49	GEN 2:18	Tsomba Na'su Chigaja asi'ttaemba in'jan: “Ñotssimbi tsu tsandie tisuyi can'jeñe. Tisema fuite'suve gi ñoñaña tisia'can'me cuintsu tisei'ccu fae'ngae canseye.”
147	GEN 6:9	Va tsu Noéne condase'cho: Noéjan ño'an a'isi poiyi'cco tise cansuite'su aindeccu'suma tise'veyi tsu Chigaja in'jan. Nane tiseja Chigama ñotsse pañamba canse.
148	GEN 6:10	Noéjan tres dutssi'yeve an'bian: Sem, Cam, toya'caen Jafet.
270	GEN 11:3	Fae a'ta fae'ngae condaseccopa su'fa: “Jinge apichama ladriyove ñoñamba si'ngei'ccu ta'etssia've oque'faya.” Patu me'i'onsi tsesui'ccu tsao'ña'fa. Toya'caen tsu breave an'bian'fa ladriyoma setsaeñe.
271	GEN 11:4	Omboe tsu su'fa: “Jinge rande canqqueve canqquiamba ñoa'me se'fatssia tsa'ove'qque tsao'ñañe sefacconi pporotsse. Tsa'caen tsao'ña'ninda tsu poiyi'cco cca'indeccuja ingima in'jan'faya joccapitssia've. Toya'caen tsa'caen tsomba gi biani attufambe'yi fae'ngae can'jen'faya.”
273	GEN 11:6	Attepa Na'su Chigaja asi'ttaen: “Tsendeccuja fae a'iyi tsu. Nane fae aya'fangae tsu afa'je'fa. Tsa'camba fae'ngae in'jamba tsu qquen tsoñe ashaen'fa. Aqquia ashaen'cho tsu. Nane osha'chove in'jan'da tsu tsa'caen tson'faya.
311	GEN 12:12	Nane Egiptondeccu quema atte'ta tsu su'faya: ‘Va pushesu tsu va tsandiembe pushe.’ Tsa'caen in'jamba tsu ñama fi'ttiya quema canseveyi itsapa an'biañe.
333	GEN 13:14	Lot tsa'caen jasi, Na'su Chigaja Abramnga su: “Que can'jene ñotsse canjan. Nane tansinfanga, pavefanga chiga sombo'jefanga, chiga amppi'jefanga'qque camba in'janjan:
408	GEN 17:10	Nane qquen tsu ña que'i'ccu injanccopa manda'choja: Poiyi'cco tsandiendeccu tsu que'suja tise'pa ttonoma chhiyi tevaen'faya'cho.
430	GEN 18:5	Que'i tsa'caen ño'fa dyai'ninda gi panma iya cuintsu que'i an tteppuye. Nane va quema shondo'su tsaoni jipa qui tsa'caen an tteppupa ti'tsse jaya. Tsa'caen susi tise'paja Abrahamnga su'fa: —Ñotssi tsu. Tsa'caen tsonjan.
434	GEN 18:9	An nanimba Abrahamnga su'fa: —¿Mani tsu que pushe Saraja? Iñajampañasi Abrahamjan su: —Carpani tsu can'jen.
437	GEN 18:12	Tsa'camba Saraja pañamba feña. Nane feñamba asi'ttaen: “¿Ñoa'me ti gi tsa'caen avujaya? Ña, ña tsa'ndu'qque coenzata, ¿ma'caen?”
442	GEN 18:17	Tsonsi Na'su Chigaja qquen asi'ttaen: “Ñotssi tsu ña tsoña'choma Abrahamnga condaye.
460	GEN 19:2	qquen su: —Nasundeccu, chigáne ña tsaoni ji'faja. Tseni que'i tsu'ttema cashipa, ana qquendyapa qui tu'i sinte'yi ccase tsaiqui'ye ja'faya. Tsa'ma tise'paja su'fa: —Me'in. Vani atandundunga gi ana'faya.
463	GEN 19:5	qquen fundondo'e Lotma afaye ashaen'fa: —¿Mani tsu tsa dos tsandie, que tsa'onga ja'ño cose ca'ni'chondeccuja? Tise'pama somboenjan ingi tise'pai'ccu ccui'faye.
467	GEN 19:9	Tsa'ma aindeccuja su'fa: —¡Joqquitssija! Queja vani'sumbi qui. ¿Ma'caen qui ingima manda'je? Ja'ño gi tise'pama tsoñe in'janqquia'caen quema ti'tsse tsa'caen tson'faya. Tse'faei'ccuyi Lotma dañoñe ashaemba tsa'o sombo'ttinga catse'fa u'ccapa ca'niñe.
473	GEN 19:15	Tayo a'taye tson'jensi sefacconi'su shondosundeccuja Lotma quian'me su'fa: —Uta'tsseyi jangipa que pushe, que onquengendeccuma'qque angapa ja'faja va canqque'su aindeccui'ccu fae'ngae pasa'ne.
475	GEN 19:17	Tsomba canqque'ye somboemba sefacconi'su shondosundeccu tise'pama su'fa: —Buttopa jaja'faja tisuma ccushaeñe. Sepacconima can'fajama. Ni va sinjunccuni can'jen'fajama. Nane ccotta'cconga jaja'faja tisuma ccushaeñe in'jan'da.
520	GEN 21:6	Tsonsi Saraja asi'ttaen: “Chiga ñama in'jaensi gi avujapa feña. Nane poiyi'cco majan ña du'shuma isu'chone paña'da tsu ñai'ccu fae'ngae feña'faya.
562	GEN 22:14	Omboe Abrahamjan tsa oque'je'nima inisian “Jongoesuve shaca'ninda Chigaja afeya.” Nane toya tsu a'ija su'fa: “Jongoesuve shaca'ninda tise ccotta'ccone tsu Na'su Chigaja afeya.”
564	GEN 22:16	ttu'se: —Na'su Chigaja su: ‘Queja tsa'caen tsomba que du'shu fae'ccoama'qque se'pimbe'yi ñanga afesi gi quema ñotsse tsoña. Nane tisu injama'choi'ccu in'jamba gi tsa'caen tsoña.
572	GEN 22:24	Toya'caen Nacor faesu pushesu Reúmai'ccu can'jemba faesu dushundeccuve an'bian: Teba, Gaham, Tahas, toya'caen Maaca.
576	GEN 23:4	—Ñajan faesu ande'su que'i'ccu can'jemba gi asi'ttaen: Chigáne a'ima atuqque'su fattocco changoma ñanga chavaen'faja ña pushema tsanga a'tuye.
577	GEN 23:5	Tsa'caen susi tsesu hitita aindeccuja su'fa:
642	GEN 24:50	Tsa'caen susi Labán toya'caen Betuel'qque su'fa: —Pa'cco va tson'choja Na'su Chiga tson'cho tsu. Tsa'cansi ingimbembi tsu ‘ju’ ni ‘me'in’ qquen afaye.
647	GEN 24:55	Tsa'ma Rebeca quindya, tise mama'qque su'fa: —Diez a'taqquia'caen tise ingi'ccu can'jenccasi qui tisema angaye osha.
649	GEN 24:57	Tsa'caen susi tsendeccuja su'fa: —Jinge pushesuma ttu'sepa pañañe jongoesu qquen su've'se.
650	GEN 24:58	Tsa'caen supa Rebecama ttu'sepa iñajampaña'fa: —¿Jayeta ti qui in'jan va tsandiei'ccu? Tsa'caen iñajampañasi pushesuja “ju” qquen su.
652	GEN 24:60	Tsa'caen moe'jemba qquen Rebecama ñotsse afa'fa: “Que ingi antianjan ¡tsain'bitssi aindeccumbe chanme qui daya! ¡Que omba'su dushundeccu tsu poiyi'cco que enemigondeccu canqquema patsu'faya!”
681	GEN 25:22	Dos du'shuve an'biansi toya isumbi'te tto'pani iyicco'je'fasi Rebecaja asi'ttaen: “¿Ma'camba tsu ña'ñejan qquen tsincon?” Tsa'caen asi'ttaemba Na'suma iñajansi tsu
704	GEN 26:11	Tsa'caen supa Abimelecja manda antte tise canqque'suma: —Majan tsa tsandiema noñangiamba, tise pushema noñangian'ninda junde fi'ttiya'cho.
721	GEN 26:28	Tsendeccuja su'fa: —Atte'fa gi quei'ccu Na'su Chiga can'jen'choma. Tsa'cansi gi in'jan'fa quei'ccu fae'ngae injanccoye. Nane injanccoye in'jamba su'choja qquen tsu:
786	GEN 28:12	Anamba qquen ayo'o: Canchanama tsu atte andene sefacconi ppo'rotsse ccutsu'choma. Tsa'ye tsu Chigama sefacconi'su shondosundeccuja ansundepa ande'je'fa.
790	GEN 28:16	Tsa'caen ayo'opa bittapa Jacobja qquen asi'ttaen: “Ñoa'me tsu Na'suja va'tti can'jen'ma gi ñajan atesumbi.”
791	GEN 28:17	Tsa'caen in'jamba dyopa asi'ttaen: “¡Ñoa'me dyo'tssi ti va'ttija! ¡Va'tti tsu Chiga Tsa'o! ¡Sefacconi Cani'jen'tti tsu!”
800	GEN 29:4	Jacobja catsepa oveja coirasundeccuma iñajampaña: —Antiandeccu, ¿que'ija manisundeccu qui? Tise'paja su'fa: —Ingija Harán'su'fa.
802	GEN 29:6	Jacobja su: —¿Quinse'tssi ti can'jen? Coirasundeccuja su'fa: —Ju, Labánjan quinsetssi tsu. Que canjan, jovoe tsu tise onque'nge, Raquel, tise ovejandeccui'ccu vani jiña.
804	GEN 29:8	Tsa'ma tsendeccuja su'fa: —Tsa'caen tsoñe osha'fambi gi. Nane ronda'jeya'cho tsu poi naccu'su oveja bosi coirasundeccuja va patuma joqquitssiamba ovejanga tsa'ccuma cui'ñañe.
875	GEN 31:1	Tsa'ma Jacobja tayo atesucho Labán dushundeccu tisene qquen su'choma: “Jacobja pa'cco ingi yayambema isupa tsai'ccu ricove da.”
884	GEN 31:10	“Toya'caen fae a'ta ovejandeccu foña'jen'ni anamba gi qquen ayo'o: atte gi oveja quitsaye ze'nzia, chhifa, pi'piayi pushei'ccu tandange'je'choma.
888	GEN 31:14	Tsa'caen susi pañamba Raquel, toya'caen Lea'qque su'fa: —Ingija jongoesu isuya'chove an'bian'fambi gi ingi yaya tsaoni.
923	GEN 31:49	Toya'caen tsu inisecho Mizpa, Labán qquen su'ttipa: —Nane Na'su Chiga tsu ingima caña'jeña ingi fae'ngae can'jembi'ni'qque.
925	GEN 31:51	Labán tsa'caen supa ti'tsse qquen afa'je: —Que canjan, va patu boña'cho, toya'caen patuma ingi ccutsian'cho
935	GEN 32:7	Tsa'caen susi ja'chondeccu toequi jipa Jacobnga su'fa: —Que quindya Esaúni ingi ja'fasi tsu ja'ño tiseja jiña cuatro ciento a'i tisema fuitesundeccui'ccu.
937	GEN 32:9	Nane qquen tsu in'jan: “Esaú jipa fae naccui'ccu iyiccopa patsu'ninda cuintsu faesu naccuja ccushaye.”
946	GEN 32:18	Otufani ccutsuya'choma qquen manda: —Ña quindya Esaú quenga nepipa qquen iñajampaña'ninda: ‘¿Majan tsu que na'su?’ ‘¿Mani qui jayi?’ toya'caen, ‘¿Majambe aiña'chondeccu tsu vaja?’ —qquen iñajampaña'ninda
949	GEN 32:21	toya'caen: ‘Quema shondo'su Jacob ingi sepaccofae jiña’ —qquen su'faja. Nane Jacobja qquen asi'ttaemba tsa'caen tson: “Afe'choma otie moemba tise ñoquisi gi cambajunaccu tisei'ccu cachuiccoya. Isha tsu ña tsa'caen tsonsi ñama ñotsse tsona.”
995	GEN 34:14	qquen su'fa: —Ñoa'me osha'fambi gi ingi antianma chhiyitevaembi'choa tsandienga antteye. Nane tsa'caen tsoñe tsu ingine'ja egae tsincon'cho.
1012	GEN 34:31	Tsa'ma dutssiyendeccuja su'fa: —¿Ñotssi ti tiseja ingi antianma tsa'caen tisu ai'voi'ccu gana'su pushesuma'caen tsoñe?
1092	GEN 37:8	Tsa'caen susi tise quindyandeccuja su'fa: —¿Ingi na'suve dapa ingima mandaya qquen ti qui in'jan? Tsa'caen supa ti'tsse tisema chi'ga'fa. Nane tise tsa'caen ayo'opa toya'caen patsuqquia'caen dyombe tsama condasesi tsu ti'tsse tisema chi'ga'fa.
1103	GEN 37:19	Nane tisupanaccu qquen afacco'fa: —Que can'faja, ¡jovoe tsu ayo'suja jiña!
1141	GEN 38:21	Attembipa tseni'su tsandiendeccuma qquen iñajampaña: —¿Mani tsu tsa Enaini'su pushesu, tisu ai'voi'ccu gana'suja can'jen, tsa tsaiqui utufani dyai'su? Tsa'ma tsendeccuja su'fa: —Va canqquenija ni fae tisu ai'voi'ccu gana'su pushesuyi'qque can'jen'fambi.
1144	GEN 38:24	Tres ccovu pasasi Judánga jipa conda'fa: —Tamar, tsa que china, tsu faesu tsandiei'ccu ccuipa ja'ñojan surie dapa can'jen. Pañamba Judája fundopa su: —¡Tsa'o'ye somboemba tisema oque cati'faja!
1181	GEN 40:8	Tsonsi tsu su'fa: —Ayo'o'fa gi tsa'ma me'i'on tsu majan ingi ayo'opa in'jan'choma condaye. Tsonsi Joséja iñajampaña: —¿Isha tsu Chiga Quitsaja condaye oshaya? Tsa'ma ñanga condasecan'faja que'i ayo'o'choma.
1185	GEN 40:12	Joséja pañamba su: —Qquen tsu que ayo'ochoja condaye in'jan: Tres ttembata tsu canjaen tres a'tave.
1191	GEN 40:18	Tsama pañamba Joséja su: —Qquen tsu que ayo'ochoja condaye in'jan: Tres saparo tsu tres a'tave canjaen.
1197	GEN 41:1	Dos canqque'fa pasasi faraónjan anamba qquen ayo'o: Nilo na'en otafani tiseja ccutsu.
1201	GEN 41:5	Ccase anamba faesuve ayo'o: Nane fae trigo na'jiñe siete na'si me'detssipa zutssia sombo.
1213	GEN 41:17	Tsonsi faraón Josénga qquen condase: —Nane ñajan Nilo na'en otafani ccutsu qquen gi ayo'o:
1230	GEN 41:34	Toya'caen tsu faraónjan qquen tsoña'cho: governarorondeccuve ccutsiaña'cho cuintsu pa'cco andenga japa pa'cco Egipto ande'su tai'fa'choma fae quinta'su enttingeccoeyi isu'faye. Nane siete canqque'fa tsa'caen shacambitsse jincho'niñi tsu tsa'caen isu'faya'cho.
1239	GEN 41:43	Tsa'caen ondiqquian nanimba na'su faraón omboe ja'je'cho caronga otsiamba aindeccuma manda cuintsu tisema o'tie jayipa qquen fundo'faye: “¡Joqquitssi'faja cuintsu panshañe!” Tsa'cansi tsu poiyi'cco a'i José Egipto'su na'suve da'choma atte'fa.
1260	GEN 42:7	Tsa'caen tisenga puntssan'fasi attepa Joséja junde tise quindyandeccu qquen in'jan. Tsa'caen atte'ma tise'pama atesumbiqquia'caen tsomba iyicca'yepa afaqquia'caen tise'pama iñajampaña: —¡Que'ija! ¿mane qui ji'fa? Tise'paja su'fa: —Canaán andene gi ji'fa trigo chava'su.
1263	GEN 42:10	Tsa'ma tsendeccuja su'fa: —Me'in na'su. Ingi quema shondosundeccuja trigoma chava'su gi ji'fa.
1266	GEN 42:13	Tsa'ma tsendeccuja su'fa: —Quema shondosundeccuta gi doce antiandeccu. Fae yaya'su'fa gi. Toya'caen Canaánni gi canse'fa. Ingi quinshin chu'aja ingi yayai'ccu toeni catiye. Tsa'ma faesu quinshinjan ingi'ccu can'jembi.
1268	GEN 42:15	Qquen tsomba gi que'i ñoa'me su'chove atesuya. Nane faraón canse'choma poiyi'cco atesuqquia'caen ña qquen su'choma atesu'faya: Va'ttie sombo'faya'bi qui que'i antian chu'a jiya'ngae.
1281	GEN 42:28	Attepa tise antiandeccunga su: —¡Que can'faja! ¡Ña corifin'dima toyaquiansi va'tti ña saquiyoni ppi'choma! Tsama attepa poiyi'cco tsendeccu dyopa tisupa injamáchoni chapepa tisupanaccu afacco'fa: —¿Jongoesie tsu Chigaja ingima qquen tson?
1282	GEN 42:29	Canaánni nepipa tise'pa yaya Jacobnga pa'cco tisupa ma'caen da'choma condasepa su'fa:
1286	GEN 42:33	Tsa'caen su'fasi tsu tiseja su: ‘Qquen tsomba gi atesuya que'i ñoa'me ñotssia a'ive: fae'cco que'i antianme ñanga catipa trigoma isupa anga'faja cuintsu que'i tsaonisundeccu qquipoe'supa an'jen'faye.
1298	GEN 43:7	Tsendeccuja su'fa: —Nane tise'yi panshaen ingine, ingi antiandeccune'qque iñajanse'poensi gi conda'fa. Nane tiseja qquen iñajampaña: ‘¿Toya ti canse que yayaja? ¿Faesu antianmenda ti qui an'bian'fa?’ Qquen susi aqquia injanga gi tise iñajampaña'choma conda'fa. ¿Ma'caen gi atesu'faya ‘Que antianma i'faja’ qquen suya'chove?
1302	GEN 43:11	Tsa'caen susi tise yayaja su: —Ccaningae tsoñe oshambi'ta qquen tson'faja: Tsa a'inga afeya'chove que'i saquiyonga anga'faja. Nane va ande'su bove ñotsse jincho'cho'suma anga'faja, re'ricco balsa'mo seje'pa, re'ricco tuño cuñajun'cho, ñome'ba, mirra seje'pa, ccasepa'cho toya'caen almendra.
1309	GEN 43:18	Tsa'ma tsendeccuja José tsaoni anga jisi ñoa'me dyopa tisupapora qquen su'fa: —¿Aqquiata ti afopoen'fambi? ¿Isha tsu ingi tayoe jisi corifin'dima toyaquian'chone'ja vani iya? Nane ingima indipa tsu tsangae semoen'jen'faya ingi borondeccui'ccu fae'ngae.
1319	GEN 43:28	Tsendeccuja ccase puntssamba su'fa: —Ingi yaya, quema shondo'suja ñotssi tsu. Toya tsu canse.
1332	GEN 44:7	Tsa'caen susi tsandiendeccuja su'fa: —¿Jongoesie qui ingima ya'caen afase? ¿Minguite'qque gi ingija tsa'caen tsomba canse'fambi?
1351	GEN 44:26	Tsa'ma ingija su'fa: ‘Ingi antian chu'a ingi'ccu jayimbian'da jaye osha'fambi gi. Nane tise ingi'ccu jambian'da tsa na'suma atte'faya'bi gi.’
1368	GEN 45:9	Junde ña yaya can'jeni ja'faja. Japa tisenga su'faja: ‘Qquen tsu que dutssi'ye Joséja su: Chiga mandasi gi pa'cco Egipto ande'su na'suve da. Jundeyi ñani jija.
1421	GEN 46:34	que'ija su'faja: ‘Ingija ovejama atapoeñe gi atesu'fa ingi tayopi'su coenzandeqquia'caeñi.’ Tsa'caen su'yita qui Gosén andene can'jeñe osha'faya. Nane Egiptondeccuja se'pi'fa tsu oveja coirasundeccu fae'ngae tise'pai'ccu can'jeñe.
1424	GEN 47:3	Tsonsi faraónjan José antiandeccuma iñajampaña: —¿Jongoesuma qui semamba canse'fa? Tsendeccuja condase'fa: —Ingi quema shondosundeccuta gi ovejama coirasundeccu ingi tayopi'su coenzandeqquia'caeñi.
1436	GEN 47:15	Tsa'caen tsu egipto'su aindeccu, canaán'su aindeccu'qque corifin'dima metsse sefaen'fa. Sefaemba egiptosundeccuja Josénga japa su'fa: —Chigáne inginga anqque'suma afeja. Ñotssimbi tsu que can anttesi ingi corifin'di me'chopa qquipoe'supa paye.
1439	GEN 47:18	Tsa'ma tsa canqque'fa pasapa faesu canqque'fani ccase japa Josénga su'fa: —Ñoa'me corifin'di metsse dapa gi quenga a'tieñe osha'fambi. Toya'caen ingi aiña'chondeccu'qque pa'cco tsu quembe'yi. Ja'ñojan me'cho'fa gi jongoesuma quenga afeya'chove. Jo'su ingi ande ingi ai'voveyi gi an'bian'fa.
1446	GEN 47:25	Tsama pañamba tsendeccuja su'fa: —¡Queja ño'amba ingima ccushaensi gi avujatssi'fa faraónmbe tsangae semasundeccuve daye!
1472	GEN 48:20	Tsequi a'tayi Jacobja ñotsse tsoña'chone afapa qquen su: —Poi israendeccu ñotsse tsoña'chone su'choma afaye in'jan'da tsu que'i inisema afapa qquen su'faya: ‘Cuintsu Chiga Quitsaja Efraín toya'caen Manasésnga tsonqquia'caen quenga'qque tsoñe.’ Tsa'caen tsu Israelja Manasésma ti'tsse'tssia've Efraínma afa antte.
1475	GEN 49:1	Jacobja poiyi'cco tise dutssiyendeccuma ttu'sepa su: “Ñanga catse'faja ña que'inga condaye jai'ngae ma'caen daya'choma:
1511	GEN 50:4	Ina'jen'cho pasapa Joséja faraón tsa'o'su joccapindeqquiama qquen su: —Que'ija ñama ñotsse in'jan'da chigáne faraónga qquen conda'faja:
1518	GEN 50:11	Tsa'caen i'na'fa'choma attepa tse'tti'su canjaen'su cananeondeccuja su'fa: “Nane egiptondeccuja tise'pa'su joccapitssia pasi tsa'caen i'namba a'tu'fa.” Tsa'caen supa tse'ttima inisian'fa Abed-mizraim, “Egiptondeccu ñombi'ye'tti” qquen suye. Tse'tti tsu Jordán na'ema chiga sombo'jefa.
1525	GEN 50:18	José ina'jen'ni ñoa'me tise antiandeccu'qque jipa andenga camba'jui'ccu puntssan ccuipa qquen su'fa: —Que canjan, va'tti qui ingima an'bian tsangae quembe semasundeccuve.
1532	GEN 50:25	Tsa'caen supa Israel dutssiyendeccuma su cuintsu ñoa'metsse su'choi'ccu tise in'janqquia'caen tsoñe qquen su'faye: “Ñoa'me gi su Chiga Quitsa jipa tsu fuiteya. Tsa'caen ashaensi jayi'ta ña tsu'ttama'qque somboemba anga'faya'cho.”
23240	MAT 2:2	iñajampaña'fa: —¿Mani tsu voeyi isu'cho israe na'suja can'jen? Coejechiga sombo'jeni can'jemba gi tise o'fema attepa ttatta'su ji'fa Tisema iñajamba ñotsse afaye.
23243	MAT 2:5	Tsendeccuja su'fa: —Judea ande'su Belén canqqueni tsu tisemajan isuya'cho. Nane qquen tsu tayopi'su Chiga Aya'fama afa'suja Chiga Aya'fama tevaemba su:
23330	MAT 5:27	Que'ija tayo paña'fa qquen su'choma: “Quenga casarambichoi'ccu fae'ngae can'jenjama.”
23336	MAT 5:33	Toya'caen qui paña'fa tayopi'su a'inga qquen su'choma: “ ‘Chiga paña'je'ni gi tansintsse su’ qquen su'ta afopoembe'yi tsu suya'cho. Ñoa'me que suqquia'caen tsu tsoña'cho.”
23341	MAT 5:38	Que'ija paña'fa qquen su'choma: “Tso'fema tssaña'nijan ccane'qque tsambe tso'fema tssañaña'cho. Tte'ttoma ucca'nijan ccane'qque tsambe tte'ttoma uccaya'cho.”
23346	MAT 5:43	Que'ija paña'fa tayoe qquen su'choma: “Tisupapora ñotsse injancco'faja. Que'ima chi'ga'choma chi'ga'faja.”
23360	MAT 6:9	Tsa'cansi tsu qquen Chigama iñajaña'cho: Sefacconi Canjen'su Na'su, ingi Quitsa, Que qui ñoa'me joccapitssia. Que inise tsu egave metssipa ti'tsse'tssia.
23407	MAT 7:22	Nane tsequi osefaeña'cho a'ta napisi majan a'i tsu ñama su'faya: “Na'su, na'su, que iniseningae gi Chiga Aya'fama a'inga condase'fa. Que iniseningae gi cocoyama'qque a'i'ye joqquitssian'fa. Nane que inisema ttu'sepa gi agattoemba canjaen'fa.”
23439	MAT 8:25	Tisema shondosundeccu dyopa Jesúsnga catsepa qquendyaemba su'fa: —Na'su ingima ccushaenjan. Cu'nomba gi paye tson'jen'fa.
23441	MAT 8:27	Tisema shondosundeccu attepa can'boemba iñajampañacco'fa: —¿Ma'ca tsu va a'ija? Mandasi fingian, mar'qque tisema paña'fa.
23443	MAT 8:29	Jesúsma attepa fundondo'e afa'fa: —Queja Chiga Dutssi'yeta ¿jongoesie qui ingini ji? ¿Toya osefaeña'cho a'ta napimbi'te ingima vanaeñe ti qui ji?
23459	MAT 9:11	Fariseondeccu tsama attepa Jesúsma shondosundeccuma iñajampaña'fa: —¿Micomba tsu que'ima atesian'suja va impuestoma isusundeccui'ccu an'jen? Egae tsinconsundeccu tsu.
23462	MAT 9:14	Tsonsi feti'su Juanma shondosundeccuja Jesúsnga jipa iñajampaña'fa: —Ingija, fariseondeccu'qque asettupa zutsse ambe'yi Chigama iñajan'fa. ¿Micomba tsu quema shondosundeccuja tsa'caen ambe'yi asettu'fambi?
23475	MAT 9:27	Jesús tsene sombosi dos bini tisema omboemba japa fundondo'e su'fa: —Na'su David Dutssi'ye, ingima mende'yeja.