65	GEN 3:9	Tsa'ma Na'su Chiga Quitsaja tsandiema ttu'sepa su: —¿Mani qui can'jen?
67	GEN 3:11	Tsonsi Chigaja su: —¿Majan tsu que'inga conda chu'cco can'jen'chove? ¿An'fa ti qui ña se'pi'cho quini'cco'su tetachoma?
69	GEN 3:13	Tsonsi Na'su Chiga Quitsaja pushesuma iñajampaña: —¿Jongoesie qui tsa'caen tson? Pushesuja su: —Canjansi ñama afopoensi gi an.
86	GEN 4:6	Na'su Chigaja tisema su: —¿Jongoesie qui iyicca'ye?
89	GEN 4:9	Tsa'caen fi'ttipa jisi Na'su Chigaja Caínma iñajampaña: —¿Mani tsu que quinshin, Abelja? Caínjan su: —¿Ma'caen gi atesuya? ¿Ñanda ti gi ña quinshinma coira'su?
90	GEN 4:10	Tsonsi Na'su Chigaja su: —¿Jongoesie qui tsa'caen tson? Que quinshimbe anjampa tsu andenga tssamba ñama fundopa ttu'se ccane'qque quema fi'ttiye.
434	GEN 18:9	An nanimba Abrahamnga su'fa: —¿Mani tsu que pushe Saraja? Iñajampañasi Abrahamjan su: —Carpani tsu can'jen.
438	GEN 18:13	Tsa'ma Na'su Chigaja tise asi'ttaen'choma in'jamba Abrahamnga su: —¿Micomba tsu Saraja feñamba “¿Ñoa'me ti gi coenza ccasheve dapa du'shuve isuya?” qquen su?
463	GEN 19:5	qquen fundondo'e Lotma afaye ashaen'fa: —¿Mani tsu tsa dos tsandie, que tsa'onga ja'ño cose ca'ni'chondeccuja? Tise'pama somboenjan ingi tise'pai'ccu ccui'faye.
470	GEN 19:12	Tsonsi pasiasundeccu Lotma iñajampaña: —¿Faesu que antiandeccuta ti vani can'jen'fa? Nane que dutssiyendeccu, que onquengendeccu, dushundeccu, toya'caen poiyi'cco que'imbema angapa vane joqquitssipa biani jaja'faja.
505	GEN 20:9	Omboe Abimelecja Abrahamma ttu'sepa su: —¿Mingae qui inginga tson? ¿Jongoesui'ccu gi quema egae tsonsi qui tsa'caen ñama tson cuintsu va egae tsincon'cho ñanga, ña aindeccunga'qque shacave daye? Nane ñoa'me tsa'caen faesunga tsoñe ega tsu.
543	GEN 21:29	Ovejama attepa Abimelecja iñajampaña: —¿Jongoesie qui tsa siete ovejama attufaemba ccutsian?
555	GEN 22:7	Japa Isaacja tise yayama iñajampaña: —¡Yaya! Abrahamjan su: —¿Jongoesie qui in'jan ña dutssi'ye? Isaacja su: —Que canjan, si'tsi, si'ngema'qque gi an'bian'fa. Tsa'ma, ¿mani tsu oveja du'shu ingi oquepa Chiganga afeye?
650	GEN 24:58	Tsa'caen supa Rebecama ttu'sepa iñajampaña'fa: —¿Jayeta ti qui in'jan va tsandiei'ccu? Tsa'caen iñajampañasi pushesuja “ju” qquen su.
657	GEN 24:65	shondo'suma iñajampaña: —¿Majan tsu jova tsandie potrero'ye inginingae jiña'cho? Shondo'suja su: —Tsaja ña na'su tsu. Tsa'caen susi pañamba Rebecaja tise oppoen'jen'cho sarupai'ccu tisu camba'juma picco.
691	GEN 25:32	Tsa'caen susi Esaúja su: —¿Jongoesune gi dutssi'ye coenza isuya'choma in'jaña qquipoe'supa paye tson'jen'da?
760	GEN 27:32	Tsa'caen susi Isaacja iñajampaña: —¿Majan qui queja? Tsonsi Esaúja su: —Ña gi que dutssi'ye coenza, Esaú.
766	GEN 27:38	Tsa'ma Esaúja quian'me iñajamba su: —¿Aqquia fae afa'choveyi ti qui an'bian, yaya? Chigáne ñanga'qque ñotsse tsoña'chove afaja. Tsa'caen supa ccase i'na fundo.
833	GEN 30:2	Tsa'caen susi Jacobja tisema iyicca'yepa su: —¿Ñanda ti gi Chiga? Tsa tsu quemajan tsa'caen du'shu me'cco canseye antte.
900	GEN 31:26	Jacobma su: —¿Jongoesie qui qquen tson? ¿Ma'caen qui ñama afopoemba ña onquengendeccuma an'bian geraemba indi'chondeccuma'caen?
910	GEN 31:36	Jacobja iyicca'yepa su: —¿Jongoesie gi egae tson'an? ¿Jongoesuma egae tsinconsi qui ñama mandiamba ji?
956	GEN 32:28	Tsonsi a'ija iñajampaña: —¿Jongoesu inise qui? —Ña gi Jacob–qquen tsu su.
958	GEN 32:30	Tsonsi Jacobja ccane'qque iñajampaña: —Ja'ño condaja jongoesu inise qui queja. Tsa'ma tsa a'ija su: —¿Jongoesie qui ña iniseve iñajampaña? Tsa'caen supa tsa a'ija tse'ttingayi Chiga tisema ñotsse tsoña'chove afa.
1012	GEN 34:31	Tsa'ma dutssiyendeccuja su'fa: —¿Ñotssi ti tiseja ingi antianma tsa'caen tisu ai'voi'ccu gana'su pushesuma'caen tsoñe?
1092	GEN 37:8	Tsa'caen susi tise quindyandeccuja su'fa: —¿Ingi na'suve dapa ingima mandaya qquen ti qui in'jan? Tsa'caen supa ti'tsse tisema chi'ga'fa. Nane tise tsa'caen ayo'opa toya'caen patsuqquia'caen dyombe tsama condasesi tsu ti'tsse tisema chi'ga'fa.
1094	GEN 37:10	José tsa'caen tise quindyandeccunga, tise yayanga'qque condasesi pañamba tise yayaja iyu'upa qquen su: —¿Jongoesune qui tsa'caen ayo'o? ¿Tsui'da ti gi que mama, que antiandeccu, ña'qque quenga puntssan'faya?
1099	GEN 37:15	quindyandeccuma attembipa injanga tta'ttá jacan. Tsa'caen injanga jacan'ni fae a'i tisema cachuipa iñajampaña: —¿Jongoesuve qui ttattacan?
1110	GEN 37:26	Tsama attepa Judája tise antiandeccunga su: —¿Jongoesuma gi gana'faya ingi antianma fi'ttipa tise pa'chone a'tie'an'qque?
1136	GEN 38:16	Tsa'caen in'jamba tsaiqui utufa'ye tsa pushesunga catseye ja, tsa pushesuja tise china qquen atesumbipa. Catsepa su: —¿Antte ti qui ña quei'ccu ccuiye? Pushesuja su: —Ñai'ccu ccui'ta, ¿jongoesuma qui ñanga afeya?
1138	GEN 38:18	Tsonsi Judá iñajampaña: —¿Jongoesu ñambema quenga catiye qui in'jan? Pushesuja su: —Que pisa tevaen'jen'choma tise andu'fai'ccu, toya'caen que accuicco'choma'qque ñanga afeja. Tsa'caen susi Judája tsesuma afepa tisei'ccu ccuipa jasi Tamarja toequi tise yaya tsaoni japa tisu oppoen'choma fettapa panjen'cho ondiccucho'choma ccase ondiccu. Can'jemba surie da.
1141	GEN 38:21	Attembipa tseni'su tsandiendeccuma qquen iñajampaña: —¿Mani tsu tsa Enaini'su pushesu, tisu ai'voi'ccu gana'suja can'jen, tsa tsaiqui utufani dyai'su? Tsa'ma tsendeccuja su'fa: —Va canqquenija ni fae tisu ai'voi'ccu gana'su pushesuyi'qque can'jen'fambi.
1180	GEN 40:7	Attepa iñajampaña: —¿Micomba qui ja'ño a'taja jova'caen ñombi'ye dyai'fa?
1181	GEN 40:8	Tsonsi tsu su'fa: —Ayo'o'fa gi tsa'ma me'i'on tsu majan ingi ayo'opa in'jan'choma condaye. Tsonsi Joséja iñajampaña: —¿Isha tsu Chiga Quitsaja condaye oshaya? Tsa'ma ñanga condasecan'faja que'i ayo'o'choma.
1281	GEN 42:28	Attepa tise antiandeccunga su: —¡Que can'faja! ¡Ña corifin'dima toyaquiansi va'tti ña saquiyoni ppi'choma! Tsama attepa poiyi'cco tsendeccu dyopa tisupa injamáchoni chapepa tisupanaccu afacco'fa: —¿Jongoesie tsu Chigaja ingima qquen tson?
1297	GEN 43:6	Tsonsi Israelja su: —¿Micoñe qui ñama tsa'caen egae tson'fa? ¿Jongoesie qui tsa a'inga faesu antianme'qque an'bian qquenjan su'fa?
1309	GEN 43:18	Tsa'ma tsendeccuja José tsaoni anga jisi ñoa'me dyopa tisupapora qquen su'fa: —¿Aqquiata ti afopoen'fambi? ¿Isha tsu ingi tayoe jisi corifin'dima toyaquian'chone'ja vani iya? Nane ingima indipa tsu tsangae semoen'jen'faya ingi borondeccui'ccu fae'ngae.
1318	GEN 43:27	Joséja tise'pa ma'caen canse'chove iñajampañamba ti'tsse iñajampaña: —¿Mingae tsu can'jen que'i yaya, tsa coenza ccashe'ye qquen que'i su'choja? ¿Toya ti canse?
1320	GEN 43:29	Joséja poiyi'cco tsendeccuma camba atte tise antian Benjamínma. Nane tsaja tise yaya'supa tise mama'suyi. Tisema attepa su: —¿Va ti que'i antian chu'a'qque can'jen qquen que'i ñanga su'cho? Ju, qquen su'fasi Joséja Benjamínma qquen su: —Jaricho, Chiga tsu quema ñotsse tsoña. Tsa'caen supa
1332	GEN 44:7	Tsa'caen susi tsandiendeccuja su'fa: —¿Jongoesie qui ingima ya'caen afase? ¿Minguite'qque gi ingija tsa'caen tsomba canse'fambi?
1340	GEN 44:15	Tsa'caen ccarupa puntssan'fasi Joséja tise'pama su: —¿Jongoesuma qui tson'fa? ¿Atesu'fambi ti qui majan a'i ña'caen osha'chove atesucho'choma?
1424	GEN 47:3	Tsonsi faraónjan José antiandeccuma iñajampaña: —¿Jongoesuma qui semamba canse'fa? Tsendeccuja condase'fa: —Ingi quema shondosundeccuta gi ovejama coirasundeccu ingi tayopi'su coenzandeqquia'caeñi.
1429	GEN 47:8	Chigambiansi faraónjan iñajampaña: —¿Mañi canqque'fave qui an'bian?
23240	MAT 2:2	iñajampaña'fa: —¿Mani tsu voeyi isu'cho israe na'suja can'jen? Coejechiga sombo'jeni can'jemba gi tise o'fema attepa ttatta'su ji'fa Tisema iñajamba ñotsse afaye.
23440	MAT 8:26	Tsonsi Jesús su: —¿Jongoesie qui ñame in'jambipa dyo'fa? Qquen supa jangi ccutsupa fingiama iyu'usi vuiqui. Shave'pama'qque iyu'usi ñoa'me ppimppianccuve da.
23452	MAT 9:4	Jesúsja tise'pa in'jan'choma in'jamba su: —¿Jongoesie qui injama'choni qquen egae asi'ttaemba in'jan'fa?
23459	MAT 9:11	Fariseondeccu tsama attepa Jesúsma shondosundeccuma iñajampaña'fa: —¿Micomba tsu que'ima atesian'suja va impuestoma isusundeccui'ccu an'jen? Egae tsinconsundeccu tsu.
23531	MAT 11:3	cuintsu tisema qquen iñajampaña'faye: —¿Que ti qui Cristo, jiya'cho qquen su'choja? Tsambi'ta ¿faesuve ti gi ronda'je'faya?
23560	MAT 12:2	Tsa'ma fariseondeccu attepa Jesúsnga su'fa: —¿Micomba tsu quema shondosundeccuja qquen sema'jen'fa? Chiga manda'cho tsu se'pi sema'ma'qquia a'ta tsa'caen semañe.
23568	MAT 12:10	Ca'nisi fae tsandie tive dañonge'cho'qque tseni can'jen. Cca'indeccu Jesúsma iñajampaña'fa qqueñamba iyu'uye: —¿Chiga manda'chota ti sema'ma'qquia a'ta paji'suma ccushaeñe'da antte?
23581	MAT 12:23	Poiyi'cco a'i can'boemba su'fa: —¿Vambi ti David Dutssi'ye jiya'cho qquen su'cho?
23606	MAT 12:48	Tsa'ma Jesúsja conda'sunga su: —¿Majan tsu ña mama? ¿Majan tsu ña quinshingendeccu?
23618	MAT 13:10	Jesúsma shondosundeccu tisenga jipa su'fa: —¿Micomba qui condase'chongae aindeccuma atesian'jen?
23662	MAT 13:54	Tise coen'cho canqquenga napipa Chiga manda'chone atesian'jen'ttinga ca'nimba atesian'jen. Aindeccu pañamba can'boen'fa. Can'boemba su'fa: —¿Majan tsu va tsandiema atesiansi injama'pae da? ¿Majan tsu tisema oshaen sefacconi'su agattoen'choma canjaeñe?
23704	MAT 15:2	—¿Micomba tsu quema shondosundeccuja tayopi'su coenzandeccu nafattian'choma cati'fa? Nane asettu'choma injiengembe'yi tsu an'fa.
23714	MAT 15:12	Omboe tisema shondosundeccu tisenga jipa su'fa: —¿Atesu ti qui que tsa'caen susi fariseondeccu quema iyicca'ye'choma?
23749	MAT 16:8	Tsa'ma Jesús tise'pa asi'ttaen'choma in'jamba su: —¿Toya ti qui ñame ñotsse in'jambipa shaca'fa? ¿Jongoesie qui panma i'fambi'choane afacco'fa?
23779	MAT 17:10	Tsonsi shondosundeccuja Jesúsma iñajampaña'fa: —¿Micomba tsu Chiga manda'choma atesiansundeccuja su'fa: “Elías tsu Ccushaen'su Cristoma o'tie jiya”?
23793	MAT 17:24	Jesús, tisema shondosundeccui'ccu Capernaumni napisi Chiga ettima ñoñaña'cho impuestoma isusundeccu jipa Pedroma iñajampaña'fa: —¿Quema atesian'suta ti Chiga ettima ñoñaña'cho impuestoma afepoen'jen?
23835	MAT 19:4	Jesús ccane'qque tise'pama iñajampaña: —¿Attembi ti qui Chiga Tevaen'jen qquen su'choma: “Me'ttia'ye tsu Agattoen'su Chigaja a'ima agattoen. Tsandie, pushesuve'qque tsu agattoen.”?
23848	MAT 19:17	Jesús tisema su: —¿Jongoesie qui ñamajan ñotssia qquen inisian? Fae'ccoyi tsu ñotssia. Chiga Quitsayi tsu. Tsa'ma queja tsangae canseye in'jan'da manda'choma pañamba tsoña'cho.
23849	MAT 19:18	Qquen susi tsandie iñajampaña: —¿Majan manda'choma tsu pañamba tsoña'cho? Tsonsi Jesús su: —Cca'ima fi'ttijama. Faesumbe pushei'ccu cansejama. Cca'najama. Afopoenjama.
23882	MAT 20:21	Iñajañe tson'jensi Jesúsja tisema iñajampaña: —¿Jongoesuve qui in'jan? Tiseja su: —Queja ande na'suve dapa chigáne antteja cuintsu va ña dos dutssiyendeccu ti'tsse joccapitssia nasundeccuve dapa que tansinfanga, que pavefanga pporotsse dyaipa manda'faye.
23893	MAT 20:32	Tsonsi Jesús já ccutsupa tise'pama ttu'se. Ttu'sepa iñajampaña: —¿Jongoesuve que'inga tsoñe qui in'jan'fa?
23905	MAT 21:10	Tsonsi Jesús Jerusaléni ca'nisi poiyi'cco a'i attepa asi'ttaen'fa. Tsa'caen asi'ttaemba tsain'bio a'i qquen iñajampaña'fa: —¿Majan tsu va?
23911	MAT 21:16	Jesúsma su'fa: —¿Pañambi ti qui tise'pa su'chomajan? Jesús tise'pama su: —Ju, paña. Tsa'ma paña'fambi ti qui Chiga Aya'fa tsane qquen su'choma: Que anttesi dushunaccu, nane toya chocho'jendeccu'qque quema tansintsse ñotsse settapoen'fa.
23918	MAT 21:23	Chiga ettini ccase ca'nimba Jesús a'ima atesian'jen. Atesian'jensi Chigama afa'su nasundeccu, israendeccu coenzandeccu'qque tiseni jipa qquen iñajampaña'fa: —¿Majan na'su in'jaensi qui queja tsa'caen tsincon? ¿Majan tsu quema manda antte na'sia'caen mandaye?
23923	MAT 21:28	Jesúsja su: —¿Jongoe qquen qui in'jan'fa? Fae tsandie dos dutssiyendeccuve an'bian. Tsomba fae'ccoma su: “Jaricho, ja'ño japa semajan ña ovaccunima.”
23961	MAT 22:20	Canjaensi tsu iñajampaña: —¿Majambe tsovema tsu va corifin'dinga tevaen'cho? Toya'caen ¿majambe inisema tsu vanga tevaen'cho?
23983	MAT 22:42	Jesús tise'pama qquen iñajampaña: —¿Jongoesu qquen qui Cristone asi'ttaemba in'jan'fa? ¿Majambe dutssi'ye tsu? Qquen iñajampañasi tsu su'fa: —Na'su David Dutssi'ye tsu.
24028	MAT 24:2	Condasesi Jesús tise'pama pañamba su: —¿Va tsa'oma ti qui atte'fa? Ñoa'me gi su: Ni fae patuyi'qque faesu patumbe ombani ottaya'bi tsu. Pa'ccoma tsu asitta'faya'cho.
24131	MAT 26:8	Tsa'caen onjoensi Jesúsma shondosundeccu attepa iyicca'yepa qquen suye ashaen'fa: —¿Micomba tsu ñome'bama tsa'caen aqquia cati?
24133	MAT 26:10	Qquen asi'ttaen'jen'fasi Jesús atesupa tise'pama su: —¿Jongoesie qui va pushesuma noñangian'fa? Ñoa'me ñotsse tsu tiseja ñama tson.
24140	MAT 26:17	Pan cupana'cco mechoa fiestama ashaen'jen'qui Jesúsma shondosundeccu tisenga jipa iñajampaña'fa: —¿Mani qui in'jan ingi japa Chiga panshaen'cho injienge'cho fiestane aña'choma sho'ccoen'faye que añe?
24163	MAT 26:40	Qquen Chigama iñajamba toequi jipa tise tres shondosundeccu ana'jensi attepa Pedroma su: —¿Oshambi ti qui que'ija fae horaveyi'qque ña'caen anambe can'faye?
24168	MAT 26:45	Iñajan nanimba toequi tisema shondosundeccunga jipa su: —¿Toya ti qui anambani ccui'fa? ¿Toya ti qui ñofa'je'fa? Que can'faja. Tayo tsu hora napi. Ja'ño tsu Sefaccone Ji'cho A'ima egae tsinconsundeccunga chi'gapa afeya.
24172	MAT 26:49	Tsa'caen toeni supa Judas jipa tse'faei'ccuyi Jesúsnga catsepa su: —¿Vani ti qui can'jen, na'su? Qquen supa Jesúsma mocha.
24178	MAT 26:55	Tsomba Jesús poiyi'cco a'ima su: —¿Ñanda ti gi fi'ttipa ccana'su? ¿Tsa'cansi ti qui matichi, quini'ccoi'ccu ñama indiye ji'fa? Nane poi a'ta gi Chiga ettinga dyaipa atesian'jen'ma qui ñama indi'fambi.
24202	MAT 27:4	angapa afepa su: —Egae tsincombi'choama fi'ttiye afepa gi egae tsincon. Tsa'ma Chigama afa'su nasundeccuja su'fa: —¿Jongoesie qui ingingata ji? Que tsa'caen tson'choja que in'jan'cho tsu.
24209	MAT 27:11	Jesúsma governarornga anga'fasi Pilatoja Jesúsma iñajampaña: —¿Que ti qui israendeccu na'su? Jesúsja su: —Que suqquia'can tsu.
24211	MAT 27:13	Pilatoja tisema iñajampaña: —¿Pañambi ti qui tise'pa queja osha'cho egae tsincon qquen afa'je'choma?
24215	MAT 27:17	Tsa'camba ccupaye iñajañe bo'fasi Pilato tise'pama iñajampaña: —¿Majame qui in'jan'fa ña ccupaye? ¿Barrabásma ccupayeta ti qui in'jan'fa? Tsambi'ta ¿Jesús, tsa Chigambe Cristo qquen su'choma ccupaye ti qui in'jan'fa?
24221	MAT 27:23	Pilatoja su: —¿Jongoesune gi tisemajan fi'ttiya? ¿Jongoesuma tsu egae tsincon? Qquen susi ti'tsse tsu fundondo'e afa'fa: —¡Avuja'cconga fi'ttija!
24308	MRK 1:24	—¿Mincoñe qui ingingata ji, Jesús Nasareno'su? ¿Ji ti qui ingima sefaeñe? Ñanda gi quema atesu. Queta qui Ño'a Chigani'su.
24311	MRK 1:27	Somboin jasi a'i pa'cho qquendyasi poiyi'cco a'i dyopa can'boen'fa. Tsomba tisupanaccu iñajampañacco'fa: —¿Jongoesu tsu vaja? ¿Jongoesu tsu va cuname atesian'jen'cho? Jovaja ti'tsse'tsse manda. Nane cocoyandeccuma'qque iyu'usi tisema paña'fa.
24337	MRK 2:8	Tsa'ma Jesúsja tise'pa in'jan'choma atesupa su: —¿Jongoesie qui injama'choni tsa'caen in'jan'fa?
24345	MRK 2:16	Tsonsi Chiga manda'choma atesiansundeccu, fariseondeccu'qque tsama attepa Jesúsma shondosundeccuma iñajampaña'fa: —¿Micomba tsu que'ima atesian'suja va impuestoma isusundeccui'ccu, egae tsinconsundeccui'ccuja amba cui'je?
24347	MRK 2:18	Feti'su Juanma shondosundeccu, fariseoma shondosundeccu'qque ambe'yi asettuye atesu'fa Chigama iñajañe. Tsonsi cca'indeccu Jesúsnga jipa iñajampaña'fa: —¿Micomba tsu Juanma shondosundeccu, fariseoma shondosundeccuja zutsse ambe'yi Chigama iñajan'ma quema shondosundeccuja tsa'caen asettu'fambi?
24390	MRK 3:33	Tsa'caen su'fasi Jesúsja su: —¿Majan tsu ña mama? ¿Majan tsu ña quinshingendeccu?
24402	MRK 4:10	Tse'i a'i bo'fa'cho ja'fasi, Jesúsi'ccu jacansundeccu, tisema doce shondosundeccu tisei'ccu tisuyi can'jemba iñajampaña'fa: —¿Jongoesu qquen tsu suye in'jan tsa condase'cho?
24432	MRK 4:40	Tsomba tisema shondosundeccunga su: —¿Jongoesie qui panshaen dyo'fa? ¿Ñame in'jan'fambi ti qui?
24442	MRK 5:9	Qquen susi Jesúsja iñajampaña: —¿Jongoesu inise qui? Tiseja su: —Legión (Injantssia Sundarondeccu), qquen gi inisecho'cho, ingija tsain'bitssipa.
24463	MRK 5:30	Tsa'ma Jesús'qque tisu ccushaen'choma atesupa piyicamba iñajampaña: —¿Majan tsu ña ondiccu'jema pporaen?
24472	MRK 5:39	Tsa'onga ca'nimba Jesúsja su: —¿Jongoesie qui qquejian'fa? ¿Jongoesie qui ina'jen'fa? Va du'shuja pambe'yi ana'jen.
24478	MRK 6:2	Tseni can'jemba sema'ma'qquia a'ta napisi Jesús Chiga manda'choma atesian'jen'ttinga ca'nimba atesiañe ashaen. Tsain'bio a'i tise atesian'jen'choma pañamba can'boemba su'fa: —¿Mani tsu va a'ija japa osha'choma atesupa ji? Tseni jasi ¿jongoesu atesian'jen'choma tsu tisenga atesian'fa? ¿Majan tsu tisema oshaen tise tivei'ccu tsa'caen sefacconi'su agattoen'choma canjaeñe?
24500	MRK 6:24	Qquen susi pushesuja japa tise chama iñajampaña: —¿Jongoesuve gi iñajaña? Chanjan su: —Iñajanjan Feti'su Juan tsovema.
24537	MRK 7:5	Tsa'camba fariseondeccu, Chiga manda'choma atesiansundeccu Jesúsma iñajampaña'fa: —¿Micomba tsu quema shondosundeccuja tayopi'su coenzandeccu nafattian'choma cati'fa? Nane asettu'choma injiengembe'yi tsu otishimbe an'fa.
24581	MRK 8:12	Jesús injama'chone ñombi'yepa qquendyaccopa su: —¿Jongoesie tsu va aindeccuja sefacconi'su canjaen'chove iñajan'fa? Ñoa'me gi su, mingavieyi'qque tise'panga canjaen'chove canjaeña'bi gi.
24586	MRK 8:17	Qquen afacco'je'fasi Jesús in'jamba su: —¿Jongoesie qui panma i'fambi'choane afacco'fa? ¿Toya ti qui paña'fambi? ¿Toya ti qui in'jan'fambi? ¿Toya ti qui injama'cho shacapa in'jan'fambi?
24590	MRK 8:21	Tsonsi Jesúsja su: —¿Toya ti qui paña'fambi fariseondeccu atesian'jen'chone gi afa?
24592	MRK 8:23	Tsonsi Jesús binima tive'ye indipa canqque joccani anga. Angapa bini tso'fema achaccui'ccu tssipoemba tivei'ccu tisema pporaen. Pporaemba iñajampaña: —¿Osha ti qui atteye?