13944	PSA 1:1	Tijicña jini quixtyañu machꞌʌ baꞌan miꞌ chaꞌlen xʌmbal yicꞌot simaroñoꞌ bʌ chaꞌan miꞌ jacꞌbeñob i tꞌan, Jini machꞌʌ baꞌan mi waꞌtyʌl tiꞌ bijlel xmulilob, Jini machꞌʌ baꞌan mi buchtyʌl yicꞌot xwajleyajob.
13948	PSA 1:5	Jin chaꞌan machꞌan mi quej i qꞌuejlelob ti tyoj tiꞌ yorojlel melojel. Jini xmulilob machꞌan mi quej i yochelob yaꞌ baꞌ miꞌ muchꞌquiñob i bʌ jini tyojoꞌ bʌ.
13951	PSA 2:2	Jini yumʌlob ti pañimil miꞌ chajpañob i bʌ. Jini yumʌlob miꞌ lajob i tꞌan Chaꞌan miꞌ contrajiñob lac Yum, Yicꞌot jini Rey yajcʌbil bʌ i chaꞌan.
13955	PSA 2:6	Lac Yum mi quejel i yʌl: Yaꞌ ti Jerusalén, jini chꞌujul bʌ c lum, Tsaꞌix c waꞌchoco c Rey, jini yajcʌbil bʌ c chaꞌan, cheꞌen.
13956	PSA 2:7	Jini Yajcʌbil bʌ chʌncol i sub chʌ bʌ albil ti lac Yum: C Yum tiꞌ subon: Calobiletyʌch. Wale ti ili bʌ qꞌuin chʌncol c tsictisan chaꞌan calobiletyʌch.
13959	PSA 2:10	Jin chaꞌan laꞌ ocꞌac laꞌ ñaꞌtyʌbal, reyet bʌ la. Yom mi laꞌ jacꞌ laꞌ cʌntisʌntyel, jatyetla am bʌ laꞌ weꞌtyel ti mulawil.
14183	PSA 19:2	Jini chan miꞌ tsictisan i ñuclel Dios, Miꞌ tsictisan i melbal i cꞌʌb.
14191	PSA 19:10	Sʌcʌch i tꞌan lac Yum. Junyajlel tyoj. Mi yajñel ti beleꞌ ora.
14230	PSA 22:10	Jatyet ti a wʌqꞌueyon ti chꞌoc an cheꞌ cʌñʌtyʌbilon tyo i chaꞌan c ñaꞌ. Jatyet ti a cʌñʌtyʌyon yaꞌ tiꞌ tyajn c ñaꞌ.
14233	PSA 22:13	Joyolon ti bʌbʌqꞌuen bʌ j contrajob lajalob bajcheꞌ pꞌʌtyʌl bʌ tyat wacax chꞌoyol bʌ ti Basán.
14236	PSA 22:16	Jilemix c pꞌʌtyʌlel cheꞌ bajcheꞌ i xejtꞌil pꞌejt tsaꞌix bʌ wen tyʌqui. Mi ñochtyʌl cacꞌ chaꞌan tyʌquin c tiꞌ. Chʌncol a tyotsꞌchocoñon ti muconibʌl.
14240	PSA 22:20	C Yum, mach yom maꞌ cʌyon. Jatyet, c pꞌʌtyʌlel, laꞌ ti ora chaꞌan maꞌ cotyañon.
14244	PSA 22:24	Subula i ñuclel jatyetla muꞌ bʌ laꞌ qꞌuel ti ñuc lac Yum, Pejtyel i jiñʌjlelet bʌ la Jacob, subula i ñuclel. Qꞌuelela ti ñuc lac Yum, pejtyel israelet bʌ la.
14246	PSA 22:26	Jin chaꞌan mic sub i ñuclel c Yum tiꞌ tyojlel jini muꞌ bʌ i muchꞌquiñob i bʌ. Mi quej c mel ti tsꞌʌcʌl bajcheꞌ tic wʌ subeyet yaꞌ tiꞌ tyojlel quixtyañujob muꞌ bʌ i chꞌujutisañob Dios.
14247	PSA 22:27	Jini pꞌumpꞌuñoꞌ bʌ mi quejelob ti uchꞌel. Mi quejel i ñajꞌañob. Jini muꞌ bʌ i sajcañob lac Yum, mi quejel i chꞌujutisañob. Laꞌ ajnicob ti pejtyel ora jini muꞌ bʌ i sajcañob.
14252	PSA 22:32	Mi quejel i subob tyoj bʌ i melbal lac Yum. Jini max tyo bʌ ti chꞌocꞌʌyob mi quejel i subentyel i melbal lac Yum.
14418	PSA 34:11	Jini yal bajlʌm mi yubin wiꞌñal. Pero mach cheꞌic jini muꞌ bʌ i sajcan lac Yum. Mi quej i tyaj pejtyel chʌ bʌ wen tyac.
14422	PSA 34:15	Cʌyʌ simaronlel, mele chʌ bʌ wen. Jopꞌo a wajñel ti ñʌchꞌtyʌlel a pusicꞌal.
14425	PSA 34:18	Jini tyojoꞌ bʌ miꞌ cꞌajtin i cotyʌntyel ti lac Yum. Mi yubiñob. Mi yʌcꞌ ti ñumel pejtyel i wocol.
14429	PSA 34:22	Jini simaron bʌ mi quej i yubin cabʌl wocol Jini muꞌ bʌ i tsꞌaꞌleñob jini tyoj bʌ mi quej i xotꞌob i mul.
14480	PSA 37:9	Jini muꞌ bʌ i chaꞌlen simaronlel mi quej i jisʌntyel. Jini muꞌ bʌ i chʌc pijtyañob lac Yum mi quej i yʌqꞌuentyelob jini lum.
14482	PSA 37:11	Jini utsoꞌ bʌ i pusicꞌal mi quej i yʌqꞌuentyel jini lum. Tijicña mi quej i yubiñob cheꞌ ñʌchꞌʌlob i pusicꞌal.
14483	PSA 37:12	Jini simaroñoꞌ bʌ miꞌ pensalin bajcheꞌ mi quej i tyʌcꞌlan jini tyoj bʌ. Miꞌ ñoj michꞌan.
14485	PSA 37:14	Jini simaroñoꞌ bʌ miꞌ locꞌsañob i yespada tiꞌ yotyot. Miꞌ sʌtsꞌob i wʌn tyeꞌ, Chaꞌan i jisañob jini pꞌumpꞌun bʌ, Chaꞌan i tsʌnsañob jini tyojoꞌ bʌ.
14486	PSA 37:15	I yespada jini simaroñoꞌ bʌ mi quej i yochel ti bajñel bʌ i pusicꞌal. Jini wʌn tyeꞌ tyac mi quej i xujlel.
14490	PSA 37:19	Machꞌan mi quej i yubin quisin tiꞌ yorojlel wocol. Jasʌl i yuchꞌel ti yorojlel wiꞌñal.
14492	PSA 37:21	Jini simaroñob miꞌ cꞌajtin ti bet. Machꞌan miꞌ chaꞌ qꞌuextyʌben. Pero an i yutslel i pusicꞌal jini tyoj bʌ. Mi yʌcꞌ yañoꞌ bʌ loqꞌuem ti chʌ bʌ an i chaꞌan.
14493	PSA 37:22	Jini pꞌuntyʌbiloꞌ bʌ ti lac Yum mi quej i yʌqꞌuentyelob jini lum. Jini chocbiloꞌ bʌ ti lac Yum mi quej i jisʌntyelob.
14503	PSA 37:32	Jini simaroñoꞌ bʌ mi wen qꞌuel jini tyoj bʌ Miꞌ sʌclan bajcheꞌ chꞌujbi i tsʌnsan.
14550	PSA 40:2	Jal tic pijtyʌ c Yum tiꞌ xucꞌtyʌlel c pusicꞌal. Tiꞌ ñʌchꞌtyʌyon. Ti yubibeyon c tꞌan.
14561	PSA 40:13	Ti wen ocꞌʌ wocol tic tyojlel. Jini c mul ti yʌcꞌʌyon ti wocol. Mach cujilix chʌ bʌ yom c chaꞌlen. Más on c mul ti tsicol bajcheꞌ i tsutsel c jol. Tsitsiña c pusicꞌal ti caj.
14564	PSA 40:16	Laꞌ i yubin ñoj bʌbʌqꞌuen bʌ tiꞌ pusicꞌal muꞌ bʌ i subeñon: Jajaja, cheꞌob, mi yʌlob ti caj c wocol. Laꞌ i chaꞌleñob quisin chaꞌan i mul.
14645	PSA 46:3	Jin chaꞌan aunque jini mulawil mi nijcʌyel maꞌan lac bʌqꞌuen. Aunque mi nijcʌyel ochel wits ti xinil colem mar,
14647	PSA 46:5	Jini río loqꞌuem bʌ baꞌan Dios Mi yʌqꞌuen cꞌajacña bʌ i yoj jini añoꞌ bʌ ti lum i chaꞌan bʌ Dios, Jini Chꞌujul bʌ Ajnibʌl i chaꞌañʌch jini Ñoj Ñuc bʌ.
14648	PSA 46:6	Dios yaꞌan ti xinil jini lum. Jin chaꞌan machꞌan mi quejel i nijcʌyel. Dios mi quej i waꞌ cotyan jini añoꞌ bʌ ti i lum cheꞌ mi sʌcꞌan.
14650	PSA 46:8	Lac Yum an la quicꞌot. I Yumʌch panchan yicꞌot mulawil. I Dios Jacob jiñʌch la cajcotyaya i wenta chan bʌ tsꞌajc chaꞌan laj cʌñʌtyʌntyel.
14654	PSA 46:12	I Yum panchan yicꞌot mulawil an la quicꞌot. I Dios Jacob jiñʌch la cajcotyaya i wenta chan bʌ tsꞌajc chaꞌan laj cʌñʌtyʌntyel.
14731	PSA 51:8	A wom a tyaj chʌ bʌ melel tiꞌ pusicꞌal quixtyañu. Jin chaꞌan aqꞌueñon c wen chꞌʌmben i sujmlel chʌ bʌ yes a wom.
14742	PSA 51:19	Jini muꞌ bʌ a mulan jiñʌch cheꞌ mi lojon c pecꞌ isan lojon c bʌ. I wenta tsʌnsʌbil bʌ a majtyan jini. Dios, machꞌan maꞌ tsꞌaꞌlen jini pecꞌ isʌbilix bʌ i pusicꞌal muꞌ bʌ i cʌy i mul.
14743	PSA 51:20	Pʌsbeñob i yutslel a pusicꞌal a chaꞌañoꞌ bʌ. Chaꞌ melel i tsꞌajquil tyac muꞌ bʌ i joy mʌctyan Jerusalén.
15081	PSA 73:6	Jin chaꞌan ñoj weñʌch miꞌ qꞌuelob i bʌ. Miꞌ chajpañob i pusicꞌal i chaꞌlen simaronlel cheꞌ bajcheꞌ xꞌixicob miꞌ chꞌʌlob i bʌ ti ujʌl yicꞌot bujcʌl.
15085	PSA 73:10	Jini i chaꞌañoꞌ bʌ Dios miꞌ lolon chꞌujbibeñob i tꞌan jini simaroñoꞌ bʌ. Tsijcꞌ cheꞌob i pusicꞌal. Miꞌ lolon jacꞌbeñob i tꞌan cheꞌ bajcheꞌ miꞌ japob jaꞌ cheꞌ tyʌquin i tiꞌ.
15092	PSA 73:17	Jintyo ti ochiyon ti chꞌujul bʌ i templo Dios. Yaꞌi tic pensali chʌ bʌ mi quej i yʌqꞌuentyel i ñusan jini simaroñoꞌ bʌ cheꞌ ti jilibal.
15093	PSA 73:18	Melel, ñoj bʌbʌqꞌuen mi yajlelob yaꞌ baꞌ waꞌalob. Jatyet, Dios, mi quej a junyajlel jisañob.
15452	PSA 90:9	Jal mi ñumel j qꞌuin tyac chaꞌan michꞌet. Mi ñumel lojon c jabilel ti ajacñʌyel chaꞌan ti wocol.
15456	PSA 90:13	Laꞌ c Yum. Chaꞌ qꞌueleyon lojon ti yutslel a pusicꞌal. ¿Jaypꞌej tyo ora jintyo mi quej a chaꞌ pꞌuntyan a wajtroñelob?
15461	PSA 91:1	Jini muꞌ bʌ i chumtyʌl yicꞌot jini Ñoj Ñuc Bʌ Mi yajñel ti axñal jini Machꞌʌ baꞌan i Pꞌisol i Pꞌʌtyʌlel.
15469	PSA 91:9	Como lac Yum jiñʌch lac putsꞌib. Jatyet jeꞌel tsaꞌix a wʌcꞌʌ a bʌ tiꞌ wenta jini Ñoj Ñuc Bʌ.
15470	PSA 91:10	Jin chaꞌan maꞌan mi quej a wubin wocol. Maꞌan mi quej i tyajet jini cꞌamꞌan tyac muꞌ bʌ ti tsʌnsa yaꞌ baꞌ chumulet.
15473	PSA 91:13	Jinic tyo jini bajlʌm yicꞌot lucum maꞌan mi quej i tyʌcꞌlañet. Cheꞌ bajcheꞌ mi quej a tyecꞌ jini simaron bʌ bajlʌm yicꞌot lucum pero maꞌix chʌ bʌ mi tyumbeñet.
15521	PSA 95:1	Conla, laꞌ lac chaꞌlen cꞌay tiꞌ tyojlel lac Yum. Laꞌ lac pejcan Dios, tijicña lac pusicꞌal. Jiñʌch cheꞌ bajcheꞌ xajolel baꞌ chꞌujbi lac muc lac bʌ. Mux i cotyañonla.
15523	PSA 95:3	Como ñucʌch Dios lac Yum. Jiñʌch ñuc bʌ Rey tiꞌ tyojlel pejtyelel diosob.
15531	PSA 95:11	Jin chaꞌan michꞌon ti cʌcꞌʌ c tꞌan chaꞌan maꞌan mi quej cʌqꞌueñob i cꞌajob i yo. Cheꞌ ti yʌlʌ Dios.
15577	PSA 100:3	Ñaꞌtyanla Diosʌch jini lac Yum. Jini tiꞌ meleyonla. I chaꞌañonla. I quixtyañujonla. I tiñʌmeꞌonla muꞌ bʌ i cʌñʌtyan.
15600	PSA 102:13	Jatyet, c Yum, maꞌan baꞌ bʌ ora mi quejel a jilel. Mi quejel i bej sujbel a ñuclel ti pejtyelel ora.
15602	PSA 102:15	Jini ajtroñelob a chaꞌan miꞌ pꞌuntyañob jini i tyuñil tyac Sión. Jinic tyo miꞌ mulan i tsꞌubejñal jini jejmen tyac bʌ otyot.
15606	PSA 102:19	Laꞌ tsꞌijbuntic ti jun bajcheꞌ miꞌ chaꞌlen lac Yum chaꞌan miꞌ qꞌuelob la calobilob, la quijob yicꞌot i yijob la quijob cꞌʌlʌ ti beleꞌ ora. Jini max tyo bʌ baꞌan tiꞌ chꞌocʌyob mi quej i subob i ñuclel lac Yum.
15609	PSA 102:22	Quixtyañujob mi quejel i tsictisañob i ñuclel lac Yum yaꞌ ti Sión. Mi quejel i subob i ñuclel lac Yum yaꞌ ti Jerusalén
15612	PSA 102:25	Tic sube: C Dios, mach a pʌyon majlel cheꞌ max tyo ñoxoñix. Cuxulet ti pejtyelel ora. Junlajalet tiꞌ tyojlel calobilob, quijob yicꞌot i yijob quijob cꞌʌlʌ ti beleꞌ ora.
15613	PSA 102:26	Ti ñoj oniyix ti a waꞌchoco jini mulawil. Jini chan i melbalʌch a cꞌʌb.
15619	PSA 103:3	Jiñʌch muꞌ bʌ i ñusʌbeñon pejtyelel c mul. Miꞌ lajmisʌbeñon pejtyelel j cꞌamꞌan tyac.
15624	PSA 103:8	Lac yum miꞌ chaꞌlen pꞌuntyaya, uts i pusicꞌal. Jal mi michꞌan. Cabʌl miꞌ pꞌuntyañonla.
15631	PSA 103:15	Poj jumucꞌ jach cuxulonla cheꞌ bajcheꞌ jam. Jumucꞌ jach cuxulonla cheꞌ bajcheꞌ i ñich pimel.
15947	PSA 118:10	Jini simaroñoꞌ bʌ ti jujumpꞌej pañimil tiꞌ joyoyoñob. Tiꞌ cꞌabaꞌ lac Yum mi quejel c ganariñob. Wocox i yʌlʌ lac Yum muꞌ bʌ i cotyañonla.
15949	PSA 118:12	Jomjomñayob tic tꞌejl cheꞌ bajcheꞌ i ñaꞌ chab, Colel i pulon cheꞌ bajcheꞌ chꞌix muꞌ bʌ ti lejmel tic joytyʌlel Tiꞌ cꞌabaꞌ c Yum tic ganariyob.
15951	PSA 118:14	Lac Yum c pꞌʌtyʌlelʌch. Jiñʌch muꞌ bʌ j cꞌʌyin. Jiñʌch ajcotyaya c chaꞌan.
15956	PSA 118:19	Jambeñon i puertajlel Templo yaꞌ baꞌ mi yochelob jini tyojoꞌ bʌ, Chaꞌan mi cochel cʌqꞌuen wocox i yʌlʌ lac Yum.
15957	PSA 118:20	Jiñʌch i puertajlel lac Yum baꞌ mi quejelob ti ochel jini tyojoꞌ bʌ.
15959	PSA 118:22	Jini tyun tsaꞌ bʌ i chocoyob jini ajmel tyun bʌ otyot ti ochi tiꞌ wentyʌlel oy ti xujcꞌ otyot.
15960	PSA 118:23	Jiñʌch i chaꞌlibal lac Yum. Tyoj bʌcꞌñʌjel mi laj qꞌuel jini tsaꞌ bʌ i chaꞌle.
15964	PSA 118:27	Jiñʌch Dios lac Yum. Ti yʌcꞌʌ i sʌclel mulawil ti lac pusicꞌal. Cʌchʌla ti chꞌajan tsʌnsʌbil bʌ i majtyan Dios yaꞌ ti yajnib i majtyan.
15965	PSA 118:28	Jatyet c Dioset, mi quej c subeñet wocox a wʌlʌ. C Dios, mi quej c pʌs a ñuclel.
16155	PSA 121:6	Jini qꞌuin maꞌan mi quej i pulet ti qꞌuinil, Mi añic chʌ bʌ mi tyumbiñet uw ti acꞌbʌlel.
16245	PSA 135:2	Jatyetla muꞌ bʌ laꞌ cꞌotyel ti waꞌtyʌl ti yotyot lac Yum, yicꞌot yaꞌ tiꞌ pam i yotyot,
16247	PSA 135:4	Como lac Yum ti yajcʌ Jacob chaꞌan i chaꞌan bʌ como cheꞌ yom i pusicꞌal, Ti yajcʌ israelob chaꞌan mi yochel ti i chaꞌan bʌ.
16254	PSA 135:11	Jiñʌch Sehón, i rey amorreojob yicꞌot Og, jini rey am bʌ ti Basán, Yicꞌot pejtyelel jini reyob añoꞌ bʌ ti Canaán.
16264	PSA 135:21	Laꞌ chꞌujutisʌntic lac Yum wʌꞌ ti Sión Como wʌꞌ chumul ti Jerusalén. Subula i ñuclel lac Yum.
16312	PSA 139:5	Joyolon a chaꞌan. Maꞌ ticꞌon, maꞌ cotyañon. Cʌñʌtyʌbilon ti a pꞌʌtyʌlel.
16317	PSA 139:10	Jinic tyo yaꞌi mi quej a tyajon. Mi quej a cʌñʌtyañon ti pꞌʌtyʌl bʌ a cꞌʌb.
16319	PSA 139:12	Jini icꞌjowan bʌ mulawil machꞌan miꞌ mʌctyʌbeñet a wut. Lajal sʌc maꞌ qꞌuel acꞌbʌlel cheꞌ bajcheꞌ maꞌ qꞌuel qꞌuiñil Lajal mi cꞌotyel a wut ti icꞌtꞌojñal cheꞌ bajcheꞌ ti qꞌuiñil.
16327	PSA 139:20	Jini muꞌ bʌ i contrajiñet ti leco jax bʌ tꞌan, Miꞌ lolon chan isañob i bʌ.
16329	PSA 139:22	Mic tsꞌaꞌlen ti pejtyelel c pusicꞌal. J contrajobʌch jeꞌel jini a contrajob.
16416	PSA 146:5	Cꞌajacña i yoj jini muꞌ bʌ i tyaj i cotyʌntyel ti i Dios Jacob. Ñʌchꞌʌl i pusicꞌal chʌncol i pijtyan lac Yum, como jiñʌch i Dios jeꞌel.
16417	PSA 146:6	Jiñʌch Dios tsaꞌ bʌ i mele panchan yicꞌot mulawil. Yicꞌot colem jaꞌ yicꞌot ti pejtyelel i bʌl. Mach yujil lot. Ñoj melel i tꞌan.
16421	PSA 146:10	Mi yumintyel lac Yum ti pejtyel ora. Jiñʌch laꞌ Dios jeꞌel, añet bʌ la ti Sión. I Diosʌch laꞌ walobilob yicꞌot i chaꞌan laꞌ wijob yicꞌot i yijob laꞌ wijob cꞌʌlʌ ti beleꞌ ora. Subula i ñuclel lac Yum.
23214	MAT 1:1	Jiñʌch i c'aba'ob i yumob ti ñoj oniyix jini Jesucristo. Jesucristo i jiñʌjlel David. David i jiñʌjlel Abraham.
23215	MAT 1:2	Abraham jiñʌch i tyat Isaac. Isaac i tyat Jacob. Jacob i tyat Judá yic'ot i yermañujob Judá.
23216	MAT 1:3	Judá jiñʌch i tyat Fares yic'ot Zara. I ña'ob ili cha'tiquil jiñʌch Tamar. Fares i tyat Esrom. Esrom jiñʌch i tyat Aram.
23219	MAT 1:6	Isaí jiñʌch i tyat jini ñuc bʌ yumʌl David bʌ i c'aba'. Jini ñuc bʌ yumʌl David jiñʌch i tyat Salomón. I ña' Salomón jiñʌch i meba' 'ixic Urías tsa' bʌ pʌjyi cha'an i yijñam David.
23221	MAT 1:8	Asa jiñʌch i tyat Josafat. Josafat i tyat Joram. Joram i tyat Uzías.
23222	MAT 1:9	Uzías jiñʌch i tyat Jotam. Jotam i tyat Acaz. Acaz i tyat Ezequías.
23223	MAT 1:10	Ezequías jiñʌch i tyat Manasés. Manasés i tyat Amón. Amón i tyat Josías.
23224	MAT 1:11	Josías jiñʌch i tyat Jeconías yic'ot i yermañujob Jeconías. Jiñʌch che' ti yorojlel che' ñac ti' wersa pʌyʌyob majlel ti cʌchol pejtyelel israelob ya' ti colem pañimil Babilonia bʌ i c'aba'.