216	GEN 9:10	Nane poiyi'cco que'i'ccu tsa'o shavo'ye sombopa can'jendeccu —chhiriria, vaura'can, poi tsampini jincho'choi'ccu'qque gi fae'ngae injancco'faya.
390	GEN 16:8	iñajampaña: —Agar, Saraimbe sema'su, ¿mane qui ji? Toya'caen, ¿mani qui jayi? Agarja pañamba su: —Ña na'su Saraine gi ccuyapa jayi.
454	GEN 18:29	Toya'caen Abrahamjan su: —Da, ¿cuarenta ño'andeccuma tseni atte'ta–? Tsonsi Na'suja su: —Cuarenta can'jen'ninda gi antteya.
456	GEN 18:31	Ti'tsse tsu Abrahamjan su: —Ñoa'me opa gi ya'caen ña Na'suma afaye. Tsa'ma, ¿veinteveyi atte'ta ti qui antteya? Na'suja su: —Ju, veinteveyi atte'ta gi tsa canqque'su a'ima fi'ttiya'bi.
457	GEN 18:32	Toya'caen Abrahamjan su: —Chigáne, ña Na'su, ñama iyicca'yejama. Tsa'ma ti'tsse fae seyi gi afaya. ¿Mingae qui tsoña aqquia diez ño'andeccuma atte'ta? Tsonsi Na'suja su: —Nane ñoa'me ño'andeccuma diezve atte'ta gi tsa canqquesundeccuma fi'ttiya'bi.
460	GEN 19:2	qquen su: —Nasundeccu, chigáne ña tsaoni ji'faja. Tseni que'i tsu'ttema cashipa, ana qquendyapa qui tu'i sinte'yi ccase tsaiqui'ye ja'faya. Tsa'ma tise'paja su'fa: —Me'in. Vani atandundunga gi ana'faya.
556	GEN 22:8	Iñajampañasi Abrahamjan su: —Jaricho, Chiga Quitsa tsu ovejama afeya cuintsu ingi tsama oquepa tisenga afeya. Tsa'caen supa fae'ngae ja'fa.
583	GEN 23:11	—Isha, ña na'su. Aqquia gi quenga afeya va ande, toya'caen tsa ande'su fattocco changoma'qque. Poiyi'cco ña antiandeccu tsu ña su'choma pañamba in'jan'fa tansintsse su'chove. Toya'caen canqque sombo'tti'ye panshansundeccu'qque tsu pañamba tansintsse su'chove in'jan'fa. Tsa'cansi injanga tseni a'tuja que pushema.
598	GEN 24:6	Tsonsi Abrahamjan su: —Isha, ¡ña dutssi'yema tseni angajama!
623	GEN 24:31	tisema su: —Jija, Na'su Chiga Quitsa in'jan'cho. ¿Ma'caen qui ca'nimbipa toya vani can'jen? Tayo gi tsa'oma ñoña'fa quene toya'caen que cameyone'qque.
729	GEN 27:1	Isaacja coenza ccashe'yeve dapa atte'jeye oshambi. Fae a'ta tise dutssi'ye coenza Esaúma ttu'sepa su: —¡Jaricho! Qquen susi Esaúja su: —Afaja, yaya.
741	GEN 27:13	Tsa'ma tise mamajan su: —Jaricho, tsa egae afa'choja ñanga tsu antteyeya. Queja asi'ttaembe'yi ña suqquia'caen chivo du'shuma i'ngapa ija.
752	GEN 27:24	ccase iñajampaña: —¿Ñoa'metsse ti qui ña dutssi'ye Esaú? Jacobja su: —Ju, ñanda gi Esaú.
753	GEN 27:25	Tsonsi tise yayaja su: —Afeja, jaricho, ña añe que panza'choma. An nanimba gi quenga ñotsse tsoña'chove afaya. Tsa'caen susi Jacobja aña'choma afe cuintsu añe. Toya'caen vinoma'qque afe cuintsu cui'ye. Isaacja amba cu'i nanimba
754	GEN 27:26	su: —Jaricho, ñanga catsepa mochaja.
759	GEN 27:31	Jipa tsa'qque ya'yatssia aña'chove sho'ccoemba tise yayani anga. Angapa su: —Yaya, jangipa anjan que dutssi'ye panzapa i'choma. Tsomba ñanga afaja ñanga ñotsse tsoña'chove.
800	GEN 29:4	Jacobja catsepa oveja coirasundeccuma iñajampaña: —Antiandeccu, ¿que'ija manisundeccu qui? Tise'paja su'fa: —Ingija Harán'su'fa.
801	GEN 29:5	Tsonsi Jacob ccase iñajampaña: —¿Que'ita ti qui atesu'fa Labán, tsa Nacor dutssi'yema? —Ju, atesu'fa gi —qquen tsu su'fa.
802	GEN 29:6	Jacobja su: —¿Quinse'tssi ti can'jen? Coirasundeccuja su'fa: —Ju, Labánjan quinsetssi tsu. Que canjan, jovoe tsu tise onque'nge, Raquel, tise ovejandeccui'ccu vani jiña.
909	GEN 31:35	Tsonsi Raquelja su: —Yaya, ñama iyicca'yejama que caña'jen'ni jangiye oshambi gi tisu ñotssimbipa. Labán tsa'caen pa'cco ettima tta'tta nani'ma tisu chigandeccuve attembisi
966	GEN 33:5	I'na pasapa Esaúja pushesundeccu, dushundeccuma'qque attepa iñajampaña: —Vandeccuja, ¿ma'candeqquia tsu? Tsonsi Jacobja su: —Chiga quema shondo'suma ñotsse in'jamba afe'cho dushundeccu tsu.
1097	GEN 37:13	Tsa'caen japa canjen'fasi Israelja Joséma su: —Que canjan, que quindyandeccuta tsu Siquemni oveja coira'su japa can'jen'fa. In'jan gi que japa can'gaye. Joséja su: —Ju, avujatsse gi jaya.
1144	GEN 38:24	Tres ccovu pasasi Judánga jipa conda'fa: —Tamar, tsa que china, tsu faesu tsandiei'ccu ccuipa ja'ñojan surie dapa can'jen. Pañamba Judája fundopa su: —¡Tsa'o'ye somboemba tisema oque cati'faja!
1320	GEN 43:29	Joséja poiyi'cco tsendeccuma camba atte tise antian Benjamínma. Nane tsaja tise yaya'supa tise mama'suyi. Tisema attepa su: —¿Va ti que'i antian chu'a'qque can'jen qquen que'i ñanga su'cho? Ju, qquen su'fasi Joséja Benjamínma qquen su: —Jaricho, Chiga tsu quema ñotsse tsoña. Tsa'caen supa
1363	GEN 45:4	Tsa'ma Joséja su: —Chigáne, ¡ñanga catse'faja! Tise'pa catse'fasi Joséja su: —Ña gi que'i antian, José, que'i egiptondeccunga chavaen'cho.
1460	GEN 48:8	Tse'faei'ccuyi Israelja José dushundeccuma attepa iñajampaña: —Vandeccuja, ¿ma'candeqquia tsu?
1513	GEN 50:6	Pañamba faraónjan su: —Jujú, japa que yayama atungaja tise iñajanqquia'caen.
23288	MAT 4:10	Tsa'ma Jesús tisema su: —Satana, ña'ñe biani jaja. Chiga Tevaen'jenga qquen tsu tevaen: “Na'su Chiga Quitsaveyi iñajaña'cho. Tise'veyi shondocaña'cho.”
23446	MAT 8:32	Jesús tise'pama su: —Jujú, japa ca'ni'faja. Qquen susi cocoyandeccu aindeccu'ye sombopa cochinga ca'ni'fa. Ca'ni'fasi pa'cco cochi sheque'fa'cho sumbie dapa ccotta'cco piyiccu'fanga buttopa marnga amppippi ja'fa. Tsa'caen amppippi japa tsu andeccopa pa'fa.
23462	MAT 9:14	Tsonsi feti'su Juanma shondosundeccuja Jesúsnga jipa iñajampaña'fa: —Ingija, fariseondeccu'qque asettupa zutsse ambe'yi Chigama iñajan'fa. ¿Micomba tsu quema shondosundeccuja tsa'caen ambe'yi asettu'fambi?
23476	MAT 9:28	Tsonsi Jesús tsa'onga ca'nisi tise'pa'qque ca'nimba Jesúsnga catse'fa. Catsesi Jesús tise'pama iñajampaña: —¿In'jan'fa ti qui ña que'ima ccushaeñe osha? Tise'paja su'fa: —Ju, na'su.
23659	MAT 13:51	Tsomba Jesús tisema shondosundeccuma iñajampaña: —¿Poiyi'cco va condase'choma ti qui paña'fa? Tise'paja su'fa: —Ju, Na'su.
23695	MAT 14:29	Qquen susi Jesús tisema su: —Jujú, ¡jija! Tsonsi Pedro shavo'ye sombopa na'en omba'ye tsui ja Jesúsnga jaye.
23729	MAT 15:27	Pañamba pushesuja su: —Ju, na'su, ñotsse qui su. Tsa'ma ainshavaja an'jen'cho mesa tsosiccuni ccuipa an'jensi sheque'je'choma tsu an'jen'fa.
23730	MAT 15:28	Qquen susi Jesús tisema su: —Pushesu, ñoa'me qui ñame in'jan. Que in'janqquia'caen tsu tayo tson. Jesús qquen su'je'ni pushesumbe onque'ngeja ccusha.
23758	MAT 16:17	Tsonsi Jesúsja su: —Simón, Jonás dutssi'ye, Chiga tsu quema ñotsse tson. A'i in'jan'choi'ccu ya'caen afambipa qui Chiga ña Quitsa quenga canjaen'choi'ccu afa.
23764	MAT 16:23	Tsa'ma Jesús pañamba piyicamba Pedroma su: —Satana, ¡ña'ttie joqquitssija! ¿Ñama qqueñañe ti qui in'jan? Ñoa'me Chiga in'janqquia'caen qui in'jambi. A'i in'janqquia'caen qui in'jan.
23791	MAT 17:22	Tse'i Jesús, tisema shondosundeccu'qque Galileani fae'ngae jacamba Jesúsja tise'panga su: —Ña, Sefaccone Ji'cho A'ima afopoemba cca'indeccunga afeya.
23794	MAT 17:25	Pedroja su: —Ju, afepoen'jen tsu. Tsonsi Pedro tsa'onga ca'nimba toya afambi'te Jesús tisema o'tie afapa iñajampaña: —Simón, asi'ttaemba ñanga condaja: ¿Majama tsu ande nasundeccuja impuestoma iñajamba isu'fa? ¿Tisupa dushundeccuma ti isu'fa? Tsambi'ta ¿cca'indeccuma ti isu'fa?
23883	MAT 20:22	Qquen iñajansi Jesús tsendeccuma su: —Que'i tsa'caen iñajamba atesu'fambi qui jongoesuve tisu iñajan'choma. ¿Osha'fa ti qui ña cui'ccuma cu'iqquia'caen vana'faye? ¿Osha'fa ti qui ña fetiye'chonga fetiyeqquia'caen vana'faye? Tise'paja su'fa: —Ju, osha'fa gi.
23884	MAT 20:23	Tsonsi Jesús su: —Ju, ñoa'me ña cui'ccuma qui cu'iya'cho. Ña fetiye'chonga que'i'qque fetiyeya'cho. Tsa'ma ña tansinfanga, ña pavefanga dyaiya'choveta ñajan antteye oshambi. Tsamajan antteya'cho majanga Chiga ña Quitsa tayo in'jamba ñoña'chonga.
23911	MAT 21:16	Jesúsma su'fa: —¿Pañambi ti qui tise'pa su'chomajan? Jesús tise'pama su: —Ju, paña. Tsa'ma paña'fambi ti qui Chiga Aya'fa tsane qquen su'choma: Que anttesi dushunaccu, nane toya chocho'jendeccu'qque quema tansintsse ñotsse settapoen'fa.
24148	MAT 26:25	Tsonsi Judas, Jesúsma afeya'choja su: —Atesian'su, ¿ñambi ti gi? Jesúsja su: —Ju, que qui.
24187	MAT 26:64	Jesúsja su: —Ju, que suqquia'can gi. Nane que'i poiyi'cconga gi conda: Jai'ngae qui Sefaccone Ji'cho A'ima Chigai'ccu fae'ngae dyai'choma atte'faya. Osha'chove tson'su Chigambe tansinfanga dyaipa fae'ngae mandaya. Tise sefacconi'su unjimba'cco'ye jiña'choma qui atte'faya.
24244	MAT 27:46	Tayo ondusesi Jesúsja fundondo'e afapa su: —Elí, Elí, ¿lema sabactani? —qquen tsu su: Ña Chiga, ña Chiga, ¿jongoesie qui ñama cati'je?
24334	MRK 2:5	Jesús tsama attepa tise'pa in'jan'choma in'jamba ishopa paji'suma su: —Jaricho, que egae tsincon'choma tayo joqquitssian.
24391	MRK 3:34	Tsomba tisei'ccu dyaisundeccuma piyicamba canjaemba su: —Vandeccu, ñai'ccu can'jensundeccu tsu ña mama, ña quinshingendeccu.
24440	MRK 5:7	Tsonsi Jesúsja su: —Cocoya, ¡joqquitssija va a'i'ye! Tsa'caen susi cocoyaja a'ima afaensi quia'me fundopa su: —¡Joccapitssia Chigambe Dutssi'ye qui, Jesús! ¿Jongoesie qui ñangata ji? ¡Chigáne ñama noñangianjama!
24560	MRK 7:28	Tsa'ma tsa pushesuja su: —Ju, na'su, ñotsse qui su. Tsa'ma ainshavaja an'jen'cho mesa tsosiccuni ccuipa dushundeccu an'jensi sheque'je'choma an'jen'fa.
24632	MRK 9:25	Tsa'caen su'je'ni ti'tsse'o a'i bojisi Jesús attepa cocoyama iyu'upa su: —Cocoya, ayafambie, tsonsinambie tsonqque'su, ña gi manda joqquitssija va du'shu'ye. Ccatsse tisenga ca'nijama.
24704	MRK 10:47	Jesús Nasareno'su panshanjin qquen pañamba binijan fundopa su: —Jesús, David Dutssi'ye, ñama mende'yeja.
24859	MRK 14:36	Chigama iñajamba qquen tsu su: —Yaya, Chiga Quitsa, queja osha'choma oshacho. Cui'ya'choma itsaqquia'caen va ña vanaña'choma joqquitssianjan. Tsa'ma joqquitssiañe in'jambi'ta que in'janqquia'caen tsonjan. Ña in'jan'chomajan me'i.
24860	MRK 14:37	Iñajan nanimba tisema shondosundeccuni ji. Jipa ana'jen'fa'choma attepa Pedroma su: —Simón, ¿ana'jen ti qui? ¿Oshambi ti qui ni fae horaveyi'qque caña'jeñe?
24885	MRK 14:62	Tsonsi Jesúsja su: —Ju, ña gi. Nane que'ija atte'faya qui Sefaccone Ji'cho A'i gi Osha'choma Oshacho'cho Chigambe tansinfani dyai'choma. Toya'caen qui atte'faya ña unjimba'cco'ye jiña'choma.
24929	MRK 15:34	Tayo ondusesi Jesúsja fundondo'e afapa su: —Elí, Elí, ¿lema sabactani? —qquen tsu su: Ña Chiga, ña Chiga, ¿jongoesie qui ñama cati'je?
24940	MRK 15:45	capitánjan su: —Ju, tayo tsu pa. Tayo pa qquen pañamba Pilatoja manda Jesús ai'voma cuintsu Josénga afeye.
25090	LUK 2:48	Tsa'caen tson'jen'ni Jesús chan, tise yaya'qque tisema attepa can'boen ccutsupa Jesús chanjan su: —Jaricho, ¿jongoesie qui ingima a'tu maña? Tsa'caen que a'tu mañasi ingija ñoa'me ñombi'yepa tta'ttá vana'jen'fa.
25140	LUK 4:8	Jesúsja pañamba su: —Satana, biani jaja. Chiga Tevaen'jenga qquen tsu tevaen: “Na'su Chiga Quitsaveyi iñajaña'cho. Tise'veyi shondocaña'cho.”
25196	LUK 5:20	Jesúsja tise'pa Chigave in'jan'choma in'jamba paji'suma su: —Tsandie, tayo tsu que egae tsincon'cho joqquitssi.
25220	LUK 6:5	Toya'caen Jesúsja su: —Ña, Sefaccone Ji'cho A'i gi sema'ma'qquia a'tane na'su.
25278	LUK 7:14	Tsomba Jesús catsepa pa'choma ccuiña'cho asiccoma pporaensi angasundeccuja já ccutsu'fa. Tsonsi Jesúsja pa'choma su: —Jaricho, ¡qquendyaja!
25304	LUK 7:40	Tsonsi Jesúsja fariseo in'jan'choma in'jamba su: —Simón, ñajan quenga condaye in'jan. Simónjan su: —Atesian'su, ¿jongoesuma qui condaye in'jan? Tsonsi Jesúsja tisema su:
25473	LUK 10:41	Tsa'ma Na'su Jesús Martama su: —Marta, Marta, iyicca'yembe canjan. Panshaen qui asi'ttaemba osha'chove ñoñañe vase'je.
25502	LUK 11:28	Tsa'ma Jesúsja su: —Ju, tsa'ma majan Chiga Aya'fama pañamba tson'da tsa tsu ti'tsse avujatssi.
25599	LUK 13:12	Jesúsja tisema attepa ttu'sepa su: —Pushesu, tayo qui ccusha que paji'choma.
25805	LUK 19:5	Jesúsja tse'ttinga napipa asuccocamba tisema attepa su: —Zaqueo, junde andeja. Ñanda gi ja'ño a'ta que tsaoni japa can'jeña.
25964	LUK 22:31	—Simón, Simón, vama canjan. Satanajan poiyi'cco que'ima in'jamba iñajan trigoma qque'shoqquia'caen que'ima vanaeñe.
25967	LUK 22:34	Jesúsja su: —Pedro, ñoa'me gi quenga su: Arapa gayo toya ja'ño a'ta se'yombi'te queja ñane tres se a'tieña “Tisema atesumbi gi” qquen supa.
25975	LUK 22:42	su: —Yaya, que in'jan'da va ña vanaña'choma joqquitssianjan. Tsa'ma joqquitssiañe in'jambi'ta que in'janqquia'caen tsonjan. Ña in'jan'chomajan me'i.
25981	LUK 22:48	Tsa'ma Jesús tisema su: —Judas, ¿Aqquia ti qui in'janqquia'caen mochapa Sefaccone Ji'cho A'ima cca'indeccunga afeya?
25990	LUK 22:57	Tsa'ma Pedroja qquen supa a'tien: —Pushesu, ni ñajan tisema atesumbi.
25991	LUK 22:58	Omboe faesu'qque Pedroma attepa su: —Que'qque tsendeccu'su qui. Tsa'ma Pedroja su: —Tsandie, me'i gi.
25993	LUK 22:60	Tsa'ma Pedroja su: —Tsandie, atesumbi gi que jongoe qquen su'choma. Tse'faei'ccuyi arapa gayoja se'yo.
26003	LUK 22:70	Tsonsi tsu poiyi'cco su'fa: —¿Tsa'caenda ti qui Chiga Dutssi'ye? Jesúsja tise'pama su: —Ju, que'i suqquia'can gi.
26038	LUK 23:34	Ccutsiansi Jesúsja su: —Yaya, tise'pa'ye va egae tsincon'choma joqquitssianjan. Va aindeccuja tise'pa tson'jen'choma atesu'fambi. Toya'caen sundarondeccuja gana qquen cofe'je'fa Jesús ondiccu'je'cho sarupama attufaenccoye.
26046	LUK 23:42	Tsomba tiseja Jesúsma su: —Jesús, que na'suve da'ta ñama injan'jenjan.
26151	JHN 1:38	Tsa'caen jayi'fasi Jesúsja piyicamba ingima attepa su: —¿Jongoesuve qui ttatta'je'fa? Ingija su'fa: —Rabbí, ¿mani qui can'jen? (Rabbí tsu atesian'su qquen su'cho.)
26168	JHN 2:4	Tsa'ma Jesúsja pañamba su: —Mama, ¿jongoesie qui ñangaja conda? Toya tsu ña attiaña'cho napimbi.
26246	JHN 4:21	Jesúsja tisenga su: —Pushesu, ñama pañajan. Pan tsu napiji maqui a'ta a'ija ni va ccotta'cconga ni Jerusaléni ja'faya'bi tsu Chigama iñajañe.
26275	JHN 4:50	Tse'i Jesúsja su: —Jaja, Que du'shu canseya tsu. A'ija Jesús su'choma pañamba in'jamba tise tsaoni ja.
26460	JHN 8:10	Tsomba asuccocamba cca'ive me'i'onsi pushesuma attepa su: —Pushesu, ¿maningae tsu quema afasesundeccuta jaja'fa? ¿Majañi'qque ti que injama'choma somboen'fambi?
26464	JHN 8:14	Jesúsja su: —Ju, ñajan tisune afa'je. Tsa'ma ñajan mane tisu ji'chove, mani jaya'chove'qque atesusi tsu ña afa'chota ñoa'me tansintssi. Tsa'ma que'ija atesu'fambi qui mane ña ji'chove ni maningae ña jaya'chove'qque.
26518	JHN 9:9	Majanjan su'fa: —Ju, tsa tsu. Cca'ija su'fa: —Me'i, tsambi. Tsa'ma tsa'cañi. Tsa'ma tayoeja binimba su: —Ju, ña gi.
26616	JHN 11:24	Martaja su: —Ju, atesu gi ccase tsu qquendyaya poi pa'chondeccui'ccu osefaeña'cho a'ta napisi.
26619	JHN 11:27	Tiseja su: —Ju, Na'su. Ñajan in'jan gi queja Cristo, Chiga Dutssi'ye, va andenga ji'cho.
26633	JHN 11:41	Tsonsi patuma joqquitssian'fasi Jesúsja sefacconima camba su: —Yaya, Queja ñama pañasi gi Quene ñotsse afa'je.
26635	JHN 11:43	Tsa'caen supa quia'me fundopa afa: —Lázaro, tse'ttie somboja:
26746	JHN 14:9	Jesúsja tisema su: —Felipe, va pa'tsse que'i'ccu can'jen'ma ¿toya ti qui ñama atesumbi? Majan ñama atte'ta Chiga Quitsama'qque tsu atte'fa. ¿Ma'caen qui ja'ñojan su: “Chiga Quitsama inginga attianjan.”?
26920	JHN 19:26	Jesúsja tise chama attepa ña tise in'jan'cho shondo'suma'qque attepa tise changa su: —Mama, tsa tsu que du'shuja.
26949	JHN 20:13	Chigama sefacconi'su shondosundeccuja iñajampaña'fa: —Pushesu, ¿jongoesie qui ina'jen? Tiseja su: —Ña na'su ai'voma atu'tti'ye anga'fasi gi mani ccuiña'chove atesumbipa ina'jen.
26951	JHN 20:15	Tsonsi Jesúsja iñajampaña: —Pushesu, ¿jongoesie qui ina'jen? ¿Majame qui tta'tta? Tiseja quinisisicco coira'su qquen in'jamba Maríaja su: —Coira'su, que Jesús ai'voma anga'pa mani ccuiña'da ñanga condaja ña angaye.
26965	JHN 20:29	Jesúsja su: —Tomás, ñama attepa qui in'jan. Ñoa'me avujatssi'fa tsu majan ñama attembe in'jan'chondeccu.
26972	JHN 21:5	Tsonsi Jesús inginga su: —Dushundeccu, ¿avumanda ti qui indi'fambi? Ingija su'fa: —Me'i'fa.
26982	JHN 21:15	An nanimba Jesúsja Simón Pedroma iñajampaña: —Simón, Jonás dutssi'ye, ¿vandeccuma ti'tsse ti qui ñame ñotsse in'jan? Pedroja su: —Ju Na'su, que qui atesu ña quema in'jan'choma. Jesúsja su: —Oveja du'shuma o'fianqquia'caen ña a'ima atesianjan.
26983	JHN 21:16	Tse'ttie ccase iñajampaña: —Simón, Jonás dutssi'ye, ¿ñama ti qui ñotsse in'jan? Pedroja su: —Ju, Na'su, que qui atesu ña quema in'jan'choma. Jesúsja su: Tsa'caenda ña a'ima coiraja ovejama'caen.
26984	JHN 21:17	Tsomba ccase, tercera se iñajampaña: —Simón, Jonás dutssi'ye, ¿aqquia ti qui ñama in'jan? Pedroja ñombi'ye, ja'ño tres se iñajampaña'ba “¿Aqquia ti qui ñama in'jan?” qquen iñajampañasi. Ñombi'yepa su: —Na'su, que qui pa'ccoma atesucho. Que qui atesu ña quema in'jan'choma. Tsonsi Jesúsja su: —Tsa'caenda ña a'ima atesianjan ovejama'caen.
26989	JHN 21:22	Jesúsja su: —Ña, ña ccase jiya'ngae tise canseye in'jan'ninda ¿jongoesie qui fundo'je? Queja ñai'ccu jija.
27008	ACT 1:16	—Faengasundeccu, Chiga Tevaen'jen suqquia'caen tsu tsoña'cho. Nane Chiga Qquendya'pa tayopi'su Davidma afaensi tsu Judasne afa. Nane Judas'ye tsu Jesúsma indipa afe'su.
27032	ACT 2:14	Tsonsi Pedro faesu oncei'ccu ccutsupa poiyi'cco a'inga quia'me afapa su: —Israendeccu, poiyi'cco Jerusaléni can'jensundeccu, vama atesu'faja. Ñotsse paña'faja ña su'choma.
27055	ACT 2:37	Qquen susi pañamba poiyi'cco pañasundeccu tisupa injama'choni asi'ttaemba ñombi'ye'fa. Ñombi'yepa Pedroma, faesu Jesúsne afasundeccuma'qque iñajampaña'fa: —Faengasundeccu, ¿ma'caen gi tson'faya?