54	GEN 2:23	Afesi tsandieja pushesuma attepa su: “¡Va tsu ñoa'me ña tsu'ttai'ccu, ña ttonoi'ccu ñama'caen ñoña'cho! Tisemanda gi inisiaña pushesuve. Nane Chigaja tsandie'suma tise've isusi ‘pushesu’ tsu.”
764	GEN 27:36	Tsonsi Esaúja su: —¡Ñoa'me tsa'cañasi ti qui Jacobve inisian'fa! Nane ja'ñojan dos se tsu ñambema qqueñamba itsa. Otie tsu dutssi'ye coenza isuya'choma itsa. Tsomba ja'ñojan ñanga ñotsse tsoña'chove afaya'choma'qque itsa. ¿An'biambi ti qui faesu afa'choveyi'qque ñanga ñotsse tsoña'chove afaye?
791	GEN 28:17	Tsa'caen in'jamba dyopa asi'ttaen: “¡Ñoa'me dyo'tssi ti va'ttija! ¡Va'tti tsu Chiga Tsa'o! ¡Sefacconi Cani'jen'tti tsu!”
920	GEN 31:46	tise antiandeccuma su: —¡Patuma boña'faja! Poiyi'cco tsu patuma fae'ttinga boñamba, tsa boña'cho pporotsse dyaipa an'fa.
1144	GEN 38:24	Tres ccovu pasasi Judánga jipa conda'fa: —Tamar, tsa que china, tsu faesu tsandiei'ccu ccuipa ja'ñojan surie dapa can'jen. Pañamba Judája fundopa su: —¡Tsa'o'ye somboemba tisema oque cati'faja!
1281	GEN 42:28	Attepa tise antiandeccunga su: —¡Que can'faja! ¡Ña corifin'dima toyaquiansi va'tti ña saquiyoni ppi'choma! Tsama attepa poiyi'cco tsendeccu dyopa tisupa injamáchoni chapepa tisupanaccu afacco'fa: —¿Jongoesie tsu Chigaja ingima qquen tson?
1363	GEN 45:4	Tsa'ma Joséja su: —Chigáne, ¡ñanga catse'faja! Tise'pa catse'fasi Joséja su: —Ña gi que'i antian, José, que'i egiptondeccunga chavaen'cho.
1383	GEN 45:24	Joséja tise antiandeccuma chigambiamba moe'jemba qquen su: —¡Tsaiqui'ye jayipa tisupanaccu iyicco'fajama! Tsonsi japa
1471	GEN 48:19	Tsa'ma tise yayaja tsa'caen tsoñe in'jambipa su: —¡Tayo gi in'jan, jaricho, tayo gi in'jan! Toya'caen tsa'qque tsu joccapitssia aindeccuve atapaya. Tsa'ma tise quinshin tsu tisema ti'tsse joccapitssiya. Nane tsambe omba'su dushundeccu tsu ti'tsse tsain'bitsse atapa'faya.
1498	GEN 49:24	Tsa'ma Joséja tise tive quin'amba oyambitsse tise battittianccuma indipa poini battittian'jen. ¡Ñotssi tsu Jacobmbe Chiga Osha'choma Oshacho'cho! ¡Ñotssi tsu coira'sumbe inise. Tise tsu israendeccuma angacan!
1526	GEN 50:19	Tsa'ma Joséja tise'panga su: —¡Dyombe can'faja! Ñajan Chigambi gi injama'choma somboeñe.
23233	MAT 1:20	Tsa'caen asi'ttaen'jen'ni Na'su Chigama sefacconi'su shondo'su tisenga ji. José anamba ayo'osi sefacconi'su shondo'su attiamba su: —¡José, David dutssi'ye! Dyombe'yi que pushe Maríama que tsaoni angaja. Tise ttopanga an'du'cho du'shuja Chiga Qquendya'pa du'shu tsu.
24004	MAT 23:17	¡Binimba qui sumbi'fa! Tsa corima Chiga ettinga afesi Chigambe cori tsu. Tsambi'ta aqquia cori tsu. Tsa'cansi Chiga etti tsu tsa corima ti'tsse'tssia.
24011	MAT 23:24	¡Bini angacansundeccu qui! ¡Nane ocuma cundesa'ne osha'choma ofi catipa qui camelloma cunde'fa! Tsa'caeñi utu'ccoa manda'choma pañamba joccapitssiama qui aqque'pa'fa.
24024	MAT 23:37	¡Jerusalén, Jerusalén, Chiga Aya'fama afasundeccuma qui fi'tti! Chiga quenga moensi ji'chondeccuma qui patui'ccu ttovaccoen. Nane arapa tise dushundeccuma sanccopai'ccu sa'vianqquia'caen gi que dushundeccuma me'deye in'jan. Tsa'ma tsa'caen ña in'jansi qui se'pi.
24188	MAT 26:65	Jesús tsa'caen susi joccapitssia Chigama afa'su na'su iyicca'yepa tsama canjaeñe in'jamba tisu ondiccu'jema chi'ttapa su: —¡Chigama tsu afase'je! ¿Micomba gi camba afasundeccuveyi ti'tsse ronda'je'fa? Tayo gi paña'fa tise Chigama afase'choma.
24220	MAT 27:22	Qquen susi Pilatoja iñajampaña: —Barrabásma ccupa'ta ¿mingae gi Jesúsmajan tsoña? Tsaja Chigambe Cristo qquen tsu poiyi'cco su'fa. Tsa'ma aindeccuja su'fa: —¡Avuja'cconga fi'ttija!
24221	MAT 27:23	Pilatoja su: —¿Jongoesune gi tisemajan fi'ttiya? ¿Jongoesuma tsu egae tsincon? Qquen susi ti'tsse tsu fundondo'e afa'fa: —¡Avuja'cconga fi'ttija!
24227	MAT 27:29	Boicco nojama'qque otifaccuve ugapa tisema otifaen'fa. Caofa'ccoma'qque na'su quini'cco'pa'ca'en tise tivenga indian'fa. Tsomba afase co'feye ashaemba tisenga ccarupa dyaipa su'fa: —¡Ti'tsse canseja israe'su na'su!
24240	MAT 27:42	—Cca'indeccuma ccushaemba tisumajan ccushaeñe oshambi. Tiseja israe'su na'su qquen tsu su. ¡Tise ja'ño avuja'cco'ye andesi gi tise've in'jamba paña'faya!
24309	MRK 1:25	Qquen susi Jesús cocoyama iyu'upa su: —¡Ziyaja! ¡Joqquitssija va tsandie'ye!
24368	MRK 3:11	Tsa'caen tson'jen'ni majan cocoya a'inga ca'nimba can'jen'cho Jesúsma attepa tise tsovejufanga ccaru dyaipa qquen fundo'fa: —¡Queta qui Chiga Dutssi'ye!
24626	MRK 9:19	Jesús pañamba su: —¡Ay, que'ija injienge'fambi! ¿Min'ge'e gi que'i'ccuta can'jeña? ¿Min'ge'e gi tsuin'da angacaña? ¡I'faja du'shuma!
24631	MRK 9:24	Tsonsi du'shumbe yayaja fundondo'e afa: —In'jan gi ñajan. ¡Ñama fuiteja ña ti'tsse in'jañe!
24633	MRK 9:26	Tsa'caen susi cocoyaja fundopa du'shuma ccase pan'jaemba somboin ja. Tsa'caen jasi du'shuja paqquia'caen ccui. Tsonsi cca'ija su'fa: —¡Tayo tsu pa'ya!
24787	MRK 13:1	Jesús Chiga etti'ye sombopa jayisi fa'e tisema shondo'su tisenga su: —Atesian'su, ¡que canjan, va patu randei'ccu tsao'ña'cho ñoncca'osi!
24844	MRK 14:21	Nane Chiga Tevaen'jen suqquia'caen Sefaccone Ji'cho A'ima afesi indi'faya. Tsa'ma ¡va'cha tsu tisema afe'su! Nane tise've Tise mama isumbiecan'da tsu tisene bove ñotssiye'can.
24908	MRK 15:13	Tsonsi tise'paja fundopa afa'fa: —¡Avuja'cconga otipa fi'ttija!
24909	MRK 15:14	Pilatoja su: —¿Jongoesian tsu egaeta tso'an? Tsa'ma tise'paja ti'tsse fundopa su'fa: —¡Avuja'cconga otipa fi'ttija!
24913	MRK 15:18	Tsa'caen tsomba chigambian co'feye ashaen'fa: —¡Ti'tsse'tsse canseja israe na'su!
25518	LUK 11:44	¡Vana'faya qui Chiga Aya'fama atesu'chondeccu, fariseondeccu'qque! ¡Ñotsse attianqquia'caen tsomba injama'choni egae in'jansundeccu qui! A'i atesumbe'yi pa'chombe atu'ttimbe omba'ye tsui jaqquia'caen a'ija que'i egae in'jan'choma atesu'fambi.
25520	LUK 11:46	Qquen susi Jesúsja su: —¡Vana'faya qui que'i Chiga Aya'fama atesu'chondeccu! Que'i'qque osha'cho manda'choi'ccu a'ima vanaen'fa. Tise'pa oshambi'ni'qque qui fuite'fambi. Ni tive utufa'su tsimian'ccoi'ccuyi'qque qui fuite'fambi.
25526	LUK 11:52	¡Vana'faya qui manda'choma atesu'chondeccu! Que'ija tansintssia Chiga Aya'fama atesupa se'pi'fa cca'indeccu paña'sa'ne. Tansintsse su'choma atesu'ma qui tsama chi'ga'fa. Cca'indeccu atesuye in'jan'ninda qui se'pi'fa.
25713	LUK 16:24	quia'me fundo: “¡Yaya Abraham, ñama mende'yeja! Lázaroma mandaja cuintsu tise tsimian'ccoma tsa'ccunga tssipoemba ña menzanza'fama pporaen'giye. Ñoa'me gi vana'jen va si'nge anchanda'je'chonga.”
25733	LUK 17:13	quia'me fundopa afa'fa: —¡Na'su Jesús, ingima mende'yeja!
25770	LUK 18:13	Tsa'ma impuestoma isu'suja ccani catsembe'yi ccutsu. Tsa'caen ccutsupa puntssamba sefanima cambe'yi tivei'ccu tise utu'choma tssaipa su: “¡Chiga Quitsa, ña gi egae tsincon'su! Ñama mende'yeja.”
25795	LUK 18:38	Tsa'caen pañamba tiseja quia'me fundondo'e afa: —¡Jesús, David Dutssi'ye, ñama mende'yeja!
26025	LUK 23:21	Tsa'ma ti'tsse fundondo'e su'fa: —¡Avuja'cconga otija! ¡Avuja'cconga otipa fi'ttija!
26050	LUK 23:46	Tsonsi Jesúsja quia'me afapa su: —¡Yaya, ña qquendya'pama gi quenga afe'je! Qquen susi tise qquendya'pa somboin jasi pa.
26539	JHN 9:30	Tsa'caen afase'fasi tiseja su: —¡Tsama can'se! Que'i atesu'fambisi mani'suve'qque. Tsa'ma ña tso'fema tsu attian.
26662	JHN 12:13	Pañamba shishijema'qque anga'fa Jesúsma cachuiccoye jayipa. Jayipa quia'me su'fa: —¡Avuja'faja! ¡Ñotssi tsu Na'su Chiga mandasi jiña'choja! ¡Ñotssi tsu israe na'suja!
26894	JHN 18:40	Tsa'caen susi poiyi'cco fundopa afa'fa: —¡Tsamajan me'i! ¡Barrabásma ccupaja! Tsa Barrabásja ccanamba tsu.
26897	JHN 19:3	Tsomba tisenga catsepa su'fa: —¡Ti'tsse canseja israe na'su! Tsa'caen afajangi tise tsovejuma tssai'fa tivei'ccu.
26899	JHN 19:5	Tsonsi Jesúsja nojan otifaccuma otifaemba cu'a sarupama oppoen'fa'cho sombo. Sombosi Pilatoja su: —¡Que can'faja va a'ima!
26908	JHN 19:14	Chiga tansinjinni tsu, Chiga panshaen'cho injienge'cho fiestama ñoñaña'cho a'ta. Tsa'cansi Pilatoja israendeccunga su: —¡Va'tti qui an'bian'fa que'i na'suma!
26909	JHN 19:15	Tsa'ma tise'paja fundo'fa: —¡Cuintsu paja! ¡Cuintsu paja! ¡Avuja'cconga fi'ttija! Pilatoja su: —¿Tsuin'da ti gi que'i na'suma avuja'cconga fi'ttiya? Tsa'ma Chigama afa'su nasundeccuja su'fa: —¡Romano Na'su César tsu ingi na'su. Faesuja me'i'on!
26955	JHN 20:19	Tsequi a'ta, toya Domingo a'ta, cosesi ingi Jesúsma shondosundeccuja fae'ngae bojin sheque'fa. Israendeccuma dyojopa gi sombo'ttima piccojin can'jen'fa. Tsa'ma Jesúsja ingi enttingenga ji ccutsupa qquen chiga'bian: —¡Opatsse canse'faja!
26957	JHN 20:21	Tsomba ccase Jesúsja inginga su: —¡Opatsse canse'faja! Ña Yaya ñama mandamoenqquia'caen gi ña'qque que'ima mandamoeña ñane condase'suve.
26963	JHN 20:27	Tsomba Tomásnga su: —Ña tivema camba que tsimian'ccoi'ccu tsomijan. Ña utuccu'ttima que tivei'ccu tsomijan. “Nane ñajan in'jaña'bi” qquen sumbe'yi ¡ñame in'janjan!
27040	ACT 2:22	¡Israendeccu, paña'faja! Chiga Quitsaja a'tatsse que'inga Jesús Nasareno'suma canjaen. Tisema in'jaensi Jesúsja osha'cho sefani'su agattoen'choma canjaen. Sefani'su canjaen'choma'qque canjaen. Attiaña'choma'qque attian. Tsa'caeñi tsu Chigaja tisema'qque a'tatsse que'inga canjaen. Que'ija tsama attepa qui injan'jen'fa.
27265	ACT 8:20	Tsonsi Pedroja su: —¡Cuintsu catiyeja que corifin'di'qque quei'ccu fae'ngae! ¿Jongoesie qui in'jan Chiga afe'choma corifin'di'ccu chavaye?
27494	ACT 14:11	Tsa'caen Pablo tsonsi attepa poiyi'cco a'i quia'me afaye ashaen'fa. Qquen tsu tise'pa Licaonia aya'fangae afa'fa: —¡Chigandeccu tsu a'ia'caen attiamba inginga ande'fa!
27570	ACT 16:18	Qquen tsu poi a'ta ingima fundondo'e afa'je. Panshaen tsa'caen afasi Pabloja iyicca'yepa piyicamba cocoyama su: —Jesucristo iniseningae gi quema manda, ¡joqquitssija va pushesu'ye! Tsa'caen mandasi tse'faei'ccuyi cocoyaja somboin ja.
27598	ACT 17:6	Tsa'ma Pablo'pama attembipa Jasónma, faesu Jesúsve in'jan'chondeccuma'qque indi'fa. Indipa anga'fa canqque nasundeccunga. Tseni angapa fundondo'e afa'je'fa. —¡Tsa Pablo'paja ñoa'me poi ande'su aindeccunga qquenjiansundeccu, ja'ñojan vani'qque ji'fa!
27599	ACT 17:7	Va Jasón tsu tise'pama in'jansi tise tsaoni can'jen'fa. ¡Poiyi'cco tsendeccu tsu Romano na'su César manda'choma ccaningae tson'jen'fa! ¡Nane faesu, tsa Jesús ñoa'me'qque na'su qquen tsu su'fa!
27760	ACT 21:28	Qquen tsu fundo'fa: —¡Israe'su aindeccu, ingima fuite'faja! Va tsu poi andenga japa ega've atesian'su. Egae tsu afa'je ingi aindeccune, Moisés manda'chone'qque, va Chiga ettine'qque. Toya'caen va Ñotssia Chiga can'jen'choma tsu egae daño, griegondeccuma Chiga ettinga anga ca'niamba.
27794	ACT 22:22	Aindeccuja tsangaeyi Pabloma paña'fa. Tsa'ma tisema israembindeqquianga moeña'cho qquen condasi poiyi'cco a'i fundoye ashaen'fa. —¡Va a'ima fi'ttija! ¡Ccatsse canseya'bi'choa tsu!
28431	ROM 16:27	Chigayi tsu injama'pa. ¡Jesucristove in'jamba Chigama ñotsse afa'faja! ¡Tsangae tsa'caen ñotsse afa'faja! Tsangaeyi.
29385	EPH 5:14	Tsa'cansi tsu su'fa: ¡Qquendyaja ana'su! Pa'cho'ye qquendyapa canseja. Cristo tsu quenga attiaña.
30120	HEB 6:9	Tsa'ma ñotsse in'jan'chondeccu, tsa'caen catiyeya'chone condasepa gi que'ine tsa'caen in'jambi. ¡Que'ine gi bove ñotsse in'jan! Que'ija tayo ccushapa que'i ñotsse tson'choi'ccu tsane canjaen'fa.
30413	JAS 4:9	¡Ñoquimbi'faja! ¡I'namba ñombi'ye'faja! ¡Feñambama anttepa i'na'faja! ¡Avuja'choma anttepa ñombi'ye'faja que'i egae tsincon'chone!
31076	REV 18:14	I'namba tsa canqquema su'faya: Que injama'cho tsosipie in'jan'choja tsangae tsu nepi. Pa'cco que ñotssia jincho'cho me'i'en tsu da. ¡Tsangae tsu nepi'fa!
31082	REV 18:20	Tsa'ma Chiga sefacconi can'jensundeccu ¡avujatssi'faja! Chigambe aindeccu'qque ¡avujatssi'faja! Chiga Aya'fama afasundeccu, Jesucristone afasundeccu'qque, tsa canqque tsangae nepi'nijan ¡poiyi'cco avujatssi'faja! Nane tise que'ima vanaensi Chiga tise injama'choma tayo somboe'nijan ¡avujatssi'faja!