23244	MAT 2:6	Quichi̱ sube ti laca Belén nu ntsuꞌu loyuu su cuentya Judea, nacui̱ ycuiꞌ Ni. Pana quichi̱ tyi sca nguꞌ tlyu tsa caca, masi quichi̱ sube laca juani, nacui̱ Ni. Caca nu quiꞌyu tlyu biꞌ loo, loꞌo juaꞌa̱ ñaꞌa̱si̱i̱ yu jiꞌi̱ nguꞌ Israel ꞌna. Juaꞌa̱ nscua lo quityi biꞌ.
23251	MAT 2:13	Nu loꞌo cua nduꞌu nguꞌ tii ndyaa nguꞌ quichi̱ tyi nguꞌ, liꞌ nchcuiꞌ xcalá José. Ndyuꞌu tucua sca xca̱ jiꞌi̱ ycuiꞌ Ndyosi slo yu laja xcalá, nchcuiꞌ loꞌo yu liꞌ: ―Que tiꞌ nuꞌu̱ ―nacui̱ xca̱ jiꞌi̱ José―. Tyatu̱ nuꞌu̱, xna clya nuꞌu̱ ―nacui̱―, tsaa loꞌo nuꞌu̱ jiꞌi̱ xtyaꞌa̱ cubiꞌ tyijyuꞌ nde loyuu su cuentya Egipto. Tyiꞌi̱ ma̱ cajua ñaꞌa̱ cuayáꞌ nu cacha̱ꞌ hi̱ chaꞌ tsoꞌo tya̱a̱ ma̱ nde nasiyu̱ re chaca quiyaꞌ. Tyaala tsa rey Herodes biꞌ; cua ca̱a̱ ti yu quichi̱ re chaꞌ clyana jiꞌi̱ cubiꞌ, chaꞌ cujuii jiꞌi̱ cubiꞌ ntiꞌ yu.
23258	MAT 2:20	―Que tiꞌ nuꞌu̱ ―nacui̱ xca̱ jiꞌi̱ yu―, tyatu̱ clya nuꞌu̱, tyaa loꞌo nuꞌu̱ jiꞌi̱ nu piti loꞌo jiꞌi̱ xtyaꞌa̱ yu nde nasiyu̱ Israel chaca quiyaꞌ ―nacui̱―, chaꞌ cua ngujuii nguꞌ tyaala nu ngua tiꞌ cujuii jiꞌi̱ cubiꞌ cua tya tsubiꞌ la.
23303	MAT 4:25	Biꞌ chaꞌ nduꞌu lcaꞌa̱ quiñaꞌa̱ tsa ñati̱ jiꞌi̱, masi nguꞌ Galilea, masi nguꞌ lcaa quichi̱ nde Decápolis, masi nguꞌ quichi̱ Jerusalén, masi nguꞌ xaꞌ quichi̱ nde loyuu su cuentya Judea, masi nguꞌ quichi̱ chaca tsuꞌ staꞌa̱ Jordán. Quiñaꞌa̱ tsa quichi̱ ngutuꞌu nguꞌ ndyaa lcaꞌa̱ nguꞌ jiꞌi̱ Jesús liꞌ.
23334	MAT 5:31	’Ndiꞌya̱ nchcuiꞌ jyoꞌo cusuꞌ saꞌni: “Si ñacui̱ sca nu quiꞌyu jiꞌi̱ clyoꞌo yu chaꞌ tyaa slo sti chaca quiyaꞌ, chaꞌ ntiꞌ yu xtyanu yu jiꞌi̱ clyoꞌo yu, liꞌ ntsuꞌu chaꞌ culo yu sca quityi cuentya jiꞌi̱ nu cunaꞌa̱ biꞌ. Quityi biꞌ ñacui̱ chaꞌ ngaꞌaa siꞌi clyoꞌo yu laca juani.”
23350	MAT 5:47	Loꞌo chcuiꞌ ma̱ chaꞌ tsoꞌo sca ti loꞌo tyaꞌa tsoꞌo ma̱, ná tsoꞌo biꞌ, chaꞌ la cuiꞌ juaꞌa̱ nduꞌni cua ñaꞌa̱ ca ñati̱; masi nguꞌ nu ná ntsuꞌu chaꞌ jiꞌi̱ loꞌo ycuiꞌ Ndyosi tsiyaꞌ ti, loꞌo nguꞌ biꞌ nchcuiꞌ tsoꞌo loꞌo tyaꞌa tsoꞌo nguꞌ. Quiñaꞌa̱ la chaꞌ tsoꞌo cuaꞌni ma̱ ntiꞌ ycuiꞌ Ndyosi.
23377	MAT 6:26	Culacua xi tiꞌ ma̱ ñiꞌya̱ nu ndyaca jiꞌi̱ quiñi nu ndyacui cua̱: ná ntyaa niꞌ nscuaꞌ, ná nduꞌni niꞌ clacua, ná ndiñá niꞌ jaꞌba su xcoꞌo niꞌ na cacu niꞌ; pana ycuiꞌ Ndyosi Sti na nu ntucua nde cua̱, nda Ni na cacu niꞌ juaꞌa̱ ti. Loꞌo cuꞌma̱ ni, ¿ha xti la ntsuꞌu loo ma̱ que quiñi biꞌ ca slo ycuiꞌ Ndyosi? Siꞌi. Quiñaꞌa̱ la ntsuꞌu loo ma̱ cuentya jiꞌi̱ ycuiꞌ Ni.
23415	MAT 8:1	Loꞌo liꞌ nguaꞌya Jesús caꞌya biꞌ. Quiñaꞌa̱ tsa ñati̱ ndyaꞌa̱ lcaꞌa̱ jiꞌi̱.
23419	MAT 8:5	Loꞌo liꞌ ndyalaa Jesús toꞌ quichi̱ Capernaum. Quichi̱ biꞌ ndyacua tyaꞌa loꞌo sca capitán jiꞌi̱ sendaru romano nu ndijña jiꞌi̱ Jesús chaꞌ cuaꞌni joꞌo jiꞌi̱ sca nu quicha:
23456	MAT 9:8	Quiñaꞌa̱ tsa ñati̱ naꞌa̱ jiꞌi̱ chaꞌ biꞌ, ndyutsi̱i̱ tsa nguꞌ liꞌ. Nguaꞌni tlyu nguꞌ jiꞌi̱ ycuiꞌ Ndyosi liꞌ, chaꞌ cua nda Ni chacuayáꞌ jiꞌi̱ ñati̱ chalyuu chaꞌ cuaꞌni cña tonu juaꞌa̱, ngua tiꞌ nguꞌ.
23551	MAT 11:23	Loꞌo cuꞌma̱ nguꞌ Capernaum ni, ¿ha tsoꞌo tsa quichi̱ tyi ma̱ ntiꞌ ma̱? ¿Ha laca quichi̱ tyi ma̱ loo jiꞌi̱ xaꞌ quichi̱ ntiꞌ ma̱? Pana nde loo la quiñuꞌu̱ tsiyaꞌ ti quichi̱ tyi ma̱, tyaa ycuiꞌ ma̱ ca bilyaa liꞌ. Quiñaꞌa̱ tsa chaꞌ tlyu nguaꞌni naꞌ slo cuꞌma̱, loꞌo ná jlya tiꞌ ma̱ ꞌna tsiyaꞌ ti. La cuiꞌ juaꞌa̱ nu ngua saꞌni, xñaꞌa̱ tsa ngua nguꞌ quichi̱ Sodoma; pana ná naꞌa̱ jyoꞌo nguꞌ biꞌ chaꞌ tlyu ñiꞌya̱ nu cua naꞌa̱ cuꞌma̱ nguꞌ Capernaum. Si cua naꞌa̱ nguꞌ chaꞌ biꞌ, cua ngua tyujuꞌu tiꞌ nguꞌ jiꞌi̱ chaꞌ cuxi nu nguaꞌni nguꞌ liꞌ, cua ngulochu̱ꞌ nguꞌ jiꞌi̱ chaꞌ cuxi biꞌ; tya nscua quichi̱ tyi nguꞌ biꞌ juani lacua.
23573	MAT 12:15	Pana ngua cuayaꞌ tiꞌ Jesús lcaa ñaꞌa̱ chaꞌ cuxi nu ntsuꞌu tyiquee nguꞌ fariseo, biꞌ chaꞌ nduꞌu yu ndyaa yu xaꞌ seꞌi̱. Quiñaꞌa̱ tsa nguꞌ ngutuꞌu lcaꞌa̱ nguꞌ jiꞌi̱ yu, loꞌo juaꞌa̱ nguaꞌni yu chaꞌ ndyaca tsoꞌo lcaa nguꞌ quicha biꞌ.
23732	MAT 15:30	Quiñaꞌa̱ tsa ñati̱ ndyalaa slo yu liꞌ; ndyaꞌa̱ loꞌo nguꞌ jiꞌi̱ quiñaꞌa̱ tsa nguꞌ quicha, loꞌo nguꞌ nu quicha quiyaꞌ, loꞌo nguꞌ cuityi̱ꞌ, loꞌo nguꞌ cuꞌu̱, loꞌo nu cuꞌ yaꞌ, nu cuꞌ quiyaꞌ, lcaa lo nu quicha. Nsta nguꞌ jiꞌi̱ nguꞌ quicha biꞌ lo yuu slo Jesús, loꞌo nguaꞌni Jesús chaꞌ ndyaca tsoꞌo nguꞌ liꞌ.
23784	MAT 17:15	―Cuaꞌni tyaꞌna tiꞌ nuꞌu̱ jiꞌi̱ sñiꞌ naꞌ, cusuꞌ ―nacui̱ yu biꞌ jiꞌi̱ Jesús―. Quicha tsa tiꞌ sñiꞌ naꞌ chaꞌ luꞌba tsa nxalú cuiꞌi̱ cuxi jiꞌi̱ yu; nduꞌni cuiꞌi̱ biꞌ, chaꞌ luꞌba tsa nclyú yu lo quiiꞌ, luꞌba ti nxtyú jiꞌi̱ yu lo hitya.
24038	MAT 24:12	Quiñaꞌa̱ tsa chaꞌ cuxi caca, ñaꞌa̱ cuayáꞌ nu quiñaꞌa̱ tsa nguꞌ tyaꞌa ma̱ ngaꞌaa cuaꞌni tyaꞌna tiꞌ nguꞌ jiꞌi̱ xaꞌ la nguꞌ tyaꞌa ma̱.
24132	MAT 26:9	Quiñaꞌa̱ tsa ngaꞌa̱ setye biꞌ. ¿Ni chaꞌ ná ndyujuiꞌ nguꞌ jiꞌi̱ chaꞌ caja cñi ta jiꞌi̱ nguꞌ tiꞌi? ―nacui̱ nguꞌ nu ndyaca tsaꞌa̱ jiꞌi̱ biꞌ.
24168	MAT 26:45	Loꞌo liꞌ nguxtyu̱u̱ yu ñaa yu slo nguꞌ nu ndyaca tsaꞌa̱ jiꞌi̱. ―¿Ha tya lajaꞌ ma̱? ―nacui̱ Jesús jiꞌi̱ nu nguꞌ biꞌ liꞌ―. ¿Ha bilya tyaalaꞌ xcalá ma̱? Que tiꞌ ma̱ juani, chaꞌ cua ndyalaa hora nu xñi nguꞌ cuxi ꞌna, naꞌ nu cua nda Ni ꞌna lijya̱a̱ chaꞌ caca naꞌ ñati̱;
24364	MRK 3:7	Loꞌo liꞌ ndyaa Jesús toꞌ tayuꞌ loꞌo nu nguꞌ nu ndyaca tsaꞌa̱ jiꞌi̱. Quiñaꞌa̱ tsa nguꞌ Galilea ndyaa nguꞌ ndyaa lcaꞌa̱ nguꞌ jiꞌi̱ chaꞌ cuna nguꞌ chaꞌ nu nclyuꞌu yu.
24430	MRK 4:38	Pana lajaꞌ ti Jesús ntsuꞌu nde siyuꞌ yaca niꞌi̱, ngustii yu lo sca lateꞌ lcuti. Nguxtyuꞌu nguꞌ jiꞌi̱ yu liꞌ: ―Cusuꞌ ―nacui̱ nguꞌ jiꞌi̱ Jesús―. Que tiꞌ nuꞌu̱. ¿Ha ná ndube tiꞌ nuꞌu̱ chaꞌ cua cajaa ti na? ―nacui̱ nguꞌ―. Cua quilyuꞌu ti yaca niꞌi̱ re.
24442	MRK 5:9	Liꞌ nchcuane Jesús jiꞌi̱ yu quicha biꞌ: ―¿Ni naa nuꞌu̱? ―nacui̱ Jesús jiꞌi̱. ―Quiñaꞌa̱ tsa lo naa naꞌ ―nacui̱ nu quicha―, chaꞌ quiñaꞌa̱ tsa tyaꞌa cuiꞌi̱ xñaꞌa̱ ngusñi ꞌna ―nacui̱.
24536	MRK 7:4	Loꞌo tsaa nguꞌ lcayaꞌ cuiꞌya nguꞌ sca na cacu nguꞌ, tya̱a̱ loꞌo nguꞌ jiꞌi̱ toniꞌi̱ liꞌ; pana ná ntsuꞌu chacuayáꞌ cacu nguꞌ jiꞌi̱ si bilya cuaꞌni lubii nguꞌ jiꞌi̱ tyucui ñaꞌa̱ nguꞌ. Quiñaꞌa̱ tsa cña tacati juaꞌa̱ cua nguluꞌu jyoꞌo cusuꞌ jiꞌi̱ nguꞌ judío chaꞌ cuaꞌni nguꞌ; ñiꞌya̱ nu tyaati̱ tasa jiꞌi̱ nguꞌ, ñiꞌya̱ nu tyaati̱ castyu, ñiꞌya̱ nu tyaati̱ quityu̱ꞌ chcua̱, ñiꞌya̱ nu tyaati̱ caꞌña, chaꞌ caca lubii scaa na biꞌ cuentya jiꞌi̱ ycuiꞌ Ndyosi, ngua tiꞌ nguꞌ.)
24866	MRK 14:43	Laja loꞌo nchcuiꞌ Jesús, liꞌ ndyalaa nu Judas biꞌ slo, la cuiꞌ tyaꞌa nguꞌ nu ndyaca tsaꞌa̱ jiꞌi̱ Jesús laca nu Judas biꞌ. Quiñaꞌa̱ tsa nguꞌ tyaala ndyaꞌa̱ nguꞌ loꞌo Judas, ñati̱ nu cua ngulo nguꞌ tisiya cña jiꞌi̱ chaꞌ ca̱a̱ ca̱quiꞌya nguꞌ jiꞌi̱ Jesús; loꞌo maxtyi cusu̱u̱, loꞌo yaca ndyiꞌya nguꞌ lijya̱ nguꞌ. Sti joꞌó nu laca loo, loꞌo mstru chaꞌ joꞌó, loꞌo nguꞌ cusuꞌ, biꞌ laca nu ngulo cña jiꞌi̱ nguꞌ tyaala biꞌ.
24990	LUK 1:28	Loꞌo ndyalaa xca̱ slo nu cunaꞌa̱ biꞌ, liꞌ nchcuiꞌ loꞌo: ―Tsoꞌo ti tyiꞌi̱ nuꞌu̱ ―nacui̱ xca̱ biꞌ jiꞌi̱―, tyacaꞌa tsa nuꞌu̱ jiꞌi̱ ycuiꞌ Ndyosi. Tsoꞌo ndiꞌi̱ Ni loꞌo nuꞌu̱ ―nacui̱―. Quiñaꞌa̱ tsa chaꞌ tsoꞌo nda ycuiꞌ Ndyosi jinuꞌu̱, masi ná nduꞌni Ni juaꞌa̱ loꞌo xaꞌ la nu cunaꞌa̱.
25013	LUK 1:51	Quiñaꞌa̱ tsa cña tlyu cua nguaꞌni Ni. Cua nguaꞌni tye Ni chaꞌ jiꞌi̱ ñati̱ nu xcuiꞌ chaꞌ tyixi nduꞌni nguꞌ loꞌo tyaꞌa nguꞌ.
25019	LUK 1:57	Cua ndyalaa tsa̱ nu cala sñiꞌ Elisabet. Quiꞌyu cubiꞌ nu ngula jiꞌi̱.
25049	LUK 2:7	Quiꞌyu cubiꞌ nu ngula jiꞌi̱ María biꞌ, sñiꞌ clyo nu cunaꞌa̱ biꞌ laca cubiꞌ biꞌ. Tsoꞌo ngüixi̱i̱ xtyaꞌa̱ lateꞌ hichu̱ꞌ cubiꞌ biꞌ, loꞌo liꞌ ngusta jiꞌi̱ cubiꞌ neꞌ canoa su ndacu cuayu, chaꞌ ná ngujui niꞌi̱ su tyiꞌi̱ nguꞌ tsiyaꞌ ti.
25076	LUK 2:34	Loꞌo liꞌ ngulacua̱ nu cusuꞌ Simeón jiꞌi̱ nguꞌ biꞌ. Nde laca chaꞌ nu nda nu cusuꞌ loꞌo María xtyaꞌa̱ Jesús liꞌ: ―Quiñaꞌa̱ tsa chaꞌ tsoꞌo caca jiꞌi̱ nguꞌ Israel xquiꞌya cubiꞌ re ―nacui̱ nu cusuꞌ biꞌ―, masi ntsuꞌu ñati̱ nu chi̱i̱ ntsuꞌu tyiquee nguꞌ ñaꞌa̱ nguꞌ jiꞌi̱, pana ntsuꞌu ñati̱ nu caja chalyuu cucui jiꞌi̱ xquiꞌya cubiꞌ re. Culo tu̱ cubiꞌ re lcaa chaꞌ nu ntsuꞌu yacu̱ꞌ neꞌ cresiya jiꞌi̱ ñati̱; caca cubiꞌ re sca chaꞌ tlyu nu cua nda ycuiꞌ Ndyosi jiꞌi̱ ñati̱, masi ná tyajaꞌa̱ lcaa ñati̱ tucuá chaꞌ jiꞌi̱ ―nacui̱ Simeón jiꞌi̱ María xtyaꞌa̱ cubiꞌ biꞌ―. Loꞌo juaꞌa̱ jinuꞌu̱ ―nacui̱ nu cusuꞌ biꞌ―, tyacua sca chaꞌ xñiꞌi̱ tiꞌ jinuꞌu̱ xquiꞌya chaꞌ ná taquiyaꞌ nguꞌ jiꞌi̱ sñiꞌ nuꞌu̱.
25090	LUK 2:48	Loꞌo juaꞌa̱ nguꞌ cusuꞌ jiꞌi̱ nu piti biꞌ ni, ndube tsa tiꞌ nguꞌ biꞌ loꞌo naꞌa̱ nguꞌ jiꞌi̱ yu chaꞌ stuꞌba ti ntucua yu loꞌo nguꞌ tlyu biꞌ. Liꞌ nchcuiꞌ xtyaꞌa̱ yu loꞌo yu: ―¿Ni chaꞌ laca nguaꞌni nuꞌu̱ juaꞌa̱, sñiꞌ? ―nacui̱―. Quiñaꞌa̱ tsa ngulacua tiꞌ naꞌ loꞌo sti nuꞌu̱ macala su ndyanu nuꞌu̱.
25101	LUK 3:7	Quiñaꞌa̱ ñati̱ ndyalaa su ndu̱ Juan chaꞌ tyucuatya nguꞌ. Liꞌ nchcuiꞌ Juan loꞌo nguꞌ quiñaꞌa̱ biꞌ: ―Ñiꞌya̱ ntiꞌ cuaña tyaala, juaꞌa̱ ntiꞌ cuꞌma̱ ―nacui̱ Juan―. ¿Ha cua nchcutsi̱i̱ nguꞌ jiꞌi̱ ma̱ lacua? ¿Ha juani ndube tiꞌ ma̱ chaꞌ xcubeꞌ ycuiꞌ Ndyosi jiꞌi̱ ma̱ loꞌo tye chalyuu? ―nacui̱―.
25170	LUK 4:38	Liꞌ nduꞌu Jesús nde neꞌ laa, ndyaa yu toꞌ tyi Pedro. Quicha tsa xtyaꞌa̱ laa Simón Pedro biꞌ, chaꞌ tlyu tsa tyiqueꞌ ngusñi jiꞌi̱ maꞌ. Tyaꞌna tsa nchcuiꞌ nguꞌ loꞌo Jesús chaꞌ tsaa naꞌa̱ xi jiꞌi̱ maꞌ.
25193	LUK 5:17	Ngua sca tsa̱ nclyuꞌu Jesús chaꞌ jiꞌi̱ ycuiꞌ Ndyosi jiꞌi̱ tyu̱u̱ tyaꞌa ñati̱. Quichi̱ tyi nguꞌ biꞌ laca lcaa quichi̱ sube ti nu ntsuꞌu nde Galilea, nu ntsuꞌu nde Judea, nu ndiꞌi̱ cacua ti quichi̱ Jerusalén. Laja nu tsa tlyu ti ñati̱ biꞌ, cua ndiꞌi̱ tyu̱u̱ tyaꞌa nguꞌ fariseo. (Tacati tsa ycuiꞌ nguꞌ, ntiꞌ nguꞌ; lye tsa nduꞌni tyucuaa tiꞌ nguꞌ jiꞌi̱ xaꞌ ñati̱.) Loꞌo juaꞌa̱ ndiꞌi̱ tyu̱u̱ tyaꞌa mstru nu nguluꞌu chaꞌ joꞌó neꞌ laa. Ngua tii lcaa nguꞌ nu ndiꞌi̱ ca biꞌ, chaꞌ ycuiꞌ Ndyosi laca nu nxtyucua jiꞌi̱ Jesús loꞌo ndyuꞌni yu chaꞌ ndyaca tsoꞌo nguꞌ quicha.
25344	LUK 8:30	Loꞌo ndyacua tyaꞌa Jesús loꞌo yu quicha biꞌ, liꞌ nchcuane jiꞌi̱ yu: ―¿Ni naa nuꞌu̱? ―nacui̱ Jesús jiꞌi̱ yu. ―Quiñaꞌa̱ tsa lo naa naꞌ ―nacui̱ yu quicha biꞌ jiꞌi̱, chaꞌ quiñaꞌa̱ tsa cuiꞌi̱ xñaꞌa̱ ndyuꞌni lyaꞌ tiꞌ jiꞌi̱ yu.
25473	LUK 10:41	Liꞌ nguxacui̱ Jesús chaꞌ jiꞌi̱ Marta: ―Marta, Marta, ntsuꞌu tsa cña jinuꞌu̱ ―nacui̱ Jesús―. Quiñaꞌa̱ tsa nclyacua tiꞌ nuꞌu̱ xquiꞌya lcaa cña sube nu ntsuꞌu jinuꞌu̱.
25547	LUK 12:19	Liꞌ chaa tiꞌ naꞌ ñacui̱ naꞌ: Tsoꞌo tsa chalyuu nu ngujui ꞌna juani. Quiñaꞌa̱ tsa chaꞌ tsoꞌo cua ntsuꞌu coꞌo ꞌna, nu tyuꞌu scua tyu̱u̱ yija̱ ꞌna. Juani lasa ti tyiꞌi̱ naꞌ chalyuu; ntsuꞌu tsa na cacu naꞌ nde loo la ni, masi coꞌo naꞌ lcui, masi tyaꞌa̱ naꞌ pasiya.”
25647	LUK 14:25	Quiñaꞌa̱ tsa ñati̱ ndyaꞌa̱ loꞌo Jesús, loꞌo liꞌ nchcuiꞌ yu loꞌo nguꞌ chaca quiyaꞌ:
25692	LUK 16:3	Quiñaꞌa̱ tsa ngulacua tiꞌ msu nu laca loo biꞌ liꞌ: “¿Na laca cuaꞌni naꞌ juani, si ngaꞌaa ta xuꞌna naꞌ cña nu cuaꞌni naꞌ? Ngaꞌaa jlo tiꞌ naꞌ ñiꞌya̱ cuaꞌni naꞌ liꞌ. Ná qué naꞌ chaꞌ cuaꞌni naꞌ cña lo yuu; loꞌo si tsaꞌa̱ jña naꞌ msta̱, la cuiꞌ ti juaꞌa̱ ca tyujuꞌu tsa tiꞌ naꞌ liꞌ.
25705	LUK 16:16	’Nu tyempo cua saꞌni la ni, ntsuꞌu chaꞌ cusuꞌ jiꞌi̱ ñati̱, la cuiꞌ chaꞌ nu nda ycuiꞌ Ndyosi loꞌo Moisés, juaꞌa̱ loꞌo nguꞌ nu ngua tuꞌba jiꞌi̱ Ni tya saꞌni la; pana nu loꞌo ñaa Juan, tya liꞌ nguxana ngañi chaꞌ tsoꞌo jiꞌi̱ ycuiꞌ Ndyosi, chaꞌ caca Ni loo neꞌ tyiquee ñati̱. Quiñaꞌa̱ tsa ñati̱, lye tsa nda nguꞌ juersa chaꞌ xñi nguꞌ chaꞌ jiꞌi̱ ycuiꞌ Ndyosi.
25903	LUK 21:8	―Cuiꞌya ma̱ cuentya ―nacui̱ Jesús liꞌ―, chaꞌ ná tucui cñiloꞌo jiꞌi̱ ma̱. Quiñaꞌa̱ tsa nguꞌ ca̱a̱ nguꞌ nu ñacui̱ chaꞌ Cristo laca ycuiꞌ ca nguꞌ: “Juani ndyalaa tyempo biꞌ”, ñacui̱ nguꞌ biꞌ. Pana ná xñi ma̱ chaꞌ jiꞌi̱ nguꞌ biꞌ.
26013	LUK 23:9	Quiñaꞌa̱ tsa chaꞌ nchcuane yu jiꞌi̱ Jesús liꞌ, pana ná nguxacui̱ Jesús chaꞌ jiꞌi̱ yu tsiyaꞌ ti.
26031	LUK 23:27	Quiñaꞌa̱ tsa ñati̱ lcaꞌa̱ nguꞌ jiꞌi̱ Jesús ndyaa. Juaꞌa̱ ndyaꞌa̱ quiñaꞌa̱ tsa nu cunaꞌa̱, ndyunaa tsa nguꞌ; cui̱i̱ tsa nxiꞌya nguꞌ chaꞌ tiji̱ꞌ tsa tiꞌ nguꞌ jiꞌi̱ Jesús.
26073	LUK 24:13	La cuiꞌ tsa̱ biꞌ nduꞌu ndyaa tucua tyaꞌa nguꞌ nde quichi̱ Emaús. Quichi̱ biꞌ ntsuꞌu tii chaca kilómetro cuayáꞌ tyijyuꞌ jiꞌi̱ Jerusalén.
26409	JHN 7:12	Quiñaꞌa̱ tsa chaꞌ nda nguꞌ quichi̱ biꞌ loꞌo tyaꞌa nguꞌ cuentya jiꞌi̱ Jesús. Ntsuꞌu nguꞌ nu nchcuiꞌ ndiꞌya̱: “Tsoꞌo tsa ñati̱ biꞌ”. Loꞌo ntsuꞌu xi xaꞌ la nguꞌ nu nduꞌni: “Siꞌi. Xcuiꞌ chaꞌ cuiñi nda yu, na ñiloꞌo ti yu jiꞌi̱ nguꞌ”.
26593	JHN 11:1	Ndiꞌi̱ sca nu quiꞌyu nu naa Lázaro. Quicha tsa biꞌ. Nguꞌ quichi̱ Betania laca, loꞌo juaꞌa̱ María loꞌo Marta laca tyaꞌa ngula nu quiꞌyu biꞌ.
26639	JHN 11:47	Biꞌ chaꞌ nu nguꞌ sti joꞌó nu laca loo loꞌo nguꞌ fariseo biꞌ, nguxana nxiꞌya nguꞌ jiꞌi̱ lcaa nguꞌ tisiya, chaꞌ tyuꞌu tiꞌi̱ nguꞌ. Loꞌo liꞌ nchcuiꞌ nguꞌ loꞌo tyaꞌa nguꞌ: ―¿Ñiꞌya̱ cuaꞌni na juani? ―nacui̱ nguꞌ―. Quiñaꞌa̱ tsa chaꞌ tlyu ndyuꞌni nu quiꞌyu biꞌ.
26647	JHN 11:55	Cua ngulala tsa taꞌa pascua, biꞌ laca sca taꞌa jiꞌi̱ nguꞌ judío. Quiñaꞌa̱ nguꞌ ngutuꞌu nguꞌ quichi̱ tyi nguꞌ, masi quichi̱ neꞌ quixi̱ꞌ, ndyalaa nguꞌ quichi̱ Jerusalén liꞌ. Yala ti nguaꞌni lubii nguꞌ tyucui ñaꞌa̱ nguꞌ cuentya jiꞌi̱ ycuiꞌ Ndyosi, nu loꞌo tya lyiji ti caca taꞌa.
26652	JHN 12:3	Liꞌ ndyalaa loꞌo María jiꞌi̱ sca lyura setye tyixi xtyiꞌi. Quiñaꞌa̱ tsa ngaꞌa̱ setye biꞌ jiꞌi̱, chaꞌ tyucui setye jiꞌi̱ quixi̱ꞌ nardo laca. Liꞌ ndaꞌa̱ María setye biꞌ chu̱ꞌ quiyaꞌ Jesús, loꞌo quicha̱ꞌ que ycuiꞌ María ngusubeꞌ chu̱ꞌ quiyaꞌ yu; tyucui ñaꞌa̱ niꞌi̱ ntyucua xtyiꞌi setye tyixi xtyiꞌi biꞌ liꞌ.
26661	JHN 12:12	Quiñaꞌa̱ tsa ñati̱ ndyaa nguꞌ taꞌa biꞌ. Ca chaca tsa̱, liꞌ ndyuna nguꞌ chaꞌ cua lijya̱ ti Jesús nde Jerusalén; biꞌ chaꞌ ngutuꞌu nguꞌ biꞌ ndyaa nguꞌ tsa tlyu ti chaꞌ tyacua tyaꞌa nguꞌ loꞌo Jesús.
26670	JHN 12:21	Ñaa xi nguꞌ griego biꞌ slo Felipe liꞌ. Quichi̱ Betsaida laca quichi̱ tyi nu Felipe biꞌ; nde loyuu su cuentya Galilea, ca biꞌ ndiꞌi̱ quichi̱ biꞌ. Liꞌ nchcuiꞌ nguꞌ biꞌ loꞌo Felipe: ―Tyuꞌu chaꞌ clyu tiꞌ jinuꞌu̱, cusuꞌ, cua ntiꞌ ya tyacua tyaꞌa ya xi loꞌo Jesús ―nacui̱ nguꞌ.
26676	JHN 12:27	Tya nchcuiꞌ la Jesús loꞌo nguꞌ liꞌ: ―Quiñaꞌa̱ tsa chaꞌ nclyacua tiꞌ naꞌ juani. ¿Ha tsoꞌo la si jña naꞌ jiꞌi̱ ycuiꞌ Ndyosi Sti naꞌ chaꞌ cuaꞌni Ni chaꞌ ná tyacua chaꞌ cuxi re ꞌna? Siꞌi, ná chcuiꞌ naꞌ juaꞌa̱. Cua ndyalaa hora ꞌna juani chaꞌ caca lcaa cña nu ngaꞌa̱ chaꞌ caca ꞌna.
26739	JHN 14:2	Quiñaꞌa̱ tsa su tsoꞌo ntsuꞌu su tyiꞌi̱ ma̱ ca slo ycuiꞌ Ndyosi Sti naꞌ. Tsaꞌa naꞌ ca biꞌ chaꞌ cuaꞌni choꞌo naꞌ su tyiꞌi̱ ma̱. Ná nchcuiꞌ naꞌ loꞌo cuꞌma̱ juaꞌa̱, si siꞌi chaꞌ liñi nu nchcuiꞌ naꞌ loꞌo ma̱ ―nacui̱ Jesús―.
26914	JHN 19:20	Quiñaꞌa̱ tsa nguꞌ judío naꞌa̱ jiꞌi̱ chaꞌ nu nscua hique crusi biꞌ, chaꞌ ná tyijyuꞌ, toꞌ quichi̱ ti ngua su ndyujuii nguꞌ jiꞌi̱ Jesús lo crusi. Sna lo chaꞌcña jiꞌi̱ nguꞌ nscua chaꞌ biꞌ hique crusi: chaꞌcña jiꞌi̱ nguꞌ judío nscua biꞌ, chaꞌcña jiꞌi̱ nguꞌ latín nscua biꞌ, loꞌo chaꞌcña jiꞌi̱ nguꞌ griego nscua biꞌ.
26918	JHN 19:24	Biꞌ chaꞌ nacui̱ nguꞌ jiꞌi̱ tyaꞌa nguꞌ: ―Ná cusaaꞌ na lateꞌ re. Quijya na loꞌo tyaꞌa na chaꞌ quije chaꞌ jiꞌna tilaca nu ca jiꞌi̱ lateꞌ re. Loꞌo juaꞌa̱ ngua cuayáꞌ tiꞌ na chaꞌ chañi chaꞌ nu nscua lo quityi cusu cuaꞌ saꞌni, nu nchcuiꞌ ndiꞌya̱: “Cua ngusaꞌbe nguꞌ steꞌ naꞌ loꞌo tyaꞌa nguꞌ, cua ngüijya nguꞌ loꞌo tyaꞌa nguꞌ chaꞌ quije chaꞌ jiꞌi̱ nguꞌ tilaca nu ca jiꞌi̱ lateꞌ biꞌ”. Juaꞌa̱ nacui̱ lo quityi biꞌ, loꞌo la cuiꞌ juaꞌa̱ nguaꞌni nguꞌ sendaru biꞌ liꞌ.
26993	ACT 1:1	Tya tsubiꞌ la cua nscua naꞌ sca quityi nu ndyaa slo nuꞌu̱, Teófilo. Quityi biꞌ ndachaꞌ jiꞌi̱ cua ñaꞌa̱ ca cña nu nguaꞌni Jesús, cua ñaꞌa̱ ca chaꞌ nu nguluꞌu Jesús tya loꞌo nguxana ndyuꞌni yu cña,
27027	ACT 2:9	Quiñaꞌa̱ tsa quichi̱ nduꞌu na: laca na nguꞌ Partia, nguꞌ Media, nguꞌ Elam, nguꞌ Mesopotamia, nguꞌ Judea, nguꞌ Capadocia, nguꞌ Ponto, nguꞌ loyuu su cuentya Asia,
27083	ACT 3:18	Cua laca chaꞌ juani, la cuiꞌ chaꞌ nu nda ycuiꞌ Ndyosi loꞌo jyoꞌo cusuꞌ jiꞌna saꞌni la, la cuiꞌ chaꞌ nu nguscua nguꞌ lo quityi jiꞌi̱ ycuiꞌ Ndyosi. Quityi biꞌ nchcuiꞌ chaꞌ tiꞌí tsa cuaꞌni quicha nguꞌ jiꞌi̱ Jesucristo; juaꞌa̱ cujuii nguꞌ jiꞌi̱ Jesús, la cuiꞌ Jesús nu nda ycuiꞌ Ndyosi jiꞌi̱ ya̱a̱ lo yuu chalyuu.
27140	ACT 5:12	Quiñaꞌa̱ tsa chacuayáꞌ nda ycuiꞌ Ndyosi jiꞌi̱ nguꞌ nu ngua tsaꞌa̱ jiꞌi̱ Jesucristo tya clyo, biꞌ chaꞌ nguaꞌni nguꞌ quiñaꞌa̱ tsa chaꞌ tlyu ca su ndiꞌi̱ nguꞌ quichi̱. Ngulacua tsa tiꞌ nguꞌ quichi̱ xquiꞌya cña tlyu biꞌ. Lcaa nguꞌ nu ngusñi chaꞌ jiꞌi̱ Jesucristo ni, ndyuꞌu tiꞌi̱ nguꞌ ca su nacui̱ nguꞌ: “Corredor jiꞌi̱ Salomón”, chaꞌ stuꞌba ti ntsuꞌu tyiquee lcaa nguꞌ biꞌ; ca toꞌ laa tonu laca corredor biꞌ.
27254	ACT 8:9	Quichi̱ biꞌ ndiꞌi̱ sca nu quiꞌyu nu naa Simón, nguꞌ cuchaꞌa̱ laca biꞌ. Nchcuiꞌ nu Simón biꞌ chaꞌ nguꞌ tlyu laca ycuiꞌ ca; loꞌo juaꞌa̱ ngusñi nguꞌ quichi̱ chaꞌ nu nchcuiꞌ, jlya tiꞌ nguꞌ chaꞌ laca nu Simón biꞌ sca ñati̱ tlyu.
27270	ACT 8:25	Quiñaꞌa̱ la chaꞌ jiꞌi̱ ycuiꞌ Ndyosi nguluꞌu Pedro loꞌo Juan jiꞌi̱ nguꞌ liꞌ, nchcuiꞌ nguꞌ ñiꞌya̱ ngua lcaa chaꞌ jiꞌi̱ Jesús. Loꞌo liꞌ nduꞌu nguꞌ ya̱a̱ nguꞌ nde Jerusalén. Claꞌbe tyucui̱i̱ nteje tacui nguꞌ tyu̱u̱ quichi̱ loyuu su cuentya Samaria, nguluꞌu nguꞌ jiꞌi̱ nguꞌ lcaa quichi̱ biꞌ ñiꞌya̱ nu nduꞌni lyaá Jesús jiꞌi̱ ñati̱ chalyuu.
27306	ACT 9:21	Quiñaꞌa̱ tsaa ngulacua tiꞌ nguꞌ loꞌo ndyuna nguꞌ chaꞌ biꞌ. ―¿Ha siꞌi Saulo jua laca nu lye tsa nchcubeꞌ jiꞌi̱ ñati̱ jiꞌi̱ Jesucristo ca quichi̱ Jerusalén? ―nacui̱ nguꞌ jiꞌi̱ tyaꞌa nguꞌ―. ¿Ha siꞌi nu jua laca nu ndyalaa nde quichi̱ re chaꞌ sca̱ꞌ jiꞌi̱ ñati̱ biꞌ, chaꞌ caca cuayáꞌ jiꞌi̱ nguꞌ ca slo xuꞌna sti joꞌó?
27333	ACT 10:5	Juani culo nuꞌu̱ cña jiꞌi̱ nguꞌ chaꞌ tsaa nguꞌ quichi̱ Jope. Quichi̱ biꞌ ndiꞌi̱ sca nu quiꞌyu nu naa Simón, loꞌo xtañi yu laca Pedro.
27402	ACT 11:26	Liꞌ ngutiꞌi̱ nguꞌ sca yija̱ loꞌo taju ñati̱ jiꞌi̱ Jesucristo ca biꞌ, ncluꞌu nguꞌ jiꞌi̱ quiñaꞌa̱ ñati̱. Quichi̱ Antioquía biꞌ ngua su ngutuꞌu su̱u̱ chaꞌ nu nchcuiꞌ nguꞌ chaꞌ nguꞌ cristiano laca ñati̱ nu ngusñi chaꞌ jiꞌi̱ Jesucristo.
27414	ACT 12:8	Xaꞌ nchcuiꞌ xca̱ loꞌo yu liꞌ: ―Xca̱ꞌ nuꞌu̱ siiꞌ ―nacui̱―. Xuꞌba nuꞌu̱ caña quiyaꞌ. Nguaꞌni Pedro juaꞌa̱, loꞌo liꞌ nchcuiꞌ xca̱ loꞌo yu chaca quiyaꞌ: ―Quixi̱i̱ nuꞌu̱ teꞌ quicha̱ꞌ hichu̱ꞌ. Yaꞌa clya tyuꞌu lcaꞌa̱ nuꞌu̱ jnaꞌ ―nacui̱ xca̱ biꞌ jiꞌi̱.
27437	ACT 13:6	Liꞌ nduꞌu nguꞌ ndyaa nguꞌ tyu̱u̱ tyaꞌa quichi̱ nde Chipre biꞌ, ndyaa nguꞌ ndyalaa nguꞌ ca quichi̱ Pafos liꞌ. Quichi̱ biꞌ ndyacua tyaꞌa nguꞌ loꞌo sca nu quiꞌyu nu cuchaꞌa̱ tsa nu naa Barjesús. Nguꞌ judío laca nu quiꞌyu biꞌ, loꞌo juaꞌa̱ nacui̱ yu chaꞌ laca yu tuꞌba jiꞌi̱ ycuiꞌ Ndyosi; pana siꞌi chaꞌ liñi nda yu.
27494	ACT 14:11	Quiñaꞌa̱ ñati̱ cua naꞌa̱ ñiꞌya̱ nu ngua jiꞌi̱ nu quicha biꞌ, biꞌ chaꞌ ndube tsa tiꞌ nguꞌ. Liꞌ nxiꞌya loꞌo tsa nguꞌ jiꞌi̱ tyaꞌa nguꞌ: ―Cua ndyalaa tucua tyaꞌa joꞌó ca slo na juani ―nacui̱ nguꞌ―. Ñiꞌya̱ ñaꞌa̱ ñati̱, juaꞌa̱ ñaꞌa̱ joꞌó re ―nacui̱ nguꞌ jiꞌi̱ tyaꞌa nguꞌ chaꞌcña jiꞌi̱ nguꞌ Licaonia.
27553	ACT 16:1	Ndyalaa Pablo loꞌo Silas ca quichi̱ Derbe, liꞌ ndyalaa nguꞌ ca quichi̱ Listra. Quichi̱ biꞌ ndyacua tyaꞌa nguꞌ loꞌo sca yu cuañiꞌ tyaꞌa ngusñi nguꞌ chaꞌ jiꞌi̱ Jesucristo nu naa Timoteo. Xtyaꞌa̱ yu laca sca nu cunaꞌa̱ judío nu ntsuꞌu chaꞌ jiꞌi̱ loꞌo Jesucristo, pana nguꞌ griego ngua sti yu.
27568	ACT 16:16	Ngua sca tsa̱ ndyaa ya su ndyuꞌu tiꞌi̱ nguꞌ chaꞌ chcuiꞌ nguꞌ loꞌo ycuiꞌ Ndyosi, loꞌo liꞌ ndyacua tyaꞌa ya loꞌo sca nu cunaꞌa̱ cuañiꞌ tyucui̱i̱. Quicha nu cunaꞌa̱ biꞌ, chaꞌ cua saꞌni tsa ngusñi cuiꞌi̱ jiꞌi̱. Cuentya jiꞌi̱ cuiꞌi̱ biꞌ nchca tii nu cunaꞌa̱ biꞌ ñiꞌya̱ nu lijya̱ tyempo jiꞌi̱ nguꞌ ca nde loo la, biꞌ laca chaꞌ nu nda cuiꞌi̱ biꞌ loꞌo nu cunaꞌa̱ biꞌ. Msu nu ngüiꞌya ti nguꞌ laca nu cunaꞌa̱ biꞌ, loꞌo ná nda xuꞌna choꞌ cayaꞌ jiꞌi̱. Nguaꞌni tsa xuꞌna choꞌ ngana, chaꞌ nda nguꞌ quichi̱ quiñaꞌa̱ tsa cñi jiꞌi̱ xuꞌna choꞌ, chaꞌ caja chaꞌ jiꞌi̱ nguꞌ ñiꞌya̱ nu caca jiꞌi̱ nguꞌ nde loo la loꞌo nchcuiꞌ nu cunaꞌa̱ biꞌ loꞌo nguꞌ.
27575	ACT 16:23	Quiñaꞌa̱ tsa quiyaꞌ ngujuiꞌi̱ yaca nguꞌ jiꞌi̱ nguꞌ biꞌ, liꞌ ngusuꞌba nguꞌ jiꞌi̱ nguꞌ biꞌ neꞌ chcua̱. Loꞌo juaꞌa̱ ngulo nguꞌ cña jiꞌi̱ nguꞌ nu ngaꞌa̱ cua̱ toꞌ niꞌi̱ chcua̱ chaꞌ tsoꞌo tsa ñaꞌa̱si̱i̱ nguꞌ jiꞌi̱ nguꞌ biꞌ.
27628	ACT 18:2	Quichi̱ biꞌ ndyacua tyaꞌa yu loꞌo sca nguꞌ judío nu naa Aquila, nguꞌ quichi̱ Ponto laca nu Aquila biꞌ. Ngutiꞌi̱ nguꞌ nde Italia nquichaꞌ, nu Aquila biꞌ loꞌo clyoꞌo nu naa Priscila; pana nduꞌutsuꞌ nguꞌ ndyalaa nguꞌ nde quichi̱ Corinto, nu loꞌo ngulo rey Claudio cña chaꞌ culoꞌo nguꞌ jiꞌi̱ lcaa nguꞌ judío nu ngutiꞌi̱ quichi̱ Roma, quichi̱ nu laca loo jiꞌi̱ loyuu su cuentya Italia biꞌ. Toniꞌi̱ jiꞌi̱ nu Aquila biꞌ ndyalaa Pablo liꞌ.
27634	ACT 18:8	Loꞌo juaꞌa̱ yu Crispo ngusñi chaꞌ jiꞌi̱ ycuiꞌ nu Xuꞌna na. Crispo laca sca nu cusuꞌ nu laca loo neꞌ laa jiꞌi̱ nguꞌ judío. Jlya tiꞌ nu Crispo biꞌ jiꞌi̱ ycuiꞌ nu Xuꞌna na, loꞌo juaꞌa̱ jlya tiꞌ lcaa nguꞌ nu ndiꞌi̱ slo. Quiñaꞌa̱ tyaꞌa nguꞌ Corinto ngusñi nguꞌ chaꞌ jiꞌi̱ Jesús, biꞌ chaꞌ ntyucuatya nguꞌ biꞌ liꞌ.
27667	ACT 19:13	Quichi̱ biꞌ ndiꞌi̱ xi nguꞌ judío nu ná ntsuꞌu quichi̱ tyi, na ndyaꞌa̱ yuꞌu ti nguꞌ biꞌ. Nchcuiꞌ nguꞌ chaꞌ nchca jiꞌi̱ nguꞌ biꞌ culo nguꞌ cuiꞌi̱ cuxi nu ngusñi jiꞌi̱ nguꞌ quicha. Loꞌo liꞌ ngua tiꞌ nguꞌ chaꞌ culo nguꞌ cuiꞌi̱ chacuayáꞌ jiꞌi̱ Jesús nu Xuꞌna na, masi ná ngusñi nguꞌ chaꞌ jiꞌi̱ ycuiꞌ Jesús. ―Chacuayáꞌ jiꞌi̱ Jesús tyuꞌutsuꞌ cuiꞌi̱ nu ngusñi jiꞌi̱ ma̱ ―nacui̱ nguꞌ jiꞌi̱ nguꞌ quicha biꞌ―, la cuiꞌ Jesús nu ncluꞌu Pablo chaꞌ jiꞌi̱ ―nacui̱ nguꞌ.
27686	ACT 19:32	Quiñaꞌa̱ tsa ñati̱ ndyuꞌu tiꞌi̱ seꞌi̱ ti liꞌ; pana sca chaꞌ nchcuiꞌ tsaca nguꞌ, xaꞌ chaꞌ nchcuiꞌ chaca nguꞌ liꞌ, chaꞌ ná jlo tiꞌ nguꞌ quichi̱ ni chaꞌ laca chaꞌ ndyuꞌu tiꞌi̱ nguꞌ.
27702	ACT 20:8	Ndyuꞌu tiꞌi̱ ya sca baꞌa niꞌi̱ nde cua̱ su nchca tyuna baꞌa niꞌi̱ biꞌ. Quiñaꞌa̱ quiiꞌ ntsuꞌu neꞌ niꞌi̱ biꞌ.
27709	ACT 20:15	Xaꞌ nduꞌu ya ndyaa ya liꞌ, nteje tacui ya loyuu su cuentya Quío; ca chaca tsa̱ liꞌ ndyalaa ya ca quichi̱ Samos. Nde loo la ndyanu ya xi nde quichi̱ Trogilio, loꞌo juaꞌa̱ ca chaca tsa̱ ndyalaa ya ca quichi̱ Mileto.
27775	ACT 22:3	―Tyaꞌa cuꞌma̱ nguꞌ judío laca naꞌ ―nacui̱ Pablo jiꞌi̱ nguꞌ―. Quichi̱ Tarso ngula naꞌ ca loyuu su cuentya Cilicia; tiyaꞌ la ndyalaa naꞌ quichi̱ Jerusalén re, chaꞌ ngua tsaꞌa̱ naꞌ slo mstru Gamaliel liꞌ. Tsoꞌo ngua tsaꞌa̱ naꞌ lcaa chaꞌ nu nda ycuiꞌ Ndyosi loꞌo jyoꞌo cusuꞌ jiꞌna nu nscua lo quityi. Tyucui tyiquee naꞌ ngua tiꞌ naꞌ taquiyaꞌ naꞌ lcaa chaꞌ jiꞌi̱ ycuiꞌ Ndyosi, la cuiꞌ ñiꞌya̱ nu ndyuꞌni ma̱ tsa̱ juani.
27800	ACT 22:28	―Quiñaꞌa̱ tsa cayaꞌ nda naꞌ chaꞌ laca naꞌ nguꞌ romano ―nacui̱ xuꞌna sendaru liꞌ. ―Ná loꞌo cayaꞌ nda naꞌ, chaꞌ nguꞌ romano laca sti naꞌ ―nacui̱ Pablo jiꞌi̱.
27850	ACT 24:13	Quiꞌya laja ti ngusta nguꞌ re ꞌna. Ná tucui ndu̱ nu taca chcuiꞌ chaꞌ liñi laca chaꞌ nu nchcuiꞌ nguꞌ re jnaꞌ.
27925	ACT 27:2	Loꞌo juaꞌa̱ ndyaa Aristarco nguꞌ Tesalónica loꞌo ya. (Quichi̱ Tesalónica ndiꞌi̱ ca loyuu su cuentya Macedonia.) Ndyaa ya ndyatí̱ ya neꞌ sca yaca niꞌi̱ nu cua tsaa ti nde tyu̱u̱ tyaꞌa quichi̱ nde loyuu su cuentya Asia. Loꞌo juaꞌa̱ quichi̱ tyi xuꞌna yaca niꞌi̱ biꞌ naa Adramitio.
27929	ACT 27:6	Ca quichi̱ biꞌ ngujui chaca yaca niꞌi̱ jiꞌi̱ capitán jiꞌi̱ sendaru biꞌ. Quichi̱ tyi xuꞌna yaca niꞌi̱ biꞌ naa Alejandría. Na cua tsaa ti biꞌ ca loyuu su cuentya Italia, biꞌ chaꞌ ngulo capitán biꞌ cña jiꞌi̱ ya chaꞌ tyatí̱ ya neꞌ yaca niꞌi̱ biꞌ, chaꞌ tsaa loꞌo jiꞌi̱ ya ndejua.
27977	ACT 28:10	Quiñaꞌa̱ tsa chaꞌ tsoꞌo nda nguꞌ jiꞌi̱ ya liꞌ, loꞌo juaꞌa̱ lye tsa nguaꞌni chi̱ nguꞌ loo ya ñaꞌa̱ cuayáꞌ nu nduꞌu ya ndyaa ya. La cuiꞌ tsa̱ biꞌ, ñaa loꞌo nguꞌ jiꞌi̱ lcaa na nu lyiji jiꞌi̱ ya, ngusuꞌba nguꞌ jiꞌi̱ neꞌ yaca niꞌi̱ chaꞌ tsaa ya loꞌo.
28108	ROM 4:18	Masi ngua tiꞌ jyoꞌo Abraham chaꞌ ná caja sñiꞌ, ná ndube tiꞌ yu; jlya tiꞌ yu jiꞌi̱ ycuiꞌ Ndyosi, ntajatya yu ni jacuaꞌ caja sñiꞌ yu. Biꞌ chaꞌ ngua jyoꞌo Abraham sti tyu̱u̱ tyaꞌa ñati̱ nu ndyatu̱ lo yuu ca nde loo la, ñiꞌya̱ nu cua nchcuiꞌ Ni loꞌo yu: “Quiñaꞌa̱ tsa ñati̱ tyuꞌu jinuꞌu̱ tyempo nde loo la”, nacui̱ Ni jiꞌi̱ yu.
28132	ROM 5:17	Ntsuꞌu chaꞌ cajaa na xquiꞌya quiꞌya nu ntsuꞌu jiꞌi̱ nu sca ti Adán biꞌ, masi sca ti chaꞌ cuxi nguaꞌni yu; pana tlyu la cña ndyuꞌni ycuiꞌ Ndyosi cuentya jiꞌna juani, nu loꞌo ndyuꞌni lubii Ni cresiya jiꞌna. Quiñaꞌa̱ tsa chaꞌ xlyaꞌbe nguaꞌni Ni loꞌo na; juaꞌa̱ caja chalyuu cucui jiꞌna juani xquiꞌya Jesucristo, masi sca ti ñati̱ laca biꞌ.
28286	ROM 11:9	La cuiꞌ tyaꞌa chaꞌ nda jyoꞌo rey David, loꞌo nacui̱ yu ndiꞌya̱: Quiñaꞌa̱ tsa chaꞌ tsoꞌo ngusta ycuiꞌ Ndyosi lo mesa jiꞌi̱ nguꞌ Israel, pana cua ngunuꞌu̱ cresiya jiꞌi̱ nguꞌ xquiꞌya chaꞌ tsoꞌo biꞌ; biꞌ chaꞌ nchcubeꞌ Ni jiꞌi̱ nguꞌ, ñiꞌya̱ laca si na cua ndyú nguꞌ neꞌ sca lcoꞌo, ñiꞌya̱ laca si na cua nclyú nguꞌ chaꞌ ntyucua quee quiyaꞌ nguꞌ.
28302	ROM 11:25	Cuꞌma̱ nguꞌ tyaꞌa ntsuꞌu chaꞌ jiꞌna loꞌo Cristo, ntiꞌ naꞌ chaꞌ caca cuayáꞌ tiꞌ ma̱ chaꞌ tucui re, sca chaꞌ jiꞌi̱ ycuiꞌ Ndyosi nu ntsuꞌu cuatsiꞌ ti nquichaꞌ; loꞌo caca cuayáꞌ tiꞌ ma̱ chaꞌ re, ngaꞌaa chcuiꞌ ma̱ chaꞌ tyixi loꞌo nguꞌ judío liꞌ. Ndiꞌya̱ laca chaꞌ: Quiñaꞌa̱ tsa tyaꞌa nguꞌ judío ntsuꞌu nu ndyacu̱ꞌ hique nguꞌ tsiyaꞌ ti, chaꞌ ná caca cuna nguꞌ chaꞌ jiꞌi̱ Jesús; ñaꞌa̱ cuayáꞌ nu tye cuna lcaa nguꞌ xaꞌ tsuꞌ nu ngaꞌa̱ chaꞌ xñi chaꞌ jiꞌi̱ Jesús,
28554	1CO 6:19	¿Ha ná nda ma̱ cuentya chaꞌ tyacaꞌa tsa ma̱ jiꞌi̱ ycuiꞌ Ndyosi, xquiꞌya chaꞌ nda Ni Xtyiꞌi ycuiꞌ Ni nu ndyanu neꞌ cresiya jiꞌi̱ ma̱? Ngaꞌaa siꞌi cuentya jiꞌi̱ ycuiꞌ ti ma̱ ndyaꞌa̱ ma̱, cuentya jiꞌi̱ ycuiꞌ Ndyosi laca ma̱. Quiñaꞌa̱ tsa chaꞌ tsoꞌo nguaꞌni Ni cuentya jiꞌna chaꞌ ngulaá ma̱ jiꞌi̱ nu cuxi, chaꞌ laca ma̱ ñati̱ jiꞌi̱ ycuiꞌ Ni; biꞌ chaꞌ cuaꞌni tlyu ma̱ jiꞌi̱ ycuiꞌ Ndyosi lcaa su ndyaꞌa̱ ma̱, tyiꞌu tiꞌ ma̱ jiꞌi̱ Ni, loꞌo juaꞌa̱ tyucui tyiquee ma̱ cuaꞌni ma̱ lcaa cña nu culo ycuiꞌ Ni jiꞌi̱ ma̱.
28578	1CO 7:23	Quiñaꞌa̱ tsa chaꞌ tsoꞌo nguaꞌni ycuiꞌ Ndyosi cuentya jiꞌna, chaꞌ ngulaá ma̱ jiꞌi̱ nu xñaꞌa̱; biꞌ chaꞌ ná ta ma̱ chacuayáꞌ jiꞌi̱ ñati̱ chalyuu ti nu ntiꞌ cuaꞌa jiꞌi̱ ma̱ chaꞌ ná tyiꞌi̱ tsoꞌo ti ma̱.
28635	1CO 9:27	Nchcubeꞌ naꞌ jiꞌi̱ ycuiꞌ ca naꞌ, chaꞌ talo chalyuu ꞌna, chaꞌ ná xtyanu tiꞌi̱ Ni ꞌna tsiyaꞌ ti. Quiñaꞌa̱ tsa chaꞌ cua nguluꞌu naꞌ jiꞌi̱ xaꞌ ñati̱ cuentya jiꞌi̱ ycuiꞌ Ni, loꞌo juaꞌa̱ ntsuꞌu chaꞌ taquiyaꞌ ycuiꞌ naꞌ jiꞌi̱ chaꞌ biꞌ.
28891	2CO 1:23	Ná ngutaꞌa̱ naꞌ quichi̱ tyi ma̱ tuꞌni, chaꞌ ná ntiꞌ naꞌ chaꞌ caca ñasi̱ꞌ naꞌ jiꞌi̱ cuꞌma̱. Chañi chaꞌ xquiꞌya chaꞌ biꞌ ti, biꞌ chaꞌ ná ndyaꞌa̱ naꞌ ca slo ma̱ liꞌ. Cua jlo tiꞌ ycuiꞌ Ndyosi chaꞌ biꞌ. Quiꞌya ycuiꞌ Ndyosi cresiya ꞌna si ná chañi chaꞌ nu nchcuiꞌ naꞌ re.
29022	2CO 8:22	Loꞌo juaꞌa̱ tya nda ya chaca yu tyaꞌa ntsuꞌu chaꞌ jiꞌna loꞌo Cristo chaꞌ stuꞌba ti ca̱a̱ yu loꞌo nu xaꞌ ñati̱ nguꞌ tyaꞌa na biꞌ. Quiñaꞌa̱ tsa cña cua nguaꞌni yu cuentya jiꞌi̱ nu Xuꞌna na, biꞌ chaꞌ jlo ti ya chaꞌ ndiya tiꞌ yu cuaꞌni yu cña loꞌo na. Masi juani tyaca̱ꞌ tyijyuꞌ chaꞌ ndyiꞌu tsa tiꞌ yu jiꞌi̱ ma̱.
29083	2CO 11:26	Quiñaꞌa̱ tsa seꞌi̱ ndyaꞌa̱ naꞌ tyucui̱i̱ su caca cuxi ꞌna nquichaꞌ: ntsuꞌu hora ndyacua naꞌ claꞌbe staꞌa̱ loꞌo ndyaluu biꞌ; la cuiꞌ juaꞌa̱ ntsuꞌu tsa ñati̱ cuaana tyucui̱i̱; masi nguꞌ judío tyaꞌa naꞌ, masi nguꞌ xaꞌ tsuꞌ, ngua tiꞌ nguꞌ cuaꞌni cuxi nguꞌ loꞌo naꞌ; la cuiꞌ juaꞌa̱ masi ndyaꞌa̱ naꞌ nde quichi̱ tonu, masi ndyaꞌa̱ naꞌ nde neꞌ quixi̱ꞌ, masi ndyaꞌa̱ naꞌ nde lo tyujoꞌo, ntsuꞌu tsa chaꞌ cuxi nu ndyacua ꞌna; loꞌo juaꞌa̱ ntsuꞌu nguꞌ nu stuꞌba ndyaꞌa̱ loꞌo ñati̱ jiꞌi̱ Jesucristo, pana chaꞌ cuiñi ndyuꞌni nguꞌ biꞌ, cuxi ti ngulacua tiꞌ nguꞌ ñaꞌa̱ nguꞌ ꞌna.
29110	2CO 12:20	Quiñaꞌa̱ xi nclyacua tiꞌ naꞌ xquiꞌya cuꞌma̱ juani. Loꞌo tyalaa naꞌ ca su ndiꞌi̱ ma̱, si quije chaꞌ ꞌna loꞌo ma̱ chaꞌ xaꞌ ñaꞌa̱ nduꞌni ma̱, ngaꞌaa siꞌi ñiꞌya̱ nu nguluꞌu naꞌ jiꞌi̱ ma̱ tya clyo, ¿ñiꞌya̱ cuaꞌni ta naꞌ loꞌo ma̱ liꞌ? Ca cuayáꞌ tiꞌ ma̱ chaꞌ taca cuaꞌni tyaala naꞌ xi loꞌo ma̱ liꞌ, masi ná ndiya tiꞌ ma̱ chaꞌ cuaꞌni naꞌ juaꞌa̱. Ndube tiꞌ naꞌ chaꞌ tya ntsuꞌu xi nguꞌ tyaꞌa ma̱ nu ñaꞌa̱ ti nxu̱u̱ tyaꞌa nguꞌ, nu tiꞌí tsa tiꞌ nguꞌ ñaꞌa̱ jiꞌi̱ tyaꞌa nguꞌ, nu ñasi̱ꞌ tsa nguꞌ ñaꞌa̱ jiꞌi̱ tyaꞌa nguꞌ, nu sca ti jiꞌi̱ ycuiꞌ ca nguꞌ ndube tiꞌ nguꞌ; loꞌo juaꞌa̱ nchcuiꞌ caꞌa̱ ti nguꞌ jiꞌi̱ tyaꞌa nguꞌ, cuentyu tsa tiꞌ nguꞌ loꞌo tyaꞌa nguꞌ, ntyucuaa tsa tiꞌ nguꞌ ndyuꞌni nguꞌ loꞌo tyaꞌa nguꞌ. Lcaa lo chaꞌ cuxi biꞌ ndyuꞌni nguꞌ chaꞌ ná ndube tiꞌ nguꞌ tsiyaꞌ ti.
29361	EPH 4:22	biꞌ chaꞌ cuaꞌni tye ma̱ jiꞌi̱ chaꞌ cuxi nu nguaꞌni ma̱ tya saꞌni la. Quiñaꞌa̱ tsa chaꞌ ndatsaa chaꞌ cuxi biꞌ jiꞌi̱ ma̱ nu ngua liꞌ, ndacui tsa tiꞌ ma̱ jiꞌi̱ chaꞌ cuxi biꞌ, ñaꞌa̱ cuayáꞌ nu chcunaꞌ tsiyaꞌ ti chalyuu jiꞌi̱ ma̱ xquiꞌya chaꞌ cuxi biꞌ.
29385	EPH 5:14	Biꞌ chaꞌ ndiꞌya̱ nchcuiꞌ quityi cusuꞌ: Quee tiꞌ cuꞌma̱, chaꞌ ñiꞌya̱ laca si na lajaꞌ ma̱, si na ngujuii ma̱, juaꞌa̱ laca ma̱ xquiꞌya quiꞌya nu ntsuꞌu jiꞌi̱ ma̱. Ngaꞌaa tyuꞌu chaꞌ jiꞌi̱ ma̱ loꞌo chaꞌ cuxi, chaꞌ liꞌ taca ta Cristo xee nu tyuꞌú neꞌ cresiya jiꞌi̱ ma̱. Juaꞌa̱ nscua lo quityi.
29439	PHP 1:11	Quiñaꞌa̱ tsa chaꞌ tsoꞌo taca cuaꞌni ma̱ lcaa su ndiꞌi̱ ma̱ chalyuu xquiꞌya Jesucristo, chaꞌ ndyuꞌni Cristo cña neꞌ cresiya jiꞌi̱ ma̱; biꞌ chaꞌ taca cuaꞌni tlyu ma̱ jiꞌi̱ ycuiꞌ Ndyosi, taca cuaꞌni chi̱ ma̱ loo Ni.
29509	PHP 3:21	Xcutsaꞌa̱ Ni jiꞌi̱ tyucui ñaꞌa̱ na liꞌ, chaꞌ caca na ñiꞌya̱ laca ycuiꞌ Ni. Quicha ti tiꞌ tyucui ñaꞌa̱ na juani, pana ycuiꞌ Ndyosi ni, tsoꞌo tsa ñaꞌa̱ tyucui ñaꞌa̱ Ni; la cuiꞌ juaꞌa̱ caca tyucui ñaꞌa̱ na nde loo la liꞌ. Taca jiꞌi̱ Ni culo Ni cña jiꞌi̱ lcaa lo na nu ntsuꞌu chalyuu, loꞌo juaꞌa̱ taca jiꞌi̱ Ni xcutsaꞌa̱ Ni jiꞌi̱ tyucui ñaꞌa̱ na tsiyaꞌ ti.
29946	2TI 4:9	Quiñi clya tyucui̱i̱ jinuꞌu̱ chaꞌ ca̱a̱ ca nde slo naꞌ yala ti.
29958	2TI 4:21	Quiñi clya tyucui̱i̱ jinuꞌu̱ chaꞌ tyalaa nuꞌu̱ ca nde loꞌo bilya xana tyempo tlyaꞌ. Lcaa nguꞌ re nda nguꞌ xlyo niꞌi̱ jinuꞌu̱, loꞌo Eubulo, loꞌo Pudente, loꞌo Lino, loꞌo Claudia, loꞌo lcaa tyaꞌa ñati̱ jiꞌi̱ Jesucristo quichi̱ re.
30424	JAS 5:3	Loꞌo juaꞌa̱ cua ntyucua cuayaaꞌ chu̱ꞌ lcaa chcua̱ oro jiꞌi̱ ma̱, lcaa chcua̱ plata jiꞌi̱ ma̱. Nu loꞌo ñaꞌa̱ nguꞌ ñiꞌya̱ ndyaca jiꞌi̱ yuꞌba biꞌ jiꞌi̱ ma̱, liꞌ ca cuayáꞌ tiꞌ nguꞌ chaꞌ ñiꞌya̱ loꞌo ngunuꞌu̱ chcua̱ oro chcua̱ plata nu ntsuꞌu jiꞌi̱ ma̱, juaꞌa̱ cua ndye chaꞌ jiꞌi̱ lcaa ma̱; ñiꞌya̱ laca si ndyaqui̱ lyiji ma̱ lo quiiꞌ, cua ndye chaꞌ jiꞌi̱ ma̱ liꞌ. Quiñaꞌa̱ tsa chaꞌ tsoꞌo cua nguxcoꞌo ma̱ nquichaꞌ, chaꞌ cuaꞌnijoꞌo jiꞌi̱ ma̱ nde chalyuu, pana cua ngulala ti tye lcaa chaꞌ nde lo yuu chalyuu.
30437	JAS 5:16	Biꞌ chaꞌ lacua, ñii ma̱ jiꞌi̱ nguꞌ tyaꞌa ma̱ si ntsuꞌu quiꞌya jiꞌi̱ ma̱, cuati jña ma̱ chaꞌ clyu tiꞌ jiꞌi̱ nguꞌ tyaꞌa ma̱ loꞌo ycuiꞌ Ndyosi, chaꞌ ca tsoꞌo tyucui ñaꞌa̱ ma̱ chaca quiyaꞌ. Quiñaꞌa̱ tsa cña caca jiꞌi̱ sca ñati̱ nu lubii cresiya jiꞌi̱ cuentya jiꞌi̱ ycuiꞌ Ndyosi, nu loꞌo jña yu sca chaꞌ jiꞌi̱ Ni.
30752	JUD 1:12	Masi cuxi tsa nduꞌni nu nguꞌ cuiñi biꞌ, ná ntyujuꞌu tiꞌ nguꞌ tsiyaꞌ ti chaꞌ ndiꞌi̱ nguꞌ loꞌo ma̱ nu loꞌo ndyuꞌu tiꞌi̱ ma̱ chaꞌ cacu ma̱ si̱i̱ loꞌo tyaꞌa ma̱, xquiꞌya chaꞌ ngusñi ma̱ chaꞌ jiꞌi̱ Jesucristo. Quiñaꞌa̱ tsa ndacu nguꞌ biꞌ liꞌ, quiñaꞌa̱ tsa ndyiꞌyu nguꞌ, chaꞌ tsa biꞌ ti chaꞌ ntiꞌ nguꞌ ndyaꞌa̱ nguꞌ slo ma̱; ná ndube tiꞌ nguꞌ biꞌ tsiyaꞌ ti. Ñiꞌya̱ laca sca xuꞌna xlyaꞌ nu ná ñaꞌa̱si̱i̱ tsoꞌo jiꞌi̱ xlyaꞌ jiꞌi̱, juaꞌa̱ laca nguꞌ biꞌ; ñiꞌya̱ ntiꞌ coo btyi nu nxna lijya̱ loꞌo cuiꞌi̱ ti masi ná caꞌya tyo, juaꞌa̱ ntiꞌ nu nguꞌ cuiñi biꞌ; ñiꞌya̱ laca sca yaca siꞌyu nu ná nda siꞌyu, juaꞌa̱ laca nguꞌ biꞌ. Pana sca yaca nu cua ngüityi, ntsuꞌu chaꞌ xcua̱a̱ na jiꞌi̱, chaꞌ ngaꞌaa ntsuꞌu juersa jiꞌi̱ chaꞌ cuꞌú la liꞌ; cua ndye ngujuii yaca biꞌ.
30816	REV 3:2	Quee tiꞌ ma̱ juani, chaꞌ ndiꞌi̱ ma̱ ñiꞌya̱ si lajaꞌ ti ma̱. Cuaꞌni clya ma̱ nu tya xi ca chaꞌ tsoꞌo nu tya jlo tiꞌ ma̱ chaꞌ cuaꞌni ma̱, chaꞌ ná chcunaꞌ cña biꞌ tsiyaꞌ ti; bilya ñaꞌa̱ naꞌ si cua nduꞌu scua cña biꞌ jiꞌi̱ ma̱, nacui̱ Ni.