54	GEN 2:23	Afesi tsandieja pushesuma attepa su: “¡Va tsu ñoa'me ña tsu'ttai'ccu, ña ttonoi'ccu ñama'caen ñoña'cho! Tisemanda gi inisiaña pushesuve. Nane Chigaja tsandie'suma tise've isusi ‘pushesu’ tsu.”
318	GEN 12:19	Nane que que'tte qquen susi gi ti'tssecan'da tisema pusheye'can. Ja'ñojan va'tti tsu que pushe. ¡Junde tisema angapa jaja!”
467	GEN 19:9	Tsa'ma aindeccuja su'fa: —¡Joqquitssija! Queja vani'sumbi qui. ¿Ma'caen qui ingima manda'je? Ja'ño gi tise'pama tsoñe in'janqquia'caen quema ti'tsse tsa'caen tson'faya. Tse'faei'ccuyi Lotma dañoñe ashaemba tsa'o sombo'ttinga catse'fa u'ccapa ca'niñe.
555	GEN 22:7	Japa Isaacja tise yayama iñajampaña: —¡Yaya! Abrahamjan su: —¿Jongoesie qui in'jan ña dutssi'ye? Isaacja su: —Que canjan, si'tsi, si'ngema'qque gi an'bian'fa. Tsa'ma, ¿mani tsu oveja du'shu ingi oquepa Chiganga afeye?
559	GEN 22:11	Tsa'ma tse'faei'ccuyi Na'su Chigama sefacconi'su shondo'su sefaccone ttu'sepa su: —¡Abraham! ¡Abraham! —Vani gi can'jen, —qquen tsu Abrahamjan su.
598	GEN 24:6	Tsonsi Abrahamjan su: —Isha, ¡ña dutssi'yema tseni angajama!
652	GEN 24:60	Tsa'caen moe'jemba qquen Rebecama ñotsse afa'fa: “Que ingi antianjan ¡tsain'bitssi aindeccumbe chanme qui daya! ¡Que omba'su dushundeccu tsu poiyi'cco que enemigondeccu canqquema patsu'faya!”
729	GEN 27:1	Isaacja coenza ccashe'yeve dapa atte'jeye oshambi. Fae a'ta tise dutssi'ye coenza Esaúma ttu'sepa su: —¡Jaricho! Qquen susi Esaúja su: —Afaja, yaya.
746	GEN 27:18	Tsonsi Jacobja tise yaya can'jeni ca'nimba su: —¡Yaya! Tsonsi Isaacja su: —Va'tti gi can'jen. ¿Ma'can ña du'shu qui ji?
764	GEN 27:36	Tsonsi Esaúja su: —¡Ñoa'me tsa'cañasi ti qui Jacobve inisian'fa! Nane ja'ñojan dos se tsu ñambema qqueñamba itsa. Otie tsu dutssi'ye coenza isuya'choma itsa. Tsomba ja'ñojan ñanga ñotsse tsoña'chove afaya'choma'qque itsa. ¿An'biambi ti qui faesu afa'choveyi'qque ñanga ñotsse tsoña'chove afaye?
791	GEN 28:17	Tsa'caen in'jamba dyopa asi'ttaen: “¡Ñoa'me dyo'tssi ti va'ttija! ¡Va'tti tsu Chiga Tsa'o! ¡Sefacconi Cani'jen'tti tsu!”
842	GEN 30:11	Leaja su: “¡Ñajan gana! Tsa'camba gi va du'shuma inisiaña Gad.”
844	GEN 30:13	Isusi Leaja su: “¡Ñoa'me avuja'cho tsu! Ja'ño tsu pushesundeccuja su'faya ñajan avujatssi. Tsa'cansi gi va du'shuma inisiaña Aser.”
898	GEN 31:24	Tsa'ma tsequi cose Chigaja ayo'oni, Labán, tsa arameo'su a'inga attiamba su: “¡Injama'tse! Jacobma iyicca'yeye'tsse afajama.”
903	GEN 31:29	Nane ñoa'me gi ñajan que'ima egae tsoñe osha. Tsa'ma ja'ño cose tsu que yayambe Chiga ñama afapa qquen su: ‘¡Injama'tse! Jacobma iyicca'yeye'tsse afajama.’
906	GEN 31:32	Tsa'ma majan va'tti canjen'su que chigandeccuma an'bian'da, ¡cuintsu paja! Nane ingi antiandeccu tsu paña'jen'fa. ¡Tta'ttapa atteja jongoesu quembema ña an'bian'chove! Tsa'ma Jacobja Raquel tsa chigandeccuma cca'na'chove atesumbipa tsa'caen su.
911	GEN 31:37	Pa'cco ña an'bian'choma asitta'a'qque, ¿jongoesu quembema qui atte? ¡Va'ttinga tsama ccuiñajan! Tsonsi que antiandeccu, ña antiandeccu'qque tsu su'faya majan ingi ñotsse injienge'chove.
920	GEN 31:46	tise antiandeccuma su: —¡Patuma boña'faja! Poiyi'cco tsu patuma fae'ttinga boñamba, tsa boña'cho pporotsse dyaipa an'fa.
1103	GEN 37:19	Nane tisupanaccu qquen afacco'fa: —Que can'faja, ¡jovoe tsu ayo'suja jiña!
1144	GEN 38:24	Tres ccovu pasasi Judánga jipa conda'fa: —Tamar, tsa que china, tsu faesu tsandiei'ccu ccuipa ja'ñojan surie dapa can'jen. Pañamba Judája fundopa su: —¡Tsa'o'ye somboemba tisema oque cati'faja!
1209	GEN 41:13	Tise ma'caen su'choja, ¡tsa'caen tsu pasa! Ñajan ccase tisu sema'banga ca'nisi faesuja quini'cconga pa.
1215	GEN 41:19	Tsendeccumbe sepaccoe tsu siete vaura egapa ñoa'me cuñosi na'eñe sombo'fa. ¡Minguite'qque gi vaura tsa'caen egama va Egiptonima attepa cansembi!
1239	GEN 41:43	Tsa'caen ondiqquian nanimba na'su faraón omboe ja'je'cho caronga otsiamba aindeccuma manda cuintsu tisema o'tie jayipa qquen fundo'faye: “¡Joqquitssi'faja cuintsu panshañe!” Tsa'cansi tsu poiyi'cco a'i José Egipto'su na'suve da'choma atte'fa.
1260	GEN 42:7	Tsa'caen tisenga puntssan'fasi attepa Joséja junde tise quindyandeccu qquen in'jan. Tsa'caen atte'ma tise'pama atesumbiqquia'caen tsomba iyicca'yepa afaqquia'caen tise'pama iñajampaña: —¡Que'ija! ¿mane qui ji'fa? Tise'paja su'fa: —Canaán andene gi ji'fa trigo chava'su.
1281	GEN 42:28	Attepa tise antiandeccunga su: —¡Que can'faja! ¡Ña corifin'dima toyaquiansi va'tti ña saquiyoni ppi'choma! Tsama attepa poiyi'cco tsendeccu dyopa tisupa injamáchoni chapepa tisupanaccu afacco'fa: —¿Jongoesie tsu Chigaja ingima qquen tson?
1289	GEN 42:36	Tsa'caen dyopa Jacobja su: —Du'shu me'ccoe qui ñama tsonjin'fa. Joséja ingi'ccu can'jembi. Simeón'qque tsa'cañi. ¡Ja'ñonda qui Benjamínma'qque itsaye in'jan'fa! ¡Pa'cco tsa nepi'cho tsu ña vanaña'chove da!
1294	GEN 43:3	Tsa'ma Judája su: —Tsa tsandieja a'tatsse inginga qquen su: ‘Que'i antian chu'ama imbi'ta ¡ccase vani ji'fajama!’
1296	GEN 43:5	Tsa'ma que tisema moembian'da gi ja'faya'bi. Nane tsa a'ita tsu su: ‘¡Que'i antian chu'ama imbi'ta ccase vani ji'fajama!’
1301	GEN 43:10	Que se'pisi ronda'jembiecan'da, ¡tayo gi dos se japa ji'faye'can!
1322	GEN 43:31	I'na'choma vuiquipa tisu camba'juma ovashipa sombopa manda: “¡Anqque'suma ccutsian'faja añe!”
1330	GEN 44:5	Tsa tasanga tsu ña na'suja cu'ipa camba ma'caen daya'chove atesu'je'cho. ¡Ñoa'me egave qui tson'fa!”
1360	GEN 45:1	Majan tisema shondosundeccu tseni can'jen'fasi Joséja ti'tsse injama'choni osha'chove a'tuye oshambipa quian'me fundo: “¡Poiyi'cco va'ttie sombo'faja!” Tsa'caen tteya moesi poiyi'cco tisema shondosundeccu me'i'en ja'fasi Joséja tise antiandeccunga tisuma attian.
1363	GEN 45:4	Tsa'ma Joséja su: —Chigáne, ¡ñanga catse'faja! Tise'pa catse'fasi Joséja su: —Ña gi que'i antian, José, que'i egiptondeccunga chavaen'cho.
1372	GEN 45:13	Ña yayanga condase'faja ma'caen ña egipto'suma manda'je'choma, toya'caen pa'cco que'i vani atte'choma. ¡Junde japa ña yayama i'nga'faja!
1383	GEN 45:24	Joséja tise antiandeccuma chigambiamba moe'jemba qquen su: —¡Tsaiqui'ye jayipa tisupanaccu iyicco'fajama! Tsonsi japa
1387	GEN 45:28	Avujapa su: “¡Nanitssi tsu ña dutssi'ye José toya canse'choma ña pañasi! Toya pambi'te gi japa tisema atteya.”
1446	GEN 47:25	Tsama pañamba tsendeccuja su'fa: —¡Queja ño'amba ingima ccushaensi gi avujatssi'fa faraónmbe tsangae semasundeccuve daye!
1452	GEN 47:31	Tsa'ma tise yayaja ccase quian'me su: —¡Ñoa'metsse suja! Tsonsi José ñoa'metsse susi Israelja tise ana'jen'cho'su asusu'chonga ccui.
1470	GEN 48:18	Indipa su: —¡Me'in, qquen tsonjama, yaya! Va tsu coenza. Vambe tsovenga tansinfa'su tivei'ccu pporaenjan.
1471	GEN 48:19	Tsa'ma tise yayaja tsa'caen tsoñe in'jambipa su: —¡Tayo gi in'jan, jaricho, tayo gi in'jan! Toya'caen tsa'qque tsu joccapitssia aindeccuve atapaya. Tsa'ma tise quinshin tsu tisema ti'tsse joccapitssiya. Nane tsambe omba'su dushundeccu tsu ti'tsse tsain'bitsse atapa'faya.
1492	GEN 49:18	Ña Na'su, ¡ronda'je qui que ñama ccushaeñe!
1498	GEN 49:24	Tsa'ma Joséja tise tive quin'amba oyambitsse tise battittianccuma indipa poini battittian'jen. ¡Ñotssi tsu Jacobmbe Chiga Osha'choma Oshacho'cho! ¡Ñotssi tsu coira'sumbe inise. Tise tsu israendeccuma angacan!
1499	GEN 49:25	José, ¡ñotssi tsu que yaya'yembe Chiga! Tsa tsu quema fuiteya. Tsa Chiga Osha'choma Oshacho'cho tsu quema ñotsse tsoña'chone afaya. ¡Nane sefaccone tsu quema ñotsse tsoña! ¡Mar tsosine'qque tsu quema ñotsse tsoña! Toya'caen quema ñotsse tsonsi tsu que'su pushesundeccuja tsain'bio du'shuve isupa chochoemba coeña'faya.
1526	GEN 50:19	Tsa'ma Joséja tise'panga su: —¡Dyombe can'faja! Ñajan Chigambi gi injama'choma somboeñe.
23233	MAT 1:20	Tsa'caen asi'ttaen'jen'ni Na'su Chigama sefacconi'su shondo'su tisenga ji. José anamba ayo'osi sefacconi'su shondo'su attiamba su: —¡José, David dutssi'ye! Dyombe'yi que pushe Maríama que tsaoni angaja. Tise ttopanga an'du'cho du'shuja Chiga Qquendya'pa du'shu tsu.
23549	MAT 11:21	—¡Vana'faya qui Corazín canqquesundeccu! ¡Vana'faya qui Betsaida canqquesundeccu! Que'ija ñotsse Chiga tson'choma atte'fa. Chiga tsa'caen Tiro, Sidón canqquenga tsoña'choecan'da ñoa'me tsu junde tseni'su aindeccu tise'pa egae tsincon'choma chi'gapa Chigama iñajan'faye'can. Ñombi'yepa canjaen'cho sarupai'ccu ondiccupa cusepai'ccu tsu onjon'faye'can tisu egae tsincon'choma catiye in'jan'choma canjaeñe.
23692	MAT 14:26	Tsa'caen na'en omba'ye tsui jisi attepa tisema shondosundeccu ñoa'me dyo'fa. Dyopa quia'me fundo'fa: —¡Aya tsu!
23695	MAT 14:29	Qquen susi Jesús tisema su: —Jujú, ¡jija! Tsonsi Pedro shavo'ye sombopa na'en omba'ye tsui ja Jesúsnga jaye.
23696	MAT 14:30	Tsa'ma tsui jayipa fingiama in'jamba dyo. Dyopa andeccoye ashaen. Andeccoye tson'jemba quia'me fundo qquen supa: —Na'su, ¡ñama ccushaenjan!
23709	MAT 15:7	¡Ño'ame attiamba afopoensundeccu qui! Tansintsse tsu tayopi'su Isaíasja que'ine tevaen. Chiga su'choma tsu qquen tevaen:
23748	MAT 16:7	Jesús qquen susi tisema shondosundeccuja asi'ttaemba afacco'fa: —¡Panma i'fambisi tsu ya'caen su!
23764	MAT 16:23	Tsa'ma Jesús pañamba piyicamba Pedroma su: —Satana, ¡ña'ttie joqquitssija! ¿Ñama qqueñañe ti qui in'jan? Ñoa'me Chiga in'janqquia'caen qui in'jambi. A'i in'janqquia'caen qui in'jan.
23803	MAT 18:7	Va andeni osha'cho tsu jin a'ima qqueñañe cuintsu egae tsincon'faye. ¡Va'cha tsu va ande'su aindeccu! Tsaveqque'su egae tsincoñe qqueñasi tsu egae tsincon'faya. Tsa'ma ti'tsse va'cha tsu tsa a'ija majan cca'ima egae tsoñe injaen'su.
23904	MAT 21:9	Majan a'i o'tie jayi'fa. Cca'indeccu sepaccofae jiña'fa. Poiyi'cco tsu fundondo'e qquen afa'fa: —¡Avuja'faja! Ñotssi tsu na'su David Dutssi'ye. Na'su Chiga tisema mandasi jipa ñoa'me avujatssi tsu. Ñotssi tsu Chiga Quitsa sefacconi canjen'su.
24000	MAT 23:13	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Sombo'ttima piccoqquia'caen qui se'pi'fa cca'indeccu Chigave in'jamba Tisema na'sian'cho aindeccuve da'fasa'ne. Nane que'ija Chiga sefacconi ca'nimbipa cca'indeccu ca'niñe in'jan'fasi qui tise'pama se'pi'fa.
24001	MAT 23:14	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Tsandupajen'chondeccuma afopoemba tise'pa tsa'oma cca'namba itsa'fa. Tsa'caen egae tsomba qui injan'tsse Chigama iñajan'fa poiyi'cco a'i pañamba que'ija ño'a'fa qquen in'jan'faye. Tsa'caen tson'chone tsu Chigaja que'ima ti'tsse vanaeña.
24002	MAT 23:15	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Biani'su andenga japa, mar jonifani'qque qui ja'fa fae'cco a'ima in'jaeñe cuintsu que'i in'janqquia'caen in'jañe. Tisema tsa'caen in'jaen'da qui tisuma ti'tsse egave tson'fa. Nane tiseja tsa'caen dapa ti'tsse tsu shacaen si'nge anchanda'je'chonga jaya'choe.
24003	MAT 23:16	¡Vana'faya qui cca'ima angacansundeccu! Binindeccu qui. Qquen qui su'fa: “A'i tise su'cho ñoa'me su'cho qquen canjaeñe in'jamba Chiga ettima afa'a'qque ñoa'me su'chove canjaembi. Tsa'ma ‘Chiga etti'su cori caña'jen'ni’ qquen su'ta ñoa'me su'chove tsu canjaen.”
24004	MAT 23:17	¡Binimba qui sumbi'fa! Tsa corima Chiga ettinga afesi Chigambe cori tsu. Tsambi'ta aqquia cori tsu. Tsa'cansi Chiga etti tsu tsa corima ti'tsse'tssia.
24006	MAT 23:19	¡Ñoa'me bini'fa qui! Afe'cho aña'cho oque oraen'jen'cho mesanga ccuipa Chigambe tsu. Tsambi'ta aqquia aña'cho tsu. Tsa'cansi oque oraen'jen'cho mesa tsu afe'je'cho aña'choma ti'tsse'tssia.
24010	MAT 23:23	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Que'ija osha'choma decimo enttingeccoeyi Chiganga afeye atesu'fa, Tisema avujaeñe. Nane pa'cco ccoma, pa'cco cuña, pa'cco shinccapama'qque qui Chiganga decimo enttingeccoeyi afeye atesu'fa. Tsa'ma tsa'caen afe'a'qque manda'cho ti'tsse in'jan'choma qui cati'fa. Nane poiyi'ccoma fae'ngatsse tsoñe qui in'jan'fambi. Mendeqquiama qui ñotsse mende'ye'fambi. Ñoa'me tisu suqquia'caen tsombipa qui injanga canse'fa. Aqque'pa'fajama Chiganga afeye. Tsa'ma Chiga mandaqquia'caen canseye tsu ñoa'me tsoña'cho.
24011	MAT 23:24	¡Bini angacansundeccu qui! ¡Nane ocuma cundesa'ne osha'choma ofi catipa qui camelloma cunde'fa! Tsa'caeñi utu'ccoa manda'choma pañamba joccapitssiama qui aqque'pa'fa.
24012	MAT 23:25	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Tasama sepaccofaveyi giya'tsse cashisi naccunijan toya amundetssiqquia'caen qui ñotsse attiamba cca'indeccumbema cca'namba in'jangae canse'fa.
24013	MAT 23:26	¡Bini qui fariseo! Tasa naccuma o'tie cashiqquia'caen tisu injama'choma o'tie ñoñaña'cho. Injama'choni ñotssi'ta qui ñoa'me ñotssi.
24014	MAT 23:27	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Pa'choma atu'tti totoai'ccu onjoensi ñotsse attianqquia'caen qui ñotsse attian'fa. Tsa'ma tsosini pa'chondeccu tsu'tta, osha'cho congomba'qque shequeqquia'caen
24016	MAT 23:29	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Chiga Aya'fama afasundeccu a'tu'ttima qui ñotssia atu'ttive ñoña'fa. Majan pa'chondeccuja tise'pa canseite ñotssia a'isi qui tise'pa atu'ttima te'taen'fa.
24020	MAT 23:33	¡Ñoa'me iyoacan'fa qui! ¡Iyombe a'i'fa qui! ¿Ma'caen qui tisuma ccushaen'faya? Si'nge anchanda'je'chonga qui ja'faya.
24024	MAT 23:37	¡Jerusalén, Jerusalén, Chiga Aya'fama afasundeccuma qui fi'tti! Chiga quenga moensi ji'chondeccuma qui patui'ccu ttovaccoen. Nane arapa tise dushundeccuma sanccopai'ccu sa'vianqquia'caen gi que dushundeccuma me'deye in'jan. Tsa'ma tsa'caen ña in'jansi qui se'pi.
24026	MAT 23:39	Ñoa'me gi su: Ccatsse'qque ñama atte'faya'bi qui qquen suya'ngae: “¡Ñoa'me ñotssi tsu Na'su Chiga Quitsa moensi ji'cho!”
24083	MAT 25:6	Ana'jensi ñoa'me enttinge cose cca'ija fundo: “¡Pusheya'cho tsandie tsu jiña! Japa cachui'faja.”
24088	MAT 25:11	Tayo picco'fasi chava'su jasundeccuja jipa su'fa: “¡Na'su, na'su, sombo'ttima fettaja!”
24169	MAT 26:46	Jangi'faja. Jinge jaye. ¡Ñama chi'gapa afe'su tayo tsu ji!
24188	MAT 26:65	Jesús tsa'caen susi joccapitssia Chigama afa'su na'su iyicca'yepa tsama canjaeñe in'jamba tisu ondiccu'jema chi'ttapa su: —¡Chigama tsu afase'je! ¿Micomba gi camba afasundeccuveyi ti'tsse ronda'je'fa? Tayo gi paña'fa tise Chigama afase'choma.
24219	MAT 27:21	Tsonsi governaror ccase aindeccuma iñajampaña: —Ñanga condaja. ¿Majame qui in'jan'fa va dos indiye'suma ña ccupaye? Iñajampañasi tsu su'fa: —¡Barrabásma ccupaja!
24220	MAT 27:22	Qquen susi Pilatoja iñajampaña: —Barrabásma ccupa'ta ¿mingae gi Jesúsmajan tsoña? Tsaja Chigambe Cristo qquen tsu poiyi'cco su'fa. Tsa'ma aindeccuja su'fa: —¡Avuja'cconga fi'ttija!
24221	MAT 27:23	Pilatoja su: —¿Jongoesune gi tisemajan fi'ttiya? ¿Jongoesuma tsu egae tsincon? Qquen susi ti'tsse tsu fundondo'e afa'fa: —¡Avuja'cconga fi'ttija!
24223	MAT 27:25	Tsa'caen canjaemba susi aindeccuja su'fa: —¡Ingi tisema fi'ttiye in'jamba fi'tti'chone inginga tsu shacave antte! ¡Ingi dushundeccunga'qque tsu shacave antte!
24227	MAT 27:29	Boicco nojama'qque otifaccuve ugapa tisema otifaen'fa. Caofa'ccoma'qque na'su quini'cco'pa'ca'en tise tivenga indian'fa. Tsomba afase co'feye ashaemba tisenga ccarupa dyaipa su'fa: —¡Ti'tsse canseja israe'su na'su!
24238	MAT 27:40	qquen supa: —¡Queja Chiga ettima osaemba tres a'tangae ccase ñoñañe qquen su'chota tisuma ccushaenjan! ¡Que qui ñoa'me Chiga Dutssi'yeta avuja'cco'ye andeja!
24240	MAT 27:42	—Cca'indeccuma ccushaemba tisumajan ccushaeñe oshambi. Tiseja israe'su na'su qquen tsu su. ¡Tise ja'ño avuja'cco'ye andesi gi tise've in'jamba paña'faya!
24252	MAT 27:54	Tsa'caen tsonsi sundaro capitán, faesu Jesúsma caña'jen'cho sundarondeccu'qque osha'choma atte'fa. Ande oya'je'choma'qque in'jamba dyo'fa. Dyopa su'fa: —¡Va tsandieja ñoa'me Chiga Dutssi'ye tsu!
24286	MRK 1:2	Tayopi Chiga Aya'fama afa'su Isaíasja Chiga su'choma qquen tevaen: ¡Que canjan! Quema o'tie gi moeña ña mandasi afa'suma que jiya'chove ñoñañe.
24309	MRK 1:25	Qquen susi Jesús cocoyama iyu'upa su: —¡Ziyaja! ¡Joqquitssija va tsandie'ye!
24353	MRK 2:24	Tsonsi fariseondeccu attepa Jesúsnga su'fa: —¡Canjan! ¿Jongoesie tsu quema shondosundeccuja qquen sema'jen'fa? Nane Chiga manda'cho tsu se'pi sema'ma'qquia a'ta tsa'caen semañe.
24368	MRK 3:11	Tsa'caen tson'jen'ni majan cocoya a'inga ca'nimba can'jen'cho Jesúsma attepa tise tsovejufanga ccaru dyaipa qquen fundo'fa: —¡Queta qui Chiga Dutssi'ye!
24430	MRK 4:38	Jesúsja shavo setsanga asusu'choemba ana'jen. Tsa'caen shave'pa jangisi tisema shondosundeccu Jesúsma qquendyaemba su'fa: —Atesian'su, ¿injiengembi ti qui? ¡Cu'nomba gi paye tson'jen'fa!
24431	MRK 4:39	Tsonsi Jesús qquendyapa, fingiama iyu'upa, marma manda: —¡Vuiquija! ¡Ppimppianccuve daja! Qquen susi fingian pasasi mar'qque ppimppi'en da.
24440	MRK 5:7	Tsonsi Jesúsja su: —Cocoya, ¡joqquitssija va a'i'ye! Tsa'caen susi cocoyaja a'ima afaensi quia'me fundopa su: —¡Joccapitssia Chigambe Dutssi'ye qui, Jesús! ¿Jongoesie qui ñangata ji? ¡Chigáne ñama noñangianjama!
24566	MRK 7:34	Tsomba sefacconima camba qquendyaccopa su: —¡Efata! (Fettayeja, qquen tsu su.)
24584	MRK 8:15	Tsonsi Jesúsja tise'pama mandapa su: —¡Can'faja! Injama'tse in'jan'fajama fariseondeccu cupana'ccoma, ni Herodes cupana'ccoma'qque.
24602	MRK 8:33	Tsa'ma Jesús poiyi'cco tisema shondosundeccuma piyicamba Pedroma ccane'qque iyu'u: —¡Joqquitssija ña'ñe Satana! Nane Chiga in'janqquia'caen qui in'jambi. A'i in'janqquia'caen qui in'jan.
24626	MRK 9:19	Jesús pañamba su: —¡Ay, que'ija injienge'fambi! ¿Min'ge'e gi que'i'ccuta can'jeña? ¿Min'ge'e gi tsuin'da angacaña? ¡I'faja du'shuma!
24631	MRK 9:24	Tsonsi du'shumbe yayaja fundondo'e afa: —In'jan gi ñajan. ¡Ñama fuiteja ña ti'tsse in'jañe!
24633	MRK 9:26	Tsa'caen susi cocoyaja fundopa du'shuma ccase pan'jaemba somboin ja. Tsa'caen jasi du'shuja paqquia'caen ccui. Tsonsi cca'ija su'fa: —¡Tayo tsu pa'ya!
24730	MRK 11:21	Attepa Pedroja Jesús su'choma in'jamba tisenga su: —Atesian'su, que canjan, que iyu'upa susi ¡higuera'jin tayo samba!
24771	MRK 12:29	Tsonsi Jesúsja su: —Ti'tsse'tsse manda'cho tsu qquen: “¡Paña'faja israe aindeccu! Na'su ingi Chiga, tsayi tsu Na'suja.
24787	MRK 13:1	Jesús Chiga etti'ye sombopa jayisi fa'e tisema shondo'su tisenga su: —Atesian'su, ¡que canjan, va patu randei'ccu tsao'ña'cho ñoncca'osi!
24795	MRK 13:9	¡Que'iyi'qque in'jan'faja! Que'ima indipa nasundeccu bo'fa'chonga afe'faya cuintsu iyu'u'faye. Nane Chigane atesian'jenttinga angapa que'ima ma'ppi'faya. Que'i ñama in'jansi tsu que'ima ccutsian'faya quini'ccopandeqquianga, ande nasundeccunga'qque. Tsa'caen ccutsian'fasi qui tise'panga ñane ñotsse afa'faya.
24823	MRK 13:37	Nane ña que'inga suqquia'caen gi poiyi'cconga su: ¡Ñotsse injan'jen'faja!
24829	MRK 14:6	Tsa'ma Jesúsja su: —¡Antte'faja! ¿Jongoesie qui va pushesuma noñangian'fa? Ñoa'me ñotsse tsu tiseja ñama tson.