23233	MAT 1:20	Irootaque iquenqueshiretanaqueri, irosati imapocantacari inampire Tasorentsi, ineamainetaqueri. Icantapaaqueri: —Jose, tempa aviro ishanincani Iravirini, eiro piquenqueshireatsi. Tecatsi onee shirampari pijinatsori. Iro otsomontetantacari otasoncaquero Ishire Tasorentsi.
23263	MAT 3:2	icantapinitiri: —Pinquenqueshirejeitanaquea, eiro piquempejeitajatsi peerani: paventajeiteari meeca Tasorentsi, irotaintsi impincatsariventajeitee.
23276	MAT 3:15	Yacanaqueri Jesoshi: —Nocoasanotaque pivaotisatavaquena. Irootaque icoacaaquenari Tasorentsi. Icantaqueri: —Ari, novaotisataquempi.
23295	MAT 4:17	Ari intanacarori Jesoshi iquenquetsatacaajeitaqueri atiri anta, icantajeitaqueri: —Pinquenqueshirejeitanaquea, eiro piquempetajatsi peerani. Irotaintsi impincatsariventajeitempi Tasorentsi.
23367	MAT 6:16	Aisati icantajeitiri: —Aisati, ariorica pintitea pinquenqueshiretanteariri Tasorentsi, eiro piotacaajeitiritsi itsipapee. Eiro piquempetaritsi yora shiacantachari iquemisanti: ariorica ititapinita, yoashirevorotashitaca iriojeitanteari ishaninca itita. Yatsipetashitacaro, te inquenqueshireteriji Tasorentsi, irointiquea icoaque incavintsaajeiteri ishaninca. Eiro ipinatiritsi Tasorentsi.
23400	MAT 7:15	Aisati icantajeitiri Jesoshi: —Queariompia, yamatavijeitimpicari shiavetariri quenquetsatacotiriri Tasorentsi. Pishiacantiricari ovisha, pijiticari tecatsi incantempi; iro cantaincha noquempetacantaqueri nainti maniti: oshequi icovencati.
23416	MAT 8:2	Ari ijatashitaqueri aparoni shirampari patsaatsiri, itonquiotavacari, icantavaqueri: —Novincatsarite, pincoaquerica poavisacotajena, niotaque aitaque pimatajenaro.
23420	MAT 8:6	Icantavaqueri: —Novincatsarite, ainiro nonampire anta novancoqui, te irimatajeaji irishevatajea, aisati oshequi icatsitaque. Catsiqueti oanaqueri. Nocoaque poavisacoteri.
23433	MAT 8:19	Ari icantiri oametantirori Sanquenarentsi: —Oametanari, jaocarica pijateri, nocoaque noijatanaquempi.
23435	MAT 8:21	Icantiri pashini iroamere: —Novincatsarite, nocoavetaca noijatempime, iro cantaincha incamaquetsita apa: impoijiquea quiso noanaquempi.
23436	MAT 8:22	Iro cantaincha icantaqueri: —Poijatenata, impoiji ariorica incame piri, ainiro tijerineri itseencaririnte: yora caari iotiri Tasorentsi.
23439	MAT 8:25	Ari ijatashitaqueri, yoisaaquireaqueri, icantaqueri: —Novincatsarite, jentsinocanti ampiinquenive: poavisacojeitena, aisati poavisacotajea avirori.
23446	MAT 8:32	Ari icantiri: —Pijate, pinijapeempari iriori. Ari ijatanaque, ineavaqueri iriori chancho, irosati ishiajeitantanaca imperitaqui, ipiincajeitanaque incajarequi, tsapo, tsapo, tsapo, tsapo. Itsitiajeitanaque, pomiririri, poyere.
23450	MAT 9:2	Ari yameetaqueneri caari shevatacha, yamacotaqueri shitashintsiqui. Iotaque Jesoshi oshequi iquemisantaque, irootaque icantantavacariri: —Piveshireanaquea, noshaninca, meeca noavisacotempi; eiro noquishimentimpirotsi caari cameetsatatsi pantayetiri.
23454	MAT 9:6	Nocoaque piojeite te noncantashiteaji. Noponeaca narori inquitequi, natiritapaaque. Icantaquena Apa: “Poavisacotenari antirori caari cameetsatatsi, impoiji eiro aquishimentajiritsi aisati yantayetiri”. Nocoaque piojeite ainiro notasorenca. Ari icantiri caari shevatacha: —Pincatianaje, paanajero pishitashi, pijataje pivancoqui.
23457	MAT 9:9	Ari yovaanaja Jesoshi anta nosaviquinta narori. Ineapaaquena naitayetiri noshaninca iirequite nompanteariri oromasati. Icantapaaquena: —Tsame, poijatanaquena avirori. Ari nocatianaca, noijatanaqueri.
23462	MAT 9:14	Impoiji ipocaarantaque iroamerepee Joa, isampitapaaqueri Jesoshi: —Pamene, notitapinita noquenqueshiretantariri Tasorentsi, aisati iquempetaca yora variseopee; irintiquea poamerepee avirori, te intitimateaji. ¿Paitaquea?
23470	MAT 9:22	Ari ipitsocanaca, ineaquero, icantaquero: —Piveshireanaquea, noshaninca, piquemisantaque, irootaque pavisacotantajari. Ari avisacotaji.
23476	MAT 9:28	Ari noqueajeitapaaque pancotsiqui, aisati iriori yora caari amenatsi. Ipocashijeitaqueri Jesoshi, impoiji icantavaqueri: —¿Paamaacampa ari nomatero namenacaajeitajempi? Icantiri: —Je, novincatsarite; nioti ari pimatajena.
23477	MAT 9:29	Irosati ipamijaquitantacari, icantaqueri: —Pishiretaquena, irootaque noavisacotantempiri.
23481	MAT 9:33	Ari itianquiri Jesoshi yora masontitacaaveitariniri, ineanatacaajiri. Ari yoajeitanaqueri cavaco maaroni amenajeitaqueriri, icantajeiti: —Peerani, te aneapiniteriji quempetearine yoca.
23503	MAT 10:17	Aisati icantajeitaquena Jesoshi: —Queariompia, yoashinoncaimpicari ashaninca. Iraajeitanaquempi anta yoametavacaajeitanta pincatsaripee iroasanquetaacantantempiri. Aisati iraajeitanaquempi ashanincapee anta yapatojeitantari, impasanatapinitempi.
23532	MAT 11:4	Ari yareejeitapaacari Jesoshi, isampitapairi. Ari yacavaqueri: —Pimpiajeitanaje, pincamantapeeri Joa maaroni piquemaquenari aisati maaroni pineacotaquenari.
23553	MAT 11:25	Impoiji iquenquetsatacairi Jesoshi Tasorentsi, icantiri: —Apa, aviro pincatsariventajeitiriri maaroni inquitesati aisati maaroni quipatsisati, oshequi nopasonquitimpi. Ainiro cantashitachari: “Niotasanoti nainti”, iro cantaincha pimanapitsajeitaqueri piotiri. Irintiquea piotacaajeitiri itsipapee, yora itseenqueetiri.
23569	MAT 12:11	Ari yacanaqueri: —Pamene, ariorica saavaroqui impariaque omoroqui povishate, tempa paajeri, poisoquijajeri. Ocameetsati picavintsairi.
23596	MAT 12:38	Impoiji icantajeivetari variseopee aisati oametantayetirori Sanquenarentsi: —Oametanari, nocoaque namenempi pintasonquero paitapeerica, niotantempiri avirotaquerica Quirishito.
23659	MAT 13:51	¿Piquemajeitaquerompa oca nocamantajeitaquempiri? Nacajeitanaqueri: —Je, noquemajeitaque.
23681	MAT 14:15	Ari ishaavijitanaque catsirincaiteri. Nocarajeitaqueri pashini iroamere, nocantajeivetacari: —Pamene, caraiteitaque aca, aisati ishaavijiteanaque catsirincaiteri. Pintiancajeiteri yocapee irijajeite nampitsipeequi iramanantajeite iroyeari.
23685	MAT 14:19	Impoiji icantajeitaqueri: —Pisavicajeite saveshishiqui. Ari isavicajeitanaque. Impoiji yaavaquero tanta aisati shima. Ari yamenanaque jenoqui, icantiri iriri: —Irove, Apa, pipaquenaro oca noyearica. Impoiji icarajaquero, ipaquenaro. Novaajeitaqueneri yora apatojeitainchari.
23688	MAT 14:22	Impoiji icantajeitaquena: —Noamerepee, pintejeitanajea pitotsiqui, pijivajeitanajena intatiquero. Impoiji aisati icantajeitaqueri apatojeitainchari: —Pijajeitanaje pivancopeequi.
23696	MAT 14:30	Iro cantaincha impoiji iquenqueshiretaquero tampea, aisati itsaroanaque. Ineavaitia itsitianaque, icajemanaque: —Novincatsarite, paavajena.
23699	MAT 14:33	Oshequi nopincatsajeitaqueri, nocantajeitaqueri: —Queariotaqueteemi, aviro Itomi Tasorentsi.
23712	MAT 15:10	Impoiji icajemajeitiri yora apatotimentajeitariri, icantajeitiri: —Pinquemajeitena, piojeitavaquero oca noncamantempiri:
23724	MAT 15:22	Ojatashitaqueri cananasato, caari oni jorio. Ocantiri: —Novincatsarite, tempa aviro ishanincani pincatsari Iravirini. Nocoaque pincavintsayena, aisati noshinto. Yataanaquero iroori camaari, catsiqueti yoanaquero.
23727	MAT 15:25	Iro cantaincha opocashitiri, otiyeroashitacari, aiquero ocantatiiri: —Novincatsarite, pincavintsayena.
23729	MAT 15:27	Acanaqueri: —Queario, novincatsarite, oca picantiri. Iro cantaincha, tempa yoaro otsiti iroaritsopequi yora ashitariri.
23730	MAT 15:28	Yacanaquero: —Tsinane, cameetsa pishiretaquena. Aitaque nomataquempiro oca picoacotaquenarica. Irosati avisacotantanaja oshinto.
23735	MAT 15:33	Nocantajeitaqueri: —Pamene, caaraiteitaque aca. ¿Jaoca ayerori tanta avacaajeiteariri? Oshequi icarajeiti catsini.
23742	MAT 16:1	Impoiji ipocashitaqueri variseopee aisati saroseopee: icoajeivetaca irantacayerime Jesoshi caari cameetsatatsi ontimanteameri inquisantearimeri. Icantavetapaacari: —Jentsite, namenempi pintasoncante, niotanteari piponeacarica inquitequi.
23743	MAT 16:2	Yacanaqueri Jesoshi: —Pamene, ariorica ishaavijiiteanaji, pineaquerorica opotsonaiteanaji, tempa picantajeiti: “Eiro oparii incani”.
23756	MAT 16:15	Ari isampitana: —Avirojei, ¿paita picantajeitiri avirori?
23763	MAT 16:22	Iro cantaincha ipiatsatacari Petero: —Novincatsarite, te oncameetsateji oca picantaqueri. Eiro pashinoncaatsi, eiro picamitsi.
23764	MAT 16:23	Ari ipitsocashitanacari Jesoshi, icantiri: —Pijate, piquempetacari Satanashi. ¿Paita pitseencantaquenari? Te pioteroji icoacaaquenari Tasorentsi, irointi piotaque icoacaaquenari atiri.
23773	MAT 17:4	Yora Petero, icantiri Jesoshi: —Novincatsarite, aitanaquempaquea nopocajeitaque naroripee aca, noneajeitaquempi nainti. Pincoaquerica, novetsiquempiro mava pancotsijaniqui: aparoni pashi, aparoni irashi Moishishi, iro otsipa irashi Iriashi.
23776	MAT 17:7	Iro cantaincha ipocashitaqueri Jesoshi, ipamijeitaqueri. Icantiri: —Pincatiajeitanaje, eiro pitsaroajeititsi.
23784	MAT 17:15	—Novincatsarite, pincavintsayeri notomi: oshequi icamanatapiniti, oshequi yashinoncaapinitaca. Ipariapiniti paamariqui, itaapinita, pomein: aisati ipiincapiniti ojaqui, pocn, pocn.
23786	MAT 17:17	Ari icantajeitana Jesoshi: —Te pinquemisantajeiteji, te pincameetsajeiteji. ¿Jaoca oncarate nontsipajeitempi piotanteari? Oshequi pitseencajeitaquena. Impoiji icantiri ashitariri itomi: —Jentsite, pamaquenari pitomi.
23794	MAT 17:25	Yacashitanacari: —Je, ipiri. Impoiji ipianaja Petero pancotsiqui. Isampitavaqueri Jesoshi: —Shimo, ¿paita piquenqueshiretiri? Yora pincatsaripee, ¿janica icoacotapinitiri iirequite? ¿Icoacotirimpa ishanincasanori? Terica, ¿irintimpa icoacotiri itsipapee atiri?
23795	MAT 17:26	Yacanaqueri: —Tempa icoacotiri itsipapee atiri. Ari icantiri: —Queario, tecatsi incoacoteri ishanincasanori. Aisati oquempetaca narori, tecatsi incoacotena Apa: tempa noshanincatacari.
23817	MAT 18:21	Impoiji yora Petero isampitiri Jesoshi: —Novincatsarite, inquishenarica noshaninca, tempa ocameetsati noncavintsayeri, eiro nopiataritsi. Iro cantaincha irampiitapinitenarica inquisaquena, ¿jaoca oncarate noncavintsaapiniteri? ¿Ariompa oncarate 7?
23841	MAT 19:10	Impoiji, nocarataqueri pashini iroamere, nocantaqueri Jesoshi: —Ariompa, jaata eirota naitame nojina narori.
23846	MAT 19:15	Irosati ipamijeitantavacari, icantiri Tasorentsi: —Apa, nocoaque pincavintsaajeiteri yoca jananequipeeca. Impoiji ijatanaji.
23847	MAT 19:16	Impoiji ijatashitaqueri Jesoshi aparoni evancari, isampitapaaqueri: —Oametantatsiri, picameetsataque. ¿Paita cameetsatatsiri nanteri narori nosavicanteari anta inquitequi, noncantaitatiyempani?
23858	MAT 19:27	Icantaqueri Petero: —Pamene, nocoasanojeitaque noijatanaquempi, irootaque nojocajeitantacarori maaroni timimojeivetanari. ¿Paita naayetajeri coajicani aisati?
23882	MAT 20:21	Isampitiro: —¿Paita picoiri? Ocantiri: —Coajica, ariorica pimpincatsaritasanotanaque, nocoaque irisaviquimotempi notomipee: aparo irisavique pacosanoriqui, irio itsipa irisavique pampatequi. Pincanteri incarajeitempi impincatsarijeitanaque.
23892	MAT 20:31	Ari iquisatsataqueri yora apatojeitainchari, icantajeitiri: —Pimajerete. Aiquero icajemajeitanaque: —Novincatsarite, pincavintsayena: tempa aviro naamaajeitacari, aviro ishanincani Iravirini.
23894	MAT 20:33	Icantiri: —Novincatsarite, nocoaque namenaje.
23911	MAT 21:16	aisati icantajeitaqueri Jesoshi: —¿Piquemaquerompa oca icantajeitiri atiripee? Te oncameetsateji impincatsajeitempi. Yacanaqueri: —Je, noquemaqueri. Tempa pineanatiro Sanquenarentsi cantatsiri: “Impincatsajeiteri Quirishito yora jananequipee”.
23957	MAT 22:16	Impoiji itiancajeitaqueri iroamerepee, itsipajeitacari oijatiriri Eroreshi. Isampijeitapaaqueri Jesoshi: —Oametanari, niojeiti queario poametantaque. Cameetsa poametantiro irineane Tasorentsi, te pintsaroacayeariji itsipapee atiri, aisati te pimpincatsateriji.
23965	MAT 22:24	—Oametanari, icantini peerani Moishishi: “Ontimerica shirampari ijina, iro cantaincha te intimacayeroji itomipee. Impoiji incamaquerica, ocameetsati iraajero irirentini ijinani, intimacayero otomi, iro cantaincha irishiacanteri itomini irirentini”.
23977	MAT 22:36	—Oametanari, ainiro oshequi oamejeitaquee Sanquenarentsi: ¿paita cameetsatasanotatsiri anquemisantajeiteri?
24030	MAT 24:4	Yacanaquena: —Queariompiya, yamataviyeetimpicari.
24068	MAT 24:42	Aisati icantana: —Paamaajeitena, pinquenqueshiretapinijeitena: te piojeiteji jaoca oncarate nompocantajeari. Nomapocapaimpicari.
24148	MAT 26:25	Impoiji isampitiri Jorashi: —¿Narompa, oametanari, aacantempineri? Yacanaqueri: —Je, avirotaque.
24149	MAT 26:26	Ari tequera nontsoncajeitero noyea, ari yaaquero Jesoshi tanta, yajiricaquero, ipasonquitiri Tasorentsi. Impoiji icarajaquero, ipajeitaquena, icantajeitaquena: —Paajeitavaquero, poajeitearo. Tempa narotaque camimentajeitempineri.
24150	MAT 26:27	Impoiji yaaquero aisati nirajeitantari, ipasonquitajiri Tasorentsi. Ipacojeitaquenaro, icantajeitaquena: —Pirajeitero, maaroni.
24162	MAT 26:39	Ari yavisaque capichaji, impoiji itarecapaacaro quipatsi, iquenquetsatacaaqueri Iriri: —Apa, te noncoaveteaji nonquemaatsicatearome, iro cantaincha eiro nantirotsi nocoavetari narori, irointi nantempiro picoacaaquenari avinti.
24165	MAT 26:42	Ari ipianaja, icantajiri aisati: —Apa, picoacaasanotaquenarorica nonquemaatsicatearo, aitaque cameetsa: nomoncaratero maaroni picoacaaquenari.
24173	MAT 26:50	Icantavaqueri Jesoshi: —Noshaninca, ¿paita pipocashitiri aca? Irosati ipocashijeitantapaacariri maaroni, yaajeitapaaqueri, tapi.
24191	MAT 26:68	icantaqueri: —Quirishito, pincamantena: ¿janica capojanataquempiri?
24196	MAT 26:73	Impoiji capichaji, jeri pashini cantapairiri: —Queario, avirotaque oijatiriri: noquemaquero pineanataque, avirotaque carireasati.
24197	MAT 26:74	Yacanaqueri: —Teve, te nioteriji yora shirampari picantaqueri. Ioti Tasorentsi queario nocantaquempiri. Terica ontampaticate nocantaquempiri, nocoaque iroasanquetenata Tasorentsi. Irosati ineantanaca teapa.
24202	MAT 27:4	—Jeriniro piirequite. Te oncameetsateji oca nantaqueri. Tecatsi irante Jesoshi, naacantashitacari. Yacajeitanaqueri: —Jm, aviroyea.
24209	MAT 27:11	Ari icatiimotacari Jesoshi yora pincatsari pajitachari Pirato. Isampitiri iriori: —¿Avirompa ivincatsarite joriopee? Yacanaqueri: —Je, narotaque.
24218	MAT 27:20	Iro cantaincha yora jivatacaajeitiriri ashanincapee icantajeitiri: —Pincantajeiteri: “Poimisoquijajeri Varavashi, irinti Jesoshi, pimpajacotacanteri”. Icantajeitaqueri: —Aviroyeampa, paitarica picoaqueri avirori.
24223	MAT 27:25	Yacajeitanaqueri: —Nocoasanojeitaque, tempa narojeitaque cantaquempiri. Inquishenata nainti Tasorentsi, aisati ocameetsati inquisheri notomipee narori.
24227	MAT 27:29	Yovetsicaqueneri iramatseere totsequi, yamatseetaqueri. Aisati ipaqueri chacopi, icantiri: —Pajiriquero opirico chacopi. Yora pincatsari peerani iquitsaatapinitaro quiraanirori, yamatseetaro iramatseere pinatasanotachari, aisati yajiricapinitiro iotiquiro cameetsari. Ari itiyeroashinirojeitacari soraropee Jesoshi, ipincatsatamempeacari, ishirontimentajeitari, icantajeitiri: —Aviro, novincatsarite. ¿Pipincatsariventajeitirimpa maaroni joriopee? Iji, iji, iji, iji.
24244	MAT 27:46	Ari ishaaviniji antearojenca icanti Jesoshi: —Eri, Eri, arama savacatani. Iro acantiri aneanequi: “Apa Tasorentsi, ¿paita pojocantanari?”
24245	MAT 27:47	Iquemantacariri yora savicajeitaintsiri, icanti: —Pinquemerite, icajemaqueri Iriashi.
24261	MAT 27:63	Icantajeitapaaqueri: —Novincatsarite, noquemajeitaqueri icantaqueri chapinqui yora amatavitantatsiri: “Noncamaque, impoiji oncarataque quitaiteri mava, ari nontinaanaje”.
24288	MRK 1:4	Ari moncaratapaaca icantiniri peerani Isayashini. Yareetapaaca caaraiteriqui Joa, yora vaotisatantatsiri. Icantajeitaqueri ishaninca: —Pinquenqueshireempa, eiro piquempetajatsi peerani. Ariorica pojocasanojeitajero pantajeiveitaniri, ari novaotisajeitaquempi, impoiji iriojeitanaque atiri icavintsaajeitaquempi Tasorentsi, eiro iquenqueshireacotajimpirotsi pantaveitaniri.
24301	MRK 1:17	Icantapaaqueri Jesoshi: —Poijatanaquena, nocoaque pinquemisantacaapiniteri atiri.
24306	MRK 1:22	Yora atiripee, yoajeitanaque cavaco, icantajeiti: —Pineaqueri, cameetsa yoametantasanotaque, iotasanoti irinti. Te inquempeteariji yora oametapinijeiveteerori sanquenarentsi: te iriotasanoteji irinti.
24325	MRK 1:41	Oshequi icavintsaasanotavaqueri. Ari yacotashitavaqueri, ipamitavaqueri. Icantavaqueri: —Je, noninti: aitaque pavisacotaje.
24334	MRK 2:5	Iotavaqueri Jesoshi ishirejeitacari, irootaque icantantacariri: —Noshaninca, ainiro pantayetiri, iro cantaincha eiro noasanquetimentimpirotsi, aitaque noavisacotajempi.
24340	MRK 2:11	—Nocantimpi, pincatianaje, paanajero pinariantaniri, pijataje pivancoqui.
24343	MRK 2:14	Impoiji yovaanaja aisati. Ineapaaqueri Irevi, yora itomi Arijeo, isavicaiti pancotsiqui yapatotapinitiri quirequi: yapatotapinijeitiniri oromasati. Icantapaaqueri: —Tsame, poijatanaquena. —Ja, tsamequeti. Ari icatianaca, yoijatanaqueri.
24360	MRK 3:3	Yora Jesoshi icantiri quisoporoquitatsiri: —Pincatiaje, caate aca nianqui.
24368	MRK 3:11	Yora atiri yatajeaonquiri camaari ipincatsajeitaqueri. Antearojenca ineanatacaaqueri icantajeitaqueri: —Jesoshi, avirotaque itomi Tasorentsi.
24430	MRK 4:38	Imaaque Jesoshi anta opataquiqui, itiinataca. Yoisaaquireaqueri iroamere, icantaqueri: —Oametanari, ¿paita caari pinquenqueshireanta? Irotanaintsi ampiincajeite.
24431	MRK 4:39	Itinaanaja, icajemacotaquero tampea, aisati icantiro incajare: —Pimajerete, pimajerejate. Opeanaja tampea. Omajerejatasanotanaji incajare.
24449	MRK 5:16	Yora neasanotaqueriri incaranqui icamantajeitaqueri: —Pineaqueri, yoavisacotajiri Jesoshi yora neaveitariniri camaari. Aisati yoviincacantaqueri chancho.
24450	MRK 5:17	Impoiji icantasanojeitiri: —Pijataje, eiro pipocajitsi aisati nonampiqui.
24467	MRK 5:34	Icantiro: —Tsinane, pishiretaquena, irootaque pavisacotantajari. Meeca pijataje, pinquimoshiretanaje. Aitaquenea pavisacotajiri.
24488	MRK 6:12	Ari ijajeitanaque iroamere. Icamantajeitiri atiripee: —Pinquenqueshirejeitea, eiro pantapinitirotsi aisati caari cameetsatatsi.
24517	MRK 6:41	Ari yaaquero Jesoshi tanta aisati shima, yamenanaque jenoqui. Icantiri iriri: —Ariove, Apa, aviro paquenarori oca noyearica. Icarajaquero tanta. Ipaqueri iroamere irovayeteneri apatojeitainchari. Aisati shima, yovayetaqueneri maaroni atiri,
24560	MRK 7:28	Iroori acanaqueri: —Je, queario. Aitaque iniri otsiti nijanteaji. Yoatsopequititayetari atomi.
24561	MRK 7:29	Icantajiro: —Je, cameetsa; queario picantaqueri. Cameetsa pijataje meeca, avisacotanaji pishinto.
24564	MRK 7:32	Yameetapaaqueneri aparo shirampari imayempiti, aisati imasontiti. Icantapaaqueri: —Pimpamitavaqueri, poavisacotajeri.
24569	MRK 7:37	Aiquero catsini yoajeitanaqueri cavaco Jesoshi. Icantajeitiri atiripee: —Paitaquea, ocameetsatasanoti yantayetiri. Imatasanotaquero Jesoshi maaroni yantayetiri. Iquemacaayetajiri mayempiveitachaniri, aisati yora masontiveitachaniri, ineaveetacaayetajiri.