23233	MAT 1:20	Bra nu mdaꞌan chaꞌ tiye yu, ni chaꞌ ngwa ngwañaꞌan, bra kanꞌ mdoꞌo tukwa ska angajle seꞌen ndiꞌin yu, ykwiꞌ sla yu bra kanꞌ. Ykwiꞌ angajle kanꞌ loꞌo yu: ―Se ―ndukwin angajle kanꞌ ꞌin yu―, neꞌ taꞌa ayman David lka nuꞌwin ―ndukwin―. Ja kutseen kaja kwilyoꞌoo loꞌo Liya, chaꞌ kan Liya tyiꞌin naꞌan tyii. Siꞌi tñan kuxi yꞌni Liya siyaꞌ ti, tñan nu yꞌni Tyiꞌi Ndiose lka chaꞌ tyiꞌin sñiꞌ Liya ni.
23246	MAT 2:8	Bra wa ytsaꞌ neꞌ chaꞌ kanꞌ ꞌin ree, bra kanꞌ ykwiꞌ ree loꞌo neꞌ chaꞌ tsaa neꞌ nde kichen Belén. ―Yaa lya wan ―ndukwin ree ꞌin neꞌ tiya kanꞌ―, yaa naꞌan wan nde ndukwa naꞌan tyi sti kuwiꞌ kanꞌ ―ndukwin―. Bra nu tyija naꞌan kanꞌ ꞌwan, bra kanꞌ tyaan wan seꞌen ndiꞌiǐn xiyaꞌ chaꞌ ka biyaꞌ tiǎnꞌ la nde yaꞌ ndiya kuwiꞌ kanꞌ. Loꞌoǔn tsaꞌaǎn kuꞌni tnuǔn ꞌin kuwiꞌ kanꞌ, lka tiyeěn.
23418	MAT 8:4	Xiyaꞌ ykwiꞌ Jesús loꞌo yu bra kanꞌ: ―Yaa lyaa seꞌen ndiꞌin sti joꞌo ―ndukwin―. Nde kwa taa lomstan nu ykwiꞌ ayman Moisés chaꞌ taan ꞌin Ndiose bra nu nchkaan ꞌin ska kicha nu nsuꞌwi ꞌñaan. Ja katsaaꞌ ꞌin xka la nten. Ka biyaꞌ tiꞌ nten chaꞌ wa nchkaa, bra nu kunan neꞌ chaꞌ wa msñi sti joꞌo lomstan nu ndaa.
23466	MAT 9:18	Bra nu ti nchkwiꞌ Jesús loꞌo neꞌ, kanꞌ mdiyan ska neꞌ judío nu lka ndloo la; mduun xtyinꞌ yu kula tloo Jesús, chaꞌ jñan ska chaꞌ tlyu tiꞌ ꞌin yu bra kanꞌ: ―Tka ngujwi ti ska nu kunaꞌan lyuꞌ ti, sñiěnꞌ ―ndukwin yu kula kanꞌ ꞌin Jesús―. ¿Ja tsaa chinꞌ seꞌen ndiꞌiǐn chaꞌ xtyaa yaaꞌ chunꞌ nu lyuꞌ ti kanꞌ a? ―ndukwin―. Jlyo tiǎnꞌ chaꞌ ka ꞌiin kuꞌnii chaꞌ tyuꞌu nu lyuꞌ ti kanꞌ xiyaꞌ.
23472	MAT 9:24	Ykwiꞌ Jesús loꞌo neꞌ bra kanꞌ: ―Tyaa wan suꞌwe la ―ndukwin―. Nan lajaꞌ ti nu lyuꞌ re, siꞌi nan ngujwi re. Mstyi lyoꞌo ꞌa neꞌ ꞌin Jesús bra kanꞌ.
23549	MAT 11:21	―¡Tꞌnan ꞌa wan neꞌ kichen Corazín! ―ndukwin Jesús―. ¡Tꞌnan ꞌa wan neꞌ kichen Betsaida! ―ndukwin―. Kaꞌan ꞌa chaꞌ tnun wa naꞌan wan, loꞌo ja mjyuꞌu tiꞌ wan siyaꞌ ti ꞌin chaꞌ kuxi nu ngiꞌni wan, ja ngulaa yaꞌ wan chaꞌ kanꞌ. Kwiꞌ ngwañaꞌan ti sꞌni, xaꞌan ꞌa neꞌ kichen Tiro loꞌo neꞌ kichen Sidón, neꞌ xka laꞌa tsuꞌ ngwa neꞌ kanꞌ. Loꞌo ja mjwi ñaꞌan ka jyuꞌu tiꞌ neꞌ kanꞌ ꞌin chaꞌ kuxi nu wa yꞌni neꞌ. Ja ngulaa yaꞌ neꞌ chaꞌ kuxi kanꞌ, chunꞌ ja ya ñaꞌan neꞌ kanꞌ chaꞌ tnun sa ñaꞌan nu naꞌan wan, ꞌwan neꞌ Israel; kanꞌ chaꞌ ja ngwa xiꞌin tiꞌ neꞌ kanꞌ, kanꞌ chaꞌ ja ykuꞌ neꞌ teꞌ ngata, ja msuꞌwa neꞌ jii ke neꞌ sa ñaꞌan nu ngiꞌni nten seꞌen nskwa ayman.
23712	MAT 15:10	Kanꞌ msiꞌya Jesús ꞌin nten kaꞌan nu ndiꞌin nde kwa chaꞌ kan neꞌ kwiꞌ seꞌen la chinꞌ, chaꞌ chkwiꞌ yu loꞌo neꞌ bra kanꞌ: ―Kunan suꞌwe wan ―ndukwin Jesús ꞌin neꞌ―, chaꞌ ka biyaꞌ suꞌwe tiꞌ wan ―ndukwin―.
23717	MAT 15:15	Ykwiꞌ Tyu loꞌo Jesús bra kanꞌ: ―Kwaꞌuu ꞌwa sa ñaꞌan lka chaꞌ tiya nu tka ykwiiꞌ ti chaꞌ ꞌin nan nchku neꞌ ―ndukwin―. Ja nchka biyaꞌ tiꞌ ba.
23773	MAT 17:4	Kwiꞌ ykwiꞌ Tyu loꞌo Jesús bra kanꞌ: ―Xꞌnaǎn ―ndukwin Tyu ꞌin yu―, ¡suꞌwe ꞌa chaꞌ loꞌo bare ndiꞌin ba! ―ndukwin―. ¿Ta suꞌwe nchka tiiꞌ si kwiñan ba snan naꞌan xuwe ti a? Ska ka seꞌen tyiꞌin ykwiiꞌ, xka ka seꞌen tyiꞌin yu kula Moisés, xka ka seꞌen tyiꞌin yu kula Elías.
23817	MAT 18:21	Loꞌo ndijyan Tyu kwiꞌ seꞌen la chaꞌ kunichaꞌ yu ꞌin Jesús: ―Xꞌnaǎn ―ndukwin ꞌin Jesús―, ¿ni lkwa yaꞌ kuꞌniǐn chaꞌ tlyu tiꞌ ꞌin yu taꞌaǎn xa wa yꞌni yu ska chaꞌ kuxi loꞌoǔn? ―ndukwin―. ¿Ta suꞌwe kati yaꞌ kuꞌniǐn chaꞌ tlyu tiꞌ ꞌin yu a?
24308	MRK 1:24	―¿Ni sa ñaꞌan chaꞌ nchka tiiꞌ chkwiiꞌ loꞌoǔn?, Jesús Nazaret ―ndukwin yu tiꞌí kanꞌ―. ¿Ta wa nchka tiiꞌ kuꞌnii tyii chaꞌ ꞌñaǎn a? ―ndukwin―. Nsuꞌwi lyoǔn ꞌiin. Xkwiꞌ luwi lka nuꞌwin, loꞌo Ndiose msuꞌwa ꞌiin chaꞌ ndijyaan lo chalyuu re.
24440	MRK 5:7	Kwen msiꞌya yu tiꞌí kanꞌ ꞌin Jesús bra kanꞌ: ―¿Ni sa ñaꞌan tñan nchka tiꞌ wan ꞌñaǎn a? ―mnichaꞌ yu tiꞌí ꞌin Jesús bra kanꞌ―. ꞌWan lka wan Jesús, ska ti wan nu lka wan Sñiꞌ Ndiose, kwiꞌ Ndiose nu ndloo la ti ―ndukwin―. Chabiyaꞌ ꞌin Ndiose, ja ta wan nu tiꞌí ꞌñaǎn.
24492	MRK 6:16	Xa wa ynan Herodes chaꞌ nu ykwiꞌ nten chaꞌ ꞌin Jesús, xiyaꞌ ykwiꞌ ree kanꞌ: ―Wa ndyuꞌu ayman Xuwa xiyaꞌ ―ndukwin―. Naꞌ nguloǔn tñan ꞌin nten, loꞌo mdijin kuꞌ neꞌ ke Xuwa kanꞌ bra kanꞌ; ja chan ayman Xuwa lka yu kiꞌyu re ―ndukwin ree Herodes.
24498	MRK 6:22	Bra kanꞌ mdiyan ska nu kunaꞌan kuneꞌ sñiꞌ Herodías, ngula kiyaꞌ nu kunaꞌan kanꞌ seꞌen ndiꞌin neꞌ taꞌa. Tsaa ꞌa tiꞌ ree Herodes bra kanꞌ, loꞌo ngwañaꞌan ndiya ꞌa tiꞌ neꞌ nu nchku seꞌen ndiꞌin ree naꞌan neꞌ ꞌin nu kunaꞌan kuneꞌ kanꞌ, chaꞌ ngula kiyaꞌ. Ykwiꞌ ree loꞌo nu kunaꞌan kuneꞌ kanꞌ bra kanꞌ: ―Katsaaꞌ ꞌñaǎn ni, ñaꞌaan chaꞌ suꞌwe nu nchka tiiꞌ kaja ꞌiin ―ndukwin ree ꞌin―. Taǎn chaꞌ suꞌwe kanꞌ ꞌiin ―ndukwin―.
24675	MRK 10:18	―¿Ni chaꞌ lka nxkeꞌ tiiꞌ chaꞌ nten suꞌwe lkaǎn? ―ndukwin Jesús ꞌin yu kuneꞌ bra kanꞌ―. Ska ti Ndiose lka nu chañi chaꞌ suꞌwe lka Ni ―ndukwin―.
24704	MRK 10:47	Bra nu mgii tiꞌ yu chaꞌ ndijyan Jesús Nazaret, kwen msiꞌya yu ꞌin Jesús bra kanꞌ: ―¡Yu kula Jesús! ¡Jlyo tiǎnꞌ chaꞌ nten ꞌin ayman David lka wan! ―ndukwin―. Kuꞌni wan chaꞌ suꞌwe chaꞌ chka tꞌnan tiꞌ wan ꞌñaǎn ―ndukwin yu tiꞌí kanꞌ ꞌin Jesús.
24860	MRK 14:37	Bra kanꞌ ndyaan Jesús xiyaꞌ seꞌen ndiꞌin snan nten kanꞌ, loꞌo lajaꞌ ti neꞌ kanꞌ bra kanꞌ. ―Simón ―ndukwin yu ꞌin Tyu―, ¿ta lajaaꞌ tii ni a? ―ndukwin―. ¿Ta ja nchka kaa ndii tiiꞌ chinꞌ, ni siya ska bra ti a?
24884	MRK 14:61	Tiin ti mduun Jesús, ja ska chaꞌ siyaꞌ ti mxkwen yu ꞌin neꞌ. Kanꞌ chaꞌ xiyaꞌ mnichaꞌ sti joꞌo nu lka ndloo la ꞌin yu bra kanꞌ: ―¿Ta chañi chaꞌ Krixtu lkaa a? ―ndukwin―. ¿Ta ska ti nuꞌwin lkaa Sñiꞌ Ndiose nu ngiꞌni tnuan ꞌin a? ―ndukwin sti joꞌo kanꞌ ꞌin Jesús.
24975	LUK 1:13	Ykwiꞌ angajle kanꞌ loꞌo yu bra kanꞌ: ―Ja kutseen, Zacarías ―ndukwin―. Wa ynan Ndiose chaꞌ nu tꞌnan ꞌa nchkwiiꞌ loꞌo, kanꞌ chaꞌ kala ska sñiꞌ Sabe nu lka kwilyoꞌoo. Xuwa ka naan yu, ngwañaꞌan xtya wan nin yu.
24990	LUK 1:28	Wa mdiya angajle seꞌen ndiꞌin nu kunaꞌan kanꞌ, ykwiꞌ loꞌo bra kanꞌ: ―Ndiya ska chaꞌ nu suꞌwe ꞌa nu ndijyaǎn chkwiǐnꞌ loꞌoo ―ndukwin angajle kanꞌ ꞌin Liya―. ¡Suꞌwe ꞌa nka tiye Ndiose loꞌo nuꞌwin! ¡Suꞌwe ꞌa ndiꞌiin loꞌo Ni! ―ndukwin―. Kaꞌan ꞌa chaꞌ suꞌwe nda Ndiose ꞌiin, ja ngiꞌni Ni ngwañaꞌan loꞌo xka la nu kunaꞌan.
25004	LUK 1:42	kanꞌ chaꞌ kwen ꞌa ykwiꞌ loꞌo Liya bra kanꞌ: ―Tnun ꞌa chaꞌ suꞌwe nu nda Ndiose ꞌiin ―ndukwin neꞌ kula kanꞌ ꞌin Liya―. Ja ya kuꞌni Ni ngwañaꞌan loꞌo xka la nu kunaꞌan. Loꞌo ngwañaꞌan, nchka ꞌa tiꞌ Ndiose ꞌin kuwiꞌ nu ndiꞌin ꞌiin ―ndukwin―.
25052	LUK 2:10	Ykwiꞌ angajle kanꞌ loꞌo neꞌ: ―Ja kutsen wan ―ndukwin―. Wa ndijyaǎn re chaꞌ katsaǎnꞌ ska chaꞌ nu suꞌwe ꞌa ꞌwan ―ndukwin―. Suꞌwe ꞌa ka tiye nchga nten chunꞌ chaꞌ nu chkwiǐnꞌ loꞌo wan ―ndukwin angajle kanꞌ ꞌin neꞌ kanꞌ―.
25053	LUK 2:11	Wa ndijyaǎn katsaǎnꞌ ꞌwan chaꞌ nu ni, wa ngula ska kuwiꞌ kichen tyi wan, chaꞌ ti kwiꞌ kichen tyi ayman David lka kanꞌ; kuwiꞌ kanꞌ lka nu kuꞌni tyii kiꞌya nu ndukwi wan. Kanꞌ lka Krixtu nu nka Xꞌnaan, nu wa msuꞌwa Ndiose ꞌin chaꞌ ndijyan lo chalyuu ―ndukwin―.
25101	LUK 3:7	Kaꞌan nten mdiyan seꞌen nduun Xuwa chaꞌ tyukwatya neꞌ. Bra kanꞌ ykwiꞌ Xuwa loꞌo nten kaꞌan kanꞌ: ―¡Sa ñaꞌan ngiꞌni kunan tlá, ngwañaꞌan ngiꞌni wan! ―ndukwin Xuwa―. ¿Ta wa mdiya nten nu mxitsen ꞌwan ni a? ¿Sa bra ni nduwe tiꞌ wan chaꞌ ta Ndiose nu tiꞌí ꞌwan bra nu tyii chalyuu a? ―ndukwin―.
25110	LUK 3:16	Bra kanꞌ ykwiꞌ Xuwa loꞌo nchga neꞌ nu ndiꞌin kanꞌ: ―Loꞌo tyiꞌa ti ndukwatyaǎn ꞌwan ―ndukwin Xuwa―. Loꞌo wa kan ti xka nten seꞌen ndiꞌin wan nu nchka la ꞌin ke naꞌ. Loꞌoǔn kuꞌni tnuǔn ꞌin yu kanꞌ. Suꞌwe ꞌa tñan kaja ꞌñaǎn, nxkeꞌ tiǎnꞌ, ni siya ti ndukwa snan yu kanꞌ xtiǐnꞌ. Loꞌo yu kanꞌ, ja ndukwatya yu ꞌin nten loꞌo tyiꞌa ti; xka ñaꞌan kuꞌni yu. Kuꞌni yu chaꞌ kanun Tyiꞌi Ndiose niꞌ kasiya ꞌin nten, bra nu tukwatya yu ꞌin neꞌ. Loꞌo kanꞌ kuꞌni luwi Ndiose ꞌin neꞌ kanꞌ loꞌo xaa ꞌin ykwiꞌ Ni, chaꞌ ngwañaꞌan ka suꞌwe ka tiye neꞌ ―ndukwin―.
25138	LUK 4:6	Bra kanꞌ ykwiꞌ kuneꞌ xaꞌan loꞌo yu xiyaꞌ: ―Taǎn chabiyaꞌ ꞌiin chaꞌ kaa ndloo ꞌin nchga chalyuu kwa ―ndukwin kuneꞌ xaꞌan bra kanꞌ―, chaꞌ kaja nchga nan nu nsuꞌwi kwa ꞌiin ―ndukwin―. Ndiya chabiyaꞌ kanꞌ ꞌñaǎn, kanꞌ chaꞌ taǎn chabiyaꞌ kanꞌ ꞌin nchga nten nu nchka tiǎnꞌ chaꞌ ka ndloo ―ndukwin―.
25140	LUK 4:8	Bra kanꞌ mxkwen Jesús ꞌin yu: ―Tyoꞌoo tsuuꞌ seꞌen ndiꞌiǐn, Satanás ―ndukwin―. Lo kityi ꞌin Ndiose wa ngwaꞌan neꞌ chaꞌ re: “Ska ti ꞌin Ndiose nu nka Xꞌnan wan kuꞌni tnun wan ꞌin Ni, ska ti chaꞌ ꞌin Ndiose ndiꞌin chaꞌ tukwa wan lo chalyuu.” Kanꞌ chaꞌ ja ndiꞌin chaꞌ tyuǔn xtyiǐnꞌ tloo nuꞌwin ―ndukwin Jesús ꞌin kuneꞌ xaꞌan.
25186	LUK 5:10	Loꞌo taꞌa tyukwaa yu sñiꞌ Zebedeo nu ndiꞌin xka niꞌ yka naꞌan kanꞌ, nu naan Santiago loꞌo nu naan Xuwa, loꞌo neꞌ kanꞌ ytsen ꞌa neꞌ; ti kwiꞌ taꞌa ndaꞌan Simón tñan lka neꞌ kanꞌ. Bra kanꞌ ykwiꞌ Jesús loꞌo Simón: ―Ja kutseen ―ndukwin―. Ti ngwa sꞌni la xkwiꞌ tñan kuta kula ti yꞌnii; loꞌo ni, taǎn xka tñan ꞌiin, chaꞌ tsaa naan ꞌin nten chalyuu nu mnaꞌ kasiya ꞌin siꞌya chaꞌ kuxi, chaꞌ ka neꞌ nten ꞌñaǎn ―ndukwin Jesús ꞌin Simón.
25207	LUK 5:31	Bra kanꞌ mxkwen Jesús ꞌin neꞌ kanꞌ: ―Nten nu ngula tiꞌ ni, ja tsaa naan neꞌ kanꞌ ꞌin ska nu kuꞌni joꞌó ꞌin neꞌ; neꞌ tiꞌí lka nu ndaꞌan naan ꞌin ska nu kuꞌni joꞌó ꞌin neꞌ ―ndukwin―.
25224	LUK 6:9	Bra kanꞌ ykwiꞌ Jesús ska chaꞌ loꞌo nten nu mñi lyoꞌo ti chaꞌ ngiꞌni kti: ―¿Ni sa ñaꞌan tñan suꞌwe la chaꞌ kuꞌnian tsan kti sikwa a? ―ndukwin Jesús ꞌin neꞌ kanꞌ―. ¿Ta ska chaꞌ suꞌwe kuꞌnian bra kanꞌ a? ¿O ta suꞌwe la kuꞌnian ska chaꞌ kuxi a?, xkeꞌ tiꞌ wan ―ndukwin―. ¿Ta suꞌwe la si kulaan ꞌin nten tsan kanꞌ, chaꞌ ja kaja neꞌ bra kanꞌ a? ¿O ta suꞌwe la, nxkeꞌ tiꞌ wan, taan chabiyaꞌ kaja nten bra kanꞌ a? ―ndukwin Jesús ꞌin neꞌ.
25235	LUK 6:20	Naꞌan Jesús ꞌin neꞌ nu ngiꞌni xaꞌan chaꞌ ꞌin yu, bra kanꞌ mdyisnan yu nguaꞌu yu ꞌin neꞌ: ―Ka suꞌwe ka tiye wan nu tiꞌí ti ñaꞌan ndiꞌin lo chalyuu re ―ndukwin―. Ndiose lka nu ñaꞌansiin ꞌwan, chaꞌ kanꞌ nu nka Xꞌnan wan.
25236	LUK 6:21	’Kwiꞌ ngwañaꞌan, ka suꞌwe ka tiye wan nu lye ꞌa nchka tiꞌ wan kunan wan ska chaꞌ nu ñi, sa ñaꞌan lka si ngiteꞌ ꞌa tiꞌ wan ―ndukwin―. Chunꞌ ndiꞌin la, kalaꞌ tiꞌ wan bra kanꞌ. ’Kwiꞌ ngwañaꞌan, ka suꞌwe ka tiye wan nu xiꞌin tiꞌ ndiꞌin lo chalyuu re ni, chaꞌ chunꞌ ndiꞌin la ka suꞌwe ka tiye wan bra kanꞌ ―ndukwin Jesús―.
25239	LUK 6:24	’Tꞌnan ꞌa ꞌwan neꞌ kuliyaꞌ; suꞌwe ꞌa ngwa tiye wan nu ngwa sꞌni la; nu ka nde loo la, ja ka ꞌa suꞌwe ka tiye wan bra kanꞌ ―ndukwin―.
25295	LUK 7:31	―Ja suꞌwe sa ñaꞌan nu ngiꞌni nten chalyuu ni ―ndukwin―.
25308	LUK 7:44	Naꞌan ꞌa Jesús seꞌen ndiꞌin nu kunaꞌan kanꞌ, bra kanꞌ xiyaꞌ ykwiꞌ yu loꞌo Simón kanꞌ: ―Kiꞌyaa chinꞌ kwenta sa ñaꞌan nu ngiꞌni nu kunaꞌan re ―ndukwin―. Bra nu mdiyaǎn niꞌ ñaꞌan re tsan, nuꞌwin ja mdaa tyiꞌa katen kiyaǎnꞌ; loꞌo ni, wa mjyaꞌan nu kunaꞌan re kiyaǎnꞌ loꞌo tyiꞌa kiloo, wa mxtyi nu kunaꞌan re kiyaǎnꞌ loꞌo kichanꞌ ke ti.
25360	LUK 8:46	Bra kanꞌ xiyaꞌ mxkwen Jesús ꞌin neꞌ kanꞌ: ―Chañi chaꞌ wa ylaꞌ ska nten ꞌñaǎn ―ndukwin―. Mgii tiǎnꞌ chaꞌ wa mdoꞌo chinꞌ chaꞌ tiya ꞌñaǎn chaꞌ wa yꞌniǐn joꞌó ꞌin ska nten.
25366	LUK 8:52	Nganan ꞌa xka ta nten nu ndiꞌin chunꞌ naꞌan kanꞌ, chaꞌ wa ngujwi nu kunaꞌan lyuꞌ kanꞌ. Bra kanꞌ ykwiꞌ Jesús loꞌo neꞌ kanꞌ: ―Ja kunan wan ―ndukwin―. Siꞌi nan ngujwi nu lyuꞌ re, nan lajaꞌ ti re ―ndukwin Jesús ꞌin neꞌ.
25502	LUK 11:28	Bra kanꞌ mxkwen Jesús ꞌin nu kunaꞌan kanꞌ: ―Siꞌi chaꞌ kanꞌ ―ndukwin―. ¡Suꞌwe la nka tiye nten nu kunan suꞌwe nchga chaꞌ nu nchkwiꞌ Ndiose loꞌo neꞌ, nchga nu ndukwa chaꞌ ꞌin Ni!
25607	LUK 13:20	Bra kanꞌ ykwiꞌ Jesús xka chaꞌ tiya loꞌo neꞌ: ―Xka chaꞌ chkwiǐnꞌ loꞌo wan ni, sa ñaꞌan ka chaꞌ ka Ndiose ndloo niꞌ kasiya ꞌwan ―ndukwin―.
25739	LUK 17:19	Bra kanꞌ ykwiꞌ Jesús loꞌo yu kiꞌyu kanꞌ: ―Tyituun lyaa, tyaa ni ―ndukwin―. Wa nchkaa ni, chaꞌ ndyaa ñaꞌan tiiꞌ chaꞌ nu ykwiǐnꞌ loꞌoo.
25775	LUK 18:18	Nde kwa mduun ska nten tlyu nu lka ndloo ꞌin neꞌ judío. Bra kanꞌ mnichaꞌ yu kanꞌ ꞌin Jesús: ―Mstru, suꞌwe ꞌa ngiꞌnii nchga tsan ―ndukwin―. ¿Ni sa ñaꞌan kuꞌniǐn chaꞌ kaja chalyuu nu ja tsaa tii ꞌa ꞌñaǎn a? ―ndukwin yu kiꞌyu kanꞌ.
25842	LUK 19:42	―Tsan ni ti, nu ti ndiꞌin wan chinꞌ lo chalyuu, si xlyaa wan kunan wan ska chaꞌ nu chkwiǐnꞌ loꞌo wan, suꞌwe ꞌa ka ꞌwan bra kanꞌ, suꞌwe ti tyiꞌin wan bra kanꞌ ―ndukwin Jesús―. Loꞌo ꞌwan, ja nchka ꞌa ka biyaꞌ tiꞌ wan chaꞌ re, chaꞌ wa nsuꞌwi kutsiꞌ ti chaꞌ re ꞌwan ―ndukwin―.
26092	LUK 24:32	Bra ti ykwiꞌ neꞌ loꞌo taꞌa neꞌ bra kanꞌ: ―¿Ta siꞌi chañi chaꞌ suꞌwe ꞌa ngwa tiyean ni a? ―ndukwin―. Tiin ti mdiꞌin kasiya ꞌñaan bra nu mdiyan yu nchkwiꞌ yu loꞌoan tuwiin, chunꞌ wa ngwaꞌu yu ꞌñaan sa ñaꞌan nu nchkwiꞌ kityi kula ―ndukwin neꞌ ꞌin taꞌa neꞌ.
26098	LUK 24:38	Bra kanꞌ ykwiꞌ Jesús loꞌo neꞌ kanꞌ: ―¿Ni chaꞌ lka nu ngitsen wan ndiꞌin wan? ―ndukwin―. ¿Ni chaꞌ lka nu nduwe ꞌa tiꞌ wan? ―ndukwin yu ꞌin neꞌ―.
26145	JHN 1:32	Chunꞌ ndiꞌin la ykwiꞌ Xuwa chaꞌ ꞌin Jesús loꞌo neꞌ: ―Wa naꞌaǎn bra nu mdoꞌo Tyiꞌi Ndiose niꞌ kwan yan ngwiꞌya ke Jesús; sa ñaꞌan ndiꞌya ska kiñi cha kun, ngwañaꞌan nganun ndukwa ke yu ―ndukwin―.
26236	JHN 4:11	―Neꞌ kula ―ndukwin nu kunaꞌan kanꞌ ꞌin Jesús―, kiꞌñi ꞌa chku tiyuu re; loꞌo ja loꞌo balde ꞌiin ―ndukwin―. ¿Ni sa ñaꞌan ka kuloo tyiꞌa chaꞌ kuꞌni kuꞌu ꞌñaǎn a? ―ndukwin―.
26237	JHN 4:12	¿Ta kaꞌan la nsuꞌwi lyo nuꞌwin ke ayman Jacob ꞌñaan nu nda chku tiyuu re ꞌwa a? ―ndukwin―. Yiꞌo ayman kanꞌ tyiꞌa chku re, kwiꞌ ngwañaꞌan yiꞌo sñiꞌ yu, loꞌo skunꞌ neꞌ yiꞌo tyiꞌa re.
26239	JHN 4:14	Loꞌo ni, xa nu koꞌo neꞌ tyiꞌa nu taǎn, ja kityi ꞌa tiꞌ neꞌ xiyaꞌ bra kanꞌ ―ndukwin―. Taǎn ska lo tyiꞌa koꞌo neꞌ nu kuꞌni kuꞌu kasiya ꞌin neꞌ. Sa ñaꞌan lka si tyukwa tyiꞌa niꞌ kasiya ꞌin neꞌ, ngwañaꞌan lka chaꞌ kanꞌ, loꞌo ja tsaa tii ꞌa chalyuu nu taǎn ꞌin neꞌ bra kanꞌ.
26244	JHN 4:19	―Neꞌ kula ―ndukwin nu kunaꞌan kanꞌ―, ngwa biyaꞌ tiǎnꞌ ni, chaꞌ ndiꞌin ꞌa chaꞌ tiya ꞌiin, chaꞌ nuꞌwin lkaa ska nu nchkwiꞌ chaꞌ ꞌin Ndiose loꞌo nten ―ndukwin―.
26246	JHN 4:21	―Kunaan suꞌwe chaꞌ nchkwiǐnꞌ ―ndukwin Jesús ꞌin nu kunaꞌan kanꞌ―. Wa tiya ti bra chaꞌ ja kuꞌni tnun ꞌa wan ꞌin Ndiose lo kiꞌya kti kwa, kwiꞌ ja kuꞌni tnun ꞌa wan ꞌin Ni la kichen Jerusalén ―ndukwin―.
26250	JHN 4:25	Xiyaꞌ ykwiꞌ nu kunaꞌan kanꞌ loꞌo Jesús bra kanꞌ: ―Ndiꞌyaǎn kwenta chaꞌ wa kan ti ska nten nu tnun chka, kwiꞌ nu suꞌwa Ndiose ꞌin chaꞌ kan lo chalyuu; Krixtu ka naan yu kanꞌ ―ndukwin―. Bra nu kan yu kanꞌ, kwaꞌu ñi yu nchga chaꞌ tukwi ꞌñaan bra kanꞌ.
26311	JHN 5:32	Ndiya xka nu jlyo tiꞌ chaꞌ nchkwiǐnꞌ xkwiꞌ chaꞌ nu ñi, kwiꞌ jlyo tiǎnꞌ chaꞌ xkwiꞌ chaꞌ nu ñi nchkwiꞌ Ni kanꞌ ―ndukwin―.
26317	JHN 5:38	Ja nganun chaꞌ nu ykwiꞌ Stiǐn niꞌ kasiya ꞌwan, chaꞌ ja ndyaa ñaꞌan tiꞌ wan ꞌñaǎn chaꞌ wa msuꞌwa Ni ꞌñaǎn mdiyaǎn lo chalyuu ―ndukwin―.
26358	JHN 6:32	Ti ngwaꞌu la Jesús ꞌin neꞌ bra kanꞌ: ―Chañi ꞌa chaꞌ nu nchkwiǐnꞌ loꞌo wan ni: Stiǐn Ndiose lka nu ta chaꞌ nu chañi kuꞌni chaꞌ kalaꞌ tiꞌ wan kanꞌ, ti kwiꞌ chaꞌ kanꞌ lka nu ndyoꞌo seꞌen ndiꞌin Ni; ja lka ran ti kwiꞌ chaꞌ nu mda ayman Moisés, nu yku neꞌ nu ngwa sꞌni ―ndukwin―.
26361	JHN 6:35	―Sa ñaꞌan ngiꞌni tyaja bra nu mdyii ykuan ꞌin ran, ngwañaꞌan kuꞌniǐn loꞌo nten, xa nu xñi neꞌ chaꞌ ꞌñaǎn ―ndukwin Jesús bra kanꞌ―. Taǎn ska chalyuu ꞌin neꞌ kanꞌ seꞌen nu kalaꞌ tiꞌ neꞌ ―ndukwin Jesús―. Loꞌo nchga nten nu xuꞌwi chaꞌ ꞌin neꞌ loꞌoǔn, ja jñan la neꞌ xka lo nan ku neꞌ; bra nu xñi neꞌ chaꞌ ꞌñaǎn, ja kityi ꞌa tiꞌ neꞌ bra kanꞌ ―ndukwin―.
26365	JHN 6:39	Nchka tiꞌ Stiǐn chaꞌ ja ska nten kanaꞌ, xa wa msñi neꞌ chaꞌ ꞌñaǎn. Kwiꞌ kuꞌniǐn chaꞌ tyuꞌu neꞌ kanꞌ xiyaꞌ xa wa tyii ti chalyuu ―ndukwin―.
26373	JHN 6:47	Chañi ꞌa chaꞌ nu nchkwiǐnꞌ loꞌo wan ni, chaꞌ nchga nten nu xñi chaꞌ ꞌin Ndiose, wa lka mjwi chalyuu nu ja tsaa tii ꞌa ꞌin neꞌ kanꞌ ―ndukwin―.
26394	JHN 6:68	Mxkwen Tyu Simón ꞌin Jesús bra kanꞌ: ―Yu kula ―ndukwin―, ¿la nde yaꞌ ndiya xka seꞌen tsaa ba chaꞌ kunan ba nchga chaꞌ nu ñi nu nchkwiiꞌ a? Ja tsaa tii ꞌa chalyuu ꞌwa xa nu kunan suꞌwe ba chaꞌ nu nchkwiiꞌ ―ndukwin―.
26404	JHN 7:7	chaꞌ ja tiꞌí tiꞌ neꞌ ꞌwan; naꞌ lkaǎn nu tiꞌí ꞌa tiꞌ neꞌ ꞌñaǎn, chaꞌ nchkwiǐnꞌ chaꞌ nu ñi loꞌo neꞌ chaꞌ ꞌin nchga chaꞌ kuxi nu ngiꞌni neꞌ ―ndukwin―.
26465	JHN 8:15	Wa lka mstya wan kiꞌya ꞌñaǎn. Bra nu ngiꞌni wan ngwañaꞌan, ngiꞌni wan sa ñaꞌan ngiꞌni nten chalyuu ti. Loꞌo naꞌ ni, ja ndijyaǎn lo chalyuu chaꞌ xtyaǎn kiꞌya ꞌin nten ―ndukwin―.
26471	JHN 8:21	Xiyaꞌ ykwiꞌ Jesús loꞌo neꞌ bra kanꞌ: ―Tsaꞌaǎn ni ―ndukwin yu―. Chunꞌ ndiꞌin la tsaa naan wan ꞌñaǎn nde seꞌen mdaꞌaǎn, loꞌo ja tyija lyoǔn ꞌaǎn ꞌwan bra kanꞌ ―ndukwin―. Kaja wan loꞌo kiꞌya nu ndiꞌin ꞌwan, ni siya ti ji tyija lyoǔn ꞌwan, loꞌo ja ka ꞌa ꞌwan tsaa wan seꞌen tyiꞌiǐn bra kanꞌ.
26478	JHN 8:28	Kanꞌ chaꞌ ti nchkwiꞌ la Jesús loꞌo neꞌ bra kanꞌ: ―Chunꞌ ndiꞌin la, bra nu skwen wan ꞌñaǎn lo wsi, ka biyaꞌ tiꞌ wan chaꞌ lkaǎn ti kwiꞌ sa ñaꞌan nu niǐn ꞌwan chaꞌ lkaǎn, naꞌ nu ndijyaǎn lo chalyuu chaꞌ kaǎn nten ―ndukwin Jesús―. Ja ska tñan ngiꞌniǐn chabiyaꞌ ꞌñaǎn, ti ykwiǐnꞌ tiǎn; Stiǐn Ndiose, kanꞌ lka nu ngwaꞌu ꞌñaǎn nchga chaꞌ nu chkwiǐnꞌ ―ndukwin―.
26486	JHN 8:36	Skaǎn tiǎn nu lkaǎn Sñiꞌ Ndiose, bra nu kulaǎn ꞌwan, chañi chaꞌ ja ka ꞌa tatsaa neꞌ ꞌwan chaꞌ kuꞌni wan chaꞌ xaꞌan xiyaꞌ seꞌen ndiꞌin wan ―ndukwin―.
26494	JHN 8:44	Ti kwiꞌ kuneꞌ xaꞌan lka sti wan, loꞌo nchka tiꞌ wan kuꞌni wan ti kwiꞌ tñan nu ngulo nu kanꞌ ꞌwan. Ti bra nu mdyisnan chalyuu, ti bra kanꞌ mdyisnan nu kanꞌ ngiꞌni ñuꞌun ꞌin nten ―ndukwin Jesús―. Ja mdoꞌo nu kanꞌ seꞌen ndukwa kiyaꞌ chaꞌ nu ñi, kanꞌ chaꞌ ja siyaꞌ ndiya chaꞌ nu ñi ꞌin nu kanꞌ ―ndukwin―. Xa nu kwiñi lyoꞌo nu kanꞌ ꞌin nten, chaꞌ ꞌin ti ykwiꞌ ti lka chaꞌ kwiñi nu nchkwiꞌ loꞌo neꞌ. Ska nu kwiñi tnun lka kuneꞌ xaꞌan, ti kwiꞌ kanꞌ lka sti nchga nu kwiñi.
26520	JHN 9:11	―Ska nten nu naan Jesús, kanꞌ lka nu mxtiyaaꞌ chinꞌ yuu kutsuꞌ chaꞌ taꞌan yu chunꞌ kiloǔn ―ndukwin―. Kanꞌ ngulo yu tñan ꞌñaǎn chaꞌ tsaꞌaǎn jyaꞌaǎn kiloǔn nde chku Siloé. Kanꞌ chaꞌ yiꞌaǎn mjyaꞌaǎn kiloǔn la kanꞌ, loꞌo bra ti ngalaa kiloǔn; suꞌwe ꞌa nda xaa kiloǔn ni.
26539	JHN 9:30	Mxkwen yu ꞌin neꞌ fariseo bra kanꞌ: ―¡Tnun ꞌa chaꞌ nchkwiꞌ wan loꞌoǔn ni! ―ndukwin yu―. La kwa ti nduun ska yu kiꞌyu nu tka yꞌni joꞌó kiloǔn, loꞌo ja jlyo tiꞌ wan la nde yaꞌ mdoꞌo yu mdiyan yu ―ndukwin―.
26540	JHN 9:31	Jlyo tianꞌ taꞌaan chaꞌ ja nnan Ndiose chaꞌ nu nchkwiꞌ nten xaꞌan loꞌo Ni; kunan Ni chaꞌ nu nchkwiꞌ nten nu kuꞌni kti, nten nu ngiꞌni nchga tñan nu kulo Ni ꞌin neꞌ ―ndukwin―.
26558	JHN 10:8	Ja ndukwa slyaꞌ kanꞌ ꞌin nten nu yan ti kulo la, bra nu ti ji kaǎn, chaꞌ xkwiꞌ neꞌ kunan lka neꞌ kanꞌ; sa kuꞌ ti ngiꞌni neꞌ kunan nan nu nsuꞌwi ꞌin taꞌa nten neꞌ ―ndukwin―.
26560	JHN 10:10	’Xkwiꞌ tñan kunan ngiꞌni neꞌ kwiñi kanꞌ ―ndukwin Jesús―. Ndaꞌan neꞌ kanꞌ chaꞌ kuꞌni ñuꞌun neꞌ ꞌin nten, chaꞌ kanaꞌ kasiya ꞌin nten kanꞌ; loꞌo naꞌ ni, wa ndijyaǎn chaꞌ taǎn chalyuu suꞌwe ꞌin nten, seꞌen ka tyiꞌin neꞌ tyukwi ti tiye neꞌ bra kanꞌ ―ndukwin―.
26561	JHN 10:11	Suꞌwe ꞌa ñaꞌansiǐn ꞌin slyaꞌ ꞌñaǎn. Naꞌ xlyaǎn kajaǎn chaꞌ ja kaja slyaꞌ ꞌñaǎn, chaꞌ xkwiꞌ ndyaꞌan chaꞌ tiyeěn chaꞌ ꞌin iꞌ ―ndukwin―.
26575	JHN 10:25	―Ngwañaꞌan niǐn ꞌwan ska yaꞌ ―ndukwin Jesús ꞌin neꞌ kanꞌ bra kanꞌ―, loꞌo ja siyaꞌ ndyaa ñaꞌan tiꞌ wan chaꞌ nu ykwiǐnꞌ loꞌo wan nu ngwa xkanꞌ ―ndukwin―. Bra nu ñaꞌan wan chaꞌ tnun nu ngiꞌniǐn chabiyaꞌ ꞌin Stiǐn, ka biyaꞌ suꞌwe tiꞌ wan bra kanꞌ.
26601	JHN 11:9	Kanꞌ ykwiꞌ Jesús loꞌo neꞌ bra kanꞌ: ―¿Ta siꞌi tii tyukwa bra nsuꞌwi ska tsan a? Bra nu tyaꞌaan tikeeꞌ kwan ni, ja ska nan tyukwa kiyaanꞌ, chaꞌ ka ñaꞌaan seꞌen ndaꞌaan chaꞌ ti xaa ―ndukwin―.
26606	JHN 11:14	Ñi la ykwiꞌ Jesús loꞌo neꞌ bra kanꞌ: ―Wa ngujwi Lázaro ―ndukwin―.
26607	JHN 11:15	Loꞌo suꞌwe nka tiyeěn chaꞌ ja mdiꞌiǐn nde kwa bra nu ngujwi yu. Ja chan ka tsaa toꞌo suꞌwe la chaꞌ ꞌwan, kwiꞌ sten suꞌwe la wan chaꞌ ꞌñaǎn chunꞌ nu ngwañaꞌan ngwa ꞌin yu kanꞌ ―ndukwin―. Tyaan seꞌen nskwa ayman ni.
26620	JHN 11:28	Mdyii ykwiꞌ Marta ndyaa bra kanꞌ, mnan ti msiꞌya ꞌin Liya taꞌa ngula: ―Wa kala ti Mstru ꞌñaan nde re ―ndukwin―. Nxiꞌya yu ꞌiin chaꞌ tsaa seꞌen ndiꞌin yu.
26631	JHN 11:39	―Kulo tsuꞌ wan kee kwa ―ndukwin Jesús bra kanꞌ. Bra ti ykwiꞌ Marta taꞌa ngula ayman kanꞌ loꞌo Jesús: ―Tukun ꞌa tyiꞌi ka si nu tyoꞌo tsuꞌ kee kwa, neꞌ kula ―ndukwin―. Wa mdaꞌa jakwa tsan mtsiꞌ ayman re.
26656	JHN 12:7	―Ta wan chabiyaꞌ kuꞌni nu kunaꞌan re ngwañaꞌan ―ndukwin Jesús―. Wa mchkwan neꞌ re sete kanꞌ chaꞌ kunanjoꞌo ꞌin neꞌ xa nu tiya bra chaꞌ kutsiꞌ neꞌ ꞌñaǎn ―ndukwin―.
26673	JHN 12:24	Chañi ꞌa chaꞌ nu chkwiǐnꞌ loꞌo wan ni: Ska mta nu ntya nten ni, ñaꞌan tiꞌ ska mta trigu, kanun mta kanꞌ ya ñaꞌan ti si ja kata neꞌ ꞌin ran niꞌ yuu ―ndukwin―. Xa wa yta neꞌ mta kanꞌ niꞌ yuu, katsu mta kanꞌ bra kanꞌ, tyii chaꞌ ꞌin mta kanꞌ sa ñaꞌan lka si wa ngujwi ran. Xa nu katsu kuten mta kanꞌ, kaꞌan ꞌa mta tyoꞌo loo ran xa wa ngula ran bra kanꞌ.
26736	JHN 13:37	Loꞌo mnichaꞌ Tyu ꞌin yu bra kanꞌ: ―¿Ni chaꞌ lka ja nchka tiiꞌ chaꞌ tsaꞌaǎn loꞌoo la seꞌen tsaa, ni siya ni ti a? ―ndukwin―. Ja nꞌni chaꞌ ni siya kajaǎn chaꞌ ꞌiin.
26746	JHN 14:9	―Lpe ―ndukwin Jesús ꞌin yu―, wa tyun ꞌa tsan ndiꞌiǐn loꞌo wan, ¿ta ti ji xuꞌwi lyo wan ꞌñaǎn a? ―ndukwin―. Wa naꞌan wan ꞌñaǎn, kanꞌ chaꞌ loꞌo Stiǐn wa naꞌan wan ꞌin Ni bra kanꞌ. ¿Ni chaꞌ nchka tiiꞌ chaꞌ nu ykwiiꞌ loꞌoǔn: “Kwaꞌuu ꞌwa ti ka nu lka Stii?” ―ndukwin Jesús ꞌin Lpe―.
26747	JHN 14:10	¿Ja ya tsaa ñaꞌan tiꞌ wan chaꞌ suꞌwa ndiꞌin chaꞌ ꞌñaǎn loꞌo Stiǐn Ndiose a? Loꞌo nchga bra ndiꞌin Stiǐn Ndiose loꞌoǔn ―ndukwin―. Siꞌi chaꞌ nu ndloǔn keěn tiǎn lka chaꞌ nu nchkwiǐnꞌ loꞌo wan; suꞌwa ndiꞌin chaꞌ ꞌin Stiǐn loꞌoǔn, loꞌo Ndiose lka nu ndlo tñan ꞌñaǎn, sa ñaꞌan nu kuꞌniǐn.
26750	JHN 14:13	Kanꞌ chaꞌ ni, nchga chaꞌ nu jñan wan ꞌin Ndiose chabiyaꞌ ꞌñaǎn, kuꞌniǐn chaꞌ kanꞌ ―ndukwin―. Loꞌo kuꞌni nten chalyuu chaꞌ tlyu la ka chaꞌ ꞌin Stiǐn Ndiose xa nu kuꞌni tnun neꞌ ꞌñaǎn, skaǎn tiǎn nu lkaǎn Sñiꞌ Ni.
26753	JHN 14:16	Bra nu tyaꞌaǎn nde kwa, bra kanꞌ chkwiǐnꞌ loꞌo Stiǐn Ndiose chaꞌ ta Ni xka nu tayaꞌ ꞌwan; kanꞌ lka Tyiꞌi Ndiose nu lka suun nchga chaꞌ nu ñi. Kanun nu kanꞌ loꞌo wan sa ñaꞌan bra nu tyii chalyuu ―ndukwin―.
26758	JHN 14:21	Nchga nten nu chañi chaꞌ suꞌwe nsuꞌwi tiye neꞌ ñaꞌan neꞌ ꞌñaǎn, ti kwiꞌ neꞌ kanꞌ lka nu kunan suꞌwe nchga chaꞌ nu chkwiǐnꞌ loꞌo neꞌ; tukwa suꞌwe neꞌ chaꞌ kanꞌ ―ndukwin―. Xa nu suꞌwe nsuꞌwi tiye neꞌ ñaꞌan neꞌ ꞌñaǎn, loꞌo Stiǐn, suꞌwe ꞌa nsuꞌwi tiye Ni ñaꞌan Ni ꞌin neꞌ kanꞌ. Loꞌoǔn, suꞌwe ꞌa ka tiyeěn ñaꞌaǎn ꞌin neꞌ kanꞌ, kwaꞌuǔn ꞌin neꞌ kanꞌ nchga chaꞌ sa ñaꞌan nu lkaǎn, ti ykwiǐnꞌ tiǎn bra kanꞌ.
26764	JHN 14:27	’Nde lka tñan nu kuꞌniǐn loꞌo wan chaꞌ nu wa tyaꞌaǎn tiǎn. Kuꞌniǐn chaꞌ tiin ti tyiꞌin wan. Ja nchka ꞌin nten chalyuu tyiꞌin tiin ti; ykwiǐnꞌ kuꞌniǐn chaꞌ tiin ti tyiꞌin wan ―ndukwin Jesús―. Ja tyaꞌan ꞌa chaꞌ tiye wan, ja ka kutsen wan bra kanꞌ ―ndukwin―.
26772	JHN 15:4	Kuꞌni suꞌwa tiye wan loꞌoǔn, chaꞌ suꞌwa ti nchka tiyeěn loꞌo wan. Lka chaꞌ ñaꞌan tiꞌ si naꞌ lkaǎn ska suun yka, loꞌo ꞌwan lka wan ñaꞌan tiꞌ stanꞌ yka kanꞌ ―ndukwin Jesús―. Ska stanꞌ yka kwiñii ni, ja tyoꞌo nan lo ran bra wa msiꞌyu neꞌ kiyaꞌ ran; ska ti si ti ngaluu ran, si ti nxñi kaꞌan ran ꞌin suun, tyoꞌo nan lo ran bra kanꞌ ―ndukwin―. Loꞌo ꞌwan, ja ka xuꞌwi chaꞌ suꞌwe niꞌ kasiya ꞌwan chaꞌ tayaꞌ wan ꞌin xka la nten bra nu ja suꞌwa nchka tiye wan loꞌoǔn.
26803	JHN 16:8	Loꞌo bra nu kan Tyiꞌi Ndiose lo chalyuu ―ndukwin Jesús―, kuꞌni Ni chaꞌ kuwe tiꞌ nchga nten ñaꞌaan chalyuu chaꞌ nsuꞌwi kiꞌya nu mstya Ndiose ꞌin neꞌ; kwiꞌ ngwañaꞌan, kuꞌni Ni chaꞌ tyaa yuꞌwi tiꞌ neꞌ ꞌñaǎn, chaꞌ nu ñi ꞌa lka chaꞌ nu ykwiǐnꞌ. Kuꞌni Ni chaꞌ ka biyaꞌ tiꞌ neꞌ chaꞌ ndiꞌin chaꞌ kuꞌni biyaꞌ Ndiose ꞌin nchga nten chalyuu ―ndukwin―.
26805	JHN 16:10	Loꞌo kuꞌni Ni chaꞌ tyaa yuꞌwi tiꞌ nten ꞌñaǎn chaꞌ ñi ꞌa ngiꞌniǐn, chaꞌ ñi ꞌa chaꞌ nu nchkwiǐnꞌ, chaꞌ wa tyaꞌaǎn seꞌen ndiꞌin Stiǐn Ndiose, loꞌo ja ñaꞌan ꞌa wan ꞌñaǎn bra kanꞌ ―ndukwin―.
26818	JHN 16:23	’Xa nu wa ndiya tsan kanꞌ chaꞌ nu kaǎn xiyaꞌ, ja nꞌni ꞌa chaꞌ jñan wan ska chaꞌ ꞌñaǎn ―ndukwin Jesús―. Ñi ꞌa chaꞌ nu chkwiǐnꞌ loꞌo wan ni, chaꞌ nchga chaꞌ nu jñan wan ꞌin Stiǐn Ndiose chabiyaꞌ ꞌñaǎn, kuꞌni Ni chaꞌ kanꞌ chaꞌ ꞌwan ―ndukwin―.
26822	JHN 16:27	Ti kwiꞌ Stiǐn Ndiose suꞌwe ꞌa nsuꞌwi tiye Ni ñaꞌan Ni ꞌwan chunꞌ suꞌwe ꞌa nsuꞌwi tiye wan ñaꞌan wan ꞌñaǎn; jlyo tiꞌ Ni chaꞌ ndyaa ñaꞌan tiꞌ wan chaꞌ nde seꞌen ndiꞌin Ndiose mdoꞌoǔn, kanꞌ chaꞌ suꞌwe ꞌa nsuꞌwi tiye Ni ñaꞌan Ni ꞌwan ―ndukwin―.
26828	JHN 16:33	Nchkwiǐnꞌ nchga chaꞌ re loꞌo wan chaꞌ tiin ti tyiꞌin wan xa wa yten wan chaꞌ ꞌñaǎn ―ndukwin―. Lo chalyuu re ka tiꞌí tiꞌ nten ꞌwan. Loꞌo ja kuwe tiꞌ wan, kuꞌni tnun tiye wan; naꞌ lkaǎn ndloo la lo chalyuu, chaꞌ ska yaꞌ ti mdijiǐn lyoǔn ꞌin kuneꞌ xaꞌan.
26834	JHN 17:6	’Nchga chaꞌ, kwiꞌ sa ñaꞌan nu nchka nuꞌwin ni, wa mdyii ykwiǐnꞌ chaꞌ kanꞌ loꞌo nten chalyuu ꞌñaǎn, ti kwiꞌ nten nu wa nguloo suwii chaꞌ ka nten ꞌñaǎn. Wa ytsaǎnꞌ chaꞌ kanꞌ ꞌin neꞌ sa ñaꞌan yaꞌ nu nsuꞌwi lyo suꞌwe neꞌ ꞌiin ni ―ndukwin―. Nten nu ꞌiin lka neꞌ kanꞌ; loꞌo nuꞌwin wa mdaa neꞌ kanꞌ, chaꞌ ka neꞌ nten ꞌñaǎn. Loꞌo wa mdukwa neꞌ nchga chaꞌ nu nchkwiiꞌ loꞌo neꞌ.
26838	JHN 17:10	Nchga nten nu msñi chaꞌ ꞌñaǎn, lka neꞌ kanꞌ nten ꞌiin ―ndukwin―. Ti kwiꞌ ti chaꞌ, nuꞌwin yꞌnii chaꞌ lka neꞌ kanꞌ nten ꞌñaǎn, chunꞌ lka neꞌ nten ꞌiin. Bra nu ñaꞌan xka ta nten chalyuu ꞌin neꞌ kanꞌ, bra ti ka biyaꞌ tiꞌ neꞌ chaꞌ tlyu ꞌa chaꞌ suꞌwe nsuꞌwi ꞌñaǎn.
26842	JHN 17:14	Nchga chaꞌ nu wa ykwiiꞌ loꞌoǔn, wa ytsaǎnꞌ chaꞌ kanꞌ ꞌin neꞌ kanꞌ ―ndukwin―. Loꞌo ni, sa ñaꞌan nu ngwa tiꞌí tiꞌ nten chalyuu ꞌñaǎn, ngwañaꞌan ka tiꞌí tiꞌ nten ꞌin neꞌ kanꞌ chaꞌ ꞌñaǎn, chaꞌ ja ndiꞌin chaꞌ ꞌñaan loꞌo chaꞌ kuxi nu nsuꞌwi chalyuu.
26844	JHN 17:16	Loꞌo naꞌ loꞌo neꞌ kanꞌ, ja ndiꞌin chaꞌ ꞌwa loꞌo chaꞌ kuxi nu nsuꞌwi chalyuu ―ndukwin―.
26847	JHN 17:19	Loꞌo ni, taǎn tyukwi ñaꞌaan naꞌ, ti ykwiǐnꞌ tiǎn, chaꞌ ꞌin nten kanꞌ, chaꞌ kuꞌniǐn nchga tñan nu nchka tiiꞌ chaꞌ kuꞌniǐn ―ndukwin―. Loꞌo nchga nten nu wa msñi chaꞌ ꞌiin, nchka tiǎnꞌ chaꞌ xaꞌaan kasiya ꞌin neꞌ, chaꞌ nuꞌwin katsaaꞌ chaꞌ nu ñi nu kanun niꞌ kasiya ꞌin neꞌ chaꞌ ꞌiin.
26848	JHN 17:20	’Siꞌi ska ti chaꞌ ꞌin nten nu wa yten chaꞌ ꞌñaǎn chkwiǐnꞌ loꞌoo ―ndukwin Jesús ꞌin Ndiose Sti yu―, loꞌo chkwiǐnꞌ chaꞌ ꞌin nchga nten nu sten chaꞌ ꞌñaǎn nde loo la, bra nu kunan neꞌ chaꞌ nu chkwiꞌ nten ꞌñaǎn loꞌo neꞌ; loꞌo chaꞌ ꞌin neꞌ kanꞌ chkwiǐnꞌ loꞌoo ni ―ndukwin―.
26890	JHN 18:36	―Si naꞌ lkaǎn ska ree ngwañaꞌan ―ndukwin Jesús―, bra ti xuun taꞌa neꞌ taꞌa ndaꞌaǎn loꞌo neꞌ judío kwa chaꞌ ja xñi ꞌa neꞌ ꞌñaǎn ―ndukwin―. Kanꞌ chaꞌ ni, siꞌi nten chalyuu lka nu wa mstya ꞌñaǎn chaꞌ kaǎn ndloo ꞌin neꞌ.
26961	JHN 20:25	Kanꞌ chaꞌ ytsaꞌ neꞌ taꞌa yꞌni xaꞌan Toma ꞌin yu bra kanꞌ: ―Wa naꞌan ba ꞌin ti kwiꞌ Xꞌnaan ―ndukwin neꞌ. Ykwiꞌ Toma loꞌo neꞌ bra kanꞌ: ―Bra wa naꞌaǎn seꞌen yojoꞌ neꞌ klavu yaꞌ yu, bra kanꞌ tsaa ñaꞌan tiǎnꞌ chaꞌ ti kwiꞌ yu lka yu kanꞌ ―ndukwin―. Bra wa yojoǔnꞌ xñii yaǎnꞌ laja kutu seꞌen yojoꞌ neꞌ klavu yaꞌ yu, bra wa yojoǔnꞌ yaǎnꞌ laja kutu seꞌen yojoꞌ neꞌ chkwan siꞌ yu, tsaa ñaꞌan tiǎnꞌ bra kanꞌ ―ndukwin Toma.
26963	JHN 20:27	Loꞌo ykwiꞌ Jesús loꞌo Toma bra kanꞌ: ―Tyaan lyaa re, kojooꞌ xñii yaaꞌ laja kutu ndukwa yaǎnꞌ ―ndukwin―. Ñaꞌaan kwiꞌya suꞌwe seꞌen ndukwa kutu yaǎnꞌ re. Tyaan kojooꞌ yaaꞌ siǐnꞌ. Ja chkwiiꞌ ꞌa chaꞌ ja ndyaa ñaꞌan tiiꞌ ꞌñaǎn. Bra nu ni, ka tsaa ñaꞌan suꞌwe tiiꞌ ꞌñaǎn ―ndukwin Jesús.