598	GEN 24:6	Tsonsi Abrahamjan su: —Isha, ¡ña dutssi'yema tseni angajama!
652	GEN 24:60	Tsa'caen moe'jemba qquen Rebecama ñotsse afa'fa: “Que ingi antianjan ¡tsain'bitssi aindeccumbe chanme qui daya! ¡Que omba'su dushundeccu tsu poiyi'cco que enemigondeccu canqquema patsu'faya!”
842	GEN 30:11	Leaja su: “¡Ñajan gana! Tsa'camba gi va du'shuma inisiaña Gad.”
844	GEN 30:13	Isusi Leaja su: “¡Ñoa'me avuja'cho tsu! Ja'ño tsu pushesundeccuja su'faya ñajan avujatssi. Tsa'cansi gi va du'shuma inisiaña Aser.”
906	GEN 31:32	Tsa'ma majan va'tti canjen'su que chigandeccuma an'bian'da, ¡cuintsu paja! Nane ingi antiandeccu tsu paña'jen'fa. ¡Tta'ttapa atteja jongoesu quembema ña an'bian'chove! Tsa'ma Jacobja Raquel tsa chigandeccuma cca'na'chove atesumbipa tsa'caen su.
911	GEN 31:37	Pa'cco ña an'bian'choma asitta'a'qque, ¿jongoesu quembema qui atte? ¡Va'ttinga tsama ccuiñajan! Tsonsi que antiandeccu, ña antiandeccu'qque tsu su'faya majan ingi ñotsse injienge'chove.
1103	GEN 37:19	Nane tisupanaccu qquen afacco'fa: —Que can'faja, ¡jovoe tsu ayo'suja jiña!
1209	GEN 41:13	Tise ma'caen su'choja, ¡tsa'caen tsu pasa! Ñajan ccase tisu sema'banga ca'nisi faesuja quini'cconga pa.
1215	GEN 41:19	Tsendeccumbe sepaccoe tsu siete vaura egapa ñoa'me cuñosi na'eñe sombo'fa. ¡Minguite'qque gi vaura tsa'caen egama va Egiptonima attepa cansembi!
1289	GEN 42:36	Tsa'caen dyopa Jacobja su: —Du'shu me'ccoe qui ñama tsonjin'fa. Joséja ingi'ccu can'jembi. Simeón'qque tsa'cañi. ¡Ja'ñonda qui Benjamínma'qque itsaye in'jan'fa! ¡Pa'cco tsa nepi'cho tsu ña vanaña'chove da!
1387	GEN 45:28	Avujapa su: “¡Nanitssi tsu ña dutssi'ye José toya canse'choma ña pañasi! Toya pambi'te gi japa tisema atteya.”
1446	GEN 47:25	Tsama pañamba tsendeccuja su'fa: —¡Queja ño'amba ingima ccushaensi gi avujatssi'fa faraónmbe tsangae semasundeccuve daye!
1452	GEN 47:31	Tsa'ma tise yayaja ccase quian'me su: —¡Ñoa'metsse suja! Tsonsi José ñoa'metsse susi Israelja tise ana'jen'cho'su asusu'chonga ccui.
1470	GEN 48:18	Indipa su: —¡Me'in, qquen tsonjama, yaya! Va tsu coenza. Vambe tsovenga tansinfa'su tivei'ccu pporaenjan.
1492	GEN 49:18	Ña Na'su, ¡ronda'je qui que ñama ccushaeñe!
1498	GEN 49:24	Tsa'ma Joséja tise tive quin'amba oyambitsse tise battittianccuma indipa poini battittian'jen. ¡Ñotssi tsu Jacobmbe Chiga Osha'choma Oshacho'cho! ¡Ñotssi tsu coira'sumbe inise. Tise tsu israendeccuma angacan!
1499	GEN 49:25	José, ¡ñotssi tsu que yaya'yembe Chiga! Tsa tsu quema fuiteya. Tsa Chiga Osha'choma Oshacho'cho tsu quema ñotsse tsoña'chone afaya. ¡Nane sefaccone tsu quema ñotsse tsoña! ¡Mar tsosine'qque tsu quema ñotsse tsoña! Toya'caen quema ñotsse tsonsi tsu que'su pushesundeccuja tsain'bio du'shuve isupa chochoemba coeña'faya.
23549	MAT 11:21	—¡Vana'faya qui Corazín canqquesundeccu! ¡Vana'faya qui Betsaida canqquesundeccu! Que'ija ñotsse Chiga tson'choma atte'fa. Chiga tsa'caen Tiro, Sidón canqquenga tsoña'choecan'da ñoa'me tsu junde tseni'su aindeccu tise'pa egae tsincon'choma chi'gapa Chigama iñajan'faye'can. Ñombi'yepa canjaen'cho sarupai'ccu ondiccupa cusepai'ccu tsu onjon'faye'can tisu egae tsincon'choma catiye in'jan'choma canjaeñe.
23692	MAT 14:26	Tsa'caen na'en omba'ye tsui jisi attepa tisema shondosundeccu ñoa'me dyo'fa. Dyopa quia'me fundo'fa: —¡Aya tsu!
23696	MAT 14:30	Tsa'ma tsui jayipa fingiama in'jamba dyo. Dyopa andeccoye ashaen. Andeccoye tson'jemba quia'me fundo qquen supa: —Na'su, ¡ñama ccushaenjan!
23709	MAT 15:7	¡Ño'ame attiamba afopoensundeccu qui! Tansintsse tsu tayopi'su Isaíasja que'ine tevaen. Chiga su'choma tsu qquen tevaen:
23748	MAT 16:7	Jesús qquen susi tisema shondosundeccuja asi'ttaemba afacco'fa: —¡Panma i'fambisi tsu ya'caen su!
23764	MAT 16:23	Tsa'ma Jesús pañamba piyicamba Pedroma su: —Satana, ¡ña'ttie joqquitssija! ¿Ñama qqueñañe ti qui in'jan? Ñoa'me Chiga in'janqquia'caen qui in'jambi. A'i in'janqquia'caen qui in'jan.
23803	MAT 18:7	Va andeni osha'cho tsu jin a'ima qqueñañe cuintsu egae tsincon'faye. ¡Va'cha tsu va ande'su aindeccu! Tsaveqque'su egae tsincoñe qqueñasi tsu egae tsincon'faya. Tsa'ma ti'tsse va'cha tsu tsa a'ija majan cca'ima egae tsoñe injaen'su.
24000	MAT 23:13	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Sombo'ttima piccoqquia'caen qui se'pi'fa cca'indeccu Chigave in'jamba Tisema na'sian'cho aindeccuve da'fasa'ne. Nane que'ija Chiga sefacconi ca'nimbipa cca'indeccu ca'niñe in'jan'fasi qui tise'pama se'pi'fa.
24001	MAT 23:14	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Tsandupajen'chondeccuma afopoemba tise'pa tsa'oma cca'namba itsa'fa. Tsa'caen egae tsomba qui injan'tsse Chigama iñajan'fa poiyi'cco a'i pañamba que'ija ño'a'fa qquen in'jan'faye. Tsa'caen tson'chone tsu Chigaja que'ima ti'tsse vanaeña.
24002	MAT 23:15	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Biani'su andenga japa, mar jonifani'qque qui ja'fa fae'cco a'ima in'jaeñe cuintsu que'i in'janqquia'caen in'jañe. Tisema tsa'caen in'jaen'da qui tisuma ti'tsse egave tson'fa. Nane tiseja tsa'caen dapa ti'tsse tsu shacaen si'nge anchanda'je'chonga jaya'choe.
24003	MAT 23:16	¡Vana'faya qui cca'ima angacansundeccu! Binindeccu qui. Qquen qui su'fa: “A'i tise su'cho ñoa'me su'cho qquen canjaeñe in'jamba Chiga ettima afa'a'qque ñoa'me su'chove canjaembi. Tsa'ma ‘Chiga etti'su cori caña'jen'ni’ qquen su'ta ñoa'me su'chove tsu canjaen.”
24006	MAT 23:19	¡Ñoa'me bini'fa qui! Afe'cho aña'cho oque oraen'jen'cho mesanga ccuipa Chigambe tsu. Tsambi'ta aqquia aña'cho tsu. Tsa'cansi oque oraen'jen'cho mesa tsu afe'je'cho aña'choma ti'tsse'tssia.
24010	MAT 23:23	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Que'ija osha'choma decimo enttingeccoeyi Chiganga afeye atesu'fa, Tisema avujaeñe. Nane pa'cco ccoma, pa'cco cuña, pa'cco shinccapama'qque qui Chiganga decimo enttingeccoeyi afeye atesu'fa. Tsa'ma tsa'caen afe'a'qque manda'cho ti'tsse in'jan'choma qui cati'fa. Nane poiyi'ccoma fae'ngatsse tsoñe qui in'jan'fambi. Mendeqquiama qui ñotsse mende'ye'fambi. Ñoa'me tisu suqquia'caen tsombipa qui injanga canse'fa. Aqque'pa'fajama Chiganga afeye. Tsa'ma Chiga mandaqquia'caen canseye tsu ñoa'me tsoña'cho.
24011	MAT 23:24	¡Bini angacansundeccu qui! ¡Nane ocuma cundesa'ne osha'choma ofi catipa qui camelloma cunde'fa! Tsa'caeñi utu'ccoa manda'choma pañamba joccapitssiama qui aqque'pa'fa.
24012	MAT 23:25	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Tasama sepaccofaveyi giya'tsse cashisi naccunijan toya amundetssiqquia'caen qui ñotsse attiamba cca'indeccumbema cca'namba in'jangae canse'fa.
24013	MAT 23:26	¡Bini qui fariseo! Tasa naccuma o'tie cashiqquia'caen tisu injama'choma o'tie ñoñaña'cho. Injama'choni ñotssi'ta qui ñoa'me ñotssi.
24014	MAT 23:27	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Pa'choma atu'tti totoai'ccu onjoensi ñotsse attianqquia'caen qui ñotsse attian'fa. Tsa'ma tsosini pa'chondeccu tsu'tta, osha'cho congomba'qque shequeqquia'caen
24016	MAT 23:29	¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Chiga Aya'fama afasundeccu a'tu'ttima qui ñotssia atu'ttive ñoña'fa. Majan pa'chondeccuja tise'pa canseite ñotssia a'isi qui tise'pa atu'ttima te'taen'fa.
24020	MAT 23:33	¡Ñoa'me iyoacan'fa qui! ¡Iyombe a'i'fa qui! ¿Ma'caen qui tisuma ccushaen'faya? Si'nge anchanda'je'chonga qui ja'faya.
24083	MAT 25:6	Ana'jensi ñoa'me enttinge cose cca'ija fundo: “¡Pusheya'cho tsandie tsu jiña! Japa cachui'faja.”
24169	MAT 26:46	Jangi'faja. Jinge jaye. ¡Ñama chi'gapa afe'su tayo tsu ji!
24219	MAT 27:21	Tsonsi governaror ccase aindeccuma iñajampaña: —Ñanga condaja. ¿Majame qui in'jan'fa va dos indiye'suma ña ccupaye? Iñajampañasi tsu su'fa: —¡Barrabásma ccupaja!
24223	MAT 27:25	Tsa'caen canjaemba susi aindeccuja su'fa: —¡Ingi tisema fi'ttiye in'jamba fi'tti'chone inginga tsu shacave antte! ¡Ingi dushundeccunga'qque tsu shacave antte!
24238	MAT 27:40	qquen supa: —¡Queja Chiga ettima osaemba tres a'tangae ccase ñoñañe qquen su'chota tisuma ccushaenjan! ¡Que qui ñoa'me Chiga Dutssi'yeta avuja'cco'ye andeja!
24252	MAT 27:54	Tsa'caen tsonsi sundaro capitán, faesu Jesúsma caña'jen'cho sundarondeccu'qque osha'choma atte'fa. Ande oya'je'choma'qque in'jamba dyo'fa. Dyopa su'fa: —¡Va tsandieja ñoa'me Chiga Dutssi'ye tsu!
24286	MRK 1:2	Tayopi Chiga Aya'fama afa'su Isaíasja Chiga su'choma qquen tevaen: ¡Que canjan! Quema o'tie gi moeña ña mandasi afa'suma que jiya'chove ñoñañe.
24431	MRK 4:39	Tsonsi Jesús qquendyapa, fingiama iyu'upa, marma manda: —¡Vuiquija! ¡Ppimppianccuve daja! Qquen susi fingian pasasi mar'qque ppimppi'en da.
24440	MRK 5:7	Tsonsi Jesúsja su: —Cocoya, ¡joqquitssija va a'i'ye! Tsa'caen susi cocoyaja a'ima afaensi quia'me fundopa su: —¡Joccapitssia Chigambe Dutssi'ye qui, Jesús! ¿Jongoesie qui ñangata ji? ¡Chigáne ñama noñangianjama!
24602	MRK 8:33	Tsa'ma Jesús poiyi'cco tisema shondosundeccuma piyicamba Pedroma ccane'qque iyu'u: —¡Joqquitssija ña'ñe Satana! Nane Chiga in'janqquia'caen qui in'jambi. A'i in'janqquia'caen qui in'jan.
24730	MRK 11:21	Attepa Pedroja Jesús su'choma in'jamba tisenga su: —Atesian'su, que canjan, que iyu'upa susi ¡higuera'jin tayo samba!
24771	MRK 12:29	Tsonsi Jesúsja su: —Ti'tsse'tsse manda'cho tsu qquen: “¡Paña'faja israe aindeccu! Na'su ingi Chiga, tsayi tsu Na'suja.
24925	MRK 15:30	¡tisuma ccushaemba avuja'cco'ye andeja!
24982	LUK 1:20	Tsa'ma ¡que canjan! Ña suqquia'caen tsu ñoa'me tsoña. Tsa'ma queja ña su'choma in'jambipa qui ayafambie dapa can'jeña que pushe du'shuma isuya'ngae.
25076	LUK 2:34	Tsonsi Simeón tise'pama ñotsse afapa du'shumbe chan Maríama su: —¡Que canjan! Va du'shuve in'jambi'ta tsain'bio israendeccu tsu qque'faya. Tsa'ma cca'indeccuja tise've in'jamba ti'tsse'tssia've dapa tsu avuja'faya. Aindeccu tisema afase'fasi
25173	LUK 4:41	Jesús mandasi cocoyandeccu'qque tsain'bio a'i'ye sombombopa qquen fundo'fa: —¡Queja Chiga Dutssi'ye qui! Tsa'ma Jesúsja cocoyama iyu'upa afaye se'pi. Cocoyandeccu'qque atesu'fa Jesúsja Chiga in'jan'cho Cristo tsu.
25445	LUK 10:13	¡Vana'faya qui Corazín canqquesundeccu! ¡Vana'faya qui Betsaida canqquesundeccu! Que'ija ñotsse Chiga tson'choma atte'fa. Nane Chiga tsa'caen Tiro, Sidón canqquema tsoña'choecan'da tsu junde tseni'su aindeccuja tise'pa egae tsincon'choma chi'gapa Chigama iñajan'faye'can. Ñombi'ye'choma canjaenqque'su sarupama ondiccupa cusepai'ccu tsu onjon'faye'can tise'pa in'jan'choma canjaeñe.
25451	LUK 10:19	¡Que canjan! Tayo gi antte que'ija tini, iyonga tsui'a'qque qui vana'faya'bi. Que'ima chi'gasundeccuma qui patsu'faya. Me'i'on tsu jongoesu que'ima dañoña'chove.
25514	LUK 11:40	¡Ñoa'me injamambi'fa qui! ¿Sepaccove ñoña'suta ti naccuve'qque ñoñambi?
25516	LUK 11:42	¡Tsa'ma vana'faya qui fariseondeccu! Que'ija osha'choma fae decimoveyi Chiganga afeye atesu'fa Tisema avujaeñe. Nane pa'cco ccoma, pa'cco shinccapama'qque qui fae decimoveyi Chiganga afeye atesu'fa. Tsa'ma ñotsse qui tson'fambi ni Chiga a'ima in'janqquia'caen in'jan'fambi qui. Que'i Chiganga afe'je'choma aqque'pambe'yi a'ima in'jamba ñotsse tson'faya'cho.
25517	LUK 11:43	¡Vana'faya qui fariseondeccu! Chigane atesian'jen'ttinga japa bove ñotssia dyaipa'chove qui in'jan'fa. Chava'je'cho atandundunga japa qui chigambianccoye in'jan'fa cuintsu poiyi'cco a'i que'ima attepa que'ija ti'tsse'tssia qquen in'jan'faye.
25518	LUK 11:44	¡Vana'faya qui Chiga Aya'fama atesu'chondeccu, fariseondeccu'qque! ¡Ñotsse attianqquia'caen tsomba injama'choni egae in'jansundeccu qui! A'i atesumbe'yi pa'chombe atu'ttimbe omba'ye tsui jaqquia'caen a'ija que'i egae in'jan'choma atesu'fambi.
25521	LUK 11:47	¡Va'cha'fa qui! Que'i yayandeccu Chiga Aya'fama afasundeccuma fi'ttisi que'i'qque Chiga Aya'fama afasundeccumbe atu'ttive patui'ccu ñotsse ñoña'fa.
25617	LUK 13:30	¡Que canjan! Majan ja'ño utu'ccoa'ta ti'tsse'tssia've tsu da'faya. Tsa'ma majan ja'ño ti'tsse'tssia'ta utu'ccoa've tsu da'faya.
25619	LUK 13:32	Jesúsja pañamba tise'pama su: —Herodesja afopoen'su tsu. Japa tisenga qquen su'faja: “¡Que canjan! Ñajan ja'ño a'ta, tu'i'qque cocoyama joqquitssiamba a'ima ccushaen'jeña'cho. Tui've gi naniña.”
25622	LUK 13:35	¡Que canjan! Chigaja que'i can'jen'ttima tsu catiya. Ñoa'me gi su, Ccatsse qui ñama atte'faya'bi que'i ñama qquen suya'ngae: “Ñoa'me ñotssia tsu Na'su Chiga moensi ji'cho.”
25799	LUK 18:42	Tsonsi Jesúsja tisema su: —¡Tayo qui atteye osha! Queja ñame in'jamba qui ccusha.
26022	LUK 23:18	Jesúsma ccupaye qquen susi poiyi'cco a'i fae'ngatsse fundondo'e afa'fa: —¡Va a'ima fi'ttipa Barrabásma ccupaja!
26025	LUK 23:21	Tsa'ma ti'tsse fundondo'e su'fa: —¡Avuja'cconga otija! ¡Avuja'cconga otipa fi'ttija!
26041	LUK 23:37	Toya'caen afasepa tsu qquen su'fa: —¡Queja ñoa'me israe'su na'suta tisuma ccushaenjan!
26043	LUK 23:39	Fa'e egae tsincon'su Jesúsi'ccu pporotsse avuja'cconga otiye'choja Jesúsma afasepa su: —¡Queja ñoa'me Cristota Tisuma ccushaemba ingima'qque ccushaenjan!
26085	LUK 24:25	Tsonsi Jesúsja tise'pama su: —¡Tsosinambi'fa qui! Ñoa'me qui injama'cho shaca'fa osha'cho Chiga Aya'fama afasundeccu su'choma in'jañe.
26094	LUK 24:34	Tsonsi Jesúsma shondosundeccuja tise'pama su'fa: —Ñoa'me tsu Na'suja ccase qquendya. ¡Simónga tsu Tisuma attian!
26346	JHN 6:20	Tsa'ma Jesúsja su: —¡Ña gi! ¡Dyo'fajama!
26664	JHN 12:15	¡Dyombe can'faja zionsundeccu! Que canjan, que na'suja jiña, boro du'shunga dyaipa.
26894	JHN 18:40	Tsa'caen susi poiyi'cco fundopa afa'fa: —¡Tsamajan me'i! ¡Barrabásma ccupaja! Tsa Barrabásja ccanamba tsu.
26900	JHN 19:6	Chigama afa'su nasundeccu, Chiga etti'su sundarondeccu'qque tisema attepa quia'me fundo'fa: —¡Avuja'cconga otija! ¡Avuja'cconga otija! Pilatoja su: —Que'iyi angapa avuja'cconga oti'faja. Ñajan tise shacapave attembi gi.
26906	JHN 19:12	Tsa'caen susi Pilatoja ma'caen Jesúsma ccupaya'chove tta'tta. Tsa'ma israendeccuja quia'me su'fa: —¡Tsama ccupa'ta Romano Na'su César amigoya'bi qui! ¡Majan na'suve daye in'jan'da Romano Na'su César chi'ga'choya tsu!
26909	JHN 19:15	Tsa'ma tise'paja fundo'fa: —¡Cuintsu paja! ¡Cuintsu paja! ¡Avuja'cconga fi'ttija! Pilatoja su: —¿Tsuin'da ti gi que'i na'suma avuja'cconga fi'ttiya? Tsa'ma Chigama afa'su nasundeccuja su'fa: —¡Romano Na'su César tsu ingi na'su. Faesuja me'i'on!
26938	JHN 20:2	Tsa'caen attepa buttopa ji, ña, Jesús in'jan'cho, Simón Pedroi'ccu can'jeni. Jipa inginga su: —¡Na'su ai'voma atu'tti'ye anga'fasi gi mani ccuiña'chove'qque atesumbi!
26954	JHN 20:18	Tsonsi María Magdalena japa ingi Jesúsma shondosundeccunga conda: —¡Tayo gi Na'suma atte! Toya'caen Jesús tisenga su'choma'qque tsu conda.
26964	JHN 20:28	Tsonsi Tomásja su: —¡Ña Na'su qui! ¡Ña Chiga qui!
26974	JHN 21:7	Tsomba ña Jesús in'jan'cho gi Pedroma su: —¡Na'su tsu! Nane ondiccu'jema oshichhapa shacari'ccuyi vacho'jepa Simón Pedroja “Na'su” qquen pañamba tise ondiccu'jema ondiccupa marnga butto ca'ni otafani somboye.
27025	ACT 2:7	Pañamba can'boen ccutsu'fa. Can'boen ccutsupa tisupapora afacco'fa: —¡Que canjan! ¿Poiyi'cco afasundeccuja Galileasundeccumbi ti?
27058	ACT 2:40	Tsa'caen condasepa Pedro ti'tsse'tsse afapa qquen candusiamba su: —¡Ccusha'faja va ja'ño'su egae aindeccu'ye sombopa!
27245	ACT 7:60	Qquen supa ccaru dyaipa quia'me fundopa afa: —¡Na'su va fi'ttisundeccunga shacama anttejama! Qquen supa tsu pa.
27413	ACT 12:7	Tsa'caen ana'jen'ni Na'su Chigama sefacconi'su shondo'su jipa attian. Tsa'caen attiansi picco'je'cho ettinga tuño setsaqquia'caen a'tatsse da. Tsonsi sefacconi'su shondo'su Pedronga catsepa utuccu'tti'ye tssai qquendyaemba su: —¡Utatsse jangija! Qquen susi Pedro jangisi tise tive'ye tandan'cho candena'qque ccupaye amppi.
27420	ACT 12:14	Japa Pedro aya'fasi pañamba sombo'ttima fettambe'yi avujapa toequi conda'su buttoin ja. Japa su: —¡Pedro tsu sombo'ttini ccutsu!
27421	ACT 12:15	Qquen susi pañamba aindeccuja su'fa: —¡Sumbie qui da! Tsa'ma pushesuja ñoa'me qquen su'ni'qque aindeccuja toya in'jambipa su'fa: —Pedrombi. Tisema sefacconi'su coira'su.
27428	ACT 12:22	Tsa'caen candusiansi aindeccuja fundoye ashaen'fa: —¡Va afa'suja a'imbi tsu! ¡Ñoa'me chiga!
27493	ACT 14:10	tisema quia'me afapa su: —¡Jangipa que tsu'ttei'ccu tansintsse ccutsuja! Tsonsi tsa a'ija butto jangipa tsui ja.
27569	ACT 16:17	Tsa pushesu tsu Pabloma, ingima'qque omboemba qquen fundondo'e afa'je: —¡Vandeccuta tsu ñoa'me Joccapitssia Chigama shondosundeccu! ¡Que'inga tsu condase'je'fa ma'caen ccusha'faya'chone!
27580	ACT 16:28	Tsa'ma Pabloja quia'me afapa su: —¡Tisu pajama! Ingija poiyi'cco gi va'tti can'jen'fa.
27682	ACT 19:28	Tsa'caen susi pañamba poiyi'cco iyicca'yepa fundo'fa: —¡Ñoa'me'qque ti'tsse'tssia tsu Efeso'su chiga Diana!
27688	ACT 19:34	Tsa'ma bo'fa'chondeccuja Alejandroja israe'su a'isi attepa ti'tsse fundo'fa. Nane fae'be aya'fa'caeñi dos horave fundo'fa: —¡Ñoa'me ti'tsse'tssia tsu Efeso'su chiga Diana!
27719	ACT 20:25	¡Que canjan! Ja'ño gi in'jan que'ija ccatsse ñama atte'faya'bi. Nane poiyi'cco majanga ña Chiga aindeccuve daya'chone conda'chondeccu ccatsse ñama atte'faya'bi.
27794	ACT 22:22	Aindeccuja tsangaeyi Pabloma paña'fa. Tsa'ma tisema israembindeqquianga moeña'cho qquen condasi poiyi'cco a'i fundoye ashaen'fa. —¡Va a'ima fi'ttija! ¡Ccatsse canseya'bi'choa tsu!
28183	ROM 7:24	¡Va'cha ti gi ñajan! ¿Majan tsu ñama ccushaeña?
28550	1CO 6:15	¿Atesu'fambi ti qui que'i Cristoi'ccu jincho'ninda que'i ai'voja Cristo ai'voni tsu jincho? Tsa'cansi ¿ma'caen gi Cristo ai'voni jincho'choma afe'faye cuintsu tisu ai'voi'ccu gana'su pushesui'ccu in'jangae canse'faye? Me'i. ¡Tsa'caen tsinconjama!
28623	1CO 9:15	Tsa'ma minguite'qque ñajan tsa'caen tsesuma iñajambi. Toya'caen ja'ño tevaemba tsa'caen iñajambi gi. ¡Bove ñotssi tsu ña iñajambe'yi qquipoe'supa paye! Nane in'jambi gi majan va ña que'inga aqquia afepa fuite'cho patsupa afa'choma se'pi'faye.
28822	1CO 15:36	¡Ñoa'me ñotsse in'jambipa iñajampaña'cho tsu! Choma jonsi chota tsu nepiya cuintsu te'ta sho'yopa canseye.
28866	1CO 16:22	Majan a'i Na'su Jesúsma ñotsse in'jambi'ta cuintsu tise'paja tsangae catiyepa pa'faja. ¡Na'su Jesús tsu jiya!
28968	2CO 6:2	Nane Chigaja su: Paña'jen'cho a'ta gi que'ima paña. Ccushaeña'cho a'ta gi que'ima fuite. ¡Que canjan! Ja'ño tsu paña'jen'cho a'ta. Ja'ño tsu ccushaeña'cho a'ta.
28995	2CO 7:11	¡Que canjan! Que'ija Cristo in'janqquia'caen in'jamba ñombi'yepa qui ñoa'me pa'cco injama'choi'ccu osha'choma ñotssiave ñoñañe in'jan'fa. Iyicca'yepa qui egae tsincon'choma joqquitssiañe in'jan'fa. A'i tsa'caen egae tsinconsi qui ansangepa dyo'fa. Ñama atteye qui in'jan'fa. Tsa'caen in'jamba qui ña tevaenqquia'caen tsomba tsa egae tsincon'sumbe injama'choma somboen'fa. Nane osha'choma ñoñamba que'ija shaca mechoa qquen qui canjaen'fa.