo²¹o unni² tsá² tiui² do joon jin'²in sɨɨ'²¹ɨ 'ido: ―Cwolí² jiin'¹³ la jo'¹ lɨ́ɨ²naa'.
23478	MAT 9:30	Joon ga'lóo²o unníi¹i. Joon Jesús ga'ɨ́ɨ²ɨ júu³ jin'²in sɨɨ'²¹ɨ 'ido: ―Xúun² fú²uu' jiin'¹³ jaain²¹ 'e niga'lóo²o unní²ii'.
23561	MAT 12:3	Pe 'i‑gɨ gajin'²in: ―Ñí² 'naa' xiiala gajmaa¹a 'lɨɨ²¹² David. Coon²¹ jmɨɨ²¹² mo gatsá² un'áa¹i coon'¹³ tsá² tya'a ngatáa¹i tsi inʉʉ tya' Dios
23660	MAT 13:52	Joon gajin'² Jesús: ―Jaain²¹ tɨfo'² tya' ley 'in gauntsáa¹ xiiala ityʉ'² Dios to² tsá² lɨ́ɨi¹ la lɨ́ɨi¹ tsá² fii²¹² 'nʉ́¹ 'in lí² tyi'² 'e 'mɨ́ɨ² coon'¹³ 'e tsáai² jee²¹² 'e sá² tya'a. Lí²‑i 'e'²e 'in tɨfo'² do tsá² 'e júu³ 'múui² joongɨ júu³ 'e tsáai².
23668	MAT 14:2	Joon gasɨɨ'²¹ɨ 'in née¹i coon'¹³on cwáain¹ tya' Jesús: ―Wó³ saai¹ tsá² jmɨɨ²¹ ino 'in nigajiin'¹in jee²¹² 'lɨɨ²¹². 'Wii'¹³ joon lí² jmáa¹a milagros do.
23692	MAT 14:26	Joon mo gango¹ tsá² tya'a ngóo¹on ngɨɨ¹ tɨɨ²ɨ ni jmɨɨ²¹ do gafoo'¹mo 'áai¹ joon ga'oo¹o gajin'²in: ―Jaain²¹ tsá² 'mootyí² 'in jó¹ no.
23693	MAT 14:27	Pe Jesús gajin'²in sɨɨ'²¹ɨ 'in tsá² do: ―Tá² téen¹‑'oo', jna‑a lo; jo foo'¹³naa'.
23695	MAT 14:29	Joon Jesús gajin'²in: ―Na¹ joon. Joon tsifu‑u gajngái² Tʉ́³ lɨ' caai²¹ barco do joon ga'láa² 'wii²¹² ngɨɨ¹ ni jmɨɨ²¹ fu lɨ siin'¹² Jesús do.
23734	MAT 15:32	Joon gatø'²ø Jesús tsá² tya'a joon gajin'²in sɨɨ'²¹ɨ 'ido: ―Fúu² lɨ́ɨ²na 'in tsá² no tsʉ ningó¹ 'nɨ¹ jmɨɨ²¹² táan¹in coon'¹³ jna lo joon jo 'e 'oo¹o 'e dø'²ø. Jo 'iin²¹²na sɨɨ'¹³na fu tya'a la jo 'ee mo gøø'²¹ø sɨ no xiia'²¹ ga'woo'²¹o tya'i fu¹.
23795	MAT 17:26	Joon Tʉ́³ do gañii¹i: ―Tsá² coon²¹ fuu²¹ tyí². Joon Jesús gajin'²in sɨɨ'²¹ɨ Tʉ́³ do: ―Wana la joon jna jo 'ná¹ cɨ́ɨ³ɨɨ 'laa'¹³ tya' cwo'¹.
23835	MAT 19:4	Joon gañii¹i 'ii: ―Ñí² 'naa' 'ee jin'² júu³ tyʉ́² tya' Dios 'e mo 'láa² 'wii²¹² gajmee¹i Dios tsañʉʉ'¹ coon'¹³ tsamɨ́².
23906	MAT 21:11	Joon tsá² gañii¹i: ―Jaain²¹ tsá² 'in cwo¹ júu³ tya' Dios 'in sii²¹ Jesús 'ino. 'In jó¹ fuu²¹ Nazaret 'e náa¹ lɨ sii²¹ Galilea no.
23922	MAT 21:27	Tsʉ 'wii'¹³ joon gasɨɨ'²¹ɨ 'in tsá² do Jesús jin'²in: ―Jo né² jna'a. Joon gajin'²in Jesús: ―La² joon jon jna jo fuu²¹²uu 'naa' 'in gacwo'¹o jna to² 'e 'óo³oo.
23959	MAT 22:18	Pe Jesús ñi¹o 'ee 'e gó² 'ɨ¹‑tsi 'in tsá² do joon gajin'²in: ―Tsá² 'in sɨsɨ́ɨ²i 'e 'ɨ¹‑tsi 'e jmoo¹o 'naa'. ¿'Ee lɨ' 'iin²¹²naa' tøø'¹³naa' jna nilá²?
23962	MAT 22:21	Joon 'in tsá² do gañii¹i: ―Ni² 'in tyʉ'² to² do‑o no. Joon gajin'² Jesús: ―Cwoo²oo' jon 'in tyʉ'² to² Roma jiin'¹³ 'e gatɨ́ɨ²i, la joon jon cwoo²oo' jon Dios 'e gatɨ́ɨ²i.
23983	MAT 22:42	joon gaunngɨɨ¹ɨ Jesús 'ii: ―¿'Ee 'ɨ¹‑'oo' cwáain¹ tya' Cristo? ¿'Iin‑gɨ jóon¹ no? 'Ido‑gɨ gañii¹i: ―Jóon¹ David 'ino.
24223	MAT 27:25	Joon jileei'²¹ 'in tsá² do gañii¹i: ―Tsaa² tyijna'a coon'¹³ xuui²¹² tyioo'o ijúin¹ 'ino.
24295	MRK 1:11	Joon ganúu²un coon²¹ júu³ jó² fu ñʉ'fú² jin'²: ―Yʉʉn²¹ tyiia‑oo 'nʉ 'in 'nee¹na. 'Áai¹ lɨ́¹ jløø'³na 'wii'¹³ 'nʉ.
24334	MRK 2:5	Mo ganí² Jesús 'e jo'¹o lɨ́ɨ²i 'in tsá² tyúuin² do. Joon gajin'² Jesús sɨɨ'²¹ɨ 'in tsatsaa'¹³ do: ―Yʉʉn²¹ tyiia, 'íin¹³moo tsaa² tyi'i.
24368	MRK 3:11	Joon mo ní² jileei'²¹ tsá² 'in taai² 'in 'lɨɨi'³ alma tya'a joon gasii'²¹i 'wojníi¹i tyani Jesús joon ga'oo¹o jin'²in: ―Jóon¹ Dios 'nʉ.
24440	MRK 5:7	Mi yuui'¹³ joon gajin'² Jesús sɨɨ'²¹ɨ 'in 'lɨɨi'³ 'yuui² alma tya'a: ―Tíui¹ 'in tsañʉʉ'¹ no. Joon ga'oo¹o tá² lɨɨlɨ¹ 'in 'lɨɨi'³ do 'in 'yuui² alma tya' 'in tsañʉʉ'¹ do jin'²in: ―¿'Ee 'ná¹ jmáa³aa coon'¹³ 'nʉ? Jóon¹ Dios 'in tyíin¹ ñʉ'fú² 'nʉ. Mɨ́³ɨɨ tyani'i tyani Dios jo jmáa¹u'un jna.
24445	MRK 5:12	Joon 'in 'lɨɨi'³ do gasɨɨ'²¹ɨ Jesús jin'²in: ―Siin¹ jna'a fu lɨ taain²¹² ñí³ do. Cwo'²'o júu³ wa'a tsatoo²o'o alma tya' ñí¹ do.
24467	MRK 5:34	Joon gajin'² Jesús sɨɨ'²¹ɨ 'in tsamɨ́² do: ―Yʉʉn²¹ tyiia, ga'láa²mo'o 'wii'¹³ jo'¹o lɨ́ɨ²u. Cwei'² júu³ røø²¹. 'Láa²mo'o coonti jmoowúu¹ lɨ́ɨ¹u'u.
24571	MRK 8:2	―Lɨ́ɨ¹ fúu² lɨ́ɨ²na 'in tsá² lo 'wii'¹³ ningó¹ 'nɨ¹ jmɨɨ²¹² 'e taain²¹² coon'¹³ jna lo. Joon jo 'ee sá²gɨ dø'¹ø coonti.
24574	MRK 8:5	Joon gaunngɨɨ¹ɨ Jesús: ―¿Joo' 'iñi'¹ 'oo²gɨ 'naa'? 'Ii‑gɨ gajin'²in: ―Dyía¹ tigɨ.
24678	MRK 10:21	Joon gajǿøi² Jesús 'ii 'e 'neei²¹ ni 'ido. Joon gasɨɨ'²¹ɨ 'ii: ―Coon²¹ 'e 'ná¹gɨ tyi'i: cwo'nɨɨ²¹² jilaa'²¹ 'e 'oo²¹²'o. Cwo'²'o jileei'²¹ tsá² tañíi² joon lí² 'oo²¹²'o 'láai²gɨ ñʉ'fú². Joon uncaan²¹un coon'¹³ jna fiin'¹³ ca júun²mo'o tsaa'¹ crúu¹³.
24681	MRK 10:24	Tsá² tya'a do lɨ́ɨ¹ ganga'goo²¹‑tsi 'e gajin'² Jesús do. Pe Jesús gafaa'²¹a tún¹: ―Yʉʉn²¹ tyiia, lɨ́ɨ¹ tyan¹ to² tsa'í² jaain²¹ tsá² 'in tsáai¹‑tsi 'e sá² cuu² lɨ tyʉ'² Dios to².
24685	MRK 10:28	Joon ga'láa² Tʉ́³ 'wii²¹² faa'²¹a jin'²in: ―Nigatʉʉ²¹² jna'a jilaa'²¹ 'e 'oo²o'o joongɨ nigajalíi²oo'o coon'¹³ 'nʉ.
24743	MRK 12:1	Ga'láa² Jesús 'wii²¹² gatyaa¹ júu³ cwáain¹ ejemplo. Joongɨ gasɨɨ'²¹ɨ tsá²: ―Galiseein²¹ jaain²¹ tsá² 'in gajñii¹ 'mó² wuunjøø'³. Coon²¹ tyiia²¹ fee'¹ ngajna². Joon gajmaa'¹²a coon²¹ 'yá² joongɨ gajmaa¹a coon²¹ lɨ 'woo²¹ jmɨ'³ mɨ'³ wuunjøø'³ do. Gajmaa¹o jon coon²¹ po'³ níi¹ lɨ tsaun'øø'¹i tyiia²¹ tya'a. ’Mi yuui'¹³ joon gatyaa¹a cwoo²¹ 'in xeei'²¹ 'wó² tya'a do. Joon 'ña'gɨ gangóo¹ wíin².
24857	MRK 14:34	Joon gajin'² Jesús: ―Lɨ́ɨ¹ fa'í³ lɨ́ɨ²na ca la lɨ́² ijúun²moo, jan²duu' lo jo cwocwuui²¹du'naa'.
24890	MRK 14:67	Joon mo ganí²i Tʉ́³ 'e siin'¹²in do untyaai'² 'ña'a co' jɨ́² joon gajaan¹ jǿø²i joon gajin'²in: ―Ngɨ́² 'nʉ jon coon'¹³ Jesús tsá² Nazaret.
24892	MRK 14:69	'In tsamɨ́² do gajǿø²i Tʉ́³ tún¹ joon gasɨɨ'²¹ɨ tún¹ 'in téein² do: ―Jaain²¹ tsá² tya' 'ido‑o 'in tsañʉʉ'¹ lo.
25090	LUK 2:48	Mo ganí²i tsacøøi'¹³ tya'a 'ii lɨ́ɨ¹ ganga'goo²¹‑tsi. Joon gajin'² sáa³a: ―Yʉʉn²¹ tyiia, ¿'ee lɨ' gacwoo'¹³'o jna'a fa'í³ la no? Ñʉ'²'ʉ coon'¹³ jna lɨ́ɨ¹ cu'²‑tsii'i naga'nee'¹³na'a 'nʉ.
25166	LUK 4:34	―Tʉ́ʉi¹ jna'a. ¿'Ee lɨ' 'u'¹'u jee²¹² jna'a, Jesús tsá² Nazaret? ¿Tɨ ñi'²'i 'e untyee¹u jna'a? Ñí²oo 'iin 'nʉ. 'In tyú¹mo tya' Dios 'nʉ ―jin'² 'in 'lɨɨi'³ do.
25173	LUK 4:41	Joongɨ ga'wooi¹ 'in 'lɨɨi'³ taai² alma tya' tsá². Joon mo ga'woo¹i gajin'²in: ―Jóon¹ Dios 'nʉ. Pe Jesús‑gɨ gajii²mo 'ido, jo gacwo¹gɨ faa'²¹ 'ido tsʉ ñii²¹ 'in 'lɨɨi'³ do 'e 'ii‑o Cristo.
25180	LUK 5:4	Mo ngayuui'¹³ ga'e'²e tsá², joon gasɨɨ'²¹ɨ Simóoi¹³: ―Tyán² barco lo tɨ lɨ 'o'² jmɨɨ²¹. Joon 'ɨ́ɨ³ɨɨ' nʉ́ʉ³ tyii'. Joon saan'¹³naa' joo'²¹ jmɨɨ²¹.
25184	LUK 5:8	Mo ngayuui'¹³ 'elo Simóoi¹³ Tʉ́³ gasii'²¹i wojníi¹i tyani Jesús. Joon gajin'²in: ―Tʉ́ʉi² jna Ña'ñʉ'¹ʉ' tsʉ jaain²¹ 'in 'oo¹o tsaa² jna.
25203	LUK 5:27	Mo ngayuui'¹³ jilaa'²¹ 'elo gacwo'ɨ́ɨ¹ Jesús. Joon ganíi² jaain²¹ 'in cón² 'laa'¹³ 'e 'nɨɨ¹ tsá² sii²¹ Leví. Tyíin¹³in coon²¹ lɨ cɨ́¹ tsá² 'laa'¹³ tya' jilaa'²¹ 'e 'nɨɨ¹ɨ. Joon gasɨɨ'²¹ɨ Jesús 'ido, jin'²in: ―Ná¹ coon'¹³ jna.
25280	LUK 7:16	Mo ganii²¹ 'in tsá² taain²¹² do jilaa'²¹ 'elo jmai'² 'in gafoo'²¹mo. Joon ga'láa² 'wii²¹² cwo'²o 'maai'¹³ Dios. Jin'²in: ―Jaain²¹ tsá² feei'¹ 'in cwo¹ júu² tyʉ́² nigajnéi¹ jee²¹² jna'. Jin'²o jon: ―Dios nigajó² 'e uncoon'¹³on fuu²¹ goo²¹o'.
25284	LUK 7:20	'In tsá² gasii¹in Wó³ do gangatyéen¹mo lɨ siin'¹² Jesús. Joon gasɨɨ'²¹ɨ 'ido: ―Wó³ saai¹ tsá² jmɨɨ²¹ nigasii¹in jna'a 'e unngɨɨ²ɨ'ɨ 'nʉ wana 'nʉ‑ʉ Cristo 'in 'ná² jó¹ owa 'ná²‑a jeen²na'a 'in xee'²¹mo 'ee.
25405	LUK 9:35	Joon ganuu¹ coon²¹ júu³ jee²¹² jníi¹ do 'e gajin'² 'elo: ―Yʉʉn²¹ tyiia 'in 'iin²¹²na lo. Nʉʉ²ʉʉ' júu³ tya'a.
25429	LUK 9:59	Joon gajin'² Jesús gasɨɨ'²¹ɨ jaain²¹gɨ: ―Na¹ coon'¹³ jna. Pe 'idogɨ gajin'²in: ―Cwó³du'u cata ní³ii jéei¹ ni'áai¹duu ñʉ'³ʉʉ.
25503	LUK 11:29	La 'ɨɨ²¹² joon lɨ́ɨ¹ ngafúui¹ tsá² la cu'² lɨ' lɨ siin'¹² Jesús joon ga'láa² Jesús 'wii²¹² gafaa'²¹a sɨɨ'²¹ɨ 'ido: ―Tsá² gó² 'in seein²¹ nano mɨɨ¹ɨ coon²¹ li² milagro. Pe jiin'¹³ coon²¹ li² ilisá² tya' 'in tsá² no jiin'¹³ la li² gacwoo¹ jaain²¹ tsá² 'in gacwo¹ júu³ tyʉ́² calɨɨ sii²¹ Jonás.
25544	LUK 12:16	Joon gasɨɨ'²¹ɨ 'e cwáain¹ lo: ―Galiseein²¹ jaain²¹ tsá² sá² cuu². Joon cwoo'¹³ 'wó² tya'a lɨ́ɨ¹ 'láai² garoo²¹ 'e gajñii²¹ do.
25560	LUK 12:32	Faa'²¹gɨ Jesús: ―Tsá² tyiia, jo jmoo²gɨɨ' 'goo'²¹‑'oo'. Tsʉ xʉʉ 'naa' pe Ñʉ́²ʉʉ' 'áa¹mo 'yáai²‑tsi cwo'¹o 'naa' to² 'e 'oo¹o.
25577	LUK 12:49	Joon faa'²¹gɨ Jesús: ―Gagoo²¹² jna ga'uu²na jɨ́² ni cwoo'¹³ fu juncwii²¹. Joon tsei'² nisɨjaan¹oo wa'a icoo²¹.
25593	LUK 13:6	Joon gajin'² Jesús 'e cwáain¹ lo tya' 'in tsá² do: ―Jaain²¹ tsañʉʉ'¹ ni'oo¹o 'mocwaríi³ sɨjná² cwoo'¹³ 'wó² tya'a. Joon ngajǿø²ø wana tsí³ cwaríi³. Pe jo 'ee gatsaa'²¹a ce jiin'¹³ coon²¹.
25638	LUK 14:16	Joon gajin'² Jesús: ―Jaain²¹ tsañʉʉ'¹ gajmaa¹a coon²¹ jmɨɨ²¹² lɨ gø'² tsá². Joon gatø'¹ fúui¹ tsá² 'e dø'¹o do.
25690	LUK 16:1	Gajin'²in jon Jesús sɨɨ'²¹ɨ tsá² tya'a: ―Galiseein²¹ jaain²¹ ñi'fii²¹² sá² cuu² joon seein²¹ jaain²¹ 'in tyʉ'² to² tsa'leei'¹³ tya'a. Joon gajma'²a tsá² 'in ñi'fii²¹² do júu³ 'e 'in tsá² tyʉ'² to² do 'áai¹ 'íin²in cuu² tya'a.
25725	LUK 17:5	Joon gajin'² tsá² tya' Jesús sɨɨ'²¹ 'ii: ―Jmáa² 'e lijai'²gɨ‑tsii'i 'nʉ.
25742	LUK 17:22	Joon gasɨɨ'²¹ɨ Jesús tsá² tya'a: ―Nicwaa²¹² jmɨɨ²¹² mi li 'iin²¹²naa' jǿø²øø' 'e jmɨɨ²¹² 'e jna‑a, 'in Ruu'²¹na Tsá², 'láa² 'wii²¹² tyʉ'²ʉ to². Joon jo lí² jǿø² 'naa'.
25767	LUK 18:10	―Gái¹ tsañʉʉ'¹ ngalíin² fu cwo'¹. Ngafaa'¹³a júu³ tyʉ́². Jaain²¹ jee²¹² 'ii lɨ́ɨ¹i tsá² fariseo, 'in jaain²¹ dogɨ lɨ́ɨ¹i tsá² cón² 'laa'¹³ 'e 'nɨɨ¹ tsá².
25905	LUK 21:10	Joon gafaa'²¹gɨ Jesús: ―Coon²¹ fuu²¹ itéen¹in coon'¹³ fuu²¹ xiia'. Coongɨ fuu²¹ xiia' ijmáa¹a 'nii²¹ coon'¹³ fuu²¹ dogɨ.
25971	LUK 22:38	Joon gajin'² 'ido: ―Sá² tún² ñí³ lo. Joon gañii¹ Jesús: ―Naleen¹mo jon.
25989	LUK 22:56	Joon jaain²¹ tsamɨ́² 'in jmoo¹o to² inʉʉ do mo ganí²i tyíin¹ Tʉ́³ co' jɨ́² do joon gajaan¹ jǿøi² 'ido. Joon gajin'²in: ―Ngɨɨ¹ jon 'in tsañʉʉ'¹ lo coon'¹³ 'ido.
26032	LUK 23:28	Joon gajǿø²i Jesús 'ii joon gasɨɨ'²¹ɨ 'ido: ―Tsamɨ́² seein²¹ Jerusalén, jo cɨɨ²ɨɨ' 'wii²¹² tyiia. Tyíi¹³ii' 'wii²¹² tyii' yaanaa' joongɨ 'wii²¹² tya' yʉʉn²¹ tyii'.
26044	LUK 23:40	Pe 'in jaain²¹gɨ do gatyuu'¹²i júu³ tya' 'in jaain²¹ do. Joon gasɨɨ'²¹ɨ 'ido: ―Jmaa² 'gøø'²¹'u Dios tsʉ 'e røø²¹na' tsaa².
26089	LUK 24:29	Pe 'ido‑gɨ gamɨɨ¹ 'e jaan¹ Jesús, jin'²in: ―Ján² coon'¹³ jna'a tsʉ nica'loo¹. Joongɨ tɨ lɨ́² lɨnʉʉ²¹. Joon ga'ii'²¹ Jesús 'e jaan¹ coon'¹³on.
26184	JHN 2:20	Joongɨ gañii¹i 'in tsá² Israel do: ―Tonló¹ tsi jnʉ́ʉ² jiin²¹ gala'ɨɨ²¹²i 'in gajmaa'¹³a 'e cwo'¹ lo; ¿tɨ 'nʉgɨ lii'¹i jmaa'¹³'a jee²¹² 'nɨ¹ jmii²¹²?
26216	JHN 3:27	Joon jin'² Wó³ sɨɨ'²¹ɨ 'ido: ―Cwó² Dios jilaa'²¹ 'e sá² tya' tsá². Joon jiin'¹²xʉ jo 'ee 'oo¹o wana jo mo cwó² Dios.
26289	JHN 5:10	joon gajin'² 'in tsá² seein²¹ Israel 'in taan²¹²in do sɨɨ'²¹ɨ 'in tsá² ga'láa²i do: ―Jmɨɨ²¹² 'e 'ii'²¹ 'woo'²¹ tsá² no. Jo cwoo²¹i ngɨ²'ɨ, tyan²'an tyi¹ tyi'i.
26457	JHN 8:7	Joon 'in tsá² do ngóo¹gɨ 'naai'¹³ 'e unngɨɨ¹ɨ. Joon ganii'¹³i Jesús 'ña'a, joon gasɨɨ'²¹ɨ 'in tsá² do: ―Jmoo²¹ joon²¹ jaain²¹ 'naa' 'in jo mo ga'nóo²o tsaa² joon 'ii tyʉ'²ʉ 'e cuun²¹² do nifu.
26483	JHN 8:33	Joon gajin'² 'in tsá² do: ―Jún² tya' Abraham‑mo jna'a, joon ce jiin'¹³ cafu jo mo gajmoo²¹o'o to² tya' 'in seein²¹ fuu²¹ xiia' wa 'nogɨ 'e láa²na'a. ¿'Ee lɨ'ɨ 'e fu'²'u jna'a 'e láa²na'a?
26520	JHN 9:11	Joon ganii¹i 'in tsá² ta tiui² do: ―Jaain²¹ tsañʉʉ'¹ sii²¹ Jesús 'in gajmaa¹xʉ jiin¹ gasúun²un unní³ii, joon jin'²in sɨɨ'²¹ɨ jna²: “Cwó² fu lɨ náa¹ pila sii²¹i Siloé, joon roon'¹³'on unní²'i.” Joon gangoo²¹²oon joon mo garuun'¹³uun unní³ii do joon galɨ́² jnaa'²¹oo.
26575	JHN 10:25	Jesús gajin'²in: ―Nifuu²¹² jna 'naa' pe 'naa' jo jo'¹ lɨ́ɨ²naa' jna. Jilaa'²¹ 'e jmóo³oo to² tyʉ'² Ñʉ'³oo 'e ni'e'²e 'naa' 'e Cristo jna.
26601	JHN 11:9	Jesús do gajin'²in: ―Sá² dyatun¹ hora 'e tɨ 'yiia²¹. Wa 'e ngɨ¹ tsá² mo jmɨɨ²¹² jo tyuin'² tsá² tsʉ sá²‑a 'yiia²¹ tya' juncwii²¹ lo tya' 'e jnée²in jǿø²ø tsá².
26608	JHN 11:16	Joon gajin'² Tomás, 'in nisii²¹ jon Gemelo, sɨɨ'²¹ɨ 'in tsá² ngɨ¹ coon'¹³on Jesús catyaai² do: ―Tsaa²¹² jna' jon, joon júun²na' caan²¹mo coon'¹³on.
26678	JHN 12:29	'Inlɨ́ɨi¹³ 'in tsá² téen²in do jin'²i: ―Cwaain² 'ñá³ 'in niga'óon²on do. 'In lɨ́ɨi¹³gɨ gajin'²in: ―Jaain²¹ ángel gafee'²¹i Jesús.
26746	JHN 14:9	Joon Jesús‑gɨ gañii¹i: ―Ningóo¹ 'áai¹ 'e taan²na jee²¹² 'naa' Felipe, ¿tɨ joon jo mo cwii¹mogɨ'ɨ jna? Tsʉ 'in ní² jna níi²mo jon Ña'ñʉ'¹ʉ' Dios Jmii²¹, ¿'ee lɨ'ɨ 'e mɨ²'ɨ 'e 'ee'¹³na 'naa' Ña'ñʉ'¹ʉ' Dios Jmii²¹?
26769	JHN 15:1	'E'²gɨ Jesús tsá² tya'a jin'²in: ―Coon²¹ wuunjøø'³ lɨ́² 'mó² 'ñá'² coon'¹³ jilaa'¹³ cwáa¹ tya'a. Joon seen²¹mo jaain²¹ 'in un'øøi'¹ sa'³ do. Joon jna‑a lɨ́ɨ²na lawa 'mó² 'ña'² wuunjøø'³ joon 'naa' 'in jai'² lɨ́ɨ²i jna lɨ́ɨ¹naa' lawa cwáa¹ do. Joon 'e tyʉ́² seein²¹ 'in jai'² lɨ́ɨ²i Dios lɨ la lɨ 'oofuu²¹ 'in'ɨ́ɨ¹³ tya'a. Joon Ñʉ'³ʉʉ lɨ́ɨ¹i lawa 'in un'øøi'¹ sa'³ do.
26901	JHN 19:7	Pe 'in tsá² Israel do gañii¹i: ―Sá² coon²¹ ley tyii'i, joon 'e ley do jin'²in 'e 'ná¹ júun²in 'ido tsʉ gajmee¹mo 'ña'a Jóon¹on Dios.
27031	ACT 2:13	Pe 'inlɨ́ɨi¹³gɨ ungøø¹i, jin'²in: ―Tsá² 'íin¹mo no.
27032	ACT 2:14	Joon gajmaa¹a Tʉ́³ siin'¹³in coon'¹³ jɨ dyajaain²¹ apóstoles catyaai² do joon gafaa'²¹a tá² jin'²in: ―Tsá² seein²¹ Israel, joongɨ coon'¹³ tsá² seein²¹ Jerusalén, cwoliñí²ii' 'elo. Joongɨ nʉ́ʉ²duu' coon'²¹ tún² 'e ifo'³oo lo.
27077	ACT 3:12	Mo ganí² Tʉ́³ 'elo joon gasɨɨ'²¹ɨ tsá² 'in jalíin² do: ―Tsá² seein²¹ Israel, ¿'ee lɨ' tsa'goo²¹‑'oo'? ¿'Ee lɨ' jǿø²naa' jna'a lawa yiia‑oo'o nigaun'láa²na'a 'in tsañʉʉ'¹ lo? ¿Tɨ 'ɨ¹‑'oo' 'e nigangɨ¹ 'in tsá² lo coon'¹³ 'ii'²¹ tyijna'oo'o sɨ 'wii'¹³i 'e tyúi¹ jna'a 'ee?
27152	ACT 5:24	Mo ganúu²un tsacøøi'¹³ tya' untsá² coon'¹³ 'in tyʉ'² to² 'in ní² cwo'¹ do jilaa'²¹ 'elo joon gaunngɨɨ¹ɨ ruu'²¹i: ―Júu³ tya' fo'², ¿xiiala iján² jilaa'²¹ 'elo?
27163	ACT 5:35	Joon gasɨɨ'²¹ɨ 'in tyʉ'² to² do jin'²in: ―Tsá² Israel, tɨ́ɨ¹moo' 'e jmaa²aa' coon'¹³ 'in tsañʉʉ'¹ no.
27279	ACT 8:34	Joon 'in tsá² tyiin² do gaunngɨɨ¹ɨ Lii²¹²: ―Jmaa² feei'¹‑'o'o sii'¹³du' jna, ¿'iin cwáain¹ tya'a faa'²¹a 'in cwo¹ júu³ tyʉ́² lo? ¿Tɨ tya' 'ña'a sɨ tya' 'inxeei'²¹ 'ee?
27332	ACT 10:4	Joon gafoo'¹²mo Cornelio. Joon gajaan¹an jǿø²i 'in ángel do. Joon gaunngɨɨ¹ɨ: ―Señor, ¿'ee fú³xʉ'ʉ jna? Joon 'in ángel do‑gɨ gasɨɨ'²¹ɨ 'ii: ―Ninúu² Dios júu³ tyʉ́² tyi'i. Joongɨ ninii²¹o xiiala uncoon'¹³'on 'in 'oo¹o fa'í³.
27354	ACT 10:26	Pe Tʉ́³ do‑gɨ gasaa'¹³mo 'ii. Joon gajin'²in: ―Jmaa² siin'¹³un. Tsañʉʉ'¹ la 'nʉ jon jna.
27356	ACT 10:28	Joon gajin'² Tʉ́³ sɨɨ'²¹ɨ 'ii: ―Ñii²¹ 'naa' 'e jo tɨ́ɨi² tsá² Israel 'e uncaain²¹ coon'¹³ tsá² seein²¹ lɨ xiia'. Jon'gɨ tsataai² inʉʉ tya'a. Pe Dios ni'e'²o jna 'e jo tɨ́ɨ²na fo'³oo 'e gó² 'e jiin'¹³ jaain²¹.
27358	ACT 10:30	Joon gañii¹ Cornelio do: ―Tyʉ́n² jmɨɨ²¹² ningóo¹ jiin'¹³ la 'ii'²¹ nano tyíin¹na lo. Jmóo³oo taa'²¹ jo mo gøø'²¹øø 'í³ii. Foo'¹³na Dios la ca'loo. La jee²¹² joon gajnéi¹ jaain²¹ tsá² jɨɨ'¹ sɨɨn'³ lɨɨlɨ¹.
27493	ACT 14:10	Joon gajin'² Poo² coon'¹³ coon²¹ júu³ tá² lɨɨlɨ¹: ―Røø²¹ sii'²¹ tɨ́ɨ¹³'ɨ. Joon 'in tsañʉʉ'¹ do gasii'²¹o tɨɨ²ɨ. Coon²¹ ga'ɨ́ɨ²i la no‑o. Tsifu joon gangɨ¹o.
27561	ACT 16:9	Joon do‑o ganí²i Poo² coon²¹ 'e canʉʉ²¹ coon²¹ li². Ganii²¹ jaain²¹ tsañʉʉ'¹ 'in seein²¹ lɨ sii²¹ Macedonia. Siin'¹²in joon gamɨɨ¹ɨ tyani Poo² gajin'²in: ―Na¹ fu Macedonia. Na¹, uncoon'¹³ jna'a.
27567	ACT 16:15	Joon gasáa²mo jmɨɨ²¹ coon'¹³ la tøøi² inʉʉ tya'a, Mo ngayuui'¹³ joon gamɨɨ¹ɨ tyanii²¹i'i jin'²in: ―Jmaa² fee'¹‑'oo' pe wana ja'²mo lɨ́ɨ²naa' 'e tsáa¹mo‑tsii Dios, mo'¹o' fu tyiia ―jin'² Lidia do. Joon gajmaa¹a 'e tyitsaa²¹²mo 'e gajóon¹³o'on.
27632	ACT 18:6	Pe 'idogɨ gasɨɨ²i yaa‑i ga'láa² 'wii²¹² faa'²¹a 'laa'²¹ tya' Poo². Joon Poo² do gajø'²ø sɨɨn'¹³ɨn lawa coon²¹ li² joon gajin'²in: ―Tsaa² tyii' yaamoo' 'ejo tiin'¹³gɨɨ'. Jo tsaa² tyiia tsʉ lɨ́ɨ¹ nigajmáa³oo júu³. La nano‑o 'e níi³oo tya' tsá² 'in jo seein²¹ Israel.
27640	ACT 18:14	Poo² ningóo¹ 'e faa'²¹o mo gajin'² Galión, 'in tyʉ² to² do, gasɨɨ'²¹ɨ tsá² Israel do: ―Tsá² Israel, nʉ́ʉ²duu' 'e ifo'³oo lo. Wana coon²¹ 'e niga'lee'²¹i 'in tsá² lo sɨ coon²¹ tsaa² fee'¹ inúu³oo coon'²¹ tún² júu³ tyii'.
27689	ACT 19:35	Joon 'in tɨjí² tyiin¹ fuu²¹ do mo galɨ'¹ɨ 'ɨ́ɨ² tii² jee²¹² 'in tsá² do gajin'²in: ―Tsá² seein²¹ Efeso, la tøø²mo juncwii²¹ ñii¹i 'e fuu²¹ Efeso lo 'e tɨ́ɨ²mo un'øø'²¹mo cwo'¹ tya' diosa 'in feei'¹ sii²¹ Diana 'in nigatøøi'²¹ fu yʉ' juncwii²¹.
27775	ACT 22:3	―Tsá² seein²¹ Israel jna. Galiseen²¹na fu Tarso lɨ san'² Cilicia. Pe gacwáan¹na fu Jerusalén lo. Tɨfo'² Gamaliel ga'e'²e jna. Gauntsáa¹oo jilaa'²¹ tɨɨ² 'e si'² tya' tsacøøi'¹³ tyi'. Joon jo mo tiui'²‑tsii 'e jmóo³oo jilaa'²¹ to² tyʉ'² Dios la lɨ́² 'e jmoo²oo' jmɨɨ²¹² no.
27888	ACT 25:24	Joon gajin'²in: ―Rǿøi¹³ Agripa, coon'¹³ tsá² 'in sɨcaain²¹ coon'¹³ jna'a, lo‑o siin'¹² 'in tsanʉʉ'¹ no. Fúu¹mo tsá² Israel nigasɨɨ'²¹ɨ jna 'laa'²¹ tya' 'ino. La Jerusalén tiin'¹³ lagɨ lo jo mo gajan¹ sɨɨ'²¹ɨ jna 'e tɨ́ɨi² júuin² 'in tsá² lo.
27893	ACT 26:2	―Lɨ́ɨ¹ jløø'³na 'e lí²‑i fo'³oo tyani'i rǿøi¹³ Agripa 'e un'øø'²¹na 'ñii'a tya' jileei'²¹ tsá² Israel 'in nigafaa'²¹ 'laa'²¹ tyiia.
27956	ACT 27:33	Joon la tɨ lɨ jná²‑a Poo² gacwo'²o cwáain¹ 'in tsá² do 'e dø'¹xʉ jile'¹i'. Joon jin'²in: ―Ningóo¹ tún² semóo¹ 'e 'naa' jo mo gacwúu¹naa' jon'gɨ mo tyee'²ee'.
27971	ACT 28:4	Mo ganí² 'in tsá² do 'e 'íi¹in mɨ́ɨ'²¹ do cwoo²¹ Poo² joon gasɨ́ɨ²i jee²¹² 'ii: ―Jaain²¹ 'in jngaai'¹² tsá²‑a 'in tsañʉʉ'¹ lo. Fiin'¹³ ga'ii'¹³mo ni jmɨ'ñi'³ pe 'ii'²¹ tya' Dios jo cwo¹gɨ seein²¹.
30776	REV 1:11	'e jin'² sɨɨ'²¹ɨ jna: ―Táan¹ ni jí² jilaa'²¹ 'e jøø²'ø joon sɨɨ²¹u'u tya' 'in tsá² dyía¹ poo²¹² 'in jai'² lɨɨi² Cristo 'in néei¹ lɨ sii²¹ Asia; ca fuu²¹ lɨ sii²¹ Efeso, coon'¹³ fuu²¹ Esmirna, coon'¹³ fuu²¹ Pérgamo, coon'¹³ fuu²¹ Tiatira, coon'¹³ fuu²¹ Sardis, coon'¹³ fuu²¹ Filadelfia, coon'¹³ fuu²¹ Laodicea.
30786	REV 2:1	Jin'² in ángel do: ―Táan¹ ni jí² 'e júu³ lo 'e sɨɨ²¹u'u tya' 'in cwoo¹o júu³ tya' Dios jee²¹² 'in jai'² lɨ́ɨi² Cristo néei¹ Efeso: “La joon jin'² 'in seen'¹³in 'in dyái¹ nʉ́ʉ¹ do coon'¹³ cwoo²¹o tsáa¹ joon ngɨɨ¹o jee²¹² 'e dyía¹ candelero lɨ́¹ cwanáa¹ do.
30837	REV 4:1	Mo ngayuui'¹³ galɨ́² jilaa'²¹ 'elo gajǿø³øø joon gamóo³oo lawa coon²¹ 'ooca'nʉ́¹ 'e sɨnó² fu ñʉ'fú². Joon 'e júu³ ganúu³uun la mo 'wiin²¹² 'e 'íin² la 'íin² trompeta 'e gajin'²in sɨɨ'²¹ɨ jna: ―Wúu² fu lo joon i'e'³ee 'nʉ jilaa'²¹ 'e 'ná² lí² mi yuui'¹³ jilaa'²¹ 'elo.
30867	REV 6:6	Joon ganúu³uun coon²¹ júu³ jee²¹² 'in tyúui² joo'²¹ jiin'¹ do 'e jin'²in: ―Coon²¹ cwaa'¹³ mɨ'³ trigo tyíin¹ 'e jnaa'² tsá² jee²¹² coon²¹ jmɨɨ²¹² la joon jon 'nɨ¹ cwaa'¹³ mɨ'³ cebada tyíin¹ 'e jnaa'² tsá² jee²¹² coon²¹ jmɨɨ²¹². Pe aceite jo sá² jon'on jmɨ'³ mɨ'³ wuunjøø'³ jo sá².