13944	PSA 1:1	Tijicña jini quixtyañu machꞌʌ baꞌan miꞌ chaꞌlen xʌmbal yicꞌot simaroñoꞌ bʌ chaꞌan miꞌ jacꞌbeñob i tꞌan, Jini machꞌʌ baꞌan mi waꞌtyʌl tiꞌ bijlel xmulilob, Jini machꞌʌ baꞌan mi buchtyʌl yicꞌot xwajleyajob.
13955	PSA 2:6	Lac Yum mi quejel i yʌl: Yaꞌ ti Jerusalén, jini chꞌujul bʌ c lum, Tsaꞌix c waꞌchoco c Rey, jini yajcʌbil bʌ c chaꞌan, cheꞌen.
14023	PSA 8:2	Lojon c Yum Dios, ñoj ñuc a cꞌabaꞌ ti pejtyelel mulawil. Tsaꞌix a pʌsʌ a ñuclel ti chan.
14027	PSA 8:6	Poj jumucꞌ jach yubil ti a wʌqꞌue quixtyañujob chaꞌan machꞌan miꞌ tyajob i pꞌisol i ñuclel ajtroñelob a chaꞌan chꞌoyol bʌ ti panchan. Pero wale tsaꞌix a wʌcꞌʌ ti tsictiyel i ñuclel quixtyañujob. Tsaꞌix a subeyob i ñuclel. Tsaꞌix a wʌqꞌue tiꞌ wenta quixtyañujob ti pejtyelel chʌ bʌ tyac jach ti a mele.
14028	PSA 8:7	Tsaꞌix a wʌqꞌueyob tiꞌ wenta quixtyañu ti pejtyelel chʌ bʌ an tyac. Ti a wʌqꞌueyob i yumintyel ti tyojlel pejtyelel a melbal.
14184	PSA 19:3	Cheꞌ bajcheꞌ muꞌ ti tꞌan jini chan ti jujumpꞌej qꞌuin. Ti jujumpꞌej acꞌbʌlel miꞌ pʌs i ñatyʌbal Dios.
14186	PSA 19:5	Ti pejtyelel mulawil chʌncol i pujquel majlel chʌ bʌ miꞌ pʌs. Chʌncol i pujquel majlel chʌ bʌ miꞌ sub cꞌʌlʌ ti junxejlel mulawil. Dios tiꞌ waꞌchocobe i yajnib qꞌuin yaꞌ ti chan.
14190	PSA 19:9	Tyojʌch i cʌntisa lac Yum. Mi yʌqꞌueñonla cꞌajacña bʌ la coj. Tsiquil i sujmlel i mandar lac Yum. Mi yʌqꞌueñonla lac chꞌʌmben i sujmlel.
14195	PSA 19:14	Tiqꞌuiyon ame mic chaꞌlen mulil chaꞌan ti tsʌtslel c pusicꞌal. Mach com c yumin mulil. Cheꞌ jini tyoj mi quejel cajñel. Machꞌan mi quejel c tyaj c mul tiꞌ tyojlel jini ñuc bʌ a mandar.
14225	PSA 22:5	Lojon c yumob ti ñoj oniyix ti chꞌujbiyetyob; Tiꞌ chꞌujbiyetyob. Ti a cotyʌyob loqꞌuel ti i wocol.
14226	PSA 22:6	Cꞌam tiꞌ pejcʌyetyob. Ti a cotyʌyob loqꞌuel tiꞌ wocol. Tiꞌ chꞌujbiyetyob. Machꞌan tiꞌ quisni i chꞌujbiñetyob.
14229	PSA 22:9	Mi yʌlob: Tiꞌ chꞌujbi lac Yum chaꞌan mi quej i bej cotyan. Laꞌ i cotyan wale iliyi, laꞌ i col loqꞌuel ti wocol mi chʌncol i pꞌuntyan, cheꞌob.
14231	PSA 22:11	Ti a lotyoyon cheꞌ ñac ti chꞌocꞌʌyon. C Dioset cꞌʌlʌ cheꞌ ñac cʌñʌtyʌbilon tyo tic ñaꞌ.
14237	PSA 22:17	Miꞌ joyoñob simaron bʌ winicob cheꞌ bajcheꞌ tsꞌiꞌ. Tiꞌ jecꞌboñob j cꞌʌb yicꞌot coc.
14410	PSA 34:3	Ti pejtyel c pusicꞌal mic mulan c bej sub i ñuclel lac Yum. Cꞌajacña i yoj mi quej i yubiñob jini pecꞌoꞌ bʌ i pusicꞌal.
14412	PSA 34:5	Tic sajcʌ lac Yum. Ti yubiyon. Tiꞌ lajmisʌbon pejtyel c bʌqꞌuen.
14413	PSA 34:6	Lac Yum tiꞌ jacꞌbeyob jini quixtyañujob. Tsiquil tiꞌ wutyob chaꞌan tijicñayob. Machꞌan ti ajqꞌuiyob ti quisnil.
14414	PSA 34:7	Cheꞌ ñac ti uqꞌuiyob jini pꞌumpꞌuñoꞌ bʌ Lac Yum ti yubibeyob. Tiꞌ cotyʌyob loqꞌuel ti pejtyelel i wocol.
14482	PSA 37:11	Jini utsoꞌ bʌ i pusicꞌal mi quej i yʌqꞌuentyel jini lum. Tijicña mi quej i yubiñob cheꞌ ñʌchꞌʌlob i pusicꞌal.
14494	PSA 37:23	Lac Yum miꞌ tyojꞌisan majlel jini wen bʌ quixtyañu Chaꞌan xucꞌul mi majlel tiꞌ bijlel. Tijicña mi qꞌuejlel ti lac Yum cheꞌ bajcheꞌ miꞌ mel.
14501	PSA 37:30	Tsiquil i ñaꞌtyʌbal jini tyojoꞌ bʌ cheꞌ miꞌ chaꞌlen tꞌan. Tyojʌch i tꞌan.
14506	PSA 37:35	Ti quilʌ juntiquil ñoj simaron bʌ quixtyañu. Tiꞌ chanꞌisʌ i bʌ cheꞌ bajcheꞌ tyeꞌ muꞌ bʌ i colel ti ñoj colem.
14507	PSA 37:36	Qꞌuele awilan, majlemix. Maꞌix chʌc tsiquil. Tic sʌclʌ jini winic, Machꞌan tic tyaja.
14510	PSA 37:39	Tyʌlem ti lac Yum i cotyʌntyelob jini tyojoꞌ bʌ. Lac Yum i pꞌʌtyʌlelobʌch ti yorojlel wocol.
14550	PSA 40:2	Jal tic pijtyʌ c Yum tiꞌ xucꞌtyʌlel c pusicꞌal. Tiꞌ ñʌchꞌtyʌyon. Ti yubibeyon c tꞌan.
14551	PSA 40:3	Tiꞌ locꞌsʌyon cheꞌ bajcheꞌ ti aban baꞌ bʌbʌqꞌuen mic jilel ti tyam bʌ ocꞌlel. Tiꞌ waꞌchocoyon ti pam xajolel. Tiꞌ xucꞌchocoyon ti xʌmbal.
14552	PSA 40:4	Ti yʌqꞌueyon tsijiꞌ bʌ cꞌay Chaꞌan j cꞌʌyiben i ñuclel lac Dios. Cabʌl c piꞌʌlob mi quej i qꞌuelob. Mi quej i bʌcꞌñañob lac Yum. Mi quej i chꞌujbiñob.
14553	PSA 40:5	Tijicña jini quixtyañu muꞌ bʌ i chꞌujbin lac Yum tiꞌ pusicꞌal. Machꞌan miꞌ tsʌclen majlel jini muꞌ bʌ i chanꞌisan i bʌ, muꞌ bʌ i cʌyob jini melel bʌ tꞌan.
14556	PSA 40:8	Tic subeyet: Tyalon, choꞌon. Tsꞌijbubil chaꞌañon ti a jun:
14558	PSA 40:10	Tic subu jini wen bʌ tꞌan baꞌ muchꞌquibilob cabʌl quixtyañujob. C Yum, mic wen sub a tꞌan. Wen a wujil maꞌ mʌcʌl c tiꞌ.
14559	PSA 40:11	Tic tsictisʌyet baꞌ miꞌ muchꞌquiñob i bʌ. Machꞌan tic mucuyet tiꞌ tyojlelob. Tic jamʌl subu chaꞌan xucꞌulet. Weñʌch maꞌ chaꞌlen cotyaya. Cabʌlʌch i yutslel a pusicꞌal. Melelʌch a tꞌan.
14561	PSA 40:13	Ti wen ocꞌʌ wocol tic tyojlel. Jini c mul ti yʌcꞌʌyon ti wocol. Mach cujilix chʌ bʌ yom c chaꞌlen. Más on c mul ti tsicol bajcheꞌ i tsutsel c jol. Tsitsiña c pusicꞌal ti caj.
14649	PSA 46:7	Ti ñoj michꞌʌyob yumʌlob ti mulawil. Ti chilbentiyob i yumintyel. Tyoj bʌcꞌñʌjel jini añoꞌ bʌ ti mulawil Cheꞌ ñac tiꞌ chaꞌle tꞌan Dios.
14726	PSA 51:3	Dios, pꞌuntyañon chaꞌan cabʌl i yutslel a pusicꞌal. Tic ñusʌbeyet a mandar. Ñusʌbeñon c mul como wen a wujil pꞌuntyaya.
14729	PSA 51:6	Tij contrajiyet a bajñel cheꞌ ñac tic chaꞌle jini leco bʌ ti a tyojlel. Cheꞌ jini ti cʌcꞌʌ ti tsictiyel tyojʌch a tꞌan. Weñʌch maꞌ chaꞌlen melojel.
14733	PSA 51:10	Ti a xulbon c bʌquel yubil. Laꞌ lajmicon chaꞌan mi cubin cꞌajacña bʌ coj.
14744	PSA 51:21	Cheꞌ jini tijicña mi quej a qꞌuel tsʌnsʌbil bʌ a majtyan cheꞌ tyojʌch lojon c pusicꞌal. Tijicña mi quej a qꞌuel cotyol bʌ ofrenda yicꞌot pulem bʌ. Cheꞌ jini mi quej i yʌqꞌueñetyob tsʌnsʌbil bʌ tyat wacax yaꞌ ti yajnib pulem bʌ a majtyan.
15078	PSA 73:3	Tic lolon mulʌbe i wenlel jini muꞌ bʌ i chanꞌisañob i bʌ Cheꞌ ñac ti quilʌ chʌncol i wen ocꞌan chʌ bʌ an i chaꞌan jini simaroñoꞌ bʌ.
15085	PSA 73:10	Jini i chaꞌañoꞌ bʌ Dios miꞌ lolon chꞌujbibeñob i tꞌan jini simaroñoꞌ bʌ. Tsijcꞌ cheꞌob i pusicꞌal. Miꞌ lolon jacꞌbeñob i tꞌan cheꞌ bajcheꞌ miꞌ japob jaꞌ cheꞌ tyʌquin i tiꞌ.
15088	PSA 73:13	Ti cʌlʌ lolon jach chʌncol j cʌñʌtyan c pusicꞌal. Lolon jach mij cʌñʌtyan c bʌ chaꞌan mi cajñel ti sʌc.
15090	PSA 73:15	Tsaꞌic c yoque subeyob a chaꞌañoꞌ bʌ chʌ bʌ tic lolon ñaꞌtyʌ tic pusicꞌal Tiꞌ sʌtyʌyob i bijlel chaꞌan ti caj c tꞌan.
15094	PSA 73:19	Ti ora jach mi jilelob. Mi waꞌ tyʌlel jini bʌbʌqꞌuen tyac bʌ.
15096	PSA 73:21	Cheꞌ ñac tic chꞌʌmbe i sujmlel, ñoj chꞌʌjyem ti cubi. Tic chaꞌle pensal.
15097	PSA 73:22	Ti queji c ñaꞌtyan lajalon bajcheꞌ tonto bʌ quixtyañu. Lajalon ti a tyojlel bajcheꞌ animal machꞌʌ baꞌan i ñaꞌtyʌbal.
15099	PSA 73:24	Mi quej a bej tyojꞌisañon majlel ti a tꞌan cheꞌ wʌ tyo añon ti mulawil. Ti wiꞌil mi quej a pʌyon majlel ti a panchan am bʌ i ñuclel.
15103	PSA 73:28	Pero joñon mic tyaj c wenlel cheꞌ mic lʌqꞌuet c Dios Tsaꞌix c xucꞌchoco c bʌ ti jatyet Chaꞌan chꞌujbi c sub pejtyelel a melbal.
15450	PSA 90:7	Como jisʌbiloñix lojon chaꞌan ti a michꞌlel. Tsitsiñayon lojon ti bʌqꞌuen chaꞌan a michꞌlel.
15451	PSA 90:8	Tsaꞌix a qꞌuelbeyon lojon c mul. Tsaꞌix a tsictisʌ jini mucul bʌ lojon c mul chaꞌan a bajñel qꞌuel.
15468	PSA 91:8	Ti a wut mi quej a qꞌuel i xotꞌob jini simaroñoꞌ bʌ jini tsaꞌ bʌ i ñiqꞌui chaꞌleyob.
15525	PSA 95:5	I chaꞌañʌch jini colem jaꞌ, como jini tiꞌ mele. Tiꞌ mele jini lum tiꞌ pꞌʌtyʌlel.
15530	PSA 95:10	Cꞌʌlʌ cuarenta jabil cꞌux ti cubi tic pusicꞌal ti caj bajcheꞌ tiꞌ chaꞌleyob. Ti cʌlʌ: Cabʌl miꞌ tyajob i ñajiyel tyac jini quixtyañujob. Mach i cʌñʌyob c bijlel, choꞌon.
15591	PSA 102:4	Tyomocña miꞌ sʌc jilel j qꞌuin tyac cheꞌ bajcheꞌ butsꞌ. Chʌncol i lejmel c bʌquel yubil, cheꞌ bajcheꞌ xutyuntyeꞌ chʌncol bʌ i pulel.
15592	PSA 102:5	Cꞌun pañimil mi cubin. Tsaꞌix wen tyʌqui c pusicꞌal cheꞌ bajcheꞌ tyʌquin bʌ jam. Mach bej comox uchꞌel ti caj i chꞌʌjyemlel c pusicꞌal.
15593	PSA 102:6	Maꞌañix c bʌcꞌtyal. Tyojo bac jachix, ti caj cabʌl c pensal.
15596	PSA 102:9	Ti jujumpꞌej qꞌuin miꞌ wajleñoñob jini j contrajob. Miꞌ tꞌojtiꞌiñoñob jini muꞌ bʌ i michꞌ qꞌueloñob.
15598	PSA 102:11	Chaꞌan ti caj wen michꞌet, Ti a tyejcheyon, ti a chaꞌ chocoyon jubel.
15599	PSA 102:12	Ora jach mi ñumel j qꞌuin tyac. Mi tyamꞌan axñal tic pusicꞌal yubil, cheꞌ bajcheꞌ mi tyamꞌan ti ochꞌan qꞌuin. Ti tyʌquiyon cheꞌ bajcheꞌ mi tyʌquin jam.
15603	PSA 102:16	Ti caj maꞌ pꞌuntyan Sión, jini mach bʌ i chaꞌañobic Dios mi quejel i bʌcꞌñañob i cꞌabaꞌ lac Yum. Ti pejtyelel jini yumʌlob ti mulawil mi quej i bʌcꞌñañetyob chaꞌan ti caj a ñuclel.
15608	PSA 102:21	Tsaꞌix yubibeyob i ʌjʌcñiyel jini cʌchʌloꞌ bʌ yubil, Tsaꞌix i ñaꞌtyʌ i yʌcꞌob ti libre jini chʌncol bʌ i sajtyelob.
15611	PSA 102:24	Lac Yum tiꞌ jisʌ c pꞌʌtyʌlel ti xin bij yubil, Tiꞌ comꞌisʌbeyon j qꞌuin tyac.
15612	PSA 102:25	Tic sube: C Dios, mach a pʌyon majlel cheꞌ max tyo ñoxoñix. Cuxulet ti pejtyelel ora. Junlajalet tiꞌ tyojlel calobilob, quijob yicꞌot i yijob quijob cꞌʌlʌ ti beleꞌ ora.
15613	PSA 102:26	Ti ñoj oniyix ti a waꞌchoco jini mulawil. Jini chan i melbalʌch a cꞌʌb.
15623	PSA 103:7	Tiꞌ pʌsꞌe Moisés chʌ bʌ chʌncol i ñaꞌtyan tiꞌ pusicꞌal. Tiꞌ pʌsꞌeyob israelob i chaꞌlibal.
15627	PSA 103:11	Como cabʌlʌch i yutslel i pusicꞌal cheꞌ bajcheꞌ i chañʌlel panchan Tiꞌ tyojlel jini muꞌ bʌ i bʌcꞌñañob.
15638	PSA 103:22	Chꞌujutisan lac Yum ti pejtyelel i melbal, Ti jujumpꞌej lum am bʌ tiꞌ wenta, Laꞌ c chꞌujutisan c Yum ti pejtyelel c pusicꞌal.
15938	PSA 118:1	Subenla wocox i yʌlʌ lac Yum, como ñoj wen lac Yum. Ti beleꞌ ora an i yutslel i pusicꞌal.
15939	PSA 118:2	Laꞌ i yʌlob jini israelob: Ti pejtyelel ora an i yutslel i pusicꞌal lac Yum, cheꞌob.
15940	PSA 118:3	Laꞌ i yʌlob i jiñʌjlelob Aarón: Ti pejtyelel ora an i yutslel i pusicꞌal lac Yum, cheꞌob.
15941	PSA 118:4	Laꞌ i yʌlob jini muꞌ bʌ i chꞌujutisañob lac Yum: Ti pejtyelel ora an i yutslel i pusicꞌal lac Yum, cheꞌob.
15942	PSA 118:5	Cheꞌ ñac ti cubi wocol tic pejcʌ lac Yum, Tiꞌ jacꞌbeyon, ti yʌcꞌʌyon ti cojlel.
15947	PSA 118:10	Jini simaroñoꞌ bʌ ti jujumpꞌej pañimil tiꞌ joyoyoñob. Tiꞌ cꞌabaꞌ lac Yum mi quejel c ganariñob. Wocox i yʌlʌ lac Yum muꞌ bʌ i cotyañonla.
15948	PSA 118:11	Tiꞌ joyoyoñob. Melel, joyolon i chaꞌañob. Pero tic ganariyob tiꞌ cꞌabaꞌ lac Yum.
15949	PSA 118:12	Jomjomñayob tic tꞌejl cheꞌ bajcheꞌ i ñaꞌ chab, Colel i pulon cheꞌ bajcheꞌ chꞌix muꞌ bʌ ti lejmel tic joytyʌlel Tiꞌ cꞌabaꞌ c Yum tic ganariyob.
15956	PSA 118:19	Jambeñon i puertajlel Templo yaꞌ baꞌ mi yochelob jini tyojoꞌ bʌ, Chaꞌan mi cochel cʌqꞌuen wocox i yʌlʌ lac Yum.
15958	PSA 118:21	Mic subeñet wocox a wʌlʌ como ti a jacꞌbeyon. Ti ochiyet ti Ajcotyaya c chaꞌan.
15960	PSA 118:23	Jiñʌch i chaꞌlibal lac Yum. Tyoj bʌcꞌñʌjel mi laj qꞌuel jini tsaꞌ bʌ i chaꞌle.
15964	PSA 118:27	Jiñʌch Dios lac Yum. Ti yʌcꞌʌ i sʌclel mulawil ti lac pusicꞌal. Cʌchʌla ti chꞌajan tsʌnsʌbil bʌ i majtyan Dios yaꞌ ti yajnib i majtyan.
15966	PSA 118:29	Subenla wocox i yʌlʌ lac Yum, como ñoj wen lac Yum. Ti pejtyelel ora an i yutslel i pusicꞌal.
16151	PSA 121:2	Yaꞌ tyʌlem j cotyʌntyel ti lac Yum Tsaꞌ bʌ i mele panchan yicꞌot mulawil.
16218	PSA 131:2	Pero tsaꞌix c ñʌchꞌchoco c pusicꞌal ti jatyet. Tijicñayoñix cheꞌ bajcheꞌ alʌl mach bʌ bej yomox i chuꞌ. Ñʌchꞌʌlix c pusicꞌal.
16247	PSA 135:4	Como lac Yum ti yajcʌ Jacob chaꞌan i chaꞌan bʌ como cheꞌ yom i pusicꞌal, Ti yajcʌ israelob chaꞌan mi yochel ti i chaꞌan bʌ.
16251	PSA 135:8	Tiꞌ jisʌ jini ascuñʌl bʌ ti jujumpꞌej otyot añoꞌ bʌ ti Egipto. Yicꞌot ñaxan bʌ i yal alʌqꞌuil.
16252	PSA 135:9	Tiꞌ pʌsʌ seña tyac yicꞌot ñuc tyac bʌ i chaꞌlibal yaꞌ ti Egipto, Tiꞌ contra Faraón yicꞌot pejtyelel egiptojob.
16253	PSA 135:10	Tiꞌ jisʌ cabʌl pañimil tyac yicꞌot i yumʌlob añoꞌ bʌ cabʌl i wersajlel i tꞌan.
16261	PSA 135:18	Lajalob jini winicob muꞌ bʌ i melob. Ti pejtyelel muꞌ bʌ i chꞌujbiñob junlajalob yicꞌot.
16300	PSA 138:1	Ti pejtyelel c pusicꞌal mic subeñet wocox a wʌlʌ, c Yum. Mij cꞌʌybeñet a ñuclel yaꞌ tiꞌ tyojlel jini muꞌ bʌ i chꞌujutisañob dios tyeꞌ tyac.