23233	MAT 1:20	Junni Joseri junca tenca canasanan, Miya Diosichi anjeliri yachi quipibi quiraito itsantinue: —José, miya Davichi alica, nu Maríabe casalainoca natiya luratuna! tinue. Yachi nari tsachi unilachi na itoe tinue. Diosichi Tenca patsa yaca na wisa carinue.
23288	MAT 4:10	Junni yucan tsantinunsi, Jesunan itsantinue: —Satanás, jachi we manjide! Diosichi Pilabi itsanquenan chuteca joe tinue: Miya Diosichi calesiri telenhintsan joeque, yabesiri mantaino joeque chuteca joe tinue.
23416	MAT 8:2	Junte lepra bichi chun tsachi Jesúchica jato telenhito itsantie: —Miya, laca nuchi manse suwano muquinari, manse suwano podeichunae tie.
23417	MAT 8:3	Jesuri junca meráto, yaca tedechi tale quito itsantie: —Munarato, nuca tsaina manse suwanayoe tie. Junni Jesús tsantinunsile, lepra bichi jera manseiniie.
23420	MAT 8:6	—Miya, lachi peyun lachi yabi quiyanpun tsoe tie. Duque padeseinato, wecaino podeiton tsoe tie.
23422	MAT 8:8	Junni ya capitan mantimini Jesuchi fiquica meráto itsantie: —Te, jacachiri jano itoe tie. Nuri laca duque fécari sen joto, lachibi jatuntsan joe. Junchi jituminnan, inte nechinan mantaquiniquede! tie manseideque. Inte nechi quiyanpunca manseisa mantanari, manseichunae tie.
23435	MAT 8:21	Jesús tsantinunsi manca tsachiman yabe numa penenamin joto, yabe itsantie: —Miya, nube penenano muqueda tie. Tsan josanan casaleri lachi apachica manjino joyoe tie. Lachi apa puyato menainunbi, lari nube penenabi manjanae tie.
23439	MAT 8:25	Junni yabe penenaminlari yaca mansoncarito itsantilatinue: —Miya, chiquilaca manse laride! Pibi jadito puyalaichinayoe latinue.
23470	MAT 9:22	Junni Jesús mantimini tinpoleto, ya sonaca quirato itsantie: —Nama, wepanatude! Laca seque tennato manseinue tie. Jesús tsantinunsi ya sona manseiniinue.
23553	MAT 11:25	Tsantitobi Jesús yachi Apa Diosibe itsantinue: —Apa, jamochinan, tobinan nusiri Miya joe. Junto nu duque miraminlaca nuchi sen fiquica miisa caritue. Nuri tsachilaca laquirato, uyan tala quino tenca cae tinue. Nalala cuwenta miratuminlacari nuchi sen fiquica miino podeisa carie tinue. Jun tenchi nube acradeseinayoe tinue.
23729	MAT 15:27	Junni sonari itsantie: —Miya, nuri tsa tie tie. Tsan josanan nalalachi ano nasi nacá tobi darapatinaminca susunan fimanhe. Junni chiquecanan nasi nacá ayudaide! tie.
23757	MAT 16:16	Aman Jesucrístobe penenamin manca Simón jominhe Jonachi nao. Tensaato mumun Pedro ino jominue. Yari Jesús panunsi itsantie: —Nuri Diosi wenteca jun Cristo tinun tsachi joe tie. Sonnamin Diosichi Nao joe tie. Junni Jesuri Simonbe itsantie: —Simón, nu tsachilaberi laca tsanque natiya miitue; lachi Apa Diosiri nuca tsanque micarinue. Jun tenchi nu duque son jochunae. Nuca manca mumun pochinayoe; nuca Pedro tichinayoe tie laca tsanque tsarasica panun tenchi. Junni la wenteca jun tsachi bolon jun wa su tsanca tennato seralaichunae. Junni puyan ocolachi postori ya bolonca fe lotuchunae.
23773	MAT 17:4	Junni Pedro yalaca quirato itsantinue: —Miya, chiquilari in dubi rano duque se joe tinue. Nu quisa tinari, pemanca jelen ya quilaquisa! tinue nuchi manca, Moisechi manca, Elíachi manca.
23784	MAT 17:15	—Miya, lachi naoca laquirato manse suwade! nasi. Ya ataque cayaito duque padeseimin joe tie. Pibinan, weyante ninbinan queereimin joe tie.
23817	MAT 18:21	Junni Jesús tsanque micarinunbi, Pédrori yachica jato, itsantie: —Miya, ¿laca seiton quimincari niyan ne perdonaintsan jochunan? ¿Siete ne fecári perdonaino joichunan? tie.
24145	MAT 26:22	Junni Jesube penenaminlari laquiilaito, manca manca yabe itsantilatiyoe: —Miya, ¿la itoiinco? latiyoe.
24158	MAT 26:35	Junni Pédrori beconan manpato itsantie: —Te, nube puyano jototiya nuca numanan tsantituanae tie. Weyan Jesube penenaminlanan jun tsannan tilatiyoe.
24173	MAT 26:50	Junni Jesuri yabe itsantie: —Amico, ¿tibi jayun? tie. Jesús tsantinasale, yachica jato, yaca chuito calaquee.
24197	MAT 26:74	Junni Pédrori ya fiquica meráto, Diosi mirasa pánayoe tito juraquito itsantinue: —Te, ya Jesuca natiya quiratumanyoe tinue. Junni Pedro tsantinasale, walpa apaca panue.
24202	MAT 27:4	Ya calaca yalachica mantanjato itsantinue: —Nen, cala. Lari jutsa quicayoe. Tsara sen tsachica totesa cuwapocayoe tinue. Ya israelita mantaminla mantimini itsanlatinue: —Wari chiquilari junca miratulajoyoe latinue. Nunan junca manse pataride! latinue.
24325	MRK 1:41	Junni Jesuri laqui tito, ya tsachica tedechi tale quito itsantinue: —Munarato, nuca tsaina manse suwanayoe tinue.
24430	MRK 4:38	Junnasa Jesús mantimini canoabi bene nanchi oton lowabi catson tsominue. Junni yaca mansoncarito itsantilatinue: —Miya, ¿pibi daipatilaichinanunca niyaito tennatiyun? latinue.
24440	MRK 5:7	Junni Jesuri yaca mantato itsantinue: —In tsachichibi nechi manloto jide! tinue. Junni yucanchi ocolanan sonba atito pato itsanlatinue: —Jesús, ¿nuri chiquilaca niyan quebi jayun? latinue. Nuri jamochi chumin Diosichi Nao joe. Diosi meránasa rocainayoe tinue chiquilaca yucapiyaritusa.
24467	MRK 5:34	Junni Jesuri ya sonabe itsantinue: —Nama, nuri laca tsarasi tennato manseinue. Pansi manjiniide! tinue. Nuchi quiyan jera manseica joe tinue.
24560	MRK 7:28	Junni ya sonari Jesube manpato itsantinue: —Miya, nuri tsa tie tinue. Juntonan susunan mesa tenpe tsoto, nalala ano nasi nacá aralenacaca layato fimanhe tinue. Junto chiquecanan nasi nacá ayudaide! tinue.
24612	MRK 9:5	Junni Pédrori Jesube itsantinue: —Miya, chiquilari in dubi rano duque se joe tinue. Junni pemanca jelen ya quintsan joe tinue nuchi manca, Moisechi manca, Elíachi manca.
24624	MRK 9:17	Junni tsachi manca beconan pato itsantinue: —Miya, lachi naoca nuchica tanjayoe tinue. Yucanchi ocori lachi naochibi wito, yaca pano podeiton suwaca joe.
24645	MRK 9:38	Junni Juanni Jesube itsantinue: —Miya, tsachi manca yucanchi ocolaca mansularinaminca quiralaquiyoe tinue. Nuchi mantate ocolaca mansularinaminhe. Aman yari chiquilabe penenamin itonan, yaca tsantusa tilatiyoe tinue.
24677	MRK 10:20	Junni Jesuchi fiquica merasi, ya tsachiri itsantinue: —Miya, na mánta ya mantaca jera meráto nenamin joyoe tinue.
24681	MRK 10:24	Junni Jesube penenaminlari ya fiquica meráto duque wepanalainue. Junni Jesús yalabe manpato itsantinue: —Nalala, meralaquede! Calaca duque tenca caminlari Diosi mantananun tsachi bolonbi pewino duque tenfe jochunae tinue.
24692	MRK 10:35	Junnasa mantimini Zebedéochi naola, Jacobo manca, Juan manca, Jesúchica jato itsanlatinue: —Miya, chiquilachi tenchi ticatiya quisa tenjae latinue.
24730	MRK 11:21	Junni Pedro Jesuchi fiquica mantenhito, Jesube itsantinue: —Miya, quirade! tinue. Nu yucaquica jun ico pele numa jeque pele ica joe tinue.
24787	MRK 13:1	Junni Jesula Diosichi yabi nechi manlonaminnan, Jesube penenamin tsachi manca wepanato quirato, itsantinue: —Miya, Diosichi ya uraran jonunca quirade! tinue. ¿Tsara sen wa suca quica joco? Tsara wa ya quicala joe tinue.
24845	MRK 14:22	Junni ano filaquinaminnan, Jesuri bibuca cato, Diosibe acradeseito, pisuleto, yabe penenaminlachi cuwanue. Cuwanato itsantinue: —Nen, in biburi lachi puca joe tinue.
24891	MRK 14:68	Junni Pedro mantimini itsantinue: —Te, yaca miratiyoe tinue. ¿Mo jonhoncan? tinue. Junni Pedro tsantisi, sela tamolan fecári jinue. Junnasari walpa apaca panue.
24975	LUK 1:13	Anjeli mantimini itsantinue: —Zacarías, wepanatude! tinue. Nu rocainanunca Diosi meraca joe tinue. Junca meránan, nuchi sona Elisabet na quichunae. Junni ya náca Juan mumun polaquina!
24992	LUK 1:30	Junni anjeli itsantinue: —María, jeleratude! tinue. Diosi nuca laquirae tinue.
25090	LUK 2:48	Junni Josebe Maríabe yaca manquirato wepanalainue. Junni yachi ayanni itsantinue: —Nao, ¿ti quichun chiquilaca wepanarinayun? tinue. Chiquebe nuchi apabe nuca wepanato neyanaminlayoe tinue.
25110	LUK 3:16	Junni tsanque tenca calaquinasa, Juanni jeralelabe itsantinue: —Te, ya itoyoe tinue. Lari pibiri mumunnayoe tinue. Aman laca benechi manca tsachi jachunae. Yari laca fécari mantá tan jochunae. Yari tsaracari sen jonan, lari yachi sapato silica woleto cuwanotiya sen itoyoe tinue seri sen jotonan. Yari pibiri mumuntumin jochunae; yari Diosichi Tencachi mumunmin jochunae ninchi casinun cuwenta.
25136	LUK 4:4	Jesunan itsantinue: —Te, Diosichi Pilabi itsanque chuteca joe: Tsachila anobesiri sonnano itolajoyoe; jera Diosichi fiquica meráto sonnano jolajoyoeque chuteca joe tinue.
25140	LUK 4:8	Junni yucan tsantinunsi Jesunan itsantinue: —Yucan, we jachi manjide! Diosichi Pilabi itsanque chuteca joe: Miya Diosichi calesiri telenhintsan joe; yabesiri mantaino joeque chuteca joe.
25181	LUK 5:5	Junni Simonnan itsantinue: —Miya, man quepen dada queponatonan, manca watsanantiya catulajoyoe tinue. Tsannan nu dadaca manquepode! tinari, manan manqueponiquechinayoe tinue.
25184	LUK 5:8	Junni Simón Pedro mantimini tsaracari duque watsa cayaicaca quirato, duque wepananue. Junsi Zebedéochi paluca naolanan wepanalainue Jacóbobe Juánbenan. Yalanan Simonbe watsa pecamin jominlanue. Jerale Pédrobe pejominlanan duque watsa cayaicaca quirato, wepanalainue. Junni Pedro Jesuchi cale telenhito, itsantinue: —Miya, la duque jutsa pun tsachi joyoe tinue. Junni lachite nechi joqueide! tinue. Junni Jesús yabe itsantinue: —Jeleratude! Nu amanale nechi watsa camin itochunae; amanale nechiri tsachilaca labe cayaisa carimin jochunae tinue.
25188	LUK 5:12	Junni Jesús manca pueblobi nenasanan, duque lepra bichi chun tsachi manca janue. Jesuca quirato, yachi cale tobi mutsaito itsantinue: —Miya, laca nuchi manse suwano muquinari, manse suwano podeichunae tinue.
25189	LUK 5:13	Jesús junca meráto, tedechi tale quito, itsantinue: —Munarato, nuca tsaina manse suwanayoe tinue. Junni Jesús tsantinunsileri, lepra bichi jera manseinue.
25196	LUK 5:20	Aman Jesuri yaca tennaminla jonunca miito, ya quiyanpunbe itsantinue: —Amico, nuchi jutsaca piyarinayoe tinue.
25270	LUK 7:6	Tsantinan, Jesús yalabe pejinue. Junni aman capitanchi ya quelo fenasa, capitanni yachi amicolaca erenue yape Jesúlabe tulaibi jilaisa. Junni capitan ereca jun tsachila jalaito, Jesube itsanlatinue: —Miya, capitanni itsanque fiqui eree latinue. Te, jatusa tie latinue. Nuri capitanca fécari sen joto, yachibi jatusa tie latinue.
25304	LUK 7:40	Junni fariseo tsanque tenca canasa, Jesús yachi mumunca pato yabe itsantinue: —Simón, nube ticatiya cuenta quino muquee tinue. Junni fariséori Jesube pato, Maestro, paniquede! tinue.
25338	LUK 8:24	Junni yachi tsachila Jesuca mansoncarito itsanlatinue: —Miya, puyalaichinayoe latinue. Junni Jesús mansonhito wuca deisa mantanue. Latsacanan deisa mantanue. Tsantinunsi wuri jera mandeito owole cayainiinue.
25341	LUK 8:27	Junni canoabi nechi manlolainasa, jun pueblobi chumin tsachi Jesuca tulaibi janaminue. Junni jun tsachichibi duque yucanchi ocola wica jun jominue. Numarile nechi yachibi duque wica jun jominue. Fu puca nenato, yabi chutumin jominue; pantiyonbiri chuminue. Ya tsachica cadenachi teleto doca jominlanue. Junni ya cadenaca daraleto, epele sujimin jominue yucanchi ocolachi mantate. Ya tsachiri Jesuca quirato otito, yachi cale quepoinue. Junni Jesús yucanchi ocolaca mantato, tsachichibi nechi manloto jide! tinue. Junni yucanchi ocolanan sonba atito pato itsanlatinue: —Jesús, ¿nuri chiquilaca ti quebi jayun? latinue. Nuri jamochi chumin Diosichi Nao joe tilatinue. Junni chiquilaca casticaquitusa rocailainayoe tilatinue.
25359	LUK 8:45	Junni Jesuri ¿Laca mo taquiran? tinue. Junni jeralela taquiratiyoe latinasanan, Pedro itsantinue: —Miya, duque tsachilanan nuca taquiranilaquinae tinue. Nuchi awinta dilapowa ralarae tinue.
25362	LUK 8:48	Junni Jesús ya sonabe itsantinue: —Nama, laca tsarasi quereito manseie. Pansi manjiniide! tinue.
25403	LUK 9:33	Junni ya paluca tsachila Jesúchite nechi manjilainasanan, Pedro paniquinue. Tenca catuminnan pato itsantinue: —Miya, chiquilari in dubi rano duque se joe. Junni pemanca jelen ya quintsan joe tinue nuchi manca, Moisechi manca, Elíachi manca.
25419	LUK 9:49	Junni Juan itsantinue: —Miya, tsachi manca yucanchi ocolaca mansularinaminca quiralaquiyoe tinue. Nuchi mantate yucanchi ocolaca mansularinaminhe. Aman yari chiquilabe penenamin itonan, yaca tsantusa tilatiyoe tinue.
25424	LUK 9:54	Pocatulajonan, Jesube penenaminla paluca itsanlatinue: —Miya, matu to Elías Diosibe rocainue jamochi nechi ninca ereto seitonlaca jera nin posa. ¿Chiquilanan in seiton Samaria tsachilaca jun tsannan quintsan jotun? latinue. Jacóbobe Juanbe tsantilatinue.
25425	LUK 9:55	Junni Jesús yalaca quirato, itsantinue: —Te, tsanlaquitude! Nulari tenhituto yucanchi mite palaquinae tinue.
25429	LUK 9:59	Tsantitobi, manca tsachica labe penenana! tinue. Junni ya tsachiri itsantinue: —Miya, casale lachi apachica manjino joyoe tinue. Lachi apa puyanan menalaquetobi, lari nube penenabi manjanae tinue.
25431	LUK 9:61	Tsantinunsi, manca tsachi itsantinue: —Miya, lachi nube penenano muquee. Tsan josanan, casale manjino joyoe tinue yabi chuminlabe pansile manquiracaichunae tibi.
25449	LUK 10:17	Junni siete chunca tsachila ereca junla pansi manjalaito itsanlatinue: —Miya, yucanchi ocolacatiya nuchi mantate mantano podeilaiyoe latinue.
25453	LUK 10:21	Junni jun órate Jesús Diosichi Tencabe duque son tito, Apa Diosibe itsantinue: —Apa, jamochinan, tobinan nusiri Miya joe. Junto nuri duque miraminlaca nuchi sen fiquica miino podeisa caritue. Nuri uyan quiraque quino fe se jochunaeque tenca cae. Nalala cuwenta miratuminlacari nuchi sen fiquica miino podeisa carie. Jun tenchi la nube acradeseinayoe tinue.
25472	LUK 10:40	Marta mantimini ano danoca duque wepana quinaminue. Aman Marta wepananato, Jesúchica jato, itsantinue: —Miya, chique ano danasanan, chiquechi miyan lan chunirae tinue. ¿Nuchi tencari tsan rano se jono junhun? tinue. Ayudaisa mantade! tinue.
25473	LUK 10:41	Junni Miya Jesús yaca meráto, itsantinue: —Marta, nu ticatiya quinoca duque wepananae tinue.
25475	LUK 11:1	Jesús Diosibe rocainaminue. Jun deinunsileri, yabe penenamin tsachi manca Jesube itsantinue: —Miya, Mumunmin Juan yabe penenaminlaca Diosibe niyaque rocaino jonunca micarinue. Aman nunan chiquilaca rocaino micaride! tinue.
25542	LUK 12:14	Junni Jesunan itsantinue: —Amico, erensia quitsaleto cuwamin itoyoe tinue.
25569	LUK 12:41	Junni Jesús tsanque micarinunbi, Pedro yabe itsantinue: —Miya, ¿nu chiquilaberi tsantinayun, o piyanlelabenan tsantinayun? tinue.
25610	LUK 13:23	Junni tsachi manca yabe itsanque panhanue: —Miya, ¿se larica junlari narin jolajochunan? tinue. Junni Jesús yaca meráto, itsantinue:
25805	LUK 19:5	Aman Jesús jun chide pele quelo fenaminnan, jamochi quirato, Zaquéoca itsantinue: —Zaqueo, wewe manpatade! tinue. Amana la nuchi yaca moora chubi jino joyoe tinue.
25808	LUK 19:8	Junni Zaqueo mantimini wiruito, Miya Jesube itsantinue: —Miya, meráde! tinue. La tanunca man quitsa poperelachi cuwachinayoe tinue. Junsi encanato tarinca junlachi junpalu tsansi mancuwachinayoe tinue.
25855	LUK 20:7	Junni mantaminlari tsanque tenpatobi, Jesube itsanlatinue: —Te, miituntsan joe latinue. Mumunmin Juan Diosichi mantate mumunnamin jonunca, o tsachilachi mantate mumunnamin jonunca miituntsan joe tilatinue.
25864	LUK 20:16	Aman witaca manjato, cuidaiminlaca totechunae tinue. Yalaca toteto, ya witaca uyanlachi cuwachunae tinue. Junni Jesús jun cuentaca polarinato, israelita mantaminlari jun seiton cuidaiminla cuwenta jolajoeque pánaminue. Junni yalari jun cuentaca wepanato merasi, itsanlatinue: —Te, chiquilari yala cuwenta seiton quimin itolajoyoe latinue.
25950	LUK 22:17	Aman Jesús tsantisi, bino copa cato, Diosibe acradeseito, yachi tsachilachi cuwanato itsantinue: —Nen, inca nula tala cuchilaquede! tinue.
25964	LUK 22:31	Junsi aman Jesuri Simón Pédrobe itsantinue: —Simón, meráde! tinue. Nulaca yucan cachi tica joe pele tenca isa carichique. Tricoca petse larichun nisi wecacarinonan, yucan nulaca tsansi wecacarichi tica joe tinue nulachi tencaca pele pochique.
25966	LUK 22:33	Junni Pedro jun fiquica meráto, Jesube beconan pato itsantinue: —Miya, lari nuca numanan puratuanae tinue. La nube parejo doino jototiya, o puyano jototiya, nucari numanan puratuanae tinue.
25967	LUK 22:34	Aman Jesunan beco pato itsantinue: —Pedro, meráde! tinue. Nuri amana quepen laca purachunae. Nu walpa apaca capatusanan peman ne laca natiya miitoyoe tichunae tinue.
25971	LUK 22:38	Aman yachi tsachilari jun fiquica merasi, itsanlatinue: —Miya, quirade! Palupe espada talarayoe latinue. Aman Jesuri yape josa! tinue.
25975	LUK 22:42	itsanque rocainue: —Apa, nuchi munajanari, la padeseino jonunca polarisa tenjae. Tsan josanan, lachi tenca munateri tsanhisa tenjatue. Aman nuchi tenca munateri tsanquisa tenjae tinue.
25981	LUK 22:48	Jesús mantimini yabe itsantinue: —Judas, ¿nuri ti quichun laca mo tito saludaito cuwaponayun? tinue. ¿Ti quichun laca tsachi ica junca tsanque cuwaponayun? tinue.
26022	LUK 23:18	Junto Pilátori junca mantenhito, Jesuca nulachi tenchi manlariyanae tinue. Junni tsantinunsile, jerale israelítala layaito sonba pato, itsanlatinue: —Te, yacari totentsan joe latinue. Yaca natiya manlarituto, Barrabácari chiquilachi tenchi manlaride! tilatinue.
26046	LUK 23:42	Junni tsantisi, Jesube itsantinue: —Jesús, nuri Miya itobi, laca mantenhina! tinue.
26155	JHN 1:42	Junni Simonca Jesúchica tanjalainue. Junni Jesús ya Simonca tulan quirato, itsantinue: —Nu, Simón, Jonachi nao, amana nuca manca mumun manpochinayoe tinue. Nuca Cefas tinun jochunae tinue. (Aman israelítalachi fiquichi Pedro tito, Cefas timin jominlanue.)
26168	JHN 2:4	Jesuri itsantie: —Ayan, ¿ti quichun labe tsantiyun? La titiya quino óra caitoe tie.
26394	JHN 6:68	Junni Simón Pédrori itsantie: —Miya, nuca telaquepotori, ¿mochica jicaichunan? Nuchi fiquibesiri numatotiya sonnato poleno podeilaiyanae tie.
26469	JHN 8:19	Junni fariséolari Jesube manpanhato itsanlatie: —¿Nuchi apa tile chun? latie. Jesunan itsantie: —Lacanan, lachi Apacanan nula miitolajoe. Laca miralaramanpari, lachi Apacanan miica jono jominla jonhoe tie.
26511	JHN 9:2	Junni Jesube penenaminla Jesube itsanque panhalaquiyoe: —Miya, chiquilaca micaride! ¿Ya tsachi mochi jutsa tenchi quirano podeiton nainun? latiyoe. ¿Yachi jutsa tenchi jun, o yachi apachi, ayanchi jutsa tenchi jun? latiyoe.
26600	JHN 11:8	Junni chiquilari Jesube itsanlatiyoe: —Miya, ¿Judéabi israelita mantaminla tsaina nuca su walacachi quito totechi ticala jotun? latiyoe. Tsan josari, ¿niyaito junchi manjino muquin? tilatiyoe.
26604	JHN 11:12	Junni Jesús catson tsoe tinato, tsa catson tsocaca tsantitunue. Puyaca josanan tsantinaminue. Chiquila mantimini junca natiya catuituto, itsanlatiyoe: —Miya, catson tsotori, quiyan manseino jonhoe latiyoe.
26613	JHN 11:21	Junni Marta Jesúchibi fato itsantie: —Miya, nu inte matunan jaca jomanpari, chiquechi cayan puyano itomin jonhoe tie.
26619	JHN 11:27	Jesús tsantinan, Mártari itsanque tulanquee: —Miya, chiqueri quereiyoe. Nu jamochi nechi patano jomin Cristo joe. Nu Diosichi Nao joe. Junca quereica talari quereiyoe tie.
26633	JHN 11:41	Junni Jesús tsantinunbi, puyacaca menaranun forote nechi suca manlasilaquee. Junni Jesuri jamochi quirato itsantie: —Apa, nuri laca meránun tenchi la acradeseiyoe tie.
26635	JHN 11:43	Junni Jesús tsantitobi, sonba pato, itsanque otie: —Lázaro, manlade! tie.
26708	JHN 13:9	Tsantinunsile Simón Pedro itsantie: —Miya, nedecasiri tsaletude! tie. Tedecanan, misucanan tsalede! tie.
26709	JHN 13:10	Junni Pedro tsantinunsi, Jesuri itsantie: —Te, nedecari tsalentsan joe tie. Pucalete pipiyatobi, pucalete manpipiyano itoe; tobi nenato nedecari mantsaleto, pucalete manpipiyaca cuwenta manjolajochunae tie. Jun tsanquenan nulachi tenca jera tsaleca jolajoe tie. Junni nula jeralelachi tencaca tsaleca jun itolajoe tie.
26736	JHN 13:37	Junni Pédronan itsantie: —Miya, ¿niyaito nube pejino podeituichunan? tie. Nuchi tenchi puyanoyoe tie.
26742	JHN 14:5	Junni Jesús tsantinunsi, Tomari itsanque tulanquee: —Miya, nu nunchi jino jonunca miitolajoyoe tie. ¿Junto junchi jino jun minucari niyaito miintsan jun? tie.
26745	JHN 14:8	Junni Jesús tsantinunsi, Felíperi itsantie: —Miya, Apa Diosica chiquilachi quirawode! tie. Wari chiquilari nantari panhalaquituanae tie.
26746	JHN 14:9	Junni Felipe panunca meráto, Jesús itsantie: —Felipe, nulabe numari penenasanan, ¿laca camiitolajoyun? tie. Laca quiraminla Apa Diosicanan quiraminla joe tie. ¿Junni ti quichun Apa Diosica quirawode! tiyun? tie.
26871	JHN 18:17	Junni ya tamolan cuidaimin sona Pédrobe cuenta quito itsantie: —¿Nunan ya tsachibe penenamin itoyun? tie. Pédronan itsantie: —Te, yabe penenatumanyoe tie.
26894	JHN 18:40	Junni jun fiquica meráto, israelítalari sonba pato, itsanlatie: —Te, Jesuca manlarituna! Barrabaca manlaride! latie. Ya Barrabás mantimini tarinmin jominue.
26908	JHN 19:14	Junni casá ma quisinchi jominhe yotu tsansite. Junni Pilato junbi chudito, israelítalabe pato itsantie: —Nen, ina nulachi miya joe tie.
26982	JHN 21:15	Junni ano fitobi, Jesús Simón Pédrobe cuenta quee. Jesuri itsantie: —Simón, Jonachi nao, ¿nuri laca laquirato, inlaca fe laquirayun? tie. Junni Pédrori janhan tie. Miya, nu mirae tie nuca laquiraeque. Junni Jesús itsantie: —Laca laquiratori, lachi opisa na cuwenta junlaca cuidaina! tie.