13946	PSA 1:3	Lajalʌch jini quixtyañu bajcheꞌ tyeꞌ pʌcꞌʌl bʌ ti tiꞌ cuxul bʌ paꞌ muꞌ bʌ i yʌcꞌ i wut cheꞌ ti yorojlel. I yopol jini tyeꞌ mach yujil pꞌajtyel. Pejtyel chʌ bʌ miꞌ mel jini quixtyañu weñʌch mi yujtyel.
13947	PSA 1:4	Mach cheꞌic jini simaron bʌ quixtyañu. Lajalobʌch bajcheꞌ i sujl trigo muꞌ bʌ i wejlan majlel icꞌ.
13952	PSA 2:3	Mi yʌlob: Laꞌ lac tsꞌocben i lazojlel muꞌ bʌ i cꞌʌn i cʌchonla yubil. Laꞌ lac junyajlel choc jini lazo tyac chaꞌan mi laj cojlel tiꞌ pꞌʌtyʌlel Dios, cheꞌob.
13955	PSA 2:6	Lac Yum mi quejel i yʌl: Yaꞌ ti Jerusalén, jini chꞌujul bʌ c lum, Tsaꞌix c waꞌchoco c Rey, jini yajcʌbil bʌ c chaꞌan, cheꞌen.
14023	PSA 8:2	Lojon c Yum Dios, ñoj ñuc a cꞌabaꞌ ti pejtyelel mulawil. Tsaꞌix a pʌsʌ a ñuclel ti chan.
14031	PSA 8:10	Lojon c Yum Dios, ñoj ñuc a cꞌabaꞌ ti pejtyelel mulawil.
14187	PSA 19:6	Lajal i cꞌotyajlel cheꞌ mi tsꞌʌyel qꞌuin cheꞌ bajcheꞌ i cꞌotyajlel winic chʌncol bʌ i loqꞌuel majlel ti ñujpuñel. Chʌꞌʌch i tijicñʌyel qꞌuin yubil cheꞌ bajcheꞌ xꞌalas muꞌ bʌ quej i chaꞌlen wersa bʌ ajñel.
14225	PSA 22:5	Lojon c yumob ti ñoj oniyix ti chꞌujbiyetyob; Tiꞌ chꞌujbiyetyob. Ti a cotyʌyob loqꞌuel ti i wocol.
14229	PSA 22:9	Mi yʌlob: Tiꞌ chꞌujbi lac Yum chaꞌan mi quej i bej cotyan. Laꞌ i cotyan wale iliyi, laꞌ i col loqꞌuel ti wocol mi chʌncol i pꞌuntyan, cheꞌob.
14235	PSA 22:15	Chʌncol i jilel c wersa cheꞌ bajcheꞌ jaꞌ muꞌ bʌ ti sajpꞌel. Pejtyel c bʌquel tsaꞌix loqꞌui tiꞌ pꞌac. Lajalʌch c pusicꞌal yubil bajcheꞌ ñichim chʌncol bʌ yulmʌl.
14245	PSA 22:25	Machꞌan tiꞌ wajleyon chaꞌan ti caj c wocol. Machꞌan ti yʌlꞌeyon. Machꞌan tiꞌ mʌctyʌbeyon i wut. Lac Yum ti yubi cheꞌ ñac cꞌam tic pejcʌ.
14247	PSA 22:27	Jini pꞌumpꞌuñoꞌ bʌ mi quejelob ti uchꞌel. Mi quejel i ñajꞌañob. Jini muꞌ bʌ i sajcañob lac Yum, mi quejel i chꞌujutisañob. Laꞌ ajnicob ti pejtyel ora jini muꞌ bʌ i sajcañob.
14251	PSA 22:31	Lac jiñʌjlel mi quejel i yʌcꞌob i bʌ chaꞌan i chaꞌliben i toñel lac Yum. Mi quejel i subeñob i yalobilob i tꞌan lac Yum cꞌʌlʌ ti beleꞌ ora.
14253	PSA 23:1	Lac Yum miꞌ cʌñʌtyañon cheꞌ bajcheꞌ ajcʌñʌtya tiñʌmeꞌ. Machꞌan chʌ bʌ tyo yom c chaꞌan.
14411	PSA 34:4	Conla c sub i ñuclel lac Yum. Laꞌ lac motin ñuc isʌben i cꞌabaꞌ.
14413	PSA 34:6	Lac Yum tiꞌ jacꞌbeyob jini quixtyañujob. Tsiquil tiꞌ wutyob chaꞌan tijicñayob. Machꞌan ti ajqꞌuiyob ti quisnil.
14414	PSA 34:7	Cheꞌ ñac ti uqꞌuiyob jini pꞌumpꞌuñoꞌ bʌ Lac Yum ti yubibeyob. Tiꞌ cotyʌyob loqꞌuel ti pejtyelel i wocol.
14419	PSA 34:12	Laꞌla, calobiletla, ubibeñonla c tꞌan. Mi quej j cʌntisañetla bajcheꞌ yom laꞌ bʌcꞌñan lac Yum.
14423	PSA 34:16	Lac Yum miꞌ qꞌuel jini tyojoꞌ bʌ. Miꞌ ñʌchꞌtyʌben i yoración.
14426	PSA 34:19	Lʌcꞌʌl an lac Yum baꞌan jini chꞌʌjyemoꞌ bʌ. Miꞌ cotyan jini ñoj chꞌʌjyemoꞌ bʌ chaꞌan ti caj chʌncol bʌ i pensaliñob i mul.
14430	PSA 34:23	Lac Yum mi quej i mʌñob loqꞌuel ti mulil i yajtoñelob chaꞌan mi yʌcꞌob ti cojlel, Machꞌan mi quej i yʌjqꞌuelob ti xotꞌ mulil jini muꞌ bʌ i tyajob i cotyʌntyel ti lac Yum.
14479	PSA 37:8	Laꞌ lajmic a michꞌlel. Mach a pensalin a chaꞌlen machꞌʌ wen
14484	PSA 37:13	Lac Yum miꞌ tseꞌtyan jini quixtyañu. Yujil maꞌix jal mi quej i jilel.
14489	PSA 37:18	Lac Yum miꞌ qꞌuel bajcheꞌ miꞌ ñusañob qꞌuin jini tyojoꞌ bʌ. Mach jil ti beleꞌ ora chʌ bʌ mi yʌqꞌueñob.
14494	PSA 37:23	Lac Yum miꞌ tyojꞌisan majlel jini wen bʌ quixtyañu Chaꞌan xucꞌul mi majlel tiꞌ bijlel. Tijicña mi qꞌuejlel ti lac Yum cheꞌ bajcheꞌ miꞌ mel.
14504	PSA 37:33	Lac Yum machꞌan mi yʌcꞌ jini tyoj bʌ tiꞌ wenta simaron bʌ. Machꞌan mi yʌqꞌuen i tyajtyʌl ti mulil jini tyoj bʌ cheꞌ ti yorojlel melojel.
14510	PSA 37:39	Tyʌlem ti lac Yum i cotyʌntyelob jini tyojoꞌ bʌ. Lac Yum i pꞌʌtyʌlelobʌch ti yorojlel wocol.
14511	PSA 37:40	Lac Yum miꞌ cotyañob jini tyojoꞌ bʌ muꞌ bʌ i chꞌujbin. Miꞌ locꞌsañob baꞌ bʌbʌqꞌuen mi jilelob tiꞌ pꞌʌtyʌlel jini simaroñoꞌ bʌ.
14557	PSA 40:9	C Dios, cꞌajacña coj mic mel chʌ bʌ jach a wom. Lotyol a mandar tic pusicꞌal.
14563	PSA 40:15	Laꞌ i chaꞌleñob quisin jini yomoꞌ bʌ i jisañon. Laꞌ sojquic i pensal. Laꞌ yʌsʌnticob. Laꞌ i yubiñob quisin jini yomoꞌ bʌ i yilan cubin wocol.
14564	PSA 40:16	Laꞌ i yubin ñoj bʌbʌqꞌuen bʌ tiꞌ pusicꞌal muꞌ bʌ i subeñon: Jajaja, cheꞌob, mi yʌlob ti caj c wocol. Laꞌ i chaꞌleñob quisin chaꞌan i mul.
14565	PSA 40:17	Laꞌ i yubiñob cꞌajacña bʌ i yoj ti pejtyelel muꞌ bʌ i sajcañet. Laꞌ i yʌlob ti beleꞌ ora ti pejtyelel muꞌ bʌ i pꞌuntyañetyob chʌncol bʌ i pijtyañob i cotyʌntyel ti a tyojlel: Ñoj ñucʌch lac Yum, cheꞌob.
14650	PSA 46:8	Lac Yum an la quicꞌot. I Yumʌch panchan yicꞌot mulawil. I Dios Jacob jiñʌch la cajcotyaya i wenta chan bʌ tsꞌajc chaꞌan laj cʌñʌtyʌntyel.
14651	PSA 46:9	Laꞌla. Qꞌuelbenla i melbal lac Yum. Qꞌuelela bajcheꞌ tiꞌ chaꞌle jisaya wʌꞌ ti mulawil.
14727	PSA 51:4	Luꞌ pocbeñon loqꞌuel jini machꞌʌ wen tsaꞌ bʌ c chaꞌle. Sʌc isʌbeñon c pusicꞌal chaꞌan tic chaꞌle mulil.
14733	PSA 51:10	Ti a xulbon c bʌquel yubil. Laꞌ lajmicon chaꞌan mi cubin cꞌajacña bʌ coj.
15088	PSA 73:13	Ti cʌlʌ lolon jach chʌncol j cʌñʌtyan c pusicꞌal. Lolon jach mij cʌñʌtyan c bʌ chaꞌan mi cajñel ti sʌc.
15095	PSA 73:20	Lajal i cuxtyʌlel bajcheꞌ ñajal muꞌ bʌ i waꞌ ñajʌyel lac chaꞌan cheꞌ tyejchemonla. Cheꞌ mi tyejchel mi quejel i ñaꞌtyañob i sujmlel.
15097	PSA 73:22	Ti queji c ñaꞌtyan lajalon bajcheꞌ tonto bʌ quixtyañu. Lajalon ti a tyojlel bajcheꞌ animal machꞌʌ baꞌan i ñaꞌtyʌbal.
15447	PSA 90:4	Lajal maꞌ qꞌuel jumpꞌej mil jabil cheꞌ bajcheꞌ jumpꞌej qꞌuin tsaꞌix bʌ ñumi. Lajal bajcheꞌ chaꞌpꞌej uxpꞌej ora ti acꞌbʌlel.
15449	PSA 90:6	Lajalobʌch bajcheꞌ jam muꞌ bʌ i pasel cheꞌ mi sʌcꞌan. Cheꞌ mi yicꞌan tsepbilix, tyʌquinix.
15456	PSA 90:13	Laꞌ c Yum. Chaꞌ qꞌueleyon lojon ti yutslel a pusicꞌal. ¿Jaypꞌej tyo ora jintyo mi quej a chaꞌ pꞌuntyan a wajtroñelob?
15457	PSA 90:14	Laꞌ jastiyicon lojon a wutslel ti jujumpꞌej sʌcꞌan. Cheꞌ jini mux lojon c chaꞌlen cꞌay. Cꞌajacña lojon coj ti beleꞌ qꞌuin cꞌʌlʌ mi lojon c ñoxꞌan.
15459	PSA 90:16	Pʌsbeñob a melbal a wajtroñelob. Laꞌ tsictiyic a ñuclel tiꞌ tyojlel i yalobilob.
15460	PSA 90:17	Laꞌ tsictiyic a cꞌotyajlel c Yum ti lojon c tyojlel. Xucꞌchocoñon lojon ti jini troñel chʌncol bʌ lojon c mel.
15462	PSA 91:2	Mi quej c sub: Lajalʌch lac Yum bajcheꞌ tsꞌajc muꞌ bʌ i joy mʌc otyot baꞌ mic putsꞌel. C Diosʌch, chʌncol bʌ j chꞌujbin, choꞌon.
15521	PSA 95:1	Conla, laꞌ lac chaꞌlen cꞌay tiꞌ tyojlel lac Yum. Laꞌ lac pejcan Dios, tijicña lac pusicꞌal. Jiñʌch cheꞌ bajcheꞌ xajolel baꞌ chꞌujbi lac muc lac bʌ. Mux i cotyañonla.
15522	PSA 95:2	Laꞌ ochiconla tiꞌ tyojlel chaꞌan mi lac suben wocox i yʌlʌ. Yom tijicña lac pusicꞌal mi laj cꞌʌyin lac Yum ti salmo tyac.
15526	PSA 95:6	Laꞌ lac chꞌujutisan lac Yum. Laꞌ ñocleconla tiꞌ tyojlel jini tsaꞌ bʌ i meleyonla.
15529	PSA 95:9	Laꞌ yumob ti ñoj oniyix ti yilpusicꞌleñon. Maꞌan tiꞌ chꞌujbiyoñob aunque cabʌl tiꞌ qꞌueleyob wen bʌ c melbal.
15589	PSA 102:2	C Yum, ubibeñon coración. Laꞌ cꞌotic c tꞌan yaꞌ baꞌ añet.
15594	PSA 102:7	Añon tic bajñelil cheꞌ bajcheꞌ xmaꞌtyeꞌ mut muꞌ bʌ i yajñel ti tyʌquin bʌ joch lum. Lajalon bajcheꞌ xcuj tꞌuchul bʌ tiꞌ jol jochol bʌ otyot.
15595	PSA 102:8	Mach chꞌujbi c chaꞌlen wʌyel. Lajalon bajcheꞌ xpurwoc bajñelil tꞌuchul bʌ tiꞌ jol otyot.
15604	PSA 102:17	Lac Yum mi quejel i chaꞌ mel Sión. Mi quej i pʌs i bʌ ti i ñuclel.
15606	PSA 102:19	Laꞌ tsꞌijbuntic ti jun bajcheꞌ miꞌ chaꞌlen lac Yum chaꞌan miꞌ qꞌuelob la calobilob, la quijob yicꞌot i yijob la quijob cꞌʌlʌ ti beleꞌ ora. Jini max tyo bʌ baꞌan tiꞌ chꞌocʌyob mi quej i subob i ñuclel lac Yum.
15607	PSA 102:20	Lac Yum am bʌ ti chꞌujul bʌ i yajnib yaꞌ ti panchan tiꞌ qꞌuele quixtyañujob ti mulawil.
15611	PSA 102:24	Lac Yum tiꞌ jisʌ c pꞌʌtyʌlel ti xin bij yubil, Tiꞌ comꞌisʌbeyon j qꞌuin tyac.
15617	PSA 103:1	Laꞌ c chꞌujutisan c Yum ti pejtyelel c pusicꞌal. Laꞌ c chꞌujutisan jini chꞌujul bʌ i cꞌabaꞌ ti pejtyelel c pꞌʌtyʌlel.
15618	PSA 103:2	Laꞌ c chꞌujutisan c Yum ti pejtyelel c pusicꞌal. Machꞌan mi saj ñajʌyel tic pusicꞌal chʌ bʌ yes mi yʌqꞌueñonla.
15622	PSA 103:6	Lac Yum miꞌ mel ti tyoj jini tyʌcꞌlʌbiloꞌ bʌ. Mi quej i qꞌuextyʌbeñob i mul jini simaroñoꞌ bʌ.
15624	PSA 103:8	Lac yum miꞌ chaꞌlen pꞌuntyaya, uts i pusicꞌal. Jal mi michꞌan. Cabʌl miꞌ pꞌuntyañonla.
15633	PSA 103:17	Pero an i yutslel lac Yum ti pejtyelel ora. Lac Yum miꞌ pʌsꞌeñob i yutslel yicꞌot i tyojel jini muꞌ bʌ i bʌcꞌñañob yicꞌot jeꞌel i yalobilob, i yijob, yicꞌot i yijob i yijob cꞌʌlʌ ti beleꞌ ora.
15635	PSA 103:19	Lac Yum tsaꞌix i waꞌchoco i yumintyel yaꞌ ti panchan Miꞌ chaꞌlen yumʌl ti pejtyelel mulawil.
15638	PSA 103:22	Chꞌujutisan lac Yum ti pejtyelel i melbal, Ti jujumpꞌej lum am bʌ tiꞌ wenta, Laꞌ c chꞌujutisan c Yum ti pejtyelel c pusicꞌal.
15939	PSA 118:2	Laꞌ i yʌlob jini israelob: Ti pejtyelel ora an i yutslel i pusicꞌal lac Yum, cheꞌob.
15940	PSA 118:3	Laꞌ i yʌlob i jiñʌjlelob Aarón: Ti pejtyelel ora an i yutslel i pusicꞌal lac Yum, cheꞌob.
15941	PSA 118:4	Laꞌ i yʌlob jini muꞌ bʌ i chꞌujutisañob lac Yum: Ti pejtyelel ora an i yutslel i pusicꞌal lac Yum, cheꞌob.
15943	PSA 118:6	Lac Yum an quicꞌot. Machꞌan mi quej c bʌcꞌñan chʌ bʌ yes miꞌ tyumbeñoñob quixtyañujob.
15944	PSA 118:7	Lac Yum mi yajñel quicꞌot. Mi yʌqꞌueñon c pꞌʌtyʌlel. Mi quej j qꞌuel i jilibal jini muꞌ bʌ i tsꞌaꞌleñon.
15951	PSA 118:14	Lac Yum c pꞌʌtyʌlelʌch. Jiñʌch muꞌ bʌ j cꞌʌyin. Jiñʌch ajcotyaya c chaꞌan.
15955	PSA 118:18	Lac Yum tiꞌ wen tyojꞌisʌbeyon c pusicꞌal ti wocol, Pero maꞌan mi yʌcꞌon ti sajtyel.
15961	PSA 118:24	Ili bʌ qꞌuin i melbalʌch lac Yum. Laꞌ la cubin tijicña. Yom tijicña mi la cajñel.
16154	PSA 121:5	Lac Yum jiñʌch ajcʌñʌtya a chaꞌan. Lac Yum cheꞌ bajcheꞌ axñal chaꞌan miꞌ moset.
16156	PSA 121:7	Lac Yum mi quej i cʌñʌtyañet ti pejtyelel a wocol chaꞌan maꞌ loqꞌuel ti wen. Mi quej i cʌñʌtyan a cuxtyʌlel.
16157	PSA 121:8	Lac Yum mi quej i cʌñʌtyañet cheꞌ maꞌ loqꞌuel majlel, cheꞌ maꞌ sujtyel tyʌlel. Mi quej i cʌñʌtyañet wale yicꞌot ti pejtyelel ora.
16249	PSA 135:6	Lac Yum miꞌ mel pejtyelel chʌ bʌ yom i pusicꞌal yaꞌ ti panchan yicꞌot wʌꞌ ti mulawil, ti colem jaꞌ yicꞌot ti aban.
16250	PSA 135:7	Lac Yum miꞌ chꞌuy letsel lumi tyocal cꞌʌlʌl ti junwejlel pañimil. Miꞌ choc tyʌlel chajc yicꞌot jaꞌal. Miꞌ locꞌsan icꞌ tiꞌ yotlel baꞌ lotyol.
16255	PSA 135:12	Lac Yum ti yʌqꞌueyob i lumal israelob chaꞌan mi yochelob tiꞌ yum ti pejtyelel ora.
16261	PSA 135:18	Lajalob jini winicob muꞌ bʌ i melob. Ti pejtyelel muꞌ bʌ i chꞌujbiñob junlajalob yicꞌot.
16263	PSA 135:20	I jiñʌjlelet bʌ la Leví, chꞌujutisanla lac Yum. Pejtyeletla muꞌ bʌ laꞌ qꞌuel ti ñuc lac Yum, chꞌujutisanla lac Yum.
16264	PSA 135:21	Laꞌ chꞌujutisʌntic lac Yum wʌꞌ ti Sión Como wʌꞌ chumul ti Jerusalén. Subula i ñuclel lac Yum.
16319	PSA 139:12	Jini icꞌjowan bʌ mulawil machꞌan miꞌ mʌctyʌbeñet a wut. Lajal sʌc maꞌ qꞌuel acꞌbʌlel cheꞌ bajcheꞌ maꞌ qꞌuel qꞌuiñil Lajal mi cꞌotyel a wut ti icꞌtꞌojñal cheꞌ bajcheꞌ ti qꞌuiñil.
16418	PSA 146:7	Mi quej i mel ti tyoj jini tyʌcꞌlʌbiloꞌ bʌ cheꞌ miꞌ chaꞌlen melojel. Mi yʌqꞌueñob i yuchꞌel jini añoꞌ bʌ i wiꞌñal. Lac Yum miꞌ colob jini cʌchʌloꞌ bʌ yubil.
16419	PSA 146:8	Lac Yum miꞌ jambeñob i wut jini xpotsꞌob. Lac Yum miꞌ tijicñisʌbeñob i pusicꞌal jini chꞌʌjyemoꞌ bʌ. Lac Yum miꞌ pꞌuntyañob jini tyojoꞌ bʌ i pusicꞌal.
16420	PSA 146:9	Lac Yum miꞌ cʌñʌtyan jini tyʌlemoꞌ bʌ ti ñajt bʌ lum. Miꞌ cotyan mebaꞌ xꞌixicob yicꞌot mebaꞌ alpꞌeñalob. Pero miꞌ jisʌbeñob i tijicñʌyel jini simaroñoꞌ bʌ. Mi yʌqꞌuentyel i ñusañob wocol.
16470	PSA 150:6	Laꞌ i subob i ñuclel lac Yum pejtyelel cuxuloꞌ bʌ. Subula i ñuclel lac Yum.
23297	MAT 4:19	Che' jini, Jesús ti' subeyob: La', tsʌcleñon majlel. Che' bajche' ti la' sajcʌbe chʌy mi quejel cʌq'ueñetla la' sajcʌben quixtyañujob cha'an mi quejel i ch'ujbiñoñob c t'an. Che' ti yʌlʌ Jesús.
23315	MAT 5:12	Mi chʌ'ʌch mi yujtyel, yom c'ajacña la' woj. La' ñʌch'lec la' pusic'al como mi quejel la' wʌq'uentyel ñuc bʌ la' majtyan ya' ti panchan. Chʌ'ʌch je'el ti tyʌc'lʌntiyob jini tsa' bʌ i xiq'ui yʌle' Dios ti ñoj oniyix. Che' ti yʌlʌ Jesús.
23317	MAT 5:14	Jatyetla i sʌcleletla mulawil yubil. Como che' bajche' colem bʌ lum ya' ti pam bujtyʌl mach ch'ujbi mʌctyʌntyel pero bej tsiquilʌch. Lajal bajche' jini yom bej tsiquil i yutslel la' pusic'al, che'en.
23348	MAT 5:45	Mi chʌ'ʌch mi la' cha'len, tsiquil che' jini, cha'an i yalobiletla Dios am bʌ ti panchan. Como Dios mi yʌq'uen i pasel q'uin cha'an i wenlel simaroño' bʌ lajal che' bajche' cha'an utso' bʌ. Lajal mi yʌq'uen i ñumel ja'al ba'an utso' bʌ yic'ot simaroño' bʌ.
23357	MAT 6:6	Pero jatyetla, che' mi la' cha'len oración, ochen ti mal a wotyot. Ñup'u i ti' a wotyot. Pejcan lac Tyat am bʌ ti panchan como ya'ix an a wic'ot ti a pusic'al. Lac Tyat am bʌ ti panchan chʌncol bʌ i lu' q'uel chʌ bʌ mi' mucu cha'len quixtyañujob mi quejel i yʌq'ueñetla i tyojol la' cha'libal, yubil.
23361	MAT 6:10	La' yumintiquet. La' mejlic chʌ bʌ a wom wʌ' ti mulawil, che' bajche' mi mejlel chʌ bʌ a wom ya' ti panchan.
23387	MAT 7:2	Lajalʌch bajche' mi la' lolon ale' an i mul la' pi'ʌlob, chʌ'ʌch je'el mi quejel i yʌletla an la' mul.
23396	MAT 7:11	Che' jini, jatyetla, aunque simaroñetla, a wujila la' wʌq'uen la' walobil wen tyac bʌ. Lac Tyat am bʌ ti panchan más tyo mi quejel i yʌq'uen wen tyac bʌ jini mu' bʌ i c'ajtin.
23408	MAT 7:23	Che' jini, mi quejel c subeñob: Mach'an ba' bʌ ora tij cʌñʌyetla. Mach c cha'añeticla. Loq'uenla wʌ' ba'añon ti pejtyeletla tsa' bʌ la' cha'le mach'ʌ wen. Chʌ'ʌch mi quej c subeñob, che' Jesús.
23416	MAT 8:2	Che' jini juntiquil c'am bʌ winic ti' lʌc'ʌ Jesús. Lepra bʌ i c'aba' i c'am'an. An chʌ bʌ yes pasem ti i pʌchʌlel mu' bʌ i pʌc'misʌben majlel i bʌc'tyal. Ti' ñocle ya' ti yebal yoc Jesús. Ti' sube: Mi a wom, ch'ujbiyʌch a lajmisañon, che' ti subenti Jesús.
23417	MAT 8:3	Che' jini, Jesús ti tyʌlʌ jini c'am bʌ. Ti yʌlʌ: Comʌch. La' lajmiquet. Che' ti subenti jini c'am bʌ. Che' ñac ti ujti i yʌle' Jesús, ti ora jach ti lajmi. C'oq'uix ti cʌyle.
23423	MAT 8:9	Como joñon je'el mic xijq'uel ti yambʌ más ñuc bʌ ye'tyel. Joñon je'el mic xiq'ue' soldadojob. Che' mic suben juntiquil: Cucux, cho'on. Mi majlel. Mic suben yambʌ: La', cho'on. Mi tyʌlel. Che' mic suben ajtoñel: Cha'len jini, cho'on. Mi' cha'len. Che' ti yʌlʌ jini capitán.
23436	MAT 8:22	Jesús ti' sube: La'. Tsʌcleñon majlel. Mu' tyo i ch'ujñan a tyat ya' bʌ mi sajtyel jini sajtyemo' bʌ yubil. Che' ti yʌlʌ Jesús. Como chʌ'ʌch bajche' sajtyemo' bʌ yubil jini mach'ʌ ba'an mi' ch'ujbiñob Dios.
23472	MAT 9:24	Jesús ti' subeyob: Loq'uenla wʌ'i. Mach'an sajtyem ili xc'alʌl. Wʌyʌl jach. Che' ti yʌlʌ Jesús. Jini quixtyañujob ti' wajleyob Jesús como yujil isujm cha'an sajtyemix xc'alʌl.