23217	MAT 1:4	Aram tapa Amminadab; Amminadab tapa Nahshon; Nahshon tapa Salmon;
23240	MAT 2:2	Hong suak Judah te Kumpipa koisung ah om ziam? Nisuana sang panin ama i aksi hong suak ka mu uh a, ama bia tu in hong theng khu hi, ci uh hi.
23261	MAT 2:23	Nazareth kici khua hong theng in tua khua ah om uh hi: tabang in kamsang i sonkholsa bang in, Nazareth khuami, kici tuh hi, a ci sia hong tangtung hi.
23285	MAT 4:7	Jesus in, Na Topa Pathian na ze et heak in, ci zong ki at thua hi, ci in zo kik hi.
23291	MAT 4:13	Nazareth khua nusia in, Capernaum ah om tu in pai hi, tua khua sia Zebulun le Naphtali ngamngi, tuipi hui ah a om khua a hihi.
23293	MAT 4:15	Zebulun ngam le Naphtali ngam, Jordan ngun ngal tuipi pai na lam hui, Gentile mite omna mun Galilee;
23295	MAT 4:17	Tua hun pan kipan Jesus in, Na mawna ki sikkik vun: banghangziam cile vantung kumpingam hong nai zo hi, ci in thuhil kipan hi.
23316	MAT 5:13	Note sia leitung i ci na hi uh hi: ahihang ci sia a al na a om nawn bale, bangbang in al kik thei tu ziam? doipua ah vawk in peangtaw sikcil tu simngawl bangma phatuam ngawl hi.
23317	MAT 5:14	Note sia leitung i khuavak na hi uh hi. Mualdawn ah a kisa khuapi sia kilia thei ngeingawl hi.
23319	MAT 5:16	Na khuavak uh midang te muna ah tang tahen, tabang in amate in a pha na vawt te mu tu a, van ah a om na Pa pokna pia tu uh hi.
23324	MAT 5:21	Nidanglai in, tualthat heak in; tualthat te thukhenna thuak tu kilawm hi, ci thu na zazo uh hi.
23327	MAT 5:24	Na piaktu sia biaktau mai ah nusia phot in a, na suapuipa kung ah pai masa in; kilemna na vawt zawkciang, biakpiakna pia kik pheang in.
23330	MAT 5:27	Nidang in palngul mawna vawtheak in, ci sia na zaksa uh a hihi:
23332	MAT 5:29	Na ziatsang mit in hong khialsak a hile, khelkeak in vawk in: na pumpi vekpi taw hell sung ah na ki khiak tu sang in pumpi khen khat na sup tu phazaw hi.
23333	MAT 5:30	Na ziatsang khut in hong khialsak le, tan in vawk in: na pumpi vekpi taw hell sung ah na ki khiak tu sang in pumpi khen khat na sup tu phazaw hi.
23336	MAT 5:33	Nidang in, kamciam pia heak in, ahihang Topa kung ah na kiciamna te tangtun in, ci thu na zazo uh hi:
23339	MAT 5:36	Na lu sam in zong kiciam heak in, banghangziam cile na samzamno khat vomsak le kangsak thei ngawl ni hi.
23344	MAT 5:41	Nang hong zawthawkvawt khatpo in tai khat hongpaisak le, tai ni dong paipui vet in.
23346	MAT 5:43	Na innpam it in, na ngal te ensan in, ci thu na zaksa uh a hihi.
23350	MAT 5:47	Na suapui te bek na paupui uh le, ngualdang taw bang ki lamdang nu ziam? siadong te zong tabangma vawt hi ngawl ziam?
23361	MAT 6:10	Na kumpingam hong piang tahen. Vantung ah na deina a kicin bang in, leitung ah kicing tahen.
23363	MAT 6:12	Ngual dang mawna ka maisak uh bangma, kote mawna zong hong maisak ta in.
23365	MAT 6:14	Ngual i khialna te na maisak uh le, vantung a om na Pa in note khialna zong hong maisak tu hi.
23370	MAT 6:19	Nget i neak thei, eakseau thei le nguta te i phul in a nguk theina hileitung ah na neisa uh khol heak vun:
23371	MAT 6:20	Nget i neak thei ngawl, eakseau thei ngawl le nguta te in phul in a nguk thei ngawl na mun, vantung ah noma atu in neisa te khol zaw tavun:
23378	MAT 6:27	Note sung pan thintoi na taw a khan tong khat a pe thua thei akua om ziam?
23388	MAT 7:3	Na mit sung ah thing tawnpui thintoi ngawl in, na suapuipa mitsung a om nin themno sia banghang en ni ziam.
23389	MAT 7:4	Na mitsung a om thing tawnpui om nginge in, na suapuipa mitsung a om nin themno sia kong kheisak tu, bangbang ci thei tu ni ziam?
23392	MAT 7:7	Ngen vun, hong pia tu hi; zong vun, mu tu nu hi; king vun, hong ki hon tu hi:
23394	MAT 7:9	Na tate in anluum hong ngen le, a kua in suangtum na pia tu uh ziam?
23395	MAT 7:10	Ngasa hong nget ciang, kua in ngul na pia tu uh ziam?
23396	MAT 7:11	Na phat ngawl uh kawm pan in na tate letsong pha nano piak tu na he uh le, vantung a a om na Pa uh in a ngen te a tamzawkan in pia ngawl in om tu ziam?
23404	MAT 7:19	Nga pha nga ngawl thingkung peuma phuk in, meisung ah khia hi.
23410	MAT 7:25	Nguazu in khuanawl suak a, huipi in tua inn sia nawm in nuaicip napi; puk ngawl hi: banghangziam cile suangtung ah a kisak hang a hihi.
23412	MAT 7:27	Nguazu in khuanawl suak a, huipi in tua inn sia nawm in a nuaicip ciang in; tua inn puk hi: a nasia mama puna a hihi.
23418	MAT 8:4	Jesus in tua pa tung ah, Ngai in, kuama son heak in; ahihang thiampipa kung ah pai in kilak in, midang atu tetti hi tu in, Moses thupiakna bang in, biakpiakna pia in, ci hi.
23427	MAT 8:13	Jesus in ngalkap mangpa kung ah, Cia kik tan, na upna bang in kivawtsak zo tu hi, ci hi. Ngalkap mangpa naseampa tua hun laitak lian in dam hi.
23430	MAT 8:16	Nitak sang hong thet ciang in, doaivei tam mama hong paipui uh hi: Jesus in a kammal taw thaa niin te hawlkhia in, cina theampo damsak siat hi:
23434	MAT 8:20	Jesus in, Ngia te in kua nei a, tungleang vacimte in zong bu nei uh hi; ahihang mihing Tapa in a lu ngak natu nangawn zong nei ngawl hi, ci hi.
23453	MAT 9:5	Na mawna hong ki maisak zo hi; a hibale, tho in a, lampai in, ci koisia ol zaw ziam?
23477	MAT 9:29	Tasiaciang, Jesus in amate mit thamsak in, Na upna uh bangin piang tahen, ci hi
23488	MAT 10:2	Nungzui sawmleni te i min sia hi teng a hihi; a masa phit in Peter kici Simon le a nau Andrew; Zebedee i tapa James le a nau John;
23493	MAT 10:7	Na pai uh kawm, vantung kumpingam hong nai zo hi, ci in thuhil tavun.
23495	MAT 10:9	Na sumbawm uh sung ah kham, ngun le tau ngo te keng heak vun,
23496	MAT 10:10	Na khualhaw na atu thungkua ahizong, puan sil ni ahizong, peangdap kop ni le ciangkhut te zong keng heak vun: banghangziam cile naseampa an vak tu kilawm hi.
23510	MAT 10:24	Nungzui khat sia a syapa sang in a sanzawk ngawl bangma, naseam pa zong a topa sang in sangzaw ngawl hi.
23511	MAT 10:25	Nungzui sia syapa bang ahizong, naseam khat sia a topa taw a kibang le, pha zo hi. Innteak sia Beelzabub a kici le, a innkuanpui te kicizaw kan tu hi ngawl ziam?
23526	MAT 10:40	Note hong sang peuma keima hong sang hi a, keima hong sang peuma in keima hong sawlpa a sang a hihi.
23531	MAT 11:3	Jesus kung ah, Nangma sia hongpai tu pa na hi ziam, a hibale a dang ngak laitu khu ziam, ci in dong hi.
23551	MAT 11:23	Nang Capernaum awng! van dong in lapsang hi napi, hell sung dong khiaksuk na hi tu hi: banghangziam cile na sung ah a ki vawt nalamdang te Sodom ah ki vawt hile, tuni dong taang lai tu hi.
23569	MAT 12:11	Jesus in, Note sung ah mi khat in tuu khat nei hi, tua tuu sia sabbath ni in dumsung ah tak bang hile, pusua ngawl in om tu ziam?
23571	MAT 12:13	Tuapa kung ah, Na khut zan in, ci hi. A khut a zan ciang in, a khut langkhat bangma in dam hi.
23583	MAT 12:25	Jesus in amate ngaisutna he a, Ngam khat sia ki khen in a ki do le, siatna sung theng tu hi; khuapi le inn te zong ki khen in a ki do uh le, kip ngawl tu hi:
23595	MAT 12:37	Nangma kampau te hang in na suakta tu a, nangma kampau na ma taw in mawsiatna thuak tu ni hi, ci hi.
23599	MAT 12:41	Thukhenna ni ciang in Nineveh khuami te sia hi minam te taw hong ding tu a, mawsiat tu uh hi: banghangziam cile amate in Jonah thuhil na a zak uh ciang in kisik tek uh hi; en vun, Jonah sang in a lianzaw ziaksung ah om hi.
23681	MAT 14:15	Nitak sang ciang in, a nungzui te a kung ah hongpai in, hi mun sia senneal ngam hi, khua niam zo ahikom; mihonpi te paisak in a, khuapi te ah pai in amate neak tu an lei tahen, ci uh hi.
23693	MAT 14:27	Ahihang tasia pociang Jesus in amate paupui a, Na thin uh nuamsak vun, keima khi hi; lau heak vun, ci hi.
23709	MAT 15:7	No a ki hitheamsak te, kamsang Isaiah in noma thu a mantak in a sonkhol na ah,
23712	MAT 15:10	Taciang Jesus in mihonpi te sam a, Ngai vun a, he tavun.
23718	MAT 15:16	Jesus in, Note zong tu dong telthiam ngawl lai nu ziam?
23729	MAT 15:27	Numei nu in, man hi, Topa awng: hima kale, to te i sabuai pan anneng tak te buang ui in ne hi, ci hi.
23735	MAT 15:33	Nungzui te in, mihon tampi te a kham in vak natu an tampi hi duisung ah koisung pan om tu ziam? ci uh hi.
23743	MAT 16:2	Jesus in amate tung ah, Nitak sang in van hong san le, khuapha tu hi.
23746	MAT 16:5	Nungzuite ngalkhat ah hong thet uh ciang, anluum ken tu mangil uh hi.
23754	MAT 16:13	Jesus in Ceasaria Philippi khua kiim a thet uh ciang, a nungzui te kung ah, Ngual in mihing Tapa sia kua hong ci uh ziam? ci in dong hi.
23756	MAT 16:15	Jesus in, No ma na e, keima sia kua hi nong ci uh ziam? ci in dong hi.
23757	MAT 16:16	Simon Peter in zo a, Nangma sia a nungta Pathian Tapa, Christ na hihi, ci hi.
23770	MAT 17:1	Ni luk zawkciang Jesus in Peter, James le a suapuipa John te mual tung ah kapui to hi.
23775	MAT 17:6	Nungzui te in tua aw a zak uh ciang in, lau mama ahikom lei ah bokcip uh hi.
23785	MAT 17:16	Na nungzui te kung ah ka paipui uh hang in, amate in damsak thei ngawl uh hi, ci hi.
23788	MAT 17:19	Nungzuite sia atuam in Jesus kung ah hongpai a, banghang in hawlkhia zo ngawl khu ziam? ci in dong hi.
23789	MAT 17:20	Jesus in, Na up ngawl uh hang hi: a tatak in kong ci ciang, ankam ci cia upna nei le uh te, mual hisia hi mun pan in zesung mun ah ki khin in: ci le uh te kikhin tu hi; no atu a piangthei ngawl bangma om ngawl hi.
23822	MAT 18:26	Naseampa bok in bia a, topa, hong ngak lai tan, a vekpi in hong lo tu khi hi, ci hi.
23829	MAT 18:33	Nang tung ah hesuakna ka nei bang in, nang zong na naseppui te tung ah hesuakna na nei tu kilawm hi ngawl ziam? ci hi.
23850	MAT 19:19	Na nule na pa zakta in: nangma le nangma na ki it bang in na innpam te zong it in, ci in zo kik hi.
23852	MAT 19:21	Jesus in ama kung ah, Na cialcing nuam le va pai tan a, na neisa te zuak in a, a zawngte pia in, tua hile vantung ah neisa na nei tu hi: tuazawkciang hongpai tan a, hong zui tan, ci hi.
23863	MAT 20:2	Nikhat thaman dangkasan pheak khat piak tu in naseam tute taw a thukim zawkciang, amate sia sapit huan ah sawl hi.
23867	MAT 20:6	'Nitaksang nai nga kimpawl in paikik leleau a, bangma seam ngawl in a ding thathong te mu hi, taciang, banghang in na seam ngawl in sun khuateak ziaksung ah ding nu ziam? ci hi.
23869	MAT 20:8	Nitakciang in sapit huanneipa in sumkeampa kung ah, a khakbel pan a masabel dong a seam te theampo sam siat in a, a thaman pia in, ci hi.
23870	MAT 20:9	Nitaksang nai nga pan nasep kipan te hongpai ciang, ngun dangka piakhat tek nga uh hi.
23875	MAT 20:14	Na thaman la in a, cia in: a khakbel te zong nangma kong piak za pia tu khi hi.
23886	MAT 20:25	Ahihang Jesus in amate a kung ah sam a, Na heaksa uh bangma in Gentile kumpi te in a mihing te sia zawthawk thu taw uk a, ulian te in thuneina taw uk uh hi.
23888	MAT 20:27	Note sung ah khatpo in a lu bel a hi nuam le, note i sila hi tahen.
23897	MAT 21:2	Na mai khua ah pai tavun a, Lapui a ki khi a no taw mu tu nu hi: a khau sut vun a ka kung ah hong paipui tavun.
23906	MAT 21:11	Tasiaciang in mihonpi te in, hisia pa sia Galilee ngam Nazareth khuami kamsang Jesus hi, ci uh hi.
23910	MAT 21:15	Na lamdang a vawt te le biakinn sung pan patangno te in, David Tapa tung ah Hosanna, ci in a au na uh thiampi lian te le thukhamhil te in a mu uh ciang, a thin-uk mama uh hi,
23915	MAT 21:20	Nungzui te in a mu uh ciang, lamdangsa mama in, bangbang in hizata manlang in ko pai ziam? ci uh hi.
23917	MAT 21:22	Na um uh le thungetna taw na nget uh theampo na nga tu uh hi, ci hi.
23959	MAT 22:18	Ahihang Jesus in amate tatsiatna he a, No a ki hitheamsak te, banghang in hong aita nu ziam
24003	MAT 23:16	No mittaw lamlak te, na mailam uh bing hi, khatpo in biakinn sam in a kiciam le bangma poimaw ngawl hi, ahihang a kuamapo biakinn a om kham sam in a kiciam le ama sia leiba nei hi, na ci uh hi.
24004	MAT 23:17	No mi mawmaw le mittaw te: bang lianzaw ziam, kham maw, a hibale kham a thiangthosak biakinn koisia hi zaw?
24006	MAT 23:19	No mi mawmaw le mittaw te! bang lianzaw ziam; biaktau ah a ki pia sia maw, a hibale a ki pia sia a thiangsak biaktau lianzaw ziam?
24011	MAT 23:24	No mittaw lamlak te, thosi no khat zong ki hel ngawl tu in hawp napi, kala-uk lopval nu hi.
24013	MAT 23:26	Nang Pharisee mittaw pa, hai le kuang te a sungsang sil masa in a, a puasang zong thiang tu hi.
24020	MAT 23:33	No ngul suan te, hell ngam thet natu pan bangbang suakta thei tu nu ziam?
24063	MAT 24:37	Hikama le Noah hun lai bangma in mihing Tapa hongpai ciang zong tabangma hitu hi.
24064	MAT 24:38	Banghangziam cile tuipiliim ma, Noah tembaw sung a tum ni dong mihing te sia ne in dawn in, kipui le mopoai vawt in om tek uh hi,
24068	MAT 24:42	Na Topa uh hongpai tu hun he ngawl na hi uh ciang in, encik ngak vun.
24069	MAT 24:43	Nguta hongpai tu hun sia innteakpa in he hile, a inn sia encik nginge tu a, nguta te i phulsak na thuak ngawl tu hi.