| 23240 | MAT 2:2 | Isampitapaaqueri jerosaresati: —¿Jaoca yora ivincatsarite joriopee, yora iroaquera timaintsiri? Noneaqueri anta nonampiqui impoquiro iotacaanari itimaque. Meeca nopoqui nompincatsateri. |
| 23242 | MAT 2:4 | Impoiji yora Eroreshi icajemacantajeitaqueri maaroni jivatacaajeitaqueriri saserotepee aisati maaroni yora oametantajeitirori sanquenarentsi. Isampijeitaqueri: —¿Paita ocantiri Sanquenarentsi? ¿Jaoca intimapeeri yora Quirishitotatsiri? |
| 23245 | MAT 2:7 | Impoiji imanaquero Eroreshi icajemacantaqueri yora coatsiri irineeri Jesoshi. Isampijeitaqueri: —¿Jaoca ocaratiri pineantacariri impoquiro piotantacari itimapaaque pincatsari? Pincamantasanotena niotasanotantearori itimantacari. |
| 23440 | MAT 8:26 | Ari itinaanaca, yacanaqueri: —¿Paita pitsaroantacari? ¿Paita caari piquenqueshiretasanotantana? Impoiji ipeajiro tampea, aisati ipeajiro omotoncane. Opeasanotanaja tampea, opeasanotaja omotoncane. |
| 23441 | MAT 8:27 | Ari yoajeitanaqueri cavaco, icantavacaanaca: —¿Jaoca icantari yoca? Pineaquero ipeajiro tampea, aisati ipeajiro omotoncane, maa. |
| 23452 | MAT 9:4 | Ari iotaque iriori iquenqueshirejeitiri, icantajeitiri: —¿Paita piquisashirejeitantanari? ¿Paita pitseencajeitantanari? |
| 23459 | MAT 9:11 | Ari ipocashitaquena yora variseopee, icajemiri itsipapee iroamere Jesoshi, isampijeitiri: —¿Paita yantiri yora oamejeitimpiri? Jeri yoacaajeitacari apatotiniriri oromasati quirequi, aisati icarajeitiri caari cameetsajeitatsi. Te oncameetsateji. |
| 23476 | MAT 9:28 | Ari noqueajeitapaaque pancotsiqui, aisati iriori yora caari amenatsi. Ipocashijeitaqueri Jesoshi, impoiji icantavaqueri: —¿Paamaacampa ari nomatero namenacaajeitajempi? Icantiri: —Je, novincatsarite; nioti ari pimatajena. |
| 23568 | MAT 12:10 | Itimi anta tsiricoipacori. Ari yora variseopee isampijeitavaqueri Jesoshi: —¿Ocameetsatimpa poavisacoteri saavaroqui tsiricoipacori? Icoajeitaque iroavisacoteri saavaroqui, irootaque incantajeitanteari: “Yantaveeniroti Jesoshi saavaroqui, te incameetsateji”. |
| 23572 | MAT 12:14 | Iro cantaincha iquisajeitanaca variseopee. Ijajeitanaji, yoametavacaajeitanaca, icantajeiti: —¿Jaoca ancanteriri Jesoshi, avacantanteariri? |
| 23581 | MAT 12:23 | Ari yoajeitanaqueri cavaco maaroni neacojeitaqueriri. Isampitavacaajeitaca: —¿Iriompa yoca Quirishito aamaajeitacari? |
| 23606 | MAT 12:48 | Yacanaqueri: —¿Janicampa ina? ¿Janicampa iyepee? |
| 23618 | MAT 13:10 | Impoiji notsipajeitanacari pashinipee iroamere, nocantajeitaqueri Jesoshi: —¿Paita pishiacantantanariri yora itsipapee? Te inquemajeiteroji picantaqueriri. |
| 23662 | MAT 13:54 | ipianaja anta iipatsitequi iponeacanta. Noijajeitanaqueri narori. Ari yoametantapaaque anta yapatojeitanta ashanincapee. Yoajeitanaqueri cavaco maaroni quemajeitavaqueriri, icantajeiti: —¿Janica oametiriri yoca otimantacari iotantari? ¿Paitaquea matacaaqueriri itasoncantayeti? |
| 23682 | MAT 14:16 | Yacanaquena: —¿Paita irantsipetashitanteari irijate? Jentsite, pimpajeiteri avirori iroajeiteari. |
| 23714 | MAT 15:12 | Impoiji nojatashitiri Jesoshi, nocarajeitiri itsipapee iroamerepee, nocantajeitiri: —¿Tempa piote iquishimentajeitimpiro variseopee oca picantiriri? |
| 23718 | MAT 15:16 | Icantiri: —¿Tequerampa ontime piotantari? |
| 23736 | MAT 15:34 | Isampitaquena: —¿Jaoca ocaratiri tanta timatsiri? Nacanaqueri: —Ocarataque 7, aisati timatsi shivajaniqui aparopee. |
| 23748 | MAT 16:7 | Ari nosampitavacaaca: —¿Paita icantanteeri: “Paamayearoyea tapiacaarori itantane”? Te ameji tanta, iroitatsi icantantaqueeri. |
| 23752 | MAT 16:11 | Icantana: —¿Paita caari piojeitanta meeca? Te nonquenqueshireteroji tanta pipeacotanacari. Queariompia, paamayearoyea tapiacaarori itantane variseopee aisati saroseopee. |
| 23788 | MAT 17:19 | Impoiji nomanacaacari nosampijeitiri: —¿Paitaquea caari nomatantaro noavisacojeiteri narori? |
| 23793 | MAT 17:24 | Impoiji nojajeitanaque Caperenaoqui. Ainiro anta itimi yora quempoyeiriri quirequi yoameetsatantayetarori ivanco Tasorentsi. Ari ijatashitiri Petero, isampitiri: —¿Ipashitapinitarimpa oametimpiri iirequite, yoameetsatantayetarori ivanco Tasorentsi? |
| 23834 | MAT 19:3 | Aisati ijatashitaqueri Jesoshi variseopee. Icoavetaca incomitacayearime, irootaque isampitantavetariri: —¿Ocameetsatimpa irojocajero shirampari ijina? |
| 23848 | MAT 19:17 | Ari icantiri: —¿Paita picantantanari: “Picameetsataque”? Itimi aparo cameetsatatsiri: yora Tasorentsi. Iro cantaincha pincoaquerica pijate inquitequi, pantajeitero maaroni icantiniri Moishishini. |
| 23882 | MAT 20:21 | Isampitiro: —¿Paita picoiri? Ocantiri: —Coajica, ariorica pimpincatsaritasanotanaque, nocoaque irisaviquimotempi notomipee: aparo irisavique pacosanoriqui, irio itsipa irisavique pampatequi. Pincanteri incarajeitempi impincatsarijeitanaque. |
| 23893 | MAT 20:32 | Icatiapaaca Jesoshi, icantiri: —¿Paita picoiri nantempiri? |
| 23905 | MAT 21:10 | Ari yareetapaaca Jerosarequi. Isampitavacaajeitaca maaroni jerosaresati: —¿Janicampa yoca? |
| 23911 | MAT 21:16 | aisati icantajeitaqueri Jesoshi: —¿Piquemaquerompa oca icantajeitiri atiripee? Te oncameetsateji impincatsajeitempi. Yacanaqueri: —Je, noquemaqueri. Tempa pineanatiro Sanquenarentsi cantatsiri: “Impincatsajeiteri Quirishito yora jananequipee”. |
| 23915 | MAT 21:20 | Noneantacarori, nosampitiri: —¿Jaoca ocantanacari oshintsitantanacari oshimpeshitanaque? |
| 23918 | MAT 21:23 | Ari nareejeitapaaja ivancoqui Tasorentsi, yoametantapaaji Jesoshi. Irosati ijatashitantapaacari yora jivatacaajeitiriri saserotepee aisati yora jivatacantantatsiri, isampijeitiri: —¿Janicampa tianquimpiri pantayetantarori ocapee? ¿Janica nintacaimpiri pipincatsaritantacari? |
| 23956 | MAT 22:15 | Impoiji ijajeitanaque variseopee, yoametavacaajeitaca: —¿Jaoca ancanteriri Jesoshi ancomitacanteariri? Ariorica incomitaquea, irosati anquisacantanteariri. |
| 23959 | MAT 22:18 | Iro cantaincha iotaque Jesoshi icoajeivetaca iramatavijeiterime. Isampitiri: —¿Paita picoantacari pamatavitena? Te pincameetsateji. |
| 23961 | MAT 22:20 | Ari isampitiri: —¿Janicampa ashitarori ishiacantaro oca? ¿Jaoca opajitari ivajiro oca sanquenataincharica? |
| 23982 | MAT 22:41 | Ari Jesoshi isampijeitiri yora variseopee apatotimentajeitariri: —¿Paita piquenqueshiretacotiriri Quirishito? ¿Janica irishanincateari? |
| 24127 | MAT 26:4 | Yoametavacaajeitaca, icanti: —¿Jaoca ancanteriri Jesoshi aanteariri aisati avacantanteariri? Iro cantaincha te ancoyeji iriojeitanaque atiripee: iquisacoventaricari. |
| 24131 | MAT 26:8 | Noneajeitantarori oca, noquisajeitanaquero, nocantajeiti: —¿Paitaquea aparajatantarori? |
| 24133 | MAT 26:10 | Yacanaquena Jesoshi: —¿Paita picantimentantarori oca tsinaneca? Ocameetsataque oca antaqueri. |
| 24140 | MAT 26:17 | Ari moncarataca noajeitantarori tanta caari tapiacha. Nojatashijeitaqueri Jesoshi, nosampijeitiri: —¿Jaoca picoaqueri nojajeiteri novetsicantempirori poyeari pinquenqueshiretantearori Yavisantaniri? |
| 24168 | MAT 26:45 | Ipiashitajari aisati iroamere, icantiri: —¿Maajimpimpa aisati? Meeca moncarataca. Noponeaca inquitequi, natiritapaaque; meeca icantacoventaquena, meeca irayena caari cameetsajeitatsi. |
| 24178 | MAT 26:55 | Impoiji icantajeitiri yora pocashijeitaqueriri: —¿Paita pamashitantanari pivesamento aisati pivasamento? ¿Narompa coshinti piquisantanari? Pineapinitana maaroni quitaiteriqui anta ivancoqui Tasorentsi, noametanti; ja, payenaniqueti. |
| 24185 | MAT 26:62 | Ari icatianaca ivincatsarite saserote, icantiri Jesoshi: —¿Tecatsimpa pincanteri avirori? ¿Paita ojita oca icantacojeitaquempiri? |
| 24199 | MAT 27:1 | Ari iroaquera oquitaitetamani, yoametavacaajeitaca yora jivatacaajeitiriri saserotepee aisati savicacaajeitantatsiri: —¿Jaoca ancanteriri meeca Jesoshi avacantanteariri? |
| 24205 | MAT 27:7 | Ari yoametavacaajeitaca: —¿Jaoca ancantajeriri quirequica? Icanti: —Tsame amanantero quipatsi antijanteariri camatsiri caari aneapinijeiti. Iro yamanantaqueri quipatsi ora yaapiniyeetiri quipatsi yovetsiqueetiri coviti. |
| 24209 | MAT 27:11 | Ari icatiimotacari Jesoshi yora pincatsari pajitachari Pirato. Isampitiri iriori: —¿Avirompa ivincatsarite joriopee? Yacanaqueri: —Je, narotaque. |
| 24211 | MAT 27:13 | Isampitiri Pirato: —¿Tempa pinquemeri icantacotaquempiri? ¿Paita caari pineanatanta avirori? |
| 24220 | MAT 27:22 | Isampijeitiri: —¿Jaoca noncanteriri Jesoshica: yoca ipajiyeetiri Quirishito? Yacajeitanaqueri: —Pimpajacotacanteri. |
| 24221 | MAT 27:23 | Isampijeivetari: —¿Paitampa yantaqueri nompajacotacantanteariri? Aiquero icajemajeitanaitiiri: —Pimpajacotacanteri. Pimpajacotacanteri. |
| 24276 | MAT 28:12 | Yapatojeitiri iriori yora savicacantantatsiri. Yoametavacaajeitaca: —¿Jaoca ancanterori meeca amanacotanteariri? Ari icajemajeitaqueri soraro, icantajeitaqueri: —Jeri yoca quirequica, nocoi nompinatempi. |
| 24311 | MRK 1:27 | Aisati yoajeitanaque cavaco ishaninca, maaroni. Isampitavacaanaca: —¿Pineaquerompa imataqueri? Iroaquera aquemaquero oca yoametaqueeri. Aisati imataqueri camaari, itiancaqueri: itsaroacaitacariteemi. |
| 24336 | MRK 2:7 | Icantashiretaque iriori: —¿Paita icantashinirotantarori oca? Ijitasorentsinirotacateemi. ¿Jaoca incanteriri iroavisacotanteariri? Tempa apaniro yoavisacotanti irinti Tasorentsi. |
| 24337 | MRK 2:8 | Ioshiretashitaca Jesoshi icantashiretaqueri, icantiri: —¿Paita picantashiretantari? |
| 24344 | MRK 2:15 | Ari ijajeitanaque ivancoqui Irevi. Yoacaajeitapaacari oshequi oijajeitiriri Jesoshi, iroamere, apatotapinitiriri quirequi, maaroni. Jeri aisati yoacaacari caari cameetsayetatsi. Yareejeitapaaca oametantirori sanquenarentsi, variseo ini. Ineacotapaaqueri Jesoshi yoimojeitacari caari cameetsayetatsi. Isampitapaaqueri iroamere: —¿Paita itsipajeitantariri yocapee, yoajeita? Te incameetsajeiteji. |
| 24354 | MRK 2:25 | Ari yacanaqueri Jesoshi: —¿Tempa pinquenqueshireeroji sanquenarentsi quenquetsatacotiriri peerani Iravirini? Te ontimeji iroyeari, aaqueri itashe, aisati itsipajeitari. |
| 24361 | MRK 3:4 | Impoiji isampijeitaqueri maaroni amenajeitaintsiri: —¿Cameetsampa aneshinoncateri atiri quitaiteri amaoreajeitantari? ¿Ariompa avashinoncayeri? ¿Ocameetsatimpa avavisacoteri? Tericampa, ¿picoaquempa ayeri? Iro cantaincha imajerenirojeitanaque. |
| 24363 | MRK 3:6 | Isoquijajeitanaque variseopee, ijatashijeitanaqueri ishaninca Eroreshi. Yoametavacaajeitaca: —¿Jaocasa ancanteriri Jesoshi, avanteariri? |
| 24369 | MRK 3:12 | Icantasanotiri Jesoshi: —¿Paita picantantanari? Pimajerete, eiro picamantacotanatsi. |
| 24380 | MRK 3:23 | Icajemavaqueri Jesoshi, icantavaqueri: —¿Queariompa yatajeaoncaquena camaari? Pamene: ¿jaoca incanteari Satanashi irojocajea irisati? |
| 24390 | MRK 3:33 | Ari yacavaqueri: —¿Jaoca ocantari inatatsiri? ¿Jaoca icantari iyetatsiri? |
| 24402 | MRK 4:10 | Impoiji ijajeitanaji atiripee, itimanaji apaniro Jesoshi, itsipajeitari aparopee oijatiriri, aisati iroamere caratatsiri 12. Isampijeitiri: —¿Jaoca ocantari oca pishiacaaventiniriri? |
| 24405 | MRK 4:13 | Aisati icantaqueri: —¿Tempa pinquemavaquero oca noshiacantimpiri? Ariorica noshiacantempiro aisati, ¿jaoca pincanteari piotantearori? |
| 24422 | MRK 4:30 | Aisati icanti Jesoshi: —¿Jaoca noncantempirori noshiacaaventempiro jaoca icanta Tasorentsi ipincatsariventanti? ¿Jaoca ancanterori anquenquetsatacotantearori? |
| 24432 | MRK 4:40 | Icantiri: —¿Paita pitsaroantari? ¿Paita caari pishirejeitantari Tasorentsi? |
| 24433 | MRK 4:41 | Oshequi catsini itsaroasanojeitanaque. Icantavacaanaca: —¿Janicampa yoca, oquemisantantacariri tampea? Aisati incajare, oquemisantaqueri. |
| 24440 | MRK 5:7 | Icantavaqueri Jesoshi camaari: —Pinijantareanajeri yoca shirampari. Antearojenca icajemacotapaaqueri: —¿Paita pashereantanari? Aviro Jesoshi, itomi Tasorentsi inquitequiniri, tempa ineajeitaquee. Nocantasanotimpi catsini, eiro poashinoncaanatsi. |
| 24442 | MRK 5:9 | Ari isampitiri Jesoshi: —¿Jaoca pipajitari? Yacanaqueri: —Nopajita Oshequianti. Iro nopajitantari, oshiquianti noni catsini. |
| 24463 | MRK 5:30 | Aisati iriori Jesoshi, iquemashitavaitiaro itasorenca. Ari ipitsocashitanacari oijajeitiriri, icantiri: —¿Janicampa antitaquenarori noitsaare? |
| 24472 | MRK 5:39 | Iqueapaaque, icantapaaqueri: —¿Paita picajemacojeitantarori? ¿Paita piraacojeitantarori? Te oncamasanoteji evancaro, irointi omai. |
| 24482 | MRK 6:6 | Iro cantaincha te inquemisantajeiteriji ishaninca, irootaque yoantanacari cavaco: —¿Paita caari iquemisantajeitantana? Iquenaquenayetanaque Jesoshi nampitsipeequi, yoametantayetanaque. |
| 24500 | MRK 6:24 | Osoquijanaji iroori, osampitapaaquero iniro: —¿Paita noncoacoteriri? Acavaquero iroori: —Iro pincoacoteriri iito Joa vaotisatantatsiri. |
| 24513 | MRK 6:37 | Yacanaqueri, icantiri: —Pimperita avinti iroyeari. Icanti iroamere: —¿Picoavetampa nojate namanantaite tanta nompantajeiteariri? Oshequi ompinatea noacantajeiteariri maaroni, eiro imoncaratarotsi airequite. |
| 24514 | MRK 6:38 | Yacanajiri: —¿Jaoca ocaratiri pitantane timatsiri? Pijate, pamenaitero. Ari ineaitiro, icantaqueri: —Apapacoroni ocarati tanta, aisati apite shima. |
| 24537 | MRK 7:5 | Ari isampijeitapaaqueri Jesoshi: —¿Paita caari imoncaratantaro poamere yoametantapinitiniri intacantaqueeniri? Jeri yoca meeca oainchari, te inquivacoteaji: ainiro irantane. |
| 24549 | MRK 7:17 | Ari ijajeitanaji apatotimentariri, iqueapaaji Jesoshi pancotsiqui. Isampitiri iroamere: —¿Jaoca ocantari pishiacaaventiniriri? |
| 24573 | MRK 8:4 | Yacanaqueri iroamere: —¿Jaoca ancanteari anquemacaajeitanteariri tanta? Aca caaraiteriqui. |
| 24574 | MRK 8:5 | Isampitiri: —¿Jaoca ocaratiri pitantane? Icanti: —Ocarati 7. |
| 24581 | MRK 8:12 | Oshequi catsini ocantimoneentacari Jesoshi. Icanti: —¿Paita icoajeitantari maaroni atiri nonijayeri nontasoncante? Queariotaque oca noncamantasanotempiri, eiro ineanatsi nontasoncantayete. |
| 24586 | MRK 8:17 | Iotacotaqueri Jesoshi, icantiri: —¿Paita picantavacaantari: “Tecatsi atantane”? ¿Paita caari piquemanta? ¿Paita caari piotanta? ¿Paita caari piquenqueshiretanta? |
| 24590 | MRK 8:21 | Icantiri: —¿Tequerampa meeca piotavaquero? Te iro nonquenquetsatacote tanta incaranqui, irointi noquenquetsatacoti yoametantiri variseo aisati Eroreshi. |
| 24596 | MRK 8:27 | Ari yovaanaja Jesoshi, itsipatanajari iroamere. Ijajeitanaque nampitsipeequi anta Sesareajiripoqui. Inianquitanaque avotsiqui, isampijeitaqueri iroamere: —¿Paita yaamaajeitaquenari atiripee? |
| 24601 | MRK 8:32 | Aitaque icantasanojeivetacari. Yora Petero yaanaqueri quempequetiji ara, icantaqueri: —¿Paita picantantarori oca? Te oncameetsateji poamaimatea. |
| 24618 | MRK 9:11 | Isampijeitaqueri: —¿Paita icantantari oametantirori sanquenarentsi: “Tequeratarica impoque Quirishito, irijivatapaaque Iriashini”? |
| 24623 | MRK 9:16 | Isampitapaaqueri: —¿Paita pineanatacojeitiri? |
| 24628 | MRK 9:21 | Yora Jesoshi isampitaqueri iriri jananequi: —¿Jaoca ocaratiri intantanacari? Yacanaqueri: —Ainiroquerani ijananequitapaini. |
| 24630 | MRK 9:23 | Icanti Jesoshi: —¿Paita picantantanari: “Pitasoncantirica”? Pinquemisanterica, aitaque irimataquempiro Tasorentsi paitapeerica. |
| 24635 | MRK 9:28 | Impoiji iqueajeitapaaji pancotsiqui. Iojeitaca iroamere, isampijeitiri: —¿Paitaquea caari nomatantaro narori noavisacoteri? |
| 24640 | MRK 9:33 | Ari yareejeitapaaca Caperenaoqui, isavicajeitapaaque pancotsiqui. Isampitiri Jesoshi iroamere: —¿Paita picantavacaanacari avotsiqui? |
| 24659 | MRK 10:2 | Ipocashitapaaqueri variseo. Icoaveta incomitacayearime Jesoshi, irootaque isampijeitantapaacariri: —¿Oshinetantampa irojocajero shirampari ijina? |
| 24660 | MRK 10:3 | Yacavaqueri: —¿Paitampa icantimpiniri Moishishi? |
| 24667 | MRK 10:10 | Ari itimapaaji anta pancotsiqui. Isampitajiri aisati iroamere: —¿Jaoca ocantari oca picantaqueriri? |
| 24675 | MRK 10:18 | Icantiri: —¿Paita picantantanari: “Cameetsari pini”? Tecatsi cameetsatatsine, irinti apaniro Tasorentsi icameetsati. |
| 24683 | MRK 10:26 | Yoajeitanaqueri cavaco catsini iriori. Icantavacaanaca: —¿Janicampa meeca avisacotajantsine? Opomerentsitasanotaca. |
| 24693 | MRK 10:36 | Icantavaqueri Jesoshi: —¿Paita picoiri noshinetempiri? |
| 24708 | MRK 10:51 | Icantavaqueri Jesoshi: —¿Paita picoacotanari? ¿Jaoca noncantajempiri? Yacanaqueri camarajari: —Apa, nocoaque namenaje. |
| 24714 | MRK 11:5 | Ainiro isaviqui atiri, isampitavaqueri: —¿Paita pantiri? ¿Paita pitsatacoreantariri voro? |
| 24727 | MRK 11:18 | Ari iquemajeitavaqueri maaroni yora apatotimentariri, irootaque yoajeitantanacariri cavaco. Aisati iquemacotaqueri jivatacaajeitiriri saserote, oametantirori sanquenarentsi, maaroni. Icantajeivetaca: —¿Jaoca ancantaniroteriri Jesoshi, avanteariri? Iro cantaincha tecatsi incanteri, itsaroacaajeitacari. Tempa ipincatsajeitiri atiri Jesoshi. |
| 24737 | MRK 11:28 | Icantajeitapaaqueri: —¿Janica oametimpirori pipincatsaritantari pimayetantarori pantayetiri? ¿Janicampa meeca peaquempiri pincatsari, pimayetantacarori pantayetiri? |
| 24757 | MRK 12:15 | Iotacotaqueri Jesoshi, iramataviterime yoca sampitaqueriri. Icantiri: —¿Paita picoantacari pincomitacayename? Pamaquenari quirequi, ponijayenari. |
| 24758 | MRK 12:16 | Ari aparo yamaqueneri. Isampijeitiri: —¿Janicampa shiacantachari ivoroqui? ¿Janicampa ashitarori ivajiro? Yacajeitanaqueri iriori, icantiri: —Irio ashitaro Shisari, yora ivincatsarite oromasati. |
| 24770 | MRK 12:28 | Iquempejitapaaque aparoni oametantirori sanquenarentsi. Iquemapaaqueri icantavacaanaca. Iotacotapaaqueri Jesoshi, cameetsa yoametavaqueri saroseo. Ari isampitapaaqueri: —¿Paita icoacaasanoteeri Tasorentsi? |
| 24827 | MRK 14:4 | Itimanaque aparopee quisaneentajeitaquerori. Icantavacaanaca iriori: —¿Paitampa meeca aparajatantacarori oca casancajari? |